وجع ولا الا !؟ فاروق: ( صعر ) ماهنااا حياااة ! نتي محرشك شي احد ؟ خديجة: ( غطت راسها ) انننن فاروق: سيمانا راسي ضارني ! سيمانا براء تقلب ليه نعاس ! سيمانا كلها اليوم غدا ! اليون غدا ( ضربها بمخدة) مشى شهر فابور خديجة: ( تتوجع ) و الله يحسن العوان ! راه حنا مزوجين اشريف فاروق: وريني فين هيا هاد مزوجين !؟ وريها لياااا ! تفوووو عيشة الحبس خديجة: الله يكثر خيرك ! فاروق: ( لبس تريكو هز كارو ) داك تقحبين ديال ولدت الاولاد صافي براكة عليا !؟ ماديريش معايا ! ...خرج بالكو تيكمي و تيسب و يلعن ! ضرب فيه الهواء تبرد ودخل عند رؤيا لقاها نعست غطاها و خرج غادي بيتهم ! طل على براء لي معشش ليه فالقلب و باغي يعلمو قصوحية من صغر ..قرب عندها حس بيها تتوجع ونطق بصوت بارد فاروق: خدييييجة ! نزيدك الغطا !؟ خديجة: فرقننننيييي ! فاروق: ( تيحك راسو تيتفوه ) وايلي على فرقني ! كلت ليك زيدي ولدي ! نتي تهناي من هاد الدم و نا نكون مرتاح .. خديجة: انننننن فاروق: اودي ! حمدو الله تاكبرتو و جاتكم مرة فشهر هاد العادة تتقدرو تصبرو لوجعها ! اما حنا راه قطعو لنا النص فزبنا بلا بنج ! خديجة: ( مع وجه شداتها ضحكة ) .... فاروق: اطلقيها ! نهار نشدك مك و اااضحكي مزيااان ..( وقف ) انا خارج خديجة: سد الباب بساروت فاروق: ماغاديش تسوليني فين غادي !؟ ولا صافي ربطتيني !؟ خديجة: يااااربي فاروق: وخ على مك البلارة بعد ليلة عسيرة بسبب بكاء زياد ،بقات سهرانة ،الصباح تيطلع و عيونها خيط شلال من بكا ، تتشوف فزياد ناعس وحداه نوصير لي واضح عليه التعب شديد ...بعد ماجاو من الرباط اتجمعو فوق طبلة العشاء ،و تذاكرو موضوع زياد ، الخوف كان واضح على نوصير و زاينة .. نوصير : ( بصوت ناعس ) زاااينة ! فقتي ? زاينة : مانعستش باش نفيق نوصير: فاق ولا ? زاينة : لا ! مافاقش نوصير: ( جلس جر قرعة الما شربها ) لي دارها لله هيا لي كاينة ! هاهو گاع ربي حكم فيه المرض ? الاوحوه ? زاينة : ( نزلت تتبوسو ) ماغاديش رميه ! غادي نقابل ولدي و نعرف كولشي على مرضو نوصير: ( جرها من يديها عنقها حداه ) غلطنا بجوج ! وكولشي نديروه بجوج , شنو ماكانت النتيجة نتقبلوها زاينة : تنحس بروح ديالي تتحرق نوصير : انا اكثر منك ! حمد الله على كلشي ، شفتي شحال بعدتي عليا ? زاينة : ( حنات راسها تتفكر ) بعدت عليك ? كاين شي وحدة تبغي تكون بعيدة على راجلها هو قريب لها نفس الوقت ? نوصير: ( عض شنايفو بقوة ) عمررك ازااينة گلتي ليا الكلمة زينة ? ولا گلتي هاد راجل جاي مكرفس من تمارة مانزيدوش ? راه تانا عندي قلب و تنحس ، غير النعاس شحال خاصني نتبعك عليه ? قربت رغبك !, واحدا اخر بلاصتي مايعقلش عليك , لكن انا تنشبع غير معاك زاينة : ( غير تترمش ) انا تنعترف بيها معصبة ! لكن من فعايلك، ماتتعطنيش نيتك ، تتديني حتى البحر و ترجعني عطشانة ! كي بغيتي نبقى مبردة انا اصلا على والو تنشعل ! نوصير: وخ هاد الجلسة تعطلت شهور ( حك للحيتو ) راه بداية جديدة الخير فيما اختاره الله , ماشي كيستيون ماتنعطيكش نيتي ? كيستيون ماتنبغيش نشغلك بالك وصافي زاينة : شكون شكا عليك ? انا من النوع لي تنبغى نعرف صغيرة و كبيرة على راجلي ! ياك تقول شركنا الولاد ? نبغي نعرف كلشي نوصير: ( تيحك عينيه بنعاس ) اصلا ازاينة ماكاين مانخبي ! موضوع الفلوس لي نشدها و نحكها ليك فالمشروع راه تنخدم بيها ! فخذمتنا حرك الفلوس تجيب لك فلوس اخرى.. زاينة : ( جات تنوض رجعها ) مرضة الولدي خربقت ليا الافكار كلها ! تنظن اخيرا اقتنعت و رصيت على شنو بغيت نوصير: ( هز راسو تيطل عليها) شنو بغيتي بالسلامة ! زاينة : نتخصص فالتربية اطفال التوحد نوصير : مااعنديش مشكل ! القراية , مستعد نخلص حتى تلتلاف درهم فالشهر , غير هو وازني وقتك مع ولدك ! وتاني حاجة الطبيب اخبرنا بلي زياد بيبي نوغمال ! تا يكمل ثلت سنين عاد تشخص حالتو زاينة : ولو ! للا زياد طلع طبيعي هداك من فضل ربي ! لكن كاين وليدات اخرين غير زياد والديهم كبدتهم تتشوا , غير لافزيت لي خلصنا زياد ! الناس وحدا اخرين راه مايكسابوش ! سولني انا على قلة الشي ! راه دفتر ميات ورقة كنت ماتنقدر نشريه ...الا قدرني الله و تخصصت ? الفضاء طفل لي نفتحو نزيد فيه القسم للاطفال توحد البسيط نوصير: انشاء الله ! نتابعو حالة زياد مع هاد طبيب ! غير نشوفو تحسن توكلي عالله زاينة: ( بتنهيدة حارة ) انشاء الله ... ..كان مشتاق لها ! هيا كذالك ! بعض الاحيان المشاكل او مكاتيب الله ! ممكن تقربنا او ممكن تبعدنا ! شحال من مرضة رفعت غطاء الستر على شريكنا سوا الرجل او إمرأة و تنكر لنا , و شحال من مرضة قربت لنا شريكنا و بينت معدنو الاصيل نوصير: ( تيستقي قبلات من شفتيها ) توحشتك بزاااااف زاينة : ( بهمس ) راه الصباح صبح ! شوية زياد يفيق نوصير: ( قلبها تحتو ) مزال مافاق ! اجي غير نكوليك زاينة : ( تتهرب ) وتنسمعك نوصير: فأخبارك نتي لي كاينة فالقلب ? اممممم زاينة : آمممم ! واش تالقلب المشاكل عاد تيجيكم هادشي نوصير : كذوب ! هادشي ( عض شنايفها) فبالنا بالفرح و القرح ...كان صباح مفعم بالمشاعر و الحب ! كانت علاقة لي اختزلت البعد و قربت الانفس , بالحب الصافي تنتغلبو على مطباات الحياة , زاينة لي ديما تتقول ان نوصير ناقص مسؤولية و حبو ماصافيش ليها و عتاب كثير فقلبها , الازمة وضحت لها انها هيا ايضا غير معصومة من الخطأ ! و جملو لي تتكرها نهز ولدي و نمشي ! ماهيا الا ردة فعل فقط ! ولو ان فعلا نوصير ليس مثالي ! لكن وقت الشدة تاتلقاه و تمنى تلقاه دائما ... نوصير: ( بجسد عاري حاضنها ) مي كوراصون زاينة: تفكرنيش فهاد كلمة شلاهبي نوصير : تتشدي الهضرة تانتي زاينة : ( ضرباتو صدرو ) من خصاايلك نوصير: ( تيتكسل ) الرياضة على الصباح كنتي حارماني زاينة : انا ندخل ندوش ! عنداك زياد نوصير : ( رجع نعس ) كوني هانية صباحا من داخل لاجونس ، المساعدات فالاستقبال تيناقشو العمل , بعد رجوع خديجة بعد ماكانت تتعمل عن بعد ...كل مساعدة تتعمل على حدا مع ليالي و خديجة ... مساعدة: مدام ليالي عندها جتماع ! نوجد لي بواسون ! مساعدة 2 : خاصني نهبط لديبو م : ( تتوجد مذكرة ) يلاه رولي انا مشيت ...تتمشى ناحية مكتب ليالي و فطريقها تتسمع قهقهاات براء ..دقت و دخلت م : مدام ليالي ! جيت نفكرك بالاجتماع ! ليالي: ( عينيها يخرجو مع بيسي ) ااش هاد مصيييبة ! امبوووسيبل م : مداام !! مدام ليالي ! ليالي: كااارثة هادي ( هزت تلفون ) خدييجة عتقي لبيرو ( وقفات تتمشي وتجي و تتحك جبهتها ) امبوووسيبل خديجة : ( داخلة بكل اناقتها) مالكي !? ليالي: موديل لوكو مدام بداني لهوت كولتيغ تسرب ! خديجة : نووو ( دورت بيسي تتشوف ) اويلي كي دار اخرج !? ليالي: ( هزت راسها فمساعدة ) فين لاسيسطونس اخرى ? مساعدة : ( بخوف ) مشات ديبو ! مداام راه العشرة اربع سنين معاكم ( تتسرط ريق بخوف) راه ربي شاهد بالوفاء لي تنخدمو معاكم ليالي: ( بصوت غاضب ) اللوكو ( رمز للماركة) اخرررج ! انا عندي مع لا كليونت اجتماع دااايوووغ ! شنو غادي نقولها !? مخدمة معايا البانضية ? مساعدة : مدام ! لاداعي للتجريح الله يخليك , اولا بيرو تندخلو فالحضورك ! واي بروجي تتخدمي عليه تنتعامل معاه بكل سرية خديجة : ( وقفت) يمكن ليك تخرجي ! مساعدة : مدام خديجة ! يرزيني فصحتي ما خرجت شي لوكو خديجة: كولشي يتوضح ! قدري موقف ... ..خرجت مساعدة , و ليالي تتضرب اسداس فاخماس , اول مرة يوقع لهم فلاجونس هاد القضية .. ليالي: مازالة مامتيقااش ! خديجة : ( رجعت تتشوف فالصفحة ) القضية واضحة ! لوكو خرج من عدنا للشركة منافسة بفعل فاعل ليالي: ( تتجمع شعرها بفقصة ) اوا شكون !? جوج اسيسطونس لي معانا ( شافت فيها و سكتت ) خديجة : ( تضرب بصبعها فبيرو) ووي لاسطاجيغ لي حطيتها بلاصتي ! ليالي: ( جمعت فمها بامتعاض ) وي واضخ هيا ! اسبوع باش شدات حسابها خديجة : بيان سيغ ! باش تقبلها شركة منافسة خاصها تجيب الجديد ديالنا ! ليالي: اوا !? كل مرة نبقاو كي ضرايرات مع مولات هاد شركة !? خاصنا الحل خديجة : هدا مشكل اغلبيو ديزاين ! نقص فللإبداع ! تيرجعو شفارة و التقليد ..مهم نفكو الجرة مع مدام براني ! و نشوفو هاد القضية ليالي: ( تصدمت ) غادي نواجهها بالحقيقة ! و نحكي لها لي وقع ! خديجة : تنوافقك ! لي ابدع لوكو ? يقدر يبدع تكرارا و مرارا ! ليالي: وغاادي نقدم شكاية للبوليس خديجة: والله ماعرفت ! ماعدنا حتى دليل ! ليالي: كانت خدامة معانا !! و خرجت قبل بأسبوع و شفرت معاها لوكو ! ( تتسمع دقان) خديجة : ادخل م : مدام ليالي لاكليونط وصلت ليالي: ( طلعاتها و هبطاتها ) جاغيف خديجة : ( وقفت تاتقاد حالتها ) سلتو بلي ممكن عينك على براء م: مرحبا مدام خديجة ...ادخلو الاجتماع و رحبو بالسيدة , بعد الحوار العملي لاغلب عاملين , اخبروها بالواقعة و خلاو لها الاختيار للتصرف ! لاكليونط : سي بيزاغ ! نفس الحاجة تتنصادفها فدومين ديالي ! ليالي: صدقيني !, اول مرة تنوقعو فهاد موقف ! كما اخبراتك مدام خديجة ? اي تصرف من عندك متقبلينو ! لاكليونط : ( سكتت تاتفكر ) نكون صريحة معاكم ! قصدتكم لانني سمعت بالابتكار و خدمتكم مميزة ! هادشي لي وقع ماغادي ينقص والو من تقتي بيكم ! تنتظر لوكو جديد ولو ان الافتتاح عندي من هنا طخوا جوغ ! ليالي: الله يكبر بيك الالة ! من هنا طخوا جوغ ! يكون لوكو واجد ...تقفل الاجتماع بالاتفاقية بروح جديدة ! كملو نهارهم فالعمل الى حين الخروج , ليالي هزت سيارتها و مرت تهز أمير من لاكريش و خديجة و براء مرو على رؤيا المدرسة ... خديجة : ( شافتها تتاكل كاطو ) عوتاني كاطو ? رؤيا : جاني جوع اماما ( تتقربو فم براء) ذوق خديجة : رؤيا خوووك مزال صغير ...مع اولادها داخلة برطمة , اول ماتتعمل هو الغسيل , تغسل رؤيا و تكمل براء و توكلهم عاد تكمل شغلها ! ولو رجعت حالتها طبيعة الا عادة تعقيم بقات مرافقها ...رن هاتفها خديجة : وي ليالي ! ليالي: ( بفقصة ) انا غادة نحط بيها بلان فالكوميسارية مابغاتش تسرط ليا خديجة : وخلي يصبح و يفتح ! فين مغيث !? ليالي: جوسي با تنتصل بيه ماتيجاوبش ! انا هزيت ولدي و غادة ..حست بالشمتة و ماتسرطاتش ليها ! دخلت الدار عيات ما تلف و تعاود ! لكن الفكرة ضراتها فخاطرها , رجعت خرجت هازة ضوسي فيه هوية السطاجير و تاريخ للوكو و شدات طريق تاوصلت ...سولت فين مكتب تقديم الشكاية و دخلوها قدمت شكايتها و امضت و خرجت و تلفون تيرن ليالي: الووو خديجة : الوغ ! ليالي: سي بون ! ديكلاريت خديجة : كن تسنيتي يوصل غير فاروق ولا مغيث ليالي: ماقدرتش ! الي نخليك ابب خديجة: بفففف ! ياختي كاع لي كان فيك خوف رجع زعامة ! رؤيا : ماما فيا جوع ! خديجة: ( شافتها تتحك فمنطقتها ) ياك عاد غسلت لك !? تيضرك سليب? رؤيا : مابقاتش حكة ! خديجة : هانا نحط لك كوتي ! رؤيا : عطيني كاطو اماما خديجة : ( ماتتبغيش ترفض لها طلب) هاكي يلاه ...خرجت فرحانة بالكاطو و غير تتجري و طيح و تنوض و لي دارتو فالمدرسة تتعاودو مع المخاذ و براء غير متبعها بعينيه ..تاسمعو سورات فالباب بدات تنقز باابا بااباااا فاروق : اهلا اهلا ( هزها عنقها ) الحاجة ديالي ( نزل مستوى براء باسو ) صفريط براء : ( تيهز فراسو فرحان ) اغغغغغ خديجة : على سلامة ( باستو فحنكو ) صافا ? فاروق : سلاك و صافي ( جلس تيشوف فتلفونو) عيطتي ليا !? خديجة : وي ! واحد لوكو تسرق لنا من لاجونس و ليالي بغات ديكلاري و تتصل بمغيث ماتيجاوبش ! فاروق : كفاش هاد تسرقتو !? شي وحدة معاكم شفرت موديل خديجة : وي لاسطاجيغ لي كانت غومبلاصبون ديالي ! تا اليوم تصدمنا بلوكو للواحد لاكليونط فاشهاراتهم فاروق : باعت الماتش ! تانتما عرفو شكون تتخدمو ! ديكلارات ولا مزال !? خديجة : ديكلارات ! فاروق : دبا نشوف مع كومسير ! بحال هاد بلانات تياخدو وقت ! وخاصك دليل ولا ضمسي قضية و تعلمو منها ! خديجة : بنت الحرام ! خدات اكسبغيونس ماتاخدهاش فحتى جهة الا على سنين ! فاروق : ( هز براء تيبكي ) نتما عطيتوها حسابها !? خديجة : نووو !هيا لي طلبت فاروق : بلان مفروش ! اخرين كانو حاطين عليها العين ! ( تلفونو تيرن ) امغيث ! مغيث: ( بعصبية ) ازمرة هادي ! فاروق: بررد اصاااحبي ! القضية ماتستاهلش , غدا نتلاقاو داك كومسير و نشوفو معاه مغيث: حق الرب الا الدم طلع مانعرفت لفين ! ادخلت كالك كنت فالكوميسارية فاروق : غدا الجمعة ياك !? مغيث: وي فاروق : غدا نتجمعو عند الواليدة نشاء الله لغدا ! مغيث : وعليه ! مهم ماتنساش غدا ? فاروق : تلاح اصاحبي كون هاني ! ( اقطع ) شدي ولدك نوض ندوش خديجة : (شدات ولدها ) وصلو الخبار ? فاروق : وصلوووو ...دخل دوش و بدل حوايجو و احسن اصوات رجع تيسمع فلبيت هو اصوات ولادو ! و قهقهات براء...ماكانش طالب من الله اكثر من العائلة بجو دافئ ...على اصواتهم نعس , قاعدة عندو يدخل من الخدمة ينعس ....عكس خديجة لي توجد العشا و تخمل و تقري و تقابل و شوف واش تهنى بنوم طويل .. خديجة : رؤيا فيقي باباك ينوض يتعشى رؤيا : وااخة ...( بهمس دخلت تتنادي عليه) بااابااا آبابااا نوووض تعشى فاروق : ( تينعس فوجه و يفيق فوجه) رؤياااا خليني ناعس رؤيا ..مزادتش معاه الهضرة خرجت تترمي فخطواتها تتجري طواليط دارت بيبي و غسلت يديها و جلسو يتعشاو , خديجة بمجرد ماشافتوش عرفاتو يكون خاسر ...كملو العشا و رؤيا دخلت بيتها تنعس و خديجة رضعت براء بذلت ليه و حطاتو بلاصتو و اخيرا ريحت جسدها غطسو الإثنين فنوم ! بعد الساعات تسمع صوت بكاء فأرجاء بيت فاروق : خديييجة !! خديجة : امممم فاروق: رؤيا تتبكي خديجة : ( بتعب شديد فتحت عينيها تتاكد من صوت تافافت طافجة عندها ) رؤيا رؤيا : ماماااا ( شادة وذنها ) تتضرني خديجة : ( قربت تتفحصها) تتضرك وذينة !? ( تاتلمس تحت اذن ) منفوخة رؤيا: ( حريق تيضرها ) تضررررني وذني اهيهيهيهي فاروق : ( قرب عندها تيفحصها ) تتضرك هنا ابابا !? رؤيا : ااه بزااااف ...شربوها ! عطاوها مخفص الحرارة و الآم ولا ديك بنت واش سكتت من البكا ولا نعست ! خديجة تفرقت على جوج ! ها براء ها رؤيا ! تنعس هدا و تكالمي هدا ..تا وذن الفجر عاد نعسوو فاروق: انا غادي خدمة ! الصباح دي رؤيا الطبيب خديجة : ( شادة راسها ) ضروري فاروق : ( باس ولادو و باس خديجة ) نعسي شوية البلارة على مايفيقو تاني خديجة : ربي عوينك ! صباح يوم الجمعة ، كما العادة تتفيق كان منبه فراسها , اغلبية تتفيق تتنهد و دائما تتحس ان ناقصاها شي حاجة ! بعد يوم لي خرجت فيها و شافت دنيا و شمت الهوا جديد و اختموها بليلة حمراء , بجوجهم موحشين بعضياتهم رجعت تاتلقى فيه الحضن دافئ و تتحمد لله من كل قلبها انها ربي عطاها راجل لي واقف معها فالشدة قبل الرخفة ! بخطواتها رجليها حافين تمشات جهة دوش تا سمعت صوتو رجولي جشي نبيل : لبسي فرجليك اسماء: واخة ... رجعت لبست بانطوفتها, خدات دوش و توضات و خرجت لبست حوايجها و اقامت صلاة للصبح , هزت تلفونها و تزلت توجد الفطور .... زاينة : ( هازة زياد تتوجد ليه رضاعتو ) صباح خير اسماء: صباح نور ! نعستي شوية ? زاينة : والو ! راسي كي البيضة , غير تيبكي اسماء : دراري صعاب ! انا نوجد الفطور ( فتحت ثلاجة ) ماشراوش الخضرة الطعام زاينة : دراري ايجيو يتغداو !? اسماء : واايه ! ..وجدت الفطور و حطاتو و الوازنة صبحت عليهم و هزت تسبيحها فانتظارهم يتجمعو على طبلة , كما العادة نوصير هو آخرهم ! نبيل: اسماء شنو خاص !? اسماء: خاص الهضرة الطعام ! نبيل: ( هز سوارتو ) و للحم !? اسماء: كاين ! وجيب اللبن معاك نبيل: نجيب السخرة و ندوز نجيب امك !? اسماء: ( تحسرت) بلا ماتعذب ! راها ماغاديش تبغي نبيل: نتي تعرفي ! خلي تلفون خداك لا نسى شي حاجة ..كلها توكل لشغلو ! الا زاينة لي معاناتها تتبدا مع زياد ! تتيقرب يشدها الحماق و تنعل شيطان ! اخر مطاف هزاتو الوازنة جلست بيه امام الدار و منظر الناس غادين جايين لفت تتباهو ... زاينة : ( تتسرح ذرعانها) اري نعاونك ! اسماء : ولدك نعس !? زاينة : خرجت بيه خالتي مسكينة ! اسماء: ( تتسمع صوت خديجة ) ختي خديجة هادي !? مسحو يديهم و خرجو جهة دروج تالمحوها طالعة و براء ناعس فكرسيه , اسلمو عليها و بدات تحكي لهم على رؤيا زاينة : احاي ! مال اولادنا مع الوذنين !? خديجة : غير سكتي مانعساااتش مسكينة ! مهم ها براء معاكم راه مايفيق حتى الظهر ! الا فاق ها ديسير ديالو , اسمحولي نزيدكم بتمارة ,, رؤيا خاصني نديها لابوراطوار دير تحاليل اسماء: ياك غير وذنيها !? خديجة : لقات عندها الحلاقم و مزيرين عليها ! گالك خاصها عملية تحيدهم ! زاينة : مسيكينة ! الله يشافيها ....نزلو معاها تحت سلمو على رؤيا لي واضح عليها المرض و غير شافت اسماء بذات تبكي و اسماء تتعنقها و تسكتها اسماء: دبا تبراي احبيبة ! رؤيا : فيا حلاكم اسماء : دبا تبراي ! الكبيدة خديجة : اسماء عنداكي معاك براء غير نسالي نرجع اسماء: غير ارتاااحي الوازنة : بالشفاء ابنتي ! مايكون غير الخير خديجة : آمين اخالتي الوازنة ***** شدات طريق المختبر و طريق كلها و هيا تاتشجع فرؤيا , و همها الوحيد هو عملية حلاقم ! لي توقف لها دراستها و تعبها حتى فصحتها لان حلاقم تيحمي القلب , رن هااتفها وجاوبات فاروق : مشيتو طبيب !? خديجة : وي ! رؤيا فيها الحلاقم و طبيبة عطاتني تحاليل ديرهم فاروق : ضروري تحيدهم !? خديجة : وي ! قالك قضية تتيطاكيو على القلب و فحاالتها غير يزيدو يمرضوها ( حبست طموبيل نازلة ) انا وصلت فاروق : فين براء معاكم !? خديجة : مع اسماء ! خطر عليه نجيبو معايا يهز ليا شي مرض فاروق : شوية و نخرج ! خديجة : سير عندو عفاك ..نخليك.. ..طلعت هيا رؤيا مختبر و خاطرها مقلقها, ادلت بورقة طبيبة و خلصتهم و جلست تنتظر اسمها و هازة رؤيا فحجرها تطمنها !! دقائق تا ناداو باسمها و جات عندها بنت مبتسمة شداتها فيديها دخلاتها و خديجة معاها .. بنت: ( مسحت لها بلالكول تتوجد شوكة ) سمييتك رؤيا ? وينووو شحال كيوت رؤيا : ( دميعات واقفين خايفة ) مابغيتش شوكة ! بنت: ( تتلهيها ) لاا ماتخافيش ! نتي اميرة القصص ...اوبااا كملنا .. خديجة : ( تتصاوب معاها صباردلة ) شكرا ! يلاه اماما ! رؤيا : صافي كملت !? مابكيتش خديجة : نتي لابخانسيس ! يلاه باش تفطري اخ حبيبة رؤيا : فيا جوع اماما ! خديجة : اندخلو هاد كافي زوينة ! ...جلست ترتاح و تفطر رؤيا و نفس الوقت تنتظر تحاليل ! مقابلاها وتمد لها و تتشوف فيها بحب ! تتمنى خير فتحاليل ...مرت الساعة و اتصلت بمختبر اكدو لها ان تحاليل واجدين , خلصت الفطور و تجهت عندهم خذاتهم و قصدت طبيبة مباشرة لي دخلاتها و فتحت لونفلوب و شرعت فقراءة تحاليل .. طبيبة : ( تتقرا تحاليل و تتاكد ) ياك د رؤيا هادو ? خديجة : ( بتوتر ) نعم ! كاين شي مشكل ولا ? طبيبة : ( حيدت نظاظر و هزت حواجبها الحركة لي تتعلن على خبر غير مرحب ) مدام البنيتة عندك واقفة ( عملت حركة بصبعها ) وااففة على السكر من البارح هو معصب و بالو مشغول ! فضل يسكت حتى الصباح لان حالتها كانت ماتماش مابغاش يزيدها و يصدقو فلا يحمد عقباه ! فاق قبل منها وجد الفطور و أمير تيدور بين رجليه ! مغيث : بابيتو باغي تفطر ! ( شاف فالساعة ) آو مزالة ناعسة !? امير : ماامي ! ياايي مغيث : ( هزو تيبوسو) يايي هههه اجيو نفيقوها ....يلاه يفتح الباب يدخل هو يسمع كلامها تتهضر فتلفون ، وقف يسمع لكن أمير فرش قضية حتى دارت تاتشوف فيهم .. ليالي: وي. Papa رشيد : دوزيه ليا آبنتي الله يرضي عليك ليالي : اوووك ( مدت ليه تلفون و شدت امير ) بابا ! مغيث : ( لمحها بنظرات قاسية ) اسي رشيد ! كي عامل و كي دايرة صحيحة وكي دايرة لالة غيثة ? رشيد : حمدوو لله اولدي ! الله يكبر بيك ! نتمنى تكون امور العائلة على خير مغيث: و لله الحمد الله اسي رشيد ! يسول فيك الخير رشيد : قولي اولدي ? بغيت نفهم القضية من عندك مغيث : القضية مافيها اسي رشيد ! ان فلاجونس تسرق لهم شي لوكو و السيدة لي شفراتهم سيمانا باش خرجت من لاجونس رشيد : وي تماما هادشي لي قالت ليا ليالي ! وتنظن من حقها تقدم بيها شكاية ? مغيث : ماكلتش العكس ! لكن تسناني تانجي ? ماشي تهز راسها بوحدها و تمشي كوميسارية ! نكونو واقعين اسي رشيد كون كانت القضية محسوبة راه انا نحرك اتصالاتي و نوصلو مع هاد خيتي فين بغات ! لكن ضوسي ضعيف من اصل رشيد : تقولبو وصافي ! مغيث : فوالا ! السيدة خذمتهم ! الا جاو يتبعو القضية ? تبقى ليالي طالعة نازلة فالكوميسارية , انا تنخاف عليها لا طيح فشي حاجة ماتعجبش ! الوقت لي ضيعو فهادشي تستغلو فخذمتها و هذا الدرس و تعلمات منو رشيد : داكشي لي كاين ! حتى دروس الحياة رجعت بالأداء مغيث : هاد خيتنا غادي نسخسخها بطلوع و الهبوط ! وغادي تسمع هضيرات على وذنها ! لكن راه من ناحية قانونية ما عندهم حتى دليل ! سيدة اسبوع باش شدات حسابها و لوكو خرج موراها بأيام , يحمدو الله لقاو لاكليونط معنية بالآمر متفهمة رشيد : ربي ما تيسد الباب حتى يفتح بيبان ! على اي حال الله يرضي عليكم تحاورو و تفهم موقفها مغيث : الله شاهد على لي كاين ! وكون مرتاح انشاء الله تمر بسلام .. ....تقطع االخط , و تقطع الكلام من غير صوت أمير لي هاز لاكاغطابل و تيوصل لهم انها يمشي لاكريش ليالي: ( بصوت باكي ) نو مامي ! نمشيو عند الميمة أمير : عمووو ? ليالي : وووي مغيث : ( بقات فيه ناض عندها عنقها ) يلعن بوو هدا لي يبكي ليا بوعوينات ديالي ليالي: اااه سي بووون لاش موااا مغيث : ( شد وجها بين يديه تيبوسها ) واا سمعي ! مايكونش راسك قاصح ليالي: ماشي راسي قاصح ! تنشوف ماعنديش زهر والو مغيث : الزهر فالله تتقولها الواليدة ! مزيان هادي دير لك العقل نتي و خديجة ! تزيدو تزيرو الامور تنظمو خذمتكم ! ليالي: واعدت لاكليونط نوجدوها لها نهار افتتاح مغيث : ( شدها من يديها جلسو يفطرو) قريب !? ليالي: طخوا جوغ ! مغيث : حسبيه تحدي ! كتشفي نفسك ونتي تتبدعي فوقت قياسي ليالي: ( تتحك وذنها) الابداع و الابتكار ماعندوش علاقة بالوقت تحديدا ! نقدر فاللحظة تجيني الفكرة مغيث : نتفاألو بالخير ! ( شاف الساعة ) يلاه باش نمشيو ياك ? ليالي: وي ! ( تتخوي كاس الما تاشافت امير خوا الزيت على حوايجو ) الخااانز أمير : ( تيضحك طامع يضحكها ) هيهيهي مامي مغيث : شتي اصاحبي ! هرقتي زيت ( شاف ليالي ) صبري من نهار مابقاش يبغي يجلس فكرسيه ولا لي لقاها يهرقها ليالي: ( هزاتو تتحيد ليه فالحوايج ) راه رجع تيفهم كولشي ! خاصو مرة مرة العقوبة مغيث : ( تيكمل كايسو ) اممم عطيه يصبن حوايجو ليالي: ههههه مادارتها تا امو مغيث : اعتراف فضيلة ...انا تحت فطومبيل نوجدها نزلو دغيا ...غيرت لامير حوايجو و لبست هيا جلابة ستايل دارت نظاظرها طبية و هزات لوازمهم و نزلو عندو , ركبو ناشطين و تيذاكرو حتى وقف مغيث فسوبير مارشي تقضى المؤونة للوازنة كما مولف و داز عند جزار و العطار شرا الفواكه مجففة و مكسرات و كملو طريقهم حتى وصلو ...الدار الوازنة رجعت كل جمعة تيتجمعو على الغدا، الاجواء تغيرت , اصوات الاطفال تتعالى ليالي: ( هزت براء تاتقبلو),فين خديجة !? اسماء: مشات دير لرؤيا تحاليل راها مريضة بالحلاقم ليالي: مسكينة ! ماقالت ليا والو ? اليوم فقنا معطلين اسماء: دبا تشوفيها جاية ! عطيني براء نوكلو ليالي: غير عطيني نوكلو ! ارتاحي شوية اسماء: ( مشات جابت لها ديسير ديالو ) ناري راسي تقلب مع براهش ! و شحال تيبكيو ليالي: ( تتضحك ) دبا نشوفوك اش ديري نتي ! اسماء: لا لا انا ولدي ايشبه اباه سكوتي زاينة : ( تلاحت فسداري ) شكون كدب عليك كاالك راجلك كان سكوتي اختي ? اسماء: ( تتفكر فاش كانت صغيرة ! لكن ذكرى تتعقل عليها هيا نوصير ) اواش ! زاينة : انا بعدا عاود ليا نوصير كان هو وياه مرونين دنيا اسماء : ( تقرصت ) مانعرفت ليالي: ( لمحت ردة فعلها ) خاصك تعرفي اوبليجي ! خديجة : ( بالصدمة) باغدون ؟ ككيييفااش واقفة ؟ طبيبة : ( هزت يديها ببطئ) تهدني امدام انا نشرح ليك ! خديجة من االصباح خاطرها مامهنيهاش و حدسها اصاب ، تتشوف فرؤيا لي غير تتدور فعويناتها ...شربت كاس الما لي مدات لها طبيبة و استهدت بالله و هيا كلها اذان صاغية لطبيبة طبيبة: ماغاديش نضخم لك الموضوع اولا ! لان الامر فبدايتو ! نقدرو نتغلبو عليه ، كما تتشوفي كنا فالحلاقم صدقنا فالاعراض اخرى و هدا راه فقط اشارة من الله سبحانه و تعالى داركي الموقف قبل حدوت الاسوء ! نرجعو موضوعنا ، شنو هما اعراض لي ظهرو على رؤيا مؤخرا !؟ خديجة : ( حطت يدها على فمها تتفكر ) الجوع ! ولو تاكل بساعة ترجع تقول لك فيا جوع ! طواليط بيبي كلما داخلة ! اممممم بعض مرات تنشم فمها فيه بحال ريحة شي حلوى وهيا ماكلات والو ، هاد اليومين تتحك منطقتها الحساسة طبيبة : (تتسمع لها بإبتسامة تريحها) بالفعل امدام هادو كلهم اعراض السكر ! ( رجعت تتشوف فتحاليل ) بين يدي هنا تحاليل خزان الدم ، يعني الفاصل فالارقام السكر التراكمي طبيعي عدنا تيبدا من اربعة الي الستة ، هنا رؤيا عندها فتحليلة الستة فاصلة خديجة : يعني فيها سكر !؟ طبيبة : مرحلة ماقبل السكري ! الا عملت لها حاليا تحليل بالاصبع للدم انلقى غرام او زيادة ، يعني مهددة بالسكر ! ( شافتها تايهة ) انزيد نشرح لك على السكر ، بدرجة الاولى داء السكري هو نتيجة لعدم غدة بنكرياس على انتاج قدر كافي من انسولين ! لان انسولين هو الهرمون الوحيد بالجسم لي تيقوم يتنظيم معدل السكر فالدم هنا تيكون المريض واجب عليه أخذ انسولين و تيتشخص بالمرض مزمن ، اما فحالة رؤيا ؟ فجسمها عگزاان على استخدام الانسولين بطريقة الفعالة خديجة : فهمت ادكتورة ! لكن انا ابنتي تتحرك و ماتتعانيش البدانة ... طبيبة : هنا العقدة المرض ! ( فتحت تحليلة اخيرة ) السبب هو فقر الدم لي تتعاني منو رؤيا و بعض الفيتامينات عندها زايدين و اخرين نازلين خدبجة : يعني الفقر الدم سبب لها السكر طبيبة : مرحلة ماقبل السكر ! خاصك تفهميها و تقتنعي بيها امدام باش تشرحي لبنتك و تعرفي طريقة الصحيحة للعلاج خديجة : ( ضبابة جاتها على عينيها) تنشوفها تتحرك و تتاكل مزيان ! طبيبة : بساطة مشكل المناعة ! جسمها ماتيستفذش من المواد مهمة و رجع عندها خلل ! اول حاجة تزوليها هيا : عادة الحلوى كل ماهو سكر كروا حمراااا المقليات ديك شيبس لي كاطو ! ، عطيها الخضروات الخضراء نفس وقت تتوازني السكر و تعالجي فقر الدم ، عطيها زيت زيتون البقولة ليزبيناغ ، ديسير ضربي على بنان و مشماش كثري لها التفاح و توت بانواعو تيطيحو سكر نفس وقت تتيغذيو فقر الدم ! نتي مدام امام معركة حمية غذائية للحماية بنتك من جوج امراض ( هزت صبعها تتاكد ) الله يجلعكم ماتعملو كلكم ريجيم فالدار خديجة : ( تتحس بسخفة و توتر ) انشاء لله ادكتورة طبيبة : هو امدام فالاصل كون تبعنا ماكلة الجدود فيها الدوا و الصحة ! للاسف هاد العصر فيها ملذات و شهوات حنا لي اكبار تنهزمو امام رائحتها ! جلسي مع بنتك فهميها ! وصي المدرسة ، تجنبو الغوات عليها ! لان فعلا بنية مهددة بالسكر تهديد كبير خديجة : ( تتستعد ذهاب شادة رؤيا ) شكرا الدكتورة طبيبة : فامان الله ! و راه الكرة كلها فمطبخك ، ريجيم صحي و اكل صحي انشاء لله نتيحة حسنة ( تتكتب لها الدواء) هادو قريعات خاصين بفقر الدم ممنوع اتاي ولا قهوة ولا حليب كحلة ولا مشروب غازي مفعولو تيتبخر ، تشربهم مع عصير فقط تاتمر ساعتين عاد يمكن لها تشرب حليب و مع علاج هاد محلول يقدر يحكل سنانها خديجة : شكراا بزاف ادكتورة ! نتمنى الا حتاجيتك تجاوبيني فتلفون طبيبة : اكيد اي وقت بعض للاحيان حربنا او معركتنا تتكون ضد اشياء غير مرئية او مرئية غير قابلة للنقاش ! اما انهزام او النصر , المرض هو اشرس مع معركة ممكن يقابلها الانسان فحياتو فكيف هاد الانسان هو طفلة ذو ست سنوات .. خديجة : ( تتصوك و تتكلم ) حبيبة رؤيا سمعتي طبيبة شنو قالت ليك ? رؤيا : ( تتحرك فراسها ) فيا سكر فالكريشة خديجة : لا احبيبة ! الا بقيتي تاكلي حلوى و لي كاطو و شيبس و عصير زنقة و لموناضا اتمرضي اماما وا ديري شوكة رؤيا : ( خرجت عويناتها بخوف ) لا شوكة اماما الا ....كتفت بهاد القدر من الحوار ! لانها صغيرة ممكن توصيها اليوم و غدا تنسى , الدور هو دور الوالدين , وصلو الدار طالعين فدروج هازة ميكة الدوا و تحاليل وجها اصفر , لقات السلام و اول ما رؤيا شافت أمير هاز شكولا تياكل فيها و مشات تتجري عندو يذوقها , المنظر قهرها و دموعها نزلو و الكل لاخظ اولهم فاروق لي هاز براء منعسو عندو فاروق : ( مخنزر ) مالك تتدمعي !? خديجة هزت يديها تتمسح دموع و جلست تتعاود ليه ......تتعاود و مخلوعة و تتشوف فرؤيا لي تاتكل شكلاط و نسات فللحظة اولى ! الخبر ضرهم فخاطرهم كلهم , نظراتهم كلها آلم و حسرة مغيث : ( تيقرا الدوا و تيشوف فاوق تيقرا تحاليل ) فقر الدم لي لعب لها على السكر ? فاروق: ( مد ليه براء و خاطب خديجة بقسوة ) غادي نعاودو هاد تحاليل خديجة : ( بقهرة ) هادشي لي شديتي ? راه خزان الدم تيتعمل مرة وحدة فثلت شهور ! و رؤيا عندها اعراض سكر و شكيت و كذبت , كن ماوذنها كانت طيح كومة فاروق : ( تيسرط مذاق مر فحلقو هو تيسمعها) بغييت نفهم علاش تتبكي !? خديجة : ( وقفت تترعد فحالة عصبية تتغوت و تشير رؤيا لي تتاكل شكلاط) هااا علاااش تنبكي ! كي غادي نفهمها راه مهددة بالسكر الوازنة : ( بحرقة ) برااا و الباااس على ابنتي !, ليالي : ( عنقاتها تتسكتها ) رولاااكس احبيبة ( غمزت مغيث لي حيد لهم شكلاط ) خديجة : ( تتشهق و تبكي ) مرررضت قبللل منها و خاايفة ( تتشير راسها ) خاااايفة ...البنات غير تيبكيو معاها ذخلوها البيت ترتاح و نبيل و نوصير دخلو لقاو الجو مكهرب ، خبراتهم الوازنة بالواقعة , تأسفو لحالتها , الغدا كان ناقص شي كلا و توكل الخدمتو و مغيث هز ولدو و مراتو. و رجعو الدار و فاروق نفس شي ... فاروق : ( جالس فصالون داير نطاطرو طبية هاز طابليط رؤيا تيقرا على مرضها ) صمت رؤيا : بابا مانعاودش ناكل شكلاط غير نسيت فاروق : ( شاف فيها و رجع شاف براء جالس قدامو فكرسي ناعس ) ماعليش ابابا رؤيا : بابا ! دبا سكر خايب لكريشة !? فاروق : ( تيقرا و يتعمق فموضوع ) امممم رؤيا : علاش غير انا لي ماناكلش شكولا !? فاروق: ( تيحك عينو بتعب ) ماشي غير نتي ارؤيا ! كاين وليدات اخرين ابابا رؤيا : وفيا جوع دبا ! فاروق هز راسو تيبحث عليها و عرفها مدام اولاد حداها راها فبيت ناعسة ! حاس بيها و عارف الضغظ عليها , عمرو احس انها تتفرق بين رؤيا و براء ! قبل مايتولد براء كانت تتعامل رؤيا بطيبة و حنان , حيد نظاظر بقى شادهم حط يديه على فمو مكلوم فكبدتو , بنتو مزال ماعاشت والو و تحرم من شهوات الاكل, قرا و عارف اضرار السكر, ضعف النظر و سخفة و الكلاوي و ضغظ و اضرار كثيرة ..ماهيا قفلت اربعين وقاصها ما دوزت ايامها و تقصات ..خرجاتو تاني من افكارو تتجرو من سروالو ..باااباااا فاروق : اباباا ! ( وقف غادي كوزينة ) شنو بغيتي ! رؤيا : خبز و نوتيلا فاروق: ها الما طاب ! الشريفة سكر الا رؤيا: مابغيتش الما طايب ! و السكر و نوتيلا و خبيزة فاروق : نعطيك خبيزة و زيت و تفاحة رؤيا : ( حركت راسها تتفكر ) واخة فاروق : ( صاوب لها وعطاها تاكل و خرج غادي صالون طل عليه لقاه مزال ناعس ) انت نعس بنهار و بليل بات تغني شاليني خديجة : ( خرجت عندو ) فين رؤيا ? فاروق : فكوزينة تتاكل ! خديجة : مخليها بوحدها ? فاروق : ( مسح راسو )خديييجة ! شوية بشوية تفهم و رخفي على راسك , اش نكجذر بهاد دراري بلا بيك خديجة : ( زفرت دخلت كوزينة و شكها كان فمحلو هزات كاطو دار تتاكل ) ياك الخانزة تتاكلي كاطو رؤيا : هدا ديال الدار ? خديجة : وفيه السكر ! رؤيا : صافي مانعاودش ناكلو ( هزت تفاحة و خرجات ) ..خديجة هزات نظرها فالكوزينة و بنفس طويل جبدت ميكات و بدات من طرف تحط : نوتيلا / كوفتير / حلوى /بنان / كاطو / مقرونية بانواعها ..... كانت اول خطوة انها تخلا على سكريات و تاني خطوة غدا تقضى كل ماهو صحي و تراقب لها السكر فالصباح و تبع لها الدوا و الباقي عالله فاروق: ها ولدك فاق ! خديجة : فارووووق ! شنو بغيتي ? فاروق : توحشتك ! خديجة : ( ماعرفاتش منين خرجت لها ضحكة ) هههه اربي ! انا فين و انت فين فاروق : ( عنقها تيبوسها بعنق مغتصب شفتيها ) مايكون غير الخير ! تنخاف عليك اكثر من دراري مادازش عليك قليل البلارة خديجة : خاصك تعاوني فاروق : ( تيلعب لها فصدايف ) شوفو دوزو ليا نتي ولادك وقت نعاس انا معاكم خديجة : ( بإغراء) شمن نعاس ? فاروق : ( بحنكو تيحك عنقها ) هداااك نعاااس ...جرها معنقها مدوخها قبل تاسمعت البلب تسد و هيا تفيق خديجة : صافاباا نو ! حل الباب فاروق : ( شد لها يديها تيمص عنقها ) بربي لا تعتبتي ! باغييك و دباااا و هنااااا خديجة : ودراري فاروق : ( بصوت رجولي جذاب ) ماعندي ولاد ! عندي ولد واحد خاصني نفرحو ولا طيح رووح خديجة : ( هزت راسها تتضحك ) عمرك تبدل فاروق : والووو ! لكوا هو لكوا ...بعذ اذان المغرب , جالسة فبيتها مكسلة تتقلب فتلفون , النهار داز عامر بالاحداث , تحسرت لأمر رؤيا و بقات فيها , طالعة نازلة فانستغرام و شوية دخلت للفيس ! علامن تاتقلب الله واعلم , موضوع لي لصق فراسها لو بالاحرى كلام لي لصق فراسها هو كلام زاينة و رجعت تتفكر **Back اسماء: كفاش هادشي تاني زاينة : سامحاس آيلي ! و الله ماقصدت , راه نوصير واحد ليلة عاود ليا عليهم و حلفني مانعاود ليالي: اشمن مناسبة عاود لك ? زاينة : كنت دخلت وجاوبت نبيل و ماعجبوش الحال اسماء : ( قلبت شفايفها تتفكر داك نهار ) امممم ليالي: شوفي اأسماء بعض مرات ماشي ساهل نعاودو حياتنا ولا شي حاجة ماضي من حياتنا ! اسماء : ( بتسمت خافية توترها ) يهضر ولا يسكت مهم يسكتني زاينة : لواه ! سوليه و تقربي منو ليالي: ( تتوكل براء) ووي سي فغي ! ديدي شي سواغي ولا خرجو شي عشيوة و تعاودو اسماء : ( تتيضحكوها افكارها ) اممم ! ولا شي تسافيرة مالديف ولا تحميمة فمولاي يعقوب زاينة : احححح تنموت على مولاي يعقوب ! اسماء : بعيدة غير طنجة راه نوصير تيموت علئ دليع من صغرو و طال نهار مع صحابو مسافرين زاينة : ( هزات فيها نظرها ) صمت اسماء : ( بادلتها بنظرة فارغة ) صمت ليالي: هيهووو ! ( خاطبت اسماء) طريقة باش تتواصلي مع نوصير جربيها مع راجلك زاينة : ( عوجت فمها ) انااا بعدااا الليلة نعصر عليه *** End اسماء : كيف تتقرب من زوجك ! ليلة حمراء , ليلة رومانسية , قبلة ساخنة , ينزل عليكم المسخ صبا صبا ...كملت تصفحها فالنت و نفس افكار تتلقاهم مداولين , ناضت مشات الدوش طلقت شعرها تتشوفو و حطت اصابعها على وجها تتحسس بشرتها دهنية ... اسماء: دوماااج زوينة رغم معاناة ( هزت كوماج تتذهنو و دازت شعر تتدهنو بزيت للوز ) اشنو مزال ? ( تتشوف شعر فرجليها و يديها ) نهبط عند شلحة ندير لاسيغ ? اوا تنتفني تاني و نصدقو فتبرهيش ...وجدت دوش و حوايجها لي تلبس و نزلت تتجري عند زاينة لقاتها فمعاناتها مع زياد اسماء: شلحة ديري ليا لاسيغ ? زاينة : ( بنظرات ماكرة ) علاش ناوية اجنية ? اسماء: ديري ليا ولا بلاش? زاينة : ( بجكارة ) ماديراش ليك هيا سبعين ! أسماء: ( عنقااتها ) لا يطيرش لك ! هههه تنضحك معاك , عفا خيتي ماصاوبي ليا زاينة : ( عشقها لي يرغبها ) اانا نسخنها ! ...البيت تقلب صالون ! داك زياد كل مرة شكون شداه ..بذات تحيد لها و هيا تحميها غوات و زياد تيشوف فيها بملامح فارغة اسماء: صاافي صافي زاينة : شوفي ااه والله تنتفك ! خليني نكمل شغلي اسماء : امممممنننننعععع ( بذات تذهن لها ) اخيرا زاينة : نوضي دوشي نجي نصاوب لك شعرك بوكلي اسماء: ( تتسوط ) مالي حطارة ! راه بغيت ندور بالحالة زاينة : باااز عليك امو عينين ! نيتك ماتتعطيهاش ! سيري ضبري مخك اسماء عنقاتها تاني و شكراتها و خلاتها تتضحك و طلعت دوشت و نشفت بذات تذهن و لبست كلون سخون و تريكو و جلست تتفكر منين تبدا هاد الحريرة اسماء: ( تتحرك فراسها ) ايكول ليا نتي باك يلاه مات و جالسة دوري بالحالة ( تتجمع شعرها ) نمشي نكون سوايع ! اش داني الالة لشي تقرب ولا تبعد , السيد عندي مقيوس نبيل: ( تابعث معاها ) أسماااء اسماء: ( يديها فوق معلقين فشعرها و تريكو مهزوز و روايح تتعطي منها ) علاش جاي ? نبيل : ( حرك راسو بلا حول ) شنو مرونك تاني اسماء: هههه والو نبيل: ( طلعها و هبطها و دخل حمام غسل يديه وجهو وخرج ) شوفي شنو جبت برا ! اسماء: ( بفضول ) واخة ( بخطوات ماشا غادة تتزرب لمحت بواطة فوق طبلة بيضا واضح انه للاكل , فتحت سينتا و حلت بواطة و هيا تلقى حلوة عيد ميلاد باسم nabil) نبيييل ! نبيل: ( عنقها من للور باسها فعنقها ) اليوم عيد ميلادي اسماء: ( دارت عندو تتضحك حطت يديها على صدرها ) انا عمرني حتفلت بيه ! نبيل: ( بنظرات حب ) حتفلي معايا ( حط راسو على راسها و تيشم ريحتها ) نتي بخير ? اسماء : ( ارتعشت من انفاسو ) مالك ? نبيل: ( قبلها فمها بحنان ورمقها بنظرات هائمة ) مامالي والو ! ...جلس فصالون و هيا فخصنو هادئة و راضية على حالتها اول مرة تخاطر افكار تيصدق لهم , هو قاصدها باحتفال و هيا منتطراه بحب اسماء: ( بصبعها لحست كريم ذاقتو ) اممممم نبيل : ( بشبه بتسامة ) مذاقو زوين اسماء: بزاااف ! ( وقفت تهزها ) نهبط نذوقهم نبيل: ( جرها جلسها ) شششش ! ديالنا انا ويااك اسماء: ( سكتت تاتبيض فعويناتها ) شحال عندك دبا ? نبيل: 19 عام اسماء: هههه راه عمري هداك ! نت عندك 33 عام راك شرفتي نبيل : هانتي عارفة ( قربها عندو حاضنها) البرهوشة اسماء: ( تلعب فعنقو ) انا ماتنعرف عليك والو ! ماتتكولي والو نبيل: ( بصوت مبحوح ) ماعمرك سولتني ! اسماء: ( فيكسات فيه نظرها ) تنسولك دبا ? نبيل: فين كاضو ديالي !? اسماء: ماكنتش عارفة اليوم عيد ميلادك نبيل: ( نزل عينيه بإعجاب فيها ) نتي كافية ! لكن بلا اسئلة ! اسماء: ( بحزن ) انبقى نسولك تنعرف عليك كولشي نبيل: السبب ? اسماء: ( بعفوية ) تنبغيك الحب ! العشق ! الغرام ! كلمات تنسمعوها مثل للحن الحب على مسامعنا , كيف وحنا تنحسو بيها ! الحب هو لي تيخليك ضحك و انت تتفكر ممحبوبك و يطير النوم من عينيك من اشتياقو ! فكيف إذا لسانها نطق كلام الحب هو متفق مع القلب ...قالتها ! فوجهو و هيا تتشوف فعينيه السود مليئين برموش ! قالت ليه تنبغيك ! نبيل: ( زير على خصرها و فتح فمو بشبر من الصدمة ) صمت اسماء : ( حمورية كتست وجها و قلبها تتسمع دقاتو بقات تتشوف فيها مصدومة كثر منو ) مممم اااء نبيل : ( ببطئ عض على شنافتو و قرب منها حط يدو على قلبها لقاه تيضرب ) تنفسي اسماء : ( شهقات واخدة نفسها ) انااا ! انت عزيز عليا ( بتأكيد ) و الله نبيل : ( بعيون نايمة من قربها ريحتها و كلمة لي ضخت دم فعروقو ) عاودي نسمعها اسماء : ( حطت للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02