قصة المزحة #الجزء 75 : ارثر: الو, شوف مانعقلش عليكم ديك الممرضة لي قلتو ليا بغيتها ليوم قبل من غدا, مستعد نعطيها تريبل ديال الخدمة الخلصة عند دوك ناس غير تجي. الشخص: ها حنا غادي نعاودو نعلموها و نعاودو نعيطو عليك. قطع لاح تيليفون فوق ناموسية و كيرد في شعرو لور. ارثر: بامكاني نجري عليه و لكن مايمكن نجري عليه بدون سبب, كيفاش حتى وليت بحال هاكا , اوف منك ا ايلاف. ناض نزل لكوزينة و وجدو ليهم لعشا و لكن هاد المرة بلاطو كبيير و طلعو هو نيت. لقاها كتصلي تاني و في كل مرة عندو فوضول يسولها و لكن ماكيبغيش يتعمق بحكم انه واخد فكرة على اسلام و لكن مامعمقش فيه. كملات و تعشاو بزوج و طلقو على بعضياتهم و هو غير كيلس معاها كيفضل انه ينسى اي حاجة اخرى بمعنى كيعيش معاها اللحظة و حتى هي نفس الشيء هادشي لي قررات دير. حتى صونا ليه تيليفون و خرج باش يجاوب. ارثر: اش قالت. الشخص: مع اسف ا سيدي رفضات. ارثر: كيفاش رفضات!!! الشخص: قلت ليها داكشي لي قلتي لينا و لكن رفضات. ارثر: سيفط ليا دابا نمرة ديالها. ماكاملاش دقيقة وصلاتو نمرتها و عيط ليها مكشكش. عيط ليها مرة لولة ماجاوبتاش و مرة ثانية عاد جاوبات. ارثر: الو الممرضة: الو , شكون معايا ارثر: معاك ارثر كندجي. الممرضة: مشرفين فاش نقدر نعاونك؟ ارثر: راه انا لي عرضت عليك الخدمة بتريبل خلاص و رفضتي. الممرضة: و بما انك عارف قراري علاش معاود تعيط ؟ نأكدو ليك و لا تقنعني و تزيد ليا الثمن؟ ارثر: الا كان هذا هو العرض ديالك فموافق شحال بغيتيني نزيدك؟ الممرضة: مع الاسف مامحتاجاش فلوسك ا سي ارثر انا كنخدمي بمبادئي هو ما لولين و بحم انني باديا مع هاد الناس لي الحالة ديالك كفس من الحالة لي عندك فماغادي نساحب معاهم حتى نكمل خدمتي على اتم وجه و نفس الشيء انديرو معاك حتى اسبوع الجاي طبعا الا بقيتي على قرارك, ماغاديش يغرني فلوس و لا يجي يشريني شي واحد. ارثر لي كان معصب بطريقة لي هضرات معاه و لكن غي نفس الوقت عجباتو, طريقة باش تخدم و المنطق لي عندها طبعا هذا هو السبب لي خلاها تاخد خاد الشهرة كاملة و تكون احسن ممرضة فبقى ساكت ماجاوبهاش حتى نطقات هي. الممرضة: و على ما سمعت بلي دابا خدام مع الممرض سامي و حتى هو من افضل الممرضين علاش باغي تبدلو؟ ارثر: هذشي ماشي دخلك, صافي نتسناوك السيمانة جايا. و قطع عليها يالاه يرض شوية ديال الكرامة لي شرشمات ليه و خلاص فاش جبدات ليه سامي و كتشكر فيه كملات. رجع عند جودي لقاها شادا تيليفون و كتفرنس. ارثر بغى يقلقلها معامن كتهضر و لكن مابغاش يسولها نيشان ارثر: ياكما نخرج؟ بنتي ليا مشغولة. ايلاف حتى هي عاد ماكتزيد زيت على العافية قال ليها سامي تخليه يغير و لكن هي غادي تعيييق كاع. ايلاف: لا ماشي مشكل كنهضر غير مع واحد صديق "بحكم انهم كيهضرو بانجليزية فقالت ليه ~فرند~ داكشي علاش مامحددش واش بنت و لا دري" ارثر: اه ايلاف؟ ايلاف: لا مع ميشيل "تعقلو عليه!" صافي كملات ماكفاتو فيل زادتو فيلة. ارثر: اه صافي نخليك تهضري على راحتك. ايلاف شافتو كيفاش نبدلو ملامحو و عرفاتو غار و هادشي لي كانت باغا نبين يعني حام الوقت باش تصحح واحد سوء التفاهم و لكن طبعا غادي تخلي سامي في الصورة فهو البطل الرئيسي في فيلم الغيرة. ايلاف: لا غير خليك, صافي راه اصلا خارج هو و مرتو غير كان كيسولو عليا و صافي. رجع كلس و بحال عطاها "اكي" باش تعاود ليه عليه ايلاف: راه صديقي العزيز فاش كنت في المغرب و هو اصلو ايطالي و ساكن في تركيا و لكن ماماه مغربية, عزيز عليا و ضريف و ماماه و حتى مرتو ,تخيل تلاقينا حتى هنا في المانيا. ارثر: هنا؟ ايلاف: اه من ورا العرس داروها ليا مفاجأة من جاو يدوزو شهر العسل هنا و الواعرة كانو حاجزين في الفندق "****" تابع لسلسلة ديالكم و انا ماكنتش عارفاه و فاش عرفتها مابقيناش كنتلاقاو تما ههه كنتلاقاو غير على برا. ارثر: علاش؟ ايلاف: هه نسيتي ياك كنا مخاصمين, هادشي طرا من مور مابلوكيتك و تخاصمنا ارثر بحال بقى كيلاقي احذاث و لكن بغر يتأكد. ارثر: امتى هادشي بضبط؟ ايلاف: نهار **** ف ديك الوقيتة دغيا نسيتي ارثر: صافي ماتبقاي تفكيرنا في ديك الفترة, ياك تافقا نبداو صفحة جديدة ايلاف: ههه ويه و لكن كنتفكر اش كان كيطرا كنبقى غير نضحك. ارثر عقلو مابقاش معاها كان كيفكر في بلان لي عاودان ليه فعلا نفس الزقيتة لي رجع فيها من النرويج و نفس الفندق لي تلاقاها فيه مليوحة على واحد معنقاه و هو كان ضالمها طلع سيد مزوج و لكن مع ذالك باقي البلان ديال علي مافهموش مع علي ماكيخدم في بلاصة وحدة كل مرة و في دولة جديدة و من مور عرسو لي دارو في لبنان كان مشا ليابان و باقي ماجا و ارثر عمرو حاول يجبد معاه الهضرة على موضوعها. فاق من سباتو و لقاها باقي كتفرنس. ايلاف: دابا باغا غير نفهمك كتعشاو مع 7 ماكيجيكمش جوع مازال في ليل ؟ ارثر: ههه لا, هذا هو التوقيت المثالي و نيت باش نعسو مرتاحين ايلاف: اودي داكشي علاش مامربيينش لكروش, خاصكم تجيو عندنا لمغرب و تشوف, اش منك ا طواجن و مراقي و بطاطا و هادشي كنضربوه حتال 10 و لا 11 د ليل و عاد نوضو مع 3 كيف الشفارة نقلبو في الثلاجة. ارثر: ياكما كيجيك جوع و ماكتقوليهاش؟ ايلاف: اودي ولفنا معاكم هاد السيستام و لكن ماتخافش موصية جودي كاشي الا كرشي و جبدات واحد الصاك من المجر ديال كوافور عامر غير ببيموات و شكلاط و كاع سقاطة. ارثر: هادشي ماشي صحي, وقتما بغيتي تاكلي غير علميهم باش يوجدو ليك شي حاجة صحية. ايلاف: ههه اوكي ارثر: ايوا قولي ليا شنو هوما هاد مكاري و تواجن لي قلتي ايلاف: عهههه طواجن و مراقي جبدات ليه تيليفون و بدات توري ليه كاع الاكلات المغربية و تشهى عليه......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM