الأسود 🖤 الجزء الثامن 🔥🔥🔥🔥🔥 ( التتمة من بعد 300 لايك ❤️ طايكو صحابكم يقراو القصة 💪💘) _ مع وصلت لدار عمرات لينا الواليدة براد ديال اتاي وحطات لينا الگاتو وبدينا كنهدرو الواليد : نصحتك أولدي تولي استاذ حسن من هاذ الضدومين ديال المخزن كون تصنتي ليا كعما نوصلو لهاذ المرحلة _ أنا خدمت الخدمة لي كتعجبني الواليد: وأشنو شاط ليك منها الحبس والحجز على جميع الممتلكات ديولك وكلشي سمح فيك _ ماعليش الواليد في سبيل الوطن ، انا كنخدم الوطن ديالي ونفسي حارة مكنبغيش الفساد والظلم كون كنت بحال الرأساء ديولي ونضميت ليهم كون وليت من أغنياء البلد وعندي السلطة ولكن كنبغي نجيبها حلال ومنادمش على المصير ديالي واخا نموت كنفتاخر براسي حيث كنت شوكة في حلق سعد بوزيان والعمراني قطعت عليهم تجارة المخدرات والأسلحة الغير المرخصة لي كيدخلو بالتخبية وحتا تهريب أعضاء البشرية و قتلت عدد كبير من الإرهابيين لي كيزعزعو استقرار البلد ، درت لي في جهدي نوقفهم واخا كنا منقاسمين داخل المخابرات والأغلبية كانو في صف الرأساء ديولي حيث بديهم السلطة الواليدة : دعيتهم الله هوما لي خاصهم يوقفو مع الناس ويعاونهم ساعة هوما لي كيأديو الناس بغيت غير نعرف كيفاش ناس بحال هاذو شادين بوسطات حساسين في الدولة _ ماكنوش هكذا ، ولكن السلطة والمال عماو ليهم عينيهم ولاو كيفكرو غير في الفلوس الواليد: ملي نتا ماشي قدهم علاش وقفتي ضدهم _ شنو بغيتي نكون بحالهم مثلا نولي مجرم ماعندي حتا خيار يا نولي معاهم ولا ضدهم وختاريت الصعيب، وشكون قال ليك أنا مقادش عليهم أنا راه أمين وغير سميتي وسمعتي قد جبل وكاملين كيترعدو فاش كيسمع سميتي وكيضربو ليا 1000 حساب ماشي غير جاو وباغاو يتخلصو مني الواليدة: كنفتاخر بيك أولدي حيث نتا شجاع وأي أم تبغي يكون عندها ولد بحالك وإماني كبير بالله حاسة غادي تقلب الوضع لصالحك _ هاذي هي الهدرة لي كنبغي نسمع اميمتي محتاج دعمكم المعنوي في هاذ الفطرة الواليدة : الله يسهل عليك أولدي _ هزيت كاس ديال اتاي وطلعت لبيتي تاصلت بدامي قلت ليها تجي عندي وريحت كنتفرج في بيسي ديالي وكنشرب في اتاي حتا كنسمع تيلفون كيصوني كانت دامي جاوبت علماتني أنها قدام الدار خرجت لعندها ركبت معاها في الطومبيل و مشينا لسيدي بوزيد هبطات دامي جابت 2 café اومبورطي ورجعات لعندي بقينا مريحين داخل الطومبيل كنتعاودو وكنتلفو في الوقت حتا وصلات 23:00 وصلاتني لدارنا ومشات وأنا دخلت كوزينة لقيت الواليدة موجدة العشا كليت وريحت كنتفرج شوية حتا كنسمع تيليفوني كيصوني لقيتها سناء يله بغيت ندير صيلونص تيليفون هو يجيني صراع داخلي جاوبتها ، ألو سلام عليكم سناء : وعليكم السلام صافا عليك _ بيخير الحمد الله ونتي صافا اش خبارك كيف دوزتي نهارك سناء : نهاري داز مابيهش جلسنا حدا لافاك بقات بلاصتك كلشي قالها قول ليا كيف دازت الحصة ديال ليوم _ نفس الهدرة ديال كل حصة كيعاودها ليا ، عرفتي انساء ندمت على حاجة وحدة وهي عرفتك سناء : علاش كتقول هاذ الهدرة شنو درت ليك _ مادرتي والو ولكن قبل مانعرفك ماكنتش مسوق أني نرجع نشوف تقبلت الوضع ديالي ولكن دابا وليت بغيت نشوف بأي طريقة باش نشوفك نتي عند سناء ❌❌❌ سناء : من بعد ماسمعت كلامو الحلو فرحت بزاف حيث من بين كاع الناس لي كيعرف كيتمنا يشوفني غير أنا _ احم احم مالك سكتي اش وقع ليك سرطتي الهدرة سناء : ماعرفت مانقول ليك ولكن فرحتيني بكلامك _ شوقي باش نشوفك كبير حيث عييت مانتخيل صورتك كنتمنا نشوفك بعينيا سناء : وكيفاش كتخيلني امهدي _ كيف قلتي ليا في القهوة شعرك حرش وجهك منفوخ عامر حبوب فورمتك مربعة سناء : هههههههه أنا راني خايبة على الصورة لي تخيلتي غير باش تكون في خبارك _ قلتها ونعاودها تكوني كيفما كنتي انشوفك ديما زوينة حيث تصرفاتك زوينين وقلبك بيض عمري عرفت شي وحدة طيبة بحالك سناء : بصح هاذشي غادي تقبلني واخا نكون خايبة _ اه كيفما كنتي انتقبلك ، يله تصبحي على خير اختي سناء جاني النعاس مريم : جيتي تال الأخير وخسرتيها باي _ هاذي منين خرجات ياربي السلامة شوفو فعايل البنات مريم من قبيلة وهي حداها كتصنت لكلامنا ومادرتش الحس وليني مساخيط هاذو (طاكي شي صاحبتك كديرو نتي وياها نفس الفعلة ) ، من بعد ماساليت لابيل هبطت لصالون بقيت كنتفرج في فيلم في MBC2 حتا بديت كنكمع طفيت التلفازة وطلعت لبيتي نعست الغد ليه مع صباح فقت فطرت باش يتحل ليا دماغي الواليدة : ولدي يله معايا السوق نتقداو _ خرجت تقديت مع الواليدة في سوق كيف ديما حيث كنجر ليها الكروسة ديال التقدية حيث كتجي معمراها وتقيلة عليها ، تقديرنا ورجعنا لدار ومع الملل شعلت التلفازة كنتفرج حتا وصل وقت لافاك تغديت ومشيت بدلت حوايجي وخرجت وصلت معطل عليهم، سلمت عليهم فدوى : مالك على هاذ التعطيلة _ دارها بيا الطوبيس هو لي عطلني سارة : ماعليش عاود لينا كيف دوزتي لبارح عند طبيب _ نفس الهدرة لي قلت لسناء قلتها ليهم حمزة : هاك الجيتار شد لينا شي ديسك توحشنا غناك _ ويلي غير نهار واحد وتوحشتوني سامي : نتا عزيز علينا وبلاصتك كبيرة وسط منا لبارح غبتي بقات بلاصتك حمزة : آبار على مكانتك حتا العزف ديالك زوين كيف قلتي لينا اول عندك ادين كيخرجو السحر _ هاذ الإدين عندهم بزاف ديال المواهب فدوى : بحلاش _ كيقلتو الناس مثلا قاتلين كتر من 250 شخص هههههههه سناء : سكت سكت نتا ماتقدر تحرك حتا بيضة من عشها أيمن : قتلتيهم في احلامك ياك 🤣 _ غريبة هاذ الدنيا كاع الكدوب ديالي تيقوه والصراحة ماتيقوهاش ولكن من حقهم حيث ماعرفينيش جندي في الجيش وضابط في المخبرات وقتلت عدد كبير ديال المرتزقة والارهابيين ... معاكم بصح ماكنكدبش قتلتهم في free fire فاش كنت كنشوف مريم : غني لينا الحامض _ شديت جيتار بديت نغني ليهم أنا و أيمن واحد لحضة فاش بدينا كناكلو سناء ومريم شافو واحد الكوبل مزيون دري عطا البنت وردة حمرة مريم : شوف أمنير ناس لي كيعرفو يحبو سناء : ناري شحال كيوت سعداتها عزيز عليا الورد الحمر كنحماق عليه ملاك : ياصحبتي ماتزيديش فيه عندكم بزاف منو في جردة سناء : غير نايض في جردة ماشي بحال إلى عطاه ليك شي حد اصحبتي شوفي على كوبل شحال كيوت كيعجبني الرجل الرومانسي فدوى : ياييييي هاذا هو الرجل المتالي سعداتها بيه هناء : واو غزالين هاذ الكوبل ، بحال هاذ الرجال نقارضو لي يعطيك وردة قدام كلشي وبدون مايحشم من الناس قمة في الرومانسية سامي : خليونا منهم أشمن رومانسية الحب والرومانسية وداك التخربيق كاين غير في الافلام غدا ولا بعد غدا يتليوها بلبلوك ، شد شد لينا شي دويسك أمهدي منير : ناري عينيكم خايبين هاهوما بداو كيتخاصمو _ شفت في الكوبل شداتني الضحكة البنت تقلقات وبغات تمشي والولد كيعيط ليها خديجة وقفي نهدر معاك سامي : هههههه ياك قلتها ليكم _ حمزة ديني عندهم ، نضت من بلاصتي