قصة المزحة #الجزء 66 : جودي رجعات شافت فيه و خنزرات عاوتاني جودي: مع الاسف, ما خلا ليها حتى اختيار اخر. تحكرو من تما و ارثر كان غادي يطير بالفرحة و كيف لا و هو لي غادي يعتني بحبيبة قلبو و غادي تكون قريبة ليه و ايكونو بزوجهم تحت سقف واحد من بعد ماتفرق عليها زوج سيمانات. رغم انهم بقاو بزوجهم في المستشفى غير هو مابغاش يزيد يضغط عليها مازال و خلاها على راحتها مادخلش عندها يكفي انه يفكر انها غادي تكون قدام عينيه.... من بعد مدة جا طبيب و سمح ليهم باش تخرج طبيب: صافي الوراق كاملين جاهزين ارثر: و بالنسبة للمرضة؟ طبيب: ممرضة بالمؤهلات لي قلتي مالقيناهاش مع الاسف و لكن كاين واحد الممرض بنفس المؤهلات و حسن كان مشارك مع قافلة "اطباء بلا حدود" و لحسن الحظ كاين هنا ارثر: اه اكي علمو باش يكون واجد من هنا لساعة و حنى غادي نتحركو دابا شوية غادي نخلي ليه شيفور حتى يتبعنا طبيب: اكي و راه سيارة الاسعاف برا و كلشي واجد ارثر سلم عليه: شكرا بزاف طبيب: العفو, خدمتنا هادي من بعد ماغادر طبيب توجه ارثر لغرفتها ارثر: صافي واجدة, غادي نمشيو دابا ايلاف: و شنو بقى عند الميت مايقول قدام غسالو ارثر: كنت عارفك قوية كثر من هاكا... غير كتحصلي كتقلبيها لغتك باش تعيري و ماقادراش على المواجهة ايلاف: اودي الله يسمح ليك, شنو فيك مايتعير, و نتا كلك معيور, زيد يالاه نمشيو راه تخنقت هنا. غير عطاتو الموافقة فتح الباب حتى دخل منو زوج رجال و هازبن معاهم سرير متحرك ايلاف: اش هادي, راه غير كريي كافيني و لا غير عكاكز ارثر: بغيت غير نهار واحد ندير شي حاجة و ماتعارضيش و تسكتي. ايلاف: ها انا ساكتة انشوفوك فين اتوصلنا, غير لقيتيني ماعندي جهد تحركو هادوك رجال هزوها و حطوها فوق السرير و مشاو لبرا, حتى كتبان ليها طوموبيلتو قدام الباب و لكن حداها سيارة اسعاف بيبانها محلولين و غادين بيها ليها. ايلاف: اررثر لااا, ماشي لهاد الدرجة ارثر: غير نهار ا ايلاف, نهار واحد ايلاف: نتا واش مسطي و لا شنو !! كان نزل عندها و قرب ليها بزاف ارثر: الحركة بزاف غادي تأثر عليه و انا ماغاديش نغامر, اتكوني في اسعاف مسرحة رجليك مأمنة كثر من السيارة, فبلاما نبقاو نضاربو على والو. هز راسو و شير بيديه ليهم باش يدخلوها و مشى لسيارتو سبقهم باش يتبعوه, اما هي تقولو غير شداتها اللقوة ضربات الطم........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM