...من داخل الحومة حوالي نصف الليل و مزالة تتغلي بالناس ، بلاصة طموبيل و نزل بطولتو مميزة و اكتاف العريضة قاصد الصالون مع الباب لقى ابراهيم تيضحك مع شي احد خارج من صالون نوصير: ( تيعض فشنايفو مغصب) عمممر داخل !؟ ابراهيم : الكابو ! عاش من شافك اصاحبي !؟ راه قاصر داخل تنتسناوك نوصير : (حرك راسو ودخل عليهم ! خليفة شاد واحد كريم تيذهن فيه و عمر تيحسن واحد ولد ) ادوي ابنااادم خليفة: كنا بايتين معاك القواد !؟ نوصير: ( شد من قرفادتو حاكمو) انت دلمك انتتت السبب عمر: ( حط ماتريال تيفك هو ابراهيم ) الكاابو ! طلق اصاااحبي نعل الشيطان نوصير : ( صاعر شاف ولد صغير) ولد رقية خرج من هنا ولد: وراه خاصني نحسن عمر: خرج اصاااحبي عاد حسنت لك فعرس اختك .. ..خرج ولد ماعاجبو حال ! و هيا تشبك بيناتهم .. نوصير: ( تيهز فيديه) الخدمة شماااايت اصاااحبي و الله ما الرجال عمر: ويليييييك ! فهمنا اصااحبي ( تيهز يديو بتفهم ) فهمنا نوصير : كونط فيس بوك ديالي شكون خدام بيه ؟ ابراهيم : عوماار عمر: اشمن اشمن ! راه خليفة لي حلو فصيييف الفايت فتلفوني خليفة: ( جالس مجبد رجلية مكروازيهم) خليفة عفا عليييه الله نوصير: ( جبد معاه بركلة) انت دلمك القاااصر انت سبب مشااكل عمر: ياك اخا نوصير غير كونط !؟ نحلو مشكلتو ابراهيم : ( جلس جبد تلفونو) شكون دبا خدام بيه !؟ عمر: الا ماخفت نكذب الخوادري صغير نوصير: يااااا ولااااد القحاااااب باغين تخرجو عليااا !؟ جبدتو ليا مشكل مع مالين الدار ! نهار يطرا مشكل الكابو السبب ! ابراهيم: تبرهيش حق الرب ! ارا اعمر مود دباس !؟ عمر: راه خليفة لي حافظو خليفة: اش اش حافظ انا !؟ نمرتي ماحافظهاش نوصير: ( جبد تلفونو تيدخل كونط) مبدلين اولاد القحاب لمود دباس !؟ هادي هيا دخلتو من الكمرة صدق حاوي ليا المرا .. ابراهيم: ياك حالو بنمرتك !؟ دير مود باس ضاع بيك و يرسلو ليك واحد جديد خليفة: ديرووو عقلكم ! ديرو عقلكم اصاحبي نوصير: ( تيتحلف فيه براسو) اسكت الكيضار ! ( وصلو مود باس و اراك الكوارث) وهياا ناري _تصاور عريانين _صور اباحية _كلام جنسي _محادثات طوالطية ..و صور بنات ماتوقعش منهم هاد حركات .. نوصير: ( دخل باغاميطخ و مسحو من الوجود) عيقو القلاوي ! تتضحكو على بنات الناس عمر: و الله ماتسالني حلوف اخاي نوصير ! ماا انا ؟ خدمت بيه شي ايام ضحكنا و صافي خليفة: تا كي القحاب كي زوامل لي بغى شي تيلقاه !! فلاخر تكوليك خطب بنت عمو ابراهيم : اممم بنت عمو قديسة مريم ! لي ضحك على شي ولية ربي يحاسبو نوصير: ( رجع تلفون جيبو) اودي القحاب بلايصهم معروفة ! تيمشيو بنات الناس يمثلو عليهم ! ولكن هضرو علينا و اجيو علينا ! واش لي تعرا ليا فالفيس بوك ولا واتساب و طلق ليا زينها ؟ اندخلها داري !؟ ابراهيم : اودي الله يعفو علينا ! خليفة: اسكت الفكونط ! اسكت ابراهيم: ( طل عليه براسو ) ياكما قطعتي الواد و نشفو رجليك !؟ تهزززز تقاود نوصير: ( مسح وجهو بتعب ) كاين شي جوانات نقادو دماغ !؟ عمر : ( ضرب فجيبو ) هانا اخا نوصير .. ....الجلسة تقلبت جلسة معطرة بالمارخيوانا ، جوان تيدرو عليهم كاملين و كوكا تتسقي الافواهم ، حوارهم كامل على احوال العالم و العمل !! قضية الفيس بوك تغلقت فمكانها لان الجنس الرجال عندهم مسائل سوشيل مديا كماليات وليس اساسيات ؛ شحال من عشران مشاركين كونط الفيس و انسطا و يصيدو بيه الفتيات لي ناشرين زينهم وصورهم شبه اباحية !! الكل تيقول لك حرية شخصية لا الانسان تقدم و الكونطي نحط فيه لي بغيت ! النهار يكون تفكير المجتمع ذكوري تقدم ! و فعلا هناك حرية شخصية نشري تا لي بغيتي ! نوصير: ( قاد دماغ ) تهلاو الخوووت خليفة: جرني معاك اخا نوصير ..بخطوات تقيلة طالع فدروج ! ادخل بيتو و تتضربو ريحة زياد تلاح فناموسية بحوايجو و سبرديلتو و جر غطا زياد معنقو تيشم ريحتوو ... ...🌄🌄🌄 حل الصباح وحلت الافراح و اجمل تيمنات باليمن و البركات لزيادة الفراش للآل القباج بسيدي براء ! الكل فانتظار بداية العقيقة اولهم الزعرة صغيورة رؤيا لي هازة قفطانها و تتدورن البيوت وصالونات، العائلة تناولة فطور عائلي من تما الرجال خرجو و النساء لي عندو شي شغل ناض ليه ! طريطور بعد دقايق و خديجو لابسة قفطان خفيف الجوهرة فأخضر ملكي واقفة علة شغلها كما تمنات لاسبوع ولدها ، الصغيرة و الكبيرة تتدوز على عينيها ترتيب المائدة للضيوف كانت ملكية ، طبسيل تحت طبسيل تحت طبسيل و الفرشيطو و الموس و كؤوس عملاقة شكل و الشراشف المطرزة البيضاء ..كملت من تنظيم وقفت على بوفي او ما يسمى بترحيب الطفل ، طاولة كانت طويلة باللون الازرق و اسم براء فاعلى و مزينة بليدغلجي و الصابلي حتى من قراعي الما مكتوب باسم براء اما الاكل حذث ولا حرج ، كطبق اولي اتقدم المحنشة المراكشية و موراها البسطيلة للحوت عاد جيكو فالفران ... الام: ( بنظرة فخر ) تبارك لله عليك ابنتي الله يحفظك من العين كووولشي متول خديجة: (عنقاتها تتبوسها) ياكي اماما !؟ كولشي متول !؟ الام: خمسة و خمامس و الحرمل فالكمامس الكبيدة لالة و مولاتي ! اسبوع واشمن سبوع خديجة: ( شدات رؤيا) مالكي احبيبة !؟ رؤيا: واش مانمشيوش الكوافورة اماما !؟ خديجة: انمشيو احبيبة ! حطي قفطانك لا توسخيه رؤيا: مانوسخوش ! فين ماشا !؟ خديجة: دبا تجي ! اجي نعطيك واحد الحاجة .. .خلت بيتها تتوجد التكشيطة لي تلبس و صندلة ، و خلات بواط فيها سنسلة ذهب بإسم رؤيا بالفرنسية و قدماتها ليها خديجة: ( بحب) شووفي خوك شنو جاب لك كاضو ! رؤيا: ( حلت فمها بإعجاب ) زوينة ياماما ! وخويا يعرف يشري !؟ خديجة: هههه هو قالها ليا فالكريشة ( علقاتها ليها ) واو جات ابنتي زااز رؤيا: ( باقتناع) انا زوينة خاص غير الفلوس ! خديجة: ( حطت يدها على فمها تضحك) غير نشوووف ديك اسمااء نوريها هضورات رؤيا: ( تتقيس سنسلة و تاتضحك ) و لبسيني قفطان ! خديجة: وتانمشيو الصالون ( هزت تلفون دوزت خط ليالي) الوو لياالي: صباح الخير الالة نافسة ! كي صبحتي !؟ خديجة: حمد الله ! و تعطلتو !؟ ليالي: حنا فالباب عمارة ديالك ! نزلي خديجة : معاك زاينة !؟ لياالي: وي راها معايا ! بقات اسماء خديجة : داها راجلها ! يعلم الله وقتاش يجيبها ! انا نازلة .. ..لبست جلابتها فوق قفطان و بليغة وهازة صاكها و رؤيا معاها خلات الوصاية على ولدها و نزلت فسانسور خرجت عندهم ركبو فطموبيل متجهين الصالون و نفس وقت نكافة .... ***** اسماء: ( واجدة حوايجها ) نبييل تعطلنا ! نبيل: ( شاد تلفون ) ياك اسبوع بالعشية !؟ يلاه طناش هادي اسماء: هاد الهضرة كولها على جيران ! راه اسبوع خوك هدا ! البنات تيتسناوني نبيل: ( هز فيها عينيه ) تزوقي تاني !؟ اسماء: راه النسا بيناتنا نبيل: ( حرك راسو برفض ) داك راجل اختها و اباها و ولاد خالتها تاهما النسا !؟ اسماء: نجمع شعري !! راه تعطلنا يكونو عيطو نا شبعو نبيل: ( ناض بتقاتل جبد تلفونها و شعلو ) شدي .. اسماء: ( بدات تقرا لمساج دوزت خط ليالي) الوو لياالي: وي اسماء ! فين وصلتي !؟ اسماء: مزالة فدار ! ليالي: (تتهضر معاها زاينة ....) قالت لك زاينة نزلي بيتها جيبي لها تكشيطتها و صندلة دوغي اسماء: واخة ! فينكم نتما !؟ ليالي: فالمركب !! قوليها نبيل يجيبك .....نزلت خلاه تيتقل بلعاني ! هزت لزاينة حوايجها ...عاد نزلو خارجين ، طريق كلها هو تينكر .. _ماتعكريش / ماتحكليش / ماطلقيش شعرك / ..وصلها الصالون وتحرك عند مغيث لي فدارو شاد امير و فاروق ناعس تما ... مغيث : أمييير اجي اجي ( غادي يفتح الباب ) آبا نبيل ! نبيل: سلام ! ( شاف امير تيضحك) عمووو مغيث: ادخل اصااحبي ! عاد ولا !؟ نبيل: ( حيد سبرديلة جلس فصالون تيشوف فاروق مكسل ) عاد وصلت اسماء لعند البنات ! هدا بايت هنا !؟ مغيث: لا ! جا حتى الصباح ، كدايرة امور عندك !؟ نبيل : ( تيحك راسو بملل) انعذبك ! شي قهوة تكون قاصحة مغيث: مرحبا ! عينك مع هاد برهوش تيطير .. ...امير بوحدو منوض روينة فدار ! ماتهنى تا ناض فاروق شم ريحة قهوة و نهض فيه من تما ماتزعزع مغيث: ( معنق ولدو) شهاد المبدأ عندك اصاحبي ! راه وقت للعب ديالو ونت تتغوت عليه فاروق: ( جر قميجتو تيلبسها) ولد ملك و ماداروهاش معاه !!، راك اتفششو و توحل فيه نبيل: ( دفع ليه كاس قهوة ) قاد دماااغ ! فاروق: ( مخسر) آشمن دماغ ! النسيبة مرضاتني فمخي ! مغيث: ( دور وجهو تيضحك) واش انت صافا !؟ كول من لاخر مقنطينك فاروق: ( شاف فيه بنص عين ) شتي العلاقة نسيبة و راجل البنت ، منذ الازل الا الابد ! شفتي الصحراوة ؟ صحراااوة ! نسيبة عيب و حشومة تمشي دق على دار النسيب ! هادي بحال بي تناذم معاها الحال مغيث: راه ابنتها دازت من موت ! فاروق: ( تنهذ بحرقة ) دااازت ! ولي عندو شي الدار يمشي لها ! واحد الصفر سيفة ولدي تيسكت غير فيديها !! نبيل: ( شاد تلفوت تيسمع ) صمت مغيث: نعل اشيطان اصاحبي ! ( خاطب نبيل) اش درتي فارض !؟ نبيل: تنشوووف ! لقيت مزال متردد فاروق: على ثمن ولا !؟ نبيل: لا العقار طايح شوية ! خفت لاالقى مااحسن فاروق: الا كان نيت فديك منطقة !؟ غير توكل عالله ، اتزيان بلاصة من بعد وراك جاي فالبووك مغيث: توكل عالله، قاد امورها و كن على البال فاوراق المحافظة و بدا تبني فاروق: اوخوك !؟ نبيل: خويا الا بغا مازال نتجمعو راه نهار توجد يسكن معانا ! مغيث: شووف البارح قيلت معاه ! من احسن خليه يدير ديال راسو ! فاروق: اش جابو عندك !؟ وصلات ليا خديجة شي هضرة مغيث: لالا ماكاين والو من داكشي ! اتجمعو عليه ! الخدمة المسؤولية و راك عارف نبيل: يكون خير !! الا جمع شي حاجة من تما لتما يبني حدايا شي بلان مغيث: هاد القضية مزياانة ! انت راك عارف هداك ولف موانسة فاروق: ( شاف الساعة لقاها جوج) مشينا !؟ نبيل: ( وقف ) ندوز نجيب اسماء مغيث: رخي النفس اصاحبي ! خلي السيدة مع عيالات خوتها ... *** ..العيالات خووتها ، مثل السحر جمالهم ، كل إمرأة على الكرة ارضية فقط للمسة من جمال و حلي و لباس مخملي تتغير كليا كيف الا المرأة المغربية بلباس التقليدي ، النفيسة طلعت عروووس !! بتاج الفاسي و حلي الجوهر اما ليالي لبست للونها مفضل الاسود و قفطان عصري و اسماء لبست تكشيطة زرقا و زاينة تكشيطة مع ماكيااج خرافي زادها جمالا .....وصلو العمارة مع كلاكصون ليالي لي طالقين الماسق و رؤيا تتشطح و تعاود ..من الباب تللافات لهم العائلة بتمر و الحليب و اغاني الطرب اندلسي اباجذوب .. فاروق: ( داخل مرتاح فملامحو لمح البلارة تترقص بتقال مع امها و الوازنة ) اياااه مغيث: ( هاز امير داخل ناشط سلم على مرتو ) بصحة اعمري ليالي: ( فرحانة تتقاد فكول هو معاونها )ميغسي .. خديجة: ( تتشوف فولدها فرحانة) حبيبي فاروق: ( هبط قبل راسو ) حبيبنا ( لمح رؤيا حداه ) الحاجة ديالي رؤيا: ( تتوريه سنسلة ) شوف خويا شنو جاب ليا !؟ الكاضو فاروق: ( بنظرات حب تلمس سنسلة ) بصحة ! ( دار قبل راس خديجة) لهلا يحرمنا منك الام: ( جاية تتضحك ) الكبيدة عمتك جات فاروق: ( قلب وجهو) مرحبا بيها الام: الله يبارك فيك .. بقاوو جوج عرايسات وحدة ماعرفات راجلها فين زاد و اخرى متأكدة انه مايقدرش يدخل شدات رؤيا تتشطح و معكرة مكحلة ...العائلة تلمت و خديجة فولدها حضنها بجانبها فاروق تيتصورو رؤيا اطير بالفرحة ....اقدمو الاكل والكل مبهور من تاويل خديجة ..ارقصو و اضحكو و تصورو تاادخل نوصير وجهو اصفر عينيه تالفين تالمح نبيل لي تيبحث عليه اشار ليه براسو و ناض عندو خارج ...تاخرجو جهة دروج نبيل: مالك !؟ نوصير: ( بصوت باح ) بَّاين أسماء مات ! 🔙🔙🔙 ...صبح ناعس معطل ، فاق ضربها بتدويشة و خرج يلبس حوايجو و ضرب دورة فالدار موجد قهوة !! جالس تيفكر و يعاود فمشاكلهم تا رن هاتفو و قلب عنيه بملل نوصير: اخااا سيمو ! سيمو: الكابو !! الله يحفظ ليك لميمة ماعتق الشعب بواحد للبياسة لوطو راخده حنا محنسرين نوصير: تاصاحبي مارتاحوش معاكم ! ( بعكز ) هانا جاي سيمو: فانتظار الكابو .. ...لبس سبرديلتو دار الكاسكيطة منزلها على عينيه ، ركب فالسيارتو قصد الكراج و تلاقى دراري عطاهم سخرة و عينيه مع الساعة اعرف راسو تعطل !! يلاه تيسد هو يبان ليه واحد دري صغير جاي تيجري عندو ولد : ( تيلهث) خويااا نوصير جا واحد راجل تيسول فيكم ! كالك تيصونيو على خالتي الوازنة ما تتجاوبش نوصير: ( تيسد ) هنا بقينا معاكم !! فينا هو !؟ ولد : ( اشار ليه راجل جاي موراه) هاهو ! نوصير: ( دار سوارت فجيب وقف منتظرو اول مرة تيشوفو ولاحظ ملامحو ماتماش ) السلام الشريف !! الرجل: عليكم للسلام اوليدي ! انت ولد الوازنة ياك !؟ النسيب فطوش !؟ نوصير: انا ولد الوازنة ! خويا لي نسيب خالتي فطوش !! ( سكت ) والو اباس اشريف !؟ الرجل: ساعة اولدي والناس الدوار يسردو لكم ماتتجاوبوش ! اوليدي أجركم الله فالنسيبكم راه توفى فطريق للجامع العصر 🔚🔚🔚🔚🔚 نبيل : ( تصدم حط يدو على فمو ) الله اكبر !! الله اكبر نوصير: ( تيحك عينيه) شنو دبا !؟ نبيل : ( تيحس بالعرق نازل مع ظهرو و طعم صدأ فحلقو ....آش يكولها و منين يبداها ) نغوت الواليدة ..دخل صفر وجهو اكثر من نوصير كأنه كان فعالم و ادخل العالم ، صوت الموسيقى و ضحكات ...غوت الوازنة مخرجها و مغيث و فاروق طيروه فالسما ..شي تابع شي ..نزلو فالسانسور خرجو من العمارة جلسة الوازنة فطموبيل نبيل للور وهيا تتسول وتعاود مغيث: ( بخوف ) اش واااقع !؟ الواليدة !؟ الوازنة: ( هزت اصبعها للفوق) االعلم لله فاروق: ( بشوفات قاصحين) شمن كارثة واقعة !؟ نبيل: ( بتعثلم ) باين اسمااء ! راجل خالتي فطوش مات الوازنة: ( ضربت ضرية فخادها ) آمييييمتي على ابنيتي ! آمييمتي على صاااحبتي وجارتي واختي مغيث : ( تيمسح وجهو ) انا لله وانا اليه راجعون.. فاروق: ( هز يديه تيمسح راسو ) لاحول ولا قوة الا بالله...انا نطلع نحبس هاد هرج ! الوازنة: آااااوليدي ! اااااحبيبي ! هبطو ليا اسماء! انا فعااارك اوليدي الا ماسكت ، شحال بقات ساعة ساعتين و يجمعو !؟ خلي ديك المغبونة تكمل فرحتها نبيل: ( دور وجهو تيمسح العرق ) اطلقونا ! فاروق: هيا هيا ! الواليدة ! خاصنا نوقفو فالجنازة ، راه الموت هادي الوازنة: ( نزات راسها تاتبكي ) الله يرحمك اسيدي ! الله يرحمك النسوبية زينة ... ...الموت حق !! طلع فاروق و نبيل وجوهم لا تبشر بالخير !! فاروق خرج اسماء عند نبيل تاتاكل الحلوة ، رمقها بنظرات عميقة حزينة ! كي يدير لها و كي يقولها لها !؟ اخبرها تبدل حوايجها ....للحظات الموسيقى حبسات و ليالي و زاينة ملامحهم ذبلت لان الخبر وصلهم ...الكل ناض مبدل حوايجو نازلين بولادهم الا خديجة لي اخرو عليها الخبار... اسماء: نبيل !! فين غادين !؟ مزال اسبوع ! نبيل: ( شد فيديها مذرعها و تيقبل راسها هما خارجين من عمارة ) الا عطاك الله شي امانة ورجع ياخدها اتعطيها ليه !؟ اسماء: ( تتشوف فيه و تتشوف فالكل واقفين ) نعط... نعطيها ليه ( قلبها ايوقف ..و تتحرك فيديه ) أميي !؟ اامي ماالها !؟ نبيل: ( عنقها ركبها طموبيل حدا الوازنة ..) صمت ...موكب السيارات تحرك من الفرح للقرح !! طريق كلها وهيا ساكتة !! ظنت فطوش لي داها الله !! مسافة الطريق كانو فمدخل الدرب !! الخزانة مبنية و الجيران واقفين ...بضيق درب كولشي نازل على رجليه الوازنة معنقة اسمااء و نبيل جنبها ...طالعة دروج و الصوت القرآن على مسامع أذنيهااا ..درجة خطاتها دخلت لقاع الدار ! هيا تلمح فطوش تتبكي على زمانها و رفيق الدرب .. فطوش : ( عنقاتها ) مات اباك آبنتي ! و مااات ابااااك آسمااااء اسماء: ( مطيحة شنايفها و تتشوف فقط ) ... ...فطوش عزاتها الوازنة او #اولاد_الوازنة و عرايساتها ..جلسو اسماء حدا امها و كل مرة دخل وحدة تتبكي و تعزيها ..نظرات الصدمة على ملامحها ..تتشوف لي تيبكي و لي حزين لحالتها و لي تفكر ليه ميت واحس بيها .. اسماء: ( غمضت عينيها تتفكر صورتو و صوتو و ضحكتو ..قلبها تيبكي لكن عيونها جافين ...نطقت بصوت خافت كانها تكلم نفسها) مشى ليا ابويا ! مشى لي كان يفكرني مرة مرة مشى لي كنت تنقول ليه آبَّا هانا جيت وخ مابغتنيش ..مشى أبَّا ...الجنازة قامت !! مع اذان المغرب صلاو عليه فالمغرب ! الكل تيحذث فيه بالخير ، _كان موضي غادي يصلي _الله يعمرها للسلعة ! مات قاصد بيت الله ، مزوج ابنتو _ لا حمدو الله عندو بنت وحدة و انسابو وقفو ليه ، اربببعة الرجال .. ..سعدات لي مات على البر و تقوى! اولاد الوازنة وقفو وقفة الوحدة ، الريال مابغاوش يشدوه من الجيران، نبيل رد السيد لي اخلص الخيمة و نوصير مشى يتقضى كل مايلزم اكتبو ليه فالورقة ! العسل زبدة الدجاج اللحم الطعام خضرا ....قبل الغسيل دخلو اسماء توادع مع اباها و فطوش ! الوازنة و نبيل !! اغسلوه كفنوه و خرجوه بالدعاء من دارو لآخر مرة ! داوه للجامع صلاو بيه من تما للروضة يتذفن ! الحال سخون و احبابو تيختصرو فالمراتو او ابنتو ..انا خوه البعد يوصل حتى ليل ...فطوش لبست الابيض و اسماء جالسة حداها على حالها ، عشاو الناس و تعازي فازدياد ...مر اليوم اول و ثاني و ثالث !! اسماء على حالها ماتتبكي ما تتهضر !! الصباح بكري مشاو روضة ! الجيران و عريسات الوازنة حتى من خديجة ...هما فرجوعهم نبيل و نوصير موصلينهم زاينة: ( طالعة فدروج قدامها اسماء) اسماااء اسماء: ( بعيون نايمة) امممم زاينة: واش فيك ليغيكل !؟؛ اسماء: ( حطت يدها على جلابة هيا تحس بالسائل ) ماشي وقتهها .. ...دخلت معاها زاينة البيت و تتبدل لها فالحوايج ولقات فيضان شادها ! ملامح اشمئزاز فوجها زاينة: مافيكش لوجع !؟ اسماء: ( تتحرك راسها ) زاينة: انا نجيب ليك ليكوش زياد و ليزانجيط هدا هو الحل وقيلا جاتك بالخلعة قبل الوقت .. ....جابت لها زاينة ليكوش و بدات حوايجها ! دخلو البنات عندها خديجة و ليالي يطمنو على حالتها ، تكلمو معاها و ساوها .. خديجة: ( معنقاها ) الله يصبرك احبيبة ! بكي احبيبة ماتخليهاش فقلبك اسماء: ماعاش معايا بزااف ! كن غير مازوجنيش كن بقيت مع امي مونساها ذفني ولا نذفنها زاينة: هانا قدامك ! ابا مات الله يرحمو انا فامس الحاجة ليه و زدت بحياتي ليالي: ( تتطبطب على فخدها) حمد الله ماماك قريبة ليك ! انا راه بابا كان عايش و محرومة منو اسماء: ( غير تتشوف و تسمع ) ... خديجة: ( بدموع تتهضر ) جرحك جديد احبيبة و ربي كفيل بعبادو ! اصلي و ادعي و صدقي هدا باش تنفعيه و راكي مرضية والديك ...تتسمع الدقان فالباب تاادخل نبيل ! صامت كي عادتو ! تحت جفونو سود من سهر ة تفكير !! خرجو البنات و خلاوه معاها ! ثلتيام لي مرت كان مشغول بالجنازة باها فوق ما يسول يكولو ليه ناعسة ولا مع الناس !! جالسة حانية راسها هو متبعها و قلبو تيتعصر بألم ! نبيل: اسماء ! خاصك تآمني بالله اسماء: ( تتحرك راسها ) اممم نبيل: ( سد الباب ورجع جالس حداها قربها حضنو تيقبل فراسها) الله يرحمو و يوسع عليه ! اسماء: ( تتزير عليه بيديها ) الله يرحمو أبَّا لمن نقول هاد الكلمة نبيل: كاين الله ! وانا معاك و والواليدة معاك وخوتي معاك راكي اختهم الصغيرة اسماء: ( بحرقة ) و أمِّي !؟ نبيل: ( باسها فحنكها ) امك هيا أمي !! اتجي تعيش معانا الا قبلت اسماء: ماااتبغيييش ! انت مانتعرفش امي نبيل: هانتي جلسي تا ارتاحي معاها ! غير ماتشديش فخاطرك و ماطيحيش ليا بشي المرض ! ( باسها فعينيها ) علاش مابكتيش !؟ اسماء: ( شافت فيه براءة و شدات قلبها ) قلبي تيضرني ! تصدمت نبيل: ( تيسرط فريق بألم ) الله يخفف عليك ... ...فالقرح ! فالعزاء ! فالمرض ! فالضرااء ..تنحتاجو الوناسة الحقيقة و اسماء ربي ماخيبهاش ! الكل وقف معاها ، لكن الجرح مايعلم بيه غير الله !! مرت تلثيام المرحوم و فليلتها تفرق المجمع ! مر اليوم الرابع و الاسبوع و أسااابيع و أسماء مع امها تحت الشعار الحياة تستمر فطوش : اسمااااء !! اسماء: ( جاية من كوزينة) نعام آمي ؟ فطوش : تلفونك ابنتي حلقو خرج ! اسماء: ( طلت عليه ) غير البنات وصافي ! أمي غدا تحيدي الابيض !؟ فطوش : ( تنهدت) لابساه ابنتي طول الحياة ! لابساه على المرحوم و يجدد عليه الرحمات .. اسماء: ( سهات بحزن ) آمين ( سمعت دقان ...طلت ) ... فطوش : اشكووون !؟ اسماء: نبيل آمي !! نبييييل ....بعد الفراق ! يسود الصمت و هدوء فحياتنا ، او بالاحرى تنقولو بالعامية : اش يوقع اكثر من هادشي لي وقع ! تتسمع بالموت ! تتسمع على الناس ودعو الدنيا، تتعرف الناس بدون والديهم ، تتالم ليهم بالموقف و تستمر حياة ، كان سندها فالحياة و مانحها النسب الدقة قديمة، ما يقرب و لا يبعد تيخدم فالتربية الاصول ، غلطت ينبه ، نجحت ينبه كدالك ..فوقت ما كانت تتحمل تترمي للوم على والديها _خانقيني ! سدو عليا _مزقرمين ! المشاكل المشاكل ديما المشاكل ..تأسفت ! نذمت ! قلبها تيضرها على لي فات !! لسانها تبرى من كلامها و الفضل بدون قصد تيرجع للدقة الموت ! اربع شهور و عشريام وهيا تتخبط فالافكارها ، همها الوحيد هو فطوش ! واش تخليها بوحدها !؟ واش تيعططو لها تاني بحال ابِّاها !؟ ....هاد شهور كلها و هيا مابين الدار الوانة و الدار فطوش ! لكن اغلبية عند فطوش ، نبيل اسلم امرو الله معاه و توصية الوازنة و اخوتو انه يكبر دماغو و يتفهمها ! لكن نبيل ماكانش ضارو البعد ، كان مألمو حالتها الصامتة و صحتها لي تراجعت ، كل مرة يدوز لها و بشري لها فالفيتامينات و قايم بالتقضية فدارهم حتى من فاكتورات الضو و الما تيوصيها تخليهم ليه يخلصهم .. اسماء: ( فتحت الباب ) سلام نبيل: ( بهدوء ) اسماء كي صبحتي !؟ ( طالع فدروج تادخلو على فطوش ) سلام خالتي ! فطوش : ( جلست بإعتدال ) السلام اولدي ! جلس اولدي نبيل: ( جلس حاني راسو ) صمت فطوش : لهلا يخطيك اوليدي او الغالية الحبيبة ! و شديت لك اسماء اوليدي ها عشريام مع المرض ! نوضي آمي روحي محالك نبيل: هانية اخالتي ! مهم صحتك مزيانة ( وقف ) اسماء نمشيو اسماء: ( شافت فامها بألم) يلاه آمي معايا ! فطوش : راحتي فمحالي ابنتي ! سيري انا راضية عليك ، راني ماشي بوحدي انا مع جيراني و احبابي اسماء تزيرت ناضت بيت هزات صاكها لي واجد اصلا لانه البارح اخبرها يدوز يهزها ! خلات لها الدار نقية مسبقة ! و الخبز فالفريكو و ثلاجة معمرة ..لبست جلابتها و توادعاات معاها و نبيل هز صاك نازلين تاركبو فطموبيل و كل مرة قلبها ضارها على امها .. نبيل: ياك ماخاص والو !؟ اسماء: لاء ! نبيل: ( شاد طريق ) مزيان ! كولي فيك ماتمشي نشوفو الارض لي خديت لينا !؟ اسماء: ( تتدور فعينيها) علاش نسكنو بوحدنا !؟ نبيل: ( شد طريق لاارض ) ضروري الواليدة معايا ! و امك الا كتاب ! اسماء: ( بحسرة ) ياريت كن تبغي ، ارتاح عليها و الله نبيل: ( شاف فيها بنظرات حب) انشاء لله ! ( وقف فالبلاصة الواضح انه مطلع الساس ) نولي اسماء : ( نزلت تتشوف فالمكان و فالقطعة ارضية ) بديتي لبني !؟ نبيل: فهاد الفترة درت الساس ! تنشوف شي مهندس لي يدير ليا لبلان لي بغيت ونجهزها بالضو و الما اسماء : الله يسخر ! ياك نسكنو كلنا !؟ نبيل: ( مسح نيفو من سؤالها) كوولنا الالة ! شفتك نسيتي مدرستك اسماء: ( سكتات ...) كنت تنظن حياتي هيا داك ديبلوم و الحانوت !؟ مابقى عاجبني والو نبيل : ( شدها من يديها مقربها ليه ) الله يصاوب ! ( ركبها و ركب بلاصتو) فين نمشيو !؟ اسماء: فين نمشيو فالصباح !؟ ديني الدار نشوفهم توحشتهم نبيل: عطا الله فين نمشيو ! الدار ملحوقة .. اسماء: ( براحة ) واخة ! لي بغيتي ....شاد طريق و عقلو كلو معاها ! حس بيها كبرت اعوام ! كان مراقبها فالصغيرة و كبيرة ، و بالغوات و بالعصى و العقاب و ماتغيرتش ولا تهزت لها شعرة للحس مسؤولية ! لكن بعض ضربات الحياة تتكبرنا بالغصب !! كان باغي اسماء و بغى اكثر هاد اسماء الهادئة مثل النسيم !! شادين طريق للمدينة سياحية و طريق كلها و هيا تسولو و تعاود ! تاوقف فالمنتجع نبيل: فيك جوع !؟ اسماء: ( تتنفس براحة و ريحة البحر عاجباها لاحظت مكازات الحوايج و ماكدونالد ) فين حنا !؟ نبيل: المحمدية ! .....و بشعار الحياة تستمر ! خارجة من لاصال لابسة كيطمة بسبرديلة رامية كاب عليها ، رجعت لاطاي ديالها اولى ، الشهور لي رجعت حاولت تفرغ راسها ! لان المرأة فينا الا ماهتماتش براسها و دارت بحالتها ؟ ماكاين لي يقوم بيها ....طردت افكار الشك لي تنتج من الفراغ و عمرت وقتها ، ها لاصال ها البيرمي تتقراه ، و تنتظر فالله يحن و تبدا مشروعها ، اما علاقتها مع نوصير راها فالاستقرار! لانه تأكدت من برائتو وفقط ..وصلت تتدق حتى فتحت لها نجمة زاينة: ( مع فتحة الباب سمعات صوت تيبكي ) اجي اماما اجي نجمة: وناري ماتيبكي ! واكل مبدل اش خاصو مانعرفت زاينة: حار ا وااعر ! راه معاه يلاه تنعجن و نطيب مابقيت لحق تسياق ولا تخمال ! نجمة: اوا ترينيتي !؟ عنداك زيدي ضعافي زاينة: اش ندير بالغلض !؟ طال نهار و نوصير تينكر ، لبسي طويل ! لبسي طويل نجمة: اوا الصبر ! امضرا ماعاودتوش هضرتو !؟ زاينة : ( تنهدت تتشوف فزياد ) حنا مع صابرين ! رجع غير معصب الخدمة هداتو ، مابغيتش نزيدو نجمة: عايني نطفي كوكوط ! ( مشات جات هازة بيسكوي فيديها) زيااااد زيااد زاينة: ( قلبها نغزها و تتشوف فيه) فاخبارك تعيطي ليه تا الغد ليه مايددورش عندك !؟ نجمة : اويلاااي ! ياك قرب يقفل ستة شهور !؟ زاينة: قفلها ! عيطي ليه اختي عيطي نجمة: ( تتنادي بصوت عالي ) زيااااد ! محمد زيااااد ! هكا طاطا كاطو ! ااعبد القاادر ! جيلاااالي زاينة: ( مصارنها ماتيزيدو يتقلبو) زيااااد زيااااد ! شفتي ماتيسمعش ! نجمة: اوا من جالسة !؟ زاينة: يلاه لاحظتها فيه ! تتغوتي ليه بسميتو والله لا دار ! نجمة: ( شافتو بدا يبكي و ينكرز ) الولد خاصو طبيب زاينة: ( عطاتو تلفون ) اختي راه ماتنعس ماتنشوفو بقوة الشك ! مرة يسمع مرات تايجيب ليا الله ما تيسمعش .. نجمة: هزي الولد ديه طبيب ! اليوم قبل الغدا ! زاينة: ( دموع تجمعو فعينيها ) ماتخلعينيش اختي ! راه نتسطى نجمة : يكون الخير .. ..خرجت هازاه تتبوسو و طلعت الدار حطاتو فنامسيتو و عطاتو العابو و يلاه جات خارجة هو بدا يبكي ! يبكي يبكي .. زاينة: ( هزاتو تتبوسو ) ندير ليك رسوم !؟ زياد : ( تتهزو تيسكت و مجرد فتحت تلفزة فالبيت فيها رسوم هو يسكت ) ... ...خرجت زاينة تنصب الغدا ، لان الوازنة مشات دير تحاليل داز عليها مغيث فالصباح ، نصبت طاجين و وجدات شلايض و نشرت حوايج لاصال ونزلت حوايج من السطح و هاد الوقت كلو زياد مع تلفزة تتطل عليه تتلقاه ساكت ...تا ادخلت الوازنة و مغيث و سلمات عليهم الوازنة: الله اوليدي مابقيت نقد على خروج ! مغيث: ( مذرعها بحب) ضروري شي مرات الواليدة ! ( حطت لهم زاينة الما ) فين داك رجاوي !؟ زاينة: راه فالبيت تيلعب ..مغيث: ( وقف متجه عندو ) نسلمو عليه قبل مانمشي ! دخل مغيث دور عينيه فالبيت لقاه جالس مطاكياه بالمخاد و معلق عينيه فتلفزة و ماد صبعو لفمو تيرضعو ..غوت ليه المرة و جوج و تلاثة .. زيااااد !، زيااااد ! زياااد زاينة : ( دخلت عليهم قلبها يسكت ) ماشافش فيك !؟ ياك مغيث: ( بنظرات تاقبة فزياد ) هادشي ماشي نورمال !! شفتو طبيب !؟ زاينة: مزال !! مغيث : بلا ماتعيق الواليدة راه سكر طالع ! انا تحت انتصل بنوصير لبسي ولدك ونزلي تحت نشوفو واحد طبيب اطفال ..زاينة شكوكها مرضوها تتجلس و تتنوض بالخلعة ! ماعرفت لا تلبس حوايجها ولا تلبسو ؟ تتشوف فولدها طبيعي جالس تيتفرج بعويناتو سود و تقبة زين لي وارتها منها ! دموع تيهبطو لها ! بصعوبة غيرت ليه و بقات هيا بحوايجها تادخل عليها نوصير بحوايج الخدمة .. نوصير: ( تيشوق فولدو عقلو يطير من بلاصتو ..قرب عندو هزو تيبوسو ) مالو !؟ زاينة: ( بدموع) راه فايت قلتها ليك ! قلت ليك ماتيسمعش نوصير: ( صوتو مشى ) زيدي يلاه .. ..خرجو بسرعة و قلب الوالدين تيتحرق ! ولو يكون ولدك مريض غير بالسخانة تتمرضي معاه ! فما بالك يكون عندك الشك يكون فيه نقص من احدى الحواس ..كي طلعو طموبيل مغيث و بدا يبكي من جديد ! وهما معاه تاعطاوه تلفون ... ...طريق كلها و مغيث تيتكلم مع طبيب اطفال لي متبع عندو لامير ! و عاود ليه على الواقعة و انصحو باحسن الدكتور المختص لأطفال فالرباط و نفس الوقت اخير ليالي بالمشوار و شدو الطريق، طريق كلها و زياد غير تيبكي ، تعبت معاه و هيا تتهزو و تعطيه يشرب و الحبيب لكن غير تيدور عينيه فطموبيل و يبكي يبكي ...ماوصلو حتى قرب يسخف لهم ! فالدخلة الرباط خدم مغيث خريطة لي وجهاتو العيادة مباشرة..نزلو و زاينة الخلعة راكباها دخلو مجموعين و مغيث و نوصير اتوجهو للاستقبال و اخبرها بالطبيب لي ارسلهم و فتحات ليه ملف و طلبت منهم ينتظرو نوصير: ( وجهو تزير ) بابا ! اجي عندي زياد : ( تيرضع صبعو و غير تينين مشا عندو ) اننن نوصير: ( تيبوسو و يعنقو ) مال البطل ديالي مالو !؟ مغيث: ( جلس حداه تيرتاح ) نتمناو الخير ! انتما الولد عندو ردة فعل غير طبيعية و جالسين اصاحبي !؟ نوصير: ( تيحك ليه فراسو ) مولف تيبكي من نهار تزاد ! انا مع الخدمة و تمارة تايجيني نورمال ، من غير هاد القضية تكون هازو و بوحدو تعيط ليه مايجاوبكش مغيث: متاكد غير السمية !؟ نوصير: ( تيحرك راسو ) متاااكد ! زياد تيسمع .. ....قرب نص انتظار عاد وصلت نوبتهم دخلو بتلاثة و القاو السلام على طبيب لي كان فخريف العمر ...سولهم بعض المعلومات على زياد و نفس الوقت وزنو و قلب ليه كرشو و حلقو و عينيه .. طبيب: ( مدو لزاينة) شنو اسيدي الملاحظة لي قلتي !؟؛ مغيث: تتناديه باسمو ماتيجاوبكش .. طبيب: ( بإبتسامة ) داكوغ ! ( ناداه باسمو هو عاطيه ظهر) محمد زياد ! محمد زيااااااد !زياااد ! مدام دوريه عندي زاينة : ( دورارتو عندو ) ... طبيب: ( تيحاول يشوف فعينيه ) زيااااد زياااااد زياد : ( للاسف لا اجابة ! لا تركيز نظر ) نوصير: ( سرح حلقو ) الدكتور انا متأكد ولدي تيسمع ! طبيب: ( عوج فمو ) مية فالمية ! لكن غادي نديرو واحد طيسط ونزيد نأكد ليكم لي متأكد منو !! _هزو حطو فالبياص و دار ليه سمعات فوذنيه و خدم كاميرا تتسجل ! السماعات متصلين بآلة السمع ، اول رنة رسل ليه بدا زياد يطلق اصوات ضحك زياد : اغغغغ غغغغغ منغمغ ...طبيب: ( زادو رنة مجهدة ) ... زياد : ( نقز من بلاصتو بدا يبكي ) ...... طبيب: ( طلق ليه رنة بصوت سيشوار و خلاه مدة دقائق حتى بدا ينعس ...و طلق الطبيب ننهيدة حارة ) اااااه ! اذا ! مغيث: ( بتوتر ) الوغ دكتور !؟ الطبيب: ( مد زياد لي نعس لزاينة و جلس تيطلع فحواجبو ) كود نيوز ( خبر جيد ) زياد تيسمع ( طلق فيديو لي سجلو امامهم فشاشة ) هنا ! اصوات ضحك و كما تنقولو بداريجة صوت لامامون لي تيولفوه لي نوغيسون راه تجاوب معاه ! او مايسمى بالغمغمة وهنا ! فرنة ثانية تتيعني ان رنة مجهدة وهدا طبيعي بالنسبة لي تيسمعو ( الخوف ) غالبا ماتيسمعوش ماتعطيوش ردة فعل الخوف ، هنا رنة ثالثة هو صوت سيشوار ! الجنين فكرش اش تيسمع !؟ تيسمع صوت مصارن و المعدة و زيد وزيد لهدا تيكون شبيه بصوت سيشوار مما تيحس بآلامان و تينعس .. مغيث: ( تيحك للحيتو ) يعني نوغمال !؟ الطبيب: (تبث نظر فيهم ) نوغمال بالنسبة لحالة السمع ! لكن قضية انه تيسمع و وتنادي عليه و مايجاوبكش هنا ( تيضرب بصبعو فبيرو ) مااااشي نورماال دي تووو زاينة: ( دموعها بداو ينزلو و زياد ناض تاني يبكي ) شششش طبيب: ( حط يدو على حنكو و تيشوف فزياد بشفقة و حسرة ) الجنين فاش تيزاد من كرش امو ؟ ( حط لهم صور ادمغة جنين ) غادي نتكلمو على حالة زياد فقط ! مغيث: زيد وضح الدكتور الله يخليك طبيب: طبعا نوضح ! كاين اطفال تيتزادو بتشوهات دماغية او وراثية او اضطرابات خلال الحمل مثل ناقص حاد فالحمض الفوليك هنا تيكون تشخيص الطفل بلأوتيسم ( autism ) توحد !! نوصير: ( شداتو كحة ) كححح كحححح كححح زاينة " : ( جلست ارض تتبكي بحرقة ) انا ولدي طبيعي ! ..طبيب مد لنوصير يشرب و انتظر للحظات على مايلقطو انفلسهم ! طبيب: ماقلتش العكس امدام ! انا شرحت الفئة توحد لي ولدكم ماتينتاميش ليها ! يعني ولدكم لله الحمد رضيع طبيعي ! تيسمع ! لكن ولدكم نتما خرجتو عليه ، ( تيشر راسو ) دماغ طفل فاش تيتزاد تيكون بحال ارض خصبة للزراعة و نتي تتزرعي فيها ! ( بعصبية تيرسم داوئر بالحواس ) حاسة السمع و طبيعي امدام ؟ هو يسمع صوتك و يسمع صوت اباه و العائلة و يتعود على كلامكم لي تتنمى للغة الام راه فهاد لاج تهضري ليه بالروسية يشدها و عنددك حاسة بصر يشوف وجهك و جه اباه ، يضحك ونتي تتضحكي ليه و يبكي و نتي تتغيبي عليه ! ونقطة مهمة هيا خلايا دماغ ! دماغ لي تروضوه ! بيبي تنعطيوه لعب طيح و نهزوها ليه اول مكتسب تيشد هيا ديك طيحة و للمسة المجسمات ( تيحرك صبعانو ) يتحسس و يكتشف ..نتوما اش درتو !؟ نوصير: ( شد فراسو ايحماق ) طبيب: ( تيشر تلفون ) يبكي هاك تلفون ! مابغاش يسكت ؟ هااك تلفون ! مابغاش ينعس ؟ هااك تلفون ...ولد حرقتو ليه لاكارط ميرد ديالو و جمعتي ليه اهم الحواس و سلوكيات فتلفون ! علاش يسمع ليك ونتي تتغوتي ليه !؟ علاش يسكت و نتي تهضري ليه !؟ راه تْوحْد فعالمو لي اختصرهم فالوان و رسومات تيطيرو مع طيور ! الولد رااكم تتمرضوه بيديكم و تتوجدوه يكون طفل متوحد ! يرجع يعرف ياكل و يقضي حاجتو و يعرف الرسوم و تلفون لي هو عالمو الوحيد ! لان دماغ ديالو تزرع فيه هاد العالم متحرك خيالي مغيث: ( تعصب ما عجبوش الحال ) فنظرك الدكتور الحل !؟ طبيب: ( تيشرب الما ) استغفر الله ! شفتي امسيو عندي ليد و بنية وكنت فعطلة فالمانيا ! مثلي مثل أي أب تنبغي نبرع وليداتي مانحرمهم من حتى حاجة ! شريت لهم لي طابليط يلاه اخرجو داك الوقت !! ( تيحسب بصبعانو ) سااعتين !ساااعتين خدمهم ، تنغوت : افلان افلانة ! ولا من مجيب (تيشرح بيديه معصب ) شديتهم بيدي و شتفت عليهم برجلي تاهرسو مغيث: الفتن هاد التكنولوجيا طبيب: ( تيهز يديه و صاعر) حنا لي تنفتنو اولادنا ! و ولااادي لي كبار و ماجابوش على سميااتهم ! كي بغيتي رضيع لي يلاه تيكتسب سلوك الحياة !؟ زاينة: ( تتبوس ولدها كانها تتعتذر ) .... طبيب: ارتاحي امدام ارتاحي !! كن تشوفي حالات أسوء من ولدك ؟ تحمدي الله و تشكريه لان العلاج فالبداية للامر ! راه متابع حالات اطفال لاهما لا والديهم مساكن لي مرضو بتنمر بعض الناس الله يهديهم !! مغيث : الله يهدي ماخلق طبيب : ( شد ورقة تيسطر ) التلفون ! التلفزة ! طالبليط ! اي حاجة دخيلة على دماغ اتحببببس !! واكل شارب ونقي و بغى يبكي !؟ خليه يبكي ! ندير لولدي برنامج ، ساعة فياق وساعة نعاس ( تيشير لفمو) نهضرو نهضروو ! نغني ليه ، نحطو فبوسيط و ندور بيه جردة نخليه يكتشف الطيور و السماء و الوان طبيعيه ! ندير ليه مساج و ريحو ! ولدددك الالة هو حياااتك ! نوصير: ( ييزير بصبعانو بخوف ) دبا زياد !؟ ماعندوش توحد !؟ طبيب : ( تراجع وراء ) التوحد !! او مايعرف ب اضطراب طيف التوحّد، أو مرض الذاتوية، أو اضطراب التوحّد الكلاسيكي بأنّه اضطراب عصبيّ ...لي الاحد آن كما ذكرت اسبابو غير معروفة ! ابحاث فالاستمرار و الطفل لي تيعاني للأسف! لانه تيأثر على المكتسبات فحياتو ، تأخر فالدماغ مثلا !تعثلم فالنطق ، النظر غير ثابث فوبيا من بعض الاشياء وبعض حالات ناذرة للطفل متوحد تيكون جيني ( عبقري ) لكن لاسف حياتهم كلها مايمكنش يكونو طبيعين و اجتماعين ! مغيث: زياد يقدر يعاني من هد المؤثرات !؟ طبيب: بففففف ! زياد عندك من هنا عامين او ثلت سنين عاد يمكن ليا نشخص حالتو ! للحد الان زياد رضيع طبيعي جداا ! فقط نغيرو برنامج حياتو و انا نتبع معاه نشاء الله ( تيكتب ) هنا بعض الادوية فيتامين و ( عطاهم طابلو فيه انواع العاب ) هنا كل ما يخص رضيع ! نتما و ميزانيتكم ، شريو ليه العاب حتى من اغطية و افرشة تتعطي دور ! لانه دبا كل مايتحرك بسرعة و شديد الالوان هو عالمو ! بألعاب نحاولو نزرعو مكتسبات جديدة ... ...بعد جلسة طويلة خرجو من العيادة خلص نوصير و ركبو راجعين و طريق كلها تاني زياد بدا بالبكا ، وقفو فالباحة الاستراحة عطاتو يرضع و غيرت ليه و كملو طريقهم .. مغيث: حاولو على الولد ! عندي أمير تيطير مع طيور ؟ مع دالك صابرين ليه ، جمعنا اي حاجة فدار تآذيه و خليناه يلعب كي بغا ! واش حرافت ليا كما قال طبيب نشري ليه طابليط !؟ من صغرو هو مع العاب يهرس و يرمي و يزواط ، تلفزة قليل فين تنحطوه يتفرج فشي رسوم زاينة: ( غير تتبكي ) مااكنتش عااارفة ! خرجت على ولدي مغيث: لي دازت على راس مزيانة ! مهم تبعي نصائح طبيب و فرغي وقتك ليه نوصير: كنت نتصدم صدمة حياااتي اصااحبي ! مغيث: (مركز مع طريق) الساعة اصاحبي من وقتك فنهار ! هز ولدك خرجو ، دوش ليه هضرو مرمدو ، راه تندم على هاد للحظات ! ...من داخل بيتهم ! واقفة فالكوزينة تتوجد كوتي ، لابسة كيطمة سبور قصيرة و جاياها مع طايتها، كانها عمرها حملت ولا ولدت، كرش تمصت ..يديها مع الشغل و بالها مع اولادها فالصالون و تتسمع اصواتهم رؤيا: ( بيجامتها هازة مونيكة تتلبسها و تتشوف فبراء لي فرولاكس تيشوف فيها) شووفتي لبنية براء: ( راسو ماتابتش و متبعها بعنيه) ككغغغع ررؤيا: ( شافت فيه و شافت فشعرو رطب زعر ) انا كانوو جاوني بخوشات فراسي ( تتحرك راسها تتحذرو تبدا يبكي ) ...مجرد ماسمعت خديجة صوتو باكي نادات يصوت عالي : رؤيااااا رؤيا: ( تتشوف فاروق) اباابااا اماامااا فاروق: ( يلاه فايق من نعاس خاسر مع براء رجع يعرف والديه مجرد لمحو زماهزوش بدا يبكي ) اسكتناااا اهيااا رؤيا: ( شدت فيديه تتحركو ) وراه عاد فاق من نعاس ابراء فاروق: ( تكسل تيتفوه شعل تلفزة و جر رولاكس ) امالنا !؟ براء: ( تيحرك جسمو باعي يهزو) كغغغغ فاروق: جلس بلاصتك مانهزكش خديجة: ( مع هضرتو وقفت ليه يديها علة خصرها) ماعندكش القلب ! ( هزاتو تتبوسو ) مال حبيبي !؟ فاروق: ( طوا رجل ) امممم اننك اننك رؤيا: ( هازة راسها تتشوف فخديجة) فيا جووع ! خديجة: واجد احبيبة ! سيري غسلي يديك ( حطت ليه براء على كرشو ) شد ولدك فاروق: ( شدو مطاكيه ماحدو تيخنزر فيه براء تيضحك ) انت ! تخرج واحد نمرة ! ..تجمعو على طبلة كعائلة ، خديجة هاد الاشهر فرغاتهم تربية اولادها ، و رجعت نفسيتها مثل اول ..معاناة الوحيدة لي عندها هو فاروق ، غواتو و عصبيتو تتخاف تأثر عللى تربية ولادها ، ولي محمقها هو براء ، تيموت عليه ، ماحد فاروق تيغوت و يخنزر براء تيضحك ...خدمت مع رؤيا تمارينها و دخلت بيتها تلعب و براء شرب حليبو و بدلت ليه و نعس ! دخلت بيت ترتاح فاروق : ( شاد تلفون طالع هابط ) مدام توحشتك ! خديجة: ( جبدت دوا تتقراه) يتوحشك الخير ! فاروق: ( تيتحرك بعكز) صافي شرفت خديجة: امممم ! فاروق : اش داك دوا تاني !؟ خديجة: ليغيكل فاروق : ( ضرب مخدة ) وااا بزاااف اعيقتي عليا !؟ اااو خديجة: ( شربت حبة من لوجع ) فاروق !! نوض سير يضرب فيك الهوا ، ماتزدنيش مع لوجع فاروق: ( جرها من شعرها بقوة) خليتوو ليا فين نخرج (تتوجع ) عيقتي بهاد قلاوي الدم ؟ خديجة: ( تفكت منو) انت مرييييض !؟ واش تتشوفني تنت للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02