الليل كامل هو مراقبها و الحاجة الوحيدة لي تترد فيها الروح هو الهاتف ، كل شوية تيطمنهم اذيب على حالة رشيد ! بصعوبة نعست و مع غفوة عيونهم طلع الصباح لبسو ملابسهم اول وجهة قصدوها هيا العيادة الطبية ! كانت قريبة كانو هما اولين و تجهت جلست في غرفة الانتظار حاضنة كريشتها و مغمضة عينيها غير تتفكر في باباها و بالها كله معاه و مع صحته كيف غادي تكون .. و هو جالس حداها و تيتحسر معاها .. قاطع صمتهم ، البنت لي في الاستقبال لي عطاتهم الحق يدخلو عند الطبيبة .. غير دخلو تبادلو التحية و ليالي بدون سابق إنذار نزلو دموعها ، غير شافها مغيت و حط أمير في الأرض يلعب و قرب حداها تيمسح في دموعها .. مغيت : بركة من البكا ! مايكون غير الخير الطبيبة(بتوتر ): كاين شي مشكل مدام ليالي ؟ تضرك شي حاجة ليالي(غير تتبكي ) نو ماتيضرني والو ! غير وصلتني شي اخبار على بابا مريض الطبيبة : الله يشافيه ، الوغ ! ( شافت مغيث ) مغيث : وي ! الموضوع هو ان فآخر لحظة كما تتشوفي قررنا نسافرو لفرنسا و بدون شك اتولد تما ، جيت نستشارك فحالتها طبيبة : ( تتشوف فضوسي ديالها ) بوغ لاداط كوشمون مزال الوقت ، مي ضروري نفحصها ...مغيث هاز امير لي حتى عطاتو طبيبة ملونات و جلس تيلون و ليالي طلعت سرير فحص ، مثل كل مرة نفس روتين الفحص ... الطبيبة : الحمد لله كلشي مزيان ، البيبي في الوضع الصحي ، وزنه مزيان .. (طلقات صوت نبضات القلب) ضربات القلب منتظمين .. تقريبا تبقا ليك عشرين يوم على الولادة ليالي (زيرات على يد مغيت ) : نقدر نسافر ما يوقع والو آدكتوغ طبيبة : ( تتمسح ليها كرشها من البرودوي) وي تسافري ! مشات مكتب خلات تيعاونها مغيت (تيطبب على يديها ) : مي بقات لنا فوسيلة السفر ؟ نسافر بيك طريق طويلة في الطموبيل و نتي ما بقا ليك والو تولدي ؟ و أمير مزال صغير ما يقدش على الطريق، واش تهلكي صحتك ؟ ليالي : (جرات إيديها بغات تعاود تبكي) سي اوبليجي نمشي ! بليييزز دير شي حاجة مغيت : ( عنقها تيسكتها ) اجي نشوفو طبيبة ضروري لقاو حل ! ...جلست تتمسح دموعها ! و مغيث استأنف الحوار مع طبيبة الطبيبة: مدام ليالي ! التوتر و اعصاب غير صالحين ليك ! المكتاب تيتصرف ، تادبا مزال الوقت بزاف لي باسيونط تا الشهر الاخير تسافرو يولدو فالخاريج مغيت : تقدي تنصحيني بشي كلينيك يكون فباريس لي تولد فيه ! لان طلبو ليا ريزرفاسيون فاللاجونس دوفواياج الطبيبة : وي موجود ! أنا نعطيك رقمهم ، راه ديجا لا كلينيك ديالنا عندو معاهم تعاقد .. ضوسي مدام ليالي نرسلو ليهم ! و يرسلو ليك الاوراق حتى لعندك لي لازمك تعمرهم مغيت (تيسمع بتركيز ) : شحال ياخد ديال الوقت !؟ الطبيبة: نوو ماشي بزاف .. في يومين يقادو ليك الوراق و تقدر تسافر بيهم في الطيارة عادي .. كيف مولف. مغيت: بارك الله فيك دوكتوغ .. ليالي (بفرحة تتمسح دموعها ) : ميغسي بوكو دوكتوغ ! الطبيب : إن شاء الله تولدي في أحسن الأحوال .. (شافت في مغيت ) غير تهبط عندهم في الاستقبال تحت يعطيك جميع ليزانفوغماسيون شكروها و ودعوها ... مغيث : (هاز أمير و تيهضر مع ليالي) صافي مسحي دموعك .. أنا نشوف شنو يديرو معانا .. (حط أمير في الأرض ) سيري نتي و أمير طموبيل تسناوني أنا نشوف مع هادشي و نلحق عليكم ليالي (شدات في أمير ) : اوك بب ميغسي ....تواصل مع الاستقبال تتشرح ليه لي زيطاب !! نفس الوقت تينتظرها تحول الاتصال فالكلينيك فرنسا ، هادشي خدا ليه وقت ، خرج عندهم داهم فطرهم و رجع تاني لقاها حجرت ليه و جابوه بالقبول ! خلص واجبات الطبيبة و هو ضوسي ليالي خرج متجهة للبنكة يرسل لهم الفلوس للتأكيد الحجز و و يهز الوراق باش يمشي يقطع فلاجونش دوفواياج ليهم ! لياالي : (شافتو جاي ) كوا ؟ شي بخوبليم ؟ مغيث : لقيت الفول من هنا طخوا جوغ !؟ ليالي : ماعليش ! غير اقطع مغيث: نقطع آلي و غوتوغ ؟! ليالي : جوسي با ! مهم قطع مغيث : سي اوبليجي اليالي ! راه ناخد خاصني نعطي إدارة تاريخ رجوع !! ليالي : سي بون ! ..رجع قطع الطيارة و كثرو ليه لاسوغونس وخلص لها خدمة تمريض فالطيارة و مضى على ورقة تيتحمل المسؤولية على اي ضرر ! عاد عطاوه البيي وخرج عندها راسو ضارو ليالي: عيتي ياك !؟ مغيث: مهم ندوزو هاد السفر على الخير ! اندوز نحطك عند الواليدة انا ندوز خدمة ناخد تصريح تارجع عندك و ماتقولي لهم والو على السفر حتى نهضر مع الواليدة لياالي : ( بأسف ) ماكرهتش نولد فالمغرب بين عائلتي و عائلتك مي الغالب الله مغيث : الواليدة ما تعتارضش مي كاي جدة تبغي تشوف حفيدها كي خلاق ! ولكن كما قلتي غالب الله ، مهم نتي ماتفقصيش ماتمرضيش راسك ... ...نص النهار داز ليه فالجري ! كان لازم عليه يسربي شي ضواسة لي فالبيرو ، نفسيتو مأزمة و الاكثر منين تيشوفها تتبكي و تتشكى ، قليل فين تتطلب شي الحاجة ، هادئة و تتمشى مع الساهلة و فجأة جاه على بالة الحوار لي كان تطرح معاها و اذيب و اقترح عليهم تولد بكندا ولا فرنسا و القدر كان ليه الكلام آخر ..حول الخط لأذيب اذيب : مغيث صافا ؟ مغيث : ( مزير تلفون باصابعو ) هاد الساعة لله الحمد ! انشاء الله من هنا يومين انكونو تما اذيب : ( بفرحة ) وايلي !؟ ساعدكم ! حمد الله على اي حول ولو كنا باغين نتجمعو فظروف اخرى مغيث: هادشي ماكان! رشيد فاق ؟ اذيب : لا مزال! هاد كوما لي مطيرة لينا نعاس و الخوف خدام فينا مغيث : بلا مانوصيك الا سولت ليالي كما العادة طمنها ان الامور بخير ! أذيب : تترسل ليا الساعة لي تنزلز فيها نجي عندكم المطار مغيث: الخميس مع العشررة صباح نكونو تما اذيب : الله يوصلكم على خير ! و شكرا بزاف على لوجيست ، كلمة شكر ماتوفيكش حققك مغيث : راه شاركنا الدم ! و الله ينوض رشيد بالسلامة .. ...