صعوبات الحياة #الجزء12 ( التتمة من بعد 340 لايك طاكيو الأصدقاء توعكم يعاونوكم ) شوية وهي توقف الطومبيل حدا البحر نزلات وجراتني وأنا غير غادي عقلي كعما معايا شادة ليا فيدي وجراني بحال الدري الصغير حتا وصلنا قدام البحر وهيا تقول ليا ماجدة: شتي هادشي لي واقع ليك نتا انا وقع ليا كتر منو ودرت كتر من هادشي لي درتي نتا تصور حاولت نتاحر كتر من خمسة ديال المرات وكل مرة تنحاول فيها الله متيبغيش يدي روحي تخايل شفت الموت كتر من خمسة ديال المرات و تخايل يموت باك و الام تاعك قدام عينيك ومقادر دير والو و تعيش مع عائلة غير مربياك تخايل معايا هادشي مخصكش تبكي ولا تفكر تنتاحر خصك تقصح قلبك و اي حاجة وقفات قدامك تحاول تجاوزها او متخلي حتا حاجة تغلب عليك راك وليتي راجل تبارك الله مخصك تبكي على حتا حاجة واخا تكون كبيرة دابا نتا ماوقع ليك والو ومزال عندك أمل تلقا عائلتك ودابا خاصك تقلب على واليديك وختك و تحاول تقرب منهم وتجمعهم وتنسا الماضي وتبدا من جديد واش فهمتي مع سالات هدرتها بلا منحس تلاحيت عليها و عنقتها بجهد ماشي لخاطري شي حاجة فلداخل ديالي هيا لي خلاتني نتلاح عليها و نعنقها وخا يالله ليوم باش عرفتها. معرفتش كيفاش قدرات فدقيقة ترسم واحد لبسمة فوجهي وتخليني نريح الاعصاب ديالي وتعطيني أمل في الحياة ما بقيت فاهم والوا حق رب شوية من شفت بلي كترت من التعناق رخيتها وهي غير كتبتاسم وقلت ليها انا غنمشي لدار او من بعد غادي نمشي لحبس لي فيه الاب تاعي نستفسر على هادشي ماجدة : واخا يله نوصلك ركبت معاها فطموبيل باش توصلني لدار معا داخلت للحومة تفكرت داكشي لي داز عليا شداتني الزمتة ما بقيتش قاد نتنفس قلت ليها خرجيي من هنا ماجدة : ياك بيتي تمشي لدارك شنو وقع ليك صف بلاش غنمشي نكلس غير فلوطيل هاد ليام ما بقيتش حامل ديك دار عندي فيها ماضي كحل حسن بلاش اصلا عدبتك معايا بزاااف غير سمحي ليا ماجدة : واش من نيتك دب تدوي باغي تمشي لوطيل وحنا عندنا دار غي خاوية لا لا والله بيت نمشي غير الاوطيل منقدش نتقل عليكم سمحي ليا ماجدة : والله تتمشي صافي حلفت بغيتي نصوم 3 يام دارت داكشي لي فراسها او وصلاتني لدارهم ماشي دار هادي بارطمة كبيرة طلعات بقيت تنتسناها فلتحت حتا نزلات او هازة شي سوارة فيديها حلات بيهم دار التحتانية وكالت ليا دخل مابيتش فلول شحال وأنا متردد عاد دخلت حشمان منها حق رب تدير معايا هادشي كامل ويله عرفاتني غير ليوم بلا منحس سولتها علاش تديري معايا هادشي كامل ماجدة : بيتي تعرف احماد اه بغيت نعرف و كيفاش حتا عرفتي سميتي ماجدة : انا كنت ديجا قريت معاك في الرابع وكنت تنبغيك _ أو كيفاش قريتي معايا ونتي كتباني كبيرة واش بصح كدوي ولا كتقولي هاذ الهدرة باش تفاجي عليا ماجدة : خليني نكمل كلامي نهار شفتك فطريق فرحت بزاااف حيت شفتك من بعد سنوات وكنت حتا في ليسي لي قريتي فيه كنت مفاوجة معاك وكنضن عمرك شفتيني وديما كنجيب خبارك ومن نهار وقع ليك داك المشكل فليسي وأنا كنقلب عليك حيث كنبغيك احماد وخا كلشي مكانش تيحملك انا كنت تنبغيك او فيما تنشوف بنادم تيضحكو عليك كنت تندافع عليك وبالنسبة لعمر ديالي هو 14 عام مي هاذا ماشي هو العمر الحقيقي تاعي حيث ممتورخاش بقيت مصدوم مفهمت والوا فديك اللحضة قلت ليها كيفاش تتبغيني وانا لي متيحملني حد فهاد دنيا كلشي كان تيسبني وكيتجاهلني وحتا حد مكان تيرضا يمشي معايا فطريق ماجدة : حماد متديهاش فبنادم هوما هكاك ونا بغيتك حيت شخصيتك قوية او متيهمك حد كان من غير قرايتك ولاكن من دخلات ديك البنت تبدل كلشي وهيا سبابك حتا ضيعتي مستقبلك ولاكن فيها خير والله معرفت فديك اللحضة منكول بقيت غير ساكت و مزنك اول مرة شي بنت تدوي معايا فحال هكا فحياتي كاملة تاحد مكان تيهدر معايا من غير ديك المتوحشة في صفة البراءة ( لي وهماتني بلي هيا الام تاعي ) حقدت عليها لدرجة كبيرة كون كانت مزال دب عايشة كنت نقدر ندير فيها شي فضيحة وندخل عليها للحبس بقيت نفكر شنو ندير و فهاد اللحضة تفكرة الوليد ضروري خاصني نكول ليه هادشي لي وقع ضروري خاصو يعرف هادشي كامل هوا لي غيكول ليا شنو ندير كون غير ما خرجتش من الحبس او بقيت فيه كنت عايش فلامان كدا الاب تاعي ولاكن الدنيا هاكدا دايرة ماجدة : دب نخليك ترتاح و قتما حتاجيتيني عيط عليا فدرج نزل عندك انا غير لفوق صف انا : صف نيت مدكدك من البارح منعست مشات وبديت كنفكر في هاذ الإنسانة لي جابها ليا الله يالله بغيت نحط راسي على المخدة... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM