التلميدة و الأستاذ الجزء 15 ( تتمة من بعد 500 لايك طاكيو صحابكم يعاونوكم عليها ) ﺩﻭﺯﺕ ﺍﻟﺤﺼﺺ ﺩﻳﺎﻟﻲ وأنا فرحانة ﻭﺧﺮﺣﺖ ﻣﻊ ﺍﻟﺴﺘﺔ وأنا نتصدم لقيت ﺧﻮﻳﺎ واقف حدا الكلية كيتسناني أو شنو باغي حتا جاي ليا *** عمران : اوفف شتي خويا فين واقف ..كان عمران بغا يوصلني مي خسااارة..مشيت عند خويا وسلمت عليه ...خويا علاش جيتي ليا جاتني غريبة فهد: توحشتك الجنية طلعي ...وركبت معاه ووصلنا الدار...داز شهر على علاقتي بعمران..مكاين حتى شي جديد مفاهمين وكلشي الحمدالله.. عاوني حتى دخلت المواد دياولي وكيراجع معايا مرة مرة..آه خويا وختو تكاتبوا ومن هنا لأسبوع كاين العرس...واليوم صباح جديد ( الاحد نهار العرس ) داني خويا انا والعروسة عند الكوافورة ومشى فحالو..المهم دخلنا والبنات داروا بينا..جلست فوق الكرسي وصايبت ليا الكوافورة مكياج ثقيل ومشطة خفيفة ولبست تكشطيتي فاللون الازرق المكلي وصباطي عالي حتى هو فاللون الزرق وهزيت بوشيطتي ومشيت بديت ناخد في السلفيات انا والعروسة هه..سالينا وسمعت بلي عمران هو لي غيجي يدينا وانا لي كنت مخططة ميشوفني حتى نمشي الاوطيل ويبدا العرس..بغيت نشوف ردت الفعل ديالو ملي يشوفني مبوگصة بزااف ههه هزيت واحد الزيف وغطيت بيه وجهي و سلمت على البنات وتميت خارجة شادة في خولة وهي شادة فيا..وحادرا راسي خخ زعما حشمانة لي شافني اقول انا هي العروسة غير هزيت عينيا فيه وانا نحل فمي واواواواو ناااري شحال طلع زوين وضارب تحسينة جديدة والكومبلي وااااااو..شاف فيا انا وختوا بتعجب..معرف شكون العروسة واقلة مع بجوجنا مغطيين وجاهنا..ركبنا وشدينا الطريق..وصلنا قدام الاوطيل في كاين العرس..سهلنا الامور على خويا غير يسالي كلشي يهز عروستو ويطلع الشومبر خاص بالعرسان اممم انا كنعاود ليكم حتى كنسمع في طووووووط طوووووط ههه..هودنا من اللوطو ودخلنا الاوطيل..كلشي متول ومقاد..طلعت مع العروسة الشومبر عند النگافة باش تلبس وعاودت خرجت.. • *درت تعديلات بساط على وجهي وهودت لتحت عند ماما لقيتها مسكينة مفاتنة غير مع السرباية..كان الليل والعرس بدا..بقيت كندور وفما كنشوف عمران فشي قنت كنغبر...داز نص من العرس وانا مخشية وسط ولاد وبنات العائلة.. عرقت من وسط هاذ الناس كاملين..هزيت بوشيطتي ومشيت دخلت الحمام باش نشوف واش مزال باقي المكياج مقاد..زدت عكير ورشيت ريحة..جيت خارجة وانا نحس بشي يد جراتني ايييه هو لي فبالكم شكون من غيروا طبعا عمران..دورني عندو حتى جا فمي في عنقو بعدت شوية وهبطت راسي..هزو ليا وبدينا كنشوفو فبعضياتنا.. عمران: فين كنتي مخبية عليا هاد الزين كامل أ حبيبتي ( وباسني في حنكي ).. انا: بشوية اتخسر ليا المكياج ههه.. عمران: اممم جيتي غزااالة.. *داز الحنك الثاني و عاود باسو و انا غير حشمانة.. عمران: يالاه سيري سبقيني وتبتي الارض متبقايش تنقزي وسط بنادم .. *خليتو و تميت غاديا كنضحك..دخلت القاعة ثاني وهو ورايا..جا قرب ليا وقال.. عمران: اجي جلسي جنبي.. انا: واخة. *مشيت سبقتوا وجلست فوق الكرسي وحتى هو جا جلس جنبي..داز العرس وفما كنبغي نوض نشطح هو كيحبسني..تفوو على زمر كيعصب..نضت مرة شطحت جا وقف جنبي قال ليا والووو سيري جلسي العرس مخلط هخخ..المهم تصورنا ونشطنا وسالا العرس .....داز اسبوع.....خويا ومرتوا مشاو يدوزوا شهر العسل وانا من الجامعة الدار وعلاقتي مزيانة مع عمران...اليوم السبت..جالسة مسرحة فوق ناموسيتي وكنبقشش فالتيلي..ملقيت ميدار صونيت لعمران مع من الصباح وانا كنصوني ليه مكيجوبنيش.. انا: الو!!! عمران: حبيبتي ؟؟ ساڤا؟ انا: الحمدالله وانتا؟ عمران: حتى انا !! انا: علاش مجاوبتينيش قبيلة؟ عمران: والله مشفت التيلي..المهم كنت بغيت نقول ليك بلي سناء (الاستاذة) كاينة عندنا.. انا: وأش جات دير عندكم ؟ عمران: راه هي صديقة ماما المهم قلتها ليك غير باش متقوليش ليا علاش خبيتيها عليا..وراه غاديا تبقى معانا يومين.. انا: يومين!!! وعلااش؟ عمران: كتصلح فدارها وتاصلت بماما ومرداتهاش فوجهها فقالت ليها مرحبا بيك..منال يالاه باااي خاصني نقضي واحد الغراض ضروري اوكي!! كنبغيييك وقطع عليا قبل منجاوبوا..حسيت براسي تزيرت ومشيت تلاحيت فوق ناموسيتي..درت مخدة فوق راسي وبقيت شي ساعة بحال هكذاك وانا الله هو لي عالم بيا..نضت بزربة لبست سروال دجينز وبودي طويل وهزيت تلفوني وخرجت بلاما نقول شي حاجة ل ماما..كانت 7:30 تاع العشية..داوني رجليا لعند دار عمران..معرفتش كفاش حتى وصلت لهنايا..وقفت قدام باب الدار وترددت واش ندق او لا..جمعت انفاسي ودقيت..فتحت ليا الخدامة الباب.. الخدامة: اهلاا.. انا: سلام واش كاينة خالتي والاستاذ عمران؟ الخدامة: آه هما فالكوزينة كيطيبو. انا: كيطيبو!!! اوكي شكرا انا غنمشي عندهم.. *مشيت جهة الكوزينة وفتحت الباب..كانت خالتي وعمران وديك العقروشة كيطيبو كاملين.. خالتي: اهلاا اهلاا نهار كبير هذا أ بنتي منال. *سلمت عليا وانا كنشوف غير فعمران لي باينة عليه فرحان كثر من القياس.. انا: الله يبارك فيك أ خالتي. خالتي: واش ماماك على برا؟؟ انا: هاا لا صراحة جيت غير بوحدي .. بما اني كنقرا عند الاستاذ عمران فمحتاجاه يوريني شي حاجة.. العقروشة: ولكن شفتك مهازة معاك حتى شي كتاب. *درت ليها ابتسامة صفرة.. انا: داك شي فعقلي جيت غير باش نسولوا. عمران: احمم اوكي اجي معايا البيرو. انا: واخة أ أستاذ.. *مشى وانا تبعتوا..اش غنقول ليه دابا صافي وحلت يخخ..وصلنا وسد الباب من ورانا..شاف فيا وضحك.. عمران: اش جابك؟ انا: ءء والو غير كنت دايزة من هنا وقلت نجي نشوفك. *قرب مني.. عمران: اممم واش كنتي خارجة ديري؟ انا: كنت عند صاحبتي وفاء. عمران: ههه راني عايق بيك..غرتي غرتي أ شعيبية يااك ههه.. انا: خلينا من هاذ الهدرة اش كنتي جالس كدير فالكوزينة نتا وياها؟ عمران: ياك شفتينا كنا كنطيبو. انا: ومن امتى وليتي كطيب ؟ عمران: ههههه.. انا: غتبقى غير تفرنس هاذ النهار ولا شنو ؟ صافي انا غنمشي فحالي حسن ليا.. *جيت خارجة وهو يجرني.. عمران: من نيتك أ منال هههه خليك تعشاي معانا ومنها نيت دوقي طيابي ههه.. انا: لا بلاما نبرزطكم. عمران: مناااااال !!! انا: اووف صافي اوكي.. *باسني ففمي.. عمران: متبقايش تقولي اووف. *تلاحيت عليه عنقتوا.. انا: نتا كتبغيني غير انا بوحدي يااك؟ عمران: لا كنبغيك نتي وفاطمة وحياة اش هاذ السؤال طبعا كنبغيك غير انتي بوحدك ههه يخليلي لي كيغير.. انا: انا مغرتش المهم خلينا نهودوا. *طلقت منو ومشيت سبقتوا..درت راسي غاديا وهي تقول ليا خالتي جلسي تعشاي معانا..هي هاذيك وافقت ومشيت جلست فالصالة معاها مما وجدوا الطبلة..وجد العشا ومشينا تجمعنا عليه وهما كيجمعوا وكيضحكوا وانا بوحدي كنتسمم.. سالينا العشاء مع 10 نسيت ماما اليوم تخرجني فالجورنال.. • اووه تعطلت بزااف...خالتي: ياك غدا انشاء الله غير الاحد إذن جلسي باتي معانا. انا: مكاين لاش أ خالتي. خالتي: لوااه راكي وحدة من العائلة..تاصلي ب ماماك وقوليها ليها.. *جاتني من الجنة والناس..نبات نيت حاضية هاذ العقروشة لي بانت ليا معاجبها حال.. انا: معرفتش.. عمران: غير باتي اصلا الوقت متأخر غدا مع الصباح نوصلك. انا: واخة غنعطيك نتي أ خالتي تهدري مع ماما. خالتي: واخا صافي. *شديت النمرة وهدرت معاها خالتي ووافقت الحمدالله.. خالتي: اوى صافي ملي تسالو سيروا تنعسوا.. *نضت جمعت الطبلة انا والعقروشة..دايرين سباق شكون غادي يجمع اللول.. عمران: غير خلو كلشي الخدامة تجي تجمع غير سيروا تنعسوا. العقروشة: اوكي مي فين غنعس انا ؟ عمران: سيري نعسي في بيت خولة رله خاوي. انا: وأنا؟؟ عمران: ءء نعسي في بيت الضياف.. *اييييه قيد عندك اوليدي قيد..والله لبقات فيك هي تنعس في بيت خولة مرح وزيين وانا فبيت الضياف واااخة أسيدي وااخة.. *خليتهم ومشيت طلعت الفوق دخلت داك بيت الضياف..عصبني قدامها يخخخ..حيدت سروالي د الدجين وبقيت بداك البودي لي لابسة طويل..جمعت شعري ودخلت الحمام توضيت صليت المغرب والعشا وتكيت..بقييت شحال كنبقشش فالتيلي كيف ديما وحطيتوا..يالاه تغطيت وبغيت نعس سمعت الباب تحل وتشعل الضو.. عمران بهمس: مناال!! انا: عمران!! أ مالك اش خاصك ؟ عمران: خاصاني نتي. *جا تخشى حدايا وتغطا.. انا: واش ضاربك حمار الليل ولا شنو ؟؟ وثاني حاجة انا مخاصمة معاك سير بعد مني.. *ودخلت راسي تحت من المانطة.. عمران: ونااري حيث عطيتك بيت الضياف!! اوى صافي نوضي نعسي معايا فالبيت. انا: كون تحشم. عمران: هي نعس حداك!! انا: ولااا نوض سير فحالك. عمران: وغيير شوية ونمشي وتلفتي عندي مالكي عاطياني بالظهر. *تلفت عندوا وعريت على راسي.. هود عندي حتى هو دار يدوا من ورا عنقي.. عمران: نتي قربي عندي مالكي خايفة؟ انا: نوض سير فحالك قبل منديروا شي حاجة فالحرام. عمران: والله ممقرب ليك بالله غير اجي.. *حطيت راسي فوق صدروا وغمضت عينيا..بقى كيلعب ليا فشعري وكيدندن..داني النعاس وحسيت بيه بغا ينوض..باسني فوق راسي وناض.. عمران: تصبحي على خير أ برهيشتي.. انا: امممم بوون نوي.. عمران: كنبغييييك.. انا: امممم.. *خرج وانا كملت نعاسي..صباح الحال نضت گاع مرفوعة وضهري ضارني..الله ياربي النعسة فوق هاذ الكاتري متبغيهاش لعدوك منعرف واش هاذي لحافة ولا غير شي حجرة مغطينها...قديت أغراصي ولبست ونضت خرجت كانت التسعة ونص دالصباح..قبل نمشي نترگ عمران...مشيت فتحت الباب وانا نلقاه هو والاستاذة..حاطة يديها على صدروا وهو ايديه فوق كتفها .. يتبع... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM