🔙🔙🔙🔙🔙 ....ليلة كلها و هيا تتفكر و تعاود...كيف للزوج يراقب مراتو !؟ ممكن تكون مراقبة علنية بأسئلة عن تحركاتها ، تفتيش هاتفها امامها ! لكن يراقبها من طرف محقق !؟ حركت راسها بتساؤول _كفاش انسان واعي بمنصبو يقدر يتجرأ على هاد فعلة !؟ _باشمن وجه يقول هاد شخص يقول لهاد شخص راقب ليا مراتي !؟ _علااش يراقبها اصلاا ...فضخم تفكيرها وصلها مساج فهاتفها من طرف صديقتها ! لاورا !! تعرفت عليها فلاجونس و علاقة طورت للصداقة ، ليالي دائما كانو الناس لي فحياتها مميزين ، خديجة كانت اول صديقة لها وكانت مفتخرة بيها ، ولاورا لقات فيها شبه من خديجة، قااارية !! وااعية ! عملها قريب للهواية ليالي لي هيا الرسم ....جاوبتها على مساج و ناضت بتقاتل طلت على امير و دخلت بيت لقاتو مزال ماناعس .. مغيث: ( مزال على هيئتو مع تلفونو ) .. ليالي: ( بنظرة اكتشاف كانها اول مرة تشوفو ..) ماقلتيش ليا موجد ليا كاصو ثاني ! مغيث: ( حرك راسو بتساؤول) باغدون !؟ ليالي: ( ببرود دائم ! غوات عمرو كان طريقتها او تعبيرها المفضل) عرفتي !؟ طوجوغ كنتي محطم الرقم للقياسي فلي سوغبخيز ! مغيث: ( دوز لسانو على فمو و جمع كفين يديه ) مثلا !؟ ليالي: ( واقفة بمواجهة ليه ...مشات جابت بيسي و فطريقها تتفتح ميساج وحطاتو قدامو وجابتو بتفس نبرة تساؤلو) مثلاااا ! مغيث: ( الدم تجمد فوجهو وسد بيسي وهز نظرو فيها بكل شموخ) من حقي ! ليالي: بهااد الثقة ؟ هدااا راه تيتسمى الشك ! ماكايناش ثقة ؟ مغيث: ( وقف هاز بسيي ) عمرني شكيت فيك ! كن كان عندي الشك فيك بواحد فالمية عندي تصرف آخر ! من لآخر خاايف عليك ليالي: ديزولي ! راني مرأة واعية وماناقساش عقليا مغيث: ماقلتش العكس ! شوفي غلط اولا اليالي ! ( نبرة صوتو ترتفع) من امتى تديري وعلاقات جداد !؟ شكووون هاد كااورية لي تجلسي معاها فالميساجات !؟ باش نعرف انا نيتها !؟ شنو ضمني مااتآذيكش ليالي: خليني اسيدي !! تآذيني و نتعلم ! اناا راني بناادم و عندي حقي فمساحتي الشخصية ! ندير صحابات ونخرج معاهم ! عارفة حدودي و الواجب عليا مغيث: راقبتك للطمئنة قلبي ! ( بنظرة عتاب ) تغيرتي !! و رجعتي تبعدني عليك ( هز صبعو تيشر لها بتاكيد) عارفاني اليالي تنتعذب و تنمووت الا شي احد قرب ليك !، علاش تتخدمي العكس ! علامن تتمردي؟ على راجلك لي تيشوفك بوحدك ليالي: ( تترمش و رعشة شداتها فقلبها) بعملتك هادي نقصتي من قيمتي !!! ابدااا كنت نضن رااجلي يراقبني بهاد طريقة ! ( بدموع) شكووون انت !؟ مغيث: ( ضرب بيسي مع ارض و قرب لها شدها فذراعها ) شششش !! مانقصتش منك ( بصدق) و ربي المعبوود خايف عليك ليالي: ( برفض ) ماااشي بهاد طريقة !! مغيث: عطيني طريقة لي تريحني !؟ ( تيمسح دموعها) حسبيني مررييض ام !؟ ليالي: ( دفعاتو) عرفتي !؟ خاصنا بجوج شوية الوقت مغيث: ( بعصبية تيمسح وجهو ) اناا غلطت ! اوووك ؟ غلطت !! اغفري ليا غير هادي تنوااعدك اخر مرة ليالي: ( حنت راسها بهدوء) نتمنى !! 🔚🔚🔚🔚 ...مشهد كامل رجع مخيلتها و عينيها فطريق و عين مع السيارة لي تابعها ، خففت السرعة عن قصد تاوصلت عليها نفس السيارة و مع الشخص راكب تما تنهدات برااحة .. ليالي: اوووف ! المرأة هادي ، دخلني الوسواس ....كملت طريقها فامان الله ، ماتباعها احد ، وصلت سكنة لاورا هزاتها وطريق كلها هما تيتحذثو و يناقشو ، اتجهو للقاعة فين يتقام العرض للوحاتها انتهى للقائهم و توادعو ؛ كلنا اي إمرأة فينا مجرد تخرج للحظات مع صديقتها و يتبادلو الحوار تتغير مزاجها، هدا السر نسائي ولا الف الرجل ممكن يمنحو ليك ..فطريقها اخدت امير من الحضانة و رجعت الدارها ، بدات روتينها و دوشن امير و لبساتو بيجامتو و هزت هاتفها تتهاتف خديجة ... خديجة: ( بصوت ضعيف) ووي ليالي: مابيل !! صافا !؟ خديجة: ( ناعسة فظلام و مغطية ) ليالي خاصني نشوف طبيبة ! بيبي ماتحركش النهار كلو !! ليالي": ( غمضت عينيها بوجع لانها كلها هواجس للخديجة) تآمري احبيبة ! لافان دوسومين ندوز عندك اوك !؟ خديجة: ( بارتباك ) اووك .. ..قطعت الخط تاسمعت خطواتو ...خرجت استتقبلو كما تيفضل دائما ليالي: ( باستو فحنكو ) على سلامة مغيث: ( بعبوس ) الله يسلمك ! خرجتي !؟ ليالي: ( هوت راسها فيه برود ) مع لاورا وي !! مغيث: ( زير على قبضة يديه داخل جيب سروالو) بيان .. ....الاشهر التي مرت ماغيرت فيه شيء !! غالبا الاشخاص لي صانعين ليهم عالمهم بيديهم ،يكون اصعب الاختراق مثل صور الصين العظيم ، يكفيك رؤية فقط ....بعد ماتلقى اتصال من فاروق !! اتجه عندو هز رؤيا بحوايجها و خلاه على خير راجع الدار !! سابقا كان قالها نوصير !! _من نهار تزوج رجعات الدار عزيزة عليها و اعجبو الزواج .. ...رجوعو البيت من بعد العمل او مشوار اخر تيرجع عليه بإحساس الراحة ، رؤية الحنانة و زوجتة الصغيرة تيسميها الراحة ..دخل عليهم الدار فيديه صاك رؤيا ة لقى السلام الوازنة: ( بتسبيح فيديها ) الحبيب جيتي ! ابنيتي الحبيبة رؤيا: ( عنقاتها ..) الميمة انا جيت نبيل: ( بنظرات حسرة على ررؤيا) جيت الواليدة ! رؤيا نجلس هنا ! خديجة عيانة الوازنة: بحاه اربي الحبيب و الا كاينة شي دعوة فهاد النهار !؟ الا ماشافي ليا عروستي نبيل: ( دوز يدو على شعرو و طلع فوق ...) اسماااء ...اسماااااء ...بحث عليها فالبرطمة كلها والو ، دخل الحمام طرف و غير حوايج الخدمة و اجلس فالصالون يرتاح، من نهار جهز لها البيت فوق للخياطة وهيا فين ماتلفت ليه عارفها تما ....راحتو رجعت من راحتها ولو كوارثها بدون حدود صابر عليها لانها و نيستو و فهاد مدة قطعو شوط كبير بالتقرب ..هز تلفون ودوز رقمها .. اسماء: ( بليزكتور) ههههه نبيل نبيل: ماتنزليش !؟ اسماء: جيتي !؟ نبيل: وي ! جبت رؤيا ( بشوق ) واانزلي اسماء: هانا نازلة .. ..جمعت ثوابها و الواجب الاستاذة ونزلت تدردك فدروج ...دخلت عنددو مبتيسمة ..وقفت عليه هو متكي اسماء: كملت قفطاني ! انجزت الواجب يازوجي نبيل : ( دوز يديه على وجهو بشبح ابتسامة) ياك ازوجتي ! اسماء: ( ماتتغلاض ما تتضعاف لابسة بيجامة وشعر مجموع و خيوط لاصقين فيها) هههه قسم كلو تيتعوج بالفرونسي اللهما نهضر فصحى نبيل: ( شد يدها جلسها حدااه و تيحيد لها خيوط ) قربتي تشدي ديبلوم ! وتيتي فدار اسماء: ( تتبيض فعينيها) اه ارتاح ! نبيل : راه اسماء رجعت تنقراك ! زبايلك هلكوني فصحتي اسماء: ( تتلمس يدو ) والله تاادرت عقلي !! نبيل: خرجتي من داك كروب واتساب !؟ اسماء: ( تتحرك راسها بآه) قلت لهم خرجوني و الله مابغاو .. نبيل: عزيزة عليهم بزاف !؟ ودوك هضورات لي تتنسمع !؟ اسماء: غير الفتيات هادوك ! نزل نوجد العشا نبيل: نوصير يجيب الكفتة فطريقة تشهاتها الواليدة ! كولي ليا !؟ اسماء: ( تتلعب فشعرو ) اااه نبيل: وكولي اي حاجة ( تيغمض عينيه ) خليك تتهضري بغيت نعس اسماء: ( بحماس ) عرفتي الا جبت نقطة اولى ! القفطاني كالك تشهرو ليا مصصمة ! هو غير تيزيدو فهاد سميات المبعكين ، مصصمة ! ملبسة ، فانشيسا ، انا لي فخر نكون خياطة و نبقى نخيط للعرايسات و نشوف تكاشطي تيتباعو .. نبيل: ( غمض عينيه) صمت ... اسماء: ( تاتشوف فيه) راه لينات دايرين رحلة لمولاي يعقوب نبيل: ( فتح عينيه بتركيز ) صمت اسماء: تانا بغيت نتاكد راك واش ناعس ولا فايق !! مهم نشد ديبلوم و نشبع نعاس ! ونضربها يتحميمة و نخيط فطوش جلابة نبيل: وانا !؟ اسماء: اي فام دابوغ ! نبيل: فرونسي هدا !؟ اسماء: وي ! ( تكمشت حداه ) اححح ظهرري نبيل: ( عنقها ) صمت اسماء: ( داتها عينها) حنا نعسو تاني نبيل: غيي نعسي !! اسماء: رؤيا لي تحت ! زاينة راها فخميسات ، هاديك تولد فطريق نبيل: ( رمش بتقالة ) شوية و نزلو .. ...الايام الاسبوع تمر ، العائلة القباج و عرايساتها او حفايذها كلها و همو !! الكل محتار و خايف و متوتر فحالة خديجة، و الاصعب فالامر انها مابقات تتبغي تمشي عند العائلة و مؤخرا رجعت تتقولها بصريح العبارة لفاروق .. _مااايجي عندي احد !! _ولدي يتآذى من نفس شي واحد ! ...على سبيل المزاح تنقولو قاصني اكتئاب ! انا بااينة مريضة ! قاصني الوسواس ، المريض المصاب حقا بهاد المرض للعين لا يجرؤ انه يصرح او بمعنى آخر دخل مرحلة الهوس وفقد نفسو ! اعمالو و افكارو و هلوساتو بالنسبة ليه هي الاصح ! فقد خيط العقل ..لهدا رفقا بارواح و لا نصنع من المرض سخرية او عذر او الشفقة .....جالس فالصالون امام تلفزة لكن الجسد فالمكان و العقل غائب ، مرة مرة تيحرك نظاظرو طبية و يحك شعرو تيحس بالدم تيتدفق راسو ..تاسمع الدقان وناض يتقاتل فتح الباب .. فاروق: ( متفاجأ ) اعمي !! ( فتح الباب ) اتتفضلوو ! مرحبا الشريفة الام: ( بحرقة ودموع) فين ابنتي اولدي !! فاروق: ( استقلبهم فالصالون و اطفى تلفزة و جلس حاني راسو ) القدر الله ماشاء فعل للاب: ( بمرارة تيهز راسو مانع دموعو) ماغاديش نعارضو مشيئة الخالق ! ( حط يدو على راسو ) اللهم اجيرنا فمصيبتنا الام: لالا بزاف ! قطعت علينا تلفون و غير تتقول فكلام تيطح مني النص ! فاروق: ( بنظرات تقة) اشريفة ! فظرف مرضها شفنا ستة الاطبة النفسيين ! حاولنا معاها كلنا ! اختها فتلفون عيات تفهمها و توضح لها ، مرات خويا كل مرة بتخبية نلقاها هزاتها عند طبيبات الولادة تا تبرات فيا اخر طبيتها اولى !! قالت ليا اشعة تتفرع التربية فكرشها ..هاحنا صابرين ! الام: هاااديك ابنتي انا حاسة بدقتها ! خديجة ديالي الساكتة و للمرضية عمرها كانت هاكا فاروق: ( عض شنايفو بقوة ) استهدي بالله اشريفة الاب : ( بحدة ) اسكتي !! شوف اولدي ؟ اتعذرنا راه جوج عوينات لي نكساب ! و خديجة هيا البكرة ديالي و مكانتها خاصة ! نذذمت تا شاب راسي اكثر ماهو شايب نهار خويت كازا ! لكن فيها الخير فاروق: ( شابك صبعانو ...نظراتو حارة) العموم ! الا انت ابنتك و كبيرتك !؟ انا راه مراتي و ام اولادي و ماشفت منها غير الخير ! انا ماتشكيت منها ما اعترضت مشيئة الله ( حرك قميجتو بصبعانو) حوايجي نبيعهم عليها غير تشافى ليا الام: ( تتبكي بدموع ...) اييه الحبيبة ديالي ! عوووينة و قااصتها ! افراحنا و عراستنا و تقضيتنا و جلالبنا و حلوتنا من يدين المرضية ( تفقد سيطرة على نفسها بالبكاء تتوسل فاروق) الا اولدي عندنا عندك شي معزو عندك !؟ عطيها لينا و نطيحو و نوضو حتى حتا علة بنتنا الاب: ( طبطب على ظهر الام و تيكاير دموعو) اش قلتي اسي فاروق !؟ فينها بعدا نشوفوها !؟ فاروق: فبيتها !! ( وقف جاب معقم من فوق صور صالون ) اعقمو يديكم بلاما تحاولو تقربو لها ! كلشي تايجيها مووسخ و مغبر الاب : ( تيعقم) لاحول ولا قوى الا بالله .. الام: ( تتعقم و تعاود ) الرجايا فالله !! الرجايااا فالله ... ...ناض من امامهم دخل البيت و الاب واجه الام بنظرات عتااب مفكرها فحوارهم قبل المجيء 🔙🔙🔙🔙 ..على ساعة خامسة صباحا بعد صلاة الفجر الام انهارت بكاء ... الام: انااا اليووم نمشي عند ابنتي !! اش دااني نخوي من حداها .. الاب: ( بحسرة) ياااهاد المراة !! استهدي بالله ، يلاه خمساطش اليوم جينا من عندها الام: اببنتي تتقطع عليا تلفووون !! و تتشكى من رااجلها !! اتوريني فراجلها ! صعيييب و مرض ليا ابنتي الاب: ان بعض الظلم إثم !! السيد عامل اكثر من جهدو !! بنفسي تنتكلم معاه يومياا .. الام: انا اليوم تاخد معايا قرار ! مابغيتيش انتصل باميمة تشد طيارة و نزلو عندها ! ابنتي تشوات كبدتي عليها !! راجلها عمرو دخل ليا خاطري ! انسى نهار جرا على راجل ل ا ختها !؟ هو لي يكون مانعها الاب : راااه ابنتك لي الله يشافيها و يشوف من حالتها مابقات باغة تشوف احد !! الاكتئاب تشد عليها الام : ماااتقوووليش !! اليوم نصبح عندما او ماااتخبرووش ! باغة نمشي على الغفلة ... 🔚🔚🔚🔚 الاب: الله يصاوب ! الام: ماااشي خااطري ! عذرني ، بنتي هاادي و طرف من كبدتي ...نهار كان تينصح اخوتو ! تيخاطبهم بمقولة ! _كُنْ راجل و آمر ! ..الشدة و المواقف و المرض و الآفات تايعريو على معدن الراجل، خمس شهور هو صابر معاها، كلما يشتد المرض عليها تيشتد قلبو خوفا ! فدائرة الاطباء لي دارو طبيبة نسائية الوحدة لي ارتاح لها ، رغم انها بعيدة على مجال النفسي الا انسانة واعية ! و نصائها و تحذيراتها ترسخو فدماغو .. _سي القباج عينك ماتغفلش عليها ! خصوصا فاقتراب الولادة ! _سي القباج كن وذنها لي تتسمع بيها و عينيها لي تاشوف بيها ! زوجتك حاليا مرفوع عليها القلم والرجل فالدنيا و رجل فالآخرة .. _بلا مانشير الحياة الجنسية لي ممكن تكون منعدمة !! ...داخل البيت ! فتح الباب ببطئ لان اي ضجيج تيعصبها ، كما العادة ناعسة مغطية ساسها و راسها ..قرب لها فاروق: خديييجة خديجة: ااممم فاروق: باباك و ماماك جاو ! خديجة : ( حاولات تنوض و ساعدها) ممامراضش !؟ عادين !؟ فاروق: ( جلس من للور تايجمع شعرها ) لا عاادين ! تخرجي عندهم !؟ ماماك تتسول عليك خديجة: ( وقفت شادة فكرشها هو معاونها...خرجت عندهم بعيون حائرة و غريبة ..لاسف ماسلماتش عليهم ولا هما قربو ) ماما !! جيتي تشوفيني !؟ شفتي اماما ماسيقتش اليوم الام: ( قلبها تيتقطع و الاب مراقب تحركاتها و فاروق تيدور وجهو كلما تتكلم من حرقتو) طرا الباس للحبيبة !! الاب: ابنتي ! قربتي تولدي !؟ خديجة : ( حطت يديها على عنقها) والو ابابا و تقووول واش لقيت شي طبيبة بخوفيسيونيل ! الاب: كاين الله ! لي فك مريم فالصحراء قاحلة !قادر يفكك ابنتي ، شنو ابنتي تمشي معانا تبدلي الجو و تشوفي الطبيعة الام: ( بحماس) الدار جديدة و نقية ! و تعرفت على الطبيبة تما ! خديجة: ( تتدوز يدها على كرشها) بصح اماما !! وطموبيل ابابا عندك فيها كليمة !؟ فاروق: ( دور وجهو عندها ) باغة تمشي اخديجة !؟ خديجة: ااه نمشي !! هاد الدار ماكانتش مباركة عليا ! فاروق : ( تلجم لسانو) قربتي تولدي !! مابقى ليك والو !، خديجة: ( تتشير بصبعهها) لالا ! انا حاسبة راسي تواحد مايحسب ليا ! انا فالثاني يوم من شهري ثامن مزال الحال فاروق: ( سرط ريق و هز يدو باستسلام ) واخة اخديجة .. ..ناض خرج بالكو و خلاها معاهم ...جبد كارو يكميه تا دخل عليه اباها .. الاب: اولدي فاروق ! واش ضد هاد المشية !؟ فاروق: ( بنفس طويل زفرو مع دخان ) اش نكووليك العمووم !! ديما عندي وجه واحد تنخدم بيه ، ( بجدية ) قادرين تحملو مسؤوليتها !؟ الاب: الله اودي اولدي ! ماعدنا شغل غيرها ! فاروق: ( حرك راسو بنفي ) انا ماغاديش نشدها ! انوصلها بيدي ! ولكن العموم راه منوع دوش بوحدها ، راه تنفكك بوطة دوش إكسبري ونا خارج !! الاب: لهاد درجة !؟ فاروق: ( رمى كارو نيتنهد ) راك عارف نظافة شخصية ! صدفة جرحت راسها شافت دم راه اسبوع انا معها فالعذاب ..من فوق تشخيص الوسواس ركبتها فوبيا الدم الاب : ( مسح وجهو بقلة حيلة ) الله يقوينا على هاد المرض .. ...حديث كان طويل ! فاروق تيوصي ويعاود ، ختارت تمشي اينفذ طلبها اهم حاجة راحتها ، دخلو بيتهم هيا تتشير لحوايجها هو تيجمع لها ..كيس بوحدو معقمات و ليكات ..هبط السيارتو عقمها و مسحها و هبطو والديها مهبطين صاكها عطاوهم فرصة كلام .. فاروق: ( قلبو يعتصر الم ..قرب لها تالمح تجاوبها) حاولي على راسك اخديجة ! لي عصبك ولا مافهمكش غير عيطي عليا نجيك خديجة : ( عنقاتو تتبكي ) غير خليني نمشي ! فاروق: وغادي ترجعي (قبلها فراسها ) شوفي دارك لي فرشتي وبيت ولدك لي فرشتي !؟ غادي ترجعي انشاء الله خديجة: ( بنظرة و صوت مرتجف ) خايف نولد ونموت !! ربي ليا اولادي مزيان ، رؤيا ابنتي بي ماولدتش فاروق: ( تيغلي من داخلو و عرق تيزدح فراسو ..قرب يطيح ) الا مشيتي اش يبقى ليا !؟ خلي ايمانك بالله ، راني واقف ماحدك تتنفسي ؟ انا واقف ! طيحي نطيح خديجة: ( عنقات تتبكي و تشهق ) تهلا فاولادي افااروق .. ...كان وداع او للقاء للوداع !! لله عالم الغيب ..نزلها بدموعها هو قلبو تيبكي الدم ..ركبو فسيارتهم و والديها راكبين اللور لانه ماعندهم سيارة ...وشدو طريق للتازة ...الوقت عصراا ، مع بداية شهر تسعود الجو لازال حاراا ، من داخل بيت نعاسها لي خدات ليه فراش الجديد و صباغة جديدة تتقاد حوايجها ! الشهور لي مرت عليها ، كانت مابين الدار و دراستها وباخر شهر حصلت على ديبلومها ! اما علاقتها مع عائلتها مزال على نفس الحال تتوفر من مصروفها و تترسل امها، اما خصائصها مكفيها نوصير ! فرشت بيت النعاس بذوقها وفين يبارك لها الناس الا ولدت ، عيات ماتجمع لكن فين مادرات تتلقى شعار الرجاء و تيشورطاتو ! موجد لولدو تونيات من دبا زاينة: ( وقفت تتطلع نفس..بنادم تيطلع لها الفوق و يجلس ) الله اربي نوصير: ( داخل من خدمة) مي كوراصون ! حطي ليا نتغذا زاينة: ( كانت هازة شعار فيديها..تلضرباتو بيه) اخرررج من قداامي ! ماكاين قدك لي فاقصني نوصير: ( هز شعارو باسو وطواه حطو حدا راسو ) نتي راك عيقتي بهاد زمر ديالك ! زاينة: ( مسحت وجها من صهد خرجت كوزينة تتحط ليه هو تابعها ) لاااش تابعني نوصير: ( تيضحك و يعض فشنايفو و يفقصها بعنيه) نشوف اش تحطي ليا !؟ زاينة: نحط ليك السم اشلاهبي !! ( تاتبرك على كرشها ) نوصير: ( هز طبسيل وهيا تابعها ) واش نتي مغاديش تولدي !؟ ماتيجيك وجع !؟ زاينة: ( هزت تلفونها تتشوف) ماانعرفت ! اليوم عيت مانحسب لقيت راسي كملت تسع شهور نوصير: كفاش زعما !؟ خاصك تولدي !؟ زاينة: ( حولت اتصال طبيبة لنفسها نصحاتها بها خديجة ...) الو دكتورة معاك زاينة القباج طبيبة: الو ! مدام زاينة كيف الحال !؟ زاينة: تنشكروه ! الدكتورة بغيت نسولك على الحساب ! طبيبة: ( تاتشوف فالساعة) خليك معايا نجبد ضوسيك ( تتقلب و تتشوف تاسولاتها بنبرة عالية) مزال ماولدتي !؟ زاينة: كفاش انولد !؟ مازارني وجع !! طبيبة: ( بحركات يديها تتعاتب) على هاد الحساب ابنتي لي عندي راه خاصك تكون والدة اربعيام هادي !! دبا تكوني فالعيادة زاينة: ( وقفت مخلوعة) فالعيادة ياك اطبيبة نلقاك !؟ طبيبة: نعام !! توت سويت .. نوصير: ( غير تيشوف ) مالكي !؟ شنو كالت ليك !؟ زاينة: ( داخلة بيتها هو تابعها ) تكال ليك !! ورااني خرجت شهري !! اويلي وحدي استغفر الله ! خالتي ماكاينة و ختي عند يما نوصير: ( تيبدل حوايجو و هيا كدالك ) نمشيو عند طبيبة !؟ نهبط نوض موتور طموبيل !؟ زاينة: ( تتجلس و ترجع تنوض و غوتات باعصاب ) اسماااااااء نوصير : ( قفازاتو ) مااال دلمك تتغوتي !؟ اش دير لك اسمااء !؟ زاينة : ونززززل سبقني وبعد مني !! نوصير: ( تيتاكد من فلوس فالبزطام ) بررربي و توقع لولدي شي حاااجة تنوريك خيزو و ماحلاه ! زاينة" : ( ماتهو غير ريحة حداها و تشير هو خوا ) وخررررج الله يعطيك موووصيبة ! هو ماباغيش يخرج انا مالي نوصير: (تايوصل حتى دروج و يرجع عندها ) شحاااال من مرة كلت لك رااك تعطلتي !؟ زاينة: ( لبست عبايتها خارجة ) اوا تبعني نوريك نوصير: وفين زيييفك !؟ اااجي زااينة زاينة: ( بقوة اعصاب حيدات صابوها من رجليها ..شيرات عليه) ديرووو انت !! دعيتك الله .. ..نازلين تيتنااكرو و يغوتو ! الخوف ركبهم بجوج ولكن العقل الثابت غايب عليهم ..اسماء لي تعتقها مزال فالمدرسة و الوازنة معاها رؤيا مشات عند العائلة ..وصلو العياادة طالعة تتعرج فدروج تايبعي يشدها و ضربو ...الطبيية كانت فانتظارها دخلتها المساعدة للغرفة الفحص .. طبيبة: ( لابسة ليكات تتخوي لها برودي على كرشها و تتعتابها) اوا مدام زااينة !؟ زعما راك قارية و بنت الوقت ، اش هاد التهاون ( تتشوف فشاشة فحص) كما توقعت ! جنين نشف من الما ... زاينة: ( تصدمت غير تاتشوف ..) اوا شنو !؟ طبيبة: ( تتمسح كرشها و طلبت من مساعدة تنزل لها سليب ) عندك من هنا تسعوود ليل تكوني والدة !! زاينة : (تتبكي ) نتي لي اتولديني الدكتورة !؟ طبيبة: انا معاك !! ناخدك لكلينيك فين تنكون ! نولدك عندك ولادة طبيعية .. زاينة : ( تتجمع رجليها .تتحس بصبعنها ) اممم طبيبة: فتحححي ! ماشي الوقت امم !! ماشي ضربتي تمارة تسعة شهور و تعوريها لها العين فاخر ، صبري معايا نفتح والدة .. زاينة: ( جاهلة معنى كلامها ..تاضربها ضو تحتها و غواتات ) اااااه طبيبة: كملت ..( حيدت ليكات و عطاتها كينة تحت لسانها) هادي للدورة دموية .. زاينة: ( تاتبكي و مساعدة تتلبسها ) اوووو ... طبيبة: (بسرعة غادة بيرو ) اتمشي دارك ! تجمعي حوايجك و تاكل مزيان ( تتاكد عليها بعينيها) خودي دوش او اي حاجة تريحك ( عطاتها لاكارط كلينيك ) الستة لقاك تما زاينة: ( تتحسم بالم تحتها) الستة !؟ طبيبة: نعام ! ....فطريق رجوع كلها هما ساكتين !! من غير صوت انفاسهم ...هو تيخلص للمساعدة و تتخبرو فتعليمات الطبيبة ، دخل معاه الزايد و اسكت ..حتى وصلو الدار نوصير: الله يفكك على الخير زاينة: ( غير ساكتة ) .... ..طالعة فدروج و هو موراها ..درجة درجة تادخلات لقات الوازنة و رؤيا و اسماء تيديرو كاسكروط ، ماقادرو تسلم ولا تكلم ! فقط نوصير لي عاود لهم .. الوازنة: بالفكاك ابنيتي !! اسماء: و قولتها لها! ( خنزرت فيها زاينة و نخفضت نبرتها ) خررجتي شهرك الوازنة: ( ناضت دخلت الحمام تتوجد الما سخون ) الله يفكك على خير .. نوصير: كالت ليك طبيبة كولي !؟ واكولي اسماء: ( بحب ) نوجد ليك اخيتي شي حاجة !؟ قولي زاينة: ( بصوت متعب) عطيني اتاي و ملوي بالمرصيطة ( عشبة حلوة) رؤيا: اطاطا داك الخبز غامل زاينة: ماغاملش .. اسماء: ( تتقطلع لها و تمد لها ) كولي راه الخمسة دبا !! شتي عندك الولادة برونديفو زاينة: ( غير تتحشي ..و تتحس بالما تيتقطر ) يااربي نوصير": ( واقف عليها ) فيك وجع !؟ اسماء: ( بتوسل) دعي دعي معايا ختي ناخد ديبلوم و نحل حانوث نوصير: طلعي الحانوث كولي لنبيل راك تمشي معانا ! اسماء: ( شافت فيه ) خااارج زاينة: ( زدحت كاس) على فقصتكم ! نمشي بوحدي اسماء: لا ختي و الله تنمشي معاك .. الوازنة: ابنتي نوضي ادوش اوجد .. اسماء: ( تتكفض كمامها ) انا ندوش ليها !! زاينة: حواايجي اسماء ! اسماء: ( قربت عندها تتلكم بهمس ) نجيب ليك سليب و بودي و بيجامة زاينة: ( واقفة ونوصير تيشدها ) ااه ..عتقي نوصير: نهبط صاك حوايج تحت !؟ زاينة: الا ولدت عيط لامي و اختي ! نوصير: نعيط لهم دبا ! زاينة: ماباغاش نخلع امي !! تنولد ...دخلتها اسماء و مسايسة معاها ....حيدت لها حوايج و تتخوي عليها الما و زاينة تتدوو على كرشها !! توضات و شللت و نشقات و لبست حوايجها و زاينة غيير تتسوط ..خرجت من دوش ، وجدت لها الوازنة التمر ... الوازنة: ( تتمد لها تمرة بتمرة ) ربي معاك ابنيتي !! دعي دعي زاينة: ( بذات تلوى ) اامين اخالتي ..و سمحيلي اخالتي الوازنة: رااكم بناااتي !! الله يطلق سراحك و بكمالة الصورة .. ....لبست عبايتها ، و اسماء لبست جلاباها و شادة فيها منزلاها ..و نوصير هبط حوايجها و يطلع يشوف اش نسى ..و ركبو شادين طريق للكلينيك و نوصير تيتصل بنبيل اخبرو بالولادة ،مسافة الطريق وصلو و دخلوها ، اسماء هازة صيكان ونوصير وقفوه فلاستقبال الاداء قبلا ، دخلوها الغرفة و فرمليات قايمين بها و اسماء بقات فيها،للبسوها للبسة الولادة وسيروم و جمهو لها شعرها ودارو لها بوني .. فرملية: مدام فين راجلك !؟ زاينة: ( خوف لعب عليها ) هاهو جاي ! نوصير : ( دخل عليهم ) مزيان !؟ فرملية : نديوها اسيدي دباا !! نوصير: ( خوف تمكن منو و قبل راسها ) الله يفك على خيرك ! عارفك المراة وكادة صبري على ولدنا ..تنبغيك زاينة: ( غير تاترمش ) ... اسماء: ( عنقاتها ) الله يفكك اختي على خير .. ..خرجوها الفرمليات و قلبها تيضرب ! تتقرا القرآن و تتشهد حتى وصل عليهم نبيل فالممر للانتظار .. نبيل: ( شاف اسماء تتبكي ) امضرا !؟ نوصير: ( واصلة ليه العظم) دخلوها .. نبيل: ( وقف بجانب اسماء) تخلعتي !؟ اسماء: بقات فيا ! مصدومة .. نوصير: ( شداتو كحة ..) انا براا نجيب الما نبيل: سير !! ..فالكوار واقفين تينتظرو ..و الولادة داخل بذات..طبيبة عطاتها ابر للوجع اصطناعي و الوالدة تتحل .. زاينة: ( وجع تيخدم ) اممممممم طبيبة: ( مجهزة و معقمة ..تتشوف فرجها الوالدة تتحل و سقية تتطرطق) آلي زااينة ! ولادة عندك ساهلة .. زاينة: ( قد ماصبرت وجع تيشحط) ااااااه اااربي طبيبة: ( تتوسع فتحة بصبعها ) فوالاا زحمي زاينة: كي ندير اااااه طبيبة: بحال اتعملي كاكا !! دفففعيي ..بووووش زاينة: ( تتحس شي حاجة تخرج من مؤخرتها) ااااااه ااااربي ويْماااا طبيبة: ( هزات يدها ) ماتنقيصكش !! دفعي هاارااس .. زاينة: ( زحمة اخيرة صرخت تا طبيبة غمضت عينيها ) اااااااااه طلبيبة: ( شدات راس تتخرج ) مبرووووك ..هااهوو عزري...( جراتو جبداتو قلباتو ضرباتو و شافت فرملية) تنفس .. زاينة: ( سخفت ..تاتحس شي خاجة تتخرج منها) ولدت ..ولدت .. طبيبة" : حمد الله على سلامة !! ( شافتهم جايبين بيبي لابس ..حطوه زاينة فصدرها باستو تتضحك) مشاو وجيعات زاينة: (بدموع فرح) رااجلي !! ...خرجت فرملية حاملة البشارة ..لقت نبيل و اسماء و بشراتهم ..تاخرج نبيل تيقلب على خوه لقاه واقف تيشوف فراغ .. نبيل: مراتك ولدات .. نوصير: ( بعدم تصديق) واش انا عاد دخلتها تتكولي ولدات .. نبيل: ( ضربو مؤخرة راسو ) زيد تشوف ولدك الجرادة .. نوصير: ( بفرحة عامرة ) حلف برب !؟ ولدت !؟ ولدت .. .....اللهم أنبته نباتاً حسناً واجعله قرة عين لوالديه واحفظه وبارك لنا فيه واجعله من أهل الصلاح والتقوى.....ازاد الى الشجرة عائلة القباج حفيذ عزيز، من بعد البارح ماطمنو على زاينة بي ربي اسهل عليها الولادة ،نوصير الضحكة ماتيجمعهاش من فمو ....اليوم هو موعد خروج النفيسة ! مدام الحالة صحية بخير و الرضيع بخير الطبيبة عطاتهم ورقة الخروج .. زاينة: ( تتلبسها عبايتها اسماء و نجمة ) وااش تسطيتي ؟ تخرج الولد فديك الراية !؟ نوصير: (هو مغيث معاونو تيكمطو فيه) زاينة خرجي هاد السوق ! مغيث: ( فرحان بيه) اعموو الرجاوي ! ( همس فوذنو ) خلصتي !؟ نوصير: ( حرك ليه راسو ) فاروق وصل !؟ مغيث: ( هز حواجبو باسف ) يكون دبا فالدار ! نوصير: الله يشافيها مسكينة ماتستاهلش ديك المرضة مغيث: ( تيدوز صبعو على حنك بيبي ) المومن مصااب ! مشينا !؟ نوصير: كملتو !؟ اسماء: ( هازة صاك و نجمة حطات الولد فالكونة لي شراتها لاختها كاضو ) كملنااا .. مغيث: ( بابتسامة) هاادي اسماء !؟ كي طرا وجرا نتي هنا بلا نبيل هههه اسماء: ( بخجل ) راكم معايا ههه ....اينما حلت اسماء حلت السعادة !! كلها ركب سيارتو متجهين الدار الوازنة! الوازنة لي بالفرحة من الفجر فايقة و استقلبت الام زاينة بالفرحة ..ليالي منين سمعو الخبر هيا مغيث ! على الصباح مشات عند الوازنة سبقت الهدايا لي شراتهم لزاينة ولدها ...كل مايخص الرضيع من ملابس من ملابس و نظافة و للعب ....تسمعو صوت طموبيلات ...الدرب كلو تيطل شاد فيها نوصير مطلعها الغراز تيضروها ..تدخلت عليهم و نجمة موراها هازة ولدها ! ودموعها مااعرفو طريقهم حتى شافت يْماها .. الام: ( عنقت تتبارك لها ) مبارك مسعود عليك آيلي مبروووك زاينة : ( غير تتبكي ! لان حس مسؤولية اتجاه مها مع الولادة ضوبل ) يخليك ليا ا يْمَّاا ..سلمت على عكوزتها و ليالي !! دخلوها بيتها و بنات معاها ، اول مشهد شافتو هو هدايا فرحت بزاااف ، و ليالي هازة امير .. ليالي: نتمنى يعجبوك احبيبة زاينة : ( بفرحة تتقيسهم و تشوفهم ...) شكرااا بزاااف اختي لهلا يخطيك .. اسماء: ( هزت حوايج تاتشوفهم و عجبوها ) ياي شحال غزالين .. ..ليالي: عقبا ليك و الله يفك وحايل خديجة الكل: آمين .. ..اما فالصالون الحفيذ الصغير من اليد لليد ، من جداتو للااباه للمغيث ..تاادخل فاروق عينيه الظلام لقى السلام فاروق: ( للمح نوصير هاز ولدو و رؤيا جات عندو تتجري ..) الحاجة شكون هداك الوْليد !؟ رؤيا: ( تتجرو ) هداك بيبي ديال طاطا ززاينة .. فاروق: ( قبل راس الوازنة لي كانت خارجة ...وجلس حدا نوصير لي مد لي ولدو) باسم الله نوصير: الخوادري !! ها زريعة جديدة ! فاروق : ( بفرحة عارمة داخليا عكس ملامحو) وذنتي ليه !؟ نوصير: ( حرك راسو ) البارح بليل ! راه سبعة بارج تزاد .. فاروق: ( قبلو فراسو ..ولاحظ انه مكمطو فشعار للرجا ) ولد الكابوو ! رؤيا: بابا زوين بزاف ! بحال ماما تولد ليا خويا .. مغيث: ( جرها عندو ) انشاء الله اعمو ! نوصير: واسمي ليا العزري اصاحبي ! فاروق: نسميه بالمادة مرحبا ! ربما زاينة ماتبغيش مغيث: ( تيشوف فتلفون ) تشاورتي مع أمو !؟ نوصير: الدنيا هانية عندها ! انا باغي خويا فاروق يسمي ليا ! نشاعلاه الزيادة تانية تسميه هيا .. مغيث: ذنوبك عليك ( شاف فاروق) خود الشرف و اسمي ! فاروق: ( قرب لوذنيه ....وهمس باسم ) محمد زيااد ...محمد زياد ...محمد زياد الرضيع افتح عينيه ! كأنه تنادي عليه ..ومدو لنوصير ز رؤيا تتنادي تاهيا بلاسم و هزو نوصير مدخلو زاينة فرحان و اخبرها !! كانت فرحانة بالعكس ! فاروق هو الكبير و العائلة نوصير بينت على حسن نيتها ..خرجو خلاوهم بوحدهم زاينة: ( باستو و تتحاول ترضعو) محمد زياد نوصير: ( مكسل حداها حاضيه ..) زياااد ..( تيبوس يديه ) زاينة: جات اختي خديجة !؟ نوصير: الا !! حق رب حتى تلفنا ! كي نديو الاسبوع زاينة: تشاور مع اخوتك !! غدا امي دير تلتيام لمحمد زياد نوصير: ( قرب لها باسها فراسها و فمها) على سلامتك الحب !! خلعتني عليك زاينة: ( بخجل ) الله يسلمك .. نوصير: امك غير تعذبيها !! انا نتكلف بكلشي ..