التلميدة و الأستاذ الجزء 16 ماقبل الأخير ( النهاية من بعد 500 لايك طاكيو صحابكم باش نكمل ليكم ليلة ) مشيت فتحت الباب وانا نلقاه هو والاستاذة..حاطة يديها على صدروا وهو ايديه فوق كتفها بحال لا بغا يبعدها وداك شي لي دار ملي شافني بعدها وتم جاي جهتي..سديت الباب برااااخ وهودت خرجت فحالي وانا معصبة..يالاه بغيت نخرج من باب الجردة وانا نسمع عمران ورايا.. عمران: منال وقفي خليني نوصلك..منااااال... *مشيت فحالي بلاما نتلفت وهو خليتوا ورايا شوية وهو يوقف عليا بطموبيلتوا..خرج وجا عندي.. عمران: منال زيدي ركبي. انا: مبغيتش.. عمران: مناال قلت ليك زيدي تركبييي.. انا: وانا قلت ليك مبغيتش سير عند حبيبة القلب ديالك باش توجدوا الفطور بجوح يالاه يالاااه سيير.. *جرني من يدي ودفعني دخلني اللوطو.. انا: مبغيتكش توصلني غير سير تفرق عليا.. عمران:مناال بلاما تعصبيني لي شافك ايقول شفتيني انا وياها فالفراش.. انا: هاا إذن اش كتسنى سيير أ خويا نعس معاها وولد معاها وتزوج بيها وولدوا وليدات صافي انا راه ساعتي سالات واقلة.. عمران: منااااااال 😠😠.. انا: اووف مناال منااال راه عييت صافي قول شي حاجة متبقاش تعيط عليا غير بسميتي برر ليا داك شي لي شفت يالاااه 😒.. عمران: ما بيني وبينها والو راه هي جات عندي ثاني وبدات تلوى عليا كيف شي حنش. انا: لكنتي كتفلى عليا أ عمران قولها ليا باش نمشي فحالي ونخليك تكمل حياتك عادية صافي راه مكاين حتى شي مشكل غير قولها 😔.. عمران: ونااااااري ياربي تصبرني واش بغيتيني نخلي دار بوك ولا شنو !! راه كنبغيييك غير نتي فهميها ودخليها هنااا (ضربني في عقلي بصبعوا).. *بقيت ساكتة وشوية ونطقت.. انا: لكنتي كتبغبني غادي تبت ليا هاذ شي. عمران: شنو نوض نغوت ونقول الناس بلي هاذ البنت كنبغيها. انا: لا ماشي بالهدرة ثبت ليا بالفعل واش ناوي تبقى علاقتنا غير هكذا صافي! أصلا من نهار اللول عقت بيك وعرفتك بلي انتا مناويش المعقول بغيتي غير دوز بيا الوقت وصافي.. عمران: بغيييت نعرف شكوون قال ليك هاذ الهدرة😠..راه كنبغييك وكنتسنى غير الفرصة باش نجي نخطبك ونتزوجوا في أقرب وقت ممكن انشاء الله.. انا: من الآن وصاعدا متقربش ليا.. عمران: اش كتعني واش نهو علاقتنا هاذ شي بلاما تحلمي بيه وااخة!! انا: لا ماشي هاكا متقربش ليا زعمة متبقاش تبوسني ولا حتى تسلم عليا بالوجه ولا حتى اليدين.. عمران: وعلااش؟ • انا: كيفما كتسمع ناوي المعقول راك الدار كتعرفها من الآن وصاعدا متبقاش تقرب ليا واش كتسمع! عمران: غادي نعاود ونكرر كنبغيييك وواخة لي بغيتيه هو لي غادي يكون. انا: كنتمنى ونزيدك ولكنتي فعلا كتبغيني مبغيتش ديك خطيبتك القديمة تكون معاك فنفس الدار وااخة. عمران: اهااا.. *خدم الوطو وزاد..وصلنا الدريبة وفتحت الباب داللوطو ومشيت خرجت....داز أسبوع ونص وعمرنا هضرنا..صافي كفما توقعت كلشي كذوب هو مكيبغينيش كفما انا كنبغيه باينة..تلاحيت فوق ناموسيتي وبديت كنتغبن..كفاش عندير دابا باش نساه الله ياربي اش داني نبغيييه ونثيقوا الله ياخدك فيه الحق تفوو..*ضربت راسي مع المخدة وجلست كندعي عليه..كذااااب هو مزال باغي الاستاذة وكيتفلى عليا انا 😭😭😭...شوية وهو يوصلني مساج..هزيت التيلي لقيتو من عند عمران وكاتب.. : كنبغيييييك وتوحشتك بزااف.. جاوبتوا : سييير يا الكذاب سييير.. *صونا عليا وجاوبت.. انا: أش بغيتييي هووووف؟ عمران: اولا حتى نتلاقاو ونتفاهموا على ديك كلمة اووف ودابا يالاااه نوضي حلي عليا الباب.. انا: عمران سيير الله يهذيك صافي تفرق عليا الله يرحم باااك. عمران: واش بغيتي تخلي خالتك وبابا مساكن واقفين قدام الباب حشومة راه نتي لي الله يهديك ونوضي حلي الباب. أنا: انا ميقيتش كنصدقك الكذاب كنكرهك.. عمران: حتى نتلاقاو ونتفاهموا على هاذ الكلام وااخة ودابا صافي أنا غندق.. *داااق داااق دااااق.. ماما: مناال نوضي شوفي شكوون؟ *لحت التيلي ومشين كنجري باش نحل الباب وحالتي حالة...فتحتوا وانا نلقاه هو وخالتي وباه.. انا: ءءء.. *جات ماما طلت.. ماما: اهلاا هلاا نهار كبير هذا تفضلوا.. *دخلوا وسلمت عليهم وبقا غير عمران..تلفت نسد الباب وهو يتلاح عليا من اللور وباسني بزربة..درت ولقيتوا مشى تابع ماما ومو وباه جهة الصالة.. انا: تفوو على گنس.. *مشيت دخلت لبيتي وجمعت شعري ودرت شوية الريحة وعكير ومشيت خرجت جلست حداهم..ملي جلست وهو خاضيني ومبتاسم..حشمني بحالة عمروا شاف فيا گاع..ناضت ماما ومشيت تبعتها الكوزينة..وجدنا الgوكتي للناس ومشينا حطيناه وتجمعوا..ملقات ماما فين تجلسني غير جنب عمران..مشيت دخلت جنبوا وجلست وهو كيفرنس..بداو كياكلوا وكيجمعوا وانا غير صامتة..كنت بديت ناكل فالحلوة ونشرب في اتاي حتى سمعت.. خالتي: اوى قال ليك عمران بغا يخطب و.. *قبل متكملها وحلت ليا وبديت نكحب..سيييير الله ياخد فيك الحق يا الكذاب يا المنافق كذبتي عليا وناوي تمشي تخطب ديك العقروشة 😭😭 الله يغبرك نتا وياها انشاء الله.. عمران: بشوية عليك شربي الما.. *وحط يدوا فوق ضهري وانا نبعد.. ماما: اوى مبرووك اولدي وشكون هاذي ؟ يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM