مع الصباااح الباكر و من نافذة منظر ضباب و الجو بارد ! هزت عويناتها من بيسي تتمتع بالمنظر ! جالسة فسداري مغطية بملاية رقيقة و سوندريي حداها مليئة باكواب القهوة الفارغة , ليل كلو و هيا سهرانة على لوكو مع طلوع الصباح تجمعت عندها الفكرة ليالي: ( بصوت ناعس ) اونفااان ! وجد هزت تلفون و تتقاد نظاظرها و هيا تترسل مساج لخديجة تخبرها ان لوكو وجد ! للحظات و جاوباتها ... خديجة : ( تتفوه ) مازال نانعستي ? ليالي: مزال ! بيسي قدامك !? خديجة : ( ولدها فحضنها ترضعو ..خرجت صالون فتحاتو ) صيفطي ليالي: اخخخخ ! ديجا رسلتو !, خديجة : ( للحظات تفتح للملف ) واااو لوكو ناضي ليالي: سي فغي !? خديجة : عجبني ! صافي سيري نعسي انا نكمل خدمة و غدا بيدي نديه لديبو يقادوه ليالي: اتصلت بيا مدام براني ! عرضاتنا للافتتاح خديجة : نشاء الله يوجد لوكو و سيري نتي بخيزونطي لاجونس تما !, ليالي: ماتمشيش نتي !? خديجة : ولا تقلت بدراري ! ليالي: بفففف ! ندي معايا اسماء !? تفرح مسكينة خديجة : اسماء نبيل مايخليهاش ! نسى نهار رمضان اش دارت فيا ! ليالي: اوا بناقص ! نعتذر ارسل لها بوكي دوفلوغ ( تتفوه ) اخيرااا نعس خديجة : اليوم ارتاحي ! نتشافو لابخي ميدي ليالي: داكوغ بيبي !, ...حيدت لملاية لابسة بانطوفتها تتجر فرجيلاتها طلت على امير فبيتو و دخلت بيتها طلعت بلاصتها ... مغيث: ( حس بيها ) ليالي ! ليالي: ( قربت عندو عنقاتو ) وووي ! جي فيني مون طخفاي ههه مغيث : ( دار عندها فحضنو تيبوسها ) نعسي شوية ليالي: (تتسد عينيها ) انفيق معطلة و امير مغيث : اليوم سبت انا نقابلو ! تيضروك عينيك جهدتي على راسك ? ليالي: شوية...بون نوي بب ...نيم عينيه فيها و قبلها فرااسها , تبعها فالنوم محتضنين بعضياااتهم ، ساعات الصباح حلت بشمس دافئة , فاق على دقات فالباب...ناض بتقاتل و فتح للباب ليه مغيث : بابيتو بونجوغ ! امير : ( بالبيجامة لمينيون ) مااامي مغيث : مامي نااااعسة ! اجي نعطي لولدي حليبة ..تابعو بمشيتو لي تتشبه لمغيث ! تيشبه ليه بزاف , و شخصية ايضا تتضح , وجد الفطور كما العادة و عطا امير بيبغون و اجلسو فسيجور شاعل تلفزة تيتفرج فلاخبار مغيث : ( تيشرب قهوتو ) اميروو ماترش الحليب أمير : ( تيشبع تيرش حليب على ارض ) هنننن عان عان مغيث : تفيق ماماك و نخرجو امير : ( تيمشي حتى الباب و يجي ) عان عان باااباا مغيث : ( تلفونو تيصوني شاف رقم غريب وجاوب ) الووو : الو ولد القباج ! مغيث : ( هز راسو بقرف و عينيه خرجو ) راجل امك هدااا ! مزال عندك الوجه تصلي بيا !? آش بيني و بينك مونيا: الله ياخد فيك الحق ! بسبابك خسرت رزقي و فلوسي ! ,هانا خرجت من الحبس اليد للور اليد القدام مغيث : علاش تتعاودي ليا !? هاد هضرة كتبيها فورقة ولويها طلعيها مع كرك ! بسبابك طلعت اكبر حمار ! الا جاية تسعاي ? ماتنصدقش على القحاااب تلاحي تقاوي ! و بربي تعاودي اتصلي بيا ولا تقربي جهتي نخسر عليك تلفون للاصحاب الحال يهزوك مونيا: اياااه ! محيت كبرت بيك و بغيتك و قبلت بتزويجة ذل ! ولكن عليا وعلى اعدائي ولله لا بقات فيك مغيث : ( وقف مبعد على امير لي رجع عندو) المخير فزوااملك ركبيه ! ( اقطع عليها ) صبااح الله ..جلس معصب تيفكر فهاد النقطة كحلة لي رجعت بانت ! اخر ما سمع انها تحكمت بسنوات لقليلة ثلث سنين ! هادي قريب عامين , بسرعة خرجات اتصل بالمحامي و اخبرو بالواقعة , نفس الوقت محامي استفسر على االامر و اخبرو انها خرجت #بالعفو_الملكي مغيث : هههه عفو ملكي ! واش لي دخل الحبس ظالم يستاهل العفو !? محامي : اش نكوليك ! راه الحاكم شؤون البلاد تيعطي الاوامر و اصحاب الايادي الخفية تتعطيه لمن بغات ! الحبس عامر باصحاب اللعاقة و محسوبية مغيث : ماغاديش تغلبني المرااة ! شغلي عارفو معاها , بغيت نتأكد وصافي .. ..جلس تيسوط هاز امير بالبيجامة و طل على ليالي ناعسة , هز سوارت طموبيل و خرج يشم الهوا و يصفي عقلو ،خارج من كراج العمارة بسيارتو طالع الشاريع و غافل على مونيا لي لابسة جلابة وحاضياه كي هبيلة مونيا: تبارك الله على عزري كبر ! بربي لا بقات فيك لانت لاشارف ! داخل من الخدمة على الصباح ! ليل كلو وراسو ضارو نهار مخير يدوز فيها شكاية سرقة ولا عنف ولا المخدرات ! لكن شكاية القتل رجعت تتخربق ليه دماغ و يزيد يحقد ! دخل الدار مالقى احد ,شاف الساعة لقى العشرة الصباح , دخل كوزينة قطر كاس القهوة و خرج يتقهوا و يكيف كارو , تيفكر و يعااود و يفكر و يعاااود و مشهد ليلة تيتعاود عندو ***back فاروق : ( تيقرا المحضر و نفس الوقت تيقيم شخصية الولد ) فلان ولد فلتان ذو عشرون عاما حاصل على الباكالوريا سنة 2018 ب نقطة تمنطاش و قارئ الهندسة ! (زفر بغضب ) علاش قتلتيها ولد شاب فالعمر من هيئتو واضح انه مدة ماغتسل و شعرو كبر بعدم حلاقة و حالة غير نظيفة ولد : ( مخرج فيه عينيه ) تنقرا فلينصام ! و الدم هو الحل ، احترم عبد عرف قدره فاروق : ( هز فيه حجبانو مركز شوفة ) لاحول ولا قوة الا بالله فاروق : الدم ! هداك الدم انت لي درتيه ولد : ( كانه ايخاطب شي احد فسقف ) وانننزل ! انا راه تنتكلم كوغامون اونجلي ! باغمي لي بخوميغ ! ( كان شي احد تيشدو ) وااديكاااج فاروق : ( تيشوف جدارمي لي راقف على ولد ) من امتى هاد حالة !? اش جابهم للدوار ج: ( بأسف ) هدا ولد معارف الواليدة ديالو فرملية و اباه سامح فيهم من نهار الولد تغير مية و تمانين درجة , جاو عند جدتو هنا تا اليوم وقع لي وقع ولد : ( وقف تيتجابد مع جدامي ) تتهضر معايااا ? فاروق : ( قلب وجهو بملل و صرخ تاجلس ولد ) اجلللللللللاس ! هبطو مايباتش فلابديكاد سيد راه مفوتي ج: ( وقف شادو مخرجو ) علم اشاف فاروق : بكالوريل بنقطة تمنطاش و اول على المؤسسة و طالب الهندسة بين ليلة و نهار تسوطا فالدماغ , بمعنى الاصح الناااابغة ! يعلم الله اش عانت و قصات الام من عذاب و صدمات ! كانت فالقمة مع نجاح ولدها حتى نزلت اسفل سافلين وكمل عليها قتلها !! ***End ...كارو تيحرق فريتو هو تيفكر و يعاود ، قليل فين تتأثر فيه شي الحالة ، هنا تتبان الدولة و قيمتها للنوابغ ، واضح ان ولد تقاس بأزمة نفسية و مالقاش لي يقوم بيه ! فاروق : القوادة ! خرجتي كوليخ مشكلةخرجتي نابغة نهايتك تسطية ولا خلطتي بين ذكاء و نظرتك للدولة تتشوف عزرائيل تيلوح لك فالاعالي ، بفففف رن هاتفو شاف رقمو وجاوبو بتقالة مغيث : اسي فاروق ! فاروق : اش فلبلان !? مغيث : عاقل على ديك بنت قحبة لي وقع ليا معها بلان طنجة فاروق: ( هز كارو تيبخ ) امممم ! تفكراتك مغيث : بنت طيط ! صبحت عليا فتلفون تتسعى ليا فلوس و تحلف عليا فاروق : (طفى كارو فطفاية و تيمسح وجهو ) افطر بيها قبل لا تغذى بيك ! راه العيلات ضربتهم ما تتنوض الغبرة مغيث : مالي نجلس نتفرج ! من غدا نجبد دلمها من تحت ارض ، هو خاصني لصق لها منتيف ماعليهش الغبرة فاروق : عطيها الغبرة نيت ! القحاب تايتبوردو و اولاد الناس ميتين هما حيين ! تلاح نعس راه جبت كاو مغيث : ضبر ليا فشي رويبعة ! فاروق : وااجدة ! تهلا ...دخل تلاوح نعس و شقيقة شدااه , مرت ساعات فنومو ! تاسمع اصوات فلذات كبدو و صوت البلارة غمض عين و فتح عين هو تفكر انه خلا كارو فوق طبلة خديجة: تنقوووول كاروووو ممنوووووع اعباااد الله رؤيا : ( تتكلم بهمس و تتفهما بيديها) وراه ناعس ينوض يغوت خديجة : مالو يخلعني ! دخلي نتي خوك بيتكم لعبو رؤيا : ( شافتو خارج ) صمت خديجة : يلاه وديري لي دوفواغ فاروق: ارتاحي ابنتي ! لهلا يقري مها قراية ، لي بغى ينجح العام طويل خديجة : قلبتي ليا دار قهوة !? نعيا نهضر ، مرة جاية كمي فابااالكو فاروق : وخ اشاف ! خديجة : وضحك عليا بجوج كلمات فاروق: نتي راه تتضحكي عليا غير بحرف البلارة خديجة : ( تتحل شراجم ) بلارة ماتتحملش كارو فاروق : ( تيحرك عنقو من نوم ) نجيبو فودكا مافيها ريحة مافيها دخان ! و تتنوض عوافي ( كانت غادة شدها بقوة منقها) وصاااافي خديجة : فاروووق ! ضحكك قاصح طلق فاروق : بحال كوياني بحال ضحكي قااااااصح ( غمزها ) رطب و قاصح ( عضها فمها ) حلوو و مالح ! تعقلي ? ...مر الويكاند بسلام ! الحياة كما العادة تتمشى بالروتين ، لي داو اليوم يدار الغدا و هيا كدالك ، فاقت الصباح نزلت وجدت الفطور و حطاتو فالطبلة و جلست تتفكر و تعاود فحياتها ...تتحس ان نشاطها اقل و طموحاتها تبخرت ، ارتسمت بابتسامة على وجها وهيا تتشوفها خارجة من بيتها و اضح من حركة شفايفها انها تتردد دعاء اسماء: صباح خير اخالتي الوازنة : صباح نور ابنتي ! ( شدات راسها ) الله يشوف من حال داك الوليد ماتينعس ما خلا والديه ينعس و انا معاهم اسماء: دبا يكبر انشاء الله و يتبدل ، نخوي ليك اخالتي أتاي ? الوازنة : كبي الحبيبة ! الله يخرجنا من دار العيب بلا عيب اسماء: ( مدت لها كاس و قربت لها الاكل ) آمين خالتي ، تانا غيت بالجلسة الدار و فطوش عيت معاها تجي تجلس معانا مابغات الوازنة : الله يرحمو ابنتي ! صعيب المراة تفرق دارها و تجلس عند الناس ولو يكونو اولادها ، سترك هو دارك ابنيتي ، عذريها اسماء: كاينة خالتي ، تانا تنمشي عندها تنكول فوفاش رجع ولفت هنا الوازنة : هانتي كلتيها ابنيتي ، الولف ابنيتي و شحال بكيتي وكل مرة تكولي دارنا دارنا ( بمزحة ) هااا دارك اسماء: ااوا عقل الصغر و الصبر قليل الوازنة : كووولشي الحبيبة على الصبر ! ولكن الصبر فالمعقول وعلى محالك و مولا دارك و رزق اما للأذية ابنتي ماتصبريش اسماء: الله يهدينا ! نطلع نشوف نبيل الوازنة : سيري ابنتي ...طلعت بخطواتها فالدروج تادخلت بدطمة طلت عليه لقاتو مزال ناعس ، قربت جهتو تتتاذيه نبيللل نبيلللل نبيل: ( راسو تقيل و سخانة شداه ) اسماااء هبطي سوارت لنوصير اسماء: ( تاتقلب جبهتو ) مريض ? فين هما سوارت نبيل: ( تيحس بنزلة برد شداه ) فجيب سروال اسماء: واخة مشاات سروال هزت سورات نزلت حطاتهم تحت وصات الوازنة تعطيهم لنوصير ! وجدت ليه بلاطو الفطور و طلعت جلست جنبو : وانوض تفطر نبيل: مافياش ! خليني نعس اسماء: خاصك تشرب الدوا انبيل نبيل: ( بصوت تعبان ) اسمااء خليني نعس ..حطت بلاطو و خرجت تتجمع دنيا و نزلت تحت توجد الغدا ، لقات زاينة يلاه فاقت صفرا فوجها و تعب واضح عليها ، تربية طفل عندو مشاكل عقلية صعب تعامل معه ، تهزو الوازنة و تحطو و تهزو زاينة تاني و اغلب سلوكو بكا و تيحك فراسو زاينة : ( تتبكي غلبها ) راه انا لي نمرض بتوحد اسماء: صبري ختي صبري ! لبسي جلابتك و حطيه فالبوسبط و خرجي بيه زاينة : فين نخرج فهاد شتا و البرد ، نزيد نمرضو اسماء: طلعي بيه سطح ، ولدك دار تتمرضو زاينة : انعاونك شوية اسماء: ماعندك ماتعاونيني غير سيري اختي ! ...الوقت تيمر و الغدا وجد ! زاينة خرجت ولدها تارجعاتو ناعس , حطو الغذا و قدات بلاطو لنبيل و طلعت تاني عندو تتفيقو اسماء: نبيلل نبيل: ( سخانة شادة فيه ) شعلي داك دوش اسماء: راه شاعل ( تتجر للغطا عليه ) نعاونك نبيل: ( جلس تيستعد الوقوف ) راسي تنحس فيج جوج اسماء: ( تتفحصو و تاتقلبو ) وريني لسانك نبيل: ( فتح فمو خرج لسانو) هننن اسماء: لسانك بيض ! عرفتها هيا لي فيك نبيل: شنو هيا ? اسماء: مكلفة ! وجلس ماغاديش دوش راه تتزيد تمرض خاص المراة لي جابت حالتي تكويني على بوصفير تكويك نبيل: ( تيحس بجسدو تقيل و سخفة شداه ) هبطي جيبي واليدة تآكد واش بصح المكلفة اسماء: والله تاهيا راه كنت تنمرض بيها فصغري نبيل: ( رجع تكى ) وجلسي تما تهضري اسماء: وراه غير فهمتك خرجت جهة دوروج تتنادي على الوازنة حتى طلعت و خبراتها بالامر ، فحصاتو حتى الوازنة و تاكدت و لبست جلابتها ومشات تجيب المراة ......لحظات وصلت هيا وياها ودخلو البيت و هو غير ناعس مهلوك السيدة : باسم لله فين مادخلنا يدخل الخير الوازنة : نتي مولات الخير ! كي شتي دبا لسانو ابيض و راس تقيل السيدة : ( تتوجد توب و سواك ) اياه اللا الوازنة ( شافت اسماء ) هادي عروستك لي عزمت لها على بوصفير الوازنة : هيا ! ودبا راجلها وليدي الحبيب السيدة : اوا ماتتكبرشاي عندك هاد العروسة اسماء : ( بمزح ) غدا انكبر اخالتي ! داوي ليل غير زماني السيدة : ( حركت راسها بآعجاب ) بنادم الزوين عمر ربي خيبو ! قلبك زين ابنتي ( حيدت الغطا على نبيل و اسماء معاونها ) بشفاء أولدي ! هيا المكلفة ! كي شتي اللا الوازنة كاينة المكلفة الشمس و المكلفة السمرة ? هو بنادم مايكثر جلاس لا قشمس ولا السمر و شمس شتا قاصحة الوازنة : خيار الالة ! اوا براكتك و صافي السيدة : منووع يدوش ولا يشرب البارد ! لاقدر الله الا عزمت بالعافية و دوش راه يعمى و يموت الوازنة : الله اربي ! لا مايقربش للدوش السيدة : فتح اولدي لسانك واري الصغيورة شي بانيو اسماء: ( تتطير جابتو ) هاكي اخالتي المرأة بدت تتشرط لسانو بسواك و مجرد كملت بدا يتقيى و اسماء تاتشد ليه فراسو ، وفاالاخير كواتو بتوب فالمفاصل و الرأس وخلاتو يرتاح و خرجت معاها الوازنة توصلها نبيل: فيا البرد غطيني اسماء: (,تتزيد عليه الغطا ) ها شمس لي تتجلس فيها نبيل: عندك زهر مريض مانوض نوريك الشمس من داخل مكتبو جالس بهمة على كرسيه و عاطي بظهرو بالكرسي للمكتب و سارح بنظرو للشرجم و هاز يديه على راسو غريق تفكير ! يومين مرت هو مخدم تحرياتو و القلق راكبو من ساسو راسو ! خايف على ليالي تعرض لها و تسممها و تقلب عليهم المواجع و ليالي اليوم ماشي هيا ليالي الامس مايقدرش يتوقع ردة فعلها ...رن هاتفو و صغر عينيه تيقرا لاسم كان معرفتو لي خدام فالسجل الحالة المدنية لي خبرو باليوم تسجيل أمير و كان نفس اليوم لي تلاقاه و معاه مونيا مغيث: الو ! صديق: اولد القباج ! منين ذفنوه مازاروه مغيث : شووف الا جايب ليا خبار ديك بنت القحبة اقطع ص: ( بتنهيدة ) مغيث سمعني اصاااحبي ! السيدة راها فرعات ليا دماغي وجات عندي حتى الادارة و ماعرفتهاش واحد حالة واحد الويل ! مغيث : غفلاتني ! اما كن سقت الاخبار ليها راها جاها العفو نحطهم عليها صحاح و نخليها تنبث فالحبس ! معيطة ليا تتهددني ? من جذر عقلها اصاحبي ص: راه جات تتشكي و تبكي و حالتها حالة ! دورت معاها شي بركة و كلت لها سيري الله يسهل عليك ! و بقات تشكي و تبكي راه مغيث مصيفط لي حاضيني و لقاوني حدا داو و عطاوني تصرفيق ونا غير كنت مقهورة و لسان مافيه عظم مغيث : تمااا جري عليها بحال هاديك راها جنحة تتمشى على رجليها ! بررررب ماتغلبني و تصرفيق لي خدات راه حكمت عقلي اما اقود بروصي لصقو لها و رجعها فين كانت ص: دبا شوووف ! لي فات مات اصاحبي انا غير اتصلت بيك نكولك القضية ومافيها مغيث : ( واقف تيقاد كرافطتو ) شمتة لي شفت مع هااديك نعاودها غسالي ! واحد بنت الحرااام مقططرة ...انا االا بغات نفوتها تخوي المدينة تمشي طلع مقر تقحبينها ص: طوي الموضوع ! راه حنا رجال اصاحبي وكلها و عيبو وكلها و غلطو ! لي مادارتها بيه مراة دارها بيه الزمان مغيث : داكشي لي كاين ! اهم حاجة انا ولدي ومراتي مجموعين اما الحساب راه بيد الرب العالمين ص: ودير شي وقيتة نتقهواو اصاحبي ! مغيث : نشاعلاه و تهلا ....قطع عليه الخط ورجع كمل ملفاتو ! هاد المرة كان حريص و مششد مراقبة ، حاط واحد على لاجونس ليالي واحد على لاكريش امير عاطيهم اوامر تبان لهم يهرسو ليها رجليها , مر وقت من الزمن و حان وقت الخروج ! هز مانيطة فيها لوازمو و لبس جاكيط من البرد ...خارج من الباب الوزارة و تجه للسيارتو قلع خارج من الباب مع دورة للمح طيف يشبه لها و توقف تيحقق لكن ختفى و هز الهاتف اتصل باليالي ليالي: الووو مغيث : وبيبي وصلتو دار !? ليالي: وي اون بغيباغ لوكاطو مغيث : بصحة ! انا ندوز لاصال نديفولا شوية ليالي: داكووغ ! هاك امير مغيث : دوزيه ( سمع صوتو ) الو بابيتو أمير : عان عان مغيث : نجى نخرج ولدي فعان عان ! يلاه دير بابا بيزو أمير : ( قرب تلفون فمو ) مواااح مغيث : ميغسي ! يلاه باي باي .. ..سعادة لي تيحس بيها هو مع اتصال او قرب مع عائلتو تتساوي عندو سعادة الدنيا كلها ! وصل لاصال بدل حوايجو فالفيستيال و دخل صالة الرياضة و بدا التسخينات كلما يشوف جهة النساء تيتفكر ليالي ولقائهم و حبهم و بداية علاقتهم ، كمل و دوش و لبس حوايجو تم خارج و الشتا تتطيح بخطوات سريعة تيجري طموبيل منزل راسو تاوقف ايفتح طموبيل هو يسمع : ولد القباج دار ببطئ منزل راسو من قطرات شتاء طلعها من رجليها حتى وجها ! كانت هيا دايرة زيف كحل وجها كانها كبرت عشر سنين يلاه جا ينطق قربات منو وهازة يديها مخرجة من تحت كمها سكين ...دااااخ حشاتها فيه مونيا : ( تترعد بالبرد وشتا ) موووت اولد قباج كما قتلتني موووت حظيتي مني على حباااابك و ماحظتيش راااسك مني مغيث : ( ضربة جاتو فجنب كرشو بقوة طعنة طاح ) غداااارة اممممم مونيا : مووووت الله ياخدك موووووت بسبااابك خسرت رزقي و نكرتيني ...طاح مغيب و الدم مع الشتا تتيجري و بقعة الدم تتكبر ...تا تسمع صراااخ احدى المرات عتقووووو روووووح اعباااااد اللله شحال من جريمة قتل او جريمة عنف تمت من طرف النساء ! الصنف االانثوي لي خلقو الله من ضلع آدم ! الانسان بصفة عامة تيكون مسالم و ليس له نية القتل ، يمكن فالايام بحال جميع الناس تيسمع اخبار الجريمة و يتأسف ..لكن القدر وحده من يعلم المستخبي و يعلم متى الانسان يتخلى عن انسااانيته **** Back اليومين لي مرو عليها ! كانو جحيم ، قبل ما يرزقها الله جربت الجوع و قلة الشى لكن تكوني برزقك و ترجعي على الحصير صعيب يتقبليها من نهار حصلوها رجال مغيث و صوفقوها حست بذل ومهانة و زاد كمل ليها صديقهم لي تعامل معاها كانها سعاية ! تتبات فقهوة مع واحد السيدة تتغسل الماعن ليل كلو وهيا تتسمع تخرشيش طوبات و البرد و شتا ، تفكيرها زاد تشوش ! خسرت كلشي ربحت الحقد و الكره و قلة شئ فأول حاربات بزينها و بصغرها و ذكائها ! دبا باش تحارب ? ذبلت و شرفت و مرضت نفسيا !! كانت ساعة تشير للسابعة صباحا بجلابتها باش تتنعس وقفت هازة زيف المراة رماتو عليها و لمحت سكين دارتو فكمها و هزت فلوس للمراة و خرجت فالشتا ...خيطت شوارع و دروبة ماحاسااش بالشتا و البرد ،دماغها مصور لها صورة وحدة هو مغيث ...اللحظة لي وصلت مقر عملو كان امام عينها جلست مخبعة تتنتظرو و فنيتها تهاجمو فالمقر عملو لكن المكان كان مراقب ...تبعاتو للحظة لي خرج شادة طاكسي لكن لقاتو دخل لاصال ...تحت شتا تتنظرو ساعات تاخرج ... ****End ;مونيا: ( صواخ بنت فيقها ) مااات ? ماااات بنت : ( بخلعة طاحت ارض تتغوت ) و عتقووووووه عتقورووووه ..فرمشة عين خرجو للمحو للجريمة و اتصلو باللاسعاف و الشرطة ! مونيا ماتحركاتش من مكانها لانها بساطة حطت سلاح و فاقت روطار ! الانسان باش يرتكب جريمة تيكون حرق مراحل الانسانية مع نفسو اولا...هزو مغيث فللاسعاف و مونيا فالصافيط ...مسعف : ( تيبرك ليه على جرح تيشرفو تيفيق ) تتسمعني !! مغيث : ( بصوت مقطع و حر الطعنة ) مااا تصلووش بمراتي مسعف : خليك معايااا ! مسيو القباااج .. بما انه تهز من امام لاصال كانت هويتو معروفة و جراو بيه احسن مستشفى خصوصي و دخلوه مبااشرة للغرفة عمليات لانه تينزف ...برابطة الشرطة بمجرد ما للمحو اسم ضحية حولو اتصال لاجودان فاروق: اش فبلان ! بوليسي: ماعندي مانخبع عليك ! خوك راه هزوه كلينيك شي خيتنا ضرباتو بموس فاروق : ( وقف و ضو ضرب فراسو ) شكون فخووتي !? ب: الموظف فالوزارة فاروق : ( غمض عينيه بعصبية ) بنتتتت القحباااااا ! بغاات تقتلووو و ترزيه فشبااابوو ! شديتوها !? ب: لقيناها فبلاصتها ! سيدة بايعة راسها ..الله ينجيك من جايات ! اقطع الخط وخارج ساخط ببلبسة جدارمية اول ماخمم ليه هو : _ولدووو _مراتووو _اموووو _اخووتوووو وصل كلينيك لي حصل عنوانو من بوليس ودخل صاعر تيسول واخبروه انه فالبلوك ! تيمشي و يجي و يمشي و يجي و الدقائق تتمشى الساعات ....تاتيبغي يوصل بلوك و يصبر و يصبر تااخرج الدكتور تيمسح عرق من جبينو فاروق : ( انفاسو تتسارع ) امضرا !? دكتور : ( هز حواجبو ) ربي جا من جهتو ! آن سونتيم و تقيس ليه كلوة ! عوضنا دم و تنتظرو لايظهرو شي مضاعفات فاروق : ( هز يديه بتقاتل طبطب على ذراعو ) الله يزيدك نور ! ولكن رابور لي تكتب بغيتو يكون متقلل كثر و اكثر دكتور : ( اشار بنظرو و قرب ليه تيتكلم بهمس و فاروق عطاه وذنو) انا فاهم قضية اعتداء لكن راه ربي نجاه فاروق: ( حرك ليه راسو ) قضية محاولة قتل عن سبق اصرار و ترصد ! عمر لي كلت ليك و سي القباج فاش ينوض بسلامة يزيد يعمر ليك ..دكتور حرك راسو و مشى ! وفاروق بقى تيتظرو يفيق ، ماسيق الاخبار لاحد تيفك هاد منامة ...الساعات هو فانتظار اخوه يخرج من البلوك ! على الخارج عاااصفة من الشتا ر الرعد ، تيسترجع كلام الدكتور هو تيخبرو انه على سنتيم منع من ضربة لي تخليه يخسر بيها صحتو ، حط يدو على راسو هو تيعاود فالشريط حياة خوه !من صغرو عزيز عليه العلم و الاجتهاد ، استقل بدارو و عمرو ادخل راسو فشي صدااع ! لمح نفس الطبيب خارج ... فاروق : ( وقف ليه ) فاق ! الدكتور : فاق حمد الله على سلامتو ،حتى البنية ديالو و الصحة جيدة هزات عليه شوية ، راه طلع شومبر فوق فاروق : ( تيحك لحيتو طبيب فواد فواد ) وجدتي ليا رابور ? الدكتور : واجد ! البوليس راه تيتصلو بكلينيك لااستجاوب ! فاروق : (حرك ليه راسو) كون هاني الدكتور خدمتي هادي ! قبل ما يصبح الصباح مسمار ايطرق ...الدكتور كمل طريقو و فاروق تجه استقبال يعطيوه رقم الغرفة ! تلفونو تيصوني للمح رقم خديجة و دار سيلونس رجعو جيبو ، وصل الغرفة دق و ادخل لقاه ناعس وجهو شاحب مائل البيوضة ....قرب ليه عاض على شفايفو بصوت منخفض ناداه مرات تافتح مغيث عينيه بتعب و صعوبة فاروق: على سلامتك اخويا مغيث : (حرك راسو بصعوب و الم واضح على وجهو ) يسلمك فاروق : ( وقف تيمسح وجهو بأسف و الم ) ارتاح مع راسك ! ختنا تشدات و غادي نغرقها غريق الجمل مغيث : ( تيلقط كلام ) لياا ليي ماتسيقش الخبار ! ( تيغمض عينيه من الم و يتنفس بصعوبة) ماتكول والو مراتي فاروق: ميمكنش اصاحبي ! راك طايح مغيث : ( تيحرك راسو موافقو و تيتنفس مستعد كلام ) عاارف ! قصدت ماتسبقش الاخبار على كلبة فاروق: ( طبطب فكتفو ) كن هاني ! طاحت و لقيناها نكولو هجوم من شمكار وصافي بغى يكرسيك ، ضوسي يتسد دبا و رابور تعمر من داكشي رفيع مغيث : ( تيغمض عينيه و يفتحهم ) هادشي يتدفن هنا ! فاروق : ارتااح ! ..خرج فاروق اتصل بمعرفتو فالبوليس ! مسافة طريق كانو عندو ...فتحو تحقيق مغيث اكد لهم هوية جانية , مع رابور الطبيب و كاميرات لاصال و شاهدة عيان ! التهمة كانت لاصقة على مونيا لكن بتهمة تقيلة و هيا محاولة قتل عن سبق اصرار ر ترصد و #انتهى....مع الساعة متأخرة فلليل للاتصالات قواو و فاروق أخر بما فيه الكفاية و اخر مطاف تجه عند ليالي دارها ... ليالي: ( تتبوس ولدها ) ماي بيبي امير فحضنها ليل كلو هو كلمة وحدة فمو داادي داادي و هيا تلفون في يديها ! الكاطو وجد و العشا وجد ولا أثر لمغيث ، نتطرت و نتظرت واتصلت بلاصال لكن تيرن بدون جواب و السبب انه اغلق مبكرا بسبب الجريمة ، اتصلت بخديجة لي اكدت لها ان فاروق بنفسو مزال ماادخل ! خافو يتصلو بالوازنة ولا خوتو فضلو انتظار ولا على نار ! سمعت دقان وناضت تتجري وامير فحضنها فتحت الباب مجرد شافت فاروق دموعها طاحو فاروق : ( وتراتو لاتكون ساقت الخبار ) سلام لياالي: ( تاشهق ) فين مغيث ? وقعت ليه شي حاجة فاروق : ( مد يديه شد امير وبقى واقف فالباب ) اتهدني ! لبسي عليك و جيبي جاكيطة لامير مغيث راه بخير لياالي: ( قلبها مشا وجا دخلت تتجري هزت جاكيطتها و جاكيط امير رجعت تتبكي ) غير قوولي شنو وقع ليه فاروق: ( تيلبس امير جاكيط هو بدا يفيق ) ماوقع والو ! تشوفيه بعينيك و تأكدي ..ركبهم فطموبيل وليالي شادة ولدها و تتموت بالخوف قلبها تيضرب بقوة ! ماتقدرش تخيل حياتها بلا بيه ، مرو من بزاف المشاكل لكن هو اول راجل بغاتو بصدق ...وصلو الكلينيك متأخرين و بالوجوه و رغيب خلاوهم يدخلو تابعو فاروق تاتبكي تافتح شومبرة و دخلت بان لها ناعس وجهو شاحب حطت يديها على وجها تاتبكي امير : ( هز صبعر تيشير لمغيث ) داادي فاروق: ( باسو ) الله يشافيه اعمو ( خاطب ليالي) هاهو قدامك ربي نجاه منها ! دعي معاه ينوض منها ليالي: ( تتشد فيدو و تتبكي بحرارة ) ..... فاروق: انا برا نهضر مع خديجة ! خرج و أمير معاه خلاها على خاطرها تبكي ! دوز الخط لهديجة اخبرها بالواقعة و نفس الكلام لي تفق مع خوه ! الشمكاو هاجمو ، طمنها و اقطع معاها و تينتظر ليالي تخرج باش يرجعهم الدار لياالي: ( تتمسح دموعها و تتبوسو فراسو ) مغييث ! مغيث : ( مجرد سمع صوتها احساس طعنة رجع ليه دور وجهو عندها بصعوبة ) ليالي ليالي: ( تتبوسو فوجهو ) حمدو الله على سلامة ! كنت حاسة انك فشي مصيبة و كذبت احساسي ( تتبكي بحرارة ) كنت نتسطى الا وقعت لك شي حاجة مغيث : ( زير على يدها) ماتبكيش ! ربي كتبها ليالي: شنو وقع ? ماافهمتش مغيث : خارج من لاصال مع رعدة شتا غفلني واحد شفار وضربني بموس جنب كرشي لياالي: ( دموعها ختقوها ) كن عطيتيه لي بغا امغيث ! شوف كان يقتلك مغيث : ( بحرارة ) مكتاب الله ! فين امير ? ليالي: مع فاروق ! تشوفو ? مغيث : الصباح جيبيه ! يبغي يعنقني انا يلاه خارج من بلوك ! رجعي الدار انا مزيان ...قنعها و طمنها ! اخيرا خرجت تتبكي وهزت امير و ركبت مع فاروق طموبيل راجعين الدار ... فاروق : (وقف فالباب برطمة ) الصباح ندوز عليك ريحي بالك ليالي: شكرا بزاف ...دخلت الدار و دموع فعينيها ماحبسوش حطت ولدها ناعس ! ودخلت بيتهم هزت حوايجو تتشمهم و تتحرق من داخلها كن مشى فيها ! هزت صاك تتوجد ليه حوايجو و مانعساتش ابدااا .. ليالي: ( عنقاتو تتبكي ) نووو مانقدرش نخليك مغيث : ششششش ليالي ! انا بخير حمد الله !صباح ورجعي ،امير يتمرت معانا و البرد _لا تستدر لترى ماضيك لو كان فيه الخير لكان حاضرك ! يوم بعد يوم مغيث تيرجع صحتو العائلة و المعارف و الزملاء فالعمل زاروه و تمناو ليه الشفاء، اكثر المتضريرن كانو ليالي و الوازنة الخوف كان فكفة الوحدة ...قضية شمكار اضربو كانت شيفرة السر بين فاروف مغيث حتى نبيل و نوصير ماصفحوش لهم عن السر ! القضية ضمست و الجانية المسطرة تبعت فحقها ! بعد مرور أيام و خروجو من الطبيب جالس فالسيجور مغطي بملاية و أمير فارض بجنبو تيلعب بلعب و ليالي فلاجونس ..تفكيرو خداه للواقعة و كل دقيقة تيحمد الله ان الضربة جات فيه و ربي حفظ ليه ولدو و مراتو ! و مانذمش على قضية خبع عليها ! لان الامر مايستاهلش تسمعو و تتزيد تكبو مخاوفها و تكون شكوكها من جديد ، شحال من حاجة تتمر فحياتنا تنحولها من الحدت للسر و تتذفن فمكانها ، شنو نفع الحاجة لي اضر حبابنا و ينهارو بسبابها نحطوها لهم على طبق من فضة و نمرضهم معانا ! مونيا تجننت و حابتها فراسها ومشات فين تربى للسنين اخرى و نقطة على سطر ليالي: ( فتحت الباب داخلة مبتسمة ) سلاااام مغيث : ( بابتسامة دافئة و استقبلها بقبلة ) سلااام ليالي: ( هزت ولدها تتبوسو) بيبو توحشتك ! دار شي صداع ? مغيث : نو ! حطيه و بدلي حوايجك ارتاحي ليالي: ووي ! صافا جرحة ماتيضرك والو مغيث : حمدو الله ...دفئ العائلة او الحياة زوجية لي تيطمح لها اي كوبل هيا هادي ! زوج محب متفهم حنون و زوجة وفية حنينة و تمرة حب ! الحياة زوجية تتمر بمطبات و ند و جزر لكن احلى الايام ? هيا الايام الهادئة و تتحسي بشريك حياتك كتاب مفتوح امامك تتقلبي صفحاتك كما بغيتي ! فاسوء الرجال هم الغامضين ذوي النية سوداوية ...تغداو فجو حميمي وبما ان الجو كان مشمس لبسو ملابسهم رياضية و خرجو يتمشاو مع آمير ليالي : ( نظراتها على امير ) عنداك طيح مغيث : الا طاح ينوض ! راه عامين قرب يقفلها لياالي: ووي ! عام باش شفت بابا و ماما توحشتهم مغيث : ( جرها عندو معنقها ) العطلة ربيع و نطلعو فرنسا ليالي: وعلى حسب لاجونس تاني !, مغيث : وجدي لها من دبا ! بداي تقادي بغوكغام ليالى: انشاء الله ..( شافتو تيزير عينيه بتعب ) نرجعو ? مغيث : ماعليش ! نتعشاو برا ? ليالي: لي بغيتي ! مشهي شي حاجة ? مغيث : ( بعيون ساحرة ) مشهيك نتي و شي بنية من عندك ليالي: ( هزت راسها تتضحك هزت صبعها تتشير ليه ) بقى عااام ! مغيث : اممم نحسبوها ! مايجي امير يدير طخوازون تكون الاميرة شرفت ليالي: هاااء !! باش عرفتيها تكون بخانسيس ? مغيث : نشاء الله تكون (هز امير لي طاح ) تفقنا ليالي: ( تتفكر الولادة اولي و تمارة امير ) صمت مغيث : خايفة ولا شنو ? ياك تفاقية نتعاونو على اولادنا حاضرة ! ومايكون غير الخير هاد مرة انا معاك و يدي ماطلقش منك شنو ماوقع ليالي : ( قلبها فرفر من كلامو ) موا اوسي ! مانطلقش يديك ابدا مغيث : ( هاز امير و عنقها بجنب ) الله يخليكم ليا امير : داادي ( تيشير جهة ماكدونالد) مييمي مغيث : وليتي طيرها فالسما ! نت خاصك عمك يدريسيك على الشوا ليالي: ههههه والله ! ديما تتقولي دوجى راه هادوك هو اكلو مفضل مغيث : هداك ماعندوش مع البشر و بريستيج ! تنعقل كان العرس بنت عمى وخوتها لي اولاد عمي يحضرو لها كانو تيقراو فالخاريج اوا الواليدة زعما حضراتو ليها لياالي: هههههه اوا ? ***Back العرس كلو هو فالباب القاعة و مراتو اولى كانت تتعصبو مغيارة لاش تسلم لا تزمر للحظة لي العروسة غادة مايجي غير نوصير يسولو علي العريس فين داي العروسة نوصير : فين يديها ? فاروق: يديها يحويها نوصير : لا زعما مسافرين ولا يباتو فاروق: الا صبر عليها كاع لايبات ! فرقو عليا هاد جقلة النم ***End ليالي: ههههههه ناري تخسار هضرة مغيث : وايلي ! فاش تكون لافامي ولا شي مناسبة مايهضرو احد يحطها لك وجمعها انت ليالي: ( بنظرات حب ) طي لوميوغ مغيث : هيا الا سنيتي معايا تفاق ليالي: واننننن مغيث : وخ لالة ! ( داخلين ماكدو ) نميميو ابعدااا ...مرت ليلتهم بسلام و فقلبهم امنية أن تكون ايامهم كلها راحة وهناء ...الايام تتمر و الشهور كذالك وكلها فين واخداه امور الدنيا و الدين **** بعد ثلاتة اشهر اسبوع وهيا تتوجد لهاد اليوم ، تتفطر بهاد موضوع و تغدا بيه و تنعس بيه ! شهر باش رجعت المدرسة و اليوم ديفيلي لي تشد فيه ديبلوم ...فاقت صباح دوشت و لبست حوايجها و خرجت صالون واقفة تتشوف فالقفطان تكشيطة لي موجدة ... اسماء: ياااربي تنجحني يااربي ! ( هزاتو تتطويه حطاتو فساشي ) خاصني نصوني على سكينة دوزت الخط هو ضرباتو فيقة تيسمع اصواتها ! هاد شهر حمقاتو ... بغيت هاد توووب ! ( جابو لها وترد قائلة ) لالا ماشي هو نبيييل جيب ليا هاد العقيق ! ( جابو لها و تجاوبو تاني) هدا خضر هدا مخيضر نبيل اجي شد معايا العبار ( يخلي وراقو ينوض يعاونها و تغوت عليه ) ماتعاااونيش خسرتي ليا الحساب ...دخل يطرف و يلبس حوايجو تاخرج سمعاها .. اسماء: جوعينة هانتي عشرة ? سكينة : ماجاياش ! اااو فرعتي ليا كري , ماخليتي ليا فلوس طاكسي ولا حمام وزايداها تتامري اسماء: يعطييبك لمكاامد ! راه نخلص ليك كلشي ! قفطان فقياسك و نتي العارضة بغاني نسقط ? سكينة : واش تتخلصي زبابل فلوس و يسقطوك ! راه دوك بنات لي معاك جبت لهم كمند اوريفلام راه غير شراو قفاطن واجدين يدوزوه اليوم اسماء: ماتعاوديش ليا ! العشرة لقاك سكينة : واتعطيني القفطان !? اسماء: ياك كنا فلوس حمام و طاكسي سكينة : ماتعطينيش اختي ! صبحنا عالله و نبي رسول الله ، قطعي عشرة ناتلاقاو اسماء: ( حطت تلفون حدا قفطان ) جوعينة كالك نبيل: سلام اسماء: فقتي ! صافي كوولشي واجد نبيل: (,مقرب لها يتفوه و عنقها باسها ) تشدي هاد ديبلوم و تريحي مخك ، هبلتيني معاك اسماء : ( تعلات باستو فحنكو هو مبتسم لانها طلقت معاه ) و الحانوت ? نبيل: نرحلو ابعدا الفيلا و نشوف انا وخوتي اش نديرو فهاد دار و مشروع زاينة لي رغبنا عليه نوصير و يكون خير اسماء: خلي تا الصيف ورحلو ! نبيل: بحال هكاك صيف نشاء الله ! جمعي صاكك باش تهبطي تفطري و نوصلك اسماء: كلشي مجموع ! نبيل: مااانوصيكش ماتصوريش مع البنات هاوذني منك لقاك فشي باج ولا مانعرفت ! دوزي دورك شدي ديبلومك و تسنانيني نشد واحد سلعو و نجيبك اسماء: وراه المدرسة تصورنا صورة تذكارية نبيل: مع معلمتك ماشي بنات ! سمعي هضرتي الله يرضي عليك ...عرفاتو يقوي عليها محاظرات ، جمعت لي خاصها لبست كسيوة جبادور فرق ركبة مع السروال توب كلاص وصبيبط دارت زيفها و خاتم زواج مزين يديها رشت ديحتها و دارت ايكخون و قلم خفيف و خرجت لقاتو واقف منتظرها اسماء:( بحماس ) يلاه نبيل: ( بصمت شدها من يديها و عنقها مزير عليهااا ) ديري عقلك ! و الله يحفظك من للعين ماتبقايش ضحكي مع كلشي اسماء: جيت زوينة ? نبيل: ( باعجاب حقق فعويناتها ) جيتي كي ماشا اسماء: ( هزت صاكها قفطانها فيديها ) بزااف عليك ! انا راه طواليت شوية نبيل.. تيحرك راسو معاها هضورتها مهبلينو ! ادخلو عند الوازنة صبحو عليها و افظرو و زاينة تمنت لها توفيق ..خرجو راكبين فطومبيل ..فرحاانة ! محمسة اخيرا تشد ديبلومها الخياطة من احسن مدرسة للخياطة ،مسافة طريق كانو قدام المدرسة ،شد لها فيديها قبل ماتنزل نبيل: نسالي شغلي و نرجع ليك دغيا نجيبك اسماء: ( بتوتر ) دعي معايا ندوز دغيا ويعجبهم شغلي نبيل : ربي عوينك ! راكي واخدة ديبلوم بلا ماتعصبي و نصدق معصب عليك ...نزلت تتبتسم معاه و ماتحرك تا شافها داخلة المدرسة ...لقات سكينة فانتظارها عنقااتها تتضحك ، كان قسمهم مجموع دخلو القاعة للتغير كل وحدة شدات العارضة ديالها و تتلبسها و البنات معاونين بيناتهم ! حوالي سااعة مرت فالاستعداد .. اسماء: ( تاشوف سكينة ) جيتي فسرة ! سكينة : ( تتطل على جهة للجنة ) دبا انا بمشيتي كي عسكري ندوز قدام هادوك اسماء: شوفي ااه ! لا تشوهينيش ، تخيلي راسك عارضة و سيري بحالهم ، شوفي البنات سكينة : ( تاتضحك بفقصة ) هاتي كلتيها البنات ! انا شي حااجة تتشبه البنات .....الكل وااجد للتقديم عارضاتهم , كان الحضور بعض النساء للددعم و للجنة تحكيم ، البنات طالقينها ضحك و سلفيات من غير اسماء لي تتعضعض ضفرانها بقوة توتر اسماء : ( قلبها تيضرب ) هاانوبتنا وصلت سكينة : قل اعووذ برب الفلق ! صم بكم.. ....ناداو بإسم اسمااء لمنوني لي مولفة تسمعها من اطباء و كوميساريات ،اليوم سمعاتها بخاطرها و فاهم للحظة عندها دموع تجمعو فعينيها هيا تتشوف سكينة تتمشي قدامهم و بصوتها المرعود جاوبات على بعض للاسئلة و رجعو بلاصتهم سكينة : نااري مي قلبي يسكت ! عروسة مروحيني اسماء: ( تتمسح يديها عرقو ) واخيراااا ! ...جلسو متبعين العرض !تا دازو كلهم و جات للحظة لي يعطيوهم ديبلومات و كانت شهادات تقدير للبعض البنات ومن ضمنهم اسماء لي شداتهم بفرحة عاامرة سكينة : مبرووك نجااح اخويتي ! رجعتي مصممة اسماء : (جبدت تلفون اتصل بنبيل ) نطييير بالفرحة ...من داخل لافيراي داخل مكتب ديالو مع حساباتو و فاكتورات ، منين دخل هو حاني راسو و عاقد جواجبو تا سمع كلاكصون كاميون السلعة وصل هز تلفون هو يرن فيديه نبيل: ( بصوت حنين ) أسماء لباس ! اسماء: (,بفرحة ) للااباااس ! وراه نجحت اتجي دبا ? نبيل : مزيااان ! واحد شوية ونجي ديدي عقلك الله يرضي عليك .. ..نزل لابس قناع الجدية شمس كانت ساطعة بشكل قوي ، وقف فاخر درجة مربع يديه متبع كاميو تيبلاصي و الخدامة مستعدين ينزلو السلعة و نزل شيفور سلم على نبيل ومد ليه فاكتورات شيفو : سي القباج بخير ! نبيل : الله ينصرك اخا ! ( يلاه شاف الخدام يطلع هو ينادي عليه ) مجيد لابراااي اصااااحبي مجيد : راها معايا معاياا !! نبيل متبع سلعة تتنزل من بعد ما طمنو عليها ! تاوقف عليهم نوصير و بدا الحوار عن اجواء المعمل شيفور : السوق راه مرون تاني اصاحبي ! نبيل: السوق مرون بالسماسرية لفريا ! هاد الشتا لي دازت سوق تينعس ، غير تيسخن الجو تيبغيو يسخنو الثمن ، كن هاد لافيراي خلاوه للصنايعية احرار مايكونش ها بكر علال و شفرة بالعلالي شيفور : على رقبتي الل بعيني شفت سكة الماشينة تيفكوها ! راه الخطية اصااحبي نوصير: العيب لي تيشري منهم ! غدا تانا تجيني حديدة مدرحة ونشريها ! نبيل: (هز راسو مبعد على غبرة ) الا دخلتي لداك الواد يرجع بحر ! نهار تاني ماتبغيش تشري منو ولا تنزل ليه تمن يبيع بيك لاصحاب الحال شيفور : دااكشي لي كاين ! خدم براكا عليك مع الحرايفية اما صحاب فاركونيط راه معمرين دنيا هما لي مطيحين سووق نوصير: هاد حرفة كلها طرقان ! تخلويض طغى نبيل : ماطغى والو ! باش تاكل و توكل رزق الحلال صفي ! شيفور : اسي نبيل امورك هانية !? نبيل: ( تيقرا فاكتورات ) هانية ، حسابك يوصلك كما العادة شيفور : وايلي الراجل هو الكلمة ... ....شيفور قرب واقف على خدامة تينزلو سلعة و نوصير و نبيل تيذاكرو على لمور الدار نوصير : راسي تيطبخ اصاحبي ! جبنا زياد من طبيب نبيل : اخبار الخير ? نوصير : لا حمد الله رجع يشوف فيك الا عيطتي عليه بالكود نبيل: شمن كود ? نوصير : تكون شاد فيديك شي حاجة و تكوليه زياد هااك نبيل: حمد الله على السلامة ( دار تيشوف خدامة ) عطلوني هادو و خاصني نجيب اسماء نوصير: طلع عطيني ابعدا شيك لس نعطي مول سلعة راه يدوز دبا ! نبيل: زيد يلاه معايا راه خاصك دوز شي وراق ضريبة طلعو بيرو تيريكلو امورهم ، نبيل مركز مع اوراق هو تيعطي نوصير و نفس وقت تيشرح ليه تاتمو نازلين فدروج و تيسمع دقاان مجهد للنبيل نبيل: اش تيهرسو هدا نوصير: ( ضرب تلفون فجيب مالقاهاش) نسيت تلفون فوق نبيل مد ليه سورات شافو تاتطلع وبقات ليه اخر درجة يخطوها هو يلمح مثل سيركوي الضوو مر من امااامو و غمااامة كحلة دازت قدام عينو فجزء من ثانية تهز و تخبط و و لافيراي تتنهار من سقفها و صوت انفجااار مدوي قووي تسمممع بوووووووووووووم ....ماهو زلزال ماهو بركان من فعل طبيعة ،كان انفجااار قوي لي ريب كراج لافيراي تحت و اشلاء الناس كان متطايرة ....للحظات وتجمهر الناس على لافيراي و اصوات بوليس و الاسعاف تتسسمع فالارجاااء و اول تحاليل مع شهود عيااان شاهد : واااااعبااااد الله ولاد القباااج مشاااو و كاااااارثة و قنبوووولة و اااا عداااو شاهد تاني: واااا كووووولشي مات ( حاولو يدخلو لكن العاصفة ترابية مزال مضببة الصورة و للمحو اشلاء اجساد ) واااا ميييمتييي وااا اولااااز قباااااج ....شاهد تالت : ( تيشوف بوليس ) واااا مااااتوو ماتوووو وااا راه يدييهم واااراه رجليهم ..صدمة تشكلت للشهود و البوليس براسو مافهم والو ...طوقو مكان و الصحافة حضرت فالحال و الاخبااار وصلت فين بغات و البعض عمل لايف فالفيس بوك ....وكل تيردد : مصييبة مصيبة ...لافيراي او السوق لبيع المتلاشيات هو عالم قد ماهو معروف بالبيع و الشرا قد ماهو معروف بخطورتو ، اغلب لافيراى عبر ربوع المملكة مفتقرين للشروط السلامة، دون تأمين فمجال لي مهدد بالمخاطر فاي للحظة يمكن يوقع نفجار او حريق او اصابات العاملين ! قد ماهو قطاع مربح و شاغل لليد العامل للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02