و الاسبوع نذبحو و نديرو العشا و صافي .. زاينة: ( سكتت ..لانها كانت فرحانة لاسبوع و العرس ) الله يصاوب .. نوصير: ( قبلها بقوة فراسها) صبري معايا !! ماجاتش و الله ماجات .. زاينة: ( بحزن) عاارفة ! راني بعقلي ! واش ندير هنطقة و السيدة مريضة ، شوف ليالي شنو جابت لولدنا نوصير: ( تيشوف عجبو داكشي ) شرات كلشي الا شي للعبة الخضرا .. زاينة: الله يشافيك .. نوصير: ( وقف تيتكسل ) مريض و زدت هبلت الزين !! هانا برا ...لاحديث و لا كلام غير محمد زياد و خديجة ! نوصير تيتلقى تهاني من اعز اصحابو و الجيران و الكل !! اليوم مر مع اشغال! المغاربة معروفين بالسخرة و جيب و جيب ولو يكونو باغين يوجدو غير كاسكروط ، تاتلقى شي مسخر شي تيعاون شي جالس باش ياكل ..هكدا تلتيام لي شرفت عليها الام زاينة .. #اليوم_ثالث ..على الصباح الباكر فاقت ام زاينة وجدات الحليب تيفيض و زادت ليه حب الرشاد مرطب و بذات تفقص فالبيض البلدي و تتحرك ! اكلة مشهورة عند #شلوح_الاطلس للنفيسة تتطهر الرحم و تتزيد الحليب و تتداوي على البرد...دقت فالباب دخلت كانت ناعسة معاها نجمة ... الام: (بهدوء تتكلم) نجمة ااانجمة ! اوا كْرْ ( نوضي ) نجمة: ( ناضت مدوخة ) خلانا هاد زين نعسو !! والو حليب فيها الام: ( حطات بلاطو و تتفيقها ) اعصاب يخليو شي حليب !! زااينة آيلي !! نوض كولي شْوي زاينة: ( تاتسرط فريق ..) خليني نعس ايّْما الام: كولي ورجعي نعسي .. ..نوضوها تفطر ! و ناقصين لها الخبز لا تعصم و تلقى مشكل فالخروج مع الغراز ..الام شدات زياد تتكسل فيه و تبدا ليه ليكوش و كلشي اخضر تيخرج ! بدلو ليه و لبسوه و كمطوه ..مع انتهائها الفطور مدوه لها ترضعو لكن حليب خفيف .. الام: عاافري آيلي ! يشرب اللبا و صافي زاينة: ( تتحرك راسها بنفي ..تيمص قلبها) وجدو ليه الرضاعة ....نجمة: ( هزت حليب لش شراوه مع الدوا بوصفة طبيية و عقمو رضاعة و جدو الرضاعة )اخام ( هاكي ) الام: آويد ( اري ) انا رضعو ! عاونيها توضى .. ..فعلا عاونتها نجمة دخلتها حمام و نوصي شعل لهم دوش ! بصعوبة تتحني و تنوض ! توضات و نشفتت و نجمة دارت لها دوا !! بدلو لها حوايجها و خلاوها تنعس و خرجو للشغلهم ..مع مجيء الام اسماء محملة بالصواب ...نزل كراج يوجدو بورماش ....النص العجيبة و الخبيز و الامهات شدو المرقة ، نقاو فالبصلة حمرا تاكلشي بدا يبكي و بداو يشضو و دجاج البلدي كان مغسول ملح ، زادو العطرية كلها مع راس الحانوت و زين بلدية و خلاوه يتقلى ! الحلبة صلقوها و رماوها ..كل مرة الام زاينة تزيد العشوب ! فليو مدقوق و الزعتر كدالك ! و تومة ريوش مغسولين ..اما سر هو الراس حانوت لي مدقوق على اليد و بيديها جامعة عشوب... اسماء: ( تتضحك) الله الله على روايح ! نعاونكم امها: ( تفقصها بقوة هضرة) طيبتي الغدا ابعدا للوايسك اسماء: فطوش اتوريني شغلي ! ( قربت ام زاينة) تبارك الله عليك اخالتي الام ز: يبارك فيك آيلي ! ( عنقاتها) تهليني ليا فزاينة ديالي اسماء: ( بحب صادق) راها اختي !اخالتي عطيني شوية من راس الحانوت نجمة: ( دخلت سمعاتها ) اهياا ناري ! بغيتي دخلينا الحبس ! نسيتي نهار هزوك طبيب فطوش : ( حطت يدها على راسها) انوضي تقدي شغلك ياهد البنت ام ز: اش بغيتيه اخالتي ! هدا راه وْعْرْ آيلي ! اسماء: واحد صاحبتي رغباتني ! الله يعطيك حجة اخالتي غير بزقة .....عياو مايجريو عليها و الو ! مامشات تاشداتو ، هيا خارجة من كراج طالعة فوق هيا ضرب فيه جايب اللوز فميكة .. نبيل: ( شدها فذراعها مطلعها ) تبثي شوية ! بلا مانوصيك ! ماتكليش داك العجب اسماء: ( تتجر ذاعها ) ماوكلاش !! جبت شوية الراس حانوت نعطيه سكينة مسكينة بغاتو اختها تولد نبيل: ( خرج فيها عينيه ..طلعو فوق ) عاوودي اش كلتي !؟ اسماء: ااه !!! والله ما ليا ! لصاحبتي نبيل: ( مدلها يديه) حطي زمر هنا ! ودخلي سوووق راااسك ! واش باغة تحمقيني ؟ اسماء: ( بتكابر ) واش انت اتفهم فهادشي عيالات !؟ ياااه ( غادة هاربة ) نبيل: ( جرها من شعرهاا تاشدها و حيد لها ميكة بسيف ودارها فجيبو) دبا دوري تكمشي ! طرا شي كارثة ؟ اسماء السبب اسماء: ( باصرار) وااا البنت خمس شهر هيا موصياني ! نقولها راجلي حيدو ليا !؟ عطييني عفاك ! نبيل : ( عطاها للوز ) هبطيه الواليدة و طلعي عندي ( هز صبعو بتحذير) لقاك تحت نذمك .. اسماء: ( غادة تاتبركم) سوقو هو !؟ هادي آخرة ليا مع سكينة ! اضرب عليا .. ...بعد مرور يومين ...من مدينة تازة العليا .. ....الحال على ماهو عليه ! نهار كلو ناعسة و ماناعسة ، والديها عاملين اكثر من جهدهم ، مراقبينها بأكلها و نومها و القرآن مطلوق الليل ونهار ..على الصباح هاتفها يرن و يرن و يرن ..تتسمعو لكن القدرة باش تهزو و تكلم مابقاتش ... الاب: ( طل عليها و نفس وقت تيتكلم مع فاروق ) راها ناعسة اولدي فاروق : ( من لابريكاد) لا تغير العموم !؟ الاب: انطلبو الله اولدي !، الخير فيما اختاره الله فاروق: احم !! غدا ندوز ليها انشاء الله !! هدا جهد ، هيا فجهة ماتنشوفش نعاس من جهتها ابنتي المدرسة بدات الاب: ( تيهرب على الام لي تاتسرق سمع) اوا اولدي خليها تكمل غير سيمانا !؟ فاروق: ( مسح وجهو بألم ) ماديرهاش مني قلة الصواب ! كن كانت فالحالة اخرى ممكن ! راه فاي للحظة تولد ضغظ عليها بزاف، تما عاد نبقاو تالفين و نضيعو الوقت الاب: ( بقلة حيلة) لي تشوفو اولدي !! فاروق: مع السلامة ! الصباح نكون تما ..( اقطع) الام: تيغلب عليك بجوج كلمات !! ابنتي مزال ماشبعت منها .. الاب: ( بنبرة جدية) احكمي عقلك ياهاد المراة ! بنتك ماشي ديال راسها ! راها مسؤولة على عائلة ، نحرمو الراجل من مراتو ؟ الام: ( تتمسح دموعها ) ابنتي تتضييييع ليااااا !! الاب: لا حول ولا قوى الا بالله ! أطبة و زاارت ! القرآن و الرقية و جربناهم ! اين الحل الله و اعلم .. الام: قلتها ليك باش نصحاتني ديك السيدة !! ناخدوها عند ديك الشريفة ! الاب: ( حط وجهو على فمو تالف ) هااد شريفة طبيبة نفسية !؟ تتعاطي للشعودة !؟ لان مادخلاتش ليا راسي .. الام: هدا راه تداوي بالاعشاب ! سيدة داوات ناس هما و بالنية ..ماغادي تمسها ولا تقيسها ..تسمع لها و صافي للاب: البنت جايبها بوصاية راجلها !! توقع لها شي حاجة راه كلنا مشينا فيها .. الام : ساعفني هاد المرة ..ناخدوها ! حجة و زيارة ...بعض الاحيان تنسمعو حاجات لاتمد بالواقع بصلة ! لكن الضرورات تبيح المحظورات والإنسان ايلا مرض كايدق جميع الأبواب بحثا عن الشفاء، الام قنعت الاب بسبب الاقاويل لي سمعت من ناس المدينة ..قنعاتو و قررو يمشيو ، نوضاتها وعطاتها تاكل ، لبساتها عباية مفتوحة تتغلق بالحزام و رمات عليها شال .. خديجة: اماما فين غادين !؟ الام: ( بحب و سياسة ) نشوفو شوية الطبيعة و نتقضاو شوية العسل حرة .. خديجة : ( قلبت عينيها بتعب) غير الغبرة اماما .. الام: اوا تولدنا من الطين و رجوعنا ليه ..الله يتبثك بعقلك ديري ليا خاطري .. ...خرجو من الدار و هيا تتعقم يديها و اباها تيمسح لها بلاصتها فطموبيل ! ركبوها للور وهيا غير مرتاحة ، تازة المدينة الدافئة ، مدينة العباقرة ، تخرجو منها اساتذة واطر مهمة و هدا سبب راجع لحبهم للعلم و ايضا المدينة خالية من الاماكن لي يضيع فيها الانسان وقتو ..وصلو فيلاج ونزلو من طموبيل ..بخطوات تقيلة والاب غير ساكت لانه من طريقة نعث الام واضح انها عارفة المكان جيدا ...كانت دار من طين من المباني القديمة ..دقو فالباب فتحت لهم بنت صغيرة ..دخلو جلسهم فالصالون من ديكور قروي بامتياز .. خديجة: ( بقلق ) ماما نوضي اماما الام: ( شداتها الاب بقى برا ) دبا انمشيو ..جلسي ارتاحي ...كانت امرأة متقدمة بالسن من الناس لي كايتسماو في الثقافة الشعبية بأصحاب البركات ، تجاعيدها كثيرة و ابتسامة بشوشة على وجهاا !! تقدمت حداهم وجلست بدون كلام فحجرها فواطة جمعها بيديها ! طمأنينة عجيبة تتعطيها بنظراتها ! بدون مقدمات جبدات مهراز من منظرو واضح انه من الزمن القديم ..فتحت فواطتها و قربت طبق بدات تتحط فيه اعشاب كثيرة ، بيديها حرشين و لونهم مائل للثرابي و فلحات مليئة بثراب ....بحفنات صغيرة توضع الاعشاب فالمهراز و تتدق و بنظرات و ابتسامة مقابلة بيهم خديجة تاتلقي عليها تحية صامتة!! عرفتها هيا المريضة المعلولة ..دقة دقة دقة تتهز يديها الفوق و تتنزل فاعشاب و تتطاير رائحتهم في الهواء المرأة: ( بصوت حكيم و فصيح) كاين الله .. خديجة: ( دموع انهمرت من عيونها ...تتبكي تتبكي ) حمدو الله المرأة: ( تتزيد اعشاب للمهراز و تتوسع بابتسامتها بدموع خديجة و تكرر نفس الكلام ) كاين الله .. ....هل ندخل في الروحانيات ام في الطاقة الايجابية لي تتكون عند بعض الاشخاص في العالم بالوراثة او من عند الله، تنسمعو بالعّْوَّادة و تنسمعو بطب الاعشاب ..و الشريفة لي تتسمع دموع خديجة و كل دقة مهراز تتخليها تتخرج اكثر و رائحة العشوب كانها تداوي جروحهاا ..بكااات و بردااات ..بلا ماتخرج كلام كثير و تشكي !! فالشكوة لغير الله مذلة ...تتبكي و تتفكر لي مر عليها و تتفكر و تتفكر ..تا ارتاحت و طلعت نفس عميق المراة: ( جمعت العشوب من مهراز و خلطاتهم مع الحنة ومداتهم الام ) بشفاا ..راها مقبلة الام: ( شافت فكرش خديجة ! الوقت لي مسكت منها عشوب عطاتها فلوس ) الله يطول فعمرك .. المراة: ( فلوس رماتها مع عشوب فحجرها بدون نظر ليهم و دعاتهم بابتسامة) كاين الله ...لابسة كسيوة موردة بشالها واقفة قدام المرايا تتصاوب وجها فالطواليط المدرسة ...اشهر لي مرت اسماء افتحت عينيها على امور كثيرة !! تتشوف بنات معاها تيلبسو و يقادو ! شحااال قدها دائما جلابة و هيا تتقرا فالمدر للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02