قصة المزحة #الجزء 107 : - ويلي با عاولت عليك تقابلي ليا ولدي , سري انا لي مخلياه لوحدة ماعندها عقل. شيرات عليها يسرى بديك صندالة لي هزاها - الحمقة هي نتي , تيي رااااه الباليط ديال هدى بيووتي بزز باش كنلقاها في سطوك. صفوان لي مشا تلاح على ماماه, هزاتو و كتهضر مع يسرى - ولدي زييين كعما يقرب ليك لماكياجك مالو عطاوك خبارو سيمتو ادم ادوومة. - ماااال ادم مااالو !!! هاذي كانت جودي لي دخلات بعجاجتها هي و تيماء و اسيا و سايكًين ولادهم يسرى عندها توام مع سيدكم اووومار كان مجهد شوية سميتهم زياد و زينب. جودي حتى هي عندها بنت و ولد و لكن ماشي توام البنت الكببرة سميتها جوري و باهت لي سماها بحكم حبو لامها جودي و عندها الولد سميتو سامي. تيماء عندها ولد سميتو سيف. و اخيرا و ليس اخرا اسيا عندها بنت سميتها سلمى. اذن فصفوان ولد ايلاف... رجعو ضحكو كاملين و جاوباتها ايلاف - نتي منين خرجتي اختي, و اصلا نتي راجلك قبل ماتكون سميتو ادم راه عنوووب مافهمتش هاد ادومات كلهمم مالهم. جودي دوزات يديها قدام وجهها - خمسة و خميس , شلي فمك عاد جبديه على لسانك. ايلاف ضارت عند البنات و كتسولهم - واش هادي مأكديين طول هاد المدة و هي هنا في المانيا و لكن كنتو نفيتو فشي عروبية !! في هاد الوقيتة جات اسيا تلاحت على ايلاف و عنقاتها - اختي شحال توحشتك و توحشت و نكلسو نقشبو كيف يامات زمان و بقات بلاصتك و الله. جات حتى تيماء سلمات عليها - اخيرا رجعتي لينا من بعد هاد الغيبة. من بعد دقائق كانو البنات كالسين مجموعين من بعد ماصدرو البعالك لبيت لي فيه اللعب. من بعدما كل وحدة شدات كاس د اتاي و دام الصمت قليلا حتى نطقات ايلاف. - ايوا قولو ليا اش خباركم !! رجالاتكم لاباس !! اشنو درتو من ورا اخر مرة شفتكم. قولهم قالو مزيان مزيان و سكتو مابغاوش يزيدو الهضرة او بالاحرى بغاو يعرفو موضوعها هي و لي حتى وحدة ماقدرات تسولها و لا تزعم حتى نطقات اسيا. - شفتيييه !!!... هزات راسها فيهم و شافت فيهم شحال ماقدراتش تجاوب, اشنو غادي تقول و هي براسها حشمانةراسها من هادشي لي كدير, عطاها خاطرها باش تمشي تشوفو و تبرد قلبها من بعد هاد سنين كاملة و من بعد كل واحد فيهم تغيرات حياتو و لكن كان ديما صراع ما بين قلبها و عقلها و واخا كانت تحكمات في دوك صراعات و قدرات تغلبهم و لكن ملي رجعات لالمانيا و هي لور لور, مشاعر جديدة رجعات تولدات بداخلها او بالاحرى رجعات بانت مع هي كانت غير خازناهم عمرها نساتو و لا نسات حبها و لكن كان بزز منها انها تخز حبها ليه في منطقة بقلبها و داكشي لي دارت و لكن رجوعها لهنا و تصرفاتها اتجاهه عاد ماكزيد تخربقها و ماتقدرش تعطي لراسها تبرير و خاصها تلقى حل لهادشي كامل تدير حد لهاد مشاعر الحب و الاشتياق و الحنين كلشي خاصها تنساها كيف دارت قبل لهذا اكتفت بجواب واحد قالتو لبنات - اه شتفو تيماء لي هضرات هاد المرة - و اشنو طرا هضرتو!!؟ ديك ساعة جاوبات بسرعة - لاا طبعا و هادشي غادي نساه كيف قدرت نساه شحال هادي ماعرفتش اصلا لاش درت هاكاك و مشيت نشوفو راه الجو ديال هنا ماجاش معايا مابقيتش كنتصرف بعقلي و المشكلة انا متبعة قلبي واخا عارفاه غالط. دور يسرى لي سولات هاد المرة - و شنو غادي ديري من بعد !! جاوبات ايلاف هاد المرة بانفعال - كيف درت قبل انا دابا مرا عندي مسؤولية و عندي ولدي خاصني نخدم و ندمر و نجح على قبلو داكشي علاش مابقاش عندي لوقت لهاد الهضرة الخاوية و صافي نساوه علينا و مانبقاوش نجبدو سيرتو مازال. داز اسبوعين على الكلسة لي كانو مجموعين عند يسرى و فيها كانت دخلات ولدها صفوان لمدرسة مع ولاد البنات و كانت شركة وجدات ليها الطوموبيل لي غادي تبدا تنقل بيها و ها هي دابا كالسة في بيرو ديالو و حادرة راسها على واحد الملف خدامة فيه حتى سمعات صوت تيليفون, بانت ليها السمية و هي تبسم. - عيطتي ليا في وقتك نييت, عييت من الخدمة ندير نيت بوز. جاها صوتها و كضحك - ياك بعدا, ايوا انزيد نفرحك ا لالة راني عارضة علييك تعشاي معانا. -اممم و شنو المناسبة اختي!! انا عارفاك مافيك صواب. - سري انا لي دايرة فيك عقلي, انا ا لالة عارضة على صفوان غير كنقول ليك جي معاه راه حتى البنات و رجالهم غادي يجيو - ناري حرام عليييك كترشيني و انا كنخرج مسخسة بزز باش كندير داك العشا. - ايوا ها انا هنيتك منو و راه دايرا داكشي لي كيعجبك بسطيلة بالحوت و تخربيقات اخريين , ها هو ادم نييت قال ليك اجي باش تشربي معاك دكة اتاي ههه. سمعات ادم و هي تجمع و طوي - ياكما ايجي حتى هو !! - اويلي بغيتي نجري على مول دار من الدار !!!؟ و هي تهضر بحزم - جودي معاك بصح, عارفاني علاش كنهضر, الا كنتي عارضة علينا و دايرين شي حاجة من ورايا, مانسمحش لييك. - ايوا الله يمسخك شكون داها فيك و لا فيه, راه ماجايش مالي مسطية نبيع صاحبتي و اصلا من شحال هادي قلت ليك انا معاك و باقي معاك في اي قرار خديتيه. رجعات كتهضر بضحك ملي بردات من ديك الجهة - ايوا صافي تلاحي, نتلاقاو عشية, نوض نكمل انا هاد الروينة و ندوز على صفوان. - غير خليك خرجي و اجي نيشان, راه انوصي شيفور يجيبو معا جوري و سامي. - اوكي لععععز يالله باي. في ليل, كلشي مجموع في طبلة يترأسها ادم زوج جودي المعروف بعنوب او باتريك من ورا ما سلم بدل سميتو و حداه ولدو سامي و مقابلة معاه جودي لي حداها بنتها جوري, ايلاف لي كالسة حدا ولدها صفوان, و تيماء حداها ولدها سيف و مقابل معاها راجلها حكيم القاصي, اسيا و راجلها خالد نفس الشيء و حداها بنتها سلمى,اما الرباعي ديال يسرى و سيدي اومار و توامهم زياد و زينب ماكيتفارقوش كالسين حدا بعضياتهم كاملين, مهم طبلة ديال 20 كرسي كلهم شادينها ماخلاو حتى قنت. حوار كان ممتع و العشا كذالك عطاوها لضحك و تكركير و جبدو الخدمة و كلشي من بعد ما كملو توجهو لصالة يشربو اتاي كيف قالت جودي.......... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM