قصة المزحة #الجزء 93 : من بعد هاد المكالمة زادت تخربقات و بقى الاحتمال الاخير هو ارثر و لكن علاش غادي يطلب سماحة و هو مادار والو بل بالعكس هي لي خاصها طلب سماحة.فاش جاو البنات عاودات ليهم على شكوكها و نفس الاجوبة عطاوها ليها. ايلاف: و لكن الا كان ارثر علاش ايطلب السماحة و بشكل يومي, لا عندي احتمال بلي مايكونش هو. تيماء: ايوا الحل الوحيد هو تعيطي ليه و تعرفي. ايلاف: لا مايكمنش, قلت ليك مانعيطش ليه. اسيا: ايوا بقاي ضارك راسك واخا حنا كاملين عارفين بلي ارثر لي كيصيفطهم بحكم ماعندك حد هنا و خلاص حتى واحد ماعارفك كالسة هنا في دارو. جودي: حتى الا بغيت نجر لسان باتريك و تقولي واش كنصور من عندو شي حاجة على ارثر. ايلاف: لا بلاش غير خليه بلاش, اصلا بقات ليا غير زوج سيمانات و نحيد الكًبس و نمشي فحالي من هاد الدار الا جا قبل راه نهضرو الا ماجاش فيعني كيتفادا نتلاقاو و كيسهل ليا طريق باش نساحب و نحيد هاد الافكار من راسي. دازت سيمانة اخرى و الحال باقي كيف هو بوكي الورد مع الكارط كيوصلها في نفس الوقت و لكن هاد النهار جابتو ليها يسرى لي كانت غابرة هي الزوج في اسبوعين للعسل زعما و غير جاو طلباتو باش تصبح على البنات, فطرو مجموعين و ماتفاكوش مع يسرى و اش دارت مع عمر. اسيا: و دابا نقولو مابقيتيش عزبة تيماء: هههه شفنا المشية ديال البطة , مالو زوج سيمانات و هو خدام. ايلاف: هههه بعدو منها خليوها تهضر على خاطرها. جودي: ههههه ها انا ساكتة ماهضرتش نتسناوها هي لي تهضر. يسرى: اويلي اش نقول ليكم استغفر الله العظيم. داكشي بين الراجل و مرتو ماكيتعاودش. اسيا: و قولي لينا غير اش دار ليك فاش عرفك كذبتي عليه. يسرى: حيح عليا مهم انا انكتب ليكم اش طرا بالضبط نهار التاني خرج عمر باش يتقدا و هي دخلات دوشات و نسات راسها بقات ببينوار و بقات كدور بيه و كتنشف شعرها حتى دخل عليها. عمر: دوشتي هي كملات منك؟ يسرى: ها ؟! لا راه باقي عمر: و ملي باقي علاش مالبستيش حويجك قبل مايضربك البرد؟ يسرى: ها انا انوض نلبسهم دغيا و بالتلفة ناضت لبسات حويجها و هو متبعها بعينيه. عمر: مانسيتي والو؟ يسرى: شنو !! عمر: الويز, مادرتيهاش و لا نقولو اصلا ماعندكش لاش ديريها و بلي ماجبتيهاش. يسرى صفارت و خضارت بوحدها و ناض صاعر عليها. عمر: واش بنت ليك وحش غادي ناكلك و لا حيوان باغي غير الرغبة و الشهوة؟ يسرى: لا ماشي هاكاك عمر:و علاش كذبتي ؟ قولي ليا مازال مامستعداش و ماغادي نفرض عليك والو, انا خديتك حيتاش كنبغيك و راه ماغادي ندير حتى حاجة لي تأديك و لكن نتي ماكتشوفينيش بحال هاكا مع الاسف خبط الباب و خرج. و هي كلسات شحال كتفكر في داكشي لي دارت و عارفة راسها زادت فيه كان عليها تقولها ليه من لول ماتكذبش عليه و فكرات كيفاش دير تصالح معاه, خرجات من البيت لقاتو خرج من الدار لقات الفرصة و وجدات جو رومانسية و تقادات ليه و كلشي غير دخل لقى دار مضلمة و غالب فيها اللون الاحمر لي مضوي مع الشمع و قفات عليه و عنقاتو. يسرى: سمح ليا مافكرت فحال هاكا و حتى انا كنبغيك و عارفة حتى نتا كتبغيني. و ناس دخلو في الصحيح, مهم داكشي بين الزوجين ماخسناش نعرفوه حنا . نرجعو ليسرى لي كتعاود ليهم: ايوا من موراها قال ليا نمشيو لواحد المدينة ثلجية دوزنا فيها زوج سيمانات و ها انا معاكم. تيماء: و كيف دازت الليلة؟ يسرى: صراحة في لول كانت صعيبة شوية و لكن من موراها لقيت عمر 64 حصان هههه خرج مني كلشي و لكن راه حنين و داكشي مزيان بقاو كيضحكو و مجمعين حتى جا عمر داها. بقاو البنات مجمعين تاني و حتى مشى كلشي نعس مع قارين و خدامين في صباح هزات ايلاف تيليفون و بقات حاضيا اخر بوكي جاها. ارثر مابقاش كيثقل في السكرة و بعد المرات ماكيشربش كاع, و هادشي من نهار لي جات عندو شينوية و زبلها معاه و واخا باقي كتجي عندو مرة مرة غير انه ماعاودش قرب ليها مازال, رجع يتلهى في خدمتو كثر و كثر و لكن محبوبتو باقي طيح ليه في بالو. هاد النهار كالس في دارو فوق البيرو خدام حتى سمع تيليفون بلي وصلو ميساج قال مع بالو ايكون غير باتريك حيتاش هاد اليامات كاملين و هو تايقول ليه صافي رجع كملتي خدمتك تما و هو ديما كيرفض . لكن الصدمة كانت قوية اخر شخص توقع انه يسيفط ليه ميساج واخا هو الشخص الوحيد لي بغى ديما يبقى يهضر معاه. ايلاف: فينك؟ ~دارتها الزغبية دارتها راه تايقولو بليل ماخاصش يبقى عند العاشقة تيليفون مع كتزبلها ضروري.~ ارثر ماتيقش راسو, واش بصح ايلاف سيفطات ليه ميساج و لكن تبت و ترزن و مابغاش يجاوبها في ميساج عيط ليها. ايلاف لي حتى سيفطاتو ليه عاد تنادم معاها الحال. ايلاف: يخ يخ, اش درت انا اويييليي, صافي بردي سيفطتو دابا, ويلي و الا فرطني تاني و ماجاوبنيش, لا لا انا كنطييير , زعما يجاوبني؟ اشنو يقول ليا مثالا ؟!! اويلي مسيفطا ليه فينك بحال كنسول في راجلي تعطل عليا شيييت. قطع افكارها غير تيليفونها لي كان كيصوني هزاتو و كدعي في خاطرها باش مايكونش هو و لكن مع الاسف كان هو بالخلعة قطعات عليه الزغبية. ايلاف: اويييلي اويييليي اويييليي اششش درت انااااا اويييلي. عاودات عيطات عليه و لكن هو لي قطع عليها هاد المرة ~توم & جيري 2~ يالاه اتعاود تكتب ليه ميساج بلي غير تقطع ليها و لقاتو كيصوني عاوتاني. ايلاف: الو. ارثر: ايلاف ايلاف: راه كنت باغية نجاوب و ماعرفتش اش طرا حتى قطعت. ارثر: ماشي مشكل. ايلاف: مممم ~مالقات ماتقول~ من بعد عدة لحظات ديال الصمت. ارثر: كيبقيتي؟ ايلاف: مزيان شكرا, نتا لاباس؟ ارثر: بخير. هاد المرة هضرو بزوجهم دقة وحدة ايلاف& ارثر: كنت هههه ايلاف: هضر نتا لول. ارثر: لايديز فيرست ايلاف: مسامحة ليك غير هضر. ارثر: عيطت ليك مني شفت ميساجك لا تكوني محتاجة شي حاجة. ايلاف: اه محتاجاك نتا ~طبعا قالتها في خاطرها~ ايلاف ~بدات دخل و تخرج في الهضرة~ : ها اه غير بغيت نعرف فينك باش نقول ليك غير رجع لدارك الا بغيتي راه صافي بقات ليا غير سيمانة و نحيد الكبس و الا بغيتي تجي حتى غدا غير اجي راه كاينين البنات جاو و حنا غادي نرجعو.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM