_الايام تمر و تمر ! لي كل شخص يومياته و اشغاله ، فهاد شهور قليلة لي مرت أغلب اخبار العائلة القباج هو نتقال براء لطنجة لي كانت معاه خديجة فيه قلبا و قالبا و فاروق ساعدو بكل ما يمتلك ، و الموضوع تاني هو زواج الاميرة جنى لي لازلت تخطط و تفكر له ! اما الموضوع ثالت فهو زياد ، من داخل كراج لافيراي ، جالس شاعل تلفزة و حاط يدو على حنكو تيتنتظر بداية المباراة ، كأب و كمشجع ليه صعيب عليه يتواجد داخل ميدان لانه تيكون على اعصابو ! طلب قهوة و اتصل بيه كما العادة فكل مباراة ، حط تلفون على اذنو تينتظرو يفتح الخط ! حتى جاوبو زياد: الواليد ! نوصير : اللهم سهل اولدي ! واجد ؟ زياد: ( غمض عينيه بعصبية ) على مولانا ! نخليك .. ..قطع الخط وطفى تلفون حطو فصاك و فتح الخزنة فالفيستيال حطو ، كانو لاعيبية كل واحد واقف فالمكان لي معلق فيه توني ديالو ، الكل قليل الكلام ، فالمباراة على وشك بداية، هنا يقل كلام و فيحل مكانه اللعب محترف !! الكرة قبل كل شيء هيا تربية و نظام و قواعد ، خرجو متاصافين اولهم كابيتان الفريق الذي يكبرهم سنا و خبرة! دخلو تحت اصوات الجماهير ، لحظات بعد مراسم الاعتيادية أطلقت صفارة و بدات مباراة ! الكل تبلعب متبعين تعليمات المدرب ، الأعصاب لا بالنسبة للاعبين ولا مدرب ولا فريق ككل ، للاسف كان الخصم تيضغظ كانت هجمات مرتدة ! و فاخير تسجل هدف ضد فريق زياد ...اعصاب توترت و نظرات تحدت ..الكل محمس و مقاتل للتعديل نتيجة حتى تتسمع صفارة الحكم ضد زياد وقف قاصدو حكم : التزم بالقواعد عندك انذار زياد ! مارضاش ! ماتسرطتش ليه ! خاسر بسسب فرقتو ويزيد يظلمو حكم ! هو ماقاسش الخصم قاس كرة وقف متواجه ليه و عاقدهم تيحيح زياد : سير دير نظاظر انا ماقستوش حكم : ( بعجرفة و تكبر ) احترم راسك !! زياد : ( هز يديه بازعاج ) آش دير كاع!؟ _عطاه جواب مستفز ! الفرقة دخلت تتجر زياد هو تيتهز و يغزت و الخصم واقف تيتفرج ! المدرب تيجدب من بعيد ولكن زياد شدوه الأعصاب! نزل حكم راسو جبد ورقة وقرب عندو واشار بورقة حمرا فوجهو و ررد بالحرف واحد حكم : خرج تربى اولدي راك ناقص تربية ...صحابو شدو زياد عنقوه وهزوه ! عافينو يضربو ! تيتهز و يتتتحط باغي يرجع للحكم يشدو يعطيه ! خرجوه تكنة احتياط و الفريق مختص شدوه تيهدنوه هو تيضرب و يجدب و يغوت و يسب حتى هز قرعة الما ضربها مع ارض و الحكم ماوقفش هنا خرج من الملعب تيطالبو يخرج من الملعب كامل ...الفريق امتتاثل للاوامر و خرجوه ! مجرد دخل الفستيال طلقت صافرة ! دخلو لعيابية فستيال وقفو تيشوفو فيه تيضرب و يهز كراسو يخبط زياد: دلمووووو قاااااصدنيييي ! مااااتيحملنييييش ! الظووووولم هداا !! ماااايعطينيييش حمرااا مدرب: زياد تهدن زياد: انااااا بااااغي مع ربووو اعداااااام ! يلعدلمهاا هاد كرة لي يخلي حماااار يسبني ! منين بدا ماااتش هو خاضيني ( آشار لرفيقو ) انت دلمك ما تتباااسيش ليا كووورة ( تيضرب و يغوت احر جهدو ) علااااااااش- طبيب فريق : آزياد ! تحكم فاعصاابك ! ماوقع والو زياد: عاااااطيني حمرااا ! عدوووووه انا ؟ خاااصناااا سنوات ضوئية باش نكولو عدنا تحكيييم مدرب: العب كرة ! انت داخل تلعب كرة زياد: مااادوزوووش ليا البااااس ! لاعيبين ربعة ربعة ! فالعمق لاعبين لي بغاو مدرب : شغلي هداك معاهم! انت راك تتفقد سيطرة ، تتخرج على راسك تتهري رااسك بيديك رفيقو : انا ماباسيتس ليك كرة؟! شكون لي ماتيشوفش ليمن ؟ زياد : نشوووف فين بغيت سوق مك انت ؟ رفيق اخر : فريق مامكتوبش بسميتك ! باك صاحبي ماشي معنا ..على هاد كلمة ناضت حرب فالفيستيال ! لي جا قدامو تيعطيه ! عياو مايشدو فيه ولكن هرس و دكدك و هز ارض وحطها ، هنا ظلموه ، ماتيعنيش اباه معرفة مدرب راه داخل معرفة ! زياد لاعب موهوب ولكن فاش تيدخل لي يسممك و ينجح تتكون نتيجة هيا حالة زياد حاليا ..زياد: ( وقف دموع نازلين ماحسش بيهم ) تلعبببب حيسسن من لمخيير فقبيلتكم اولد لعروبية مدرب : ( صرخ بصوت عالي ) زياااااااد سالينا ...دخلو باقي فريق تيخويو عليه قراعي ما مثلجين هو تينوض يرعرع و يرجع يجلس ! الفريق خرج جملة تانية و بقاو بعض مختصين مع زياد الاخبار وصلت الرئيس فريق و كما متوقع نوصير وصل ملعب وعطاو اخبار لزياد عاد قدر يلقط انفاسو ..شد فوطة تيمسح وجهو و منزل راسو حاس بحكرة بظلم تا هز راسو فيه نوصير: وقفتي على حدك ؟! زياد: ( صمت ) نوصير: تقدر تخرج !؟ زياد: خاصني ندوز مكتب رئيس نوصير : اها ! زيد نوصلك _اربعة سوايع هما معاه بالمكتب! هضرو معاه ! هدنوووه ! نوروووه ، كثير من النصائح قدمو ليه ، هو شحص عصبي سريع ردة فعل ، من صغرو كابر معاه الأعصاب و ضد ، بعض أوقات تتقول هو هدا الولد مهدن ولكن من لا شيء يمكن يتقلب تسونامي ، اما عن شبه فهو شابه نفسو وعن جينات من صغرو جامع بين الشلحة الحارة و نوصير لي بارد فنفس وقت الا ناض يحرق دوار !! للاسف بطاقة حمراء يتم توقيفو مدة ، هدا شيء تيرهقو نفسيا ولكن هدا يكون درس ليه ، اشكر الرئيس و خرج هو نوصير من مقر ركبو فالسيارة متجهين فطريق نوصير : آفين تشدها ؟ زياد : ( شاد بصبعو بين عينيه ) غير وصلني الواليد شي اوطيل مافيا لي يشوف ولا يسمع شي احد نوصير : ( زفر نفس ) سمعني اصاحبي كل تأخيرة فيها خيرة ! هاد العقوبة شوفها من جهة إيجابية، تهدن و رجع اعصابك و عطيها لونتريمو زياد: ( مغدد ) لي بقى فيا هو بنادم يحشي فيك الهضرة قالك انا داك بالباك صاحبي نوصير : يكوووول تا الصباح آولدي ! اس فيها كاع ؟ ياك انت ركيزة صحيحة فالفريق و هداف و صانع هدف ! و عروض تاتجيك من الفرق ؟ اوا هنا عرف راسك راك معلم و قضية باك صاحبي خليها للطنز انت ماتعرفش دوز امور هاكة ؟ زياد: انا عدوووويااا بنادم يرمي فوجهي لي ماكاينش ، اولاد ***** داخلين ماتش فللعب تقلبو عليا نوصير : ( غير تيتنهد صدرو ضرو ) آولدي ! ازياااد اااا زيااااااد راك غادي تخرج على راسك اصاحبي ، رمي كولشي فالشبكة شي يطيح شي يبقى ! مامرتاحش ؟ اعتزل ! قبل بعروض اخرى زياد: ( حط صباعو على فمو ساكت ) باغي نحقق حلم ديالي مع فرقتي ! نوصير: هبببط كوااريك ! الحكم يظلمني و مانظلموش ! كنتي فصفرا بدقيقة رجعتي بالحمرا و تتسب و تتهرس راه شفتك و دخلتي تتحيح على فرقتك لي فيها 24مكون تقني بلا مدرب ، راه وخ تجيب لهم القاب الا كنتي واحد انسان مريض فالعشرة راه ضد يحطك فالقائمة مغادرة و ينزل لك قيمتك و يضيع كاغيغ ست سنين زياد: تواحد مايعقل عليا! انا عرض من خليج مالعبش واحد وقت كنت باغي فلوس ولكن كرامتك تتمسح و نيفو تيهبط .. نوصير : خليج ولا الخاريج ولا ختى منتخب ؟ داكشي اولدي مع تسير الله ماشي متحان ولا معرفة ! للعب رمي عليك ستريس نتحكم فاعصابي و نبرررد خاسر ولا رابح تتنبقى هاز توني لي هو مسؤولية ...مابغاس يكثر عليه ! عارفو الا زاد نصحو ولا طول هضرة يرجع معاه زيرو ، وصلو الاوطيل و رجع ادراجو ، اما زياد حجز و طلع الغرفة اول حاجة دار دخل دوش طلق خدا دوش دافى و غير تيسوط و يسوط حتى غادي يتفركع ، خرج لاوي فوطة على خصرو و فوطة فيدو تيمسح شعرة و هز تلفون شعلو و ادخل صفحة تابعة الفريق لقى مساندة كبيرة من جمهور قليل من كمنتيرات سلبية ! دخا انسطا تبحث فمساجات اولاد عمو كلهم راسلين ليه ولكن فداخلو تيحس فيه واحد عافية لي صعيب تطفي ، دخل صفحتها لقاها مادخلتش من بارح اخر صورة حطت بوكي فولوغ معاه صوره باسبور و كافي ، تنهد متفكر اخر ليلة كان فيه سكران و تصل بيها 🔙🔙🔙🔙 زياد: ( بصوت ضاحك معسل بسكرة ) ميااا ميغااا اينااااس ايناس : ( نظفت حلقها ) زياد ؟ زياد : شكون غيرو ؟ ايناس: محتاج شي حاجة فهاد وقت ؟ زياد : ( فتح عينيه لقى براء قدامو ) مزال صباح ؟ ايناس : سي زياد: (بصوت مزعج رجولي) هاابي بيرت دااااي بيييبي هابي بيرت داااي...اينااااس ..تيتعصر و يغني و تيسمع ضحك براء! 🔚🔚🔚 سكرة تتخليك هبيل رامي حوايجك هادي اخر حاجة عقل عليها معاها ، من بعد مدة اتصل بيها لكن تكلمت معاه عادي ؛ عارفها ماشي نوع لي تحقد و تبلوكيك ولا تستفزك ! بالعكس تتعامل عادي وتكمل حياتها عادي هدا فحد ذاتو هو بالنسبة ليه قوة وانه عمرها بغاتو ! لبس حوايجو و بعد حرب مع نفسو دوز خط و بعض رنات تفتح الخط ايناس: سييي زياد: ( صمت ) ايناس: ( تنهدات و تكلمت بحب ) ماشي اخر العالم الا خديتي بطاقة حمرا ! تتبقى راجع تنتقم منهم كما عادتك زياد: ( فقط _انفاسو تتسمع ) صمت ايناس: كود لاك زياد زياد: فين راكي ؟! ايناس: ( هزات راسها بحب وإعجاب ) واحد بلاصة زوينة زياد: كفاش تاتجيك بلاصة زوينة بلا بيا !؟ ايناس : الجمال و الحب تايجي من داخل ديالنا من اول ، الا قلبنا زوين اي حاجة تقدر تعجبنا زياد: ( جلس شاد وراء راسو متازم ) عمركي نذمتي انك عرفتي واحك مريض بحالي؟ ايناس: بعض مرات الحياة تعطينا الدروس ! ناخدو منها لي ينفعنا ولي يضرنا الوقت كفيل بيه زياد: ماتخلينيش ! محتاجك ايناس: ( دموع نزلو لها ) عمرك حتاجيتني زياد: تنسكر ليل ونهار باش نشد راسي عليك ايناس: ( بالم ) عمرني ضريتك باش تخاف مني زياد: خايف عليك مني! بغيت نشوفك ايناس: انا فريو دي جانيرو مع لافامي .....كما العادة ! ماقال مريض على راسو حتى راه مريض! قطع الخط تيسب ويلعن كانها زوجتو او ولي امرها! معصب من سفرها و بعدها! جلس تيسوط ، جاي يبرد و يصفي دهنو لقى راسو تائر كثر ..تنهد تيمسج وجهو وقف تيشوف راسو فمرايا ، تيرجع مكالمة لدقيقة حس بالهدوء بالحب بالاشتياق .. زياد : مابيك لا كرة لا قلا___وي بيك كارسيا ( ضرب فقلبو ) هيا لي بييييك ... يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02