...كمل دااك الغداا و خديجة غير تتسخر و الفم سااكت و رؤياا تتطل برويسهاا من بيتها، ابااها و عاارفاه و حافظااه الا ماشافتوش تيضحك ولا جالس ساكت ماتقربش ليه .. خديجة: ( دخلت عندها بيت) خرجي عند باباك احبيبة رؤيا: ( تتهز يدها وجها تتشرح ليها) يغوووت عليااا خديجة: خليه يغووت !! ديري راسك كنتي ناعسة...( خرجاتها عندو لقاوه جالس متكي و تيتفرج فاخبار) هاا رؤياا فاروق: ( خنزر فيهم ) تافقتوو عاد جااين ( حل ذراعو رؤيا جات عندو معنقاه) ماجتيش فيقتني !؟ رؤيا: كنت تندير ميناج مع ماما .. خديجة: ( هزات تلفونها بانت علاين ستة) انا نمشي مرجان نتقضى التقضية والو .. فاروق: ( معنق بنتو ) خوودي معاك رؤياا.. خديجة: ( فكرت و سكتات ) يلاه تبدل الجو .. فاروق: الا بشااار راه طالع ليا فمخي !! ماتعطلوش .. ناضت خديجة لبست كيطمة و رؤيا كدالك ..هزات جميع سوارت الدار لي كاينين و تلفونو و صاكها و خرجت هيا رؤياا ... رؤيا: ( شادة فيها ) تتزربي اماماا خديجة: طلقي رااسك ..لا يفرج جيران فينا ، خرجو من عماارة ركبت فطموبيل و شدو طريق لمارشي ، .....يدها ما تتطلقش من رؤياا جارين شاريو و بدات تقضى للدار على خاطرها ، موانسة بربيبتها و مطمنة عليه على اقل ، كملت شغلها و دازت خلصت لاكيس جرات شاريو حتى كوفر حطات فيه تقضية ركبو رااجعين تاني ... خديجة: ( شيرات كونسيج يهز معاها تافوق ..شكرات ودورات معاه ..) اوووف .. رؤيا: ( تاهيا تتهز )عطيني سوكولا ديالي فاروق: ( توقف عليهم) بيتك نتي !! ( مشات تطير بخلعة) هاازة سورات و تلفون !؟ كفاش بلان !؟ خديجة: كنتي تخرج من مورانا تشري كارو ولا تعيط لشي احد يجيبو ليك !؟ نسيتي رمية لوبيطال و الموت لي رجعتي منها !؟ خارجين و طبيب تيوصي. ابعدد من كاروو و قهوة و شرااب فاروق: ( تيطلع رااسو فوق تحت) ارااني تنضرب غير طااسة !! الا بغيت نكمي رااه ماانحاافش منك !؟ خديجة: ( هزات راسها سما تتبرد ..بنبرة صوت رقيقة) الله يهديك !! راك الراجل الدار افااروق و عندك بنية و انا و عائلتك ..( شدات يدو تتهدنو) ارتاااح اتاا ترغبببك .. فاروق: ( خلاها دخل بالكوو ، فقد امل انه يخرج ولا يكمي كثر من كارو ..جبد كاروه الوحيد شعلوو ضرب نترة مغمض عينيه، مجرد نيكوتين تيوصل دماغ تيحس بشي عرق تيزدح و تيتخدر نسبياا ..ساط دخاان فالهوواء ..قرب كارو وجهو تيشووف) اكبر وللد القحبببة هو انت .. خديجة: ( هزت شكلاط دخلاتو رؤياا و باستهاا ورجعات تكمل ترتيب تقضية ..تاخرج وقف حداها ) مال لاجوودان !؟ فاروق: ( كارو كالمااه ..تجبد تيتكسل و هاز يده طالقهم تاجمعها عندو بتعنيقة) حشيشة قلبي .. خديجة: ( دارت عندو تتضحك) اااحيااني عليك ماحيلتي ليك نت مقطوع ولا نت نااشط فاروق: ( هز يديه تيحك رااسو من قدام مغمض عينيه بمعنى الله يساامح) غدا نهبط لاكاديمي ندفع ضوسي مديكال .. خديجة : على حسب كونجي !؟ فاروق: ( معنقها من خصرهاا تيطلع فوجها و يهبط ) قبل مانخرج من طبيب واحد خينا وصل ليا بلي شاف ديالي هضر مع كولونبيل نرجع لاكاديمي نقري دراري لي عاد يتخرجو .. خديجة: سي بياان !! تهنا و ترتاح من خدمة زنقة و جرائم و ديبلااصمون .. فاروق: ( شد وجها عندو) تتبغيني اخديجة !؟ كولي لياا طلعي شي كرااد ..( هبط رااسو عندهاا حاطو على عنقها) خديجة: ( تتعطيه حنان بصبيعاتها تتيمشاو فراسوو ) شكوون ماايبغيش فارووق ..حبيي فاروق: ( هز راسو تيبووسها ) زيدي وقفي معاياا ...( قبلها من جبهتهاا) محبتي ليك فاتت حدود معقوول خديجة: انت الحناانة ( تعنقو ) فاروق: (غمزها) ليل هانا معاك !! نمشي نشوف الحاجة ديالي راه طيرتو لها .. ....طيبت العشاا بالبسطيلة حوت بعشق و حب ، معاها عصير سيطخون فالديسير كيك بسيطخون و قدات طبلة فالصالون ..قدمت اطباق مدريسين بحال طوب شيف و اتجمعو على طبلة، اول مرة من زماان مثل أي عائلة .... رؤيا: سبعت !! خديجة: سيري غسلي يديك و سنانك .. رؤيا: (غالبها نعاس ) فيا دودو ... خديجة: ( وقفت معاها دخلاتها بيتها غسلت سنانها و يديها ودارت بيبي وحطتها بلاصتها و رجعات تجمع طبلة و غسلات ماعن ..دخلت بيتها تعتني شوية براسها كريمات و شوية عطر ..) الله على رااحة فاروق: ( متكي فصالون ) خديييجة.... خديجة: ( جات عندو ) نعام !! فاروق: تتخليني بووحدي .. خديجة: نوض بيتك ترتاح .. فاروق: مال صالون مافيهش رااحة !؟ خديجة: ( بدات تحمار و تصفار) فارررووق فاروق: ( هز صبعو جهة راسو) راه بااش نشط معاك بكارو !؟ قواادة بعينيها ماطيريش ليا دماغ !! ( مد لها يديه ) اجي البلارة خديجة: ( طاعتو قربات عندو ...عنقهاا داير لها بلاصة و شبكها معاها بووسان تيقطع فيها نفس ) فاررروق فاروق: ( شبط معها بضربة ) جوابي هو لا !! لا قبل حوا ولا بعد حوا ..قااعدة لاجودان ( قاطعها قبل مايسمع طلبها) خديجة" : تا أنا الا !! فاروق: كاع الا !! ...بعد انتهاائهم من عشاا و أمير مكسر دنيا ..هزوه حطووه ..ليالي تتجمع طبلة لابسة تجوكينج و بيل اديداس طالقة شعرها و أذيب لي كان سافر مراكش ورجع اليوم تيعااونهاا... لياالي : شفتي عميتو !؟ أذيب: ( تيرتب ماعن فالامشين فيسيل تغسلهم) ووي سلمات عليك و دراري تاهما .. ليالي: مرحبا بسلامهم ..عاودتي ليها !؟ اذيب: ( تيمسح يديه و جرها عندو معنقها جنب تيمشط فشعرهاا ) وي !! قلت ليها ليسطواغ من اول ! قالت ليا اتصل برشيد و نخطبوها .. ليالي: ( خارجين من كوزينة تيهضرو و مغيث جالس فالفوطي تيتفرج قدامو امير فرولاكس ) نووو اذيب .. أذيب: جووسيى!! ( جلسو حدا مغيث ) هادشي علاش جيب اليوم !! ليالي : شرح لياا ! أذيب: ماما جات من فاس !! قالتها ليا الجدة مغيث: ( مقنطاه متعنيقة لي معنقها و تيلعب فشعرها) على سلامتها !! خاص تحضرو رشيد أذيب: هههههه انصدقو فسي آفيغ ماتمااش .. ليالي: ( حاطة يدها على فخدو هو تيمشط لها ) الا باغي تزوج صالح بابا وماما اولين .. مغيث: ( عاقدهم فيهاا ...) انشاء الله ، كدوزتي نهارك فلاجونس ¿ ليالي: اتصلو بيا صحافة نطلع فواحد مجلة .. أذيب: سي بون آفيغ .. ليالي : ( تتضحك) نرجع من سليبغيتي مغيث: ( وقف هاز امير و مد يديها ليها) شي شوفي تيفي !؟ ليالي: ( شدات فيه واقفة) نوووو ماشي هادووك أذيب: انت صاحبي خلي ليا ختي نسهر معاها و خود ولدك مغيث : ( عنق ليالي من خصرها متملكها و باس امير) بوني مسيو أذيب .. أذيب: والله تاعيقتي !! مغيث: ( غادي بيهم بيت ) شعل ليك شي ماتس قصرر .. لياالي: ( دخلو بيتهم) مغيييث عاد تسعود .. مغيث: ( تيهز امير فسماا تيضحك معاه) خووك تيجبدني اكسبخي لياالي: نووو !! ماتزيدش فييه مغيث: ( مد لها امير و باسها فمهاا ) نعسي ولدك علا مانشوف شي ايميلات ..توحشتك .. ..شدات امير بدلات ليه هو مركز مع بيسي لابس سروال كيطمة وتيشورط لاصق عليه مبين عضلات ...نعسات امير و غطاتو وخففات اضاءة بيت و طلعت حدا مغيث .. مغيث: ( عنقهاا تيدوز يدو على ظهرها) صافا !؟ ماتوحشتنيش !؟ ليالي: ( باستو فحنكو) وي بب !! نقدرو نهضرو !؟ مغيث: ( سد بيسي حطو و تلفون فيديه ) تنسمعك .. ليالي: بون !! بغيت نمشي عند لادكتور غدا بوغ لاكغوسيس !! مغيث: ( بهمس ) حاااملة !؟ ليالي: لاا العكس ! بغيت نشوف لادكتور نتجنب نحمل دبا !! امير مزال صغير او شوية صعيب ...اون بليس خدمتي فاوج عطائها مغيث: ( تيحرك راسو يمين وشمال تيفكر ) قضية درااري انا عزاز علياا ، مااكرهتش شي بنية نخاويو امير هادي هيا الولدة لي باغي جوج براكة ... ليالي: على اقل يدحل امير لاكخيش تلت سنين و نحمل من بعد انشاء الله .. مغيث: ( تيدوز يدو على كرشهاا ) انشاء الله ..ولو ماكرهتش دبا !! مي خدمتك تابعاك و امير صغير كما قلتي ..اهم الصحة و راحة الباال ليالي: (تهزت عنقاتو) ماي بيبي .. مغيث: جوتيم لياالي .. لياالي: ( باستو فموو) اوسي جوتيم ... قاطعهم صوت تلفون هزو وشاف رقم تغير ملامح وجهوو و هز تلفون و خرج .... خرج بالكو وجاوب محامي": مسيو قباج تحيااتي مغيث: اهلا سعادة محامي ..خير !؟ اش هاد وقت محامي: راني كونجي وطافي تلفون يلاه شعلتو و لقيت الكاتبة مخلية حكم صاحبة دعوتنا تعدد مغيث: ( دم تيسخن فراسو) شحال عطاوها محامي: خمس سنين و دوز فاستناف ونديرو خدمتنا تاني مغيث: ( مسح وجهو ) مهم شكراا ..هدا ملف هنا تسد محامي: مرحباا و خليت ليك الرااحة .. رجع داخل بيت لقاها ناعسة عاطياه بظهر ..عارف ااطريقة باش انسحب ماعجبتهاش ، حط تلفون و خرج جلس حدا اذيب تيتفرجو فمااتش تيتبدل لان واقعة رجعات عليه و وتعصب ...مع أذان العشاا الواازنة تتقاد صلايتها و تتشهد تتنتظر انتهاء الاذان و تقيم صلاة ..حتى تتبان لها اسماء نازلة لابسة بيجامة بينوار فغوز تتبان فيها كي مونيكة مع حناكها حمرين .. اسماء : خاالتي خالتي !! عطيني داك ثوب لي جابوه لك من السعودية نخيطو ليك الوازنة: نشااء الله ابنتيي و خليني نصلي اسماء: الله يقبل...( جلسات حداها و تتعاود تشوف فثوابات تادخلت عندها زاينة ) كنتي عند نجمة!؟ زاينة: ( تاشوف فاثواب) اه يّْمَا تحت جات ، كنتي فالمدينة !؟ اسماء: شريت هاد اثواب ، شوفي واش زوينين !؟ زاينة: اناا ماتنفهمش فيهم !! ختي نجمة لي تتشري ليا و تخيط .. اسماء: ( تتطويهم ) نوض نسخن العشا ، فين نوصير زاينة: جينا من حمام وصلني الباب و مشى ...راه يمها موجدة بورماش تحت يلاه نزلو نتعشاو .. اسماء: كاين راجل ختك !؟ زاينة : اوهو !! ماكاينش .. الوازنة: ( سلمت و ناضت تتطوي صلاية و غير تتعكز مابقات صحة) الله ... زاينة: الله يقبل اخالتي !! الوازنة: اللهم امين ابنتي ..امك ماطالعاتش تعشى معانا !؟ زاينة: راها تحت وجدات بورماش و عارضاكم للعشا . الوازنة: يعرضها الخير و ربح بورماش الشلحات ( شلوح اطلس /خميسات/خنيفرة/ مريرت الخ ) شحاال زين .. اسماء: ( تتبيض فدوك عينين) نوجد عشا نبيل ونكولها ليه .. زاينة : (وقفات) صافي واخة ! يلاه خالتي نزولو الوازنة: مدي ليا ابنتي كاب ديالي قهوي راه فالعلاَّقة بيت نعااس .. زاينة مشاات تجيب كاب الوازنة و اسماء دخلت كوزينة تتسخن ليه حريرة من بارح مع بيتزات و كيش، قدات كلشي فطباسل وطالعة تتدعي فسرها يخليها ....طلعت الفوقي تاحطات العشا فطبلة .. اسماء: نبييييل نوض تعشاا نبيل: ( عينيه مجبدين بتعب ..ناض خارج ) علاش طلعتي عشا فوق !؟ اسماء: نوصير خارج انا و خالتي عارضانا مَايْنْ زاينة العشا فالسفلي تحت .. نبيل: ( جلس بهدوء و هز معلقة تيحرك حريرة يبردها) دوزي تجلسي اسماء: راه غير حنا العيالات !! راجل نجمة ماكاينش .. نبيل: تما طلعو العشا هنا الدار !؟ ( تيقطع خبر يشوف فيه بتساؤول) شكون صدعكم !؟ اسماء : ( عوجات فمها قاعدة معتمدة عندها) نبقاو نتشرطو على نااس حنا !؟ خالتي راها نزلات و تيتسناوني غير انا !! عفااك انبيل عفااااك نبيل: ( شد فرااسو منزلوو ) تعشاي و طلعي اسماء: ( تتحرك راسها بسرعة موافقة ..دخلت بيت هزات شالها دارتو خارجة بمشية ماشا عجيبة) انا مشيت نبيل: ديري عقللك ااسمااء ...( يلاه هز راسو فيها مالقاهاش وسمع درديك فدروج) صمت ..اسمااء دروج جوج ايطاج تتدير فيهم طاج وااحد !! مع خرجة تتضربك ريحة بورماش ( رفيسة) ريحة راس الحانوت مخدم باعشااب كثيرة منقية بااليد و مطحونة و مختارة بعنااية ..اسمااء طلعات معاها ريحة . دقت فالباب و فتحت لها زاينة دخلت تتسلم على نجمة و امهم .... الام: ( جالسة فارض مفرشين ليها بفواطة و عكسة على رااس ) اهلاااا البلجيكية اسماء: ( عنقاتها) من فمك الباب سما اخالتي .. الام: احيااني فييكم احيااني !! حبل الكذوب قصير ..ابضااض يديرهاا اسماء: كاينة خالتي !! ومرحباا بيك اخالتي عدنا ( تتعنقها) الا مااهزك هاد كثف يهزك كثف لاخر .. الام: ( تتضحك بمزح ) اليووم اناا لي عارضاك البلجيكية ( تتحط يدها على صدرها ) اااه !! اذوقي بورماش شلووح ( هزات صبعها للسماء) انشاء الله تخرجي تولدي ( تتحسب بصبعانها) فيه حب رشاد او خودتجال او عروق فوة و نويويرة او .... اسماء: ااامين اخاالتي ( تتشمشم) راه درب مقلووب بريحتو الام: اوا المسااخن هادو ..( شدات كصعة تتهز من كسكاش ملوي لي فوراتو و حطو لها حداها كوكوط غيى فتحاتها بخار طلع منها للدرجة الام رجع وجها احمر و عرقت ..هزات دجاجة بلدية حطاتها و الكاشير لي فيه مساخن قطعاتو و بدات تسقي ) اواا مرحباا ..هزت نجمة الكصعة وتجمعو عليها ناشطين ضاحكين ..اسماء مع دغمة تالثة قاصتها شهايقة .. اسماء: احاار اخالتي .. الوازنة: صبري لا تشربيش الماا .. زاينة: ( شلحة مولفة بيه تتضرب فلكمات) ماحاارش .. نجمة: اغاااستااويل احناا ( بشوية) زاينة: سووق نم !؟ الوازنة: خليوها تااكل .. (تتجر لها ) كولي ابنتي زاينة: لهلا يخطيك اخاالتي اسماء: ( تزنكاات و تتحارب معاهم و لبلول ( مرقة) كانت مجهدة) شدوني انطيح ..ارااسي نجمة: هههههه حبسي اختي حبسي .. الام: ( تتدفع لها كاشير ) زيدي كوولي !! الا كان برد يطير الاكان دراري يجيو الوازنة: الله يرزقهم .. زاينة: ( تتضرب بيديها تاحبسات) اوووف غدا ريحة حلبة تااني جالسين تيتعشاو تاتسمع دقان فتحت نجمة بان لها نوصير .. نوصير: ( بابتسامة) خني نجمة بخير !،؟ نجمة: لباس !! دخل نوصير: الله يحفظك اختي ..( شار لها جهة اخرى ) مرات خليفة دازت من هنا و شمت شي ريحة طياب عتقينا اختي راها تاتبكي ...قدات ليه نجمة طبسيل من الباقي ...وهما تيتشاركو حووار .. الام: ياااحٍّي كن علمتونا احنا قبل ! الوازنة: الله يحفظ مع الله يستر !! مراة خليفة حاملة ، زعما مايدير لها والو !؟ الام: الا الوحم بغااه من عند الله ماعندو مايطراا ( الكاشير : هو كبدة دجاج مع راس حانوت و بصلة مشلضة و ربيع و حامض مسير ) نقصي لها من هداا نجمة: انا نكولها ليه ..(خارجة عندو عطاتو طبيسل ) راه فيه مسااخن اخويا نوصير- نوصير: (سد طبسيل و تيهضر) غير آااري ( هز راسو تيشكرها) يحفظك اختي نجمة .....(دخل قهوة فالقنيتة ديالهم حط ليه طبسيل ) هاكي ختي موحمة !! كولي و رااعي على بنادم لي فكرشك خليفة: ( كفد يديه و عرا طبسيل )تااناا تنتوووحم .. ابراهيم: ( بقوة ضحك كان يجيف) كحح كحح هههه كحككح خليفة: ( تيدفع و تيولول بلسانو حار) ااحااحاا سسسس حاار حار .. نوصير: ( جلس تيطلع حواجبو منوو) والله يالدنمك لاعااودتي بذقتني ! القااصير .. خليفة: ( حط صبعو على نيفوو) هناا خوياا نووصير لصقت ريحة ..