كمل اتصالو و هز مسائلو نزل خارج متجه للدار نبيل ! الشغل شاغل بالو هو السفر يمر بالف خير ، وصل نزل من سيارة هو الباب و نبيل الباب تسالمو و هما داخلين تيعاود ليه ! تادخلو لقاوهم مجموعين فانتظراهم يحطو الغدا لقاو التحية مغيث : ( هز امير تيبوسو ) فين مامي ؟! امير : دودو ادادي الوازنة : نعسات اوليدي منين دخلت هيا تتبكي على اباها و الله اوليدي الا قطعت ليا فالقلب مغيث: قدر الله ماشاء فعل ! بنادم تيكون فحال و يصبح فحال ، الوازنة: كاينة الحبيب ، و الصحة الا مشات ماتتعوضش مغيث : ( لمح بنظرو الوازنة ) الواليدة غادي نقوليك شي اخبار ونتمنى ما تاخديش فخاطرك الوازنة: ( تتقاد شالها ) واخبار الخير الحبيب ؟ مغيث : ماغاديش يكتاب ليالي تولد هنا ! من بارح وهيا فمها غير اباها خايفة لا يموت الوازنة : ( بصوت مأسفة ) اوا اوليدي فيها الخير ! وش نقوليك مغيث : ( ذرعها مقبل راسها ) لا غير قولي الواليدة ! عارف الولادة امير مادازتش كما بغينا وهاد البنيتة تاهيا ولكن الواليدة حمد الله ربي رزقني منين نديها تشوف اباها مابغيتش نتحاسب ولا ندم من بعد الوازنة : الله يشافيه و الله يفكها على الخير ! ماكنا ضاربيت لها الحساب مغيث : ( قبل راسها مرة ثانية ) كاينة الواليدة ماضربنا لها الحساب ، انشاء الله تشوفو و تولد بخير و مرجوعنا هنا الوازنة : الله يرضي علييكم اولدي ! الله يرضي عليكم كاملين مغيث : ( تيشوف فاسماء تتسربي طبلة و نبيل جاي هاز ولدو ) اوا راهم معمرين عليك الواليدة ؟ الوازنة : ( بحب ) ماشي دق الوليدي ! احفاذي كوولهم عزاز عليا ولكن الله يسمح ليا اولاد الحبيب الغالي زايدين نغزة مغيث : مساامحين الواليدة ! راه اولاد نبيل هادوك .. ...كما كان متوقع اتكلم مع الوازنة و خدا بخاطرها ، المطلوب هو يسمع رضاتها ، حطو تغداو و ليالي بسيف باش فاقت ، جلسو مجمعين و تصيبرو فيها و الاخبار وصلت لخديجة و زاينة ان اباها مريض ، خديجة كما العادة ، مرت لاكريش هزت زاينة و براء وزياد و نفس الوقت رؤيا و اتجهو عندهم يواسيوها منها يودعوها لان السفر بعد يومين .. اسماء : انشاء الله يدوز منها ! راه فلبلاصة الطب و دوايات و المقابلة و ماماك و خوك معاه! ونتي مابقى ليك والو تمشي ليالي : الله يشافيه! مي ماعطاونيش نهضب معاه زاينة: الا مزال ماقادر يتلكم ! لاقدر الله كن شي حاجة خايبة راه تعرف ! تعرف اسماء : حيدووو من حمامة ديالي ( عنقاتها تتبوسها ) دبا يبرا باباك انشاء ! غير هو راه نتسالوك اسبوع اختي للعزبة ليالي: هههه الله يخليك لي لي خديجة : ( مبتسمة ) ايه قاتلنا روتين خاصنا الفيشطا زاينة : مهم تفك بخير ! اسماء : ( تتسمع مها تتعيط لها ) زاينة سيري شوفي فطوش تتعيط زاينة : نوصي تكلمي لمك بلا تعياق اسماء: فيكم جوع !؟ الكل : الااااا اسماء: راعا تنوضني على الملوي ولا حرشة اللهم خليني جالسة خديجة : ههههههه اح قلبي ، مهم العشا عندك اسماء : عند لي غادة فرنسا انا لاش ؟ _جاء يوم السفر ! من المطار بعد ما دفعو الباكاج و دوزو جميع الإجراءات ، بما ان ليالي حامل تكلفو بيها خصيصا ، كانت مرافقة صحية جابت لها كرسي متحرك و بيديها تاركباتها بلاصتها هيا اول المسافرين تتركب حتى تأكدت من راحتها عاد الطائرة تتعمر دقة دقة ، و امير جالس فحضن مغيث تيشوف ..الطائرة اعلنت اقلاعها ، و ليالي شدت فيد مغيث بعدما ربطو الاحزمة ، حتى طلعو فالجو و استقرت لامور ، المرافقة كل شوية تتسألها عن حالتها و اش تتعاني شي مشكل الا ن اعلنو وصولهم للباريس و ربطو من جديد الاحزمة النزول ..مغيث : ( تبيوس امير ) حمد الله ! وصلنا عل خير ..ليالي: خفت بزاف و الله مغيث: سي نوغمال اعمري.. ..كما طلوع كما نزول ! تكلفو بيها حتى حطت رجليها فالمطار و هزو الباكاج تمو خارجين اول للقاء كان مع اذيب لي طار عليها معنقهااا اذيب: ( بحب وشوق ) على سلامتك اعمري ! توحشتك اختي توحشتك ليالي : (بدموع ) تانا اخويا بزاف .. ..الشوق العائلة صعيب و الناس للغربة ما يحس بيهم الل مهاجر بحالهم، سلم على مغيث و امير ، عاونهم فالبكاج و ركبة السيارة و الوجهة مباشرة للمستشفى و البرد كان شديد للدرجة للثلج تيطيح ....مع شوارع باريس امير غير حاط صبعو على فمو تيشوف عالم آخر ، بعد مسافة وصلو للكلينك نصو غير جردة و هدوء عجيب ،حطو السيارة فباركينك ونزلو داخلين ، بمجرد دخولهم من الباب حرارة تترجغ عادية ، ركبو فسانسور ، لي وقف مباشرة فرواق لي ناعس فيه رشيد ..مع شوفة اولى شافث غيثة لي عنقاتها تتبكي ليالي : ماااماااا ( بدموع قاهرين ) اااه ماما غادي نموت اماما غيثة : ( بأناقتها و رقيها دائم تتعنقها بحرارة ) احبيبة الكبيدة ديالي ! العووووينة لي عندي ! توحشتك ،توحشتتتك ليالي : ( تتزيد تحشى فيها ) فاق بابا !؟ غيثة : ( بحب ) ايفيق ابنتي ! ايفيق ( سلمت على مغيث ) على سلامتكم اولدي عمري كلو مانساس ليك هاد الوقفة مغيث : الله يشافيه الالة غيثة و الله يجعلها آخر الامراض ! حنا عائلة ماتجتاجيش تقولي هاد الهضرة ...غيثة لي هزت أمير تتعنقو و تبوسو ! حفيذها الوحيد، ولو من بعيد تتظهر تباتة و الرزانة لكن داخلها عافية تتاكل فيها و خوف رهيب من فقدان رفيق دربها لي رجعو عن زمن طويل! جلسو جموعين تيطفيو الشوق و يديعيو مع رشيد حتى خرجت عندهم مرات أذيب لي كانت ترتاح ، ليالي نتظرت الدكتور لي لي عطاها موافقة دخل عند رشيد لي كان متصل بأجهزة طبية و تنفسية و غائب تماما ليالي : ( بدموع ) توحشتك ابابا ! ماطالبة والو غير تنوض بسلامة احبيبي ..تتبوس فيديه و تتحسس يديه ! دائما كان الاب الحنون و الحكيم ، ولو كانت مبعدة عليه بسبب طلاقهم ، لكن كل ماحتاجت ليه كان السيد الموقف ، لعب دور كبير فمحنة زواجها و نصحها و رشدها ..فعز تفكيرها بيه دموع خانوها بشدة ليالي : كنتي تتقولي تنعرفك من خطواتك مابوتيت فّي ؟ هانا هنا جيت عندك ...للاسف كان طريح الفراش ، غائب عن الوعي ! صحتو نقصت و وزنو نقص ، تتدوز يديهها على شعرو و تتقبل راسو ليالي : الله ينوضك بسلامة ! قلبي تيتقطع ابابا ، تنموووت ..لي كان فخاطرها من دوموع خرجاتو ، الحجرة لي كانت كابسة أنفاسها ذابت بدموعها ! خرجت عندهم و عنقها مغيث تيواسيها مغيث : الله يدير الخير ! شدي فراسك الله ينوضو بسلامة ليالي : ( تتحرك غير راسها ) دعي معاه و قول كاع الناس لي تتعرف تدعي معاه، ماتنتصورش حياتي بلا بيه اذيب : ( شدها من مغيث ) بلا دموع اختي ! ونتي حاملة ، انشاء الله يفيق و مايكون غير الخير .. ...جلسوها عطاوها تشرب و غيثة و زوجة اذيب نزلو كافيتريا لان امير جاه جوع !! ..دوزو النهار كامل تما ! كل شوية بدخل واحد يطل عليه! الحزن مخيم ، تا المساء خلاو غيثة معاه و رجعو الباقي للدار يرتاحو و خصوصا ليالي لي تيحس بيها مغيث اطيح ليه وهو هااد الفيلم كلو طالع على صحتها ماتراجعش ...دخلو كلها شد بيت مغيث: صافا ؟ ليالي : ماتخافش عليا ! غير العيا وصافي ( عنقاتو ) شكرا بزاااف للهلا يحرمني منك مغيث : واجب هدا ! نعسي ارتاحي ، دوشي ؟ ليالي : ماقدرتش ! بغيت غير نعس .. ....خلاها على خاطرها و جبد حوايجو هو أمير لي دخلو معاه الدوش و دوش بجوج و خرجو لبسو حوايجهم عاد نعسو فناموسية وحدة و منعس امير جنبو خاف لا يقيس لها كرشها امير: داداي ! الميمة و زياد مغيث: دغيا توحشتيهم ؟ غدا نهضرو معاهم امير : و رووؤيا و بغاء ؟ مغيث : تاهمااا ! ونعس ادادي امير : و بيبي ؟ مغيث: مزال ماتخرج ! ونعس امير : و عموو صوصير ...مغيث نعس و امير بقى يعد فعمامو و يغوت عليهم تانعس موراهم .. ...الايام كانت تتمر بكل حالاتها ، مر اسبوع على سفرهم ، يوميا الاتصالات تتربط بين فرنسا و للمغرب !! بما ان اليوم الجمعة مجمعين عند الوازنة ، و اسماء تزيرت مع دراري لان فطوش رجعت لدارها مالك ترتاح و تشوف دارها، اسماء غير تتلف معاها ،صوت دراري مسموع فارجاء تيلعبو و وليدات اسماء مجلسينهم فرولاكس قربو للشهر الرابع و رجعو يتجاوبو مع كلشي ، اسماء و خديجة فالكوزينة و زاينة تحت منها تارتاح خدات دواها و منها تتراقب الولاد حتى جات عندها رؤيا رؤيا : طاطا زاينة راه زياد خوا عليه الكل زاينة : ( قلبت عينيها بمرض ) زياااااد ! زياااااد ...خارج من حمام لي تحت محيد تقاشر و حوايجو و براء هاز ليه تريكوه و قف بعيد عليها، تا وقفت تترعد من منظرو زاينة: آويلي وحدي اويلي ! مالك عكسي ؟ فصيف تحلف مادوش ولي دبا اليالي تتلعب بالما زياد : ( تيضحك ) ماسي انا ...عصبها شدات تتضربو للفيس و تتجبد ليه وذنيه هو حماها الغوات تاخرجت الوازنة حيداتو ليها من يديها ، حققت عليها ماضربو ، تتبدل ليه هو تيدمع تانزلو البنان منزلين الكوتي ، و هدأو الامور ، للحظات و تلفزن ااسماء تيرن اسماء : ( طلعت لها رقم مغيث مدت تلفون الوازنة ) خالتي مغيث ! يمكن تلفونك طافي الوازنة: ( شداتو و زاينة حداها ضغظت على زر ) الو مغيث : الواليدة بخير ! صحيحة و أحوال الوازنة : ملاك الله الحمد اوليدي ! كي بيقيتو نتوما ؟ مغيث: حمد الله ! رشيد راه فاق الوازنة: على سلامتو اوليدي ! يحفظو لمولات دارو و الوليداتو مغيث: آمين الواليدة خلعوهم عليه الوازنة: حداك اوليدي مراتك ؟ مغيث : هاهيا ! ليالي: آلو طاطا الوازنة: آبنيتي على سلامة اباك الحبيبة ! بطول عمرو و صحيحة إنشاء الله ليالي : ( بفرحة ) آمين اطاطا لهلا يخطبك علينا و يطول فعمرك ....داك الهاتف تكلمو بيه كاملين مع ليالي ، قالو لها على سلامة رشيد ، كانت فرحانة وهيا تتسمع مواساتهم تتاكد اليوم بعد اليوم انهم العائلتها ثانية .تقطع الخط ورجعو الحوارهم مرتاحين من جهتها خديجة : عاد تنعس وتشوفو ! صعيب الحال والله زاينة: اوا راه الاب هداك ! تانا ماكرهتو كن مزال عايش اسماء : ( نزلت راسها بحزن ) اوا الله يرحمهم الوازنة: آمين الحبيبة ! الموت علينا الحق الحبيبة اسماء : هدا ماكان اخالتي الوازنة: واحد الفاروق الحبيب شداتو خدمة تاني ؟ خديجة: غير الخدمة اخالتي قالي فداك الدوار قريب ليهم لقاو شي وحدين مع داعش اوا يقدر تاني يطلع الرباط الوازنة : الله يصاوب و ربي عوينو ! خدمة المخزن ماسهلاش خديجة: الا كرهت شي حاجة فهاد الدنيا هبا ديك الخدمة زاينة : اوا الطرف الخبز صعيب ...خديجة : ( تتشوف فولاد اسماء يوسف تيتعصر ) داكشي ماكان ( بمزحى ليوسف ) آش تدير الخانز ؟ اسماء : ( بابتسامة ) تيعمر ليكوش الخوينز . ....ناضت زاينة جمعت طبلة و اسماء هزت يوسف و خديجة موراها هازة لها زكرياء وخلاو اخرين تحت مع الوازنة ! اسماء : قسما بالله ظهري تقسم خديجة : ( تاتبوس زكريا ) الصبر جوج ماشي هيا واحد ! ( بحب ) اعمري على زييين اسماء : ( فتحت تتبدل ليه ليكوش و تجهت تجيب ليزانجيط ) خديجة عنداكي يتقلب عقاك خديجة وراتو جهتها و هازة زكرياء ، حتى بدات اسماء تمسح ليه و خديجة تاتشوف فيه بتمعن و بغات تعضر و تراجعت ! فاخير مدت لها زكريا و قلبات يوسف وهيا تشوف فيها اسماء بفضول اسماء : مالكي؟! خديجة : ( تتشير خصية ديالو بجوج ) هادي تولد بيها هاكا ؟ أسماء: ( قلبها تيضرب و تتحقق فيههم ) اااه ! ماعرفتش ؟ خديجة شدات زكريا و فتحت ليه ليكوش و قلبات لقات الخصيات ديالو نازلين فمكانهم عكس يوسف لي خصية طالعة و خصية نازلة خديجة : ولدك خاصو طبيب ضروري ..اسماء جلست تتبكي خافت ! خافت لاتكون آذات ولدها ! خديجة جمعات لهم ليكوش و تتسكتها وهيا ماتتزيد تبكي ومزالة مافاهمة حتى موضوع خديجة : لانتي ماتتلاحضيش ؟ اسماء : ( مخلوعة ) مااعرفتش !! دبا ولدي مريض ؟ ناقص ؟ خديجة : ( تتنهد لصغر سنها عدم تحربتها ) طبيب لي يحدد ! عيطي نبيل اسماء : ( تتشير باصبابعها ) لالا والله تيقتلني على اولاد يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02