سها) توحشتك اماما رؤيا: ( لاحظت قوة الكاضوات ) ماما هادو دياولي !؟ بديعة: ( مدات يدها فاروق سلمت) سلام فاروق فاروق: ( تيطلعها و بيهبطها ) سلام ...جلسو فالنفس طبلة بي لقاوها ، هازة رؤيا فالحجرها ، تقيس فشعرها و تتلمس جسدها و تشوف فعوينانها ، تتبقى الام و تتبقى امها البيولوجية لي سهرت ليالي و رضعت و ربات ..طلب مشروبات و رؤيا تتفتح كاضوات بفرحة، جابت لها كاخطابل و كسوة و سبرديلة و لاتخوز خاصة بالفليللات و بنضات رؤيا: ( باست مها بحب) شكرااا اماما الحبيبة بديعة رمشت بدموع و قلبها ضرها و كلام يخالج خاطرها ! شحال زوينة ابنتها ! شحال مأدبة و مصوابة ! تتفكر فالقديم امتى علماتها كلمة شكرا !؟ امتى علماتها تبادل القبل ، زفرت نفس طويل و تفكرت كلامها كلو غوات و معيور وسبان ، قاطع خياالها صوت فاروق شجي هو تيتكلم مع رؤيا فاروق: الحاجة تمشي تلعبي شوية !؟ رؤيا: ( هزت مقبط و قربت عندو) بابا دير ليا هدا فشعري ! فاروق قادو لها و ابتسمت ليه و مشات تتجري جهة اللعاب و تقاد فالجلسة تيرشف قهوتو الكحلة .. بديعة: ( طرقت صوابعها) الله يحفظها .. فاروق: آمييين !! اش ديك الهضرة قلتي ليا فتلفون !؟ بديعة: انا صارحتك وصافي !! تزوجت هادي تلث شهور ، الواليدة لي تتجمع مشات و اختي لي نكساب فالدنيا ماعقلاتش عليا ! فاروق: ( قهقه بخفت) اختك !! ماعلينا ، تنكولها و نعاودها الرزق ماكتابش لينا ! هادشي تيعني ماشي حنا خايبين...تزوجتي الله يسهل عليك ديري غير عقلك بديعة: ( حانية راسها تتسمع ليه) عندك الصح ! ماتيعنيش حنا خايبين ! ماتفاهمناش وصافي فاروق: ( حرك الكاس شوية لقدام ) ماضي ماشي موضوعنا ! موضوعنا لي يجمعنا من هنا الفوق هو #رؤيا ..انا ابنتي راه وخ تزوجي ليا مانعرفت شكون !؟ راه ابنتي ماتعتبش خطوة للدراك هادي ديريها حلقة فوذنك بديعة : حتى انا ابنتي ! من حقي دوز معايا النهار كي الناس !؟ فاروق: ( تبث فيها شوفة تنزلت راسها) نحسبوها بالخشيبات كاع حنا ! قبل طلاق ونتي مامسوقاش ! طلقنا و خليت لك البنت ! تزوجت و جبت البنت و قاسم معاك النهارات ، مشيتي ضربتي ستة شهور فتركيا وجيتي وعطييتك البنت عاقلة !؟ بديعة : ( تتحسر) عاقلة فاروق: انفكرك ! دايها فاكونس بفلوسي وزائد نفقة وسيادتكم خارجة دور مع راسها مخلية بنت تاركبها الكْمل و دوزتهاااا !! وجيتي تاني دتيها خليتيها مع منوالة تاكانت تموت فالفريكو !! تما عااد فكرت تاخد ليك الحضانة ! ورجعتي تحومي ودوري تاطيحتي الروح و ابنتي ضرباتها طموبيل بديعة: ( تسمرت سخانة طلعت معاها) مااقصدتش فاروق: اسمعي اشريفة !! الا مزال تنجاوبك فتلفون و ندي وناخد معاك فالهضرة بسبب ابنتي ، عجبك هاد الحل مرحبا ! ماعجبكش جرري طوالك و المخير فخيلك ركبيه ! مامستاعدش نغامر بالعوينة لعندي بديعة: ( مسحت دموعها) لي تشوفو ! انا تبدلت و بديت حياة جديدة فاروق: مزيانة ليك و للحياتك و لربك لي تيحاسبك انا راه مانزيدك مانقصك ( وقف و حط فلوس مشروبات) انا فطموبيل برا خودي وقتك مع رؤيا بديعة : ( هزت نظرها فيها كانها تتودعو) تهلا فرؤيا مزيان فاروق: ماتوصنيش على مومو عينيا ..السلام العالام ..حسب خطواتو هو عاطيها بظهر تتشوف فالراجل لي عشقت بجنون ولكن ماتنكرش فنفسها خرجت على زواجها بيديها !! هيا انسانة اليوم تصالحت مع نفسها و تزوجت شيفور طاكسي لي دائم كان معرفتهم و صديقها ، عارف صغيرة وكبيرة عليها ، بنفسو تاهو مطلق عندو وليدات ، بداو بجوج الحياة جديدة هيا خدامة فشركة بمراكش للخياطة هو شيفور ..متعاونين و رجعت فاي مجمع نسائي تعطي قصتها عبرة و تنصح اي وحدة تتشوف فيها الهضرة بلا ذراع ...دوزت العشية مع ابنتها بضحك و للعب ! تا وقف عليها فاروق خداها للعائلتها الصغيرة ولاول مرة لا بديعة ولا فاروق تيحسو بنفسهم جانب لي كانو هازين من بعضياتهم فرغ من العتاب ...الاهو ايرجع لها ولا هيا اتعاود تفكر فاطلال ... رؤيا: بابا ! ماما ماجابتش كاضو براء خويا فاروق: ( تيهز كاضواتها ) بغيتي البلارة تجري علينا ؟ رؤيا: هههه عظما ابابا تزري علينا نبيل: عيط معاك الواليدة و اسماء فاروق: طلع تعشا اصاحبي ! الواليدة نشدها تبات راه النسيبة تتدور بيا ، تا الا عورت العين الواليدة تقادها نبيل: سوقك هداك ! عيط لاسماء اصاحبي ندخل دارنا ارتاح .. ...الساعات باش دخلو الدار !! لكن عاود هز صاكو لاصال و خرج ، طريق كلها هو مضارب مع عقلو ! سؤال واحد تيضرب فدماغو _واش ماغاديش ارتاح !؟ _فين مشكل بالضبظ فيييين !!' ..خدا دوش و لبس حوايجو و خرج ركب سيارتو مبرد نوعا ما !! مع اول خطوة لبرطمة هدوء يسود ، واضح ان أمير ناعس ...كانت فالكوزينة لابسة بيجاما شورط وجامعة شعرها و ريحتها مشتقة من الياسمين فواحة فالمكان ، عاطياه بالظهر شادة تلفون تتقرا فميساج تا سمعات صوتو مغيث: بونسواغ !! ليالي: بونسواغ ! بغيت نسولك !؟ مغيث: ( حل تلاجة عمر كاس عصير و اخرج جالس فسيجور ) ووي لياالي: ( تبعاتو) لوجيست انك تخلص الغدا ماشي فمحلو مغيث: ( تيشرب كاسو و تيهضر) فاخبارك واحد بلاصتي شنو ممكن يدير !؟ ( رفع نبرتو) علاااش عاد نتسنى واحد اخر انا نيت نهرس دلمها ديك طبلة على ريوسكم ! ليالي: ( مخنزرة متبعاه) علاش اسيدي !؟ آش جبرتيني تنعمل !؟ مغيث: بلا ماندخلو حوار خاسر !! ردة فعلي تتوضح ليك كلشي ! ولكن انا الي نسولك ! علاش معروضة ماتهزيش تلفون و تخبريني !؟ ليالي: ( صوتها ولو يعلى تيكون خافض) ماكنتش عوالة اولا !! لانفيطاسيون جات على غفلة ! مغيث: ( خرج صدرو تيتنفس و حط صبعو فمو) ولو !! تجيك فدقيقة تسعين ! اتهزي تلفون و تعلميني ليالي: تنظن لقيتني خدامة !! ماشي حاجة اخرى ! مغيث: ( بنظرات جدية) اسمعي اليالي ! ( اشار لوذنها ) فتحي وذنيك مزيان و سمعي كلامي ماغااديش نكررو جوج مرات اوك !؟ ليالي: ( قلبها تيضرب ) ووي مغيث: نهار ختاريتك بين الاف البنات !؟ ماختاريتكش سويرتي ! شفتك و عشقتك و اعجبتني شحال من حاجة فيك ! اولا مربية و بنت فاميلا و تانيا مثقفة و تفهميني ونفهمك ! ماحارفتش ليا نمشي ناخدها ماقارية ما خدامة و نجلسها فالدار طيب و تعجن و نعيشو انا وياها فالملل ونصدق تنشوف شوفة اخرى !! انا فخر ليا نشوف مراتي تتخدم اعلى مناصب و غادة فخدمتها ، ياك نهار المسابقة خليت خدمتي و مشيت معاك لفرنسا و ديما تنقول ليك اي حاجة احتاجتيها انا بجنبك ! انا تايق فيك اكثر ماتتيقي فراسك مي خاااايف عليك ليالي: ( هزت راسها تتنفس ) انا منكرتش ! مي منين خايف عليا !؟ مغيث: انزيد نوضح ليك !! انا اوسي عندي ليزامي نتلاقاو و نذاكرو لكن فحدود الاحترام و فاوقات الفراااغ او بالاجتماعات العمل ! لياالي: ( تتاكد بيديها) انا شرحت ليك اليوم كان بصدفة وحشمت نرد صوابهم مغيث: انااا كن بلاصتك ماغاديش نحشم ! انكولها بالفيريتي : سمحولي مراتي و اولدي تيتسناوني ! حرافت ليا نعمر وقتي باصحابي !؟ وقتي كلو ليكم لا نتي لا عائلتي ، كولشي على عينيك الفرح قرح انا معاكم الله يجعلكم تبغيو تمشيو غير الحمام نسمح فكلشي ونكون خدامكم ! انا هكااا عائلتي احسن ليا الف درجة من اصحابي لياالي: دااكوغ غلطت !! مي هادوك فقد معرفة العمل مغيث: كلامي على الكاااورية !! انغطيو الشمس بالغربال !؟ اليوم ريسطو غدا ديسكو غدا صاحبها غدا حفلة ، ولو نوصلو لانازا و نزورو العالم تنبقاو مسلمين انا مراااتي ماتعاشرش مع هاديك نوعية لياالي: ميااات مرة تنقول ليك ممقرباش منها بداك القرب !! معرفة فقط مغيث: ماااسووووقيش !! هاديك السيدة اتقطعي علاقتك معاها ( بغل) شتي تكون هاديك هيا ام تريزا !؟ ماتيهمنيش ! ليالي: ( عمرو عينيها بدموع) انت بزاااف !! ديما تتقلب عليا كولشي !! مغيث: بغيتي صحابات !؟ راه خديجة راه عيالات خوتي ! شفتي نقطع لك طيارة تمشي عند امك و ترجعي و مانحملش نشوفك مع ديك خيتنا !! ( هز تلفون ديالو) هاديك نوعية تنعرفها مزيان ، مسااااج مني ليها تنكرك ليالي: ( قلبها مشا وجا) كفاش !؟ مغيث: ماشي جميع الناس نيتهم بحالك ! تنكولها وتنكررها ، خايف عليك وعلى ولدنا ماغاديش نتشمت مرة اخرى ! ماتوصلينيش مواصل مقودين و عليك ماعندي الفراق ... ..دخل البيت تيسوط ! رجع مستغرب فنفسو من تحكمو فاعصابو ، كن فايامو يقلب و يشقلب و يهز العكس ، لكن وجود أمير حل ليه عينيه ماقادرش يشتت العائلة ، ليالي لي كانت تتقول غير نعم نعم ! شخصيتها اضظربت و تمردها تيلوح فالعلو ! لكن قاد بيها وقاد بالذياب لي تيدورو بيها ..خلاها تترمش و تحلل ، هزت تلفونو و فتاحتو دخلت انسطا لاورا من انسطا مغيث ، رسلت لها مساج على اساس انها مغيث فيه كالتالي بالفرنسية 📨: بونسواغ ، نتمنى ماتاخديش موقف من خلاصي للغدا ، هاديك فقط اشارة للدعوتك مجددا 🍷 ...مسحت مساج و حطت تلفون ، ممكن يكون هو فعلا شاف لي ماشافتوش هيا !! صداقتها مع لاورا فكراتها فامها ، تتكلم بحالها و مبدعة فالرسم بحالها ، قالت تخليها علاقة مفتوحة، قهوة مرة مرة للقاء مرة مرة ..انتظرت و نتظرت هيا هازة تلفونها تخبرها ان مغيث راسلها لكن ماتوصلت بوالو حتى رن هاتف مغيث بمساج فتحاتو و قلبها تيضرب و ظنها كان فمحلو .. 📨 : دعوة صداقة او دعوة كأس بنكهة تفاحة ادم🍷 ....منين ركبت معاه فطموبيل وصمت سائد ، وصلو دارهم من الباب صوت زياد حامي جوقة بالبكا طلعت سابقاه تتجري فدروج هز راسو فيها تيدور فراسو بلاحول ، راسو مهرس طلع نيشان الفوق دخل يدوش ..نهار كلو داز مع فاروق فاشغال خرج لابس حوايجو و تينشف فشعرو جبد تلفون و تكى فبلاصتو تيرتاح ....رمش ببطى هو متفكرها انها تكون تحت مرونها مع نوصير لي اصوات موسيقى الرجاء تيتسابقو مع بكاء زيااد ، على ذكر اطفال قلبو تزير فكل دعاء تيطلب الله يرزقو الا فيهم الخير ! تناول الادوية و تبع نصائح الطبيب لكن دائما مقولة الطبيب تيسمعها منو _كلشي طبيعي اولدي ! مسألة الوقت و القدر نبيل : ( دخل واتساب طلعت ليه اون لاين وتكلم مع نفسو) امعاامن تتهضري البنت !؟ ....دخل سيت افلام اكشجن نوعو المفضل ، دقائق مرو وهو تيتفرج تاحس بيها دخلت و تتهضر فتلفون و كمل فيلمو سكينة: مْعيكو ! واحد الفيلم ابنت فطوش فيه احسن رجل فالعالم اسماء: ( دايرا ليزيكتور وتكات على ركابيها فزربية ) صيفطي ليا انشوف ! احقا ختك كلات داك عشوب سكينة: مانعرفت لبوها ! شوفي عندك جيمايل باش دخلي سيت تفرجي فيه !؟ اسماء: هاي هاي على جوعااينة عارفة جيمايل ! راه عندي غير صيفطي و الله تكون شي كاميرا خفية وتخويلي عليها روشارج تنوريك ...تيليشارجات الفيلم وقطعت الخط مع صاحبتها حتى بدا الفيلم ببنت تتعمل حركات غير عادية عيات تقرب فعينيها و تشوف و تعاود ، كالها عقلها زيدي فالفيلم هيا ضرب فامسخ مشهد ودخلت راسها فتلفون كانت تتسمع انفاس فالفيلم حتى رجعت تتحس بانفاس بقربها ماجات تستوعب الامر حتى شدها من قرفادتها نبيل: فااااش تتفرجي دلمك !؟ اسماء" : ( تتموت بخلعة) ماشي انا مااااشي انا نبيل : ( مزال حاكمها وشد تفلون) صاااافي خرجتي لها !؟ انا لي حمااار شاري لك تلفون و تنشارجي ليك اسماء: ( تتبكي ) و الله ... نبيل: ( دار تلفونها فجيبو ) مااااتحلفيش البرهوووشة !! توحشتي العصا !؟ اسماء: ( تتوسل) يرحم ميييمتك ! يخلي ليك العزيز علييييك و الله كنت عارفاااه مسخ .. ..عيات ترغب و تزاوك جرها جرة دخلها بيت وجبد الصمطة تيدورها عللى يدو ، غير شافتها طارت تتجري هو يحكمها تاني و بدا يشبط معاها دقات الصحاح هاااا لي يتفرج فالمسخ هااا لي تيطير و ماتيسمعش الهضرة اسماء ( تتحك فضربات ) واااامي والله ماانعاود نبيل: ( هز يدو تاهزها وشبط معها ) صلااااي ! باغة المسخ !؟ عارفة دلمك فاش تتفرجي !؟ اسماء: ( دموع تيتسابقو رجعت حمرا و تتنفي براسها) الا و الله ماعرفت نبيل: ( رمى صمطة فارض هيا تكورات تتبرد فيها) باغة تحمقيني ! حضي انت معاها فزنقة جايبة ليك بورنو للدار ..هز تلفون تيشوف ويقلب ، الفيلم داير بوم فالموقع تواصل ! جامي ظن ان مراتو تفرج فهادشي ! هز تلفون مسح منو كولشي و حطو فالماريو و دار تيشوف فيها مخنزر نبيل: فين صلاتك فين !؟ هادي هيا اسماء مزيانة !؟ اسماء: ( قاطعة الحس غير تتنخصص ) .... نبيل: ( قرب وجها ووهيا خايفة) تبريت فيييك ! ديري عقلك ديري عقلك ! تتفرجي فالكوا ؟ نفكرك ولا بلاش ! تاتشحفي دلمي على راس معاك ! باغة غير هزان الرجلين ؟ طلبتي غير الواجد اسماء: ( عاد طلعت معاها و فهمت فيلم ، بغات تموت رجعت حمراا حمرا قاطعة نفس) اننننن نبيل: اقطعييي حسسسسك مانسمعوش !! ....خرج صالون جبد تلفونو تيبحث علة فكرة الفيلم ! فاش عرفو تيبدا بالعادة سرية ماكرهش ينوض يكمل عليها ! فنظرو بعض المسائل تيفضل ماتعرفهمش ماعندهم باش ينفعوها ، اش تفهم فهاد افلام سكس ! شحال من عازبة يتخيل لها ان الحياة كلها سكس و بطل مافيوزي ! الجنس موجود من الازل لكن كمسلمين السترة احسن ..ضرب فالصور فالبطل و تعمن فيه نبيل: قحيبة ! ...ناض طل عليها لقاها تتبرقق فعينيها و ساهية ..تكى حداها تيطلق يديه و تيشوف فيهم ! ماحسش راسو وقتاش شعل معاها بالصمطة !! نبيل: اتكعععدي طلقينا نديرو فيلمنا اسماء: ( حشات راسها فالمخدة تتبخ دم) اننننن نبيل: بررررب ماتنوووضي تنبيت مك فالدوش اسماء: ( بسرعة الرد ) نبات فدوش نبات نبيل: ( صاعر شدها من وذنها) داك القحيبة تفرجي فيه وانا الا ! ( جرها توقفها قدامو) حيييدي حواااايجك اسماء: ( تتبكي ) عمرررني نعاااود انا متاايبة الله ...ماتفاكش معها ولا ارحمها ! قالها ! و فعلها ! حشمها تحشيمة العداو و مارس معاها لايف على اضواء زهر ماعندوش باطو بحال #قحيبة ....تيقول المثل لولا اخطاء لما خترعو الممحاة !! أيام قليلة مرت ، و الموضوع شاغل هو السابع لولد لاجودان لي ايتقام الغدا !! فالدار الوازنة على طبلة الفطور صوت لي رجع مالأ المكان هو بكاء محمد زياد ..جالس شاد تلفون و ناسي العالم .. زاينة: ربي واش ماحشمتي !؟ اما راك فالخدمة ولا دخلتي للدار راك مع تلفون !؟ نوصير: ( طار جمع تلفون ) مالك تغوتي على الصباح !؟ زاينة: ( حركتو لتلفون عصباتها) تنغوت !؟ ( هزت زياد تترضعو ) ولدك ماتهزوش تسكتو نوصير: عطيه يرضع و هنينا من نكيرك !! ( خوا ليه اتاي ) زاينة: فنظرك انا واكلة الربيع !؟ راه عندي دماغ تنحلل و عينين تيشوفو ! شفتي داك تلفون لي ديما معلقو فيك راه نعرف نعرف اش فيه نوصير: ( مبرد ) تتمرضي راسك زاينة : مااكااين لي يمرضني قدك !! ..هزت زياد حطاتو فبلاصتو و تتنهد تنهيدات حارين ! الوازنة مع اسماء من البارح تيساعدو للسبوع و زاينة جلست فدار مايصلاحش لها مع زياد تبات !! تتغلي من داخلها وقفت تتشوف فالمرايا شعر جعت تتجمعو ببانضة مخبل الوجه لي كان مرايا رجع حالتو ؛ التربية قتلاتها زياد غير تيبكي لا ليل لا النهار و معاملة نوصير معاها تتحس بيها بردت ! تلفون تلفون تلفون ...قرب يرجع عندها هوس ! شحال من مرة لاحظت انه تيضحد مع شاشة او معصب كدالك نوصير: ( وقف عليها فالبيت ) انا خارج ماخاصك والو !؟ زاينة: فين غادي !؟ ياك اليوم السبت قلتي ارتاح نبيل شاد عليك نوصير: خااارج ! داااالع ! ( خلاها خارج تيهز يديه ) فين غادي !؟ معامن كنتي !؟ معانن تتهضر !؟ معامن تتضحك مريييضة فرااااسك نتي زاينة : الا مريضة !؟ رااااك مرضتني انت ! هاد حركات ديالوك والله لا دازو عليا نوصير: ( بنبرة عالية و عصبية ) اشمن القلاوي !؟ تخليني نفرتت فالهضرة !؟ زاينة: ( محمرة فيه ) تتخبع عليا ! وتتهضر مع البناات ، قوالبك حفضتهم نوصير: نهار كلووو فتماارة ! ها الحديد ها الحرارة رجليا قربو ينعسو عليا ! فين لقى وقت لهاد البنات !؟ زاينة ...وقفت تاتعاتبو بنظراتها و تتفكر البلان لي فراااسها ...مدة وهيا تتلاحظ عليه تغيرات مع تلفون ، ماتيطلقوش من يدو ! غير تقرب حداه يجمعو ، قررت تلعب لعبتها 🔙🔙🔙 ...اسبوع فتحت فيس بوك جديد بصورة بنت اخرى و غيرت جميع المعلومات و بحثث على الفيس بوك ديالو و رسلت ليه انفيطاسيون و بعد يومين قبلها و بدت رحلة الميساجات .. ...شرف ليا نهضر مع الكابو! نهار كبير هدا كابو: الله يعزك ...قولي بصح كابو مزوج و عندو بنية !؟ كابو: اشاعات ! نقدرش نجيب ضرة على الرجا ....شفتي تصويرتي كي جيتك !؟ كابو: دخلتي مي كوراسون نيشان ..توووتة ...اوا الا جيت كازا نشوفك !؟ كابو:مرحبا بيك ! نساريك كازا و مانخلي بيك حتى قنث نتي تآمري ونا نغامر ...محادثة كانت مدة اسبوع وكلما يطلب منها رقم واتساب تتعتذر ! مساجات قلبو لها حياتها و طلعو لها سخانة 🔚🔚🔚 زاينة: مزال ! مزال انوصير نحط ليك وسخك فوق طبلة نوصير: وااااش بااااغة تهبليييني !؟ شمن وسسسخ !؟ تخوطرتي فدماااغك زاينة: ( تيقول لها واحد لعقل حطي ليه زمر كلو فوجهو ) انا عاقلة كثر من اي وقت ! الا صافي حط ليا تلفون فوق طبلة نقلبو ! نوصير: ( جبد تلفون من جيبو شادو فيدو ) تتشكي فيا !؟ زاينة: ( باصرار ) آاااه نوصير: ( شد داك تلفون ضربو مع الحيط مواجه ليه بقوة حتى تفرتت ) سيري هزيه دبا تيقول مثل الثاني لولا كان ظهرك منحيا لا صعدت الحياة على ظهرك !! فبرطمة خديجة لي ملأت بالعائلة اختها لي فالخاريج وصلت و خالتها و عماتها كدالك ، فرحانين بنوارة العائلة، الوازنة كدالك جالسة بعزها تتمثل عائلة القباج معاها اسماء لي تتعاون فالكوزينة واردة البال لرؤيا منها تهرب من نبيل ..من داخل بيت نعاس خديجة جالسة تترضع براء تتعصر بالوجع لان ريوس بزازلها مزال ماشفاو و امامها ليالي .. خديجة : ( باستعجاب) سي باااافغي !؟ ليالي: ( تتدوز صبعها على براء) وي سي فغي ! عرفتي ندمني ، خديجة: (حطت براء بلاصتو ناعس) بغيتي لوجيك ولا خوه !؟ ليالي: وخاصك تعرفي راه منفوخ دبا و هضرتو قليلة ! خديجة: ( جالسة بحب مع صديقتها ) ليالي !! لوجيست لي وقع معاك ممكن يوقع مع اي وحدة ! انا وياه راه منفخين على ود طليقتو ليالي: اونكوغ !!؟ خديجة : ( تتجبد جلابتها تتلبس ) دائما احبيبتي ! راه ام بنتو ! ماعلينا دبا هاد لاورا فين صفيتيها معاها !؟ لياالي: ( قلبت عينيها بعدم هتمام ) جات بلا بلا ....الالة 🔙🔙🔙 دخلت عندها بيرو لابسة نظاظر و كسوة قصيرة ! سلمت عليها ليالي سلام بارد ..لان ليالي حطات لها كلشي فوجهاا مانتظرتش دقيقو وحدة لاورا: ( حيدت نظاظرها بانو عيونها تعبانين) مقلقة مني !؟ ليالي: ( بعدم اهتمام ) تنظن تنكون مقلقة ولا العكس اخر همك لاورا : ( مدت يدها ترغبها) بغيتك غير تفهميني ! الليلة لي وصلني مساج كنت تنحس بالوحدة و تقلت فالشراب و طلع ليا مساج طون ماغي ! مي صدقيني تا الصباح عاد عقت بشنو درت ! السكرة غيباتني ليالي: متفهماك ! كنتي صديقة خفيفة ظل و لاسف تا لراجلي سوا بقصد او غير قصد ماتنتقبلهاش لاورا: صدقيني كنت سكراااانة ! ماعقلتش ، اون بليس اتخليه يتحكم فيك تافصحاباتك !؟ ليالي: ( بحدة) جامي قلت هاد الكلام على راجلي ( ردات لها صرف ) وقيلا كنتي سكرانة ! نوضح لك راجلي صعيب عليك تفهميه 🔚🔚🔚🔚 خديجة: عبرتي عليها ! وخ انا ضد الفكرة لي ترسخت لك علليها ! ماشي كاع صحابات لاورا ! ولا كاع كاوريات خبيثاث ليالي: ( براحة ) جووسي !! انا ماعندي زهر خديجة: نوضي نمشيو باش ارجعو دغيا !! ليالي: براء اتخليه !؟ خديجة: ( قبلاتو فوجهو ) وي !! ..خرجو تيضحكو مع فاميلا و اشربو اتاي و اخبرهم انهم يخرجو يستسخرو ، خرجت معاهم اخت خديجة و تتجهو للمحلات ملابس تقليدية ! السابع ليم الغد كلشي واجد و مرتب بيدين خديجة بقى لها تختار للبسة لي تللبس ، كملو اختياراتهم و ليالي بالها كان حد مشغول تا رن هاتفها برقم زاينة وجاوباتها ليالي: وي زاينة زاينة: ( بصوت باكي ) ليالي !! غير اسمحيلي ماعرفت فين نرد الراس و ختي خديجة مريضة ماقدرتش نتصل بيها ..عفاك الا مسالية سمعي ليا نهضر معاك ليالي: ( بخوف ) وي ماشيغي !! راه خديجة معايا زاينة: ( تتمسح دموعها ) عفاك دوزيها ليا ... ..خاطرها و قلبها و حدسها طالبها تكلم مع اي احد يقدر يسمعها ، بعض للاحيان تنحتاجو غير لمن شكون يسمع لنا و نفرغو خاطرنا عليه ..بصوت خديجة دافئ تكملت معاها خديجة: زاينة حبيبة مالك !؟ زاينة: ( تتبكي بحرارة ) تخنققت و مرررضت لقيت نوصي تيخوني ..بسيارة ليالي ومعاها خديجة ، وصلو الحومة بلاصاو طموبيل نزلو قلبهم طايح بين قلبهم !! جملة نوصير تيخوني صداها زعزعاتهم ...فتحت لهم الباب طالعين بفضول غير شافو وجها تألمو خديجة: ( بصوت منخفض جالسين فبيتها ) مالكي !؟ ليالي: ( هزت زياد لي تيبكي ) شوووت بيبي ( طرطق صبعانها ) زيادوو زاينة: ( منهاارة لاآخر) مليت اختي و عييييت !! تضرب ليا كووولشي فزيرو ، نوصير لي دار مستحيل وتزوجني و الحب لي كان تيهضر عليه كلو طاار ! جلسني فدار و جلس يلعب من مورايا ...خديجة و ليالي تيسمعو لها بكل اهتمام و ملامح الآلم ظاهرة على وجهم ! الخيانة ولو فسماع قصصها تتقيس المرأة ولو ماتكونيش نتي المعنية بالأمر شعوريا تتألمي خديجة: ( شدات يديها تتطبطب عليها و تتهبط راسها لمستواها) زاااينة ؟ براكا احبيبة من البكا و عاودي لينا ! زاينة: من انبدا و فين انحبس !! من اول كولشي غالط ، اهتمامو اقل بيا و حاضي غير تلفون تلفون ! مدخلو معاه الحمام تياكل هو فيدو ! داك نهار طلبت منو غير يخرجني نشم الهوا ! طريق كلها هو مع تلفون السيد مرفوووع ! درت فكونط فالفيس ولقيتو شاد معايا الهضرة ! لياالي: ( بتأتأة اسف) نوووو !! حشومة عليه خديجة: شاد معاك الهضرة !؟ متاكدة راه هو !؟ زاينة: هووووا !! شي كلمات تيقولهم غير هو ( مي كوراصون / الله يعزك) شفتي انا غير يفكني الله خديجة: ( شدات راسها ) اها زيدي !؟ زاينة: عيت نسكت و نصبر ! الصباح زياد تيبكي حداه والله ماداها فيه هاز تلفون ! واجهتو و هرس تلفون خديجة: واجهتيه بفكونط !؟ زاينة: (غير تاتبكي) الا ! تزايدنا فالهضرة ! قالي تتمرضي راسك و ماكاين والو من هادشي لياالي : ( حطت زياد تتغير ليه ليكوش ) اوبااا !! خوينز زاينة : ( تاتشوف فولدها مهدن عاجبو حال ) انا راه كنت مشيت بحالي !كنا انفرقوها تاطاح زياد فكرشي خديجة : استغفري الله !! والدينا مزال مزوجين بالصبر ! وحنا لي قدامك حياتنا غادة بالصبر زاينة: كنت تنقرا و عندي طموح ! زرب عليا زربة ماتبغيهاش لعدوك و حطني فدار و رجع يهضر ليا مع البنات خديجة: ازاينة !! البكا مور الميت خسارة ، نحسبوها الالة دقة دقة ! فين تهزي ولدك وتمشي !؟ هو يسخى بولدو زاينة: تشمت !! كان عندي مشاكل و يّْما زايداني ! قلت نتزوج بيه ولو دارها ليا قد فمي ولكن لقيت الجحيم !! خديجة: ازاينة ! باغة راجلك !؟ ( دون جواب ) لا جاااوبي واش باغاه !؟ زاينة: هاد سؤال عمرو ضرب ليا فراس ! انا مطالبي واضحة يمشي معايا بالمعقول و ينفذ ليا باش واعدني ليالي: باش واعدك !؟ زاينة: مشروع لي بغيت !! خديجة: ( تتشوف فيها ) زاينة ! الا جينا نحطو اولاد خالتي الوازنة فالعبار ! الكفة رابحة هو لي عندي ، عمرني اختي وقفت ليه بهاد اسلوب لي عندك ! رطبي شوية زاينة: مابقيت بغيت والو ! يشوف معايا الحل خديجة: ( غمزت ليالي) واخة لالة خاطرك ! عرفتي شنو ولدي تيرضع بزولة ماخاصنيش نتعطل ! هزي ولدك زيدي معانا ! اصلا كلشي مجموع عندي اش مجلسك بوحدك زاينة: محمد زياد صعيب راك عارفة تلقى راحتي فدار خديجة: ( وقفاتها ) نوضي اغسلي وجهك و جمعي صاك ولدك و يحلها ربي .. زاينة...دخلت حمام غسلت وجها وكارهة تشوفو ! فين زاينة لي تتفيق على مرايا و تنعس على كريمات ، لبست جلابتها و ليالي هازة بيبي ومسائلهم و نزلو ركبو فطموبيل !! تارن هاتف خديجة خديجة: وي فاروق فاروق: ولدك فاق ! فين راك خديجة: قسمين نكون عندك ( اقطعت عليه ) ليالي: ( شافت فمرايا فزاينة) صافا زاينة !؟ زاينة: ( بابتسامة الم ) حمدو الله !! ...وصلو برطمة خديجة!! الدار عامرة بالفاميلا ، دخلو البنات وسلمو على الحضور ، الوازنة شدات زياد تتفرح بيه ، اقسمو الرجال فصالون و النسا فصالون آخر ، قرب الوقت الغدا ، الام خديجة واقفة فالكوزينة مع اختها و اسماء دير ادير بلاصتها ، حطو للرجال اولين تغداو و ناضو اخرجو و لاجودان دخل البيت ينعس وغير عاقدهم و النساء حطو الغدا بيناتهم ضاحكين ، ليالي ضربت جوج مشات حضانة هزات أمير و رجعت عندهم...دوزو العشية وهضرتهم على الاسبوع الغد ، مر العصر فالمغرب و ناضو تاني يوجدو العشا .. فاروق: ( فايق خاسر) خديييجة !! خديجة: ( ناضت عندو) نعام ! فاروق : فين اباك وراجل اختك !؟ خديجة: مشاو عند عمتي ! فاروق: يباتو هنا !؟ خديجة: اوا ضروري !؟ علاش فاروق: ( تحتى تيلبس سباطو) باش خوتي لي عندو شي امراة يجي هزها ! الدار مخلطة خديجة: اوا بعدا زاينة خليها راها مقلقة مع نوصير ! فاروق: يضبر راسو !بغى يخليها تجلس ! اتجلس خديجة: ( بصوت هامس) ماتسولش علاش مدابزين !؟ فاروق: راه مزوجين نوصير ماشي نوصيرة ! لي نبقى تابعها ، هداك جمعنا و طوينا معاه الهضرة من خصلة بنت خالت الفاسية ( هز يدو دافعها بشوية) حيدي من قدامي خديجة: الله يهديك ! فاروق: ( خارج تيجاوب) ايه الله يهديني ! انا لي تنشك فيك خديجة ..رجعات عند البنات لي تيهضرو و يعاودو فنفس الموضوع بهمس لا تسمعهم الوازنة ..ماكملت الساعة تادخل فاروق معاه مغيث و نبيل دخلو نيشان الصالون ، اسماء سمعت انه وصل ، كحلت بالعمى ودارت راسها مريضة ..اصوات بكاء الحفايد ينعس براء ينوض زياد هاد أمير تاهو ركباتو الغيرة و رؤيا خايفة على خوها ،احطو العشا و الام خديجة طيابها متول وباغة تكبر بابنتها ، جمعو وطواو و تبداو البنات يسمعو سمياتهم ...اسمااااء لياااالي ..اسماء: ( تتسول) خالتي غدا اسبوع ! خليني نبات الوازنة: نوووضي آمي ! سيري الغدا صباح ناكد عليه يجيبك الصباح اسماء: ( نفس تحبست لها و هيا تتلبس جلابتها ) يديه تران ياربي .. ...نزلت اسماء خلات زاينة تتلبس جلابتها واضح ان ليالي طلبت منها تمشي معاهم ، شي منفخ على شي ! وشي تيقطر الكلام لشي ! وشي ناوي على خزيت لشي ..طريق كلها هما ساكتين تاوصلو الدار ؛ طلعت نيشان بيتها تتحيد جلابتها .. نبيل: ( صوت انفاسو تتسمع ) صمت اسماء: ( تتشوف فين بنص عين ) صمت نبيل: بايتة البارح وتزيدي هاد نهار !؟ ماعندك الدار ولا !؟ اسماء: قلت ليك انا شي حاجة !؟ نبيل: لاانا صمك !؟ راه سمعتك تترغبي فالواليدة ! ها اباها ها راجل اختها ها عمها ! فين اتباتي !؟ اسماء: ( دخلت بلاصتها ) بايتة بلاصتي نبيل: زيدي غوتي ! دايراها قد راسك و مزال تتخرجي فعينيك ..عصبها مرضها ! سخن دمهاا ! دائما نقطة لي تكون تواصل بينهم تتقلب لنقطة سوء تفاهم ! هو باغي يجبد معاها الموضوع ربما ! ربما يعتذر لكن االانسة الصغيرة دموعها نزلو و جابت حدها ... اسماء: ( رمات داك الغطا وبدات تغوت دون وعي) بعااااااد مني ! بعاااااااااد مني ، مرضتنييي ! خررررجتي علياااا ..مشات البلاكار تتجبد حوايجها و ترميهم وجنون راكبينها !!،تتغوت و تجدب !! اناري هيا غير مظلومة اناري هيا ربي ياخدها و تموت .. بدات تجذب و شدات شعرها تا خلاتو مخلوع و العرق تيقطر منو ..تا طار شد لها يديها نبيل: اسمااااء !! صااافي صااافي .. اسماء: ( دفعاتو ) شفتي و الله لا جلست ليك هنا ! دااااااارناااا ولا غادي ندير صبعي فودني نبقى نغوت نبيل: ( خايف لاطيح ليه) اسمااء ليل دبا ! اسماء: لييييل عليا بووووحدي !؟ ماشي ليل على هضرتك لي تخلي بنادم ينتحر ! ( نزلت تتجمع حوايجهل من ارض ) والله لا جلست ..تسمع دقان فالباب وماكالها عقلها سابقة هو يشدها رجعها موراه ..فتح الباب ضرب فنوصير من وجهو واضح تيغلي اسماء: خويااا نوصير ديني دارنا نوصير: ( تيشوف نبيل شادها و تيسولو بعينيه علاش داق) زااينة !؟ نبيل: ( ضرب الباب برجلو تسد بالجواب ) عند فاروق ...هبط فدروج تيزرب ويمارا بطموبيلتو شاد طريق للدار فاروق ، عين فالطريق و عين فتلفون جديد بي خداه تيضرب نمرتها يتصل بيها حتى بدا يصوني فيديه وجاوب نوصير: الو مغيث: آنوصير ! فينك !؟ نوصير: غادي عند فاروق ، نجيب زاينة مغيث: ( دخل بيت نعاس ) واش مصمك ولا مالك !؟ فين دالع نهار كلو و تلفونك طافي !؟ نوصير: فين انكون !؟ مرمي فالكراج مغيث: مراتك عندي فالدار ! فاروق الدار عندو مخلطة بانسابو نوصير: ( صوت انفاسو تيتصاعدو ) هانا جاي .. ....وصل العمارة وفتح ليه كونسيج لي عطاه مغيث خبر قبل ..طالع..فتح ليه مغيث الباب .. مغيث: زيد !! دخل تابع مغيث تبحث عليها ، تضرب فيها جالسة فصالون مع ليالي شادها ولدها و أمير تيلعب حداهم ، داير يديه فجيابو طول فيها شوفة عاد لقى السلام ليالي: نوصير ! تفضل نوصير: ( عينيه على زاينة لي مامعبراهش ) الله يحفظك اختي ! شكراا مغيث: ( جلس واشار لي بيديه يجلس تاجلس حداه ) عينا اصاااحبي مانتصلو بيك !؟ نوصير: ( جر أمير باسو ) تلفون تهرس ! عاد دزت عند صاحبي شريت واحد مغيث: ( تيتفوه ) هز الباس ! نوصير: ( بصوت هادئ رجولي) زاينة نمشيو !؟ ليالي: ( تتشوف فيها ماجاوباتش و مغيث مافاهم والو ) خليها ترتاح اليوم معانا ! غدا الصباح ندوزو عند خديجة ديريكت نوصير: ( هبط راسو بعدم قبول )ماعليش غير خلينا نمشيو ! مغيث: ( هاد برود و نظرات مايدوزوش عليه) آش واقع تاني !؟ ( شاف نوصير ساكت و زاينة مغبونة) ادوي ازاينة شنو مشكل !؟ زاينة: ( بخجل ) والو اخويا ! ليالي: ( تترطب الجو) نوغمال ! اتغيرو وصافي مغيث: ( بنظرات جدية) انت ماغاديرش عقلك !؟ ادا مراتك كانت غضبانة عند خوك !؟ نوصير: ( مخيخ) مرااتي خليتها فدارها ! مغيث: فوقاش هاد خليتها !؟ نوصير: ( وقف معصب ) هزي ولدك نوضي ليالي: ( هزت امير خاف بغى يبكي ) نوصير الله يخليك اخويا بشوية احلو مشكل ! نوصير: انا المشكل اختي ليالي !؟ هاد السيدة ماباغاش تحمد الله معايا ، لغوووات ! نكييير وصلنا معاها للشك زاينة: ماشي الشك ! هاديك خيانة و بدليل ! مغيث شاف القضية حامضة غمز ليالي وهزو ولدهم و خرجو و مخليهم يذاكرو ، دخلو بيتهم وسدوه نوصير: خيانة !؟ امتى خنتك اختي !؟ و معااامن !؟ زاينة: ( دموع واقفين لها فعينيها ) رد سينتا للور وتفكر ! تفكر هداك تلفون لي فيديك اربع وعشرين ساعة فيديك .. نوصير: ( جلس تيحرك فركابيه بعصبية و بصبعو طلع كاسكيطة يتلاقاو عيونهم ) ارد سينتا للور !؟ فكريني ! وقبل كاع ماندوزو هاد الباطل لي حاطة عليا !؟ معامن تشاورتي خارجة دالعة زاينة: ( نزلو دموعها مقهورة) من حرقتي و الحالة لي خليتيني فيها ! مهرس عليا تلفون و خارج مامسوقش نوصيى: ( بنظرات تابثة) من لسانك لي تيقطر العسل ! واش تتحسي شوية ولا تاتشوفي غير راسك !؟ آحني فيا ازاااينة زاينة: ( بنبرة مرعودة) انت لي حن فيا ! واحن فولدك ، هاملنا و ماسوقش لينا نوصير: ( تيسرط فهضرتها ) اها زيدي !؟ ومخليكم بجوع ؟ مدخل عليكم الحرام ؟ مسوطك الصباح و عشية ؟ زاينة: لامالك ماكنتيش تتضرب !؟ ( تتعلي فصوتها) مدام عندك شووووفة اخرة اولد الناس ماربطنيش معاك ! ولا كالك زيدي تولدي ! نوصير : ايه تولدي معايا ! مالي مانستاهلش ولا شماتة فعينيك !؟ ياك تنضرب فالكورفي على ولادي وعليك ! ( تيهز فتيشروط بصبعو) فين عمرك شفتني سبقت راسي عليكم ! ناسي راااسي معاكم ؟ جلسة فالقهوى مع اصحابي مابقيت نوصلها ، ياك كولشي ازاينة باش نديرو دارنا واش نبقاو حياتنا كلنا عدنا البيت !؟ طموبيل وماقدرتش نبدلها ونا تنبيع فيهم ، غير باش نطلع الربح و ندير لك المشروع لي باغة زاينة: ( تتمسح دموعها ولدها فحضنها تتشوف فيه) شفتي خليت ليك مشاريع ! مابقييييت بااغة والو ! كنتي تعيط فنهار خمس مرات و ديما مسول فيا و تابعني تا قلبتي القلبة وحدة ! نوصير: ( تيحك راسو قرب يحماق ) ازاااينة ! دوزنا لي تيدوزو كاع الناس مخطوبين ولي بادين جداد فحياتهم ! هزيتك حطيتك لقيت فيك المعقول وخاطيك زيكزاك ! اش بغيت اكثر من هكا ، فين مابغيتي تخرجي تنخليك ! لي قلتيها تنفذها ، لي طلبتيها تنحاول نديرها ! واش تتعاوني مع الزمان عليا !؟ راه درنا الولاد ازااينة زاينة: وعلاش هرستي تلفون الصباح !؟ نوصير: هرستو من هضرتك وشكك فيا ! واش عندي فداري المراة لي بغيت ونخرج للزنقة !؟ راه تلاتين عام وانا ديالي راسي طلع ليا تزلال فصحتي قبل ما نعرفك ! زاينة: حطت ولدها و هزت تلفون وقربات لوجهو محادثة) فيس بوك ديالمن هدا !؟ نوصير: ( عقد حواجبو تيشوف وشد تلفون تيقرا ويعاود) ماشي اناااا ! هاد الفيس زمان بيني و بينو زاينة: شكون مول كلمة مي كوراصون !؟ نوصير: ( دم طلع فوجهو) ماااشي انااااا آمني بالله و الله مانا ! ( تيعاتبها بصبعو) كن صباح وريتني هاد تبرهيش مانهرسش تلفون ونعطيه ليك ( مد لها تلفون ) ها هو قلبيه ! ماعنديش فيس بوك ..ماكانتش من العاكزين قلباتو ووفلاتو ! وورجعت تاتشوف فداك كونط لقاتو اون لاين و تلفون نوصير مافيه حتى الفيس بوك مفتوح ! قدامو دوزت المكالمة مسنجر تيرن هو ماعجبو الحال نوصير: لهاد درجة ماتتيقيش !؟ زاينة: ( قطعت خط ) ياك قلتي ماشي ديالك !؟ اوا نتاكد نوصير: ( عينيه حمارو وقف صاعر ) الا كان ديالي الله يعطيني فهاد ليلة كسيدة و شي رموك يجمعني ! لهلا يصبحني لغد ليه ..رمى هاد الكلام لي حش لها ركابي وخرج تيمسح فعينيه .... ...تبلوكات تاتغوت باسمو !! تاخرج مغيث تيزرب تااابعووو...الشك ! الغيرة ! لهلا يورعهم فالقلب اي انسان ، ليس بضرورة فالعلاقات زواج !! الا خانك الزوج تتفقدي تقة فراسك ! الا خانتك صديقتك تتظلام دنيا فعينيك ! الا خانك والديك و خوتك تيتهرس عمودك فقري بالمعنى المجازي ! الا خانتك صحتك اتجمعي كل ماسبق من خيانات ماتاجيش نقطة فالبحر صحتك .....من بيتهم من بعد كريز الاعصاب لي شداتها..خارت قواتها جالسة فارض جامعة ركابيها نبيل: اسماااء اسماء: ( هزت راسها فيه تا صدماتو ) انننن رعفت نبيل: ( طار هزهاا عندو مدخلها حمام وقفها تيغسل وجها) علاااش ااسماااء علاااش ! اسماء: انننن ! راااسي نبيل: ( حاكمها لا تمشي طيح كما مولفة ) صافي الدم حبس .. ..عطاها فوطة ! و جلسها فوق ناموسية ، مد لها تشرب و تيحس براسو تيزدح ! ماكانش قاصد يعصبها .. اسماء: ( تسرحات ناعسة ) طفي عليا ضو نبيل: ( طفى ضو وحيد لها فوطة) تنعسي !؟ اسماء: ( ماتتجاوبش ) نبيل: ( شعل ضو و جلسها ) سمعي ليا نهضر معاك ! اسماء: ( تتهز راسها فوق ) ماااتسمعنيش ! هضرتك كرهتها نبيل: و اسماء ! واش نشوفك تتفرجي فالمنكر و نسكت !؟ راه بينك و بين راسك حرام تشوفي هداكشي اسماء : اصلااا ماكنتش عارفاه واش فيلم ماسخ ! تما هضر بفمك لاش العصا نبيل: لانتي تتسمعي الهضرة !؟ ياك تاحلفت مانحط عليك يدي !؟ لاش تتخرجيني على طوعي !؟ اسماء: غدااا ! من اسبوع ديني لدارنا ، كن ماكان اسبوع ختى خديجة وعزيزة عليا تانمشي اليوم نبيل: ( عصباتو ) فيييين اتمشي !؟ برررب داركم لافتي فيها نهار ! عاقلة اخرة مرة فاش خليتك فين وصلتي !؟ اسماء: ( تتمسح نيفها) شتي داك الضرب ربي ايخلصك عليه ! نبيل: اه ايخلصني ! انا تنتعدى عليك ! اسماء: ( نعست عطانو بظهر ) حمد الله عارف راسك نبيل: ( طلع حداها معنقها) وصافي ! اسماء: الا صافي اشربو نبيل: دبا هاد الهضرة ماشي ديال تهراس الفم !؟ كفاش نشربو !؟ اسماء: ( دارت عندو وجها مزنك) نوووض اخرج عليا ! راه صالون نعس فيه نبيل: ( تململ بلاصتو قادها ) بلاصتي هادي ! اسماء: ( دارت ناعسة ) الله يستر نبيل: ( هز تلفونو متلف ) نوضي شربي دوا باش تصبحي مرتاحة اسماء: الا داويني باش تسلخني عابلاش ! نبيل: مانعاودش نضربك ! ( قرب لها باسها فراسها) نوضي اسماء ، صغيرة الطابع و الخاطر ..ناضت شربت الدوا و رجعت نعست هو ناض خرج الصالون تيرد انفاسو ! تاتنسيه فنوبات غضبها و ترجع لهم ! مابقاش قادر على بعدها ، تغوت تعصب ، يضربها و يصالحها و تجلس حداه ، رجع تصاور للقطع اراضي لمدة هو متبع موضوع الشراء ، حلمو انه يبني الفيلا صغيرة تهزو مع الوازنة و مراتو ، تكون بجردة و متسعة ! باغي يخرج من الحي شعبي و الوازنة تاخد راحتها فدار واسعة ... اسماء: ( بصوت ناعس ) نبييييل نبيل: ( سمعها ناض عندها ) نعام ! اسماء: فيا جوع ! راه ماتعشيتش نبيل: ( شاف تلفون ساعة لقاها الحداش ) نخرج نجيب ليك طاكوس لي تيعجبك !؟ اسماء: واخة نبيل: تمشي معايا !؟ اسماء: ( جمعت جلسة ) اه نشم الهوا ! ...ماحكرش عليها ، خلاها تلبس و خرج سابقها حتة تبعاتو نازلة تتمسح فنيفها و تعاود ! ركبت حداه فطموبيل تتشم الهوا من شرجم و تتشوف فالناس ...وقف حدا ريسطو طلب لها اومبوغطي .. اسماء: ( تتشوف ساهية ) الله على هواء نبيل: ( ركب و مد لها ساشي) صافي !؟ ماخاصك والو !؟ اسماء: ( شداتو تتفتح ساشي ) شوكرااا .. نبيل: الله اودي .. ...بعض الاحيان تتكون مشاكلنا اعمق ! و اكبر ! لكن بخاطرنا و قلبنا الكبير تتنخلقو فجوات للترفيه ، ابسط شيء هو نجلسو نخمو و نحطو يدينا على خدنا و نفكرو و نفكروو ..لا تفكير تيحل المشكل ولا الجلاس تيطير الهم ! اللهم بنادم يفوج و مولاها ربي ..... نبيل : زاينة بقات مع الواليدة !؟ اسماء: مع ليالي ! نبيل: مالها مع نوصير اسماء: بسباب تلفون ! ( خنزرت فيه) نبيل: تلفون غير على الرجال !؟ نتوما اكفس منا ! تتنساو راسكم اما انا نوصير تمارة لي تنضربو راسك ماتحكوش بقا لنا غير تلفون اسماء: اوا لله يهدي ماخلق ! بنادم يدخل الدار يحطو نبيل: الا بنادم مايلقاش راحتو فدار راه تيهز تلفون يغطس فيه اسماء: ( عرفاتو تيمعني عليها ) ونااا ماالي !؟ نبيل: ششششش ! تغوتيش لا نحسب لمك سنانك .. ....من بعد مالحقو مغيث ! حيد ليه كونطاكط و بقى معاه تيبرد الطرح ! نوصير الا شعل صعيب يطفى ، داير يديه مور ظهرو غادي جاي و تيسي و يلعن و مغيث مربع يديه ساكت مغيث: زيد نجرو اصاااحبي نزيد نوصير: كون غير خليتني اخاي مغيث نمشي ! مغيث: فين اتمشي اصاحبي !؟ مراتك لي خليتيها فوق تتبكي !؟ نوصير: ( هبط كاسكيطة و رجع يديه جيابو تبعض شنايفو ) انا راه تنبكي الدم ...شاريع كان طويل و الراجلين قلال !! سيارات غادين جاين و اضواء المقاهي و محلات مضوية الشوارع ، انفاسو نتظمت و مغيث معاه تيراسل ليالي تيطمنها ... مغيث: ( رجع تلفون بلاصتو) فيك مايعاود !؟ نوصير: اودي الهضرة بلا فايدة ! النكير نكيير مليت حياتي مغيث: شوف القضية من جانب الايجابي هاد المراة علاش تتنكر !؟ واش عينيك فشي حاجة !؟ نوصير: ( هز يديه باستسلام) مااعندي شوفة ولا نظرة ! زاينة العجب مابقى يعجبها ، نموت نعرف غير منين تاتجيب هاد افكار الكيلو ! واش اصاااحبي انا نهار كلو فتمارة ندخل الدار نبداه معاها من الباب ! و هضرة طجج !، انت ماشي مسؤول ! انت تتخبع عليا ! انت تطنز عليا ! انت انت انت ! واش انا كرهت تانا نبرك على كيشي و نخرجهم صحاح !؟ مغيث: وكلنا بدينا درجة درجة ! فين مشكل نقادوه !؟ خاصك فلوس نوصير: خاصني لي تفهمني و تصبر عليا !! الخدمة راه امور زاهية حمدو الله ، بغات دير مشروع فضاء طفل ! راه ليل و نهار تنفكر لها فين هاد لوكال !؟ مغيث: شوف الكراج تحت الدار قسمو و اصلحو ! نوصير: راه الدار الوازنة اصاحبي ! مادياليش ، لي نفرض الوازنة ماهضراتش !؟ واش لي ربحتو نجي ونحطو لها !؟ راه للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02