من رفيسة نخلاق ( جا ابراهيم يذوق هو يضربو يدو) نوض تقاود ! ابراهيم: ( تتيدوز ليه ليمن تيجر طبسيل ليسر تيدوز ليمن تيجر طبسيل ليمن ) بشااار !! انا بعداا عمرني شفت رااجل تيتوحم نوصير: ( مدور دراعو على راسو وهاز شنايفو متبع خليفة) لاااا كاين !! اليخاندرو و كودالوبي خليفة: ( تيااكل و تياكد براسو و عينيه) حفيذ ال سامبراانو ابراهيم: ههههه انت اتولد حفيذ ال خالفلانو نوصير: ( شافو كمل) لحس طبسيل غسلوو خليفة: ( هز طبسيل تيلحس) زوين هاد طبسيل نوصير: حط طبسيل ديال نسيبتي خليفة: من نهار جات مرات بوعاري ولاو يتحسبو طبااسل ، كنت انكمل الواليدة سربيس اابراهيم: ( طلعو ونزلو) ميكروب القلاوي خليفة: فكوونط مااتدوويش !! انا نعيط اميمة !؟ نوصير : اتقى الله اصااحبي !! راك اترجع مسؤول على تريكة .. خليفة: ( تيضرب فكرشوو و تيتكرع) حمد الله ...خلصو علينا براد اتااي نوصير: نوض تهز تقااود داركم ابراهيم: سير عندد نسيبة كابو كولها مراتي تتوحم على اتااي !! قبح الله سعيك خليفة : لانوصير لي يمشي ....يلاه كملها نزلوو عليه بدق وضرب طاق ...رااق ..سلاي ..خليفة: ( تيغووت و مطاكي رااسو) اطيحوو ليا الولد ارااني تنتوحم ..... نوصير: (سخفهم) الله يعطني دنمك غذااب ابراهيم: يخرجك على طووعك .. ....مع ضحك و سب و جر و ضرب ودق تتدوز جلستهم، واحد مفوج على لاخر ، كلها و حياتو وكلها سلبيااتو لاكن تتجمعهم الصحبة وماادوزوش قليل ...نوصير هاز طبسيل طالع دارهم ، الساعة كانت علاين حطاش ليل زاينة رسلت ليه مساج تبات عند نجمة وخلاها على خاطرهاا ... نوصير: ( دخل بيتو تكسل و رسل لها ميساج ) : طلعي عندي جبت ليك كاضو زاينة: ( تلفون فيدها توصلها ميساج : شمن كاضو !؟ شي ترسة ماعن و جيكس !؟ نوصير: ( قرا مساج و تبسم) : نغيرو ديكور ، نعلمك طيبي حلوة زاينة: ( مها تتهضر قلبت لها رااسها) : ماعنديش مع حلوة و برااكا من طنز نوصير: ( عينيه تيتسدو) : دباا نوري مك طنز ، دايك spa باس تنعسي حدا مك وما نعنق مخدة !؟ زاينة: vu نوصير: زيدي عمري كارني خلاص على تاالي ... ...تكسل وعاود و والو نعاس مابغى يجي ..تفكر جوان لي عندو فالسطح ولبس تريكوه طالع للسطح ..مشعل بيل تلفون طالع بهمس ..يلاه يدوز من حدا برطمة نبيل هو يسمع غووواتهاا .. اسمااء: ( شاادة جنبهاا تتبكي فالكوزينة بقوة الم ماصبراتش بدات تتغوت ...) ااااااه ..ااااااي امييييي 🔙🔙🔙 منين طلعات مع الوازنة وهيا شداها السخانة و وجها رجع احمر ..الوازنة تتهضر معاها و هيا مرفوعة ..طلعت نيشان الفوق دخلت بيتها لقاتو متكي حاط الفوتو و تيتفرج نبيل: كون غير نعستي معاهم !؟ اسماء: ( طلعت تنعس وجرات غطا على راسها) صمت نبيل: ( متبعها و قرب لها هو غطا بانت ليه حمراا تترعد وريحة حلبة تتعطي منها) اسمااااء .. اسماء: خلييني نعس .. نبيل: ( غطاها وحط تلفون ناض الكوزينة يشرب دوا ..فتح بواطا اخر حبتين فاليوم و رماه فمو و شرب الماا و رجع الفرااش تيحك فشعروو تيخمم ..) صمت .. ....مع بعض مرور الوقت ..فاقت عللى اوجااع فكرشهاا ..عيات تغمض عينيها و تسدهم و تكول هاهو يدووز هاهوو يدووز ..شدت فكرشها تتعصر ..ناضت بشوية فالظلام دخلت الحمام جلست تتعصر و تتوجع قطعت بابي جينيك مسحت جات ترميه هيا تشوف الدم اسماء: ( خيبت سيفتهاا ) تفوو تاتجي تتجري زرباانة ..( طلعت حوايجهاا مشات كوزينة تشرب وهو يشحطها وجع ...للدرجة طاحت على ركابيها شادة فكرشهاا ...تتعصر تتعصر تاا طلقت صرخة 🔚🔚🔚🔚 ..نوصير : ( غير سمعها دق فالباب ) نبيللل نبيييييل اسماء: ( تتبكي و تغوت الاااام حادة شداهاا جناوا تتيضربو) اااااي كححح كحححح ( بحال بغات تجيف) نبيل: ( ناض مدهشر تيسمع غواتها و دقات ..تضرب فيها فالكوزينة تحنى عندهاا) مااالكي ( تيقلب فيها مخلووع وهيا قربت تسخف و عرقت) اسماااء مااتخلعنيش اسماء: ( تتوجع و تبرك على كرشها ) تنتقططططع .. نبيل: ( تيسمع دقان هيا فيديه تتموت...ماحسش تغووت) عااااااااين ..( حطها و فتح الباب) .... نوصير: ( بخلعة) ماالكم ( تابعو تادخل هزها من ارض دايها بيت) مالها !؟ نبيل: (قرب يصعر تجنن) فيييين عمررني عرررفت مالهااا !؟ ( حطها وشداتو الصهدة ) شنووو كليتي !؟ ( تيقرب يشمهاا) اتحمقييني نوصير: ( قرب عندو شدو من دراعوو مهدنو و تيهضر معاها) ختي اسماء نفيق نجمة !؟ ضرك داك العشا !؟ اسماء: ( رجعت صفراا و تتقطع و تتحس تحتها بحال روبيني) انمووووت اربي نبيل: ( بشوفات الم و خوف و قلق ..) انهزها طبيب !! نبقى نشوف فيهاا تتموت .. نوصير: لاه حول ولا قوة الا بالله ..انا نزل نحرك الطموبيل نبيل: ( جا ينوضها و هياا تتشوف تحتها ..تاشاف معاها منظر تخلع ، بحال ذبحتي حولي) اااش هااد المرض ..( لواها فملاية رقيقة تاهزها و حطها هز بزطامو و طار لبس سبرديلتو ورجع هزها وهيا تتغيب) اسمااء اسمااء هضري معاياا اسماء: ( وجع تيقطع و البرد سكنها فالعظام القوة مشات) كررشي تتقطع نبيل: (نازل فدروج تيطير نوصير فتح ليه الباب حطها و جلس حداها) طير !! طير لداك الكلينيك التاني .. ...نوصير غير تيحرك فراسو من زهر اسماء، ومع ليل السير مخفف كسيرا دقة وحدة حتى الكلينيك ...نزل نبيل هازهاا و نوصير وقف فاالاستقبال ودخلها نبيل المتسعجلات شدوها منو و هيا شبه غايبة .. نبيل: ( تيمسح على وجهو وراسو ) ياااربي مااتوقف معاها الا طرات لها شي حاجة انهبل .... ..نوصير: ( وصل عندو) دخلوها !؟ نبيل" : ( حرك غير راسو) صمت نوصير: عطيني وراقكم نبيل: ( جبد بزطام عطاه كارطة ديالها ) سير قضي الغرض ... ..مشا نوصير عمر الاوراق و رجع عندو تينتظرو ....تاخرجت الطبيبة عندهم .. طبيبة: مساء نور ( تتشوف فوراق) اسمااء لمنوني من طرفكم !؟ نبيل: نعم طبيبة: ( تاسفت ) البنت واضح من ريحة لي فيها فالجسد تناولات مسااخن لي مجهدين عليها لا بالنسبة للعمر ولا لصحتها الي ناقصة لانه سرعت لها الدورة الدموية و طلعت لها الظغظ ...المساخن راه مصنوعين من 22عشبة هيا قليلة و ماشي كلشي تيوافقهم و كدليل المريضة كان ممكن تمشي فيهاا .. نبيل: ( حط يدو على حنكو) كي بقات !؟ طبيبة: نزيف توقف حمد الله و الضغظ راه فالاعتدال ..من هنا للصباح تخرج ... نوصير: نشوفوها ادكتورة !؟ طبيبة: واحد الساعة وطلع للشومبرة و طمنو عليها ..تنوصي ونعاود البنت صحتها على قد الحال ياريت تجننب اي عشوب .. ..من بعد ساعة طلعووها الفرمليات لايطاج فوقاني بسانسور وهما مشاو الاستقبال عطاوهم الرقم وخلص نبيل الحساب و طلعو عندها لقااو الباب مفتوح و تيركبو ليها سيرو و هيا غير تتشوف ..تتذبل فالبلاصة و تصفار و عينيها تيذبلو ... فرملية: غدا نشاء الله تخرج ..وخاصها حوايج ..بشفاء نبيل: ( غير تيشوف فيها) صمت نوصير: شكرااا اختي ( قرب ليها) ختي اسماء شوية !؟ اسماء: ( عمرو عينيها بالدموع ..حركات راسها) امم نوصير: على سلامتك ( شاف فنبيل) اتبات هنا !؟ نبيل : ( سرح حلقو ) احمم ..اه ! كول مراتك تجمع لها غدا حوايجها و كما العادة الواليدة ماتسيقش الاخبار .. نوصير: كن هاني !! اسمااء ختي الله يشافيك ..( خرج ) نبيل: ( بقى غير تيشوف فيهاا و هيا تتهرب منوو ..جر كرسي و جلس حداها) تتساليهم ليا !! شتي علاش ماتنخليكش تخرجي من جنااحي !؟ الا مادرتيها قد رااسك تجبيها فصحتك .. اسماء: ( بدمووع حارين) انا كليت غير رفيسة وتاخالتى والاخرين خداوها و كالو ليا تتجيب الاولاد نبيل: ( مد يديه مسح دموعهاا) يااك تفقناا !؟ علاش راسك قاصح و تتديري لي فراسك !؟ بنااقص من هاد الاولاد لي يرزوني فيك !! المشكل فيا انا ... اسماء: ( تتحس بقهرة و تتبكي تتنخصص) مااعندي زهر اناا !! تاحاجة مانتتقاد ليا .. نبيل: ( داير مجهود باش يكمل الحوار) اسماء !! الزهر ماعندوش علاقة بالصحة !! ( تيحرك راسو بمعنى فهمتنيى ) !؟ اسماء: مانعااودش ندور بيه داك بروماش .. نبيل: ( تيقاد لها غطا) شنو لابسة من تحت !؟ اسماء": غير ليكوش ..( تاجاوبات تزنكات ) اءءء نبيل: ماعليش !! نعسي ارتاحي ، غدا اتخرجي بحالك .. اسماء: شكرااا .. نبيل: ( حط يدو على حنكها مع عنقهاا و قرب ليها باسها فجبهتهاا ) صمت .. 🌄🌄🌄🌄🌄 نوصير: ( فاتح عين وساد عين مفيقو تلفون لبس حوايجو و هز التلفون وسورات دخل حمام غسل وجهو وخرج تيصوني على زاينة) الو زاينة: ( ناعسة تافيقها) الوو نوصير: نوضي خرجي عندي بغيتك !! زاينة: ( ناضت جالسة ) شنو واقع !؟ نوصير: اسماء فطبيب...طلقي طلعي الدار ... ..ناضت طاجة دخلت غسلات وجها وطرفات ولبست جلابة نجمة و خرجت من الباب لقاتو واقف زاينة: ( بخوف ) مال اسماء !؟ نوصير: هضري بشوية ...( شدها من يدها طالعين تادخلو بيت نبيل شافت ناموسية فيها الدم) جمعي لاسماء حوايجها .. زاينة : مسكيينة جاتها ايموغاجيى!! علاش مافيقتنيش البارح !؟ نوصير: ( غير تيتنهد ) طلقي لا تفيق الواليدة .. ..بقات تقلب هنا و لهيه تا جمعت لها جوايج وجلابة و شال وتقاشر و بانطوفتها دارت كلشي فصاك و نزلو فصمت طلعو للطموبيل قاصدين الكلينيك .. نوصير: نتي ماضركش داك العشا !؟ زاينة: الا !! عادي .. نوصير: ( تيحك حاجبو) مسكينة فين مااكينة شي كارثة جامعاها .. زاينة: اوااش !؟ نوصير: و الله ديما انا نبيل تنجريو بيها فطبيب ..تحرقت ، زكلها بلاكار ، دوخها دوش ، واحد نهار كانت تشلل ..وعاد لي نسيت .. زاينة: ( بقات فيها ) مسكينة و ظريفة .. نوصير: ( تنهد) داك ظريف فين تاتجي ......وصلو و نزلو داخلين الكلينيك طلعو عندهم لقاوهم تينتظرهم .. نوصير" : كي صبحتو !؟ ( شاف فاسماء ) شوية اختي اسماء: شوية ..فين خالتي !؟ نوصير: ( قرب زاينة ليها لي سلمت عليها) لبسيها حوايجها ... زاينة: على سلاامتك احبيبة .. اسماء: شكرا اختي ...لهلا يخطيك . نبيل: ( شاف فيهم ..) انا براا ......خرج نبيل ومعاه نوصير حوارهم كلو على كلام طبيبة لي مرت الصباح ...تاخرجت زينة عندهم تخبرهم انهم واجدين ... نبيل: ( دخل عندها ) تقدري تمشي !؟ فيك الوجع !؟ اسماء: لاء مافياش .. نبيل: وقفي نشوف ( يلاه وقفت هيا تشدها دوخة ..) شدي فياا .. ..شدات فيه منزلها بشوية خارجين ركبها للور حدا زاينة و هو ركب حدا نوصير راجعين للدار ... ...لابسة دجين بصمطة كوتشي و بودي لاصق داخل فدجين طالقة شعرها و دايرة ماكياج خفيف و ريحتها مفضلة ...تتغطي الفطور لي فطبلة تاسمعت طرنسبور رؤياا خديجة: رؤياااا رؤيا: ( خارجة تتجري و لاوحت لها بيزو و خرجت) بيزو ماماا خديجة: ( خرجت بالكو تتطل عليهاا ..تركبات ومشى طرنسبور و خرجت غادة بيتها تهز مونطو و صاك و شافتو فصالون بفراش على ارض نااعس ) شووهة ماشي نعسة ... 🔙🔙🔙🔙 فاروق: كاع الا ... خديجة: سمعني غير شنو انقول ليك !؟ فاروق: ( اشر ارض ) فرشي ليا فارض !! خديجة: داك بيت نعاس نبيعوه !؟ فاروق: ( هز مخدة ضربها ارض ) فرشي ليا انا نبقى نخور فالهضرة .. ..ناضت جابت الغدا فرشات ليه ...قدات ليه الغطا و مخاد و حطات ليه كاشي قريب ليه و مشات تنعس لانها عياات ..يلاه حطات راسها على مخدة هو يصوني تلفونها ..هزاتو بعينيها مغمضين فاروق: امداام !! بغيت دوا خديجة: تاالصباح افاروق ...( اقطع عليهاا....عاوتااني شد خط ) الوو !! فاروق: بغيت نشرب !! خديجة: حداك الما و العصير و ديسير فاروق: ( مكسال فارض وشاد فيلم ) وااجي حداياا خديجة: عياااانة انعس فاروق: ( بصوت رجولي جذاب) انا لي راجع من الموت !! ولا صافي مابقيت نسوا والو !؟ تبريميت !! خديجة: ( كبدتها و عاطفة تتغلب عليهاا ..ناضت تتسمع ليه تاوقفت قدامو فظلام ) مهم تعذبني وصاافي فاروق: ( نيم عينيه وحط تلفون وهز غطا ) اجي تشوفي لمعذبني خديجة: ( نزلت تنعس حداها و معنقااه وهز يدها حطها على معلم ) فاارووق فاروق: ديري ليه سي مساج ونعسو هانين .. خديجة: (تتهرب يدها هو تيردهاا تردخت طللبوو و نزل عندها تيبووسها ) امممم فاروق: ( ناض عليها وانفاسو حارة تضرب فيها) جربي حوية ارض بحال يووكاا .. خديجة : ( ولفت ضسارتو غير تتضحك) عيانة احبيبة و الله .. فاروق: ونا مامريضش !؟ ولاكن هادا ( هبط عينيه تحت) ماتيفهمش .. تلفها بالهضرة و للمساات و بوسات تالقات رااسها عريانة ...و تيلعب بصبعو فمركز انوثها و هيا تتمحن معاه ..وطلقت اااه حارة فاروق: ( نزل تيمص عنقها و يشم ريحة شعرها ) زيديني ... تيرفعهاا و يحمقهاا تاا توصل طوووب ..عرفها عيانة هو كدالك زرب عليها و تمت العملية بنجااح تاطاحو معنقين بعضيتهم ونعسوو 🔚🔚🔚🔚 قدات امورها خارجة خدمة نزلت فسانسور ...طلعت طموبيلتها دارت كونطاكط ديماري ..مي والو مرة وجوج و تالثة .. خديجة : بنت الحرام جاتها الحالة ...( نزلت سداتها وطلعت فوق ..تتفيقو) فاررووق فاروق: ( ناعس ....تيحرك جفونو على اثر استيقاظ) صبحنا عالله ..مالنااا خديجة: طموبلتي اون بان .. فاروق: ( دار جهة اخرى) ريحي مع كرك تاتني ... ..خديجة: ( تقلقات و ناضت خارجة تاتسمعو تتيغوت خرجات سدات الباب ...) طلع ليا فصحتي .. ...مع خرجة شدات طاكسي و عطاتو عنوان لاجونس وطريق كلها تيصوني ما تتجاوبوش ..خلصت طاكسي ونزلت مع دخلة استقبلوها البنات و سلمو عليها تادخلت عند ليالي .. خديجة: بونجووغ ( سلمت عليها) صافا ليالي" : على سلامة ماشيغي ..كي اعمل فاروق خديجة: ( ساطت) سوليني على راسي !! ليالي : ( مفكوعة كثر منها) اوسي طي فااشي ( مقلقة ) ههه خديجة: ( طفات تلفون وحطاتو ) انا نكولو مقطوع خاسر ونتي !؟ ليالي: نفس الموضوع ..هاديك المراة تاني خديجة: سي بااافغي !! ليالي: سي فغي !! ( رن هاتفهاا برقم مربية) الوو مربية: مدام ليالي انا مشيت ؛ مسيو مغيث خرج معاه امير و قالي غير سيري .. ليالي: ( قلبها وقف) كوااااا ...!!! ...هاز امير تيعنقوو و يبووسو حطو فالكرسي الخلفي الخاص بيه و حط حداه صااكوو و هو تيلعب بيديه ورجليه فرحان بمغيث .. مغيث: ( باسو و سد الباب و ركب بلاصة شوفور ..) بابيتوو تمشي معاياا !؟ امير: ( حماسي بزاف ) دددد دادااددد مغيث: داادي !! ( خرج من الخدمة بكري و مر بمحل الورود وخدا احسن بوكيه و باكي شكولا بريستيج و هز امير ) ...هااحناا وصلنااا .. ..نزل تيقاد حواايجي و فتح الباب هز امير و هز صاكو على كتافو و سد الباب وفتح لاخر هز بوكي و الشكولا مهربهم من امير و سد بكونطاكط ..دخل من الباب وركب فالسانسور تيشوف فامير قطع حس و هز عينيه تيشووف و مغيث مشبعو بوساان تتيجنو ويرجع يبغي يعضوو ..تفتح باب سانسور امام البرطمة و هز يدو زر صونيت .......للحظات و تفتح الباب لابسة للباس كاجوال و فقمة انااقتها تصمرت امامهم ونظراتها مابين مغيث و أمير لي تيشووف فيهاا .. مغيث: آخر مرة خرجت بولدي لحمة حيدتو من يديك و ماحترمتش !! اليوم انا جيت معاه وطالب العفوو منك !؟ اتخلينا فالباب !؟ غيثة: ( عينيها مدمعين و شوكة تتحس بيها فحلقها) حااشاا اولدي ..( عطاتو مكان ) اتفضل.. مغيث: ( مد لها الورد و شكولا و حنى راسو داخل ) الله يزيد من فضلك ... غيثة: ( مسحت دموعها حطات صواب فوق طبلة و قلبها تيضرب على حفيذها...مدت يدها ليه) موون بيبي موون اموووغ امير: ( دائما ليالي تتوريه صور غيثة و تسمعو صوتهاا ..تيرمش سامع ليهاا تا خرجت ابتسامة من ثغرو) ممممماممممم غيثة : ( بدموع تتبكي ) ماامي احببي ( مدت يدها و متنع) اااجي عندي انا ماامي مغيث: ( شادو عندو ) هدا تيعرف غير باباه .. غيثة: ( تتمسح دموعها استأذنت منو مشات كوزينة وجدات بلاطو ضيافة بنت الجود و الكرم حطاتو ليه و مشات بيت نعاس جابت فاليز حلاتها امام امير كلها العااب ) فياان ماامي فياان .. امير آثاروه الواان و اشكال مدلها يديه و جلست معاه بحنية و تفاهم تتلعب معاه و تضحك و عينيها غير عليه ، مغيث متبع منظر متأثر ....خلاها على خاطرها مع حفيذها تاخد رااحتها ...تاناضت جالسة .. غيثة: شكراا اولدي رغم كل شيء .. مغيث: هدااا واجب الالة غيثة !! ( بتأسف) الانسان بطبعو اخطآء ..ياريت نتفداو المشاحنات و ترجع مياه مجاريها ...امير تيبقى حفيذك الوحيد و ليالي كدالك غيثة: اممم !! ما السبب لي منعها تجي معاك !؟ مغيث: انا هزيت امير وجيت من ذاتي راسي وربي شاهد علياا !! لان فالاخير حنا لي مهمين فهاد علاقة . غيثة : ( بهدوء و تقة ) مدام بغيتي حوار !؟ مرحباا !! انا ابنتي او حفيذي عمرني كنت نسمح فيهم ، لاكن انت آذتيني بزااف مغيث: ونتي الالة غيثة ماوقرتينيش و ماضربتيش ليا الحساب !؟ انا بغيت نعرف غير فاش غلطت معاك !؟ بنتك تزوجتها بالشان و المرشان كما تتقولو نتوما فااسة ! معيشها بنفس مستواك ولا احسن ...لي حز فقلبي انك تسجلي ولدي بلا بياا غيثة: (تتاكد برااسها) متاافقة معاك غلطت !! كان تصرف مني غير لائق !! ولاكن كان ردة فعل لقلة صوابك معايا وانت عاارف اش علمتي !؟ جريتي علياا بكل بسااطة مغيث: ورااعي لياا الالة غيثة!! دخلتي فخصوصياتي !؟ ( سكت ...) لالة غيثة لي غلب يعف !! انا طالب معاك الصلح و صلة الرحم ، راه ماايمكنش يكون بيناتنا شاريع ولا جوج و نقطعو صلة الرحم غيثة: ( تتمعن فكلامو ..تتجاوب بهدوء) اش انقوليك اولدي !! على وجه هاد الملائكة و ماناخد ذنوب دخلتك !! انا عمرني بغيت ليكم الاذى مغيث: صدقيني الالة غيثة !! بنفس طريقة لي تتعزي بنتك راه تنعزها ، راه تنغير عليها منكم نتما لي والديها ( باعتراف) هادشي ماعطاني الله ..نتي ام مراتي و جدة ولدي لي روح عندي فيه ، حتى انا بعائلتي و بالواليدة ديالي مانبغيش مرااتي تحرم من امهاا .. غيثة: انا مدام اموركم هانية ، داكشي لي بغيت الله يتاويكم .. ولو ابنتي رضات بالضرة مغيث: هاديك الهضرة و الضرة لا اساس لها من صحة !! انا العقد زواج فحياتي لي كتبتو هو مع ابنتك .. غيثة: انا الا ابنتي هانية و مرتاحة !! انكون كدالك .. مغيث: الا تكرمتي و قبلتي انا عارضك الغدا و نتلاقاو بليالي و اذيب راه من بارح هما موضوعهم غير انتي ..انا خديت مبادرة و جيت عندك اول .. غيثة : ( تنازلت لان داخلها ام و الام معروفة بحنية ) اوا الله يهديهم هدا مانقول .. مغيث : ( هز امير لي بدا يبكي ) نتسناك الالة غيثة تحت فطموبيل على ماتوجدي !؟ غيثة: ( بتردد) دزتوو كاملين فوجه حفيذي وصاافي مغيث: ( بابتسامة) مرحبااا انسيبتي ههه ليالي قطعت مع المربية مفاجأة بالخبر..لان مغيث واضح خرج من الخدمة مبكر ، سؤال لي تطرح فبالها انه واقع شي حاجة او تيخطط لشي حاجة !..ممكن يكون جاي عندها !؟ لان بارح جو توثر بيناتهم .. خديجة: ( شادة بيسي تتخدم قدامها) اش واقع !؟ لياالي: ( حكت جبهتهاا ) جوسي با !! قالت ليا مربية هز امير وخرج و قالها غير سيري .. خديجة: سي بياان !! راه ولد اباه هداك ، كرهت انا فاروق يدوز وقت مع رؤيا ، تنفكر لا رزقني الله بشي تربية انكوم انا لامامون ولو بابا .. ليالي: ( عطاتها ملف ) شوفي ليا معاك هاد ديزاين !؟ خديجة: ( شداتو تتشوف ) طوووب !! عرفتي شهوتي فشي بْتي فيلا نهندسها على ذوقي من صباغة للزليج لرخامها لديكورها لفراشها.. ليالي: ( وقفت تتقاد فطابلو الوان وهيا اخر انااقة) نشاء الله .. خديجة : ( هزت رااسها تتشوف فطابلو) نزلتي ديبو !؟ ليالي: ( تلفونها تيصوني ..هزت صبعها لخديجة) ووي **: مدام جوهري بنجوغ !! معاك عيادة لادكتور يحياوي هبة ليالي: بونجوغ !! وي بوغ لوغنديفو ياك !؟ ***: افيكتيفمون !! تقدري تجي من هنا نص ساعة !؟ ليالي: ( شافت فساعتها ) دااكوغ ..ميغسي افونس ****: مرحبا مداام .. ليالي: (تتجمع صاكهاا) بيبي !! نخليك نمشي طبيبة خديجة: وي بب !! ياك امور هانية !؟ ليالي: ( باستها فحنكها) على ود مانع الحمل وصافي ..يلاه تهلاي ....خرجت بمشية حمامة تتقاد فمونطوو مع خرجة شدات طااكسي لان سيارة غيثة مع اذيب و تجهت للعياادة ....مسافة طريق كانت امام العياادة و دخلت الاستقبال عطاتها الاسم ودخلاتها ... طبيبة: ( وقفت سلمت عليها ) مدام جوهري نورتي العيادة ليالي: بنورك دكتورة .. طبيبة : ( جمعت يدها مستعدة للحوار) كي عاملة مع امير و سهير ليل !؟ ليالي: صافاا !! باباه معاوني فيه !! على هاد موضوع جيت ، بغيت ناجل اي حمل حاليا طبيبة: الله يحفظهم ليك !! وي ممكن ، نفحصك حالياا ( وقفت ليالي تابعها للغرفة فحص ، حيدات حوايجها و بذات تفحصها و نفس الوقت تتطرح عليها اسئلة روتينية ..) حمد الله كلشي مزيان ... ليالي: (تتلبس حوايجها و تبعاتها بيرو) باش تتنصحيني !؟ طبيب : ( فتحت بيسي ) هنا كما تتشوفي !! مانع حمل بيلول ( حبوب )و لابيديكور ( شوكة)و ستغيلي ( لولب) ....مانصحكش بيهم خصوصا شوكة !! ( تتدور بستيلو على بواطو دوا ) implant او كبسولة الحمل، يمنع حمل بالنسبة 99% و عندو اضرار سلبية اقل و الاطباء حاليا تنصحو بيه .. ليالي": وي !! الوغ نعمل هداا طبيبة: ( جبدات لابواط و خبرت فرملية دخل عندهاا ) عملية اتحتاج من عندنا خمسة قايق ليالي: ( بخوف ) عملية !! طبيبة" ( بابتسامة تتهدنها و تاتشرح لها طريقة و تتنصحها بيه ) متافقين !؟ ليالي : داكوغ ( تبعت فرملية حيدت مونطو و بيل و بقات بستوينات حطات ذراعا على طابل معقمة و فرميلة غطات ذراعها بالغطاؤ اغطاء مبين فقط طرف من ذراعها ...تتدور عينيها بخوف تاجات طبيبة تاتلبس ليكات و فرميلة تتوجد لها ادوية) تتوجع ! ؟ طبيبة": نوو ( مسحت بلاصة من ذراعها بيطادين و هزات شوكة بلج تتقادها ..وضربتها فمكان مخصص و بدات تضرب بيديهاا .. ) تتحسي !؟ ليالي: نوو طبيبية: ( هزت مشرط ضربت ضربة صغيرة و تتمسح فالدم..حلات بواط جهاز جديد فلون ابيض مثل كرفوز ..دخلات رااسو فللحم ذراعها تتمركز مزياان وتسمع طااق ) كملناا .. ليالي": ( متفاجأة ) بصح !! طبية: ( عقمت لها و دارت لها صباردلا ) نعم !! حاولي يوم مادوشيش ..وممارسة جنسية كدالك .. . لبست حوايجها وجلست مع طبيبة تتسمع نصائحها تا خرجت خلصات و هيا خارجة رجعت صوت تلفون وجوبات فبلاصة ... ليالي: الوو مغيث: ( بتسم صوتها هاامس ) توحششتك .....راك فلاجونس !؟ ليالي: ( حاطة يدها على ذراعهاا ) نو !! يلاه خرجت من جنيكو ! مغيث: كان علياا نمشي معاك !؟ ( شاف من مرايا غيثة مع امير تتوكلو دانون) نعثي ليا فينك نجي عندك .. ليالي: انا فشاريح محمد خامس ...( بصدفة دايز من تماا ...شافها توقف عليهاا ونزل عندهاا ) كنتي قريب ؟ مغيث: ( مبتسم و شدها من ذراعها معنقها) القلب عالقلب..( تاغوتات طلقها ) ماالك ليالي: ( حاطة يدها على ذراعهاا ) تنشرح ليك واحد جريحة وصاافي مغيث: ( شد وجهاا عندو ..فوسط شاريع مامسوقش) كفاش جرحة اعمري !؟ تقصحتي .. ليالي: ههه سي غيان ..( تتحرك تشوف امير تاا شافت الباب تفتح نزلت غيثة امامها بكل اناقة و شعرها اسود تيتحرك و عطرها معتاد ..عمرو عينيها بدمووع و تتسرط ريق وشافت فمغيث كانها تشكر عاد فهمت سبب أخذو امير ..تقدمت شادة فذراعها مثل طفلة ) مامااااا ...ساعتين قبل باش دخلوها الدار ، نيشان نبيل و نوصير و زاينة طلعوها بيتهاا ..غيرو لها فراش و تكات ناعسة من الم و سهير ليل ...و الوازنة صدموها بالخبر طلعت ام زاينة و نجمة يسولو عليها عرفوها ناعسة و نبيل معاها ماتجرأوش يطلعو .. اام زاينة: الله يشاافيها و يكعد اوتادها االبنت صحتها قليلة الوازنة: ( تتسبح ) واا زهرر نااعس ، والو مسكينة من ة وحدة للوحدة .. نجمة: ربي معاها و صاافي؛ مامولفاش مساخن داكشي علاش .. الوازنة: لاحول ولا قوة الا بالله .. الام: ( وقفت تتسلم علل الوازنة و زاينة) خليتكم على خير انمشي محالي الوازنة: هانتي مونساانا اودي !! الام: نتلاقاو فساعة خير الالة الوازنة و الله يشافي عروستك الوازنة: آمين و الله يوصلك على خير .. نزلو البنات مع امهم ود عينها و رجعت طلعت زاينة مقلوبة لها برادة غير بوحدهاا ..قربت من الوازنة : خالتي شنو نطيب !؟ الوازنة: بخاطرك ابنتي ! راه كلش تما موجود ولي ناقصك نصيفطو عليه .. ..زاينة دخلت كوزينة تتكتشفها بعينيها ..حلات فريكو جبدت دجاج و بدات توجد تنصب و غير تتسوط و هازة زنافرها ، نصبت طاجين و مرقاتو وبدات و تقطع بطاطا فريت و دماغها خدام ..ماحيرتها لامها لي غير تتجيد منهم و تتطالبهم بالفلوس و لا قرايتها لي تتفكر فيها ولا حياتها لي تقلبات ..شعورها لي يخليها تكمل مع نوصبر مبهم تمااماا ...الوقت تيدوز و هيا تتوجد كملت و دخلت بيتها تتدهن يديها بكريم و ساهية تفكر ..جبدات تلفون و دخلت فيسبوك رسلت ليه مساج زاينة: 📩 سلام صافا !؟ ربيع: 📩 بلوكيتني من واتساب !؟ زاينة: 📩 بدلت نمرة !! نسولك ربيع: 📩 نتي عارفاني تندخل فيس على قبلك !؟ عطيني رقم ازاينة أيلي فين نسمع صوتك زاينة: 📩 جاوبني ابعدا ! مزال داك ولد عمك تايجيب كونطرات !؟ ربيع: 📩 هاد هضرة ماشي فيسبوك و للمزيد من القصص تابعونا على : الواتساب : whatsapp.com/channel/0029VaicQtDKLaHqQiLXua02