الرئيس:قدر الأمن العام باش يشد جاسوس منهم عدنا و دابا غادي يسلموه لينا بغيتكم باش تكلفو باش تسلموه منهم و تاخدوه تحققو معاه حيت يمكن يكون عارف بي بلاصت عميل ديالنا لي عندهم
أناس:واخا غادي نساليو المهمة ديال طانجة و نشوفو هاد المهمة
(كانت ديك الساعة 11 ليل )
نورة :يومين ما نعسنا غادي نمشي نرتاح
(سلمو المهام ديال المراقبة لوحدين من المساعدين لي تما و مشاو نعسو )

..صبح الصباح و هوما مازال ناعسين
اميمة (كتدق على اناس وياسين لفي بيت وفيقاتهم و مشات عند ايوب و عبد الصمد حتا هما)فاقو فطرو و بدلو حوايجهوم و مشاو المدرسة باش يقراو هملو القراية فهاد ليام
..داز الوقت دغيا و هوما جايين من المدرسة دازو لدار كانت ديك الساع 16.00
انس: وصل الوقت
مشاو المقر دخلو الغرفة ديال الاسلحة خدا كل واحد بندقية و لا شي سلاح اخر و داروهم في واحد محفاضات كبار بحال هادو لي كايكونو فيهم الݣيتار و الات العزف خداو كولشي داروه في السيارات لي كانو ورى المبنى دغيا حلو ليهم الحرس الباب و طلعو في جوج سيارات وقصدو واحد بلاصة فيها طائرات الخاصة مع وصلو تلقاو بواحد من رجال الرئيس لي هوا احمد
احمد : على السلامة.غادي تمشيو في الطيارة باش توصلو بكري يلا طلعو.
اناس(دوا و هو كيشوف في غزلان):مال وجهك ماشي هو هداك
غزلان: كنخاف من العلو و مغاديش نتحمل نحس بالطيارة غادي كتعلى لفوق
اناس ؛متخافيش مغادي يطرا والو
طلعو دراري شدو بلاصهم بقا غير اناس وغزلان معا طلعو جلسو حدا بعضياتهم دارو حزام سلامة غير بدا غادا طيارة طالعة غزلان بدات كتغوت و غمضت عينيها و شدت من يد أناس كارزا عليها حتا غرسات صبعانها فيدو من بعد ماستقرات الطيارة في الجو حلت عينيها حنا كتلقى دم فيديها وشافت فيد اناس كانت عامرة دم
غزلان : اشنو هادشي سمح ليا و الله مكنتش قاصدة
اناس:ماشي موشكل موقع والو
جبدات سبارادراف كانت عندها ودارتها ليه
الطريق كاملى و الدراري كيضحكو وكيتحتو كين فيهم لي نعس وصلو دغيا هبطو تاصل بيهم الرئيس
الرئيس:دابا غادي توجهو المنزل الأمن حتا الصباح غادي تبداو المهمة بكري .المنطقة لغادي يتنفد فيها العملية كاتكون نهار السبت عامرة بزاف حيت فيها السوق داك شي علاش ختاروها

سلاو الهضرة معاه و مشاو المنزل الأمن كانت وصت 3 ديال الليل مقدروش ينعسو بقاو فايقين حتا وصللت 6 و ناضو خرجو من دار ركبو في السيارات وصلوهم المنطقة و هبطو حلو الكوفر ديال السيارات و جبدو دو المخفضات كانو تلاتة محافض كبار أميمة خدات وحدة و ابتسام وحدة و عبد الصمد وحدة
الرئيس (عبر اللاسلكي):بالنسة القناصة كل واحد يشد مكان يقدر يشوف فيه السوق كامل (حيت كان شوية صغير السوق ولكن عامر)
أناس:(عطا الاشارة دراري لخرين): غادي نتفرقو حنا وكل واحد يمشي لجيهة و ماديروش شي حركة حتا تعلمو قناصة هما لقتلو باش مانكشفوش الهوية ديالنا.
كل واحد مشا الجيهة و والو مابغاش يبان هاد الإنتحاري لي غادي يفجر راسو
أناس:صياد 1 واش بان ليك شيحاجة(صياد=قناص)
صياد واحد(ابتسام):مابان والو مكينش حسو
صياد 2(عبد الصمد):لا ميمكنش
اناس :شنو مالك
عبد الصمد :الانتحاري ولد باقي صغي فعمر ديك 14 سنة غادي يكونو مبزين عليه لابس معطف شتوي في الكحل و هاز جهاز تحكم فيدو
نورة :شفتو حاول دربيه شي بلاصة و مايموتش
عبد الصمد:منقدرش
غزلان:تقدر يلا عبد الصمد مغاديش نغامرو بحياة هاد الأبرياء كاملين
نورة :كينين واحد 2 حداه وراه عطاوه اشارة باش يفجرو غادي غير يبعدو و غادي يفجر
اناس : شفتهم
الرئيس :تبعوهم متخليوهمش يهربو و ديرو القناع
جبدو دراري القناع و درݣو داروه و جبدو سلاح وتبعوهم بالجري لخرين مع شافوهم هربو

نمشيو عند عبد الصمد ضرب الولد لكتفو و مشات قاصداه غزلان دارت قناع مشات هزات الولد و داتو ركباتو في السيارة و جاو دراري عبد الصمد و ابتسام و اميمة
غزلان (دوات مع الشيفور ): تحرك حيد من هنا نتسناو دراري يجيو
ابتسام (عبر اللاسلكي):واش شديتوهم
ياسين(و هو كيجري ): لا مزال نورة و اناس دازو من جهة الخرى
الرئيس :غزلان توجهو المنزل الأمن دابا مابقا عندكم ماديرو تما
اميمة:واش باقي عايش
غزلان (كتقيس في نبض ديالو): الرصاصة جات في الكتف بعيدة و دابا هو مغيب خاصنا نحيدو الرصاصة .زيد في السرعة
..نمشيو عند اناس كان واقف و هازين عليه 2 السلاح و هو هاز عليهم السلاح
الراجل 1:حط سلاحك
اناس حط السلاح و هو كيتبسم يإستهزاء و نطق
اناس:حصلتوو..
مجا فين يكملها حتا حطات نورة ليلى من ورا الرجال على ريوسهم الاسلحة
نورة :حطو نتوما السلاح
وهما يضربوهم بالضهر ديال السلاح حتا فقدو الوعي
ليلى (عبر اللاسلكي و هي كتلهت بالعيا ديال الجري حيت جابو ليهم دورة كبيرة ): تم.ت المهمة و الرحا6ل معانا
الرئيس :براڤو عليكم . سيرو المنزل الأمن.
وصلو أيوب وياسين في السيارة تحل الباب و طلعو رجال رابطين ليهم يهديهم و طلعوهم حتا هما

..نمشيو المنزل الأمن مان عبارة على ڤلة صغير دخو دراري في السيارة حتال لداخل على حساب باش مايشوفهم حد
أناس:عبد الصمد كبقى الولد
عبد الصمد:مزيان شوية و يفيق قدرنا نحيدو ليه رصاصة
اناس:تبارك الله عليك عرفتي فين ضربو

دخلو الدار بدات نورة و أيوب كيحقو معاهم و والو مابغاو يجاوبو على والو
نورة(خرحات من الغرفة لرابطينهم فيها ):مابغاوش يهدرو و لكن خاص غير نرجعو انا غاديا نعرف نخليهم يغردو بحال البلبل.
اناس:واخا رتاحي حيت في العشية غادي نرجعو انا غادي نطلع ندوش
داز الوقت دوشو و رتاحو و صل الوقت فين يرجعو ركبو في طموبيلات و رجعو حتا قربو يدخلو الفلاج و صونا الرئيس
الرئيس : أناس حقو مع هادوك و خاصهم يهدرو و بالنسبة لهداك لي قلت ليكم تسلموه من الأمن العام غير خاليوه عليا انا غادي نتصرف نتوما راكزو على تحقيق
قطع واناس علم دراري بشنو قال الرئيس وصلو المقر بداو في التحقيق و والو مبغاوش يهضرو
كانو جالسين كيشربو قهوة و كيرتاحو حتا صونا تلفون ليلى
ام ليلى: اهلا بنتي لياس عليك
ليلى(تنهدات):الحمد الله و نتي هانية
ام ليلى: مالكي مكتسوليش فينا هاد السيمانة إمتا غادا تحي مالفة تكي كل سيمانة
ليلى(بدات كتشوف في دراري و تنهدات):لا اماما غير معا القراية و ليوم كان. عندي السويع و مجيتش حتا سمانة جية
بقات هاضرة معاها حتا قطعت
ليلى (كترجع في شعرها بيدها لور):أووف هاد الكدوب كيدرني في قلبي
ياسين :خاصك تصبري ما كاين تا شي حل من غير هادا
ليلى :نوض نمشي نحقق معاهم يلل اناس نتا دخل عند واحد و انا واحد
اناس :مافيا لي يتعصب معاهم نوض ياسين جرب حضك
ناض ياسين هز ضوسي و ليلى ضوسي و مشاو و ناضت ابتسام و اميمة لغرفة لخرة كيتفرحو من وراح الزاج
ياسين (حل الميلف وجبد منو تصاور وحطهم حداه كانو تصاور عائلتو بغا يلعب ليه على الوتر الحساس ): شوف هادو راه إلى ما عونتيناش بسبابك غادي يموتو و حيت غادي تقتلهم المنظمة دبا تخيل معايا المنضمة عرفات بلي تشديتو شنو غادي تقول إلى عرفات بلي تطلقتو واش عارف شنو غادي تقول غادي تقول بلي هادو تعاونو معاهم ة راه عاودو ليهم كولشي و طلقوهم و غادي تعتابركم خاينين و غادي تقتل كاع لي كتبغيو .(ناض جمع الضوسي و شاف فيه):فكر مزيان مني نرجع عندك هاد المرة غادي تعطيني الجواب.(ناض خرج بلا مايخلي ليه الفرصة فين يدوي قصد يدير بحال هكاك و خرح من الغرفة تلاقة معا ليلى عند الباب)
ليلى:ظرتي داكشي لي قلت ليك.
ياسين :اه و بان ليا غادي ينفع حيت خاف
ليلى :هادا شوية كيبان ليا مبرد .
ياسين :باقي خطوة 2
ليلى :غادي تكون هي الضربة القاضية معرفتش واش سلاها عبد الصمد
(دخلت هي و ياسين و لقاو دراري مجمعين)
ليلى:عبد الصمد ساليتي شنو قلنا ليك .
عبد الصمد:باقين اللمسات الاخيرة غادي نصاةبها دابا
(ناض و شد البيسي بقا خدام واحد نص ساعة نطق
عبد الصمد:ساليت هاوا واجد
خداتو من عندو غزلان و نطقت
غزلان :براڤو عليك
نورة : عكيني تا انا نسخة
خداوه و هزو معاهم البيسي و دخلو اناس و غازلان باش يحققو معا واحد و بقاو دراري لخرين كيتفرجو من ورا زاح
نمشيو عند اناس
اناس :هاك تفرج
(كان كيبان صاحبو كيعتارف بشي حويج لأصلا هوما عارفينم و ظغيا اناس حبس الفيديو زعما راه باقي بزاف.
غزلان :صاحبك عاونا و نتا غادي تبقا هان طول عمرك و ما تسناش من شي واحد غادي يعتقك
اناس:غغدي تبقا حتا تخنز بين 4 خيوط
(تما غادين خارجين و هما متأكدين أنه غادي يرجعهم)
المتهم:تسناو غادي نقول ليكم شي حاجة معارفينهاش و حتا هو معافهاش
(وقفو عطينو بالضهر و تبسمو وضارو عندو )
غزلان:قول شنو عندك
المتهم:المنضمة كتسعى باش توصل البروتوكول القومي باغين يتحكمو في الطيارات بدون طيار
اناس (شنقو):و شنو مزال نطق دغيا .(كان غادي يقتلو تدخلات غزلان بعداتو عليه)
المتهم:كان نحلف ليك تا هاد شي لي عارف. (سكت و عاود كمل الهضة):مغاديش تسلموني ليهم ياك

خرجو و خلاوه مجاوبوهش
أناس(دخل هو غزلان عند البقية ):علمو الرئيس بهاد شي
داز الوقت وحققو مع اللاخر و خا كان صغيب عكاهم شي معلومات تفيدهم
نورة : ابتسام واصلينا معا الرئيس
داز شوية حتا كيبان الرئيس على الشاشة
الرئيس:هاد شي لي عرفتوه غادي يفيدنا خانا نحولو البروتوكول
اناس:كينا فمرة خرى مانحولوه ما ولو غادي نوهموم بلي غادي نحولوه و يبقا تما تحت الحماية

..دازت ديك السيمانة غير عيا و جا الوقت باش يمشيو يزورو دارهم
اناس:بناتنا التيلفون
دخل اناس لدار سلم على مالين دار جلس دوز نهار عائلي كيحاول ينسا مشاكل الخدمة
ام اناس:فاش كتفكر
اناس:والو غير مشاكل القرايا
ام اناس:كيبان عندك شي حاجة خاصك تشوف شي طبيب
اناس : على مالي حماقيت
ناض اناس بدل حويجو و توجه ورا الماريو خزن سلاح باش مايشوفو حتا واحد و شد تليفون و بقا حالس كيلعب بيه حتا داه الانعاس
كانت هادي اجواء جميع الدراري تقريبا و
جا نهار جديد:
أناس فاق كيتفوه . عندو اخر يوم هو كيجي السبت و كيمشي الحد في العشية بالحكم تنين قاري بكري
فاق في الصباح ناض لبس حويايجو و خرج يدور مشا قصد واحد تران صغير كيلهبو فيه الظراري بقا حالس يتفرج حتا حات العشي رجع الدار قدل حويجو خدا السلاح من حدا الماريو و دارو ورا ضهرو و خرج غادي حتا كيبان ليه واحد الطاكسي شير ليت وقف ليه و ركب وصل مشا قصد الدار جبد عليها النعاس حتا جاو الدراري

داخلين مع الباب لقاو اناس ناعس
ياسين:(هز علبه اللحاف):نوض اصحبي نتا معݣاز
ايوب :اناس نوض تابعانا طريق خاص نمشيو لمنضمة (منضمة الاستخبارات الوطنية)
اناس(بصوت ناعس هز راسو و شاف فيهم ):غادي ندوش و نتبعكم المقر سيرو نتوما حتا نمشيو من تما

نمشيو لمنظمة كان الرئيس جالس في المقر خدام على شي ملفات حتا تاصل بيه المساعد ديالو
مساعد:حضرة الرئيس اتصال من حضرة المستشار
الرئيس :حوليه ليا
المساعد حول الاتصال
المستشار :اهلا سمير
الرئيس :سلام سيدي
المستشار:واش قاديتي اجتماع مع الفريق ياغي ندوي معاهم
الرئيس :اه سيدي هما واحد الشوية غادي يجيو , غادي نتاصل بيهم نشوف واش بداو جايين
قطع الاتصال و دوز اتصال لفريق في المقر
جاوبات المساعدة لي تما
المساعدة:اهلا حضرة الرئيس
الرئيس؛بغيت ندوي مع الدراري
ناضت المساعدة و دخلت لغرفة لي كينضمو منها العمليات ديالهم
المساعدة :اتصال من الرئيس
خدات نورة التليفون و دارت هوت باغلوغ و نساحبت المساعدة من تما
نورة:حضرة الرئيس
الرئيس :بغيت نقول ليكم بلي احمد من دابا شوية يجي عندكم باش يعطيكم شي خاجة غادي تحتاجوها
أناس :بالنسبة الاجتماع معاش
الرئيس:غادي يكون في الليل ديرو بحساب غادي يكون مع 7 ليل و خاصكم ترجعو قبل 8 صباح باش تمشيو المدرسة و تجيبوش الشبوهات يالغياب ديالكوم كاملين
ياسين :كون هاني اصلا مكنقراوش غدا في الصباح
الرئيس :مزيان هاد الشي غادي يعطيكم الوقت
ليلى :شنو غادي يسلمنا احمد
الرئيس :غادي يجي و تعرفو

..داز الوقت و صلت 5 ديال العشية .وصل احمد
احمد: سلام عليكم . وصل الوقت باش تمشيو مغاديش يميو معاكم الشيفور غادي تمشيو وخدكم و هادو هما رخصات السياقة ديالكم و هادو لكارك بونكيغ ديالكم غادي يبقا يدوز واحد السالير كل شهر فيهم
(من بعد ما خداو من عندو)
اناس :يلا نمشيو اجتماع مع 7 مخاصش نتعطلو (وضار شاف في احمد ):غادي تبقا هنا سير الامور خاصكم تراقبو شنو كيدير فادي من الكاميرات و الى كانت شي خاجة علمنا
احمد:صافي

..داز الوقت و هما غادين في الطريق

(كانت اول مرة يمشيو بلا الشيفور و هما تعلمو السياقة في الوقت لي كان كيوجدو راسهم 4السنين كفات باش يوليو عندهم خبرة )
اناس: الاجتماع غادي يكون معا المستشار
نورة :اه غادي تكون اول مرة غادي نشوفوه

..داز الوقت وصلو فس الوقت و دخلو لقاعة الاجتماعات جلسو كيتسناو حتا دخل الرئيس و المستشار جلس كل واحد فيهم على رأس الطبلة
الرئيس: مرحبا بكم .
المستشار:ليوم جمعناكم هنا باش قاشو واحد المضوع لي خطير
هزو ليه راسهم ب أه كيتسناو يدخل في الموضوع
المستشار:انا عرف بلي نتونا من اجل هاد الوطن قررتو تضحيو بحياتم و ضحيتو بطفولتكم لي مدازتش بحال أي طفولة في عمر صغير هزيتو مشاكل و هاد كان في مصلاحت الدولة لي من اجلها حنا هنا
اناس:مستاعدين نديرو اي حاجة على قبل الوطن
المستشار :عارف و متأكد ولا راكوم مكنتوش غادي توافقو على هاد المهمة و كنتو غادي تخافو ولكن حب الوطن خلاكم ديرو اي حاجة
(عطا اشارة لرئيس باش يتكلم)
الرئيس :ندخلو لموضوعنا قدرنا نعرفو من الجاسوس لي شدينا مكان العميل ديالنا و غايدي تمشيو باش تنقدوه و راه عطانا معلومة كتقول بلي فادي عندو شي لائحة ديال شي سياسين كبار في الدولة و قال لينا بلي غادي يبداو في إغتياهم و حنا دورنا نحميوهم
المستشار:خاصكوم تحاولو باش تجيبو لائحة من عندو
ايوب :معطاكمش بلاصة في كينة
الرئيس:اه قال لينا بلي لائحة في واحد الخزنة في دار فادي .و قال بلي هو ما عارفش دار فادي فين كينة
عبد الصمد:غادي تكون لي في فلاج زعما
ليلى:(شافت فيه):نسيتي بلي معندوش دار تما و راه ساكن غير في المدرسة

الرئيس:راه عطانا جوج ديال العناوين و قال لينا و دار منهم غادئ يكون فيها الخزنة .نتوما دابا غادي تمشيو تجيبو العميل ديالنا و من نپعد نشوفو كفاش نديرو نجيبو اللائحة
مشاو الدراري لبسو لباس المهام ووتحركو قصدو البلاصة لي فيها داك العميل وصلو:
اناس :غادي نبداو ديرو الكاݣول
(دارو لي قال ليهم و بداو داخلين البلاصة كانت عبارة على مستودع كبير بداو داخلي كيتسلتو و يتبادلو الاشارات و تفرقو بقاو القناصة ليلى و اميمة برا في واحد البلاصة عاليا و كيبان ليهم كولشي .بداو لوخرين داخلين لاصقين على الحيط و هازين السلاح في يدهم.
ليلى(عبر اللاسلكي):جاو شي وحدين وقفو حدا الباب واقيلا نوبتهم فس الحراسة...

يمكنكم متابعة قراءة الأجزاء السابقة وقصص أخرى على موقعنا. وللاطلاع على الأجزاء الجديدة قبل الجميع، تابعونا على الموقع حيث ننشرها أولاً قبل مشاركتها على فيسبوك.

رابط الموقع: kisasmarocaine.blogspot.com

للمزيد من القصص تابعونا على :

انستغرام : www.instagram.com/9isasrm

الواتساب : whatsapp.com/channel/0029VaicQtDKLaHqQiLXua02

مسنجر : web.facebook.com/messages/t/25863888246590490

تلغرام : t.me/kisasRM