قصة المزحة #الجزء 91 : عاوناتها ايفا و دارت ليها شي حركات باش تشوفها واش باقي مقصة و واش لعظم باقي محرك من بلاصتو و لقات كلشي مزيان. ايفا: اوكي تقدري تنزلي, غير و كان غير هاد المرة مايمكنش ليك تبقاي تحركي بزاف, مهم انا غادي نعاودك. عاوناتها حتى ناضت و نزلو لتحت و لقات كلشي مجمع على الطابلة و بقات واقفة و كتشوف, دار عامرة بناس عزاز عليه و هو لي مول دار ماكاينش و ناقصة بلاصتو و لكن مابغاتش تخسر عليها فرحتها بمجية البنات دغيا حيدات الكعية من وجهها و تبسمات, مشات كلساتها ايفا و كلسات حداها و بداو الخدامات في تقديم الاكل. عمر: مايكون عندك باس اختي ايلاف. ايلاف: لهلا يوريك باس اخويا, و بالمناسبة مبروك ما درتو ههه واخا باركنا نهار العرس و لكن نعاودو نباركو ما فيها باس و نيت باش تعقل علينا هاد المرة. عمر: ههه الله يبارك فيك و من ناحية نعقل عليكم كوني هانيا, مع يسرى نهار و ماطال و هي تعاود ليا عليكم كعما نساكم. باتريك هضر في ودن جودي: اش كيقولو؟ ترجمي ليا راه انا الوحيد لي بيناتكم ماكنفهم والو. جودي: ههههه غير كتبارك ليه على الزواج و طلب منها الشفاء صافي. بداو الاكل في جو مليئ بالضحك و كل واحد كيعاود على خصايل لاخر و ناسيين مول الدار لي جامعاهم واش فرحان و لا غضبان كانه شخصية غير مهمة. فاش كملو ناض عمر و يسرى باش يمشيو سلم عليه و سبقها لطوموبيل. يسرى: اتعاودو البنات بلا بيا و لكن و الله مانتفاك حتى تعاودو ليا. جودي: و صافي كوني هانيا انسجلو ليك حنا كاع اسيا: و صافي سيري راجلك غادي يرجع يجرك من شعرك يسرى: ها انا غاديا ايفا و البنات عاونو ايلاف حتى طلعات و بقات جودي مع باتريك حتى وصلاتو الباب. ايفا و البنات عاونو ايلاف حتى طلعات و بقات جودي مع باتريك حتى وصلاتو الباب. باتريك: صحاباتك ضريفات و عزازات عليكم, شفت الفرحة في عينيكم ليوم. جودي: وي عزاز علينا بزاف, راهم بصح صديقات العمر ماشي غير المصلحة. باتريك باسها في حنكها و همس قريب لودنيها : و حتى حنا غادي نكونو حبيبان ياك؟ جودي ماعرفاش باش تجاوبو و خلاص هي باقي ماعرفاتش قرارو و لا رأيو على الاسلام و ماقادراش تواعدو بشي حاجة لي متقدرش توفي بيها و قالت من حسن الحظ انه كيهضر في ودينيها يعني ماشايفهاش باش يعرف ردة فعلها. جودي: صافي سير يالاه تنعس و انا غادي نتعطل على دريات. باتريك: ها هو غادي يالاه غادي تسد الباب. باتريك: مانيسيتي والو؟ جودي: لا باتريك: و انا نسيت ماقلتش ليك كنبغيك (تزنكات) غير قوليها ماتحشميش. جودي: تصبح على خير و سدات الباب و هي كضحك و خلاتو كيضحك حتى هو طلعات عند البنات و هي مزنكة. اسيا: اهينا ناري مالك مزنكة؟ ياكما درتي مادرت لينا يسرى في المطار. ايلاف: هههه حرام عليكم شوهتوها جودي: ها لاااا مشيتي بعيييد تيماء: و مالكي مزنكة عاودات ليهم كلشي حتى هي و على علاقتها بباتريك و مخاوفها و كلشي و نفس الهضرة لي قالت ليها ايلاف عاودوها ليها. تيماء: ايوا صافي ها يسرى عاودات لينا و جودي حتى هي, امتى غادي تجي نوبتك؟ ايلاف: راكم عارفين اش طرا حتى وصلت لهنا. اسيا: اه و لكن بغينا نعرفو نسيبنا فين هو؟ ماشفناهش و نتي كالسة في دارو كتمختري بحال دارك عاودات ليهم اش طرا. تيماء: هي في الصراحة الغيرة مزيانة و لكن ماشي لديك درجة. ايلاف: و راه و الله ماكنت غادي نوصل معاه حتى لديك درجة و اصلا غرني شيطان بهاد البلان ديال الغيرة كامل تنادم معايا الحال كاع, و لكن و الله الا في لاخر كانت نيتي نخرج من هاد الدار فاش حسيت بلي مخليني حداه غير خير منو و باش يحيد عليه الذنب بلي هو السباب. اسيا: و لكن قال ليك ماشي خير و ناض ضربو قدامك. ايلاف:اختي دوخني مابقيت فاهمة فيه والو. تيماء: اييه و دابا فين مشى ؟ ايلاف: ماعرفتش و لكن ملي كيقول الحاجة كيديرها, دارها ليا قبل بعد مابقيت عرفت عليه والو حتى نهار لي عادت طحت. اسيا: ايوا دابا اش ناوية ديري؟ ايلاف: والو, نخلي ليام هي توريني. تيماء: المبادرة غادي تجي منك نتي هاد المرة. ايلاف:مستحييل. جودي لي كانت نعسات تخشات حداها: و هنيونا ا عباد الله ماخليتونيش نعس و غدا قارية. اسيا: ويلي ويلي 4 هادي........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM