عمران: هاهي قدامك أ خالتي.. انا: كحححح كححح كحح.. خالتي: اوى اختي كفما كتعرفوا حنا ولينا عائلة وحدة وخيرنا ميديه غيرنا..جينا طالبين وراغبين يد بنتك منال لولدي عمران.. ماما: ءءء.. انا: كححح كحح كحح.. عمران: نتي شربي الما.. انا بهمس: واش بصح هاذ شي لي جالسة تقولوا خالتي ولا غير كنتخيل كحح كحح.. عمران: خالتي واخا نوض انا ومنال الباركون نهضروا شوية!! ماما: اييه واخة سيروا.. *نضت وقفت وهو تبعني..دخلنا الباركون وهو يسدوا ودار الخامية.. عمران: هااا حصلتي دابا غتخلصي القديم والجديد.. انا: خلينا من هاذ شي وفهمني داك شي لي واقع لداخل واش بصح ءء بصح بغيتي تخطبني انا ؟؟؟ عمران: اييه بصح أ لالة..داك شي لي قلتي هانا طبقتوا باقا شي حاجة اخرى!! انا بفرحة: نااري يا عمران ممصدقاش كنبغيك كنبغيييك.. عمران: ولكن بلاتي راه انا مخاصم معاك.. انا: علااش؟ *صرفقني بشوية ولصقني معاه من بعد.. عمران: وااا اسبوع ونتي حارماني منك راه توحشتك بزاااف.. انا: اممم مزياان هاذ القضية غنبقى دايراها حتى نتزوجوا عاد يمكن ليك تبوسني حيث هاذ شي حرام..وطلق مني دابا.. *قرب مني وباسني في فمي.. عمران: حرام !!! الله يسمح لينا اش غندير ضروري.. *بدا كيقرب مني ثاني ودفعتوا.. انا: ولاا صافي بوسة وحدة برااكة..وزييد خلينا نخرجوا دابا يشوفونا حشومة.. عمران: واخا مغنبقاش نبوسك في فمك ولكن تسناي. انا: أش؟؟ *هز ايديا بجوج وجلس كيبوس فيهم..طيح عليا الضيم خخ قربت ليه وشديت ليه حتى انا ايدوا وبستها..مسح ليا على شعري وباسني فوق راسي.. أنا: شتي أي حاجة زوينة كاينة فحياتي ولات بسبابك..معمرك تخلى عليا ولا انا غنتخلى عليك. عمران: اخخخ يا مناال.. *جرني وعنقني وزييير.. عمران: مغتمشي حتى طيري ليا العقل كنبغييييك كثر ما تصوري.. *بعدت وشديت ليه فايدوا.. انا: يالاه خرج وقول ليهم بلي انا موافقة وبغيتك.. عمران: ههه خاصك نتي لي تقوليها.. انا: لا كنحشم.. عمران: ههه واخة زيدي زيدي.. *فتحت الباب وخرجت وهو تابعني مشيت جلست وهو جا جلس جنبي وشد فيدي.. عمران: صافي هي موافقة وحنا كنبغوا بعضياتنا وبغينا نتزوجوا.. انا: حتى نتخطبوا ومن بعدها نتزوجوا إن شاء الله. عمران: لا اليوم نتخطبوا وغدا نتزوجوا.. انا: عمراان!!! لا زربة على صلاح. عمران:شوفوا هاهما الخواتم اليوم نتخطبوا والاسبوع الجاي نديروا العقد وتمشي معايا وهما غيوجدوا العرس ونرجعو حنا من بعد ونديروه. انا: على فين غنمشوا ؟؟ عمران: ندوزوا شهر العسل. انا: ولكن شهر العسل حتى من ورا العرس!! عمران: لا نديروه حنا من ورا العقد عاد نرجعوا من شهر العسل ونديروا العرس. انا: ولكن راه مغتجيش. عمران: لا غتجي وصافي كلمتي هي لي غتكون. انا: واخة وقرايتي؟؟ عمران: اش بغيتي شي قراية مغادي يخصك حتى شي خير معايا. انا: شوف غنكمل قرايتي ولا بلاش منك نتا گاع. عمران: صافي واخة هاذ العام غير خليه يدوز حتى العام الجاي. انا: واخة انشاء الله. عمران: شحال غنولدوا؟؟ انا: جوج بنيتة ووليد. عمران: شناهوو جوج!! لا انا بغييت كثر. انا: اوى راك مزوج غير بامرآة ماشي بماكينة. عمران: المهم لي جاب الله وقولي ليا شكون غيسميهم؟ انا: طبعا انا. عمران: وانا؟؟ انا: اوى نتا لي غادي تعصر عليهم وتولدهم ها !!! شفتي إذن لي ولدهم هو لي غادي يسميهم. عمران: راهم ولادي حتى انا سمي نتي البنت وانا نسمي الولد. انا: صافي واخا تافقنا. انا وعمران: اوى نتوما أش قلتوا؟؟ (ماشي معاكم مع واليدينا هه).. ماما: اوى نتوما راكم تزوجتوا وولدتوا وسميتو اش بقى عندنا حنا منقولوا.. الكل: ههههههههههه.. ***طبعا داز كلشي بيخير وتزوجت بحبيبي الاستاذ عمران ودابا عندنا ولد سميتو حمزة وبنت سميتها نسرين وعايشين بسعادة ~النهاااااااااية~ !! ❤ ماتانساوش تعطيونا رأيكم تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM