قصة المزحة #الجزء 122 : ايلاف: باغي تعلن الحرب و لكن ماغاديش نسمح ليك تربح كيف العادة, انا دابا ايلاف مرت يوسف و مامات صفوان, مابقيتش ايلاف ديال راسها, وليت اقوى و انا غادي تلقاني في المواجهة بكل قوة. بزز باش كملات خدمتها, مشات لمدرسة تلاقات مع جوي. جودي: اهلين الزين. ايلاف: اختي واش انولي نشوفك كثر من راسي!؟ تبتي شوية و ماتبقايش تباني قدامي في كل بلاصة. جودي: ياك اختي سري انا لي جاية باغا نشوفك, راكي ماكتسوايش, اما نخلي البعالك يجيو و طرونسبور و لهلا يطريه ليك. ايلاف: واهيا ناري, صافي ا لالة غير ضحكنا معاك, اصلا الا ماشفتكش كيدوز نهار فالصو. جودي: ايوا المهم, راه عيط ليا ادم و قال بلي هاد اليومين ماغاديش يكون, عندهم شي خدمة في برلين, تجي تباتي معايا غدا بليييز. ايلاف: و علاش زعما ماتجيش نتي تباتي معايا. جودي: ياه على درية, راه حنا 3 و نتوما غير 2, و صافي دابا بلا حسابات ديال والو. ايلاف: لا ماغاديش نتفاك اختي, يالاه تمشي نتي تباتي معايا, اجي بعدا امتى غادي يمشي!؟ جودي: غدا في صباح بكري. ايلاف: ايوا صافي, يالاه نمي معاك دابا هزي حويجك و حويج ولادك و يالاه تباتي معايا من ليوم, و بلاما تحاولي تهضري, راكي عارفاني كيفاش كنقنع, مهم انا انسبق نتلاقاو عندك في الدار. و مشات جارا ولدها ماخلاتش ليها الفرصة فين تجاوب. جودي: ايوا الله يمسخك زربتي عليا. جودي حتى هي هزات ولادها و دخلاتهم طوموبيل و توجهات لدارها. وصلو قد قد بحكم ايلاف ماتحركات حتى خدمات جودي طوموبيل. جودي: زيدي دخلي نديرو كًوتي, و نجمع جويج الدراري و نوجد فاليز لي غادي يدي ادم و نتسناوه حتى يجي و نمشيو اوكي. ايلاف: امري لله, زيدي ا لالة واخت عيييانة و داز نهار مزفت. جودي: ايوا دخلي و عاودي ليا على هاد النهار المزفت اش طرا فيه. توجهات جودي لكوزينة و وصاتهم شنو يوجدو, و مشات لبيتها جمعان الحويج و دازت لبيوت دراري و جمعات ليهم حتى هوما عاد كلسات هي و ايلاف. جودي: ايوا عاودي ليا كاين شي جديد, شي قديم. ايلاف: اشنو بغيتي تعرفي !؟ جيني من لاخر. جودي: و غير كنسول باش نجبدو الهضرة. ايلاف: اه و انا تيقتك, زعما بحال ماعارفاش ارثر جا عندي البيرو و باغة تجري ليا لساني. جودي خرجات عينيها و تقادات في الكلسة: شنووووو!!!!! شكووون جا عندك لبيييرو ؟؟؟؟ حق الله ما فيخباري شي حاجة, غير كظلميني. ايلاف: ايوا صافي مع بقيتي تسولي قلت في خباري و باغة تعرفي اش طرا , صافي سمحي ليا ا لالة. جودي: بربي مانسمح ليك حتى تعاودي ليا كلشي اشنو طرا. عاودات ليها كلشي. جودي: هاي هاي هاي مابقيتيش ساهلة الشعبية. ايلاف رجعات تكات و حطات راسها على الفوطوي: حاجة عادية, اصلا ولا عندي زايد ناقص, في لول جاني ليه الحنين مانكرش و لكن غير مع الجو رجعت تفكرت اشنو طرا, و لكن تفكرت حتى الهضرة لي قال ليا و هادشي كان كفاية نسى كاع داكشي زوين لي كان بيناتنا, و طبعا مانساش حب يوسف و علاقتو معايا لي نساتي فيه كليا. جودي: الفيزيبلات ديال مخي حرقتيهم ليا, دابا اختي شكون لي كتبغي, فهميني بشوية, ديريني مكلخة و بلا هضرة الالغاز. ايلاف: انا بغيت ارثر و لكن يوسف نساني فيه, حب يوسف لي كان نقي بحالو و حبو كافيني دابا, ارثر حبي الاول و لكن ماشي الاخير, و دابا ولا عندي زايد ناقص لحرقة لي حرقني خلات الاثر ديالها كبييير و عمرها تحيد. جودي: ا ربي امتى غادي تفرحي اختي!؟ ايلاف: انا فرحت مع يوسف و انبقى ديما قرحانة ملي عندي طرف منو كيكبر قدامي, و متقبلة وضعي الحمد لله بلاما تشغلي بالك معايا, و صالا كتهضر على ليهودي بحال غادي نفرح معاه. -سلام عليكم ضارو بزوج لقاو ادم جا. جودي & ايلاف: و عليكم السلام. ايلاف: جابك الله, ها الشاي لي كيعجبك زيد تكلس. ادم: الله, محتاجو نيييت كلس و هزو كيشرب فيه. ادم: ختي شفتك ديما عندنا هنا, ماعندك دار ماعندك ولاد. جودي: ههههههه كيرد ليك الصرف على داكشي لي كديري ليا , شفتي الحب ديالي كيحس. ايلاف: الله يعطيكم حبة, ايوا ا سيدي جايا ندي مرتك معايا, مابغاتش تبات بوحدها. ادم: هاء على شكون قال ليك انا انخلي مرتي تبات بوحدها!؟ ايلاف: كطنزوعليا دابا!!؟ جودي: ياك قلتي غدا غادي لبرلين!؟ ادم: اه و لكن دىت بناقص و صافي ارثر غادي يمشي و يدي معاه ايميلي. ايلاف: ايميلي !!!.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM