_الاحفاد !! احفاد الوازنة هما شاغل و الهم الوحيد للوالديهم ، خديجة نسات لي وقع بعد ما رجع براء و بدأ الخدمة و فاروق عاطيه ملهي فلابريكاد و هيا مع لاجونس فقط وداع رؤيا لي خلا لهم فراغ كبير خصوصا حتى وداع ليالي لي مشات فرنسا خلات بلاصتها ، اما فاروق كل مرة داخل واتساب يشوف سطوريات رؤيا تتحط حفيدتو لي سكنت ليه في قلب...خارج من خدمة عاقدهم و تيشوف ساعتو ! نسخة من فاروق، واخد طباع و نظرات و حدة الكلام! النهار اول فالخدمة قتل المش ، تيخرج سربيسو و السلام عليكم مامضسر عليه احد ولا متكل على احد !! شد طاكسي وعطاه عنوان المؤسسة ! طريق كلها هو تيغزز شفايفو ، كان شكو فمحلو زاد تاكد ! وصل عين مكان و خلص ونزل مربع يديه تينتظرها تخرج !! دقائق هيا خارجة عاقداهم اكثر منو لابسة كيطمة و سبرديلة معاها تلميذ خارجين تاشافاتو نعمة: ريان بسلامة ! ريان: جات ماماك نعمة : ( شافت فيه زدات ..توقفت عندو ) السلام براء: ( هبط راسو تيحك شعرو كتحية ) شكون هداك!؟ نعمة : تيقرا معايا براء: مزيان ! مشينا نعمة: ( شافت ساعة ) خاصني طناش و نص نكون فدار ! براء: ( شافت ساعة ) عدنا ساعة ! زيدي نعمة: ماغادي نزيد فين ! آندخلو لابيبليوطيك نجلسو تما براء : عندك لاكارط نتي انا الا !؟ نعمة : بلاكارط تتطلب داخل ماشي للجردة برا ...شهر هو تابعها على هاد ساعة سبور لي مالعباتش يتلاقاها ، صابر لها و هاز اوامرها ولكن معقول ديالها عدم كذوبها تيشفعو لها عندو ! دخلو المكتبة فرنسية فيها جردة واسعة كبيرة للناس لس بغاو يقراو بالهدوء ...جلسو فطبالي الخشب تما أدخل جاب ليهم قهوة وهيا عصير وجلس قدامها براء: شتك قلبتي عليا !؟ نعمة : امتى رجعتي من تازة ؟! براء: ماجلستش بزاف ! بديت خدمة راكي عارفة هادشي نعمة: عارفة ! ( حققت فيه شوفة ) براء انا ماقادة على مشاكل و يوقع ليا بحال جنى براء: ( دور وجهو تيشرب قهوة ) اهااا ؟! هادشي علاش قالبة عليا ؟ ( قرب لها بنفس سخون لوجها ) تلعبو هنا ؟! نعمة : ( بنبرة قوية وجها فوجهو ) ماغاديش نجيب مشاكل راسي ! يزوجوني تانا ولا يجلسوني من مدرسة براء: لي عاميها ليه يقرب لك ! اجي واحد نقطة نتفاهمو عليها؟ انا نهار قصدتك ؟ راه قصدتك للحلال ونكملو حياتنا بجوج انعمة ! نعمة : لمت يعميها ؟ لبابا ولا عمي فاروق !؟ ( وقفت ) بعدي مني ...وقف شدها من ذراعها بقوة موقفها قدامو و خرج فيها عينيه بجنون براء: افين مسرية !؟ هز صاكها وجرها داخلين جردة فعمقها ، وهيا تتجر معاه، عارف الا خرجها من هنا تحيح و ماتسكتش نعمة: هضر ونزل يديك براء: ( ضرب صاك مع ارض ) كفاش بعد مني !؟ نعمة : ( برود ) كما سمعتي! براء: ( هز يديه باصابعو باشارة تكرار مدور وجهو عاطيها اذنو ) عاودي نسمعها!؟ نعمة : ( قطعت حس ) صمت براء: ( دار تيصرخ وجهاا ) عاااااودي نسمع دلمك !! اااااه !! نبعد منك ؟! نعمة : ( تتسرط فريق ) مااابغيتش مشااكل ابراء! تابعاني قراية براء: ( بجنون وصوت مرتفع تيضرب صدور ) حااااابسك انا !؟ ( تيضرب فعقلووو ) عقلللي كووووولي تنفيق بييييك و نعس بيييييك ! انا معاااااك تتاتوصلي فين بغيتي نعمة : ( شفايفها تيترعدو ) الا عرفو يجري عليييك باباك بحال داك نهار وطاطا اتمرض وانا بابا يضربني ! العائلة تيحسبونا خوت ، ديما تنسمع خوك زياد خوك امير ختك جنى ! ماعرفتش شنو لي خلاني نتبعك فكلامك ابراء ! مانقدرش على غواتهم انا تنفادا صداع باش مايغوتش عليا بابا بحال يوسف و تنحاول ندير ماما خاطرها باش ماتبقاش تكولي نتي ماشي ابنتي بدلوك ليا فطبيب ! عارفاها تضحك ولكن ماتيعجبنيش الحال ، ديما تتقولي شوفي بنات كي تيلبسو و يقادو و يخرجو ونتي الا ! انا هاكا هاجبني حال هاكا ، والا سديت عليا تنحسهم نساوني ، خايفة يدير ليا كما دارو جنى وينوض صداع _انفاسو كانت تتنازل وهو تيسمعها و تيحس بالنبرة حزن بكلامها وقلبها يخرج ! قرب حاط يدو على حنكها تيهدأها براء: شششششت ! نعمة ( قرب حنكها باسها تاغمضت عينيها ) شششش نعمة : (هزت وجها مبعدة ) براااء براء : (بقوة قربها ) فين باغاني نمشي !؟ نخوي ليك مدينة! ترتاحي ؟ نعمة : انا....( هزت فيه عيونها بتردد ) براء: نتي وانا لبعضياتنا انعمة ! نهار يجي الوقت لي يعرفو راه نوقف فوجهم كلهم نتي ماخاصك والو من غير تبغيني و توافقي نعمة : ( نزلت عيونها تتفكر ) علاش انا براء !؟ براء: ربي لي كتبنا لبعضياتنا ! ماشي اليوم ولا البارح سنين انا قلبي معذبني انعمة ! نعمة : انا خايفة والله براء: ( قربها محتضنها ) ماعندك مناش تخافي ! انا فهمتك وغادي نغامر معاك ولو على حساب قلبي ولكن هنا خاصك تواعديني ؟! نعمة : ( بعيون حائرة ) كفاش الوعد ؟! براء: ( مد يديه شد يديها وهزها قبلها ) الوعد لي خالفو فينا عمرو يفرح فحياتو ولا يرتاح الى اليوم الدين ....هربت يديها و بنظرات خوف تترمقو ...خلاتو من جديد يكتسيه غضب والقلق ... _الوعد !! يقاال الحب وعد ، و الوعد دين و الدين لا يسدده الا الرجال ! نزل راسو تيشد نفسو عليها ، قرر يحاورها ! قرر يفهمها ، قرر مايقمعهاش و يجبرها ! هيا قبل قليل خبراتو باهم همومها ، عارف انه فكبرها يرجعو هاد نقط لاشيء اامام المتاعب دنيا ، هو كبر منها داي وجايب فدنيا على أقل الخبرة عليها !! رجع شد يديها ببرفق و ابتسم فوجها ونطق بصوت رجولي بباحة مميزة براء: ماتتيقيش فيا!؟ نعمة : ( قلبت شفايفها بتعجب ) ماعرفتش براء: ( تحسر منها ) من ديما تتحطيها فوجهي ابنت عمي ! سمعي انعمة انا كن كان عندي الشك واااحد فالمية هاد الحب غير دايز ولا ماشي بديك اهمية كن كملت فطريقي و نسيت ، ولكن كل ما بعدت تنرجع ! كلما نسيت غير ماتنزيد نتفكرك ! كل ما تعصبت منك و نفرك تلقى راسي طايح فيك نعمة : ( تتحس بقليها تيضرب ) كفاش هاد الوعد ؟! براء: هدا وعد و تيتعطي بالعهد ! انتعاهدو امام الله ماتكوني لغيري مانكون لغيرك! ( شد يديها مزير عليهم ) ماتفوتيني مانفوتك ! ماتغذريني ماااانغذرك .. نعمة: عمرني آذيت شي احد ! براء: تنهضر عليااا انا وياك !يلعدلمو هاد البشار نعمة : ( تنهدت ) ماعرفتش براء: واعديني انعمة اليوم فهاد للحظة نهار يوصل وقت ونقصد داركم توافقي عليا ! حتى لتما وعدنا تيكمل و يتجدد وعد اخر نعمة: ( حنات راسها ساهية ) شنو حل دبا!؟ براء: ( دوز يديه على عنقهااا ) غادي نشد نتقال من كازا لطنجة ، نبقى نجي نشوف الواليدة والا تلاقينا فمجمع العائلة ماعندي ماندير لك ! اما انا نواعدك مانقرب لك مانخرج فطريقك ولا نتلقاك انعمة ! من اليوم حسبيني ولدك عمك وصفي بالك ونيتك امام والديك وكملي قرايتك ونا معاونك رسلي ليا غير مساج انا فخدمة ! هادشي مقصحني ومرضني و مخليني نسوفري ولكن على ودك نصبر ! نعمة : ( قلبها ضرها ) وطاطا !؟ براء: الله يخليها ليا ! هدا مانقول ، شي مرات الوالدين تيلاقاو راسهم معانا ولو هما ضدنا براء: ( بسط يديه ) شنو قلتي !؟ نعمة : ( شدت فيديه هازت عيونها فيه ) تنواعدك براء: ( تيحس بقلبة تيضرب ) واعديني نهار نقصد داركم توافقي و حتى يوصل داك النهار نبقى فقلبك و تبقاي فقلبي نعمة: ( حركت راسها بهدوء ) انشاء الله براء: ( هز ذقنها ) نعمة تتحسي بشي حاجة معايا ولا غير انا لي تيتشوا هنا !؟ نعمة : ( بنظرات واتقة ) نتا ماشي خويا عمرني حسيتك خويا براء: ( تنهد مبتسم ) شتي وخ تكرهي اصلمي نبقى باغيك وفرحان بيك انك تتحسي بشي حاجة ليا حرك يديهم لي كان مشادين بالوعد ! قرار هو لي مضرور فيه ! هو لي يتحرم من شوفتها ! هو لي الحب ديالو جبرو انه يخوي المدينة ! شدها من يديها خارجين ماعترضتش ، ماهضرتش ، يمكن لانها عارفة راسها تتودعو ، باقي لهم نص ساعة ! تيتمشاو هيا تتحس بقلبها ضارها اما هو فهو يعتصر ! وقف امام محل مجهورات وجرها دخل هيا ترفض براء: تسنايني !؟ نعمة : واخة ..دخل محل تيشوف! استقر على خاتم ذهب رقيق للزواج ، طلب منو يشوفو وعطاه ليه! تلمسو بيدو و نادا عليها ، وقف فعتبة شد يديها قيسو ليها و هيا غير تتخنزر براء: زوين !؟ نعمة : ( شاحت بنظرها ليه ) صافا براء: ( جرها حداه تيختار واحد ليه بنقرة ) شوفي هدا !؟ نعمة : ( تاشوف بائع حنات راسها ) انا سوقي !؟ ..براء بتسم و تفاهم معاه فثمن و كتبو توصيل و عطاهم ليهم ، خارج فرحان ونفس وقت قلب مكلوم براء : ( مد لها خاتمو ) هدا وعدك ليا ! ( هز فوجها خاتمها ) هدا وعدي ليك نعمة : ( شداتو بتوتر ) خاصني نخبعو ؟! ( فتحت صاكادو حطاتو تما ) خاصني نمشي براء: ( حط خاتمها فجيب ) نشد لك طاكسي ! ..الوعد تنفذ من ساعتو ! هو مجرد ولد عمها حاليا بالنسبة ليها ، شد نفسو كأنه تيعض فشوك و يتمشى على جمر ! شاد فيديها بقوة ؛ فرحان بيها وحزين على فراق ! باانت ليه طاكسي اولى و قلب وجهو وهيا تتشوف فيه ...رجع تاني تيشوف فشاريع و جاية طاكسي نزل راسو عاقد حواجبو و حلقو تيحس بيه تيطلع وينزل ..نزلت راسها معاه تادازت طاكسي ...ابستم بمرارة وتكلم بخفوت براء : نعمة !!! نعمة : اممم براء: تهلاي فراسك و خليني فقلبك انعمة ! ماعنديش من غيرك نعمة : ( نزلت راسها تتكبح دموع ) انا واعدتك براء: حتى انا عند وعدي ! نعمة : خاصني نمشي براء: عارف ! عارف الا مشيتي يعلم الله فوقاش نشوفك نعمة : خليها الوقت ! براء: ماعندكش غيري انعمة ياك؟ نعمة : ( حركت راسها بنفي ) لا براء: ماعدناش علاين على بعضياتنا نعمة: ( تتحرك فراسها بموافقة ) امممم ..كانه كان حاس الزمن معاه فهاد الفراق ! غير هز راسو شاف طاكسي اشار لها تاوقفت وفتح الباب ممسك بيديها بقوة ركبها و طلقها بطئ وسد الباب و طل على شيفور معاه فلوس ووصاه وهز راسو فيها اخر مرة ...تامشات براء: ( بالم ) الله لي شايف و عالم .. ..قلب دورة غادي على رجليه ! غادي مع شوقو و عذابو! منزل راسو غادي فطريق طويلة ! هيا من اول كانت ليه لعنة ! وكل ما تقرب ليها تيتاكد انها للعنة الحب ! ولكن هيا اجمل للعنة ...وصل الفيلا و دخل مطأطا راسو مباشرة طلع بيتو ترمى فسرير و جبد تلفون ليه فيه قوة الارقام سرية تيشوف تصاورها لي هما دواه حاليا براء: العميقة ديالي مادايرة فيا ..( سد تلفون حطو وحط ذراعو على وجهو مغمص عينيه ) يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02