حبيبي البطل #الجزء 6 : انا؛اه هدا عوني داك النهارات مي يوسف:(عاقد حجبانو ومكيشوفش فيا)متشرف بالانسة صغيرة انا:جدك هدي ماشي صغيرة ماما:(بالغوط)ليلى انا:(معصبة )شوف ابابا انقول جوج هدرات الا اتجيبوا ليا شي حارس شخصي من غير هدا وخا متجيبوهش انا هدا مباغهش ومشيت وخليتهم وانا كلي غرور وتكبر بنفسي طلعت لبيتي درت ليكيت وتكيت فوق نموسيتي حتى كنلمح بابا دخل لعندي وقفت وحيت ليكيت من ودني بابا:بنتي ممكن نهدرو اناودني بابا:عفاك ابنتي فراسك هدا اكبر ضابط شرطي فالبلاد ياعني موفقش الا بطلبتي عفاك قبلي انا:انا قابل مرفضاش مي تجيبو غيرو مرحب هو لا بابا:وخا نتي هدري معاه شوية الا تفاهمتو مرحبا الا متفاهمتوش الله اعونو عفاك الاميرة ديالي انا:وخا قليهي ايجي لعندي بابا:نزلي نتي لعندو انا:والله منزال قليه هو يجي خرج بابا ودزت شي نص ساعة مبان ليا حد حتى قلت مشاء شوية دخل لعني وضرب الباب بالجهد والعروق بغاو اخرجو من عنقو جاء لعندي نيشان يوسف:شوفي انا مشي من عادتي نزال من مستوى ونجي عند شي حد عندك اسحبليك هكاك انا جيت الا وبابا كالس كيطلب ويرغب فيا انا:مزيان المهيم طلعتي ههه يوسف:كان اسحبلي ميسيو الاشكر عندو بنت بعقلها طلع عندو بنت برهوشة انا:(بعصبية ورفعة صبعي لعندو)شوف بلع لسانك عند ولا ندمك يوسف:(منزل صبعي بيديه)شوفي اديك البنت متحوليش تلعبي معيا وانا كنتمنى ترفضي انني نكون حارس شخصي لوحد البرهوشة بحالك مبقا ليك غير تقولي ليا اجي لعبو غميضة انا:(بتكبر)عرفتي كنت انرفضك مي دبا انوريك البرهوشة والا مندمتك على حياتك انا ماشي ليلى الاشكر يوسف:(عاقد حجبانو)بحالك عطهم الله غير ديعات وسمعي الا مربيتك من جديد انا مكنسماش الضابط يوسف الادريسي انا:(بالغوط)برا خرج برا يوسف:الا كان اسحبليك غدي نبقا ركي غالطة انا كون جاو من جيهتي كون خليت العصابة تقتلك وتهني المجتمع المغربي من متكبر بحالك انا:(هزبت كاس ديال الماء وكفحتو عليه)خرج عليا برا يوسف؛(بعصبية شدني من شعري ولحني الارض)مرة خرة نهرس ايديك وكنوعدك انعيش العداب غير صبري عليا خرج وردخ الباب حتى حسيتو ايتهرس وانا حبسة الدموع مبغيتش نبان ضعيفة قدامو لدالك دخل الاب ديالي وعطيتو موفقتي وفراح غير خرج وانا ندخل لدوش وكنبكي بصمت اول مرة شي حد ايهني لديك الدرجة دوشت ورجعت تغطيت فالمنطا تاعي عيطو عليا لعشاء لكني رفضت حيت عيني منفوخين مبغيتش اشوفي داك الغبي هكا.......... #يتبـــــــــع........ تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM