زك !! و مزاال خاصني نرجعها ، غير لي يهبطك تشربي النص لاخور و نتهناو حنا من هاد البحر أسماء: (زيرات عليه تتبيض فعينيها ) لا لا غير تنضحك معاااااك يا زوجي.. صافي نخرجو .. نبيل (رجعها كيف كانت و شد في كرشها غادي مخرجها ) : صافي ما تبقااايش تلعبي برجليييك، ما تجهديش على راسك غير ترخاااي أسماء (مستحلية الماء و تتهضر معاه ما سكتاتش) : نخرج دبا ندير اللومبر باش نتبرونزا مزيااان .. نبيل : اتمشي تكمش فالفوطة ! شمن برونزااجش ؟ اسماء : ( تتكزز سنانها ) اااا البرد نبيل : تمشاي و تسخني ..هبلتني على رقبتي اسماء : ( حطت يديها على كرشها تنتدوز ) الله نبيل : تتحسي بشي حاجة ؟ اسماء : بحال فراشة ههه نبيل : ( بحب شد يديها ) الله يفكك على خير اموعوينات ...الوقت تيمر و الشمس مازايدة فالحرارة ، البنات تجمعو على هضرة اخبار ، و نوصير ملاوح تيتبرونزا و لاجودان و نبيل و مغيث عينيهم على دراري و يتذاكرو ، وصل الوقت الغدا ، و مشاو اقرب ريسطو طلبو الحوت و سندويدشات ، البحر تيوكل و لي تحط فوق طبلة تيتاكل ، بضحك و للعب دوزو وقتهم تا ناضو دراري صغار بغاو البحر تاني .. زااينة : نوووضير نوض عوم زياد نوصير : ( تهز تيطل عليه ) هو بعدا دايها فشي بحر ..على قول نوصير مامسوقش للبحر ، جالس فرملة لي ماخلا فحالتو فيها والو ، كلاها و مضغها و تمرمد فيهاا ، وقف هزو نوصير غادي بيه البحر اراك الغوات زياد : ( تيتعصر و يتجن ) نااااااء نااااااء نوصير : تااا زكى خليني نغسل لك رملة زياد : ( روحو تخرج رافص البحر ) ناااااء واااا نااا نوصير: ( شدو بحال دجاجة غطسو وخرجو ) صافي صافي زاينة : ( موجدة فوطة ) غرقتيه ازمر زياد تيكح تيحكح و شرب الما ورجع احمر ..كمشاتو فديك الفوطة و حطاتو فحجرها ينعس نوصير: غير تيبكي !! شوف ولاد عمك تيعومو ومت تتدمع عليا اسماء : ( تتشوف امير و رؤيا) انت غاطسو كي جفاف فسطل و باغيه يلعب بحال اولاد عمو زاينة : الكبدة زعما نوصير : ( تيلبس تيشورط ) ماشا ؟ نهار كبير هدا اسماء :( شمس دوخاتها ) اممممم نوصير : انا طالق رجلي زاينة : سير ....الوقت تيمر و دراري شبعو عومان ، لي بغى ينعس لي جاتو حكة ، خديجة لبست ولادها و داتهم طموبيل و ليالي معها و امير بقى مع فاروق تيجمعو دنيا زاينة : اسوووم جمعي حوايج زياد اسماء : لي ولد شي يقابلو ! ( تتجمع فحووايجو ) كلشي مرمل زاينة : شتي هاهو مشى و تعطل اسماء : يكون حال فمو فشي ماتش كرة .....طلع كلشي باركينج و تيحطو باكاج فالكوفر ، و الدراري نعسو ، فاروق : فين نوصير ؟ نبيل : يكون تالف ! انا نسبقكم ، تابعاني الصلاة و الواليدة مغيث : تاانا نمشي ، غير توكل عالله ..زاينة : (شدات كونطاكط ) اسماء دي زياد عفاك انا نشوف داك نوصير اسماء : واخة ...لي مشر مشا ، و لي بقا هو فاروق عاد تيديماري و زاينة زادت تاقلب على نوصير ،شداتها طوالة و مخبعة يديها من الشمس و غير تتحق فالبشر ، دورة لي دور و هيا تلاقاه واقف مع بنت ، ماشي من العاكزين زادت تاوقفت عليه ، زاينة : ( بضحكة فقصة ) تاتشرب موناضا ؟ تتبرد نوصير: اااءء !! تعطلت البنت لي معاه لابسة توني راجا ، و شعر مطلوق و نظاظر ، خنزرت فيها زاينة هيا توقف : السلام اختي زاينة : ( تجاهلاتها ) مزال باقي ؟ نوصير: لا نتحركو ( دار عند البنت ) فرصة سعيدة اختي تهلاي البنت : الله اودي ، ساعة سعيدة ( تمشات غادة) ...زاينة : ( طارت عليه تقمشو ) جاااي تتسلكط ؟ نوصير: ( جمع لها يديها بقوة) هدااااي راه بنت الدرب زاينة : بنت الدرب ؟ تاااابعااااك تاهنا ؟ ولا دايرين رونديفو ؟ نوصير : ( زير عليها من يديها مقيدها تتدابزو) وااا العداااو اعباد الله ، راها بحال ختي زاينة : ( تتدفعو وتهز رملة ترشو ) بععععد مني ماااتقصنيييش !! انت مزال خاصك دووور و تسارا ونا حمقة دايرة راسي فيييك ، نوصير : ( تيخبع وجهو من رملة ) اهدااااي ! زاينة الااااا زاينة : ( هزت رملة مع حجر تتزاوط عليه ) كالك نطلق رجلي ! سيد طالق تحراميات ديالو مجمع ليا مع دريات نوصير : ( تابعها ) وااصافي ! زااااينة !! زااينة زاينة : يعطيك الزينة ضربك ! نوصير: ( مخليها غادية تاغفلها و عنقها جنب بقوة ) ههههههه هانا شديتك زاينة : تشدك لي ما تعتق ! طللللق نوصير : برب تا صدفة ! واش تغيري من هاديك العزرية؟ زاينة : الوقت خيابت و نشك فحوايجي ! غير حشمت من خوتك اما نضرب لك طرر و البنذير و مدام رجعتي خصايلك و البناوت راك غير جبدتني ...مني منك تا وصلو باركينج ، مدات ليه كونطاكط وطلعو و غير تتنكر و وتغوت زاينة : خوووتك كولهم مرزنييين و متبثين تاعندك و تتطير ! ماتعوم ولدك ؟ مامسوق لينا ، لكن شغل راه باين البناوت نوصير" : ( مبرد ) تتنكري كوولشي ! اناااا مامسوقش ليكم زاينة: تفاوت من جنبي لي نديرو ليك مانعاودو ليك ! نوصير: ( وصلو فيلا ) صافي براكة من هضرة زاينة : تتخرج فيا عينيك ؟ و الله تنقولها اخوك الكبير نوصير : كن خوح يداوي ! يداوي راسو ، زيدي دوشي ليا زيدي ...التمارة البحر تاتجي بعد العومان ، دوش و الرمالي و دراري فاقو بغاو غير يلعبو و يجريو ،دوزو ديك روينة ، و هبطت خديجة مع اسماء دارو الحوايج فلاماشين و زاينة و ليالي تكلفو بالقهوة و اتاي و كوتي .....تجمعو على طبلة الاكل و كلشي بانت فيه الشمس و بروزاج ، تمسى الحال و تبرد و رجال خرجو الجردة و البنات تجمعو الفوق اما الوازنة الهوا بحر رخاها غير تتبرد حدا الشرجم و تلفزة مونساها ، ليالي جبدات لهم لاتخوز ماكياج و خديجة بدات تبرد فظرانها ، موجدين للخرجة بليل زاينة : ( تاتصاوب شعر لاسماء بالبلاك ) دبا لا ش تتصاوبي شعرك ونتي ديري زيف ؟ اسماء : تيعجبني ! خديجة : علاش ماتبدليش شدة الزيف ؟ دخلي انسطا وشوفي شدات موديغن أسماء : اتنعرف نصاوبهم نبيل لي تيبقى يكولي عنقك باين ( جرت لها زاينة شعر ) ااااي زاينة : شدي راسك اويلي ! ليالي : ( تتفوه ) اطط ازينة نصاوب لها انا نتي معصبة ...زاينة : ( تاتسوط ) دبا كي دايرة هاد الخرجة مع البز ؟ انا وليت تنكز خديجة : ( تاتصبغ ضفارها ) منو من جيلو ! اش تتنتظري من ولد عام وصرف ؟ زاينة : غير خرجو نتوما و الله ! انجلس نشد ولدي ونبقى مع خالتي اسماء : االا مامشيتيش مانمشيش ! جينا مجموعين نمشيو مجموعين لياالي : زااينة ! رخفي على راسك شوية اصاحبتي ، زاينة : ( هزت يديها تتشوفها تاترعد) غير سكتي ،ولكن راه ماتنحسش براسي اختي ...قنعوها ، و قررو يخرجو ، خديجة قدات الحالة مع ماكياج برونز و كسيوة موردة فنواغ و ليالي ماكياج هادئ لبست دجين و بيل مستسلي و زاينة ضربت كسوة مبردة بلونها مفضل الغوز و الوجه رجع تيبري ، كلهم واقفين تيشوفو فيها تتغبن ،،تتقيس و تحيد و تعاود تقيس وتلوح اسماء : الزبل هادو ماشي حوايج ليالي : ( تتلبس ساعتاها ) لبسي غوب زاينة : راه لقاتها و كالك زيف حياتي اسماء : ماعجبااتنيش !، تفو باغة نخرج و مالقيت مالبس خديجة : ( بود ماتقلقيش ازين ) نعطيح واحد بيب عندي لبسيه مع سروال دجين اسماء : ( خاطرها هارب دموع) مااابغيتش ليالي : نعطيك واحد الغوب طويلة و بالكمام ؟ اسماء : انشوف ؟ مشات ليالي على وعدها جابتها ليها و ماركة من كوتشي و غير عرضاتها عليها قلبت وجها مابغاتهاش ، حيراتهم ، اولادهم تحت لابسين واجدين و الرجال تينتظرهم ، و اسماء تتدور بقشابتها زاينة : نعطيك من حوايجي ؟ مايجيوش قدك ! حوايجنا ماعجبوكش ، لبسي لي كان وزيدي الا لقينا حوايج شريهم اسماء : ( رجعت تتشوف فكسوة ليالي )نجربها ؟ ليالي : وي نعاونك !! ..لبساتها و هازين لها شعرها لي تيضرب نص فخصرها ، قادو ليها و عاونها فالشال جاتها كلاص ، يلاه بذات تضحك و عجبها الحال ، لبست صندلة نواغ بصاكها عاد كملت اللبسة ،نازلين مع دروج و الجمال معاهم ، دراري فرحو بمواتهم خارجين ، خلاو الوازنة بخير و خرجو الجردة لي لمح مراتو تيبتسم من غير لاجودان و نبيل ماتعرفش إحساسهم ، اختصرو طمو بيلات ،مغيث ركبو معاه نوصير وزاينة اولادهم و فاروق ركبو معاهم نبيل و اسماء ، قلعو مع شوارع عامرة ، شدو طريق راجعين للجديدة لان فيها مايتشاف، وصلو سونطر و ضربو دورة المرسى و كورنيش و بلاصاو تما و نزلو اسماء: ( مع نزلة شمات ريحتو ) بوبوش نبيل : ( شدها فيديها ) مايصلاحش ليك خديجة : ماتخاف من والو انبيل الا تشهاتو نفسها خليها تاكلو نبيل : ( تيشوف فاسماء خايف عليها ) باغة تاكليه ؟ اسماء : اااه خصوصا البلول ..سلم امرو الله ، وداها تشربو و رؤيا معاهم اما اخرين وقفو فالساحة تما امام المرسى مخلين دراري يجريو و يعاودو ، من بعد طلقو رجليهم فالسونطر الجديدة و حوانتها و مكازات ، مدينة معروفة بتجارها و البيع و الشرا ، خديجة كل ماهو ديال الدار و ماعن و ديكورات تتميل لههم و زاينة و اسماء حاضين الحوايج و صيكان اما ليالي نفسيتها مرفوعة باغة ترجع تنعس... نبيل : ( شاد لها ميكات ) عجبوك هاد حوايج ولا تمشي دارهم ترميهم اسماء : ( بفرحة ) الا زوينين تيحمقووو نبيل : ( شاف فيها طلعها و هبطها ) ماشي حوايجك هادو ؟ اسماء : جييت فنة ياك ؟ نبيل : ( دور وجهو بخجل ) تا الدار و نجاوبك ...رجعو نقطة المرسى ، و الجو بارد من البحر تيضرب، اختارو مطعم بتصويت ودخلو مجموعين للعشا ... ...منين نخرجو هو ساااكت ، تيشوووف و يهضم ، ماتتشوفش فيه ! مااتتهضرش معاه !! ماتتقربش لجهتو !! واحد عقل تيكول ليه شدها بسيف و فين مابغات تخرج تخرج ، واحد العقل تيكوليه عورتي العين وحدة و زيد تانية و كمل الباهية ، الكل داخل و هيا شادة رؤيا فيديها هو موراها هاز براء لي نعس و فاق مخسر .مع دخلة تاتسمع شي احد تينااذيها _خذيييجة ..درات تتبحث على منادي تاتوسعت ابتسامتها و تمشات جهتها متفاجأة و هو قف تيشوف تا زاد للطلبلة عند خوتو خ : خاااالتي ( تتعنقها و تبوسها ) اوا صدفة خير من الف ميعاد خالتها : الله وشحال توحشتك ابنتي ! جيتو مصيفين هنا ؟ خديجة : ايااااه ! ( دارت تقلب عليه لقاتو مشى ) مع لافامي راجلي خالتها : بصحتكم ابنتي ، انا مع دراري الخدمة عطاتهم تخيام فابور فالجديدة خديجة : بصحتكمم _يلاه تسولها عليهم هما يوقفو فرحانين بشوفتها، اولاد خالتها فالعمر صغار لكن الكسدة يهزوها يهربو بيها ، عزيزة عليهم و رابطة الدم بينهم حنينة ، سلمت عليهم و شدو الوقفة مع سؤال عن احوال ،شادة راحتها غافلة على بركان لي عاقدهم حاضيهم و تيسول فمغيث فاروق : ( ببرود ) نوض لدلمهم ؟ مغيث : ( تيمسح وجهو و دور وجهو تيهضر ) راه خالتها اصاحبي ! نوض دير الصواب مد ليه براء ، ناض قاصدهم تاوقف ماد يديه اسلم على خالتها اولاد خالتها ، عاطهم صواب ناشف ، و توادعو كلها اتكل للطبلتو ،حط يديه على ظهرها حاكمها تاجلسها حداه و قربها ليه تيهضر فوذنها فاروق : صافا مدام ؟ خديجة : ( دورت لسانها فمها ) كي جيتك ؟ تا حشمتي عاد نضتي دير الصواب ! ولا العائلتي انا ديشي ؟ فاروق : ( حنى راسو هز عينيه فيها ) حاشا ! خديجة : ( طلعت نفس تتشوف فالكل ، كلشي مشغول و مع عيالاتهم اوالادهم بلا صداع المطعم ) شوووف و طلق عينيييك ! شوووف الناس كي عايشة مع اولادهم و عيالاتهم ؟ صحابك ماعارفاكش راك جالس على شوك و بلا يكزيه ليك ؟ تتسنى مني ديك سماحة و تقلب الفيستة فاروق : ( ماحيرتو لكلامها ولا ريحتها لي واصلاه ) مع الليام تعرفي ، ونتي تتحكمي عليا وصافي خديجة : خاااصك تعرف اني ماطالبة لا ملاين لا مستحيل ؟ طالبة شوية احترام ليا و تديها فاولادك و نقص من العصبية فاروق : ( تيتغذذ من داخل ) خديييجة ! الغلطة درتها متافق ، ماعطتيني حتى لوكازيون فين نهضرو ؟ نضتي هزيتي دعوة و كمدتها فقلبي و جاي وراك كي لهبيل ، عارف كررري الفراااقك مايخرجنيييش اخديجة خديجة : (دموع بغاو ينزلو ) من بعد ، الماكلة تحط ...للعشا تحط ، و سماو لله ، نوصير منشط القضية مع ولدو ، و أمير مع مغيث ، اما زاينة و اسماء تيناقشو مشاريع و مشاعر و نفس الوقت عينيها مع نوصير لان ريسطو عامرة تتيز زاينة : ( ضرباتو رجليه ) تشووف الاعمى نوصير : ( ماعرف باش تبلى ) اهياااا ! تتركلي ؟ زاينة : عنقك عواج مسكين رحمو ! نوصير : ( تيوكل زياد ) زاااينة ؟ مريضة الا ؟ واش منشوفش زاينة : ااااه ماتشوفش اسماء : ( صدعوها ) شووف فيها ! شوووف فتلفزة شوووف فطبلة ، شوفونا سكوتكم ها العار راسي ضرني نوصير: طلعتي الكراد اماشا ؟ شوفي ضربي بحسابي واحد فولادك يكون رجاوي زاينة : بعد منها ! علاش تتهضر لها على الولادة ! سوقك ؟ نوصير : مرات خويا ! ( تيموت بضحك ) اااسماء ،الا كنت بنت سميها رجاء زاينة : ( شدات ضحكة قربت وجهو ) عقلتي فاش كنتي تتقولي رجاء ؟ نوصير : ( تيدور داك راس ) كنت هبييييل ! زاينة : باااز ! ....الجلسة مجموعة ما تتملش منها ، كملة و اخلصو العشا و دراري الصغار جابو الكاو ، بعد منتصف لليل ركبو سيارتهم و شدو طريق راجعين للسيدي بوزيد من غير نبيل كل مرة يتصل بالوازنة اما لاكل تيخليو لها ...مسافة طريق وصلو ، الفيلا تيسودها الهدوء و اليوم جو كان غير البارح ، بعد نهار طويل تعب نال منهم ، كلها شد بيتو..الا هو لي بقى غير فالجردة تيكمي كارو وشاد تلفون فيدو ، انتظر حتى تقطع الحس و ارسل لها مساج 📧: خديجة نزلي عندي ...دقائق هو تينتظر الجواب ، دقائق هو حاط صبعانو على فمو جامد منتظرها ، تا وصلو مساج خديجة : 📧 طلع فاروق : 📧 نعلي شيطان و نزلي ! ...لابسة بيجاما صيفية ديباغدوغ و سروال خفيف ، جالسة وشادة تلفون فيديها تتنهد بقوة ، على آخر مساج باست ولادها و قدات بلاصتهم و نزلت تلفون فيديها ، مع خرجة ضربت فيه واااقف مربع يديه ، بمجرد ماخطت خطوة فالعشب دار تيشوفها ، كان تقابل النظرات بيتهم ، نظرتو كانت كلها الشوق و التوق الوله ، وقفت قدامو راسها موفوع امامو تا نطق بصوت باح رجولي فاروق : عممرني كنت نظن اتلف ليا الهضرة معاك ! عارفة شنو منوضية فيا الداخل ؟ العوااافي اخديجة خديجة : ( قلبها تيضرب ) هادشي علاش منزلني ؟ فاروق : هادشي عندك قليل ؟ راه تنتحرق غير بوحدي خديجة : زعما انا عاجبني الحال ؟ تانا ماكرهتش نكون هانية مع اولادي واباهم ، تانا نعس و نفكر فغدا براحتي ،عكس حالتي دبا ! شحال من مرة تبريت منك ؟ شحال من مرة نبهتك ؟ انت مازايد فيه فاروق : ( تيسرط هضرة ) داروها ليا الاعصاب ، والا تتفكري فالطلاق على ود خدمتي ؟ نهز انا نتقال نمشي بشي قنث نتشاوفو كما بغيتي خديجة : ماشي الحل هدا ؟ باغينك تقرب منا ماشي العكس ؟ فاروق : اوا الحل لي حطيتو مابغتيهش ؟ نهز قلوعي و نريحكم مني مابغيتيش ! نهار قلت لك نطلع مراكش ولاابن كرير رفضتي ؟ واش نخرج من خدمة بجوج دريال ؟ راه تنخدم على تقاعد لي يعيشكم بخير خديجة : انا ماشي ضد خدمتك ! فاخبارك اخر حاجة كنت تنظنها هيا نتزوج واحد من المخزن ، ولكن المكتاب ، ديييتك وصبرت و صبرت فاروق : صبري ليا غير لهادي ، و نزلي دعوة و مايكون غير الخير خديجة : ماباغيش تعرف شنو عمرت فالدعوى ؟ ...دام صمت ، و رجع بيه الذكرى للطلاقو اول ، نهار طليقتو وصلاتو شاف ديالو بغات تخرج ليه على بوسط فالخدمة فاروق : ( ربع يديه تيتنهد ) نتتوقع اي حاجة ! عمرتي عليا الفساد ؟ خديجة : اه ! عمرت الخيانة ، مدام سولتك بيني و بينك على حاجة تتخصنا بجوج و ضرتي فيا ، انوصلك فين تبرر للعالم فاروق : ( شعل كارو من حرقتو فقلبو ) الا خنتك ولا تنفكر فيها لهلا يصبحني لغد ليه ! بردتي جنونك عمرتي لي بغيتي ؟ اوا نقوالها و نعاودها لي اغلب يعف ماتزيديش فعذابي خديجة: انت قلبتي عليا القفة و نسيتي ايامنا فدقيقة ، انا حلفت فيك وحلفت فيا لابقيتيى فاروق : شنو دبا باغة تكولي ؟ انا بعت ماتش ؟ خديجة : الا تغير افاروق و تراعي ليل غير واحد فالمية ؟ نصبر و نزيد فصبري ، كوميم راني بنت الناس و مانساش لي فات بينا ، وقفتي معايا فمرضي و مكبر بيا ولكن عصبيتك تتهدمني فاروق : انا فات فيا الفوت فتحكم باعصاب ، نعايرك مانخلي لي يعايرك ورااه ماشي بنيتي خديجة : مابغيتك لا انت لا البراني يعايرني ! فاروق : ( شد يديها و جرهم عندو قبلهم قبلة حاارة ) عششقك ومدااار فيااا البلارة ، دازت عليا ايام كحلة سحلة خديجة : ( بدموع ) اوا الله يسامح لينا جميع ...جرها عندو معنقهاا ، فقط انفاسهم تتسمع و احاسيسهم تتكلم ، دخلها فحضنو بقوة تيشم ريحتها و العافية لي فيه تيحسها تتطفى ، ماقدر يبعدها عليه ولا يشوف فيها ولا يهضر ، هاد العناق و الحضن عندو بالدنيا كلهاا .. فاروق : ( بصوت مكلوم باااح ) الا كاينة شي دعوة عند الله ؟ هيا نهار ياخد الخالق روحي نكون بين يديك خديجة : ( عنقاتو بحنيتها العالية ) الله يطول فعمرك و لله يهديك عليناااا فاروق: ( هز وجها تيدوز على حناكها ) الحنااان الحشيشة القلب خديجة : ( فتلت لها ضحكة ) حشيشة القلب ماداير فيها فاروق : ( قربها عندو باسها فمهاا ) هديتيني اخديييجة ..باشر بتقبيلها بحب وحنان تيحاول يطفي ولو ذرة من الشوق ، دخل يدو تحت ديباغدوغ تيتحسس للحمها لي توحش تيتهز و يتحط بين يديه ، جرها عندة بقوة باغيها و حامق عليهااا خديجة : دراري بوحدهم افاروق فاروق : يلاه نطلعوو ...مشادين فاليدين داخلين الفيلا ،مع طلعة دروج تيسمع آنين وصوت موجوع ،وقف راجع للور تا تيسمع الصوت لي هز قلبو و زعزعو فاروق : الواااليدة ! خديجة : ( تراجعت نازلة وراه بخوف ) وقيلا ...دخل الصالون فين نااعسة ، صوت انينها تتيوصلهم ، تحنى على ركابيه بخوف فاروق: الواليدة ماالكي ؟ الوازنة : ( بهذيان ) ديييوني اوليدي للداري نموووت يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02