قصة المزحة #الجزء 53 : جودي: راه وقيلة كنفهم, انا نجاوبك داكشي لي كدير نتا هنا جا يديرو حتى هو باتريك هز الكاس: جيت غير على قبل هاذا من بعد مادخل ارثر ضار عند جودي ارثر: تقدري تشوفي ليا ايلاف واش فايقة؟ جودي: شي اوامر اخرى؟ ارثر: لا شكرا تمات غاديا و عاود عيط ليها ارثر: جودي راه غير طلب ماشي امر و حتى الا مابغيتيش نمشي انا جودي دارت ليه ضحكة صفرة: ماشي مشكيل غير دخلات عند ايلاف, مشى ارثر نيشان حدا باتريك ارثر كيعيب فيه: ماغاديش نمشي عندها مازال انخليها حتى هي تقلب عليا باتريك: و راه ماجيتش على قبلها , انا هنا غير على قبل الشاي ارثر: اه واخا تيقتك جودي: جا عندك صعصع و قال ليا نشوف واش راك ناعسة ايلاف: قولي ليه مايتة كاع, ماباغاش نشوفو غير سيري عندو قولي ليه راه ناعسة و ماعمرها تفيق بلاما تبقى تجي عندها و تعذب على والو. جودي: ههه كتقولي ليا انا كندير القبول لباتريك و نتي اش كديري لارثر ايلاف: واااالو انا اختي ضريفة ماعطيتو كلا ما شرب, صافي سير عندو قولي ليه ناعسة باش يمشي فحالو جودي: و راه تعطلت عندك باينة غير كنكذب ايلاف: و غير سيري و قولي ليه راه غطيتها و قاديت ليها راسها عاد خرجت و لا شي كذبة بحال هاكا, عافاك عتقيني جودي: ههه تقطعي في القلب, انا غاديا نكذب عليه على وعدي و سعدي خرجات و لقاتهم كيتهامسو ودي: احم احم, راه ناعسة باتريك: عاد قبيلة كانت فايقة جودي خنزرات فيه: و دابا راها ناعسة راه دوا لي كدير كتبقى غير مرخية و كينعسها ارثر: صافي ماشي مشكل, اصلا مزيان ملي ناعسة نشوفها و نخرج بلاما ضرني في راسي بهضرتها ناض غادي لبيتها حتى وقفات ليه جودي جودي: فين غادي؟! خليها ناعسة بلاما تبرزطها ارثر: ماغاديش نبرزطها انحط ليها شي حاجة و نخرج كوني هانيا شدها من كتافها و بعدها على الباب و دخل عند ايلاف لي كانت ناعسة شادا تيليفون لي ولا هو كيونسها هاد الفترة. ارثر: كتشدي تيليفون و نتي ناعسة ؟ ايلاف دهشرات ماعرفات منين نزل عليها: هممم ارثر: فريدة من نوعك و تقدري حتى تبقاي حالا عينيك في نعاس , لعجب ايلاف: لا راه ... دابا... غير.. انا كنت... اش بغيتي دابا؟ ارثر: الا بغيتي تكذبي المرة الجاية غير تقنيها بعدا بقات ساكتة و حدرات راسها مابغاتش تشوف فيه و هو حصلها ارثر: قلت ليك غادي نجي عندك لعشية, و قلتي لجودي بلي راكي ناعسة, مابغيتيش تشوفيني ؟ لهاد الدرجة؟ هزات راسها كتشوف فيه صدمها بسؤالو لي ماكنش على بالها:هااا ارثر: و انا كنسول, راه كلشي باين قرب ليه نزل باس ليها جبهتها و حط ليها كارط ديالو و ناض تم غادي ارثر: انا غادي نهنيك ماغاديش نصدعك مازال و لكن اي حاجة بغيتيها راه نمرة ديالي في الكارط عيطي ليا وقتما بغيتي, بسلامة.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM