_ومر فصل الخريف! و آتى فصل الشتاء بالعواصفه و برده ، و حال العائلة القباج متعايشة مع الايام ، اليوم هو احسن يوم من أيام الاسبوع للمسلمين والمغاربة ، يوم فيه الفياق بكري بالذهب مشري ، و سعدات لي توضا و ستحم و تزين و المسجد قاصد و النسا للدارها نظفت و للمطبخ دخلت و صلاتها ادت ، هدا كان كلام الوازنة وهيا تتسبح جالسة فالكرسي حدا اسماء تتفور طعام اسماء : ( تتبعد وجها من بخار ) احح سخوون الوازنة: بشوية عليك ابنتي ! اسماء : ( بتسمت ) اااه هاد اليدين شحال تحرقو ليا اخالتي كنت نخدم بلا عقل هههه الوازنة : اوا الصغر بنادم تيعطي الجهد ابنتي اسماء : ( مسحت يديها جراتها خارجين من كوزينة ) داكشي ماكان .. ...ونيستها ، الوازنة ولو كل مرة تتجلس عند اولادها ايام الا راحتها تتلقاها مع نبيل، هو الا تعطلت عليه تيمشي يجيبها ، وجد الطعام و القرآن مطلوق فدار نزلو تحت جالسين و شعلت صوفاج يتدفاو حتى سمعت سوارت فالباب و الغوات عرفاتو جا ...مع دخلة رمى ديك شكارة وهيا توقف ليه كي العسكري اسماء : حيد صباطك ايوسف يوسف: ( حيدو داخل تيجري جلس حدا وازنة تيدفى ) البرد الميمة البرد ! الوازنة: ( طبطب عليه ) اوا وقتو الحبيب ..دخلت نعمة طافي ضو فوجها ماعاجبها حال مع دراسة و موراها زكريا لي دائما مهدن ، جلسو كلها شاد تلفونو فانتظار الحاج نبيل .. يوسف: كالك الالة ! اسماء : ( ضرباتو بمخدة صغيرة ) نوووض تكعد عليا ماتكولي مانكولك ! هضرتك باسلة عارفها يوسف: ( باصرار ) آ والله تنكول ليك ! ( شد تفلون تيقرا ) كالك لي زوجات راجلها عندها قصر فالجنة الوازنة : اوا لاواه الحبيب يوسف: ( نزا راسو تيضحك معها ) نتي دزتي فضو الميمة! آبا سيدي كان تيبغيك زكريا: آهنينا اصاحبي يوسف: ( تجاهلو) دبا الميمة لا ابا سيدي لا عمامي تواحد ما ( بفراغ المعنى) اااه ؟ زعما شي تنقنيقة ؟! الوازنة: آاسماء ابنتي! وذن ظهر ؟ اسماء : عااد اخالتي ( شافت فيه ) ماغاديش تسكت ؟ يوسف: ( تكسل تيتفوه ) اومي الحبيبة اسماء: الباسل يوسف: اعشقكي يا امي ! فين عمي نوصير و مرات عمي مايجيوش يتغداو؟ الوازنة ؛ عندهم ضياف ! وحنا ولد عمك مغيث ايجي يتغدا يوسف : مرحبا بيهم ! اسوم نوضي غرفي ليا واش انا نجلس مع الفقهة اسماء : ( تتبرد و تهدن ) طعام تيتاكل فالجماعة نعمة : ماما عطيني دوليبران اسماء : شدك راس تاني !؟ نوضي تكاي راكي تتشربي دوا بزاف ، خلي غير تغداي نعمة: واكوليه يسكت يوسف: (خبطها بضربة تا غواتات ) عاودي اش قلتي اقضيب الخيزران ؟ نعمة : وااشوووفي اماما دبا هدا ( هزت تلفونها ضرباتو بيه ) يلاه شد يوسف: ( شد تلفون رد لها ضربة و ناض عندها ) تتضربي ! هااا ؟ تتضربي ؟ اليوووم نوريك نعمة : ( تتاركل و ضرب و تغوت ) طلق مني الهبيل يوسف: ( نتفها ) انا نوريك الهبيل ..شد انت نشد انا ! ريكاطة ناضت ، اسماء تتغوت و تتفك و زكريا كدالك! الغوات زاد و صداع فالدار تا دخل نبيل معاه امير و ضرب فداك مشهد لي غالبا حفضو نبيل: لا مزيان تبارك الله ! يوسف: ( وقف هاز يديه مستسلم ) جمعة مباركة الواليد نعمة : ( بغوات ) هضر معاه ابابااا ماتيحشمش ضربني يوسف: نتي شيرتي عليا بالتلفون اسماء : ( تتنهد ) امير مرحبا بيك اولدي امير : ( بابتسامة ) ترحب بيك جنة ( قبل وازنة ) الميمة توحشتك الوازنة: اياه الحبيب الله يرضي عليك ، وفين مراتك اوليدي ؟ امير: خدامة الميمة ! تتخرج حتى ربعة الوازنة : اوا يخليو لها حقها امير : ( قبل راسها ) الله يخليك لينا الميمة _تهدن الجو ! و تجمعو على طبلة و يوسف غير تيضحك و يطنز ، اسماء فكوزينة فوق تتسربي طعام و نبيل واقف جنبها يهزها عليها نبيل : شربتي الدوا ؟ اسماء : شربتو ! ماكاينش لي مطلع ليا طونسيون قد يوسف وذنيا تيسوطو نبيل: ماشابه فالغريب اموعوينات اسماء: ( عوجات فمها ) اه ولدي بوحدي ! نبيل : لا ولدنا بجوج ! ( هز كصعة ) الله يعطيك الصحة ...الطعام خاصو جماعة ! ولكن مع اولاد نبيل كلها تيغني بغناه ، نعمة تتاكل بطاطا و طعام و يوسف تياكل الخضرا و طرف الخبز حداه، الطبيعي هو امير و زكريا لي تيتناولو كولشي ، تغداو كملو و حطت لهم صينية اتاي ، نعمة مشات ليسي و امير توكل لله للعيادة ديالو و نبيل طلع ينعس شوية زكريا: نوض تكعد ماقاريش ؟! يوسف: لا خدام ! انا خدااام ، ( لبس جاكيتو ) زكريا: ارا ماضرب اولدي عامين نت تصلي فهاد ليسطيا يوسف: عاودها لمك.. ..خرجو من الباب واقفين تيشوفو ليمن و ليسر و شتا تتنقط ! حتى تيفتح الباب فيلا جنبهم خرجت منو البنت صغيرة تبعاتها بنت فسن مراهقة بجوجهم لابسين حجاب و طويل و طابليات بيوض شافة فيهم و نزلو راسهم خارجين زكريا: تبقى تفرج !؟ يوسف: تااا إمتى ؟ كفاش هاد ؟ اااه ؟ تاادوي ؟ زكريا: ( زاد خلاه تابعو و مدور وجهو ) زيد اصاحبي هادو جيرانا جداد يوسف : ( وجهو تيشوف فالبنت و تيجاوب ) داخلت علك بالله ! شووو البنيات عفيفات زكريا: ( دور وجهو سرق شوف ودار ) زيد اصاحبي راه مزال صغار ! مابقيتش تفرق بين صغار و كبار غير تتطحن يوسف: ( بسرعد رد ) آباغي نتزوج اصاحبي! واش هاد برد اتنفعني ملاية زكريا: اها وصيف !؟ يوسف: نح___ويها فالبحر ...زكريا طلع ليه فراسو بافكارو منحرفة! كمل طريقو شد طاكسي وخلاه تابعهم ، تابعهم حتى كبيرة وصلت صغيرة للمدرسة خصوصية و زادت شي خطوات فنفش شاريع دخلت مؤسسة تعليمية خصوصية ..واضح ان الحالة ميسورة لا فلباسهم لا فمدارسهم ، تم راجع طريق كلها نسى شي حاجة سميتها ليسطا تاوقف على عساس شرا منو كارو يوسف: كفاش قواالبك انت ؟ عساس : ولد الحاج شريتي كارو وشريه لا يوقف علينا اباك يوسف: اايييااه كاينة ! وكولي شكون الغاشي لي سكن جديد ؟ عساس: هداك راه كان فماليزيا مسمين عليه داعية ولا شي للعبة بحال هاكا ! تيعطي دين و الموعظة يوسف: ( حرك اصابعو بمعنة فلوس ) دور معاك !؟ عساس: ( شاف فيه مطول ) انت عمرك عطتيني !؟ يوسف : راه انا فايتك غير بالصبر و العاطي الله! شنو سميت بناتو !؟ ديك لي تتقرا فالليسي حدا فرمسيان ؟ ياك مراتك تتخدم ميناج تما عساس: ( هز كاسكيطة تيحك راسو ) و هو فالحقيقة نت هو عساس عارف صغيرة و كبيرة ! اش نكول لك ؟ سميتها شي حاجة فيها الحا ولا الها والله مانكذب عليك يوسف : ( زطم على كارو ) تهلا العموم ! الا خاصك شي للعبة فضو انا هنا عساس: الله يحفظك اولد الحاج ....داك الشخص لي من بعيد تيبان ليك تيهضر بوحدو و يضحك بوحدو و يدير حركات لا ارادية بوحدو ، راه هو يوسف، مستحيل يبقى بوحدو هو مهدن ، طريق كاملة عقلو تيسب و يلعن فهاد القراية ، و لي مجننو اكثر هو فاروق لي تيقرا تحت حراستو ، كمل طريق على رجليه و دخل يقرا و منين تيدخل القسم تيضرب الطم ، متبع درس لانه بساطة تيبغي الدومين ديالو، حاجة وحدة معذباه هيا البنات وشعورات و لاطاي ، ها طويلة ها قصيرة ها بيضة ها سمرة ، شاد راسو مزيان من صيف ضرب على ساحة الق***اب من نهار عرف قضية فيها مرض و سحور جمع راسو ، كملت حصة و خرج شد طاكسي وأراك ضحك و تكركير مع شيفور .. يوسف: اااه المدونة ؟ مابقاتش شيفور : مازالة على مقودين علينا اولدي يوسف: دبا الععموم لي مزوج ماممرتاح ؟ لي ديال راسو ممرتاح ؟ كفاش هاد ستون ؟ شيفور: افاش تتحرار العيشة و تبقى تشم ريحة بصلة كثر من ريحة راه دبانتك تتزنزن اوا فاش تتقوي روايح و القصاير تتوحس البصلة تاني ! يوسف: ( تيشرح بيديه ) دبا هو نهار بصلة نهار ريحة شيفور: االا ! صباح بصلة و ليل ريحة يوسف : ( تيهضر و تيشوف حتى لمحها هو يوقف ) وووقف اعمي وقف ! ريحتي جات ...خلا شيفزر تيضحك ، خلصو ونزل تيقاد شكارة فضهور و تبعها ، داكرة عندو مع بشر ناضية ، نفس البنت لابسة كسيوة طويلة و شال حجابي نازل و طبلية تتمشى و عينيها فارض هو تابعها تيشكرها مع راسو، حتى دخلت واحد درب وقفت تتلعب برجليها هو يوقف عليها ولد ماد ليها كتاب ، بقى واقف تيشوف بلان ، ماقدر يفرز واش تيقرا معاها ولا تيعرفها ولا صاحبها ...من لاخر ضروو راسو، دورها فراسو مع افكارو هبيلة هو يوقف عليها يوسف: اش تديري نتي هنا ؟ ...تتشوف فيه مصدمة الولد بقى واقف طبيعي ! ماقدرت تجاوب و الولد تينتظرها تكلم يوسف: (؛مخنزر ) آمعاك هضرت ؟ كولي عاوتاني شكون انت ؟ ديري راسك ماتتعرفينيش ؟ _بنت حالة فمها من صدمة ! هو تيشوف ولد شكرها ز نسحب وقف يوسف تابعو بعينيه تا دار عندها يوسف: صحيبك هدا !؟ بنت جاوبات بصوت رقيق أنثوي ضعيف _تتعرفني !؟ يوسف: جاركم ! يلاه نكري ؟ _ماتنعرفكش ! ولو تكون جارنا ماتيعنيش توقفني هكا ؟ يوسف: ( طلعها هبطها تترعد بخوف ) انا راه اتعرف اباك ! ونتبرى فيه ..بدات تدمع و تبكي ! من نهار رجعو مغرب هيا فرحانة ، كان عند اباها بعقة ماليزية اضظرو يمشيو معاه، اول يوم تخرج لوحدها بسبب شيفور ماكاينش ، طاحت فمشكل ، تتسمح دموعها هو مقنثها _تتحط عليا الباطل !؟ يوسف: ( تينعث بيديه ) داركم بقات فجهة ليمن ! و مدرستك فجهة ليسر ! ااااش جابك لسونطر واقفة ليا مع بنادم !؟ اجي شنو سميتك ؟ : هالة ! يوسف: كفاش هادشي عاوتاني !؟ ياك باك مغربي !؟ هالة : ( تتمسح دموعها ) بغيت نمشي يوسف : آسيري و برب نعاود لقاك فشي قنت تنوريك مشات ماتتشوفش وراها !! الكتاب ماشي ليها لاختها الكبيرة و شخص هو صديق ختها ! تورطت فمشهد كان يوصل اخبار اباها بسبب جارهم ! غادة تتمسح دموعها هو تابعها ، تادخلها الدار ورجع قلب دورة يمشي قهوة يقاد دماغ و يقصر مع رجال فسن نبيل ماعندوش مع لي صغر منو ديما مرافق الناس الكبار ، طلب قهوة ومقصر كارطة يوسف : العموم ربحتك ! اليوم ماشي فالفورما ***: اودي شمن فورها ! قضية غلات يوسف: ماطيشة تاني دارت عشرة دراهم ***: بحال لي علمك الله ! _نهار تتكره تخرج زنقة ! تتكره طل من شرجم ، عارف راسك مراقب و مهدد ، وفين ما خرجتي تلقى مراقب قدامك !و تتراجع ، هدا هو حال هالة مع يوسف ، جاب رقتها و الفيس بوك ديالها، اجبرها تعطيه رقم سري ديالو و الواتساب داير لها تجسس ، مقنطها فحياتها ، نهار تعارض تيهددها باباها و الباطل ، هكدا مرت الايام و شهور و مرت الايام الامتحانات لي كانت من نصيب نعمة و حسام الاهم فعائلة و تكللت بنجاح مميز ! حل الصيف و العطلة و بهدا يكون عام من زواج امير و نور ...من داخل العيادة طبية بظبظ فغرفة السوان لابس توني الخاص بيه فاخصر و لابس كمامة نفس للون جالي على كرسي تيفحص اسنان الطفلة و المساعدة ديالو جنبو امير: نو ! مااتخاافيش ( تيتاكد ) حلي شوية طفلة : ( تتزير على يديها ) اممممم امير: امممم ( تكلم مع مساعدة تعطيه أدوات وبدا خدمتو ) كملنااااا طفلة : ( بدموع ) انننن امير : بغافو عليك ! فتح عضي نشوف؟ طفلة : ( عضت ) ..هكدا هو عملو ! متقن ليه و بشوش فالابتسامة و طيب تعامل ، بعد كل سوان تيغسل يديه ويعمر فلالونس ، هكدا تيدوز نهارو فالخدمة، لمح ساعة لقاها اربعة و دخلت مساعدة : دكتور نحبسو !؟ امير : وي عفاك ! من غدا يكون رومبلاسبون ديالي دكتورة بناني ! مهم راك عارفة خدمتك معاها د : آكيد ادكتور ! امير: ( هز حواجبو فيها ) مدام نور مزال ماجات ؟ : مزال ادكتور ! ..خرجت منزلة راسها و خلاتو تيحك فراسو ، ديما تتعطيه موعد و تخالفو ، اتصل بيها تيرن ويعاد حتى سمع دقى فالباب ودخلت تتضحك نور : تعطلت ههه امير : ( حرك راسو بلاحول ) جاوبي عللى اقل نور: ماسمعتوش ! شنو نبداو ؟ امير : ( حرك لها عينيه كرسي ) يلاه الالة ..مشات جلست هو تيلبس ليكات حاني راسو تيشوف ادوات تاقرب كرسي عندها ولمحها تترعد تاني امير : عاد سوانيت واحد بنية مزال ما عندها حتى عشر سنين ! ونتي تترعدي ، طلقي راسك نور : ( تتغمض عينيها تتدمع ) مااااتنحمللللش هاد سوان ! راه مابقااتش تضرني و الله امير : ( حط يدو على فكها حل فمها ) شوفي تحلي بخاطر ولا نعيط البنت برا تعاوني نور : ( ناضت جالسة ) باغي تشوهني ؟ صافي انا نصبر امير : ( شافها نعست تترعد يلاه هز يديه هيا تغمص عينيها ) آنشوفووو ( بقى تيفحص ) كنت عارفها سوووسة نور: تحيدها !؟ صافي غير غير حيدها امير: نعلي شيطان اش نحيد !؟ ..بصعوبة بدا سوان ! كل مرة تعض صبعو و ولا تسد فمها ! خدمة لي يستغرق فيها ربع ساعة او اقل؟ مع نور شد علاين ساعة ! تا كمل وجلست تتبكي بدموع امير: ( قرب باسها فمها ) وينووو ! قصحتك ؟ نور: ( ناضت تتدفل ) بففف صافي كملت!؟ امير : ( تيغسل يديه ) مزال جوج حصص ! عاوتاني كل حصة نديروها فالعام ! اجي عندي نور:( مشات جلست فوق حجرو هو تيخدم بييسي ) غدا نخرج كونجي ! نور : اتسافر !؟ امير: وي خاصني نحضر واحد فورماسيون ! ( باسها فمها ) تجلسي مع ماماك؟! نور : وي ! قلت لها تجي تجلس معايا مي حشمت امير: ( عنقها مستقبل شفايفها بقبلة ) نتوحشك ! شنو فكرتي ؟ نور: ومازااال آامير ! امير: ( بصوت رجولي منغم ) وقتاش !؟ شوفي شحال تنصبر عليك و داير خاطرك ؟ نور : حتى انا تندير لك بخاطرك احبيبي !؟ امير : ودبا خلينا فهضرتنا ( باسها فمها ) امممم ؟ نور : صافي يدوز صيف نحيد لابيلول امير : اشمن صيف !؟ نور : العام جاي امير : هاد صيف ماعجبكش !؟ نور : ( بضحك ) لا هاد صيف بارد امير : ( نوضها وقف تيلبس حوايجو ) انشاء الله هاد صيف واخر هضرة نور : وكي غادي ندير مع خدمة و قراية لي مزالة ليا؟ خاصني نجلس آامير ؟ امير: ماشي انتي لولى ولا اخيرة انور ! نولدو اولادنا فاش يكبرو كملي عادي نور : وخفت و الله ماقادة على الولاد امير : حتى امتى !؟ ويهديك الله تاني انور ! نور : درنا عامين امير : ماقدرتش ! فكرة تتنعس بيها و تنفيق بيها ، ماشي بوحدك واش عمرني تخليت عليك؟ نور : ( تتفكب ايام تيدابزو ) ماعرفتش امير: ( شاف فيها ماعاجبو حال ) لي بغيتي ! مشينا ؟ ...هيا سكتت هو سكت! ركبو سيارتهم متجهين للفيلا ، نور من نوع خواف ، اي حاجة تتخلعها و تخوفها ، دخل هو مكتب ديالو نفس وقت ديال مغيث ، تيرتاح بالجلسة فيه خصوصا الا مقلق ، هيا غيرت ملابسها دخلت مع خدامة تشوف العشا حتى حطاتو و نادات عليه خرج تعشاو و طلعو بيتهم جبد لافاليز تيجمع حوايجو نور: نعاونك ؟ امير : غير ارتاحي ماعنديش حوايج بزاف ! نور: ترجع قبل ويكاند امير: انشاء الله ! ياك ماخاصك والو ؟ نور : ( بحزن ) الا ! الله يرجعك على خير ..سكت ماجاوبهاش ، خاطرو دارو ! من ديما يرسل لها صور بيبي فتلون فوق ما يشوف شي بيبي ينبها ليه، غير بعد عبد الله خلاه يفكر و يعاود ، دخل بلاصتو هز القرآن قرا بعص الايات و رجع هز تلفون تيشوف جديد حتى سمعها تتكلم نور: انا مانقدرش نولد ! فكرة تتقلني ! امير : ماشي مبرر هدا ! نور: ماتتحسوش بيا ! الا باغي اولاد ... امير : ( سكتها ) نعسي انور الا جيت نجاوبك يكون جوابي هو الاخير ! عمرني نهضر موراه.... يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02