القاصراات هااااح اصلا تا الميمات مبقاش عندي معاهم ولا عندي غا مع مولات الحواجب الكحلين بعدما قامو بالحركات هزو الكواري لي بغا يلعب كورة قدم ولا بغا يلعب كرة السلة و تفرقو لتيرانات وكيما العادة دراري ختارو الكورة والبنات الباسكيت وبداو لعب كيف العادة لعب دالبنات عاامر بالخبيش و تبعكيك الى من رحم ربي اوا و دراري راه لاعبين على شكون الفرقة لي تخلص كاس د الرايب فاش يخرجو كولشي باغي يربح كملات ديك الحصة و توجه لقاعة الأساتذة بليباسو الرياضي سورفيت بالأسود و كاسكيطة بيضاء مع سبادري بالرمادي كيبان انيق و فورمتوو ديال شي ملاكم يالاه ايدخل حتى وقفو عليه ربعة د تلميذات استاذ .... استااااذ وقف لييهم عاطييهوم وقت و هوما كيهضرو بلي باغين يتسجلو ففريق المؤسسة ديال الكرة الطائرة و داخل قاعة الاساتذة كانت مجمعة مع الاستادات كتعرف عليهم و على الاساتذة لي تماك على كاس د اتاي تاا سمعات صوت و فاش داارت خرجات عينيها نقزات واحد الاستاذة و تكلمات مع صاحبتها و وسطهم سميرة : هاد مول الصبور ايهبل لينا تلميذات - واييه دايمن لاصقينو مسكين - اوا اختي بسيف لي شااف كااع دااك زيين انا و مزعوطة فييه بقا غا المراهقات - اوا تي نعلي شيطان راه مخطوبة - هههه و راه دويت غا شكلا و مال القلب عامر الهبيلة تكلمات مقاطعة حديثهم مخلياهم كيشوفو فيها سميرة : اشنو سميتو الأستاذتين دقة وحدة : موحى مع قالوها مع داار عندهوم و جا دااخل موحى : هههه السلام عليكم "بتااسم و غا شاافها خرج عينيه " موحى : المداام ؟؟ شافت فيه باستغرااب من شنو كيقول و هو عتق الموقف كيضحك موحى : هههههه شفت زين و انا نتلف هي خرجات عينيها على وسعهووم من شنو قال تا نقز واحد من الاساتدة - اتكااايس ا موحى رااه كولنا تالفيين زاادت خرجاات عينيها تحرش بيهااا بالعلالي و قداام كوولشي الحاجة لي خلااتها تاخد موقف منو فالبلاصة و نطقات بين سنانها مفقوصة سميرة : عنيبة احد الاستاذات : هههههه مال ضحكك باااسل دروك تفهمك السيدة غلط مخفتيش دعيك ؟ " دارت عند سميرة " متديش علييهم رااه ضحكو بااسل سميرة حسات بشي حاجة قرصاتها فقلبها بحالا طاح من عينيها بينها و بين راسها : إذن مولف كيضحك مع كولشي هاكا مد لييها يديه يديه : انا موحى استاذ ديال صبور و نتي ؟ هزات ساكها : سمحو ليا عندي حصة دبا سلمات عليه غا بطراف صباعها غا باشما تخليهش بلاكة و صافي سميرة : فرصة سعيدة مشات و هو هز كتافو و يديه و ضحك و شاافو فييه الاساتذة كيضحكو و مطلعينها عليه قلقتي لينا التاريخ و الجغرافيا و تا هو غةدي معاهم فريتم كملات حصصها و خرجات كيبان ليها غادي مع الاساتذة كيهضر و كولشي كيتصنت لييه و كيتفرشخو بضحك معاه شافت راسها عيقات بشوفات و بدات كتزرب فالمشية دازت من قدامهم و ضربااتو ريحتها فنييفو لااصقة مخليه مستنشقها و نزل عينييها لخيرها تبوقلو ليه و عاد و الكسوة لي لابسة جات تا لتما و تفرفرات زادت بينات فرمتها محس براسو غا مدوز على شفاايفو و عينيه كيطلعوها و ينزلووها حركاات فييه شي حواايج مااشي وقتهووم غا توادع مع الاساتذة دوز الاتصال و هو باقي كيشوف فيها و حاضيها حتى ابتساامتها فوجه نااس خلاتو واحد اخر كيطلب غا سلاكة موحى : الو فاتيحة .... بغييتك دبا .. قلت ليه دبا ولا نمشي لقنت اخرى عطا الله ... صافي نتقاشعو فبلاصتنا حيد بلاك قطع معاها و شد فقلبو : هااااح لا لا خاصني نتزوج مشا تحرك بحالو ولعشية رجع لدااارو عيااان مسخسخ تا كيباان ليه الكوتي محطوط و طبلة مزوقة على حقها و طريقها مخليااه تاالف و كيفكر غا فالبلاصة فين غيدير هاادشي فكرشوو موحى كيهضر بجهد باش تسمعو : كون كنت مواكلش الواليدة كعما نجي و نلقاك موجدة هاادشي كاامل الام ( نعيمة ) : ليمسخك اول حااجة دااركب ليه كااس د القهوى و بدا بالكيكة هي لولة جااتو هشيشة مقنعش منها و داز للمسمن "الملاوي " ضرب جوج مسمنات و نص هاادشي غاا شبعاان موحى : الحمد الله شكون جا عندك الواليدة ؟؟ نعيمة : غا صااحبتي جديدة و راه عرضات عليا غدا لغدا عندها ، يا ولدي عندها واحد البنت اشنقوليك لحداقة و تباثة داك المسمن عندها تبارك الله و الكيكة هي لي صاوباتهوم موحى : حقلي كنقول ماشي بحال المسمن د الواليدة نعيمة : اوا شفتي طون ساعفتيني كون مشينا خطبناها موحى : اشمن الواليدة يهديك الله غزرات فيه و ناضت من حداه : ليخليك بلخلا متنفع مضر خزييت ضحك هلى هضرتهااا و رجع مكمل مااكلتو لي غيتزوج بيها هو خاااصها تكوون قارية و واعية مااشي غا حادقة صبااح جديد غاديا فطريق و هو موراها كدور كيبان ليها تا وقفات تشوفو اشغيدير و هو يحبس تا هو وقف حداها موحى و ضحكة من طرف لطرف : صبااح تووت البرقوق سميرة : علااش تابعني ؟؟ موحى :طريقناا وحدة علاش منترافقوش ا زين سميرة : بلا مجااملة سمح ليا غادا مزروبة موحى : اححح حشوومة تقولي هاااد لهضرة جرحتيني طلعاات فيه حوااجبها بصدمة و ضحك موحى : اوا كيجاتك مدينتنا ؟؟ سميرة : زويينة عجباتني و نااسها محتارمين موحى : بصح و لكن حتى ناسها فيهم و فيهم سميرة : فاي بلاصة مشيتي هكاك موحى و هو كيشوف فيها بسحر : و لكن فأي بلاصة مغنلقاش شي وحدة فحالك اجمل وحدة شافتها عيني لحد الان ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM الواتساب : whatsapp.com/channel/0029VaicQtDKLaHqQiLXua02 مسنجر : www.facebook.com/messages/t/25863888246590490 تلغرام : t.me/kisasRM