قالو ناس الزمان ! بارد سخووون امولاي يعقوب ! بمدينة فاس العريقة تبعدها بواحد عشرين كولميتر غرب فاس ، بقدر ماهيا وجهة سياحية فالمغاربة تيتعتبروها واجهة استشفائية لانها تشتهر بالحمامات طبية التي تضخ المياه منها على عمق 1500متر تحت الارض و حرارتها تتوصل لاربعة و خمسين درجة مئوية ، وصلو مع العشية نازلين فالدريجات و تيتمنظرو ! تانطق صاحب مهمات صعبة خليفة : دراري جايبين شامبوان ؟ إبراهيم: ( نازل هو نوصير تيذاكرو تاسمعو) القاصير بدينا ؟ خليفة : ( نازل تابعهم عجبو منظر) خاصنا سطل و كيس شمبوان و صابونة دوف نوصير : شري اصاحبي لاش تتعاود لنا زابورك ؟ القلاوي هدا غادي يصعرني ؟ .....للهبوط للحمامات لازم تنزل من دريجات طول دروج يوجد محلات للبيع لوازم الحمام و للجلاالب و اشياء معروفة بالمنطقة ..وقف شرا سطل ! و دراري شراو الكيوسة و صابون بلدي خليفة : وااايلي آبن عمي صابون الصابون ؟ بائع : لواه ! هدا بالعكر الفاسي و هدا باللدون و هاادا بالزعفران شعرة خليفة : ياك اسيدي ! ارانا صابون طبيعي شوية الغاسول نوصير : ( تيخلص ) زيدو عمي شي زيف حياتي ابراهيم : هههههههههه زيدي اخليفة زيدي .. ..البائع ماردهاش فوجه نوصير عطاه زيف حياتي و دراري يتكلاطاو بضحك ...وصلو الحمامات و تيكتشفو الاماكن نوصير : هاد شي تبدل بزاف اصاحبي ! جينت فالالفين مع الواليدة كان لاجودان خدام هنا إبراهيم: دبا انت باغي حمام ولا داك جاكوزي ومساج ؟ خليفة : ندخلو حمام اصاحبي نوصير : ( تيخربق فتلفون ) واااش لدلمك اناااا شاااد طريق بسوايع باش انت تكولي حمام؟ بغيت مساج اصاحبي خليفة: الفلوس تضسر اصاحبي ! راه حمام بلدي مولاي يعقوب هو المخير شد ! هانا ها فكونط نماسيوك ابراهيم : ( جاي لاحق عليهم ) فين دبا ؟ نوصير: كاين حمام تحت البلدي و انا نطلع فوق للجديد ابراهيم : نمشيو كاملين اصاحبي نوصير : دلمو هاد وجه فقر جالس يبكي على ريال ابراهيم: ( تيهز يديه بتساؤول ) يا القواد مصورين صرف المخير فالمحل ؟ مالك على تمكشيش خليفة: زيييد يلاه نشوفو هاد الحمام جديد ! ( تيضري وذنيه بحذر ) انا راه مانديرش مساج ! ابراهيم : يلعدلمك ماديرش ازبي مرضتينا ...نعثو لهم مكان حمامات الجديدة مثل مراكز طبية ! كان المركز رائع وجديد و خليفة سخفة شداه من الخلاص ، طريقة الاداء كانو معلقين فالدخول الثمن و الاستحمام لي بغيتي ..ابراهيم و خلفية ختارو جاكوزي و نوصير ختار مساج خاصة للرجلو ! اداو الاداء و طلعو دروج المركز كان نقي و صحي ! كل واحد عطاوه غرفة فيها بينوار و رشدهم كيفية فتح الماء و دخلو يكمدو عظامهم بريحة الكبريت والماء سخون! خليفة : ( دخل الما سخون ) ااااااه سخووووون ااااااا واااا فكوووونط ( خداه غرفة ملاصقة ) ابراااااهيم اصاااحبي إبراهيم: ( غمض عينيه تيكمد عظامو نطق بهمس ) شوووهة ياااولد قحبة ..اما نوصير فكان فغرفة شبه طبية ! كان بالماء ساخن و جاكوزي مطلوق الما تيماصي ليه الجسد ديالو ! و السيد خاص بمساج كل مرة يقاد ليه الما حتى سخف من الما ! عطااوه بينوار مشى غرفة اخرى خاصة باالمساج ، طلب فقط مساج لرجليه ، حس بالراحة عجيبة فسائر جسدو ...فاخير دوش وخرج لبس حوايجو ..خرج لقاهم فانتظارو كلهم عيونهم حمرين و مزنكين نوصير : الرااااحة اصااحبي ! الله خليفة: ( داير زيف حياتي على راس ) قالك اسيدي ايداوي روماتيزم و الجربة و لاكزيما و البرود فالمفاصل ابراهيم: و ممنوع عل هبال و حوماق و اصحاب القلب و طونسيون و حوامل خليفة: انا ماحاملش نوصير : انت مقلون ( شاف فالخاتم ) كحال اصاحبي هدا ابراهيم : الاكان نقرة فري راه يرجع لونو خليفة: وكولونا اصاحبي راه جوع قتلني نوصير : زيد شري ليك شي خبزة و طون خليفة : ( ناض تابعهم ) من امتا اصاحبي العشران ايتحاسبو ؟ إبراهيم: من امتا دلمك القاصير انت تتخلص ؟! ..خليفة هو خليفة ! الا داز من حدا البنات يضحك و يفرنس هو عاجبو الحال ، طنا انه بوكوص هو شدة زيف جا بحال زوليخة !طلعو المطاعم معروفة بالطواجن ، طلبو طاجين مشكل و مع جوع منين نزلو راسهم ماهزوه تا شبعت كرش خليفة: صغير اصاحبي هاد طاجين ؟ نوصير : ( دفع ليه خبز ) هاك شد اعمر القناث بالفرينة ! ابراهيم : ( راسو تقال عليه ) اش درنا ؟ نوصير : نشوفو شي دار للكرا ندوزو ليلة غدا نصبحو نفطرو ونشد طريق خليفة : ( جاه نعاس ) اه اه نعاس نعاس ! نوصير : نوض حيد ديك درة و نوض جيبنا فين نباتو باقل ثمن خليفة : ( حط يديه على راسو ) وانا تنكول مال بنات تيضحكو ؟ انا جيت كي عويشة فلالة فاطمة ....و انتهى فصل الصيف ! مر برد وسلام على ارواحهم ، مع بداية الدخول المدرسي خصلت زاينة على رخصة و نتهت من تجيهز الفضاء ، فرحتها لاتوصف ، من امام الباب دخول لي مصبغ بالوان تتعلى بيه تلصق اخر صورة للرسوم ، لابسة كسيوة موردة و على راسها زيف بللفة عصرية ، كل خطوة تتخطوها الداخل كانها تتمشى على بساط من نسج احلامها...كلها حيوية و سعادة انها تخدم و تكبر مشروعها .. زاينة : ( مبتسمة تتكلم مع مربية ) كولشي مزيان ؟ مربية : ( بلبسة خاصة ) كوني هانية مدام ! الوليدات فرحانين .. يلاه كملت كلامها سمعات صوتو تيصرخ ! طلعت تتجري تادخلت ، سولت اسماء : مالو ؟ اسماء : ( هازة توب فيديها هازه معاها تتشرح ) مااعرفت باش تبليت اختي ! نتسناك طلعي نزل تحت تا ناض يرعرع زاينة : ( قربت ليه ) زياد مالك اماما ؟ _زياد هو زياد ! تلبسو و تقاد ليه ماتجي طلقو تا يخربق حوايجة ! الا كان لابس كيطمة راه سنسلة اتخسر اتخسر ! الا قميجة راها تحل وتخرج من سروال ..مغوبش و تيشوف بكره فالبنية لي جالسة مغبنة منو ..جاوب زاينة بزعاف : مشي بحااالها ! هاااادي تمشي بحالها زاينة : ( تتضحك من شدة اعصاب ) وعلاش اماما ؟ هادي حفصة بنت جيران وهدا محسن ولد صاحب باباك ! ومسكينة ماماها معلمة خلاتها هنا زياد : تكذبان يبقى وهيا خاااايبة خاايبة اسماء : ( بقات فيها بنت ) ويلي على خايبة ؟ ( تتقيس فشعرها ) شوف زوينة مسكينة زياد : ( قرب يسخف بغوات ) شعرها مسخ وهيا بنت ! تمشي مع لبنات اماما زاينة : ( تتبرد جو ) حشومة أماما ! ...نزلت اسماء للمحلها ، و بقات زاينة معاهم تتقريهم وكل مرة يغوت و يبغي يقرب لها ينتفها ! ماحملهاش ، وصل وقت الاستراحة نزلاتهم تحت لاالعاب و لي بغا طواليط ولا يشرب ..تا سمعت حفصة تتبكي و محسن ولد خليفة تيضحك مربية: زياد ! انت معاقب زياد: ( خبع يديه وراه تيشوف جهة زاينة لي فطواليط ) صمت ..خرجت زاينة تتشوف ! لقات بنت دخل لها طباشير فنيفها ، كي دار ؟ شكون قالها ليه؟ ماعرفوش ، بصعوبة خرجوه لها بدون اضرار غسلو لها ووشدات زاينة زياد طلعاتو فوق عطاتو عقوبة وجهو للحيط و يديه لور .. زاينة: مالك مع البنت ؟ زياد : ( وجهو للحيط تيبكي ) وااهيا باااستني هنااا ( تيشر حنكو ) زاينة: ررد يديك لور ! صافي باستك دخل لها طباشير فنيفها ؟ ادوي ؟ زياد : هيا تتبغي كرة اماما ؟ ماتتبغيهاش هيا... زاينة : قسما بالله تعاود ضربها تا تنفاهم معاك زياد : ( بدموع ) وا جنى ظريفة اماما زاينة: جنى صغيرة باش تقرا معاك .. زياد : خايبة اماما فحصة خايبة ....دوزت داك صباح بمشقة ! يلاه الفضاء فيه اولادهم و اولاد جيران ، الا تزادو اولاد الناس كفاش تعامل مع ولدها ؟ ضرب ؟ مستحيل تيشدو كريز ويبقى يهرس و يضرب ! نزلت عند اسماؤ المحل مابين وقت الغدا اسماء : ( تتفصل ) خرجو دراري !؟ زاينة: خرجو ! اولادك راه مربية معاهم مع ولدي ! اسماء: مالكي صفرا!؟ زاينة : ( تتمسح موجها ) زياد اختي ! ناض لبنت معلمة حنان ديك حفصة صغيرة دخلها طباشير فنيفها اسماء : ( تجمدت ) آويلييي مع الدخلة بروصي !؟ زاينة : ماتيخافش ماااا تيحير ! راه خليتة فالقنث معاقب ولكن غير نطلقو راه يرجع يدير مااكثر ! اسماء: سمعي ! ياك رؤيا و امير و براء جلسو فمدارسهم ؟ من غير جنى و اولادي لي هنا مزال صغار خاصهم مقابلة و للعب ؟ اوا هو رجعيه لنفس مؤسسة يكادوه ليك! دبا صحابو راه نتي ماماه مايغوت عليه احد زاينة : اوا ؟ نربي اوالاد الناس ؟ و اولدي ماقديت عليه ؟ اسماء: ولدك حالة خاصة ! راه خديجة براء لي تتقول عليه مجهد راه تقاد مع مربية اتما كاورية زاينة : انشوف وصافي ! ( شافت جلابة معلقة ) بديتي لي كومند ؟ اسماء : ( بفرحة ) وي رسلو لنا فالسيت طالبين جلالب ، عرفتي الا تعطلت سيمانا جاية انشااعلاه انطلع لك واااحد موديل ماداايرررش زاينة : لبسو انا اولى ! اسماء : ويلي حنا نقدرو نخليوك نتي تانية ؟ وتنقول ولدك فين شابه ؟ زاينة : ولدي يكبر و يعجبك ... اسماء : خاصني اليوم نرجع بكري ! اسماء : ياك خالتي معاها ماماك ؟ اسماء : نبيل بغا البغرير اختي من يدي ! ( تتبسم ) عرفتي رجع تيدير ليا شي خصايل العكايزات مهم نكون حداه زاينة: خاصك شي وحدة تخليها هنا ؟ اسماء: بغيت بنت معقول ! انا نعاود نتيق وماداز عليا ؟ زاينة: عندك صح ! اوا شوفي شي وحدة معرفة؟ اسماء : صاحبتي الوحيدة لي عندي رحلت طنجة تزوجات تما ! نشوف مرات خليفة وصافي زاينة: تعلمت العربية ؟ أسماء: اه ! راها قلت لها دخلي للنادي تعلمي ، عرفتي عنقاتني بقات تتبكي بالفرحة مسكينة زاينة : راكي درتي الخير و الله ! تاهيا مسكينة مجرجرة مع راجلها اسماء : اختي هانا قدامك ! وخ كان قايم بيا خاصني ديالي ، هاد نقطة انا كانت مطيرة عليا نعاس هو جن لي فيه مانهزش الخيط و الابرة زاينة : كوولنا دزنا من ديك مرحلة تانتي ! ولكن لي بغا يوصل راه تيوصل وصافي أسماء: الله يحسن العوااان ! انا راه من غدا يقولي دارك ؟ راه نمرض و نجلس ماعندي ماندير ، فيدي الله زاينة: راجلك مغيار بزايد أسماء : راجلي فات الغيرة لهيه ! ...مثل هاد اليوم كانت الايام موالية تتمشي و تجي ! الفضاء تيكبر مع نضمام أطفال و زاينة زادت عدد مربيات ، المساء كان لاصحاب الدعم مع طلبة متوفقين تيعطيوهم دروس ! باقي للاسبوع فضاءللعب مفتوح لاوولاد العائلة ، كل واحد مشغول او عندو مشاغيل ...نفس الوقت اسماء تتقدم فعملها و ماركتها تتشهر فانسطا ، التقدم فنجاح المشروع أجمل احساس او اعظم ذكريات تاتبقى مرسخة للشخص ...اما ليالي رجعت مشاريعها و زوجها اكبر داعم ليها مزال نفس الحماس بينهم و يشاركو كبيرة وصغيرة ! اما لالة خديجة بين العمل و الفيلا لي تتعيد تصمميها و لاجودان معاها فكل خطوة و هو مهتم بزراعة الجردة ... نهاية الفصل الثالث *بعد ثلاث سنوات* يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02