وتمينا غاديين عندهم أنا وحمزة وهو شاد فيا ماكانوش بعاد علينا وكنت هاز فيدي الگيتار وصلت لعندهم بديت كنغني ليهم ( نسات نسات الوردة قولولي علاش بغات تهبلني علاش علاش ياخديحة ياخديحة غير رجعي لهنا أااااا ياخديحة ياخديحة يازين البلاررررررر نسات نساتني قولولي علاش بغات تخليني علاش علاش ياخديجة ياخديجة أجي هنايا تصالحو ) السيدة عجبها الحال بدات كضحك .... ختي خديجة شتي هاذ السيد مسكين تلاقيت بيه قبيلة وكان كيعاود ليا انهو كيبغي شي وحدة سميتها خديجة وفرحان غادي يشوفها حشومة تمشي وتخليه عرفتي شحال كيبغيك خديجة : بصح هاذشي _ اه بصح على أنا باش عرفت سميتك حمزة : هاذا لي كيهدر معاك اختي غير عما ومافيهش الكذوب لي قالها ليك تيقي بيه خديجة : صافي شكرا مابقيتش مقلقة منو مجهول : شكرا بزاف عشيري الله يكبر بيك ارا داك الراس نبوسو _ هانية رجال لرجال سير أعشيري عيش مع راسك _ شد فيها ومشاو مشادين وهوما فرحانين وأنا رجعت عند الكلكية بداو كيشوفو فيا باستغراب سارة : نتا مايمكنش كي درتي ليها مريم : ياخويا خطار فدوى : نتا قاري كتاب ترويض الانثى _ مادرت والو غير هنيتو من النكد والتحزار هادشي موهبة افدوى من عند الله عندي القبول ، كيف قلتو نتوما كوبل زوين خاصهم يبقاو كوبل زوين شفت في سناء وكانت كتشوف فيا بنضرة افتخار وكتبتاسم ملاك: ماعليكش اصديقي العزيز _ جلست بلاصتي وبديت كنعزف على الگيتار وكنغنيو وخالقين جو زوين واحد لحضة هوما يدوزو 2 دراي من حدانا شافونا كيفاش ضاحكين وناشطين ماحملوناش نطق واحد فيهم قال لسامي مالك كتشوف فيا ، وسامي مشافش فيه نهائيا غير بغاو يجبدو الصداع باش يعيقو على البنات لي معانا ناض سامي من بلاصتوو كيحاول يهدأ الوضع حيث سامي بطبعو درويش مافيهش الصداع ولكن هذاك لي دوا في الأول دخل فيه بكروشي ، سامي ماخلهاش فيه فدا ضربتوو وبغاو يدوروه يله شنقو فيه ناض أيمن دخل في لاخر بكروشي لاحو حتا كنتصدمو بكليكة ديال الدراري جايين جيهتنا تقريبا العدد ديالهم 12 شخص ماعرفناهمش منين خرجو دايرين بحال الكلاب الضالة واغلبيتهم مراهقين ولاد شي درب قريب من لافاك مجموعين وكيقلبو على صداع دايرين فيها قباح ، البلطجية الخاوية ضروري ماغدي تكونو شفتو بحالهم بالاخص حدا ليسيات ، تخلطات دعوة ناض حمزة ومنير ونضت تا أنا درت فيها شجاع و بغيت نعاون سرفقتي واحد فيهم و دخل فيا براس لصدري لاحني بقيت مسرح في الأرض وكنتفرج ومع هوما كتار سلخو دراري ، وخا دخلو ليهم صحابي شي دقات في الأول ولكن الحمية كتغلب السبع ، البنات شافو دراري كياكلو العصا ناضو يعاونوهم ولكن ضربوهم دوك الكلاب ماحنوش فيهم ولا طايح كتر من النايض صحابي كلاو العصا بالمزيان ، واحد في دوك البعالك خشا كروشي لسناء وجرها من شعرها حسيت بقلبي تقبط عليا هو يقول ليا راسي نوض عاونها مايمكنش تخليها تاكل العصا ونتا كتفرج ، يله بغيت نوض حتا كيبان ليا خونا لي كان شادها تجمع بنص تا باس الأرض هزيت عيني في شكون ضربو حتا كتبان ليا الملاك المنقد ديالنا دامي مريم : هاهي جات لي تعرف ليكم منير : شكون هاذي هناء : تفرج وسكت غادي تعرف شكون برهوش: مالها تخلعنا مسخة ديال الخلا _ يله بغا يضربها قالت ليه اجي تشم ريحة الموت ، عندها واحد رجل گوشية سرع من گوشية ميسي جابتها ليه الوجه طاح الأرض قصدات واحد اخر سلخاتوو وواحد بغا يضربها بزرواطة شدات لي ايدو حيدات ليه زرواطة وضرباتو بيها لإيدو هرستها ليه ، لاخرين بان ليه بلان ماهواش هربو بعضاهم صحاح ولكن لي جبد الصداع في الأول بغا يهرب ضرباتو بنص جا راسو لارض ولا كولو دمايات وحطات ليه رجلها على راسو دامي : مرة أخرى تفكر تخرج عينيك نحيدهم ليك من بلاصتهم سمعتي البرهوش لي ولدك نوض سير بحالك سناء : هاذي هي المرة الثالثة لي كتعاونينا شكرا ليك ولكن شكون نتي ؟ دامي : بلا جميل أنا فاعلة خير الزين _دامي : ردو لبال لراسكم مع سلامة _ مشات وداري بداو كيحكو في ضرابيهم وكيتألمو كلاوها مساكن بقات فيا سناء ضربات في قنوفتها وكيسيل منها دم وانا ماقدرت ندير والو بقا فيا الحال ولكن منقدرش نكشف راسي على ود هاذ المضاربة لي بالنسبة ليا بسيطة مكان بيدي ماندير تميت غادي جيهتها باش نمسح ليها دم وانا نتفكر راسي راني عما زعما رآه قلت ليكم شي نهار غادي تفرش راسي ، بعدت على كليكة تاصلت بدامي جاوباتني دامي : وي أمين _الو دامي داك البرهوش لي كان لابس الموڤ ضرتيه هو الأول بغيتك تحضيره ليا بأي طريقة ضرب سناء ( كان حداها صوت الغوات والبكا ) دامي : طلبتي الموجود هاهو معايا كون هاني رآه كنخلي دار بوهم دابا بلا ماتحتاج توصي كاع لي مكلوهاش قبيلة وهربو دابا كيكلوها شديتهم في واحد القنت ماكيخرجش وهازة عليهم السلاح هوما تحت السيطرة ديالي راهم شادين الأرض، أنا نامبر وان في هاذشي _ ماعليكش يعول عليك الواحد تهلاي فيهم مزيان ، رجعت عند صحابي بديت نطمأن عليهم ماعندهمش شيحاجة لي صعيبة ضرابي خفاف غير مقصحين وصافي مريم : ولاد كلاب حگارة هاذ البراهش ساعة لقاو صاحبة دعوتهم فدوى: لي غريب في هاذشي هي ديك البنت لي كل مرة منين كتخرج باش تعاونا سناء : بصح شكون اتكون مايمكنش كاع هاذ المرات يكونو صدفة _ عندي واحد الفكرة يقدر يكون مسيفطها الاب ديال سناء باش تحميها سناء : ماعرفتش ولكن مانضنش _ خليت ليهم هاذ الاقتراح يتلهاو بيه حيث كيبان قريب لصواب شوية ... بقينا كندردشو تا وصل الوقت لي كيمشيو فيه من بعد تودعنا و تفرقنا مشيت شديت طوبيس حيث سامي كان عندو واحد الغرض مع خوه ماغديش يوصلني ركبت طوبيس مع نزلت في بلاكة لي قريب لدربنا كلقا دامي كتسناني حدا البلاكة وكتبتاسم دامي: طلع الغليض سوقك خاوي _ جابك الله كنشكرك على قبيلة حيث عاونتينا دامي : هاذا وجب ديالي خونا لي وصيتي عليه هرست ليه إيديه ورجليه والبقية هرست ليهم يد لكل واحد _ مزيان ولكن علاش بضبط عزيز عليك تهرسي بنادم دامي : كنهرس الإدين لي كيتحطو على الضعافة مكنأديش أي واحد شتي هاذ البراهش كون ماهوما لي جاو جبدو معاكم الصداع وبغاو يحگرو عليكم ماكنتش غادي نعاقبهم بهاذ الطريقة عدويا التعدو _ اه هكاك كانحييك على التفكير والعمل ديالك ،دامي بغيتك تمشي معايا تختاري ليا كسوة بغيتها كادو لسناء دامي : هاي هاي وصلتي لكدوات كاع هي طحتي أسي امين _ سكتي هاذشي داخل في الخطة دامي : اممم الخطة واش خطة الحب والغرام ياك _ غير الخطة هنينا الزمرة ماتشوفيش فيا بدوك الشوفات الشيطانية دامي : تخبي عليا أنا امممممم خاصك تسمع كيفاش دويتي معايا قبيلة .... _ غلضات صوتها زعما كتقلدني ضحاتني دامي : دامي حضري ليا لي كان لابس الموڤ بأي طريقة ضرب سناء ، ههههه قال ليك الخطة ... يتبع ( إلى كمل التفاعل قبل 00:00 نحط ليكم التتمة ❤️ طاكيو صحابكم يقراو وجمجمو 🥰) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM