قصة المزحة #الجزء 71 : باتريك: ههه هي عارف بلي مخلي الزيت حدا العافية "سامي و ايلاف" ارثر: و راه بدينا من نهار لول, ليل كامل و هوما سهرانين كيهضرو حتى بات معاها في البيت. باتريك: ههه مشيتي فيها ا صاحبي, طريقك صعييب و نتا لي حطيتي لحجر بيديك فيه ارثر: نوض سير فحالك, واش ماعندك شغل تبقى مقابلي باتريك: ههه ها انا غادي فحالي, و تهلا في المريضة راه خاصها العناية جمع ارثر ظواسة لي غادي يخدم بيهم و مشى كمل كاع شغال لي عندو تما عاد خرج, كانت دازت ساعتين و فاش رجع لدار لقاها باقي ناعسة. ارثر: شنو دارت فاش خرجت؟! الخدامة: طلعت ليها لفطور و لقيتها باقي ناعسة و فيقتها و لكن قالت ليا مابغيتش و بقيت كالسة معاها في بيت كيف قلتي و لكن مافاقتش. ارثر: صافي غير سيري لخدمتك حتى نعيط ليك. دخل عندها و جر ليها لغطا و حيد الخاميات و حل شراجم. ايلاف: وا بنااادم , راااه ماشي حمااام هادا, اش كدييير ا سييديي. ارثر: ترجمة امتى غادي طلع؟! ايلاف: اش كدير , ماكفاكش مهرسة من يدي باغي تزيد تمرضي بالرئة حال عليا شراجم في هاد البرد. ارثر: دابا ملي فقتي , غادي نمشي نسدهم رجع سدهم و رجع عندها. ايلاف: دابا شنو بغيتي راه فيا نعاس ارثر: نوضي تفكري ايلاف: ماشي دابا خليني غير نشبع نعاس و فاش نفيق نفطر. ارثر: لا غادي تنوضي تفطري دابا. ايلاف: واااا بناادم راه بقيت سهرانة راه فيا نعاس. ارثر: هانتي قلتيها بقيتي سهرانة, و شكون قال ليك ا لالة سهري, من ليوم اندير توقيق ديال نعاس و فياق و دابا نوضي تفطري و لا نفيقك بطريقتي. ناضت على وعدها و حط ليها البلاطو قدامها. ايلاف: و بشاار مانغسل وجهي ما نغسل سناني مانقضي حاجتي . ارثر: نوضي نعاوك. ايلاف: شناااهو, سير سير ا حنيني عيط ليا على شي وحدة و لا نوض راسي. و دارت راسها بحال غادي تنوض ارثر: ههه كلسي كلسي انا انعيط ليك عليها. عيط على ديك البنت لي كان خلاها معاها نيت و خرج هو من البيت بما كملات على خاطرها. عاوناتها الخدامة حتى دخلات توضات و قادات حالتها باش تصلي من بعد ما بقات شحال و هي كتقلب على القبلة. فاش قاداتها الخدامة في بلاصتها خرجات من البيت باش تخلي ليها الخصوصية زعما. ارثر لي كان كيتسناها غير شافها خرجات دخل عندها و بقاها عاطياه بضهر و كانت لابسة لبسة ديال الصلا و بحكم انها ماكنحركش رجليها فهي كتصلي كالسة و بقى حاضيها شحال و لكن مابغاش يسولها عرفها غادي تكون شي حاجة متعلقة بديانتها على رغم من انهم تبهر بيها و بقى متبع معاها و لكن فاش كملات دار راسو مامسوقش. ارثر: يالاه زيدي تاكلي دابا. ايلاف: صافي غير سير فحالك راني فقت نقدر ناكل بوحدي. هو عاد كلس في فوطوي و دار رجل فوق رجل و ربع يديه ارثر: ماغاديش من هنا حتى تاكلي. ايلاف لي عارفة راسها واخا تعيا ماتشاحد معاه غادي يدير غير داكشي لي في بالو هزات البلاطو حطاتو فوق ديك الطبيلة لي كانت محطوطة حدا ناموسية, يالاه بدات كتاكل و هو حاضيها كعاها, حطات داكشي في يديها و دارت عندو. ايلاف: ماكنحملش نبقى ناكل و شي واحد يشوف فيا, يا زيد تاكل معايا, يا نوض سير فحالك حتى ناكل على خاطري. ارثر: ماغادي ندير حتى وحدة فيهم هز المكانة و كيشوف فيها ارثر: هذا ماشي زقت الفطور و كيف قلت ليك ماغاديش نخرج حتى تاكلي. ايلاف: و اجي غير نقب معايا, و اصلا اتكون فطرتي بكري ايكون جاك الجوع. ارثر: مافطرتش كاع, و مافياش جوع. ايلاف: مافطرتش و كالس هنا!! غادي تجي تاكل معايا و لا و الله لا كليتو بقات عليه بالهضرة حتى نوضاتو و جا كلس مقابل معاها فوق ناموسية ايلاف: واش ننا ماعرفش بلي الفطور هو الوجبة المهمة. ارثر: عارف ايلاف: ايوا زيد غادي ناكلو بزوج باش مايضيعش هاد الخير كامل و مع كاع الاعتراضات لي عطاها غير هي ماتسوقاتش بقات عليه حتى كلاو بزوج و كملو داكشي. ايلاف: ايوا ها حنا شركنا الملح و الطعام قالتها مترجمة. ارثر: ههه شنو المعنى ديالها شرحاتها ليه و بقاو يضحكو......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM