تخلصتي ثمن طاكسي خديجة : يكون احسن امدام ! انا فالكافي **** فدخلة المدينة *** : مسافة طريق انا عندك ... رؤيا : ماما سكون هادي ؟ خديجة : صاحبتي اماما ! شنو تشربي ؟ رؤيا : فيا جوع ! خديجة: شتي سكر ؟ ماعليش اماما ( باستو بقوة) انت زعيعر دير ميمي ؟ براء : ( ملقوب بنعاس خاسر ) اننننن خديجة : قلبتي تاني ؟ ...هزت يديها للنادل ، طلبت لهم كوتي اتاي و ملاوي و حرشة ، مدوزين وقتهم بالهضورات ، وخديجة رادة البال للهاتف لاتاصل السيدة ، السفر مع دراري صعيب ، بدل لهذا مسح لهذا ، الوقت تيمر و الحال تيتمسى حتى رت هاتفها و جاوبت في نفس الوقت السيارة تتعطيها سينيال ، خلصت القهوى و خرجت مع باكاجها عند السيدة لي كانت شابة دكالية حرة لابسة جلابة مزلكة دهوبات سيدة : امرحباا مرحباا اخويتي ! مرحبا بلي زارنا و جانا خديجة : ( قلبها نشرح ليها ) الله يكبر بيك اختي ! سيدة : انا ختك فوزية ، (تتطلع باكاج )ركبي اختي حدا وليداتك فوزية : سبحان الله من نهار بديت نكري الفيلا وأنا تنطيح فالناس الزينة ! منين نتي اختي ؟ خديجة : من تازة ! فوزية : مرحبا ! و مالها كاع بلدان بلادنا غزالة و فنة ة تحمق ، هادو وليداتك ؟ خديجة : وي ف : الله يخليهم ليك الزين والد الزين ! فين راجلك اخويتي ؟ خ : خدام ! جبت لوليدات يفوجو شوية ف: ومالها اخويتي ! كالك آ غادي الجديدة ديني معاك ، مرحبا بيك عند دكالة الاحرار ، تشبع دلاح و الكسكو سبع خضاري و ليزويتخ و الحوووت خديجة : بارك الله اوفيك ! الالة ....فوزية ماتتسكتش ، طريق لي مرو منها توريها و تعرفها ، ها سونطر ها البحر سونطر ، ها مناطق اخرى حتى دخلو سيدي بوزيد بشوارعها الواسعة و شاطئها الجميل ....دخلت لحي مضاء بالانوار وقفات امام فيلا صغيرة جات بين الفيلات فوزية : مرحا بيكم !! ( فتحت الباب و تتستعرض امامهم ) هااانتي هاا لابسين وهنا جريدة فيها جلسة طابل آمونجي و هنا شواية ( طلعو دريجات و فتحت الباب) ها صالون و هنا سيجور و الكوزينة و الفوق البيوت خديجة : ( تتشوف و تتسكاني ) تبارك الله ! اوا لهلا يحاشمنا ف: امين اكبيدتي ! هانتي هاسويرتات ، سْدي عليك و نعسي في الراحة و دخلي و اخرجي مع وليداتك ، الناس هنا مساعدين معاونين لي خاصتك اختك فوزية مرحبا بيك خديجة : ( بابتسامة ) شكرا اختي ! ( جبدت بزطام تتحسب لها ) هادي خمس أيام ديالك كاملة حسبيها ف: اياه اخويتي الحساب صابون ( حسبااتها زرقة لاختها ) هيا هاديك ! البوطات عامرين لا الكوزينة لا للدوش و بصحتك اختي ، تلفوني عندك لي بغيتيها نعاون اخويتي فيها ...مر عليها اليوم وهيا فالشغل الدار ،و مع ولدها ، الدار خوات عليها و رجعت تتحس بالغرابة ، ماحيرتها فوق ولا تحت ولا زياد لي كل مرة تيبكي .. زاينة : ( لبساتو حوايجو ) فيك ديدي اماما ؟ زياد : ناااء ! كْوااه زاينة : الكرة اطيح اماما ، انت فيك ديدي زياد : ( بدا يديماري بالبكاء و تيتعصر ) انننن زاينة : ( تتبرد ) صافي سكت ! نوض لعبو كرة ؟ زياد : اااه ...هزاتو محاولة عليه ، طالعين سطح و تتبوسو و تعنقو ،جبدات كرة لي تما ، و تتلعب معاه بشوية ودايرة ليه خاطر ، لانه مزال تيتعكر شوية زاينة : بغاااافووو ولدي زياد : ( تيضحك ) باافووو مااماااا زاينة : يلاه نزلو براكة عليك ؟ زياد : ( تيحرك راسو برفض ) اناااء .. ...قررت تلعب معاه و تحضيه ، رغم انها عيانة لكن رجعت تتشارك معاه لعبو ، ربما ينقص من الغوات و تفهم عليه اكثر ، تتشوف فيه نسخة منهم بجوج ، واخد من نوصير عينيه و حركاته وفمو ومن زاينة نيف و الغمازات ، تسمع صونيت فالباب و طلت لقات نجمة فتحت لها الباب و طلعت معاهم سطح تيذاكرو ويتعاودو تاوصلت لهضرة الثواب زاينة : بصح جابو مول محل ؟ هداك كريب لي فيه تصاور مانكات نجمة : جاب سيري فالوان كاملين ، واحد موف تيحمق زاينة : اصبري يجي نوصير خرج للبانكة عيطو ليه غير يرجع نخرجو نجمة : ( هزت زياد نازلين ) اوا يا حبيبي انتوحشك اخالتو زاينة : صافي وجدات الدار ؟ نجمة : اوا درانا فديك الدار كاملين ، وجدات و تسكن معايا لوسة زاينة : احااي !! نجمة : اودي راه مكملين بالصبر ، شديتها فاش كانت صغيرة و دبا كبرت ماقادة على حريق الراس زاينة : ضبر راسها مع خوها ! نتي ماتخبعيش عليه نجمة : داكشي ماكان .. ..زياد : باااباااا نوصير: ( تلاقاو فدروج ) اابااابااا ( هزو تيعنقو و سلم على نجمة ) بخير اختي ؟ نجمة : حمد الله اخويا ..نجمة : نوجدو لك قهوة ؟ نوصير : لا شوية و نخرج ! انبدل حوايجي زاينة : خربق تاني لحوايج ..جالسين مجمعين و زياد تيتسطى معاه تيدير ليه ماتشات كرة ، تاقررو يخرجو هيا و نجمة زاينة : نووووصير ! عطيني باش نشري واحد ثوب جلابة نوصير: ( تيحك لحيته ) واخة ..ناض دخل للبيت هز لي هز و خرج عطاها اربعمية درهم ، شداتها تتضحك و لبست جلابتها خلات معاه زياد و خرجو هيا نجمة ، طريق كلها هما تيهضرو على موديلات و الخياطة ،وصلو عند مول محل و بدات تختار فاثواب و تعاود ، خلصت واحط بميتين درهم وشرات صندالة فطريقها.. نجمة : اوا بصحة نجمة : يعطيك الصحة ، شنو دبا نخدمها عند صاحبتك ؟ نجمة : عطيها لاسماء ! زاينة : نخاف دير ليا شي قصر بلا باب راه الوحم مدوخها وخالعها نجمة : مهم هداك موديل راه تتخدمو للكليان بتمنالاف و للمعرفة تتنقص ديك خمسين درهم زاينة : راها عندي ! انا نطلع نجيبها ليك ..طلعت تتجري دازت من حداهم ، دخلت البيت فتحت البلاكار تتقلب على فلوس مالقات والو زاينة : ( تاقلب وتعاود ) احاي ! كانت هنا ..قلبت عاودات والو الفلوس طارت ، وقفت تتفكر هيا دير لها طنننن فراسها خرجت عندو شاعلة زاينة : هاديك الفلوس لي عطتيني منين جبدتيها ؟ نوصير : من تحت حوايجك ! زاينة : ( سرطت هضرة ) اوا راها فلووسي ! نوصير: اوا نتي لي تاتشوفيني يلاه جاي من البنكة مخلص شيكات و فجيبي عشرين درهم تطير و تنزل و تتكولي ليا جلابة زاينة : تما قووول ماعندكش ! نوصير: حشومة ! حادة اوعكي ديالي بغات جلابة و منشريش ليها زاينة : وبفلوووسي ! نوصير : نااااا ! فلوسنااااا زاينة : ( مصغرة فيه شوفة) واااحد شلاهبي انت مااامنكش جووووج ! باااز و الله نوصير : ( متكي مبرد ) اجي ديري ليا شي مساج زاينة : (تتغوت ) وباااش نخيط هاد ثوب ؟ نوصير : الرزاق االله ! ( سمع نجمة تتغوت ) سيري تكلمي لاختك ..طلت على نجمة معصبة و اخبراتها تا لمن بعد و رجعت جلست هيا وياه نوصير: ههههههه امالكي ؟ زاينة : يميل حالك الطويل ! وجدديدة هادي ، هز ليا فلوسي نوصير: ياك باغة تخيطي جلابة ؟ صافي نخيطوها ، طلقي بشرة زاينة : وفعايلك اخوياا ما تيتقضاوش نوصير : ( ناض عندها مبوودر و شدها تيهرها ) شمن فعايل !؟ هاااا زاينة : ( صعرت ) وااااع ! طلقني ازمر نوصير: (جرها من شعرها تيبوسها ) كفاش فلوسي و فلوسك زاينة : اييه ! فلوسك فلوسي ! و فلوسي فلووووسي نوصير : اياااه ( جا زياد تيجرو ) مالنا انت ؟ زياد : ماماه نوصير : شنو دبا تحماو ؟ ( هزو حطو حداها تيهرهم هما تيضحو ؟ يلا مووتو بضحك ..زاينة : ( ناضت تتحيد جلابتها ) لعجل نوصير : ينطحك ( لبس توني ) هانا خارج للقهوة زاينة : ماتعطلش عليا نوصير : الا كانت شي حاجة عيطي ليا ! و بصحتك زاينة : ايه بفلوسي نوصير : نااااااا .....لليل دوزو فلابريكاد ، و النهار قيلو فالرباط ، مشاكل الخدمة لا تنتهي ، عند اي مشكل لازم تقدم التقرير و تمضي عليه و دوز تحقيق و الااااا ماعندك اليد فالامر ضروري تسمع الهضرة تسمعها من جهات العليا ، بعد وصولهم ادخلو البيرو هو جدارمي لي مشى معاه تيكملو خدمتهم فاروق : ( وجهو مزير بنعاس ) شديتو داك خينا لي سرب التصاور ؟ ج : تشد ! اشاف راه تيتبرد مع خوه فاروق: ( تيشطب على اسم عمر جدارمي معاهم ) يلاه تبع خوووتك ج : اشاف ، صافي ضاع ؟ مافيهاش عقوبات ؟ فاروق : ( بنظرات ظلام ) فين عمر المخزن كان تيتمازح معانا ؟ ج : ( باسف ) الله يصبر امو وصافي فاروق : ( حرك راسو بتاكيد ) هادي دير لكم العقل ، و تا الدعاوي الناس راه تيخرجو ج : وهو مادارش فيها اشاف ! سامح فولدو لي مريض و متبع ديك اختو خرجت عليه فاروق : اختو اولاد القحاب شكون عطاها نمرتي ؟ و تابعاني تاقهوة ؟ ج : ( تبييض فعينيه ) صمت _وقف يتعب تيخبع سلاح ، و طلب قهوة و جلس تيعاود يقرا تقرير لي لازم يبقى فارشيف 🔙🔙🔙🔙 كما العادة فاروق خرج من الخدمة ، و اصحاب المخزن معروف تيكون عندهم القهوة خاصة بيهم ، مجموعين تما غير كنوكة و شي معارف من بوليس ، هضرتهم ماتقفل منها والو و من تحت الحزام تحت ، متلف على مايوصل وقت العشا فالدار نبيل تا تلفونو تيصوني و تبعوه تلفونات لي معاه ، بحال لابراي صطوندار ماتيحبسوش ، شي تيشوف شي ، تا وقف فاروق معصب فاروق : اولااااد القحاب ! ***: فلابريكاد هادي ؟ قودوها فاروق : بغاو ينوضو لاعمى لضريب الحجر ..خارج من القهوة تيزرب ، تاضرب فيها قاصداه ، طلعها و هبطها ما تخفاش عليه ، معرفة من زمان و اخت جدارمي لي معاهم فلابريكاد فاروق : ( ماسلم عليها ما قربها ) اش فالبلان ؟ اسمية زهرة : انا زهرة اخت عدنان ! جيت عندك توقف معايا ، الله يجازيك بخير اسي لاجودان و يخلي ليك مااعز عليك و يعلي مقامك ( جات تشد فذراعو هربها ) اناااا مزاوكة ليك ماوقف معاه غير هاد المرة فاروق : ( ركز فيها شوفة ) باش عرفتي نتي هاد الخصلة ؟ وبلي خوك لي فيها ؟ زهرة : ( تتبكي ) نجاوبك على كولشي ! غير شوفو كي ديرو ترونجيو القضية ، ولي طلبتيها اسي لاجودان نوجدوها فاروق : لي سيفطوك ليا ؟ سيفطوك لعنوان غلط ! مانواعدك بوالوو ،لكن ندير بوجه امك لي كل مرة جرجرها داك زامل خوك .. ...خلاها و طلع طموبيل راجع للابريكاد طاير ، هاد جدارمي كبير عليه فاروق بسنوات قليلة ، لكن ملفو موسخ مامخليه فين يزيد ، معروف بالرشوة و السكر علني ، وديما مادبز و مقاتل ، دائما الواليدة ديالتو تاتجي ترغب عليه عند فاروق و تيدير بخاطرها و يدور فيه ولكن السيد طمع للدرجة كان تيرسل اختو لاصحاب الحشيش و شحال دارت بلاجودان ايامات زواجو اول ..دخل بيرو و فتح بيسي تيشوف سوشيل ميديا و تيبان ليه الصورة مبارطاجية بكثرة فاروق : ( غوت لجدارمي ) فين داك الكلب ؟ ج : شاف راه شديناه ! فاروق : جيبو ليا !! ..فالقانون ، المخزن الا اخترق قانون اول خطوة هيا يتعتقل ، طلعوه عند فاروق وجهو كحل بالنذم فاروق : ( شابك يديه بلاحول ) بقيتي دوور دوور ! تاجبتيها فكرك ؟ فوقاش صورتيه ؟ ج : ( بدموع ) صورتو بارح بليل ! و الله اشاف كاكنت نعرف يطرا هادشي...نقطع يدي فاروق : محيت حمار بالوذنين !ورجعتي تتعبد الفلوس ، فين عمر كانت هادي قالقانون ولا فالعالم ، نصورو المعتقل هو تيضحك فرحان و نرسلوها لاصحابو ؟ حنا المخزن ولا الزمر ؟ ج : ( تيبكي بدموع ) اشوف اشاف كي دوزها ليا ! راها خدمتي نخرج عليها ! بوسطي تيضيع فاروق : المخزن عندو السيادة اسي الفهيم ، ماشي كاتبو ليا ابا باسميتي باش نضمس للقضية ، والاخبار وصلت الحموشي ،و الصباح تقدم و كول بزناز يخدمك انت واختك ... ..بصورة بسيطة صورها من تلفونو للمعتقل عندو فلابريكاد ، و ارسها لاصحابو اكيد بثمن ، لغد ليه صبحت مبارطاجية فاللسوشيل ميديا بشعار :" _ماكاين مخزن كاين فلوس تتهضر ،معاكم مريول تيرسل لكم تحية من لابريكاد يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02