صعوبات الحياة #الجزء_13 ( التتمة من بعد 350.لايك طاكيو الأصدقاء توعكم يعاونوكم عليها . جميعا من أجل إرجاع صفحة سكفندري للقمة 😜) يالله بغيت نحط راسي على المخدة وأنا نقول مع راسي هاذشي لي كادير معايا هاذ البنت ماشي طبيعي زعما مزال الخير في البلاد ياكما يكونو عارفين شيحاحة عليا هي وباها وكيدروا هادشي بلعاني باش يقتلوني ولا شيحاحة دورتها مع راسي مزيان وأنا نقول لا ماكين والو من هاذشي تكيت باش نعس واتقول واش بغا يجبني نعاس شي حاجة واقعة وممهنيانيش ما فهمت والو يله داني النعاس وبديت تنحلم بشي حاجة مضلمة مدورة وكبيرة بحال ضبابة وعندها ايدين طوال تتبعني وسط واحد الخلا وكتشير عليا بالجناوة و انا كامل دم واحدالوقت شداتني ويله بغات دبحني وهيا توضني ماجدة فقت مخلوع و تنغوت ماجدة : مالك احماد شنو واقع ليك انا : بديت كنهج لا والوا غير حلمة خايبة و صف ماجدة : نوض نوض تاكل شوية و يالله نخرجو تبدل الجو شوية حيث كتبان ليا هاز هم كثير وهو لي مسبب ليك هاذشي لا والله مكاينا منين دخل النعمة ولا عندي الخاطر لخريج بيتك غير توصليني للحبس بيت نشوف الاب تاعي ضاروري خاصني نعاود ليه شنو وقع خاصو يعرف كلشي ماجدة : هيا لولة يالله نوض زربينا مشيت ركبت معاها فطموبيل وصلاتني بقات هيا فطموبيل كتسناني و انا نزلت توحشت الحبس و ناس لي فيه و الاب تاعي مي معندي ما ندير دخلت تيقلبو من باب لباب وكيسولوني عدمن جاي قلت ليه الاسم قاليا مكين حتا واحد بهاد سمية واحد لي كان بهاذ الإسم خرج لبارح فاش قالها معرفت واش نفرح ولا نتصدم تخلطو ليا المشاعير وماعرفت ماندير خرجت و تنفكر فين نقدر نلقا الوليد فين امكن اكون يالله بيت نطلع ف طموبيل ونا نسمع شي واحد تيعيط وتيصفر من اللور فاش درت لقيتو واحد البوليسي هاز شي لعبة فيديه وقال ليا نتا هوا ولد فلان اه هوا راه خلا ليا هادي وكال ليا نعطيها ليك إلى جيتي سولتي عليه . شكرا ليكمعرفتيش فين نقدر نلقاه ماقال ليك والو لا هادشي لي عطاني . شكرا أسيدي . اش غيكون في هاد جوا عاود تاني محليتوش درتو فجيبي بلا متشوفو ماجدة و تبقا تسول فيا تقد تكون فيه شي حاجة سرية ولا منعرف طلعت لطموبيل و هيا تبدا تسول شتك دغيا رجعتي شنو قال ليك هداك وشنو قال ليك باك عاوت ليها البلان من غير القدية تاع الجوا ما بقبت فاهم والوا فين غيكون هاد الوليد كلت ليها ديني الدار بغيت نرتاح راه دارني راسي مشات مسكينة ديريكت الدار كلت ليها غير طلعي نتي انا غنشوف شي حاجة دب بلا من نبرزطك بديت كنصدر فيها حسيت بيها فحال لا تقلقات مي معندي مندير دخلت الدار وسديت عليا الباب مشيت واحد لكوان ونا نجبد داك الجوا من جيبي حليتو و كون غير محليووش داكشي لي شفت تيقطع القلب داكشي كيخلع فيه تصاور تاع هادوك كاملين لي عطاني تصاورهم من قبل مقتولين بطلقة لراس وحتا بات مجدة ما فهمت والوا و ريقة وكاينة واحد الوريقة مكتوب فيها واحد العنوان طلعت ديركت عند ماجدة عيطت ليها ماجدة وهي تجي عندي بغيت نسولها على باها باش نتأكد من هادشي ماجدة : مالك كتغوت ياك لباس خلعتيني لا والو باس بغيت غير نسولك على باك واش كاين . ماجدة :علاش شنو بيتيه غير بيتو يخدمني لا كانت خدمة حيث محتاج لفلوس ماجدة : لا ماكينش من البارح ما جا لدار ايكون مسافر . ديك ساعة عرفت بلي داكشي لي وقع بصح ولاكن معرفت اش ندير فديك اللحضة واش نفرح ولا نتأطر بقات فيا ماجدة وخا دار لعائلتي هادشي كامل بقا فيا قلت ليها صف تايجي اماجدة دخلت الدار او هزيت داك الجوا و تميت خارج مع حطيت رجلي فلباب وهي توقف عليا ماجدة وبدات تتسول فيا فين غادي نتا بلا بيا بغيت نمشي معاك ؟ لا لا بلا مانبرزطك معايا انا غادي غير هنا دغيا غادي نجي ومن نبعد نخرج أنا وياك .لسقات فيا بحال الدري الصغير ولكن صدرتها بزز عاد تفكيت منها اوفف وحلة مع هاذي حتا هي خرجت لشارع او شديت طاكسي دغيا وأنا غير كفكر شنو زعما يكون في داك العنوان لي خلا ليا وبديت كنوجد في الأسئلة لي خاصني نطرح على الأب ديالي في حالة لقيتو حيث مزال شي ؤومور ما وضحاش ليا خاصها توضاح بصفة كبيرة او هاد نهار . شحال من حاجة مزال مشوشاني بقيت ساهي حتا قال ليا مول الطاكسي فين غادي اولدي ؟ عطيتو الورقة لي فيها العنوان او داني ليها ديريكت وصلت خلصتو ونزلت تنشوف لبلاصة كي دايرة هاذ البلاصة فشكل زوينة و كلها غير فيلات ديال الناس الهاي كلاس أنا عمري وصلت لهنا بقيت تنقلب على عنوان الدار حتا وصلت لواحد الفيلا هادي هيا نفس رقم الدار لي عندي دقيت بشوية مخرج ليا حد بديت تندق بجهد هيا تخرج مع شفتها تصدمت لما طاح ليا فركابي والله ما بقيت كاد ندوي كيفاش هاذي هنا اش تدير هادي هنا واش تنحلم ولا كيفاش...يتبع التتمة من بعد 350 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM