....داخل الحومة بسيارتو حطها قدام الدار و نزل منها و ملامح عدم الراحة تتبان على وجهو ، زاد بخطوات المقهى مع دخلة لقاهم جالسين نفس الجلسة والا تمر عليهم سنين ! خليفة حال فمو فتلفزة و ابراهيم خاشي وجهو فالتلفون ! نوصير : آفين العشران خليفة: ( شاف فيه رجع التلفزة ) اغير هنا بين نيويورك و كازا ابراهيم : آفين الكابو صهطاتك تمارة ؟ نوصير : ( جلس رجليه تتعطيه زديح ) حق الرب الا تنحس راسي كامل محلول ، واحد رجل دلمها كن لقى نحيدها مرضتاني خليفة: سير الطبيب اصاحبي ! انا راه واحد عمتي فيها داك مرض الستياتيك دارت عملية ورجلين كانو يمشي ليها نوصير : شد سلوكية شوية ! اش جاب سياتيك للرجلين ابراهيم : ( بتاكيد ) آفري اصاحبي ! ماخاصاكش تجلس عليها ، لا يكونو دوك لي فاغيس نوصير : ( هز قهوة تيشربها حطها ليه سرباي ) تنتحركو لفرمسيان نشوف يعطيني شي مساج إبراهيم: ههههه فوق مانشوفو نتفكر الفياكرا اصاحبي خليفة: تفكر امك ! تفكر صحاباتك ! بعد ليا من جدي ازبي نوصير: ( تفكر بلان تيضحك ) وعامين دازت طايرة اصاحبي خليفة : ( تيلوي فراسو ) طارت ودرنا اولاد ! بحال هاد ليالي راه حنا فإفران تابعينا بقرطاس ابراهيم : هههههه غير القرطاس غير جنون غير الجدارمية لي شدونا المراة لي دخلتي فيها بسكي نوصير : علام و حق الرب ! شنو درتو فالمشروع ؟ ابراهيم : مالك مول المحل يدخل معاانا شريك ؟ خليفة: الوجه مشروك اصاحبي ماتيتغسلش ! انا ولا انت ولا نوصير ماشي هو براني نوصير : مامنهاش هاد الهضرة اخليفة ! فالخدمة ماكاين غير راسي راسي ! ابراهيم: راه كلناها ليه ! يدخل معنا لي ربحناه يتقسم بيناتنا المحل اصاحبي فالبوك خدام خليفة: عندك انت جوج مليون باش دخل معاه ؟ إبراهيم : انت مليون و اما مليون هو بالمحل خليفة: تا را الف درهم صحيحة مانكسابهاش نوصير : انت لي العام لي جا دعي بالعكر ؟ هز كريدي خليفة: بيبي وبينك تخدم مشروعك احسن ماضرب تمارة عند الناس ، ولكن راني خايف لا نصدقة فلاص ( والو ) نوصير : توكلو عالله ... ...خلص نوصير القهوة و جرو معاه حتى فرمسيان ، دخل عند الولد تما معرفته ، بدا يحكي ليه المشكل و عطاه فيتامين و مساج خلصو و خرجو متجهين للحومة وكل واحد منهم قصد دارو ! طالع فدروج و تيحس بضو تيضربو فيها ! طالع تيطفي الضو تا فتح الباب برطمة و حيد سبرديلة ، حط الدوا و سورات وتلفون وقف تيحيد جاكيطة نوصير : زاااااينة ! زاينة: ( من الحمام ) هانا فالحماام ...دخل كوزينة بان ليه العشا واجد ، دخل عليهم البيت لقاتو مخرجاه تيبكي نوصير : مالكي معاه تاني ؟ زاينة: ( بعصبية ) هلكني ! مرضني ! واش الشتا خباطة و البرد هلك صحتنا هو داخل روبيني يفزك راسو نوصير : ( قرب باسو ) مالك اصاحبي على هاد الصلابة ؟ زياد : مااااببغيتش هادو هننن زاينة: تجلس عريان ؟ ( هزت صندالة تتهددو ) و االله تنشويك _تكمش ولبساتو بيجامة سخونة و تقاشر و طربوش زادتو بينوار سبيدر مان ! خرجت تحط العشا على مايخرج نوصير من دوش ! تاناض تاني خارج تابعها و هيا تتهضر معها بوليدي حبيبي حتى سمعت نوصير تيهضر نوصير : البس حوايجك اصااحبي البرد ..لي فيه ! حيد تقاشر و طربوش و بينوار وجلس يلعب ! تعشاو و هو غادي جاي ، نانعس فصالون ، هزو نوصير حطو بلاصتو و هز دواه مشا ناموسية و زاينة معاه نوصير : نوضي ديري ليا مساج رجلي ! زاينة : ( شدت رشاشة تتحركها و ترش ليه على رجلو ووتتماصي ) هاد رجل عندك انورمال ! خاصك طبيب ، لايكون روماتيزم نوصير : ( مغمض عينيه) ااااياي ! تمااا تما ماصي مزيان زاينة: ( تتماصي و تعاود ت ريحة فليو دوخاتها ) صافي براكة ؟ نوصير : حزميها ليا بزيف زاينة : واخة .. ..حزماتها فيه! غسلت يديها و دخلت جنبو هو غير تاينين و يتوجع ! طفاو ضو و نعسو و صوت الشتا تيتسمع ، عاد ماتتحلى النعسة الا نوصير لي ضرباتو فيقة تيحرك رجليه ولقى يدو و الريح ... نوصير : زاااينة ! زاااينة _ فاقت مضهشرة ! ظنت انه زياد! حتى شافتو شاعل ضو شاد فرجلو .. زاينة : مالك ؟ نوصير: ( بهلع ) رجلي ماتنحسش بيها ! زاينة: ( تفعفات و تتقيصها ) آويلي ! ودبا ؟ نوصير : ( رجع للور براسو تيحرك بلا ) والو زاينة: كفاش والو ؟ ( تتحركها و تعاود و تتماصيها ليه ) خاصك طبيب ! انت باغي تكمل ليا لي خاصني نوصير : ( رجع تيحس بيها تنتمل ) صافي هانا تنحس !! _جلست حداه مامتيقاس و تتبكي و هو ربي عالم بيه ! ماقادر يتحرك ولا يتزعزع ! رجل مرة يحس مرة مايحسش ! نعاس طار و ليل كلو تتدهن ليه و نرجع تسولو تا نعسو مع ديك ستة الصباح... ...مر عليهم الليلة و البارحة بطولها فالسواد ! بعض الاحيان صعيب على شخص يصدق بعض الاقدار ! الصدمة تتكون اقوى من تصديق الامر !! مارجعو اوطيل حتى المساء ، الدراري عياو و البرد هلكهم ، نعسو مع دخلو و خديجة كدالك نعست بحوايجها الجهد مابقاش عندها ، الكلام اميمة وهيا تتودعها مابغاش يتنسى لها .. _نتي مييمتها !! نتي خالتها ! ماعرفتش الزمان فين يديني ولكن بنت اختي الله يرحمها راها بنتك .. _اما هو ملتزم الصمت فقط ! البارح اخبر الوازنة لي تاسفت و بقات فيها و قف فالجنازة مثل اي احد ! آخر للقاء لهم ، كانو سدو الصفحة لكن موتها مرضاتو ، جل ذكريات لي جاوه للراس ايامهاو هيا مزالة ام جديدة لرؤيا ، كانت كلها الحب و دلع مع بنتها ، بقوة العيا لي فيه نعس هو عينيه علل رؤيا لي ناعسة فسرير امامو مع براء 🌄 _ استقيظ على هضرتهم ! فتح عينيه بتقالة و تيحس براسو تقيل ، بقى على هيئتو تيشوف فاولادو و تيسمع حوارهم .. براء : ( راسو حدا راسها ) ماما رؤيا : ( دارت صبعها على فمها ) شووت ! ناعسين ، شتي انا ماما مشات عند الله براء : ( مغوبش ) ااه الله رؤيا : او عندي ماما خديجة ! او بابا فاروق و الميمة براء : ( وقف تيهبط سرالو ) حيد ليكوش رؤيا : تمسي طواليط ؟ براء : امممم ..خديجة تدير ليه ليكوش غير الليل ! اما بالنهار تيمشي طواليط ! و رؤيا أكيد تتلاحظ ! وقفت معاه تتحيد ليه ليكوش و دخلاتو طواليط و بركت على ساش و هيا غسلو يديهم تا ضربو ففاروق رؤيا : ( تتضحك ) بابا فقتي ؟ فاروق: ( هزها باسها معنقها ) فقت الحاجة ديالي! ( شاف براء مغوبش ) شي كارو ؟ براء : ( بزعاف ) آماامااا فاروق: سير تكمش حدا ختك خلي ماماك ناعسة ... ..هز من صاكو لاتخوز و حوايج ! دخل دوش و و تيحاول يحيد عليه ستريس ! البكا مور الميت خسارة ، ارانا شنو جاي ، كمل و لبس حوايجو و خرج تيمسح شعرو و تيشوف فيهم جالسين فوق سريرهم تيشوفو من زجاج شرجم حداهم ! لبسهم جواكط و لبس جاكيتو و خرجو خلاو خديجة ناعسة ، طلعو لاتيراس الفوق جالسين و الجو صبح مشمس ، طلب ليهم الفطور هو قهوى كحلة ، قلبو ديك طبلة ! هرقو كاس اتاي ، مامسوقش مايكول جلسو ولا هداو ! تارن تلفونو وجاوب فاروق : فقتي ؟ خديجة: اه ! اولاد معاك ؟ فاروق: طلعي لاتيراس الفوق ...كانت مدوشة لابسة حوايجها ! سدت باب الشومبر و طلعت ، غير شافو نقزو عندها تيعنقوها ، عاد ضحكة تسرحت لهم خديجة : ( هازة براء ) آش هاد روينة ؟ فاروق: مال دلمهم كولشي مخلص ! شنو تفطري ؟ خديجة: فطور نوغمال وصافي! ..اطلب لها فطور! و جا سرباي خمل ديك روينة، و دراري ناضو تيلعبو و يجريو امامهم خديجة: كي صبحتي !؟ فاروق: ( شعل كارو ) حمد الله ! مكتاب الله تيتصرف خديجة: ( غلبوها دموع ) الله يرحمها! فاروق واش خايفين من رؤيا مني ؟ فاروق: ( طفى كارو و قرب حداها قبل راسها ) كلام خالة رؤيا عادي ! محروقة و مضيومة تتهضر وصافي، انا الا مطمن على اولادي ؟ مطمن بيهم معاك خديجة : تنهضر على رؤيا تنبقى مرات اباها ! فاروق: هاد الفرق ماغاديش يكون اخديجة ! خديجة : اصلا عمرو كان ! و ربي عالم لي بقلبي ! فاروق: ( مسح وجهو ) ولا غادي يكون ! هادوك اولادك بجوج ، رؤيا و براء خوت ! براء عمرو يعرف راه ماشي اختو شقيقة ! خديجة : اءءء !! ولكن رؤيا عارفة ؟ فاروق: رؤيا عارفة و براء عمرو يعرف ! نهار تكبر و تفهم نزيدو رسخو ليها هاد الفكرة ، عمرهم يحسو بالفرق خديجة: ( تتفكر )) ماعنديش مشكل ! تانا باغة تكون ديك الاخوة الحنينة فاروق: صافي هضرتنا تسدات هنا !و العائلة كلها تمشي على هاد الفكرة ! خليهم خوت حتى الدنيا _عنقها جنب و نعست على كتفو مراقبين اولادهم تيلعبو و يضحكو و يجريو ! ممكن الفكرة تكون عربية ! ممكن تكون عادية ، بالنسبة لرؤيا عارفة لي كاين و بالنسبة براء يكبر لهاد الفكرة لي مستحيل يحس بالفرق او شي يوم من الايام واحد يغلط فلاخر ، اللهما يكبر مع أختو انهم تولدو من كرش وحدة خديجة : فوقاش نمشيو ؟ فاروق: مور العصر و نشدو طريق ! شوية اندخل نعس انا خديجة: هضرتي مع خالتي ؟ فاروق: ( تيتفوه ) هضرررت ! خديجة: ادخل تنعس انا نخرج دراري ! ينفسو شوية و ينساو البارح شوية فاروق : لا انا عندي شي زهر ؟ ديما مسبقا عليا العالام خديجة : شمن علام الله يهديدك راه اولادك ! فاروق: ماتعطلوش و ماتبعدوش ! الغدا نتغدااو غير هنا خديجة: اوووك . ..من مدينة الانوار ! مدينة الحب و الرومانسية ! الايام لي مرت عليهم ، كلها نافيط بين المستشفى و الدار ! و البارح خرج رشيد من المستشفى فاحسن حال ، و احتفلو برجوعو ، عائلة مكتملة متميزة مثقفة ! مثل كل الصباح غيثى تتصبح تتوجد الفطور و ماشي اي فطور ؟ فطور مغربي فاسي متقون ! الفرق ان رشيد مزال عيان ماتيشاركش معاها معاهم المطبخ ! تتحط و تتوجد فوق طبلة ، حتى شافتهم نازلين و ضحكت غيثة : ( بصوت هادى ) سيدي حبيبي بونجوغ ! ولدي مغيث صباح الخير مغيث : ( حط امير غادي عندها ) حمد الله الالة غيثة غيثة : جلسو تفطو اولدي ! صبحو ناعسين هاد نهار اذيب: ( جاي تيحك فراسو ) هاحنا لالة غيثة ! الوقت هو الوقت ...جلست فرحانة بللمة ! سربات لهم الفطور و امير داير جو مع غيثة ، تا لحقت عليهم مرات اذيب بحجابها و غيثة وجدت بلاطو الفطور و دخلت عند رشيد تفطرو وتعطيه الدوا اذيب : ديك البطة ماتفيقش من نعاس؟ مغيث : ( مع تلفون ) دبا تتعاير ليا المدام ؟ أذيب: الفنون هاديك ! فوقاش وقت لكوشمون ؟ مغيث : ( فتح لاجوندا بشوف تاريخ ) مابقاش بزاف ! الله يفكها على خير ! ....اما فوق ! كانت ناعسة على جنبها و تتزير علي عينيها !تتحس بالوجع فظرها من البارح فليل و ملتزمة الصمت لأنها خافت يكون وجع كاذب ..ناضت بصعوبة تتحاول تمشى وتتحس بالوجع تيضربها فالكرش و الضهر ! دخلت حمام تقضي حاجيتها هيا تلاحظ سليبها مبلل بالماء اصفر !! طلقت لادوش و توضات و تتحس بالوجع تيمشي و يجي ! البست ملابسها ، بقات غادة جااية ! غادة جاية ! هاد المدة زارت طبيبة لي تكلف بولادها و عطاتها نصائح و دقة الوقت فالوجع و كيفية تنفس و المشي وهاهيا تتعمل بيهم ! مغيث: ( فتح الباب دخل عاطياه بظهر ) فقتي ؟! لياالي : ( مزيرة تادارت عندو ) جوكخوا انولد ؟ مغيث: ( شد فيديها ) فيك الوجع ؟ لياالي: ( مسندة عليه تيمشيها ) اممم ! من البارح مغيث : وساكتة ؟ ليالي : ماشي شي حاجة ! ( تتشوف فصاكها و صاك بيبي ) كولشي واجد ؟ مغيث : وووي ! ااطط نتصل بلاكلينيك ..جلسها و حول الاتصال ليهم ! سولوه واش يحتاج لاسعاف لكن رفض ! لبسها جاكيط وشال و هز صاكها و صاك بيبي و نزلها تحت ! دارة بيها لافامي تامن رشيد خرج عندها مواسيها ! تانزل مغيث لابس عليه رشيد : ( قبلها فراسها ) دعي ابنتي ! و رردي الدعاء ! ليالي : ( بدموع وجع ) دعي معايا بابا .. غيثة : ( عنقاتها ) الكبيدة ديالي! انبقى مع بااباك و امير ! راجلك معاك و خواك ومراتو و انشاء الله تولدي بخير ! راضين عليك احبيبة .. ...