مع وقت ظهيرة الاعمام تجمعو بقى الحاج نبيل داز عندهم دار لقى اسماء لابسة جلابتها تتلبس الوازنة صابو نبيل: فين دراري !؟ اسماء : نعمة مع زكريا فجردة نبيل: و يوسف!؟ اسماء: فوق نبيل: ( مصص شفايفو وقرب دروي تينادي عليه ) يووووووسف يويسف : ( بصوت مبحوح ) انااااا مرييييض تنموووووت نبيل: ( تنهد طلع دروج تادخل عليه لقاه ناعس عكس الكادر كما عادة و مخدة عل رجليه ورواسو على ليزار مكمشو ) دبا هادي نعسة !؟ مالك على عاد عذاب؟ يوسف : ( وقف تيحك راسو ) بسخانة الواليد الراحة والو نبيل : (طلعو هبطو و قرب ليه ) جوج دقايق عندك تنزل ...نزل خلاه تيسب و يعاير ! من صباح هو تيصيفط مساجات لزياد و براء و يوصي نعمة .. _دراري بالرجولة انا كنت معاكم _نعمة خيتي انا كنت معاكم ؟! _اولاد الناس انا كنت معاكم!؟ صافي كنت معاكم ...بنفس للبس دخل تيغسلو وجهو و سخفة شداتو ! خايف لا يعيقو بيه ، اما راه مايتسوقش على جنى الله يجعلها تتعرا مع جورنال ! تيحرك فراسو بفقصة يوسف: كولشي سبابو بينوار ! هووواا سبب نبيل :آيووووووسف ! يوسف: ( تيدردب فدروج ) هانا جاااي ...الوازنة جمعو لها كرسي فكوفر و جلست قدام حدا نبيل و اسماء حدا زكريا المرضي و نعمة حدا يوسف طريق كلها معنقها تيوشوش فوذنها ، مسافة طريق كانو وصلو، للحظة نبيل وقف تيشوف فسيارة مجنبة عرفهم صحافة مصورين ،عطا كلاكصون ودخلو ! نزلو الوازنة دخلوها هما معاها! لقاو تحية هو مغيث ينزل عند نبيل لي دخلو بيرو عندو فيه نوصير ، وضع متوتر و متشنج تا دق الباب دخل بطولتو مزال لابس توني وعرق وجهو مزيرين فاروق: السلام العالم ! فين رباعة ؟! مغيث : ( تيبرد طرح ) ودبا لي وقع ! وقع نوصير : ( تنهد جالس فوطوي ماعجبو حال) مشاكل والله ! نبيل: ( عاقد عينيه تيشوف جريدة فوق بيرو ) انا بغيت غير نفهم !؟ تسعود ونص وصلتو هيا مع حداش تسرقت لها طموبيل ! شنو وقع !؟ مغيث : ( مزير فوجهو ) تفرقو فسونطر ! كولها شد طاكسي ابنتي وصلت حتى كَاخْتيي ضربت دومي تور خرجت راسها ودارت لي فراسها نبيل: هانت قلتيها بفمك! ابنتك انت دير معها الحل فاروق: ( شد جورنال قراه ولواااه فيدو بحال عصا ) هاديك ابنتنا كاملين ولا عندك هضرة اخرى !؟ اسي مغيث ؟ مغيث : ( هز يديه باستسلام ) ماكايناس هاد هضرة ! الله يدير لي فيها الخير فاروق: ( بجدية صوت قوي) اسمع اولد القباج ! الثقافة المغربية تتكول ؟ زوجوه يدير عقلو ولا زوجوها دير عقلها ، انا ماشي غادي نقص منها لا للحمنا ودمنا ولكن البنت خاصها تجمع شوية مغيث: انا واثق ابنتي مادايراش لي يغطس وجه تراب ! ولكن حرية الخارج طغات فتربية نبيل: ولو !! بنادم تيزير للجام فاروق: شنو دبا نفهم !؟ تسناها حتى دير !؟ مغيث : من بعد افاروق ! فاروق: انا اليوم جااي نطرق هاد مسمار سوا فيها بنتك ولا رباعة سكايرية لي دايرين ليا حزب لابيرو نبيل : شكون هاد ولد الوزير مغيث : ( حك وذنيه ) كان سابق فواحد العام ! ولدو صمعتهم مزيانة مابيهاش ! عندو داك الولد لي تيكتاب فاروق: ( جبد تلفون تيتحقق ) داود العلوي الودغيري ! تمنية و عشرين العام ! هو ؟ مغيث : هو ! حاليا عندو منصب فالإدارة العلاقات دولية مغربية امريكية فاروق: دبلوماسي وصافي !! مزال صغير هاد خينا مغيث: اوا نذماج شباب تيمنا بسياسة الغرب و معارف الباه وصلوه تما ! ( حك مؤخرة راسو ) الصباح اتصل بيا شخصيا العلوي و راك عارف داك صواب وصافي فاروق: ( بحزم ) ماكاينش صواب ! الا ولدو عينو فالبنت ضرب الحديد اشريف ، ياك بغات خروج ودخول و سهرات و الخاريج اوا زوجها اللهما مع راجلها مبري ذمتك ولا كل مرة طالعين بطوندونس شوهة بسمية العائلة مغيث : ( غير تيتنهد تيعض شفايفو ) ماااابغااااااتش ! رفضت ولكن مزال ماهضرت معاها راها فبيتها تتقول انا مادرت والو نبيل: ( دور وجهو ضرو راسو مابقاش تيقد على مشاكل ) الغلط ديالها تحملو امغيث ! مغيث : الا جينا نحسبوها الغلط ديالنا كاملين ! نوصير : ياك وصلت تمنطاش العام!؟ مغيث : وي ! فاروق: استقبل الناس ودير واجب ! مابغاتش انا تنكلف بيها شخصيا! ماعدناش بنات اسيدي للسهرات تايطيحو فشي هوتة عاد نبقاو نتجراو مغيث : يكون خير... فاروق: فينها !؟ مغيث : فوق بيتها ! نوصير : ( وقف ) انا برا مع الواليدة ، دراري مزال فوق ؟ مغيث : فين عندهم يمشيو ؟! فاروق : بنوبة ! وايلي النهار طويل ، عيط ليا جنى هيا اولى ..نوصير و نبيل انسحبو مشاو جلسو حدا الوازنة لي ماعاجبها حال من أخبار و العرايسات مع ليالي لي تعصبت مع هادشي ونور جالسة معاهم غير ساكتة حتى نزلت لابسة بيجامة حرير و هازة شعرها عيونها حمرين تتمسح نيفها دقت ودخلت جنى: دااد !؟ مغيث: جلسي اجنى ! جلسي جنى : ( تتبكي و تنخصص ) انا و الله و الله و الله مادرت شي حاجة خايبة ! تنواعدك اداد مانخرجش بمرة بليل فاروق: ( جالس رجل على رجل جورنال فيدو ) ياك كالك جلسي ؟ ( بنهضة ضرب كرسي برجلو تاترعدت ) جلسسسسي ..جلست تترعد ! تاهيا بحالهم تتحترم ووتتخاف من لاجودان ! تتشهق حتى روحها تتبغي تخرج ! و تاتشوف فمغيث تتستنجد منو لكن قصح قلبو فاروق: كولي ليا ابنت خويا ؟ ( اشار مغيث ) هاد دادي شنو محيد لك ؟ مناش حارمك ؟ ( هزز لها راسو ) تتفهمي اش تنكول !؟ الا مافهمتيش نجيبو ليك مترجم ؟ نتي غير آمري ..الفرق بين تحقيق واقعي انك تتدوزو فالكوميسارية وجنى جاب لها عمها الجو لابريكاد حتى عندها ! نظرات حارة و صوت جوهري قوي و النبرة صوت بين الامر و تهديد ، قبها تيضرب و صوت قلبها تتسمعو جنى : سمحلي اعمي انا منعاودش فاروق: ( هز كتافو ) مزال ماجاوبتيني ابعدا !؟ جنى : ( بدموع حارة تتشوف فمغيث لي حزين ) نيفر ( ابدا ) دادي حرمني من اي حاجة ! داد احسن واحد فالعالم ( بتوسل و حنق وحزن ) انا عمو مادرتش حاجة خايبة والله اعمو فاروق: _كفاش عندك هاد الخايب ؟! هاد باباك عمركم شفتوه داير شي حاجة ضد الاحترام !؟ تيسكر قدامكم !؟ تيضربكم ؟! تيقلل من قيمتكم ؟ سامح فيكم ؟ جنى: ( تتهضر و تترعد ويديها تتعصرهم تتشوف فمغيث ترجع تشوف فاروق ) الا عموو ! مي بغيت تسمعني حتى انا اعمو فاروق: ( هز يديه ليها تيشير ليه ) جاوبيني انا و نسمعك !! هاد الولد لي خرجتي معاه اش تايجيك ؟ من لافامي هو !؟ جنى: لا معرفة ! فاروق: ( طولها ) ااااه ! من لاخر صاحبك !؟ مغيث: ( دور وجهو معصب ) صمت جنى : اتس فريند ( مجرد صديق ) انامادرتش الغلط و خطوط لي راسمين ليا والديا غادة عليهم فاروق : ( رفع نبرتو ) لا ابااااك كالك خرجي نهار وزيدي ليل !؟ هدااا اي حارجة معاه اباك ؟ خوووك ؟ الا الحمير اولاد عمامك كانو معاك ماردوش لك الباب تايقة فواحد براني تمشي تسهري معاه ؟ اااااه ! هاد طموبيل لي كشطوها لك من حداكم من كنتي قريبة ولا فيها ماغاديش يدوز عليك حتى نتي !؟ اااه ؟ وبلا ماتكولي ليا عندنا فرنسا عدنا فميريكان الاجرام ماخلا حتى قنث ،اوااا أْولد انت و كبر فيهم و اعلم فالمدارس باش تكبر ضرب كولشي فزيرو و تخسر حياتها على ود خروج( وقف مكشكش عليها تيشير مغيث ) هاااا باك شديه من يدو وخرجي معاه! راها ماماك ؟ جنى : ( شدت فراسها ندمها ) آم سوري فاروق : ( قرب لها بجهة من وذنو بمعنى عاودي ) سوري !؟ سوري هيا بيني لبابك لي نص عمرو هو فالوزارة و سفارة محافظ علة سميتو تاوسختيه ليه جنى : ( تتحرك راسها بهستريا ) نوووو انا مادرت والو الغلط ( تتحط يديها على صدرها تتحاول تقنعهم ) مانعاودش فاروق: لا غير عاودي !! دبا شنو باغة تعيشي راسك و ديري داكشي لي بغيتي ؟ مابقتيش محتاجة اباك !؟ جنى : ( تتنفي براسها ) نووووو نوووو فاروق: ( عرفو ضغظ عليها ) اوا دبا داك صديق ولا داك صحيبك ؟ راه تواصل اباه مع اباباك و طالبين لك زواج والا نتي مرضية و باغة الخير اباباك آ توافقي ( شافت فيه مصدومة ) ياك باغة تعيشي حياة و تخرجي ودخلي مع صديقك ؟ اوا حنا راه غير مسلمين و اصلنا و تربيتنا ماتتماشاش مع هادشي لي باغة نتي مغيث : ( تحسر بقوة ) هضري شنو عندك اجنى !؟ جنى: ( حنات راسها تتبكي ) انا ماغلطتش مغيث: من صغرك لانتي لاخوتك داير فيكم التقة واي حاجة اجنى ! اااي حاجة تتناقش و تنخليكم تختارو لي بغيتو ! ولكم نتي بارح هرستي هاد تقة ! صيفطتك مع اولاد عمك مطمن عليك ! صدقتي فجهة اخرى مع الناس آخرين وكما قال عمك كنت نقدر تنرزا فيك ، هادشي لي بغيتي تقتلينا عليك بفقصة جنى : ( تتمسح وجها ) نو داد ! انا مافكرتش انا غلطت فاروق: يلاه ! يلاه نوضي بوسي راس اباك ! وجدي ابنتي للهاد العلوي ولا مانعرفت دلمو ! ( قرب لها طبطب على ظهرها ) راكي بنتنا و عزيزة علينا و لي قرب لك ولا قاصك يلقانا فوجهو غير نتي ديري عقلك و سيري برضاة والديك جنى : ( سرطت لسانها ماعرفاتش علاش تغير ) دااد ؟ وقف تا قرب لها عنقها و هيا باستو تتبكي و تاتبوس فراسو مغيث: الله يرضي عليك سيري عندك ماماك دبا ! مزال نهضرو .._القباج حاليا عندها مشكلة و السبب الاحفاد ! لايمكن اولادك يخرجو حبة نقية كاملين ولا بيضة خامجة كاملين ، كلها و شخصيتو و اكثر من هدا كله واش مقدر ليه الله ! خرجت من بيرو قربت تسخف ! عرفت راسها انه وافقت ولكن كفاش ؟ وقتاش؟ ماعرفاتش دارت تتشوف ورائها غير شافتو خارج طلعت تتجري خايفة منو ! العلوي لي سنين دايها اليوم غدا ، اليوم حطو لها نقط على حروف ، بداخلها هيا انسانة محبة للعائلة ماتقدرش تشوف راسها هيا سبب حزن ابيها ...دخلت بيتها طلت من بالكو تتشوف اولاد عمها واقفين حانين راس هو قاصدهم جنى : ( حطت يديها على صدرها ) فااااك عمو يضربهم ...التجنيد أو التدريب العسكري ! أول ما تيتلقنوه هو الوقفة! الوقفة اللي من نهار تتعين و انت تتلتازمها حتى تتاخذ شكل من شخصيتك و لاجودان لا وقف أمامك هو قاصدك أو بلبسة مخزن تكون شكون ما كنتي أتحتارم، فكيف هاد ناس هوما ولدو وولاد خوه ، اللي من صغرهم هوما عارفينو ، و باش تشد شباب في طولتك بحال تلاميذ ، را إهانة في حقهم بلا كلام ، أما الا هز يديه بجورنال لي في يديه و أحسن ضربة تتيشدوها في الموت الكبرياء بعينيها يوسف : (شحطو في عنقو ) ااااعمي !! اعمي فاروق : (توقف مخنزر فيهم ) كالك خالك يخلليك و عمك يعميك ! دويو العزارة ؟! براء : (حرك راسو مكره) سول اشاف فاروق : أنت أصفر السيفة كارنيك عمر !(ضرب زياد ل راسو ) كوايري الأجيال و صناع أهداف شبعتي بيرة ؟ او جواااناااات يوسف : (حاني راسو زعما هو بريئ حتى خبطو ) اعمي فاروق : فين كنت بارح !؟ يوسف معاكم !! فاروق : (نزل عليه ب شحطة تا زنزن ) فين كنتي البااارح البرهوش!؟ براء : معانا الواليد فاروق : (هز يديه تا خبطو بجورنال ) ديها في كرك هاد ساعة ! ياكما كنتي معاه !؟ براء : ( تيبخ باعصاب ) كنا مجموعين فاروق : اها!؟ كاع هادي معزة مع ولد الحاج، ولا كويسات مشاركين خايف يوقفو لكم فالركابي!؟ (شد يوسف من عنقو تا رجع حمر ) فين كنتي البارح ؟ يوسف : ما كنتش! و الله اعمي ما كنت فاروق : (وقفو مخنزر قرب ينطحو ) ما حشمتيش؟! شحال من مرة باك جارك الجامع شحال يهضر معاك و ينهي فيك و انت مساكنش هنا ! ( بغفلة ه ركلة عطاها ليه) غادي عند ال***ا ؟ تقد انت على القح***ا ؟ ..زياد و براء ما عرفوا يضحكوا و لا يبكيو ! عياو معاه البارح ضرب و قيس اصاحبي ورجع بكري ! و هو اللي فراسو فراسو ! تيدوروا فراسهم والو غا هوما لاجودان تيجلد فيهم ! واحد اللحظة وياد شاف براء هي تجيهم ركلة مجموعة فاروق : بالرب العاااالي العظيم و نعاااااود نشششم و لاا نسسسسمع شي **وا___د فيكم فشي قنت ماهوااش حتا نعصر عليه و كولوا كالها لاجودان يوسف : عطيتك للامان اعمي فاروق : عطيه لراسك أبرهوش! ما تتعرف مرض ما تتعرف سحور!؟ شايط على ديلمك غادي تخشيه ؟ يوسف : هادي و توبة اعمي الشاف! اصلا بدات القراية فاروق : (هز صبعو بامر) دابا تحرك تمشي تكووون عندي نهار الثلات تجيب ليا الضوسي انا بيدي نقيدك فالتكوين باش تعرف راسك معامن و فين تتزطم يوسف : (تلف ليه الهضرة) واخا اعمي ..يوسف رجليه تيزدحوا الضربة بالكاط ديال المخزن بحال الحديد ! دخل للدار لقا زكريا جالس تيتفرج مع امير فالكرة و عبد الله ! الناس اللي داخلة سوق راسها هو تيطير حتا جابها مع لاجودان سمعو من السروال التحت ، اما لاجودان بقا مع دوك جوج لي عارف و متأكد ان راسهم قصح من الحجر فاروق:(مبرد) ماااراااضينش! اااه؟ماااحم___لينييييش ! ياك اوا منين نتوما شي للعبة والرجووولة وكدا وكدي ؟ لعبو كبير !ماشي تخليو الدجاج كامل وتشدو فقشاوشو براء:الوااليد واش كنا عالمين عليها ؟! فاروق:علم اسي على راااسك ! هاديك رااه بباباهاا تتفهم؟ (سكت تايسكانيهوم) فين كنتو قصارين البارح ؟ براء: راك عارف لاش تتسول ؟ زياد :آخر مرة اعمي الله يحفظك فاروق: شتي انت؟ كون يقولو ليا اتكبر هكا برب لاتيقتهوم ! واش اصاحبي باك ومك دوزو معاك الع___ذاب فاش عطاتك الليام باغي تعورها؟ البيرة والشراب والزطلة؟ تابع ليا هاد صفر الجلدة ليقرعو ليه فالعسكر كثر من عشرة دالمرات فشهر براء: (معقد من شعرو ) صمت فاروق:(شاف فيه) جاوب! جاوب باش ن***ر__س لدلمك سنانك ! غادي ليا عند ولد كولونيل؟ طفرتيه زعما! نهار توصل خباركم يجمعكم جملة(ضرب فوذنيه كتحذير)عنداك يكول ليك عقلك راني ناعس على وذني ؟ راه تنميك ونميك ولكن عيقتو ! زدتو فيه ا***@!؟ براء:(تيهز فوجهو يتنفس) صمت فاروق:باغي تضرب كويسات!؟ ضرب على جيبك وكون مولاي سيدي بلوكال ديالك ! ماشي نسعى الشراب ونزيد الحشيش ونبات عند الغاشي! خاف على راااسك اصاحبي! زياد:(حط يدو على صدرو) غير هادي اعمي فاروق:لا غير زيد اعمي ! راه كلتها قبيلة ،كلت دايرين حزب بيرو! هداك امير ولد عمكم ولا ولد الجيران !؟ولا هداك فيه فلسفة؟الدين داكشي براء:(بنظرة نارية) اوا تصاحب معاه نت فاروق: مالك انت فيك المسلمين !؟ ( تيشير على عينيه ) راه بق مايزهق معايا غير ديرها مسكدة اما خايبة راني تنشمها براء : ( بدا يترفع ) دبا انا يهودي !؟ اااه ؟ اسيدي ماعنديش معاه زياد: ( تيجر براء ) لااعمي ! تاهو ولد عمنا و خونا براء : ( ضرب فزياد ) اسيدي خوك انت ! فاروق: زيد خرج! زيييد براء: مانزيد ماتزيد الله يعاون عاونات ناض صداع ! خرجو اعمام شي تيشوف شي ! خديجة سمعت صوتو خرجت تتجري الباقي خرج بتتابع و نعمة بصمت متبعة مشهد ! لاجودان صوتو فين واصل و براء رجعو تيهزوه عشرة و يحطوه عشرة ، دم سنانو تقارنو مع شي احد ! وخصوصا الا كان هاد احد هو امير ولو ماوصلو بوالو هكاك ماعندوش معاه خديجة: ( تاشد ولدها و تتصرخ على فاروق ) بعدووو منووو فاروق: ( تيعاتبها ) نتي لي تتزيدي ليه فيه ! تلفونات بليل و بالفجر و تغطي عليه زعما راني ناعس على وذني ! خديجة: خليييه ! الغوات عمرو جاب نتيجة ، اسيدي الا متقل عليك قولها نشوفو الحل فاروق: ( هاد هضرة عارفها فين تتوصل ) خدييييييجة دخلي خديجة: ماداااخلاااااش ! اسماء اري ليا صاكي فاروق : ( اشار نبيل يشد اسماء ) غاااادي دخلي بسيف بالخاطر ! انت الكلب حسبهم ! هضرتنا ماوقفاتش هنا براء: هاهو غااادي خديجة ماتحملتش شداتها كريز ! شي تابع براء شي تيبرد ففاروق ! دائما لاجودان ولدو الا تواجهو تيكون مثل انفجار ! هاد انفجار دائما خديجة تتكون طرف ضحية فيه بين ولدها و راجلها.... يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02