....بعض الاحيان تتصدر منا التصرفات لا نجهل مصدرها ! جوابو ليها برود ماكانش فمحلو ! اشكر البنت فالمساج و جلس تيتفكر ردة فعلها وعض على شفايفو ، خرج تابعها للصالون تا دخل عليها وخنزرت فيه مغيث: ( بضحكة رجولية ) مالك تتسبقي العيب؟ ليالي : لِّيس موا طخانكيل مغيث: ( شدها من يديها منوضها ) باغي تنعسي ؟ معسي بلاصتك مرتاحة ماشي فالسداري ليالي : تتهمك راحتي !؟ مغيث : ( نوضها معنقهاا تيقبل فيها ) مايدخلش الشك اعمري ! ..جرها البيت وهيا منفخة عليه ، تارجعو وضعيتهم فول حالسة فخصنو بسيف عليها ! تتنوض و يرجعها .. ليالي : تي كخوا اتاكل ليا عقلي بجوج كلمات؟! انا هاد قضية المساج مموافقاش عليها مغيث : فهمنااااك الالة ، مي سمعيني ليالي : قبل ما نسمعك ؟ قولي فين تتعرف هاد الماسوز ؟ مغيث : ( تيلعب بيديها تيرمقها بنظرات لعوبة ) كان صحابني غير انا لي مجنون بالغيرة ؟! ( نزل تيقبل فكتفها ) ليالي : ( قلبت عينيها ) وي انت بوحدك لي مريض بالغيرة ! مع ذالك تنتحملها و تنقول ماعليش !مي لو مومون لي نسولك؟ يعني راه شي الحاجة تما ، كلنا عندنا لي زامي و كنت تنشوفك معاهم وعادي بالنسبة ليا مغيث : ( زفر نفس طويل ) سيلتوبلي ! ماتقلقيش راسك تاالحاجة ما تستاهل ، انا نعاود لك و تيقي بيا كولشي كان صدفة ليالي : وي !! مغيث: سونطر راكي عارفاه كبير فيه جميع فروع الرياضة ولابسين ، كنت انا مروان صاحبي تنترينيو تاتلاقينا هاد البنت لي سميتها صفاء ! كانت معانا فلافاك ليالي : ( عضت حنكها من داخل ) اوا ؟ مغيث : هضرة جبدت الهضرة ! تا قالت لنا راها شي طخوا موا وهيا خدامة تما و ماكتاب نشوفوها حتى داك النهار، ( تيمسح وجهو ) جو سي با كيفاش تا جبدنا سوجي الحاملات وقالت بلي تيعملو تما سيونس الحاملات فلابسين و كاينة كوتش مختصة للحاملات بحركات تتسهل لولادة ليالي : ( عقد غوباشة ) دوختني ! كنا فالمساج و رجعنا فسيونس ديال بيسين و كوتش ؟! مغيث: بغيتي نحلف ليك ؟! ليالي : نو قلتي ليا اتمشي دير مساج مغيث : ( جرها عندو معنقها بضحك ) تنشوف معزتي ز قيمتي عندك ليالي : ( تتدفعو ) لاااش مْوِّا ...طلللق مغيث: ( زاد زيرها ) لا والله مانطلق ، الغضيضيبة ليالي : هاد الفيلم ماداخلش ليا راسي ! مولف تتشاورني فكولشي ؟ مغيث : راه كنت نقوليك ! و نمشيو بجوج اليالي ، مالك تديري من حيبة القبة ليالي : ( تتشير راسها ) اناااا تندير من الحبة قبة ؟ اولا ماشكتيش عليك ! مرتاحة فلاصال سبور مع الكوتش ديالي و هاد صفاء ديالك سير عندها تعمل ليك مساج مغيث : وانا كرهت ؟! ...ضرباتو بمخدة هو تيضحك ، فرحان بغيرتها ! تتهرب و يجرها بقريوو .. ليالي : نسولك ؟ مغيث : سولي ! ليالي : اتجيك عادي تمشي عند الوحدة تعمل ليك المساج ؟! مغيث : ( تنحنح شاف فيها بجدية ) اعمري المساج فيه و فيه !! كاين لي تياخد مساج علاج طبيعي خصوصا الناس الرياضة او لي لاقدر الله عمل حادث ! تا المساج رولاكسون للجسم ماشي كلو كما مروج ليه ليالي : جمونفو فالناس !! انا شفت لي فيديو ؟ لي تتغرقك زيت و تتماصي ليك راه تقدر تفوت اي سطاج معاك مغيث: ( عض شفاه تحتية و عينيه معسلين ) عندي لي دير ليا مساج ! ماتقلقيش راه ما قصدتش نقلقك لياالي : قصدتي ولا ماقصدتيش ! هاد الفكرة مساج سوبخيميها ! و رونديفو لي واخدو الغيه ! داك سونطر بدلو مغيث : ( هز حواجبو فيها ) تاالهاد درجة ؟ ليالي : واكثر ! بغيتي تمرضني فصحتي و نولد قبل الوقت هيا دير عكس كلامي مغيث : راه لافيغ كلها على ودك ! هاد سونطاج ماشي معايا ليالي : ( هزت يديها عندو مجموعين ) ميغسسيي بزاف فكرتي فيا ! ماتنديرش لك سونطاج ، هاد سونطر تيبقى كوان تتديفولا فيه ! عطا الله لي سونطر مغيث : هدا الشك ؟! ليالي : هدا دفاع على ممتلكات خاصة ! سميها الغيرة ، لحقاش للا شكيت فيك ؟ مانعطيكش فرصة تبرر ليا مغيث : ( تنهد ) خاطرك اعمري ! نبدلو سونطر و الغيو رونديفو ليالي : ( عطاتو بظهر و شادة ضحكة ماكرة ) طفي ضو مغيث : ( مد يديه طفاه ) مرحبا ...بقات تبرقق بعويناتها و صمت رهيب بيناتهم ! ماقدرت دور عندو ، الفضول قتلها ، ناعس ولا تيشوف فيها ، يلاه تهز راسها ولقاتو نازل براسو حاضيها تاخلعها اطيح و شدها ليالي: اااااع ! خلعتني مغيث : ( جرها محلف فيها ) اااجي ابنت غيثة المهبلاني طلعتي ماساهلاش ... ....مر الليل بسلام ، اشرقت بعده شمس دافئة ...كل الشخص فينا تينتمى للحضن العائلى او ادا تعذر الحال تيكون ملاذنا و انتمائنا هو نفسنا ، جر المخدة على راسو من بكاءو و زفر زفير قوي تقلب جهة اخرى بملامح خاسرة ..تا ازمجر بصوتو الباح .. فاروق : خدييييييجة ! خااااااديييييجةةةةةةة خديجة : ( دخلت عندو ) نعم ! مالك تتغوت فاروق: هادك صفر السيفة لي تيجذب على الصباح ماعندو حضانة ؟ خديجة : اوا نساو ماقراوهم نهار الاحد ....سمحت فيه نايض بكسل و خرجت تكمل توجاد الفطور ! ورؤيا كما عادتها جالسة فكرسيها مزالة بيجامتها متكية براسها على يديها تتشوف براء تيغوت ، بدات تحط الفطور هو يدخل عليهم مدوش وجلس تيحك فرااسو خديجة : قهوة ؟ فاروق : كبي ! ( خنزر فبراء ) مالك انت تتبكي على صباح ماكاميش ؟ براء غير عرفو تيخاصم عليه بدا يضرب برجليه فكرسي بالاكل و شاد شعرو تينتفوو تيبكي خديجة: ( جات تهزو هو ينهض فيها فاروق ) ماتهضرش معاه! راه معصب فاروق : ( بصرامة ) اجلسيي تفطري ! فاش يحس بجوع اياكل ، خدام يتجنن عليا ...زمتو و خلاه تيشوف فخديجة بتوسل ! هو مابيه لا جوع لا بكا ، بيه خديجة تهزو وتعنقو و تفطرو فحجرها ، لكن فاش كبر رجعت تجلسو بلاصتو ورجع يتجنن باش تهزو فاروق : ( دوز يديه على شعر رؤيا ) الحاجة بخير ؟ روؤيا : ( بابتسامة جميلة ) هههه بابا براء بغى ماما فاروق: (شاف فيه وجاوبها ) الفشوش الخاوي ! ( رجع حط ليه زلافة كرونفليكس ) يلاه كول باش تهزك ماماك براء : ( دفع ديك زلافة غضبان ) مااامااااا ءءء خديجة: كمل فطورك احبيبي فاروق: ( هز حلوى تياكلها ) هكا الوعد على احبيبي !! براااء ! نوض تخرج مع باباك نوض براء : ( تيتهز باغة ينوض ) بابا مشيو خديجة : فين تديه ؟ فاروق: نديه لابريكاد خديجة : صافابا !؟ اش يدير فلابريكاد ؟ فاروق: الالة ديها فشغلك ! خليني مني ليه .. ...اكملو فطورهم ! و خديجة فالكوزينة تتوجد الغدا ؛ روؤيا فبيتها تترون و تجمع ، فاروق لبس حوايجو و شد فبراء هو فرحان يخرج تاوقف لها فالباب كوزينة فاروق: لبسي هدا ! خديجة : راه ترجعو ليا طايح ولا مقصح فشي بلاصة نسمعك لي عمرك سمعتيه! فاروق تابعها للبيت تللبسو جاوبها فاروق : شديه ديريه فالقرعة الزجاج ! ولا حطيه فالفترينة ديكور ! طلقي الولد هنا يخرج يحراش ..لبساتو عطاتو صاكو فيه لبسة زايدة و ليكوش و لي لي بيسكوي ديالو و قبل رؤيا واعدها يجيب لها الشكولا و خرج هو وياه ركبو فالسيارة ..شادين طريق لابريكاد تاوصل ونزل حل ليه الباب اول حاجة دارها براء مد ليه يديه يهزو هو يدور فيه فاروق: زيد تمشى على رجليك ! ...غادي فجنبو لي وقف تيعطيه السلام و يضحكو معاه هو غير تيشوف فالجدارمية ، صوتو ماتيطلعش ، الزايد تزايد معاه و قرب ليه نطق ليه بصوت طفولي براء : ماامااا فاروق: ( تيقرا فواحد ملف ) بغيتي ماماك ؟ براء : ( قرب يبكي ) اااه فاروق: علاش فصباح تتبكي و تجدب ؟ براء : عاودش ...مقصح معاه ! تاكمل شغلو و سد بيرو و خرج معاه جهة اراضي فلاحية خلاه يجري و يهز فتراب و يقطع فالورد ، حالة ماهيا حالة ، رجع مطبع بالحمري ..تا رجع عندو سخفان براء : مبوااا ابابا فاروق: ( عطاه يشرب ) نمشيو ؟! براء تيحرك راسو و فتح ليه فاروق الباب طلع راسو تيقاتل تاجلس بلاصتو و طلع ديمارا غادين فطريق ، بغا يشري رؤيا شكلاط من مرجان هو يشوف حالة براء من مرايا لقاه نعس فاروق : دايزة فيك الصدقة اصاحبي ، دجاج رومي لوا دغيا ..توقف فقط عند بيسري شرا الشكلاط و كمل طريقو ! تاوصلو هازو و فيديه بلاستيكة تا دوز السوارت وخرج عندو .. خديجة : جيتو ! ( جات تشدو هيا تويل ) آويلي على الحالة ؟ فاروق : غير التراب هداك ( مد لرؤيا شكلاط ) هاكي ابايا رؤيا : شكرا ابابا زوين فاروق: يخلي ليا الحاجة ديالي! دخل غسل يديه و تيسمع فينا تتنكر ! حطت لهم الغدا ومزالة تتنكر ! ولدها كرفسو ليها ...ولدها جابو ليها موسخ ..تاتهز داك الغدا و دخل بيت يرتاح ودخلت موراه فاروق : دبا ماغاديش تسكتي ؟ خديجة : فوت عليك براء ! عمرك تعاود تخرجو فاروق: عارفة ديك القضية الرجولة من طفولة؟ خديجة: افكارك التمانيانات خليهم عندك ! براء مزال صغير فاروق: الا من صغرو يبقى يفيق خاسر و يضرب و يغوت ؟ فالمراهقة راه نبيتو عندي فلابريكاد ! خديجة : برا و الباس على ولدي ! مزال صغير فاروق: غمضي عينيك هاالكتاف تقاضو ! براء فششتيه بزاف اخديجة ! كاين فرق بين الحنان و الفشوش .. خديجة : ( تنهدت ) باين غوتي عليه ؟ فاروق ": اجي نعاود ليك واحد لعيبة مقوودة ! خديجة : ياربي انا فين هو فين؟ فاروق : ( جرها تا غوتات ) مال دلمك ؟ ولدك بوحدك ...( تسمع رنين هاتفو ) خديجة : اححح يدي ! يعطيك القطع فاروق: ( زاد لوا لها يديها و حقق فالرقم لي ماشي غريب عليه ) ريحييي ارض خديجة : وجااوب ابعدا !! فاروق قربها للوجهو طار على فمها بعضة مداويها بقبلة ..وفتح الخط للاتصال ...فصل القبلة خلاها تتنهج و نطق بصوت رجولي مبحوح من نفس القبلة فاروق: ألو ** : ( جاوبات بصوت انثوي لعوب لي عرفو ) نعطي عمري و الغالي و نفيس على هاد ألو من لاجودان شخصيا اححح والحووووب _دوز لسانو على شفايفو صاعر واقف على ركابيه تيشوفها امامو مخرجة عينيها من كلام لي سمعت و قلبها تيضرب فاروق : ياااابنت القحبة يااا الماااارجة ! تبررريييت فييييك وعااودت ؟ زهرة : ( تتميل راسها ) وماتسالني حلوووف الا راه شفتك فالكاااس اشاف فاروق : لا وسكرانة مع عصر !! انا نوري دلمك القحوب باش تيطيح .. ..كانت زهرة اخت عدنان البزنانز لي خرج بوليسي صورتو ! سكرت حتى سكرت بان لها لاجودان فالكاس و تتصل برقم خوها لي فالحبس ! رقمو مسجلو فاروق مرارا وتكرارا فتقارير ! اتصل بنفس الوقت بدراري فلابريكاد عاطهم تعليمات يشدوها بمنتف ! الا جابتها الوقت صايكة تشد ويلا مدخلة زلال تشد مهم تربا ، جالسة تتسمع ليه تيسب و يعاير و يتحلف فنفس الوحدة لي كانت سبب ففراقهم نسبيا .. خديجة : خزيييت ! الا كاين شي مصدر المشاكل هو تلفون ! ياك مبلوكي نمرتها ؟ فاروق: ( دوز يدو على راسو ) جهلو هاد القحاب ! النمرة عندي مايمكنش نبدلها و يقدر أي القواد يعيط ليك خديجة : دبا انا كل مرة طلع ليا موسخة ؟! فاروق: كولشي قدامك اخديجة ! نرجع نخلي تلفون مع السلاح ؟! خديجة : ( مكرهة ناضت للبالكو ) مانعرفت ! ...جن جنونو يطيح عليه الباطل !! دم سنانو يكون جالس فامان الله و طيح عليه مصائب ! حيد تيشورط و ودخل حمام غسل يديه وجهو ...بخطوات بطيئة وقف ورائها حاضنها من خصرها و تيقبل عنقها فاروق: البلارة ماتقلقيش ! خديجة: ( تنهدت من أعماقها ) شوف ليك شي الحل مع داك تلفون ولا باالله تنهرسوو فاروق: هرسي دلمو يلعن لي يحيدو ليك ( دورها عندو ) عير ماتغيريش ليا و تغوبشي الضحكة تتواتيك احشيشة القلب خديجة : حشيشة القلب؟ البلارة ؟ الفاظ منين جبتيهم ؟ علاش ماتتقوليش حبيبة و كبيدة علاش ما تتقوليش تتبغيني ؟ فاروق متبعها هو عاقدهم بنظرة جذابة ! جرها بقوة لحضنو ساد الباب بالكو ، تبسمع لها تا سكتت : واحد تيضرب طواجن و عزيز عليه الخلا و تواسع فالبلاد و آجودان اش بغيتيه يطلع منو ؟ الحرش الفعايل و السان خديجة: ونسيتي ؟ تيموت على شيخااااااات فاروق: هاد الساعة تنموت غير عليك ! وشحال قوات فيك الهضرة ازبي ؟ خديجة : الفم لي يقول الزمر؟ يكول تمر فاروق: ( بأنامل يديه دخلهم فشعرها تا جرها بقوة خلاها تغوت ) خدييييييجة ! باغي تجبدي مشكل من والووو ! ياكي ؟ خديجة : ( حطت يديها على يدو تتحيدها ) تتضرني آااي فاروق : ( زاد جر شعرها تا قربت تبكي ) هكاااك تانا تتضريني بهاد الهضرة ديال والو ( تيعوج يديها و راسها ) زماااان كلت ليك القلب لي عندي دتيه ! اش باغة نجبدو ليك من صدري تشوفيه ؟ خديجة : ( تتبرد ) راعي ليا افاروق ! راه الكلام تيجر الكلام فاروق: ( حشى وجهو فعنقها ) منييين عدووو ربك ماشي قد الهضرة لاش تتجابهي ، علااااااش ما بقتيش تتحمليني؟ خديجة : ( بدموع ) فااارووووق ...رخف الشدة و رجع تيذاعبها نفس مكان و قبل البلاصة فعنقها لي عضها و خفض نبرة صوتو فاروق: شششش نتي تتجبدي بلايا ! عمررررك تعاودي تسوليني هاد اسئلة ديال القلاوي! سالينا خديجة : ( تتسرط فريقها جات تمشي هو يشدها ) جاني عطش فاروق : ( شد وجها بين يديه و بدا يفلورطي معاها كانه تيسقيها ريقوو ) اححح على دلمك تتخرجيني على طوعي خديجة : صافي طلقني ! فاروق: ( بتمرد ) ماطالقش ! نزلي ارض فين باغة نخرجو هاد النهار ؟ جننها تادفعاتو على سرير بجنون تتقبلو بجنون ! هو مسايرها عاجباه محمقاه ! تا طاحت على صدرو تتاخد نفس تتلهث فاروق: هدا هو الحب ! عندي البلارة خديجة: تنكرهك فاروق: مهم تتحسي بيا ...ناض سد الباب! كان فأوج اعصابو ، مزاج تيلعب عليه و خلاصو هيا البلارة لي بين يديه! اخر حاجة عقلت عليها هيا رؤيا فالبيت و براء ناعس و هيا بين أحضان لاجودان لي ممرمدها و محنها ! تنعست ليه بين يديه ... فاروق: ( ناعس مقابل معاها ) غادة و تتواعاري ! ( خطف قبلة من شفايفها ) نقتل دلمك و نذفنك تحت التراب ومانشوفكش بعيدة عليا يتبع... للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02