مغيث : ( هز امير تيبوسو ) اتيتي مع مامي ! نجيبو اختك ونجيو امير : (بفرحة ) اوك ..عنقات ولدها و باستو و خرجت شادة فاليد مغيث ركبها فطموبيل للور و أذيب مراتو القادم صايك ! اتجهو الكلينيك بسرعة قليلة وهيا مرة تشد فجنبها مرة تشد فكرشها ..تاوصلو ، مع دخلة اتجهو للاستقبال عطاهم معلومات و خرجت طبيبة بنفسها عندها بابتسامة تتسولها و تتحاول تخليها مرتاحة تا دخلة الغرفة الفحص ة فحصاتها مزيان طبيبة : ( شافت فيها فمغيث ) تنظن الاميرة اتشرف بعد ساعات مغيث : ( بفرحة ) الامور عادية !؟ طبيبة : اكيد ! ااتحصر للولادة ؟ مغيث: اكيد !! ( نزل قبل راسها ) ...دخلت فرملية تتساعدها ! حيدو لها ملابسها كلهم خلاوها بسوتيان سبور و لبساتها للبسة طبية و جمعات لها شعرها ..مشاوها على رجليها للغرفة الولادة المائية و جلسوها على كرة بلاستيكية كبيرة و تتحرك بشوية ليالي : ( بتعب ) امممممم طبيبة : ( بهدوء ) تقدري تشدي فابياص امدام و تحركي قدر مستطاع مغيث دخل حمام تما خفف ملابسو بقى بسروال كيطمة و تيشورط و خرج تيعاونها فحركات ! متبع هو وياهم بدء مراسم للولادة فالماء ...طبيبة كانت طيبة معاملة غير تتبتسم و فكب خطوة تاتشرح لهم ( الحوار اكيد بفرنسية ) طبيبة : مرتاحة لامامون ؟ ليالي : ( معنقة مغيث من كرشو ) ووووي _كان بينوار من البديع ابيض تيعمر بالما لي درجتو مابين سبعة تلاتين درجو او سبعة تلاثين ونص ! بينوار عمر بالما موازاتا للوزن ليالي ! لاوحات فيه بطة صغيرة نفس الوقت هو ميزان للحرارة ،الولادة فالماء ليست مرخصة لكل نساء ، من شروطها ان الام تكون فوق سن السابعة عشر و تحت سن الخامسة وثلاثون ، لازم تكون ماتتعانيش من امراض مزمنة او الجنين فكرش فوضعية حرجة او الحمل بتوأم !ولادة الماء كانت مند القدم و مع عصرنا هدا اتجهو ليها الكثير من الاطباء و بعض اختيار الامهات لانها تتكون اقل عنف و آلام ! تتميز الولادة فالماء عن الولاة العادية انها تتنقص الوجع و تقلصات العضلية حتى لسبعين فالمئة ودور الماء ساخن تيرخي الام و تتشعر بالراحة و تتجاوز التوتر جميع عضلاتها تترتاح و تتفادا تمزقات الولادةو تجنب الغراز .. مغيث : ( نزل مستواها ) تمشاي ؟ ليالي: نووووو ! طبيبة بعدما انهت مسبح بملاؤ بالماء صغظت على ازار للمراقبة حرارة ..و تكلمت مع ليالي طبيبة : مدام جلسي هنا نشوف الرحم ! مغيث مساعدها و فرملية جلسوها و بدات تفحصها ! ... طبيية : بغافووو سي كاطغ سنتيم مغيث : تقدر دخل الما ؟ طبيبة : وي اباغتيغ دوكاطخ سنتيم .. يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02