الأسود 🖤 الجزء السادس 🔥🔥🔥🔥🔥🔥 ( التتمة من بعد 300 لايك تشويق يله بدا ❤️💪 أحسن قصة غادي تقراو 🥰) _ تفو فرحت ايحساب ليا اتكون شيحاجة قلت نشركهم بجوج عقلي مشا بعيد ساعة كنت غالط ههه استغفر الله ... بقينا مجمعين تاوصلنا القهوة نزلت من الطومبيل شدات ليا مريم في أيدي تادخلنا ريحنا في واحد الطابلة في وسط القهوة وبقينا كنتسناو في سناء حتا بلاصات طومبيل ولحقات علينا السرباي : شنو حب الخاطر _ جيب ليا café normal شوف الأنسات شنو بغاوو مريم : جيب معاك 2 عصير ليمون _ مشا السرباي بقينا كنشوفو في بعضياتنا ... اش كاين علاش جينا هنا سناء : بغينا نهدرو معاك على موضوع عينيك قول لينا واش طبيب قال ليك كاين شي امل أنك تشوف أو شكون هاذ طبيب لي متبع الحالة ديالك _ بديت كنعاود ليهم وأنا كنكذب كيف العادة، اه كاين أمل قال ليا طبيب سباعي خاصك حصص أكتر أو واحد العملية و دواء غاليين هادشي لي معگزني حاليا باش نتعالج دغيا . بقيت غير كنكذب هاذ السباعي أصلا غير واحد البزناز في ذربنا طاحت ليا سميتو في بالي قلتها سناء : مهذي نتا عزيتي عليا بزاف مريم : احم احم سناء : بغيت نقول عزيتي علينا ونتا صديقنا ووليتي واحد منا مابغيناش نشوفوك في هاذ الحالة أنا مستعدة نعاونك باشما كان جامعة شوية الفلوس ونقدر نبيع طومبيلتي حتا هي على ودك إلى كان ايرجع ليك الشوف خاصك تعرف أنا وكاع صحابي في جنبك وغادي نعاونوك بداكشي لي قدينا عليه حتا ترجع تشوف بعينيك _ شكرا الله يكبر بيك أنا داير لازم مع راسي وقاد بيه غادي نولي بيخير بلا مانعدبك اختي... بانت ليا سناء كتوجع وشادة في كرشها مريم : يخوي ليك الجناب _ اسبحان الله اشريفة قلت شي كلمة العيب سناء : بلاتي هاني جاية نمشي طواليط _ هاذي مالها كيبان ليا بحال صوتها مبدل هاذ النهار وغير ساكتة ومرشقاش ليها مريم : غير مريضة شوية مع الوجع ديال الدورة الشهرية _ اه هكاك قولي الهرمونات ، بديت كنغني لمريم مع اولويز خلي أيامك احلا مريم : سكت الباسل ادير لينا شوهة هنا _ بقيت كنضحك شوية تمات راجعة سناء وعاودت ليا نفس السيناريو بيلا بغات تعاوني سناء : بصراحة بابا لاباس عليه عندو فلوس ولكن للأسف هو صعيب في تعامولو وعلاقتي بيه مدهورة بزاف حنا في دار ديما مخاصمين معاه وعمري حسيت بيه انه اب مزيان ليا ديما بعيد علينا ولكن نقدر رغبو باش يعطيني فلوس وحتا إلى مابغاش نقدر نخدم معاه تحريميات وناخدهم ليه على ودك غير باش نتا تعالج ندير أي حاجة باش ترجع تشوف _ سناء ختي شكرا بزاف والله مابغيتش نتسبب ليك فشي مشاكل نتي بعيدة عليهم كيف قلت ليك أنا مكافي مع راسي وبلا ماتبيعي طومبيلتك وإلى بغا الله ايرجع ليا الشوف في القريب العاجل . كلامك ونيتك باش تعاونيني فرحوني وبحال إلى درتيها ربي يخليك ويحفظك وان شاء الله دابا تقاد علاقتك باباك سناء : واخا هكاك غادي نعاونك حيث عارفة راسك قاصح والفلوس كيمشيو ويجيو اتمشي طومبيل وتجي طومبيل والأهم عندي هو تولي تشوف بعينيك هاذي أكتر حاجة كنتمنا في هاذ الدنيا _ شكرا بزاف فاش غادي نشوف محتاج المساعدة ماغديش نتردد نطلبها منهم سناء : دابا دويتي يله نمشيو أنا مريضة شوية وتزاد عليا الحال _ بغات توصلني رفضت قلت ليها غير سيري حيث القهوة قريبة لدارنا انمشي على رجلي ومنها هي دغيا توصل لدار مع المرض نتوما عارفين ألم الدورة الله يكون في عونها مسكينة سناء : يلاه بسلامة ورد البال لراسك وتاصل بيا غدا من بعد ماتخرج من عند طبيب طمني _ واخا صافي سناء تا أنا بغيت نعاونك قولي ليا فين كاين اقرب حانوت سناء : فاش بغيتي تعاوني _ نشري ليك بكية أولويز تبقاي تفكريني بيها هههه _سناء : ياه على باسل حشم شوية تانتي غير حالة فمك دغيا قلتيها ليه _ غير كنضحك عنداك تقلقي الله يجيب ليك الشيفاء سناء : منقدرش نتقلق منك اصلا عادي يله باي _ مشات وأنا بقيت مريح تما شاد الستون مع قهوتي بروجولة هاذ سناء فشكل زوينة من لداخل ومن برا قلبها بيض بنت ديال زمان وبحالها نقارضو مستحيل تلقا لي تقول ليك بحال هاذ الهدرة العشران حيث المغريبب . ريحت ساعة في ديك القهوة وخرجت من بعد ما خلصت الكونسوماسيو وأنا غادي نتابهت لشي حد تابعني داير قب وكمامة باش يغطي وجهو بديت كنسرع في خطواتي حتا دخلت مع واحد درب مضيق ومضلم وتخبيت في وفي راس الدرب مع بغا يدور خونا ماعرف باش تبلا جمعتوو بواحد النص حتا تهز وتزدح من الأرض وشنقت عليه بسرعة حققت في وجهو وشكون ايكون في نضركم ايه ايه غير الفتاة المجهولة لي عاوناتنا ... كنت عارف انشوفك مرة أخرى شكون نتي وشنو باغة مني دامي : متخافش مني سميتي دامي بغيت نهضر معاك وكون هاني أنا ماجيتش نأديك _ كنخاف غير من الله ماشي من العبد ، طلقتها ومديت ليها إيدي تنوض وبدينا كنتمشاو كنهدرو لمدة ساعة ونصف عرفاتني علاش جاية وشنو دورها وعلاش حامات علينا 2 خطرات من بعد مشات وأنا رجعت لدار حليت الباب لقيت مالين دار كيتسناوني سلمت عليهم وبست ليهم راسهم باش ندي الرضا وجلست معاهم شوية الواليدة : غدا المحاكمة معاش انمشيو _ مع الفجر انمشيو غير أنا وياك الوالد للرباط باش نحضرو الواليدة : وأنا شتكم نسيتوني انمشي معاكم بغيت نشوف ولدي _ لا نتي خاصك تبقاي مرتاحة ماعندك ماديري معانا الواليدة : الراحة غادي لقاها فاش غادي نشوف ولدي عافكم دوني نشوف ولدي ماتحرمونيش منو اهئ هئ _ بقات لاسقانا حتا وافقنا ماعندنا مانديرو اندوها بزز منا الواليدة : الله يكون في عون ولدي مسكين الله يفك سراحو _ دخلت لبيتي زدحت الباب من ورايا وتكيت بلاصتي شديت تيليفون كلعب فيه وفي نفس الوقت كنفكر ف خويا شنو غادي يديرو معاه غدا قلبي كان مقبوط عليا الواليدة : ولدي هبط تعشا راني حطيت العشا _ مشيت تعشيت ورجعت نعست شوية حتا كنسمع دقان الواليد الواليد : نوض اولدي الفجر هاذا _ نضت توضيت وصليت ودعيت من قلبي باش خويا مايتحكمش بحكم لي صعيب الواليدة : الله يقبل اولدي جلس تاكل هاهوما الخبيزات لي كيعجبوك وجدتهم ليك _ جلست في الطابلة وانا كناكل الخبيزات معمرين لي كانو بنان وكندوزهم بكاس ديال اتاي الواليدة: سي عبد القادر كول كيبان ليا ماكليتي والو مالك الواليد : ماعندو منين يدوز ليا شغلاني المحاكمة حيث عارف أن الولد غرق الواليدة: حتا أنا خايفة بزاف ياربي توقع شي معجزة ويخرج _المعجزات سلاو مع رسول الله صلى الله عليه وسلم غير بلا مايكون عندكم شي أمل انهو يخرج حيث مستحيل وأنا لي عارف ، ساليت ماكلتي وتوجهت لبيتي لبست واحد السيرفيط أديداس في الحمر وسبادري بيضة هزيت نضاضري والعصا ديال العميين وخرجت لوسط الدار تسنيتهم حتا وجدو ريوسهم وخرجنا شدينا طريق رباط وكان الواليد لي سايق مع 10 كنا في رباط وبضط حدا المحكمة العسكرية ، المحاكمة عند خويا مع 11 كنضن بغيتو تعرفو علاش حنا من اسفي وخويا غادي تحاكم في رباط حيث هو ضابط عسكري وفي نفس الوقت ضابط ممتاز في جهاز المخبارات ومتهم وهو وباقي الضباط لي معاه في الفرقة الخاصة في المخبرات بسرقة منجم الذهب وقتل بعض العمال ديال داك المنجم وغادي يتحاكم محاكمة عسكرية الواليدة : الوقت كيدوز تقيل اولدي اوف _ غير الصبر اميمتي دابا يوصل الوقت ديال المحاكمة ... ريحنا في القاعة كبيرة فيها غير حنا عائلات المتهمين ودايرين فيها تلفازة عليها البث المباشر ديال القاعة بصوت والصورة شوية احتا كيبانو لينا مدخلين خويا ولي معاه مدوزينهم من حدانا ودايرين ليهم المينوط شافونا وكيبان عليهم انهم مقهورين ماقدروش يدويو معانا ، دخلوهم القاعة كان القاضي في انتضارهم بدات المحاكمة وحنا كنتسنطو ليهم القاضي : كولونيل سابقا أمين شنو كتقول على التهم لي موجهة ضدكم أمين : سيدي كلشي كدوب في كدوب حنا مادرنا والو حتا من الفيديو غير مركب بطريقة احترافية _ راجع القاضي جميع الدلائل وكان كلشي ضدهم وتبتات في حقهم الجرائم كاملة ومتخيلوش الأحكام لي تصدرو ضدهم خلات بزاف ديال العيلات يسخفو ومن ضمنهم الواليدة ، نبداو بخويا وبحكم انه هو القائد ديال الفرقة الخاصة كان عندو اقسا حكم وهو الإعدام ومنفد بعد شهريين والبقية لي عدد ديالهم 19 فرد عطاوهم 25 عام سجن لواحد خروجوهم من تما وحالتهم حالة خويا شافني و كيعيط ليا وهو كيبكي أمين : اهئ اهئ خوياااا ماتخلينيش خوياااااا عفاك عاوني ماتسمحش فيا بغاو يقتلوني عفاك عاوني راه غادي نموت _ باقي المتهمين كيغوتو بأنهم مضلومين شوية بدا يشوف فيا الواليد بشوفات قاسيين وعينيه حمرين حابس البكية غير بزز الواليد : يله فكها أسي دابا شرطي : أيييه أليام نهاية قائد عظيم كاع لي كخدمو البلاد هاذي نهايتهم الحباسات ولا الموت للأسف _ دابا غير سكت الواليد رد البال لواليدة أنا نشد تاكسي نمشي نشوف خويا ونهدر معاه في السجن الواليد : لا حادة فيقي فيقي ، صافي ماتبكيش رآه ممزيانش ليك هاذشي الواليدة : انمشيو معاك اولدي تا حنا _ خليكم في طومبيل مرة أخرى وتشوفوه أنا غادي نهدر معاه شي هدرة خاصة ونواسيه غادي نبلغ ليه سلامي يله باي .... درت القب وكمامة ونضرات بحكم الصحافة كانو على برا وخرجت شديت طاكسي نيشان لسجن المحلي لي فيه خويا طلبت من الموضفين اني نشوفو وبحكم أنها أول زيارة خداو البطاقة ديالي وعطاوني ورقة زيارة وقالو ليا تسنا . شوية هو يجي عندي واحد الموضف مسؤول على أمن السجن موضف سجن : نتا خو أمين ياك _ اه أنا خوه أسيدي موضف سجن: سيد الله يعمرها دار ورجل مزيان حاول تواسيه وإن شاء الله مزال استئناف اينقصوو ليه الحكم وغالبا هاذ الحكم غايتبدل حيث تايق 100% انه بريئ ربي يكون معاكم أولدي _ يكون خير الشاف شكرا ، بقيت على برا كنتسنا من بعد ساعة ديال الأنتضار سمعت سميتي و دخلت مع الباب ديال سجن وبمجرد حطيت رجلي حسيت بديق ماحملتش هاذ المكان ولكن ماكان بيدي ماندير مفروض عليا نجي ليه , أول حاجة درت مشيت حطيت لخويا فلوس ديال الحانوت عند الموضف المسؤول على الحانوت وعطاني بوند باش نعطيه ليه من بعد ماحطيت الفلوس دزت من مكان تقلاب فتشوني الموضفين ياكما هاز معايا شيحاجة ممنوعة مالقاو والو من بعد نزلني واحد الموضف لغرفة ديال الأنتضار جلست مع الناس لي عندهم الزيارة و كنتسناو يخرجو الناس لي دخلو قبل منا ، من بعد نصف ساعة تقريبا من الأنتضار حل علينا الموضف الباب باش نتوجهو لقاعة الزيارة ... شد ليا واحد الراجل فيدي حتا دخلنا لقاعة زيارة ودار ليا بلاصة ريحت وبديت كنتسنا يخرجو خويا والمساجن لي عندهم الزيارة . نوصف ليكم قاعة زيارة فيها ميدة طويلة مصنوعة من الحديد وكراسا طوال على قد الطابلة لاسقين معاها من جوج جوايه جيهة جالسين فيها حنا لي جينا نزرو وقدامنا المساجن فصلانا غير الطابلة ، من بعد فطرة قصيرة كيبان ليا خويا جاي فرحت شافني عنقني وبدا يبكي ليا على كتفي بحال شي ولد صغير ( خويا خواف ) دورت عيني شفت في الناس لي دخلو معايا حتا هوما مساكن الله لي عالم بيهم كاينين أمهات خوتات كيبكيو وحتا بعض المساجن كيبكيو منضر خايب مافيه مايتشاف وماتبغيه لعدوك امين : خويا انموت ايقتلوني دير شيحاجة مابغيتش نتعدم على شيحاجة مادرتهاش _ متخافش ماحدي أنا عايش ماكينش لي غادي يأديك اخويا ونقلب دنيا كاملة على شعرة منك كون اصحبي شجاع ومتبكيش، أمين : منقدرش اني منخافش رآه سمعتي الحكم غادي يقتلوني _ حطيت ايدي على كتفو تيق بيا ماغدي يوقع ليك والو ، قول ليا ياكما كيتعدا عليك شي حد في الحبس ؟ امين : لا اخويا شكون يزعم عليا وانا معايا دراري ولكن أنا خايف ماقلتيش ليا انه هاذشي يقدر يوصل تال الإعدام أشنو وصلني لهاذ الماصل كون أبقيت مريح في بيتي واكل شارب وهاني مع راسي _ دابا بلا ماتبدا دير ليا تأنيب الضمير انخرجك من هنا قبل من المدة ديال الإعدام وعد مني ونتا عارفني إلى واعدت كنوفي بوعدي أمين : مكانش عليا ندخل لهاذ الصداع من الأول _ ياك ياك هاذي هي الاخوة ماتصبرش على ودي ، ياك حنا خوت تال الموت هاذي أقل حاجة دير على ود خوك شنو تخليهم يديوني أنا ؟ تبغيني نموت اتسخا بخوك قول امين : لا اخويا ماقلتش هاذشي غير سمح ليا مع الخلعة وصافي عارفني كيف داير _ نتا عارف اني وأنا على برا الحبس نقدر نبدل الأمور لصالحنا عكس لو اني أنا لي كنت بلاصتك لداخل ، كنت غادي نجلس نتسنا الإعدام ديالي ونتا ماغدي تقدر دير وآلو على برا . أمين : هاذشي عارفو وغادي نكمل معاك في الخطة غير شداني الخلعة سمح ليا _ تيق بيا ماغديش نخليك هنا و الأهم من هاذشي كامل وياك تنطق لشي حد بأنك نتا هو مهدي وأنا هو أمين و حتا لدراري ديولنا ماتيقش فشي حد في هاذ الضروف من غير أكرم ولكن ماتجبد ليه والو مفهوم أمين: كون هاني حتا واحد ماغدي يعرف السر ديالنا وكنفد داكشي لي قلتي ليا بالحرف _ ماعليكش هكذا نبغيك البطل ، ( هنا في غادي نخربقكم المتابعين العزاز ركزو مزيان معايا باش تفهمو أنا ماسميتيش مهدي انا هو الضابط المشهور أمين وهاذا لي في الحبس خويا التوأم مهدي وكنتشابهو بزاف في الوجه وصعيب أي واحد يفرق بيناتنا وبالأخص في الصغر ، ولكن فاش كبرنا ناس ولاو كيقدرو يميزونا حيث أنا متريني وصحيح وخويا غليض كامل حتا من وجهو ومربي واحد لحية طويلة داكشي علاش كنبانو لناس مختالفي شوية ولكن بمجرد كايضعاع من وجهو كنوليو نسخة طبق الأصل سبحان الله ، بدلنا الأدوار بيناتنا خدا الدور ديالي ولا هو (أمين)وخديت الدور ديالو وليت أنا هو (مهدي) ، قبل من الحادثة ديال المنجم عرفت أنا الرئساء ديولي بشراكة واحد من المخلوضين الكبار في البلاد كيخططو ينقالبوو ضدي باش يدخلوني الحبس ويغبروني بمرة حيث كنت مخربق ليهم جميع الخطط وقاطع عليه الفساد بجميع انواعو وهذا هو السبب علاش باغيين يتخلصو مني ، وحتا أنا لقاوني مساهلش ليهم كنت موجد الخطة ديالي في الوقت لي هوما كيوجدو ليا هاذ الفخ باش يطيحوني كنت كنتريني بخويا مهدي باش يضعاف ويشد بلاصتي وانا كنت كناكل بزاف وكنشرب واحد السيرو ديال الغلض باش نغلاض ونولي نبان غليض بحالو ، من بعد ماوصلنا لنتيجة لي بغيت خويا مهدي ولا صحيح وضعيف وأنا غلاضيت ، قلبنا الأدوار بيناتنا مثلت اني انا مهدي ودرت حاذتة سير ووليت عما قدرت نزور التقارير بمساعدة واحد طبيب صديق ديالي باش كلشي يتيق أني وليت عما ونقدر نتحرك كيف بغيت وماتكونش العين عليا ، وخويا حرگت ليه بصمات يديه باش ماياخدوش بصماتو في الحبس ويعرفو أنهو ماشي أمين وكانت الخطة كتجري كيف كنت كنتوقع لقاو ليا بلان باش يطيحوني أنا والفرقة الخاصة ديالي جاب الله خداو خويا بلاصتي ودابا عندي كيف ندير نوقفهم بلا مايعيقو بيا حيث ملاهيين بخويا لي كي حساب ليهم هو الضابط أمين ، كم أنا ذكي 😜...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM