قصة المزحة #الجزء 94 : ارثر: عرفت و لكن قلت ليك ماغاديش تخرجي من تما الا و نتي كتمشاي على رجليك. ايلاف: و لكن خاطري ماهناتني دارك و نتا خارج منها و حنا مجبحين فيها. ارثر: راحتك هي لي مهمة و انا خليتك باش ترتاحي. ايلاف: مااتمرتاحااش ~فاش حسات براسها غاوتات بدات تبرد~ زعما خاطري مامرتاحاش, غير رجع و حنا نمشيو باش ترتاح. ارثر: غادي نعاود نقولها انا خرجت باش ترتاحي نتيي. ايلاف: و حتى انا غادي نقولها بطريقة اخرى غير رجع لدارك باش نكون مرتاحة كثر اما المشية ديالك ماريحاتنيش. ارثر: خلينا من هاد الموضوع علاش باقي فايقة حتال دابا, ياك خاصك تكوني ناعسة دابا باش تقدري تفيقي بكري ايلاف: و باش عرفتي هادشي؟!! ~ عاد تفكرات بلي فاش قالت ليه كاينين البنات و غادي تحيد الكبس ماستغربش و قال ليها عارف~. ارثر: اي حاجة كتخصك عارفها سكت شحال و حتى هي مالقات باش تجاوب. ارثر: اييلاف, قريب نجي و ديك ساعة خاصنا نكلسو و نهضرو. ايلاف: اوكي. و سكتو تاني و لكن هاد المرة هي لي كسرات الصمت. ايلاف: ارثر واش نتا لي... ؟؟ و خلات سؤال مفتوح مابغاش تكملو باش حتى الا ماكانش هو ماتفرشش ارثر تبسم كان كيتسناها من اول المكالمة تسولو هاد السؤال و لكن دار راسو مافهمش: ليي شنوو؟! ايلاف على بالها بلي ماشي هو : لا والو صافي صافي. سكت تاني عاد نطق ارثر: اه انا. ايلاف: علاش اشنو درتي؟ ارثر: ايلاف قلت ليك خاصنا نهضرو و فاش نجي اتعرفي كلشي و انعرف كلشي. ايلاف: اوكي تصبح على خير . ارثر: و انتي من اهلو. و لاول مرة ايلاف غادي تنعس و هي مرتاحة من ورا شي زبلة دارتها و ندمات عليها. صباح فيقاتها ايفا ~ماعمري عاودت ليكم عليها~ ايفا من النوع لي كتبان فيه بريئ و لكن هي معقولة لاقصى الحدود عندها نيشان و هادشي لي كتلقى فيه مشكل مع بنادم بزاف بحكم انها ماكتعرف حد كتعامل مع كلشي بمبادئها ~كيف دارت مع ارثر الا بقيتو عاقلين~ ☆مهم تصويرتها غادي تلقاوها لتحت☟☟☆ ناضت ايلاف و هي كلها نشاط و حيوية ولات كتسنى غير امتى يوصلها داك البوكي و امتى يجي, فاقو البنات فطرو مجموعين و عاودات ليهم و لكن غير اساسيات مع كانو مزروبين و ناضو مشاو فحالهم و بقات تاني هي و ايفا بوحدهم, ولات كتنوض من الفراش و مابقاتش كتكلس بزاف مع في هاد السيمانة اتحيد الكبس و هادا نوع من الترويض مع الواحد فاش كيبقى شاد الفراش بزاف واعرة عليه و خاصو ضروري ترويض و هنا فين كان دور ايفا و لي بدات معاها بروكرام من نهار مابقاش عليها خطر في رجليها. عاوناتها ايفا و حتى العكاكز و نزلو لصالة لتحت فين كاين شوميني واخا اواخر الشتاء الا انه باقي البررد. كلسات مقابلة معاه و كتسنا في البوكي ديالها يجيها و لكن تعطل هزات كتاب كتقراه باش دوز الوقت و غير بداتو نسات راسها حتى جات عندها ايفا باش تغدا. ايلاف: داز هاد الوقت كامل !!؟ ايفا: اه كنتي منساجمة مع الكتاب نوضي دابا تغداي باش ديري قيلولة و من وراها اتنوضي تحركي. ايلاف مع راسها:~ زعما شنو عرفتو هو مابقاش غادي يسيفطو ليا؟~ ايلاف: اوكي يالاه نيت فيا جوع. و داكشي لي كان كلات و نعسات و فاش فاقت تحركات هي و ياها حتى جاو البنات كلسو شوية و ناضت جودي كيف العادة كتراجع معاها اش دارو في الحصة و فاش ماكيفهموش شي حاجة عنوب في الذمة. كملو المراجعة و تجمعو تاني على العشا, عاد عاودات ليهم اش طرا بلي ديطاي. ايلاف: و غير عرفتو هو ماسيفطش ليا البوكي. تيماء: ايوا صافي عرفتيه بركة عليك. ايلاف: لا غير باقي ضارتي راسي على ديك سوري و صافي اسيا: ايوا حتى يجي و تعرفي و نعرفو معاك ههه جودي: ههه دابا يجي الحبيبة و دابا يجي. يسرى: ها انا جيييت كنت كتهضرو عليا ؟ ايلاف: بسم الله الرحمن الرحيم منين خرجتي تاني. يسرى: ياك ياك كتجري عليا؟ سري انا لي جايا عندكم اما نبات في داري ديك الساعة اسيا: غادي تبااتي معاانااااا!!!؟ يسرى: اه مع الاسف. تيماء: اش طرا و جرا حتى خلاك اوووومر يسرى: اختي فاش رجع لخدمتو من مور اسبوعين لعسل لقا الخدمة تجمعات عليه و غادي يبقى حتال اينا وقت و لقيتها من الجنة و الناس و قلت ليه مانبقاش بوحدي فاش طيح الضلمة ايوا جابني عندكم و رجع لخدمتو و انبات معاكم. ايلاف: مرحبا و الف مرحبا, نهار لكبير هذا. جودي: زيدي زيدي كلسي حدانا نعاودو ليك البلان. بقاو مجمعين و طلعو لبيتها و كلهم ضايرين بيها في ديك ناموسية تقولو غير نافسة و جاو يباركو ليها بقاو حت حت كاع ذنوب جمعوهم خلاص فاش زادو هضرو مع الشلة كملااات ما حبسهم غير الدقات لي في الباب. ايلاف: دخل تحل الباب و بان منو الورد و لكن هاد المرة ماشي الخدامة لي جايباه و انما حبيب القلب "ارثر" هو لي جا و جاب ......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM