...مساءا بالحومة .. نوصير: منين نضبرو على عووومار !؟ ابراهيم: شد حقك فالورث اصااحبي ! نت خووتك نازلين عليك خليفة: ايه !! شد حقك نوصير: راااه تيكوولو زامل عمرو يتووب ! انا تنعرف جووج زوامل (شير براهيم لي تيجمع ضحكة و خليفة لي داير فيه شوفة عاودها راسك) فكووونط و القااصير ..مجمعين ورجعو نفس موضوع كرة ..تاداز واحد برهوش خبر خليفة ان شي مراة و بنتها تتغاونت مع امو ...تحركوو بتلات ضارين دورة دارهم تتبان ليه واحد حوتة لا بسة جلابة وحدة من صحااباتو ومعاها شي مراة لابسة جلابة و تتهز فيديها خليفة: امااالنا ماالنا !؟ ام خ: جيتي اصكع !! دااكشي لي بقاا ليا ، عيالات يجيو يتبراو ؟. خليفة: (دار عند المراة مخنزر ضربها بنكرة ) شكون نتي اشريفة !؟ مراة: اواااا بلا طنززز !! تفااارق ليااا مع ابنتي ااسمعتي !؟ تفارق منها خرجتي ليها على قرايتها خليفة: (تيشالي بيدو محبسها) هاااو هاااااااو !! الشعااار الوطني اااا شريفة سيرررري شووفي بنتك معامن تتسلكط !؟ مراة : (تتهز باعصاب و لبنت مارضاتش) االا سلكووطة تسلكطت معاك ! فوووت ابنتي خليفة : (طل على بنتها تسكانيها) تتعرفيني اختي !؟ بنت غير تتبكي و ابراهيم تيهدن امو و نوصير تيشوف منين يسلك جرة .. بنت: يلااه اماامااا صاافي .. نوصير: اخاالتي راه غير قوة هضرة و تخنزيز !! هو نهضرو معاه !! دي بنتك و سيري خليفة: اااش !! اااش تهضر و ماااتنعرفش عدووو ربهااا ابراهيم: (تيدفعو دار يدخل لا يطيحو عليه البااطل ) مراة: انت ولد الوازنة !؟ نوصير: ايه اميمتي !! الله يرحم والدين ما بدلي سوايع مراة: على ووجهك مك !! اما هوو نخسر عليه عشرالاف عند بولبس يبربيوه .. خليفة: ااااسيري تا لاهاااي !! وهادي جديدة بااطل تيترمى عليااا .. بسيف فكوو جرة و خليفة ماتيحشمش مراة تكول هضرة هو يعطيها عشرة ...امو مخلاتش ليه و داراري تيهدنوها ...دارت المراة غادة مع بنتها تتسب فيها و تعاير سببابها فيديو شافتو فتلفونها تتباوس هيا وياه ....عقل الام ماقال ليها محيت ولد حومة تمشي ليه ..دوزة لي دوز من حدى دار الوازنة لقاتها نازلة من طموبيل و قفاات تسلم عليها و بقات تشكى ليها و تعمر الوازنة على صحاب نوصير و فاروق من جملة اولى قلع فيلم هز بنتو طلعها و رجع غادي خدمتو وخلا الوانة مزالة شداها بالهضرة ...تكملات على خاطرها ز مشاات طلعات الوازتة سكر مشنن... ..نوصير: واااا بشاار ووو موتيف كون كاان بنادم خليفة : ترريكة قحااب ...تجي انااا دارنا تبرا !؟ ابراهيم: تنكول ليك للعب بعيد !! خليفة: برربي اا تفارقت معاها ...انا هو كوشماار حياتها.. نوصير: باررح تتكبي على زبك !؟ راه غير ذنوب ، قاتل جدك خليفة: (تجمعهم ) قتلنااا حناا ! و حويناا حناا نون جماعة !؟ نوصير: نون قلاوي !! خلي عليك عربية فتقاار .. ابراهيم: اصااحبي راه شي نهار طيح شي طيحة مقوودة !! ماينفعك تاا زبي خليفة: حددها حبس !؟ الحبس رجال نوصير: تتكون تتقيم كي رجال ونطق ..سكت من قرنابي (قوة هضرة) بحال لي شفتك زدتي فيه خليفة: صمت .. نوصير : انا غادي نقاود بحالي ...تهلاو ...تفارقو متجه الدار ..فتح الباب طالع مع دروج بان ليه نبيل نازل من فوق داخل تاهو ..سبقو دخل كوزينة يسلم على الوازنة غير شافتو صعرات عليه الوازنة: آاادوي اسلوم جيارة !؟ متبع ليا دوك رباعة ضحكو على بنات الناس ؟ شداتني المراة غرقت فحوايجي نوصير: انااا الواليدة !؟ اناا غير كنت وااقف نبيل: يااك تنوصيك !؟ بقى ليك غير تبرية توصل الدار ؟؟ اخر مرة شلخت بنادم واش باغي نقتل روح عاد تبرد !؟ نوصير: (تعصب ) واااامااشي اناا !! ياااه نبيل: شكون انت ؟ شكوون صحااابك !؟ الوازنة: و الله الكلب ماتهنيني !؟ تنطلق عليك فاروق .. نبيل: مايدوزش نهارك كامل الا ماطبزتي لمها عين نوصير: مااشي انا !! هيا مليون ماشي سوقك نبيل: هضرة ماشي دباا ..خرج و خلاه مع الوازنة فالكوزينة تتنقي ليه وذنو ...🌄🌄🌄 ليالي كما عادة وصلاتها غيثة دازت تقضي شغالها ..طالقة شعر ودايرة نظاظرها لابسو صالوبيط توب ...بتقالة داخلة صبحات على البنت لب فلاستقبال ..وتجهت مكتب لي مشاركاه هيا خديجة ..فتحت الباب لقاتها غارقة فالخدمة ليالي: بوونجوووغ خديجة: (رغم تعب نفسي الا تتكابر) ماابيل 😘😘...بونجووغ صافاا ليالي: (جلسات قدامها) سووبيغ !! خديجة: اووه سي لاموغ !؟ فرحت ليك ماشيغي ليالي: عقبى ليك احبيبة خديجة: (حطات يديها على عنقها و سهات ) زعما نقدر نبدا من جديد !؟ ليالي: مي بيااان سيغ!! مهم تهنيتي منو ! خديجة: اااودي مااتهنيت والو !! بلوكيتو من كلشي و كل مرة طالع ليا بكونط و بنمرة ! ليالي: شنو بغا !؟ مزال عندو وجه هدا ؟ خديجة: قالك الالة تينتظر مني كلمة !! هو مستعد يفسخ خطوبتو ليالي: اويلي ! هبل هدا !؟ خديجة: عرررفتي اليالي حالفة بديني اول واحد يدق باب دارنا نواقف عليه ، ضد فيه نوريه شكون فينا لي عندو كلمة .. ليالي: بفففف ..سيكومبليكي هادشب علاقات !! خديجة: نو بااديتو !! حنا تنصعبو امور و الله ..تنغطيو شمس بغربال !! و نتنازلو و نبقاو نسامحو ..اما الابوغوميغ فوط الله يعاون ليالي: منين تيكون راجلك !؟ خديجة: هااديك هضرة اخرى !! تتكون عائلتك و مستقبلك بجوج ..لاكن ماشي على كرامتك ليالي: (زيرات على يديها متوترة) عرفتي فرحانة و مخلووعة اوميمطو !! خديجة: نوغمال ....نوضي خدمة تنادي .... ....دازو ساعات فالبيرو هما خدامين كل وحدة تاخد رأي اخرة ..جو هادئ سيدات جميلات و هالة رقي دايرة بيهم ..تادق الباب دخلات بنت استقبال .. : ميس ليالي شي احد بغا يشوفك !؟ هزو راسها فيهم بجوج و ليالي مستغربة خديجة: شي كليون !؟ : مانظنش !! قالي نقول ليك فقط مغيث .. ليالي طلعات معاها حمورية و خديجة ابتسمت لها ..ناضت تتقاد شعرها و بنت استقبال مورها توصلات عندو واقف بهيبتو و كاريزمة ديالو لابس كلاص و مشات ليالي: (وقفات قدامو) salut مغيث تنهد من شوفتها و قرب ليها بعينين نايمين و مد يديه جرها عندو من خصرها عنقها و هيا تبلوكات من حركة و ريحتو بلجاتها .. مغيث: (تيشم ريحتها و يديه تانية تتحسس شعرها تاوصلها حننكها قربها عندو و باسها بوسة ملتهبة فوق شفاها ) : tu me manque me belle (توحشتك زوينة) ليالي: (تسلات بتسامة وجها ) غير جيتي !؟ مغيث: ووي !! جيت ناخدك نمشيو بغيتك ليالي: ااه داكوغ (شافت فساعة ) خااصني نقولها لماما !؟ مغيث: وي جيبي صاكك نقولو ها لها فطريق .. ليالي: جااغيف ...(جات غادة رجعها عندو عاود باسها فحنكها متشوق ليها و كلامها و حركاتها مهبلينو عويناتها تينوضو فيه بركان.. استئذنت من خديجة و خرجات عندو ، فتح ليها الباب طموبيل ودار هو يركب و فطريق خبرات غيثة وافقت ..قلع فطرريق شاد لها يديهاا ...تارن هاتفهاا جبداتو شافت رقم جاوبات ليالي: الو papa سليم: الو بابا !! صافا بخير !؟ ليالي: (طلقات يدها من مغيث هو قلل سرعة تيسمع ) حمد الله .. سليم: اوا تخطبتي !؟ ودرتي لي بغيتي نتي و ماماك !؟ انا ماشي باباك ؟ ليالي: (تزيرات و تجمعو ليها دموع كرهات موقف حدا مغيث ..هو سمع كل كلمة شد ليمن حبس ) مي بابا راه خبرك أذيب !! سليم: وي جوسي !! تانا مموافقش ، هيا عرفات ترفض ليك ولاد خوتي بجوج و قبلات ليك بواحد غريب ..تانا من حقي نزوجك لمن بغيت فولاد خويا اولى !! لي واحد فيهم هبل عليك مغيث طلع حاجب و زير بيدو على فولون وهيا بذات تشوف فيه وترعد تبلوكات ...ماعرفات تجاوب اباها ولا تكلم مع مغيث .. .....زفر بغضب ماشي فنيتو نهائيا يظهر غضبو و يخلعها و يريب حفلة ....خرج جنونز فشدو فولون و تيزيد يفور هو تيشوفها متوترة ....هز يديها و قبلها بحرارة ..حركة فجأة جات فبالو يهدنها و يهدن راسو ليالي: باااباا !! انااا وافقت عليه سليم: الله يهنيك ابنتي !! درت غلط كبير كان عليا نهزك بسيف ولا بخاطر ماتنحرمش منك !! و غيثة ماشي كما وتفكري ..الله يهنيك (قطع) ليالي بقا تلفون فيديها و دموع نزلو لهااا ..تجرها عندو معنقها و تيمسح ليها دموعها .. مغيث: بلا دموع عفاااك !! اوك لياالي: ديزولي !! مغيث: ماتتهمني تاحاجة من غيرك ! جيت قاصد داركم حلال و شفت فيك حوايج لي يخليني نحارب عليك تنحط امييرة فداري ..مشاكل واليديك بيناتهم ليالي: (بقهرة ) عرسي ماغاديش يكون !؟ مغيث: (حرارة غضب شاعلة فيه و باينة فصوتو لي تيلهث ) اناا كااين مافاامي كاينة لافامي ماماك كاينة ...عرسك نخليه يكون اسطووري ليالي: (كلام فقلبها بزااف ..كما عادتها تراجعت و تهدنت ) دااكوغ .. مغيث: (قرب وجها عندو شاادو بجوج يديه ..تبوسها بوسات على شنايفهاا و عينيه فعينيها ) tu m'aimes !? (تتبغيني) ليالي: اي طوا !؟ مغيث: (بنفس بوزيزيون و حط جبهتو على جبهتها نفس حار تيخرج من فمو ) tu es la plus belle chose dans ma vie (احسن حااجة فحيااتي) ليالي: ميغسي !! مغيث عض شنايفو مبتسم و طلق منها ودار سمطة هيا كدالك ...قلع ، مانساش لي داز لي قدامو !! كلمة ولاد عمك لي بغاوك واحد كان هابل عليها ، تحفرات فذماغو ، باي حق يغوت عليها و لا يبين غيرة لي فيه ، عقلو تيقوليه تنازل وتصل بأباها و دير صواب و عقل تيقول ليه تجبد صداع و تعرقل الامور ....وصلو امام محل مجوهرات و حبس ..ماجات تحيد صمطة و تهز صاكها لقاتو فتح ليها الباب و شد فيديها غادين ..كوبل فالمنظر جميل ، متواتين ليالي مثل نسمة و رمز لانوتة و مغيث كاريزما رجولية ....دخلو محل لي اساقبلهم و طلب خواتم زواج عطاها حرية ختيار، استقر ختيارها على خاتم بسيط من ذهب الابيض فوسطو قلب من حجر الماس ... ليالي: هدا .. مغيث: هزو و قيسو لها ..جاها حساب و فصبعها بانت جماليتو اكثر..قبل يديها ..ختار لراسو واحد من نقرة اصيلة و خلص بلاكارط و خرجو .. ليالي: ترجعني بيرو !؟ مغيث: (موقفها قدامو امام باب طموبيل و تيقاد لها شعرها) سخيتي بيا ؟ امممم !؟ ليالي: نووو ! مي تكون مشغول مغيث: (فتح لها الباب تاركبات سدو..ركب من جهة اخرى سرق بوسة فحنكها) من عرفتك وليتي نتي شغلي و مشاغلي ،كولي ليا !؟ ليالي: وووي !! مغيث: تمشي تشوفي دارك !؟ مع سؤال تعمد مايديماريش باش يركز مع ردة فعلها !! دارت مخرجة عينيها فيه بمعنى كثرتي عليااا ليالي: مرة اخرى !! ماجاتش (حشمت تكوليه ماما ماتبغيش) مغيث: تكون ماماك معاك مثلا!؟ ليالي: بوسيبل هههه مغيث دور لسانو فحنكو عقلو خدام ..ديمارا و تيسرق شوفة فيها لي رجعات فتحت خاتم تتشوفو ....هو فصراع ماتفكيرو ..عجباتو ردة فعلها تقيلة و حذرة ولكن واحد عقل تيقول راها تتمثل !! واحد عقل تيكول ليه تتحكر على ضبرة وتجبد صدااع ..خلاها بخاطرها و صلها حتى خدمتهاا و سلمات عليه بلابيز و نزلات داخلة ماقلع تاغبرات حط صبعانو مطوين علة فمو مغمض عينيه متمتع بريحتها لي بقاات فحنكوو .. ....من بعد نهاية دوام تسالمت مع خديجة لي نفسيتها محطمة عالم بيها غير الله و ليالي تتحاول تخرجها من مودها !! غييثة هزات ليالي و خديجة مشات فطموبيلتها للدار .... ..غيثة كما العادة هادئة و اناقة فجميع حالاتها ، بنتها محور حياتها ماتعكز عليها فالمشي و المجي بلعكس تلقى راحتها و صلو دارهم و ليالي هازة بوشيط خواتم فيديها ..دخلات بيتها بدلات لبسات بيجامتها شورط قصير و ديباغدوغ متحررة فملابسها تلبس لي بغات ..خارجة عند غيثة لي موجدة طبلة كوتي ها مالح ها حلو ، عايشة حياتها مع ابنتها تاكل مخير و تلبش مخيرة ماعندها لمن تخبع فلوس ولا تبخل عليها..كلاو بجوج و حوار داير على توجاد العرس .. غيثة: راه كان وصاني مغيث نشوف نكافة و ميكاب ارتيست و طريطور ،دبا بقى لينا لوكال فين نعملو عرس ليالي: اوك نتي تعرفي حسن مني اماما ..(مدات لها بواط خواتم ) شوفي لاباك لي ختاريت !؟ غيثة: (شداتو منها مبتسمة) ...اممم مزيون كنت تنقول نمشي معاكم !! بصحتك ابنتي ليالي: (وزنات هضرة فراسها و دوراتها مستحيل تخبع شي حاجة علة غيثة) ماما !! تصل بيا papa غيثة: (برود رجل على رجل و رجعات شعرها للور ) غير اتصل وصافي !؟ ليالي: (تخنقت ) مامواافقش اماما على مغيث !! تشوكيت بزااف غيثة: (تتهدنها ) لا حبيبة ديالي دموع فال خايب ! بعيد الباس ، شفتي ابنتي شحال تيظلمني ؟ بااغي يقهرك و يقهرني ! ليالي: و مغيث سمع كلشي غيثة: طانيكيط ماشيغي !! راه طون ماغي اونفيتيغ !! خليه يعرف راه كان باغي ياخدك لعائلتو مسمومين محسادين ، و يحرمك مني !! بااغي يعذبني ليالي: (تتمسح دموعها) mi !! اماما ماغياج بلا papa 😢 غيثة عنقاتها تتمسح فدموعها بلا غوات ولا معيور ولا ضرب وشتم ..تتحاور هيا بنتها وحدة تتسمع اخرى ! حنينة عليها و خايفة يبعدو بنتها عليها .. غيثة: نوض احبيبة غسل وجهك .. ...ناضت بيتها غسلات وجها و جمعات شعرها كوتشوفال بانو كتافها و صدرهم منبت كي غزال ..هاد تفكرت تلفون جبداتو من صاك لقات مغيث متصل معاود ، يلاه جات تصل بيها سبقها وفتحت خط ليالي: (بصوت رقيق) الو مغيث: (برنة عالية ) فييين راااامية تلفون !؟ ليالي: كان فصاك ! بوغكوا !؟ مغيث: بووغياان !! نتصل جااوبي داكوغ ؟ ليالي: mi, ماسمعتوش ..باغدون مغيث: ديري لاكام ..سي باكغاف ..شعلت كاميرا عندها عادي تبان بيجامة او حوايج زنقة ...شدات تلفون مع وجها كتافها باينين وصدها ، عض على شنايفو من مشهد كركاعة مقشرة قدامو ، ليالي: طي الاميزون !؟- مغيث: وي ! ناقصني غير نتي ! ليالي: (بحشمة بتسمت) plus proche مغيث: قولي ماماك غدا ندوز عندها صباج نمشيو ناخدو رونديفو من طريطور وداكشي ليالي: داكوغ ! راها ختارت لي بغات ،بقات لي صال مغيث: ااه وي !! شنو بان ليك نديروه فيلا !؟ ليالي: جي با دوبخوبليم !! شوف مع ماما ؟ مغيث: اها نشوف مع ماماك !! تخرجي !؟ ليالي: ههه دبا !؟ مغيث: حالا ليالي: (من وجها باين تعتذر ..مزيرة بغيثة ، ماعندهاش ديك قضية تخرج مور دخول من خدمة ،) جوسوي فاتيكي !! حال مشا مغيث: هههه حال عاد بدا !! شنو زعما ما تتخرجيش!؟ ماكاين كافي ولا ريسطو ولا انيف ولا بواط !؟ ليالي: (ماعرفات باش تجاوب صديقة لي عندها هيا خديجة ولا صحاب لا صحابات غير هيا ومها) كلشي تنديرو مع غيثة مغيث: دبا كاين مغيث !! ليالي: اتديني لي بواط !؟ مغيث: مال لي بواط !؟ كاين بواط فايف ستار طخوب كلاص ليالي: جامي دخلت ليهم !! الا معاك وي ندخل مغيث: (مراقب عينيها دوك شنيفات تيتحركو صابر عليها و صافي..كلامها حلو تيسطية ..بعقلها متبتة ) غادي نساري عمري ونخلي قلوبة يبانو فدوك عوينات ... مكالمة كانت طويلة ..وراها برطمة فالكاميرا و ستقر فالناموسية و اتكى و مذوبها بالغزل و هابط عليها اسئلة فجميع مواضيع ، عرف لونها مفضل هو اسود و موسيقى غربية لي تتبغي و اكل صيني تموت عليه ..لقاو بينهم نقط مشتركة فللون و اكل و موسيقى .. ...كره حياتو و كره خدمتو و كره حوايجو لي لابسهم ..كانت ليلة فخدمة لابريكاد مكالمية جبد عليها بنعسة تما فرش فارض تاضربات فيه شمس ..دار روتينو عادي و شد طريق دار الوازنة ...غادي فطريق تيحس براسو قل صداع لان نعاس ليل صعيب تعوضو و رجع حوارو هو الوازنة .. 🔙🔙🔙 الوازنة: والله اولدي واحد بنية حادكة و ديالت الدار !! فاروق: (رجعات صورة بنت مخيلتو) الوااليدة !! انت بااغي المراة ماشي بنوتة واش نزيد الخل على بوكبار ؟! الا نتزوج برهوشة و نزيدها على رؤيا نخلي وجه حبس لي كانت .. الوازنة: اوا لا تعصبش !! انا غير قلت ليك ! فاروق: (عارف راسو فمو خاسر) هانتي الواليدة شوفي ليا شي بنت ناس فايتة 30 تا 37عام كااع ..راني ماشي صغير ، بغيت لي تصبر و تكابر و تربي ابنتي و تكون شاربة عقلها !! تكولي ليا بنت رضيعتك مزال خاصها طابلية بيضة تمشي تقرا الوازنة: مانشوف ليك ماتشوف ليا !! الله يسهل عليك الحبيب ، غير هاد مرة ختار نقرة حرة .... فاروق: (تنهد ) دعي الواليدة دعي 🔚🔚🔚🔚 ....فتح الباب طلع نيشان عند نوصير ..دفع الباب بجهد دخلة مخزن فالدم ...لقاه مكرشخ على كرشو و معنق توني راجا و بيت كي جردة كلشي خضر ..(دور عينه فبيت بانت ليه كانيطة كوكا حدا راسو هوها لقاها عاامرة مافكرش جوج مرات خواها عليه تانقزوو نوصير: (تكعد تينقز ) ااااه وااااا مرررض فاروق: (وقف قدامو بعينيه كي صقر عاقدهم و يديه عروق منوفيخين ) تههززز تقاااود تهزز نوصير : اااصاحبي !! هضر بفمك ماشي بيديك !! فاروق : ( تيطوي كمام قميجة و عروق زادو برزو مع ذراعانو ) اهاا !! ماكلتي عيب ..نهضر بيدي نوصير : دبا غير نوضو الصدااع للواليدة !! فاروق : (قرب ليه دفعو تاجا جالس فوق ناموسية ، راه فطولة فاروق و كتافو من كتافو لاكن عارف فاروق الا شدو يغلبو ويكمل عليه فلابريكاد و دارها ليه فصغرو نهار حصلو دخل سكران داار ) الوااااليدة !! منين عااارف الواليدة تتقلق لاش مخلي دوك رباعة كازا زرقا (ارخص نوع من كارو قطران) يكدموك !؟ بااغي تحوي !؟ سيررررر بعيييد ! باغي تدوخ بكويساات سير لهييييه !! بااغي تجلوق مع قاصراات بعدددد نوصير: (دور وجهو عارف راسو حصل) كوون هاني اخوياا فاروق: (هبط راسو عندو بنظرة تتطير و صوت خشن ) رااك كابو سكوادرا !! ياتبع كرة ياتبع تحواانيت صحابك ..نزيدك راك مراقب من صحاب الوقت (بوليس) وشحاال مابقى يقرقبو عليك و يدوزو عليك يديرو ليك احسن حوية (تينبه بصبعو) وكوول !! كااالها فاروق نوصير : انا مااتنقودش سوايع مع صحاب الحال !! العالم تيشجع .. فاروق: هاديك فبلادي ظلموني ايدوزوها ليكم !؟ نهار كلاسيكو لي تتقلب حرب على زامل بوكم !؟ شكون موراها ؟ نوصير: واااماتنوصلش اصااحبي لدااكشي ..اخر ماتش داز نااضي فاروق: سكت كيضااار لي حطك ! حماااار و تبقى حماار ..دخلة تيران محيدين ليكم قراعي الما و مخلين سلاح يدوز !؟ تتجيك عاادي نوصير: صمت ..نوصير كل مساج كالها ليه خوه فاهمو و حاافظو ..عارف كل فرقة وخصوصا نهار كلاسيكو تاينوض صداع و شغب و ضرب و جرح لي تيأدي قتل ارواح بريئة لان جهات مختصة عندها مصالح تنوض بينهم و فاروق رجل دولة و عارف خبايا و خايف على خوه و الوازنة لي تمشي فيهاا فاروق: واااش تتعاند مخزن انت شوية ملاض !؟ نوصير: (تيدوز يدو على راسو و يعض فشنايفو ..راه يقتلو مايتفارقش مع رجاا ) وصااافي فاروق: (بصوت ناقص نبرة تهديد) ختار جوج حواايج !! يااا تخدم مع نبيل يااا غادي ندخل ليك فعظامك نوصير: وماااتنتفاااهمش معاااه !! فاروق: دبااا خوووك ماتتفاهمش ماتخدمش !؟ اش نكول انا لي مقوودة عليا !؟ فوف مني 12 شاف كولها يمرضيك من جهة !؟ يااااا تجممع كرررك ولا نشتتو دنمك نوصير: (هز توني لبسو و قف حاني راسو تيلبس صبرديلتو ) صافي هضر معاه انبداا فاروق: راااه مانعااودش هاد زاابور !؟ نوصير حرك ليه راسو و هبطو بجوج ..صبحو على ااوازنة و فاروق هز بنتو تيبوسهاا ..تا رن تلفونو قشع نمرتها و جاوب : الوو بديعة: الو انا نجي ندي رؤيا ..حط رؤيا من حضنو ..وخرج جهة دروج .. فاروق: اسمعي ااااختي!! وجهك مانحمممللللش نشوفو !؟ صيفطي مك ، وراه لي جابوك هازة فراش يجيبوك ليك الا زيكزااكيتي .. بديعة: صمت فاروق: ونزيددك نلقاك فوق ما كالها ليك كررك تصوني !! خبارك يجيبوه التالين !! تلاحي ابنت قحبة ..(قطع) ...قطع عليهاو هيا تتسمع و جها تيتزنك !! مابقاتش قادرة تجاوب ،خسرات حقها فيه !! منين جات من محكمة و هيا غير ساكتة ..ماعرفاتها نذامة ماعرفاتها راحة البال..بقات ليها تلتيام و تمشي تركياا ...صرفات شيك وشرات تلفون جديد و صبغات شعر و قطعاتو وشرات حوايج و باليزة حالفة تعيش حياتها وتخرج ز تشوف .. اميمة: (دخلت عندها بيت) اش كالليك !؟ بديعة: صيفطي مي تجيبها !؟ بحال انا مشتاقة فيه اميمة: مالو هو مايجيبها !؟ مككك تمشي تااعندهم بديعة: انا نخلص لها طاكسي كورصة ..انسافر بغيت نشوف ابنتي .. اميمة: تحططي رجلك تنساي خرا كلو ! غربة تتداوي ، و ضربي ليا على بقلاوي ااح قلبي بديعة: اممم نهضر نعاهم باشارة كي زيازن !؟ اميمة : لا لحواا خاصو كلمات هااااهااا هاااا بديعة: لا خااص غير زابااا هههه سيري تقاودي بقى ليا غير قحوب انا غادة نفوج اميمة: شتي نتي برب تا تتسيفي كي تاتة و تتكولي ليا شي ماعرفتي !! قحبة مقطررة راكي ختي عارفاااك سمك السم كوبرا بديعة: (سكتات تتدور فعينيها ) عيطي لماما عيطي ..نزلات مها على وعدها و سعدها لبسات جلابتها و شدو لها طاكسي كورصا ديها و تجيبها ...... فالباب الدار فاروق واقف تيكمي بنات حومة عاد جاتهم سخرة و شراجم و علاس الا نبيل و نوصير بتلاتة واقيفن رؤيا تتلعب قدامهم ...تاوقفات طاكسي غير حلت الباب شافها فاروق مد لها صاك رؤيا و باست عمامها و باباها و ركبهاا مشاات ..... نبيل: عذاب صاحبي دي و جيب فالبنت فاروق: (حرك راسو بلاحول ولا قوة ) تهنييييت نوصير: انا تحركت قهوى !؟ نبيل: تحرك ولا طير هنينا غير من صداااع ..حرك راسو باااه و تمشى مخيخ ، دخل قهوة لقى لبراهيم حاسي راسو فتلفون .. نوصير: فين دنمو داك قصير !؟ ابراهيم: ههههههههه صباحو نوصير: بقوة ماتتعاشرتي مع بنات فالكروبات افكونط تولي تجي دنمك الدم ابراهيم: هههههههه تا راهم خطاار .....تيتكلمو تاوقف عليهم خليفة خليفة: الخوت !! تمشيو معايا الفقي !؟ نوصير جالس ماعندوش فين تكيل ليه ، سمع خليفة اش قال لا كان ماشافش فيه طالق رجليو بطول و شابك صبعان يديه و مدور وجهو و ابرااهيم وجهو فتلفون.. خليفة: (طق طق بصعانو فوق طبلة) اولاااد قحاب !! راني ضاايع نوصير: سيييير اصااااحبي شكووون شدددك خليفة: (حول نظرو ابراهيم) لعشير !! ابراهيم: (هز يديه معصب) ريييح اززبي !! خليفة: (جر كريسي جلس روحو تزهق) ليل كلو طالق قرآن و ليل كلو تندير قيام ليل واااالو خووت ..راس مالي مشا !! نوصير: شي انااا حاسدك على حاجة وحدة !؟ (خليفة تيشوف بنظرة قول) ...تشهد جناازتك بعينيك محولولين خليفة: (جالس و تيتطرا بيديه قصورية معقداه) اااش درت !؟ بحالي بحال اي رجل مغربي .فين ماكاين زهوو انا تم !! ابراهيم: واش ما تتقيمش !؟ خليفة: (تيشوف جنابو) وكووول نوصير: (شبط معاه بضربة قرفادة ) اووولد هاااربة كاين شي قيام ليل !! ليل كوولو ؟؟ ااه رجعتي من صحاب عباادين حريرة ؟؟ خليفة: غير ندوووز هااادي ونتوووب ابراهيم: فين جاا هاد فقي !؟ خليفة: فحومة شومور ! نوصير: تكعدووو شريوه !! انت فكونط باش يرقيكم مزياان ابراهيم: ااه للحااية مكبوتين خليفة: انااا مخدووم !! خاصني فقي نفك عقدتي نوصير: تلااح تقاااود درتي ليا آرارا !! بسبابك صبني لاجودان خليفة: (ناض وقف بغا يعنقو و نوصير تيدفعو ) البزيززيلة اخويا نوصير .. ابراهيم: دير خير اخاا نوصير لقاه نوصير: مع هاد القصير مااكاين غير جهنم... ..شدو طريق للفقى و نوصير طريق كلها هو يسب و عاير فيه و خليفة مرة مدور راسو يمين مرة شمال ...توصلو حومة مقصودة ....الفقي كان عندو محل التوابلو كا مايخص عشوب و زيوت ...لقاو معاه شي بنات ، نتظرو تا خرجو و تقدم عندو مول مصايب خليفة: هاا واحد سلام عليكم اسي فقي فقي: عليكم سلام و رحمة الله بركاته !! اش حب خاطر ؟ خليفة: عندي واحد مشكل محتاج استشارتك !؟ فقي: (حن حن و قاد قبو) اشر ليهم يجلسو ...اها على مولانا خليفة: انا اسي فقي مخدوم !؟ فقي: خير انشااء الله ..احم احم .. ناض داك فقي هبط كراج حانوت نصو تيعني بيها راه مشغول ..رجع عندهم جلس تيسول فخليفة اسئلة شخصية ...جبد ورقة بيضا و قصبة منجورة فراس ديالهت على شكل قلم رصاص و طاسة حداه فيه ماء صفر يسمى (صمق) جلس يخطط و يكتب و يعاود تانطق فقي: فايت حاضر لي عرس !؟ خليفة: وواامدة هاادي فقي: (تيشوف ديك ورقة) لاحياء فالدين اولدي !! ذكر ديالك نعسوه ليك بذاك سحور لي تخطتيه عن غير قصد ...كمل هاد جملة و دراري قلبهم مشى و جا !! سحور متخطي !! يعني كان يكون واحد فيهم ..نوصير بقا غير تيشوق و ابراهيم بلا مايشعر حط يدو على معلم زير عليه ... خليفة : و الحل اسي فقي !؟ الفقي:سحور خاصو يزول !! لاكن خط طالع ولا ابليس !!(هز يديه تيعاتب) ماا تصلي !! ما ذكر الله !! خليفة : (شاف فصحاابو كلهم ) الله يهديناا اسي فقي .. فقي: غادي نقاد ليك حجابات ..دوش بيهم وقوم بواجبك ديني !! الصلاة و الصوم و الزواج و العمل ما وجبهمش عليا الخالق عبث .. ....جلس يحرز ليه تما و شي 4حروزة ...ومد هم ليه و شرح ليه و خلصو وخرجوو راجعين .. نوصير: وطررريقك كحلة ابراهيم: تطير هانت جبتيها فكررك ..و حرز مع فقي .. نوصير: و تيقتي دبا هادو خونا !!؟ راه تيبيعو ايمان ، تيدخلك بديك صلي وكدا و كدي !! خليفة: (تبلوونطا من جميع جوايه) يبيعني عجل نرجع نحويه ... ابراهيم: سير اصااحبي الطبيب !! خليفة؛ نمشي انااا طبيب ونجبد ليه زبي يقلبو ؟ غير يدير ليا ميساا و مسامح ليه نوصير: افلامك برررب ماتيتقاضاو ....يوم فقي غدا نصبحو فسادات داين شمع و ماء زهر خليفة: حشي لياا فالهضرة هاادي هياا عشرة ..و ليت نتعااير بشمع ... ابراهيم: ماامزوج !؟ ماا واقف على زواج !! فوق ماا تفكيتي خليفة: هااهضرة تقوااديت طليهاا !! زبيي يقيم ولا نوض قياامة نوصير: زيدك مع زوامل .. ...تعصب و تغذد ..كره نهار لي طلع عرس ..تا تخطي هاد للعجب ، كي يدير يعيش بلا يقيم باش يشد مكالمات ليل مور 12ليا و باش يطمع دوك قاصرات لي دايرين بيه واهم شي باش يدير ااولادد 💍💍💍 ...بعد مرور اياام ...و الحياة تستمر ، ابدااا الحياة ماتتوقف عند شي احد ولا على اي احد ، من غير الله سبحانه الا وقفك بمرة و ارسلك للدار الاخرة ...لهدا المرء ماحدو تيتنفس و عايش يعيش... لايدوم حزن ولا يطول فرح .. الايام لي مرت تغير لي وقعو فيهم ان فاروق شد طلاق نهائي وعايش الحياة اليومية مابين لابركاد و دار الوازنة و مع رؤيا لي دوزات ايام قليلة مع بديعة ورجعاتها و هيا شدات طريق تركيا مع اميمة ، اما نبيل غارق فلاريفاي تايخرج الصباح حتى العشية تيرجع يجلس حدا ميمتو و يشوف شنو نااقصهاا ..اما مغيث فكانت عندو هاد الايام حافلة بتوجاد العرس الاسطوري لي واقف عليه بنفسو مع تنسيق مع لالة غيثة ..فيلا كراها من احد المعارف فالداخلية كلشي تعربن من a-z ...واليوم العرس اخيراا هو غدااا كولشي وواجد .. ....داخل لافيراي .. ..من نهاار نبهو فاروق علة خدمة ، من تما هو خداام ..نوصير ابتسامة قلالت على محيااه ، عرج هاادئ فالبيت من غير الا تلاقى مع ثلاتي تيدفولا شوية ... ..لابس سبرديلة اديداس و سروال دجين و توني راجا واقف على سلعة لي تتوزن و ييقيد و يدوز لنبيل خلاص .....فاش تيكون هوايتك و حلمك و طموحك و حياتك غير المفضلة للغير !! تترجع تترتدي قناع غير !! قناع لي يعجب الغير و يتفادى نتقاذاتهم و استهزائهم ...(نفس حركة دائمة حط يديه على شعار و طبطب عليه) ..هياا راجاا !! الا للون الدم لي تيدوز فعروق الاحمر نوصير تيشوفو اخضر ..هيا كلمة رجا لي تتجيب ليه تبوريشة !! هيااا رجاء اوكسجين الحياة عندو !! ..هو كااابو سكوادراا ..لابس الخضر و تيطلب فاش يموت يتكفن بالكفن الابيض و زيدو عليه تيفو رجااء ..هوو لي تيوقف يسير 80 الف حتى 100 الف مشجع !! يسيرهم بصوت وااحد و حركة وحدة ....الا ناس تيفرحو بالمال و الجاه و البذخ و الفيزا ..نوصير تيفرح فاش تيسمع تيراان تتيتهز باصوااات ذات حنجرة قوية تتهز فيراجات طريق ...رجااوي حتى نخااع ..رغم رفض البعض (عائلة) للرجاويتو !! دائما تيسمع .. اش عطاتتك راجاا !؟ ااش تربح من رااجااا !!؟ كرة ماشي ديال مغرب خااصك اوربااا .. ..قلبووو تيصرخ و دم تيضخ بدافاعو عن الخضرا...الهضرة طالعات فرااسو !! مشات اروااح شباان و اخرين تهمووو وبشهور حبس تحبسو ....حبسوو عليهم تيفوو و خاربهم بكل طرق ..منعو تيفو و جماهير من حضور مباارياات ..لاكن ديماا رجاا و ديماا خضراا ..رجاا هياا لي توواسيني ...حس بدمعة هابطة علة خدو هو فعمق البيع و شراا ..مسحها مانع دمووع اخرين ..هدا هو نوصير ولو تعطيه اعلى منصب فدولة ما يطربوش مثل انه يكون كابوو للرجاا .. . كمل خدمتو و نبيل لي مدة عمل هو مراقبو ..كان هو ويااه كي التيار كهرباائي فالحوار ..لاكن مؤخرا رجع اهدى من هدووؤ بحر .. نبيل: مشيناا !! نوصير: (شاف ساعة) فين اصااحبي مزال وقت نبيل: غداا عرس خوك !! نوصير: بسسس ههه برب تامشاات ليا من الباال .. نبيل: غادي نوصلك عند فاروق تهز طموبيلتو ، تهبط فيلاج تجيب رضيعة الواليدة و بنتها و ترجع !! نوصير: (تيعض شنايفو تيتشفو ليه) سير عالله ..ضبرونا فشي كوستيم نبيل: مغيث مكللف بكلشي !! ......شدو طريق وصمت يسود عقلية نبيل لا علاقة مع نوصير ..اصلا واحد ودادي لاخر رجااوي تانخاع ..حطو فلابريكاد دخل عند فاروق لقاه تيكشكش على شي وحدين ... فاروق: اااش فبلان !؟ نوصير: عطيني سوارت نهبط فيلاج .. فاروق: (تنهذ من قاع قلبو) صبر !! .. اسماء: (شافت 200درهم فيديها) تتضحكي عليا ياكي !؟ فطوش: اويلي الضحك رااه فيك ..راه يسمعك (باها) تتنزني يهرسك اسماء: (تعصبت و دموع فيعينيها تتهضر بهمس و عصبية رمات فلوس) مااااشييي سوووووقي !! حطي فلوس فطوش: كري تكشيطة بربعلاف آش باغة !؟ اسماء : (دموع هبطو لها) هيءهيءهيء صبنت زرابي و طلامط و كواش و صبغت بيت سطح و نطيب !! تا من دجااج نوكلو ، فلااخر عاطيااني ربعالاف فطوش: لاااختي انا جبتك خدامة اسماء: (تكفضات تاني صاعرة) اواا كووليهاا راااسك !! محيت انا بنتك حطي زرقا اخرى و خليك مزيانة .. فطوش: عرس ماليه وزهااكة جيران (تتجبد بزطام من صدرها ) انزززيدك ميااات درهم ... اسماء : (رجعت دمع تاني و تغبن ) ولا امي ! وعفااكي عرس فيه ناس خانزين فلوس وعفااكي .. فطوش : كااع لا تحلمي ماابقااتش لاموض يخطبو ففالعراس اسماء: تيخطبو غالجنازات !؟ ..زيدي كملي تمنالاف ! ..يلاه تجاوبها تسمع صونيت فالباب بتلفة فطوش عارفة نوصير يدوز لهم خطات بزطام و هبطت تحل ليهم ..اسماء تبعاتها تا سمعات خطوات دروج ..طارت غلى بزطام جبدات فلوس جلسات. تحسب لقات تما شي 1500درهم ..هزات 200درهم و رجعات فلوس لاصتها ..وهزات 300درهم لي عطاتها و مشات بيتها تلبس و ناشطة تتهضر بوحدها .. بنت لي تكساب و تخبع فلوس !! باينة ابا عطاها تعطيني شي الف درهم و هيا تتمقشش !!كما كانت ندير فصغري يعطيها فلوس طيبب ديني طبيب حومة و تشري ليا دانون ونا كي هبيلة نجي ضااحكة ... لبسات جلاابتها ورمات شال وجها منور ضرباتها فتحميمة فين ماكاين شي ماسك طليعي طلاتو ..لبسات صبيبط وصاكها وخرجات تتفرنس..لقات فطوش جاية عندها ..هبطو بجوج سدو الباب طلعو طموبيل لقات سلام و طير بالغرحة تخرج من فيلاج غادة عرس ..تانطق نوصير نوصير:ههههه خالتي فطوش هاادي لي ركلها حمار نهار هيا فاقدة ذاكرة اسماء: (عاد نتبهت شكون صايك ) هههه خويا نووصير ههههه لباس فطوش: هيااا هادي اولدي ..من داك نهار ريزو هارب.. .....شدوها بضحك و هضرة مع نوصير فوجو عليه ..ااسماء كانت صغيرة تجي عندهم ويخرجها معاه هو يلعب كرة هيا تحضيه ..من غير فاروق لي مرفوع بتعب خدمة .. 🏠🏠الدار الوازنة ..دار الوازنة ..فيها فرح !! هادي الهضرة لي دايرة فالحومة ...موظف تزوج !! من غير هادشي ماقفلو فالاخبار ...علاش تيقول ليك الحاجة المستورة تيسهل فيها مولانا و الوازنة مولات العقل كلمة ماتخرج على فمهاا ..مغيث...تيعلمها بكل خطوة لي تيقدمها فالعرس ااميمتى راه كريت فيلا !! ااميتي راه خلصت نكافة!! ااميمتي واش ندوز عليك تمشي معايا انا و نسيبة تختاري معانا ! تتكتفي بالرضى عليه و الموافقة على كلشي ...مربية ولادها الرجال و تايقة فيهم ...ماتحتاج دخل فالصغيرة و الكبيرة ولا دير العقدة فالمنشار لان كلمتها الا قالتها اولادها سمعا وطاعة ليها !! لهدا هيا تتخلي كلمتها الكلمة حق !! اوالادها على حقها دايرنها تاج فوق راسهم .... ..مغيث قايم بالواجب شرا لها طوب فالتكاشط من ممصمين لي تيتعامل معاهم و رؤيا شرا لها لاغوب و تامن خوتو شرا ليهم كوستيماات ..العرس يكون من وزن ثقيل و يحضروه شخصيات بارزة هو عائلتو هيا وجهو مع الناسو و معارفو .......لابسة قفطانها صالون فيه عائلة زوجها المرحوم عماتو وبناتهم لي مزوج و لي مزال ..تا دخلات عليها فطوش و اسماء تعنق و تبوس فيها فرحانة ليها هيا لي بقات ليها من ريحة عائلتها .. فطوش: مبرووك عليك ارضيعتي .. الوازنة: ولهلا يخطططيك ارضيعتي !! جاياني نهار بنهارو !! فطوش: (ناضت عنقاتها) لا وايلي رضيعتي اناا معاك مور عرس تا قنطي مني .. الوازنة: (تتبسم ) احيااني كاين لي يقنط من حبابو !؟ امرحبا باسماء اسماء: ترحب بيك الجنة اخالتي الوازنة .. فطوش: (زربات عليها) حيدي جلابتك ونوضي كوزينة اسماء: (بابتسامة الله يكثر من امثالك امي) وخ مي الوازنة: (جراتها تجلسها ) احااي !! طلقي من البنت ..كلشي رااه مقضي ...نوضي للعبي غير مع رؤيا راها شادة تلفون فبيتها اسماء: (تتضحك بفقصة ) اها اخاالتي ..فينو بيتها !؟ الوازنة: فبيتي ابنتي تالت على ليمن .. ....مشات خلاتهم تيتهاودو تاطلع نوصير اسلم و طلع بيتو و تبعو فاروف اسلم تاهو طلع فوق .عارفين الوازنة تتبغي تساع و حترام و بنات عائلة كلها و نيتها ....تاقرب العشا و فطوش خرجت اسماء ضربات فواطة على قشابتها طويلة لي لابسة وجامعة شعرها فوق ..تتوجد فالعشا مع جارة الوازنة نجمة لي كارية عندها تحت الله يعمرها سلعة ... ..اسماء: شنو سميتك !؟ : انا سميتي نجمة اسماء: انا سميتني اسمااء !! نتي ساكنة عند خالتي !!؟ نجمة: ااه شي عامين دبا انا ورااجلي !! اسماء: سعداتك اختي !! ورااجلك مخليك طلعي عند جيران !؟ نجمة: (حمقاتها و ضحكاتها ) الا غير منسبات وصاافي .. اسماء: ااااه ..مسكين من مغرفة وحدة ..وختي خدامة تتقراي !؟ عندك وليدات !؟ نجمة: هههههههه الله اربي ..مزال مزال ربي مارزقنا !! انا معلمة فناذي نسوي اسماء: (مسحت يديها وضارت عندها بحال لقات الكنز) يااه نتي استااذة !؟ يااختي تباررك الله عليك !! تتحمقي بزين ، الله يرزقك ختي ذرية صالحة والله الا دخلتي ليا فقلبي كاكرهتش نعنقك نبووسك .. نجمة : (تتمسح فطباسل وضحك) لهلا يخطيك احبيبة تانتي تتحمقي .. اسماء: (بضحكتها طفولية) كولي ليا ختي !! انا تنطرز الفاسي و ندير تكرير و ختي بغيت نتعلم ربااطي و راندة و فصالة و خيااطة .. نجمة: تباارك الله عليك ..اوا دخلي تعلمي !؟ اسماء: اااه دارها ليا غير العكز !! (شافتها تيقات و هيا تنطق) وماااكرهتش ختي ولاكن شكوم خلاك . ....دخلات الوازنة تتشوف عشا فين وصل غرفات لهم و اسماء تتحط نسا و نوصير تيحط رجال وهيا غادة جاية ها معلقة ها طبيسيل ها خبز ..و ماتتعياش غير عطيها سخرة و هداي عليهاا ..جمعات روينة عيالات ونجمة هبطات مع راجلها و بقات ديك كوزينة تشطح ..كفضات كمامها و تصلت بحكان و غسيل ..عيات معاها الوازنة خلى حتى صباح والو مابغاتش الوازنة : فاروق مغيث جااي !؟ فاروق: (مجلس رؤيا علة كرشو ) و الله ماعرفت .. نبيل: مانظنش !! راه حتى 9 عاد تفارقت معاه ..كنا تنريكلو شي مسائل فداار .. نوصير: الواليدة بنت فطووش بوحدها فديك كوزينة!؟ الوازنة: عيت معاها مابغات ...الله يرضي عليها معاونة .. رؤيا: هههه ماسا فاروق: (طرشها طريشة خفيفة تيضحك) آااامااشاا ..صاحبتك مااشااا نوصير : (تيقهقق بضحك ) محطووطة منصووطة ههههه (غوت باعلى صوت ) وا مااااااشااااا ..هبيلة تمات خارجة تتضحك ويديها فيها رغوة تقدمات عندهم برائة .. اسماء: نععااام !! شكون غوت ليا .. نوصير : هههههههههههه الوازنة: الله يمسخك اسلوم جيارة .. فاروق: (هضر بهمس تيحذر) كن تحشم اصااحبي .. ...عرفاتو تيضحك وهيا قشابتها واسعة ..رجعات تكمل ماعنها و فطوش تتصلي لي فاتها ... نبيل: أْمي شكوون هاد بنت !؟ الوازنة: هاادي بنت رضيعتي فطوش ..كان تجبيها هيا صغيرة هنا .... نوصير: هههه ديما مسكينة جاراها طبيب .. نبيل: جاية بوحدها !؟ الوازنة: جاية مع مها !! ...بغات تكمل هضرة هما عيطو لها من صالون لهيه ناضت عندهم تبعاتها رؤياا ..خلاتهم .. فاروق: (عرفو مايسولش من فراغ ،ظن انه شافها فشي قنث) اش تما !؟ نبيل: (وقف تيهضر بزربة ) هضر ليا مع الواليدة على هاد البنت ! باغي نتزوج .. رمى هضرة ناض طلع بحالو خلاهم تيشوفو نوصير: آش كاال فاروق: حال فمك كي حمار !! (تيكلم بصيغة غائب) حماار هدا .. نوصير: تكولها الواليدة !؟ فاروق: تفكات مع مغيث !! نزيدها 111 نوصير: عقبة ليك فاروق: تهززز تقااود ...يلعن بو لي يشد معاكم روبو جلس شد رااسو مزير عليه مايفكو غير كارو ..طبيعتهم فاش تتكون شي حاجة مهمة تيرموها فاروق مع فاروق تيهرب راسو من مسؤولية لي فيه كافيه تيرميها مغيث ... .....بحق محبتنا للك واجبنا فرحنا معك .. ...افرحي يااعروسة ستلبسين ابيض وينور حياااتك ..وذبلة من الماس فاصبعك شراينها متصلة بنبض قلبك ...يوم المُنى آتا و حلالك اتى كي يتوجك اأميرة الكل .... ..ستودعين غرفتك و مرآتك و تحملي معك ذكريات فقط ....ستودعين اسرار البنات و عناق ست الكل ..ستودعين غرفتك للتكوني ملكة قصرك ...انت العروس زمانك يا لياااالي #حفل_توديع_عزوبية بعوينااتها #لوزيتين ..مأثرة بزااف و دميعات على طرف عوينااتها ، لابسة غوب سهرة بلوون موف سامبل طويلة بلا كمام ..و فرحة فمحياها من أثر تجمع احبابها بيهااا ...بتناسق مع غيثة و خديجة وجدو كل كا يلزم حفل ..كيك خاص بمناسية توديع عزوبية خاص بالبنات ..ماكاين احد الغريب فقط عائلة غيتثة خلااتها وبناتها ..طلقو الموسيقى و ضحكات تعلاات بيم البنات و ليالي عين معاهم و عين مع تلفون لي تتصور ليه ..الايام لي مرت تلاحمو و زادو تفاهمو و تقربو هما تيوجدو عرسهم ، قطعات الكيك و خداو تصاور بيناتهم مع دعائهم ليها و تهنئتهم ... ليالي: (دخلات هيا و خدوج بيتها) اووو سي مانيفيك (عنقاتها و باستها ) ميغسي ماااشيغي خدوج: بصحتك ابب ..صراحة فاش قالتها ليا ماماك سامشوك ههه هادشي ماشي مغاربة هههه حنا معروفين بلليلة حناا ليالي: وووي سيفغي، مي ماما شافت بنات خالاتي اواا تتقول هما باش فايتنهاا .. غيرو حوايجهم لبسو بيجامات شورط خفاف و تجمعو فناموسية تيتعااودو تترن هاتف ليالي فواتساب بكاميرا فتحت خط تتضحك لياالي: هااي بايبي أذيب: بونجوغ بتوقيتي هههه مبرووووك ..باي باي سينغل ههه ليالي: يااااس هههه ..ميغسي أذيب: (نتبه جسد حداها بلا وجه) ماما حداك !؟ ليالي: سي ماكوبين خديجة (وجهات لها كاميرا) أذيب: (شير لها بيديه مبتسم) اهلا خديجة لبااس عليك !! خديجة: (بإبتسامة كما عادتها نابعة من قلب) صاافا حمد للله !! كدرتي نت مع غربة!؟ مبروك بوغ ليالي اذيب: الله يباارك فيك!! راكي بلاصتي تهلاي فيهاا خديجة: الله اودي !! الله يكمل عليها بالخير.. ليالي: ماكرهتكش تكوون بروو !؟ أذيب: مااعليش !! قريب قرييب نجي ..نخليك عندي جتماع !! مبروك عليك غدا نتصل بيكم للعرس .. ..شير لها وتيصيفط ليها فبوسات فهواء وشير لخديجة و قطعو معاه ..عنقات خديجة تتمخش فيها تبرد شوق خوها .. خديجة: اااو اااو ..بقا ليك 24ساعة و تمخشي فيه هههه ليالي: هههههه بليز .. خدوج: اوهووو ...قولي ليا !؟ ليالي: (شافت فيها مزنكة من حنيكات) وووي خدوج: مااخاايففااش (غمزتها زعما دخلة) ليالي: (تسطحات تتكسل و تقلب فعينيها بنشوة) نوو ا للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02