ناصر:صباح لخير انا:صباح النور كلس تفطر كلسنا كنفطروا بقينا كنهضروا فمختلف المواضيع ناصر:نوضي يالله نمشيو وفلعشية نديك لداركوم انا:يالله نضنا ركبنا فطوموبيل وتاجهنا لفيلا حطني ناصر وتا كنت ماشيا ناصر:شيماء انا:وي ناصر:صافي والوا انا:(باستغراب اوكي).دخلت لفيلا مشيت عنقت دادة انا:دادة نجاة توحشتك دادة:تا انا ابنتي دادة:فطرتي انا:اه فطرت دادة:اجي ابنتي نمشيو لجردا نهضروا انا:واخة .كنا ماشيين تلاقين بداك سليعفانا دنورة نورة:اووه لحباب مصبحين عالحنان والاشواق انا:بحيت نتي محرومة منو داكشي علاش نورة:نن حبيبة انا حبيبي ناصر مكفيني ومليني حنان انا:هه باينا اوا خصارة مزال ناعسا على وذنيك نورة:كيفاش انا:كيف الراس نورة:هه منزيدش نذلي مستوايا ليك خدامة دلخلا تجي تبغي تهضري معايا انا انا:هه شنو قلتي خدامة دلخلا سكتي قبل منجي نخلي دار بوك نورة:او يي بافغي على مستوا شحال طايح باينا فيك قليلت ترابي ووالديك معرفوش يربيوك انا:غي سمعت واليديك وانا نجعر وطرت عليها بنتفة طيرتلها كاع دوك زغب لي فرحانة بيه دادة غي واقفة بعيد وكاضحك حتى كنحس بشي يد هزاتني عرفتوا شكون كان ناصر معصب وعروقوا كاع خارجين جمع معايا بتصرفيقة حتى طحت فالارض ناصر:مزيان تبﻻكالله حمام عندي انا هنايا نورة:(كدير دموع التماسيح)اهئ شوف احبيبة كي رداتني انا غي صبحت عليهم بالخير وهي طارت عليا انا:ولكن .ناصر:شش سكتوا هضرتكم كضرني فراسي دادة:ولدي ناصر راه هي ناصر:عافاك ادادة ما باعي نسمع والوا شيماء تحركب طلعي لبيتك انا:(حدرت راسي )وطلعت لبتي وسديت عليا ماكنش عليه يضربني هي لي جبداتلي واليديا وانا اعدا حاجة ولي كتجعرني هو شي واحد يجبد واليديا ولو بكلمة وحدة مكنبقاش نعقل شنو كندير.... اوكي سي ناصر كتقلب عليا انا انعرف انا طريقة نخدم معاك (ونتا لي بديتي لخصام نتا لي بديتي علنتي لحرب عليا ونت لي بغيتي تحمل لعقوبة هادي والتوبة غنبقا دكرا فحياتك والله لا نسيتي ..هه تحية لاهاب امير).دخلت دوشت وخرجت لبست كسيوةطويلة غوز بسميطات تودرة سميطة فلباج وصنيديلة صيفية باج وماكياج متير ركزت على العيون وعكارغوز ودرت بوندو غوز الحاصول جيت كتيكيتة هه كانت وصلات لعشية كانت دادة كدق انا:دخلي ادادة دادة:ناري على بنيتي كيجات الله بحجبك من لعين وصافي انا:امين ربي يخليك ادادة دادة:وسيري هودي ابنتي راه قالي راه كيساينك فطوموبيل .هودت دزت كحدا داك سليعفانة بات كتبرقق فعويناتها وانا نخنزر فيها وهي تحدر راسها(هه لقتلة دارت لمفعول هه)خرجت وشفتوا فطوموبيل كان كيهضر فتلفون طلعت وانا ساكتا مهدرتش معاه .ناصر:ديري سمطا انا:درتها بصمت .بقينا ماشيين طريق كاملا وانا مجاهلاه كنشوف تا وصلنا حيدت سمطا وتميت هابطا ناصر:شيماء وقفي انا:(بتخنزيرة)شنو؟ ناصر:هضري معوط انا:شنو بغيتي ناصر قرب لعندي وطبع قبلة ففمي وانا غي مبنجة وقلبي كيضرب بعدتوا دغيا درت شال عليا وهودت ناصر:(كيهضر)واياك يقوليك عقلك تخرجي راني نجي نقتلك فهمتي انا:(باغا نلعب لو على اعصابوا)اوكي سي ناصر تامر سيادنكم بشي حاجة اخرى ناصر:(بالغوات)شيماء سيري طلعي تكعدي حسن منسدق محرم عليك هاد لمشيا انا:اوكي (بنفخة).مشيت وهو يدرب واحد لفران هادوك لي فشارع كلهم داروا كيشوفوا فيا مشيت لدارنا وهو تفتح لي ماما نقزت عيها بتعنيقة ماما:الله ها بنيتي وشحال توحشتك انا:اهئ اهئ تانا اماما ماما:وحنى واقفبن تاهودات هي والله تاهي ختي حبيبتي انا:(نقزت عليها)حبيبة توحشتك ختي:تانا حبيبتي هاكدا تمشي وماتقوليهاليش انا انا:والله اختي مابيدي كلشي جامزروب......... #يتبـــــــــع.......