الأسود 🖤 الجزء 51 🔥🔥🔥🔥🔥🔥 ( تتمة من بعد 370 لايك ❤️ الى كمل التفاعل نزيد جزء اخر ليلة 🔥🔥🔥🔥🔥) مهدي : غادي تمشيو ولا غادي نفجرها نموتو كاملين _ سمع أنا ماجيتش نأذيكم جيت نعطيكم فرصة لحياة جديدة و تعاونوني في الخدمة ديالي دير في بالك إلى خرجت من هنا بالقوة نقدر ندخل بالقوة في أي لحظة ونصفيها ليكم كاملين دير عقلك وحط ديك القنبلة مهدي : نتا كذاب كترجع في كلامك دغيا ياك قلتي ماغدي تقتل حتا واحد وقتلتي ناس ابرياء _ أنا عند كلمتي وكون ماعلي كذب عليا ماغدي نقيس حتا حد وحتا دابا أنا مزال عند كلمتي وباش تعرفو حسن النية ديالي وبيلا ماكنكذبش عندي ليكم مفاجأة زوينة ، تاصلت بسلوى باش دخل من بعد دقائق دخلات وهي هازة بنت صغيرة في ايديها الواليدة : بنتي بنتي ارو ليا بنتي هاهي بنتي أمينة بنتيييي عطوني بنتي مصطفى: ارا ديك القنبولة ... خديتها منو _ هاهي بنتك احادة رجعناها ليك بشرط أنك توافق على عرضنا أعلي شتي باش تعرفنا ناس طيبين و كنتهلاو في رجالنا علي : وإلى رفضت _ غادي تبع لي قبل منك ومعاك عائلتك كاملة كيف درت للرئيس لي قبل منك قتلتو بهاذ ليدين هو ومرتو حيث مابغاش يتعاون معايا ونتا عارف نهاية جميع اعدائي كنظن العائلة الوحيدة لي خليتها عايشة ورحمتها من نهار عقلت على راسي اللهم قبل عرضنا غادي تولي عندك السلطة والمال والقوة ، دابا شنو القرار ديالك علي : موافق أنا معاكم سلوى : شدي بنتك ألا حادة وكوني هانية تهلينا فيها ويتك ويتك شحال كيوت كتشبه لخوتها _ هاحنا غادي نمشيو وأي محاولة منك تلعب معانا غادي نصفيها ليكم كاملين حسن : الأسود نقدر نقتل صوفيا _ لا دابا هاذو عائلة واحد من رجالنا وأنا منسمحش يتأذا شي حد من رجالنا أو عائلتو الواليدة : علاش أولدي أمين وليتي هكذا _ سميتي يوسف و الى مجلي ليك شي ولد قلبي عليه في بلاصة أخرى أنا ماولد حد دابا سيري فرحي ببنتك لي رجعات ليك بسلامة عليكم ومبروك الخطوبة مرة أخرى ونتا الشبيه ديالي دير عقلك اليوم واعدت علي منأذيكمش المرة الجاية نقتلك ونعلق ليك راسك في باب الجردة مفهوم توجهت لعندو وضربتو بكروشي لوجه سلوى : قربت عند سناء وقلت ليها في ودنها بالمناسبة بنتك زوينة كتشبه لباها ونعت ليها في يوسف قليت ليها السم ، دامي اليوم مادويناش ولكن تأكدي غادي نتلقاو في القريب العاجل الواليدة : مهدي ولدي نتا بيخير سامي : سارة فيقي واش كتسمعيني عيطو لومبيلونص مهدي : أنا بيخر أميمتي مستحيل هاذشي لي كنشوف مستحيل يكون أمين هاذا _ أمرت رجالي ينساحبوو وقبل مانخرج جات عيني على واحد البيت وضربني الضو في راسي وفي لحظة سريعة طاح ليا في دماغي بحال الذكريات أو رؤية صغيرة حسيت أني بحال إلى كنت شايف هاذ البيت او دخلت ليه من قبل وبحال إلى عارف أشنو فيه ضرني راسي وتخربقت شديت في راسي و بقيت ساهي كنشوف في البيت يله بغيت نمشي ليه جراتني سلوى سلوى : عجباتك الدار مناويش تمشي ولا شنو يله _ سمعت كلامها وكملت طريقي ركبنا السيارات ديولنا وتحركنا المقر دامي : أنا نعيط لومبيلونص الواليدة: الحمد الله على بنتي رجعات ليا مهدي هاذي هي ختك أمينة علي : بقيت كنبكي على أمجد وعلى وضعيتنا لي وصلنا ليها بديت كنغوت .. قلت ليكم أمين رجع ماكنتش كنكذب ولا كنتخيل سناء : هاذا ماشي أمين هاذا وحش وسفاح اهئ اهئ اهئ لايمكن يكون هاذا بشر بحالنا ريم : اهئ اهئ ماشي هو شي شبيه ديالو مستحيل أمين يدير هكذا دامي : علاش ولا كيدير هكذا شنو واقع ليه ؟ ملاك : ياكما كيخطط شيحاجة علي : واش منيتك كدوي بحال الى مشتيهش شنو دار واش مسطية هاذي حالة شي حد كيخطط لشيحاجة أمين مجرم وحمق ماكيحرمش شتوه كيفاش دار أمجد قدامنا وهاذ الناس مساكن لي ذنبهم الوحيد كانو في المكان الخطأ كيف قالت سناء الأسود سفاح كيغتال ناس ابرياء ويقتل موظفين الدولة وضرب مو والبنت لي كان كيبغي وكان ايقتلها هي و بنتو وكيفاش عاملنا كاملين تخيلو معايا هاذشي كامل لي شتو اليوم و كان رحيم بينا أما ماكيخلي حتا حد من اعدائو حي قتل ولاد صغار أبرياء هذا جسم أمين ولكن العقل ماشي ديالو في مدة قصيرة قتل 3349 واحد غير شجن بوحدو قتل 1900 شخص دامي : المجرمين دارو ليه شيحاجة حتا رجعوه هكذا مستحيل أمين بعقلو يدير هكذا مريم : هاذا ماشي أمين واقيلا كيشبه ليكم سمعتو قال بيلا سميتو يوسف وكيفاش حتا حنا ماعرفناش دامي : أمين هاذا صوتو وحتا في حركاتو القتالية هوما ، هاذا أمين واخا تبدلو فيه شي حوايح ولكن بعض الحوايج مزال هوما بحال طريقة كلامو وحركاتو سناء : لا أمريم أمين هذاك رآه قالتها ليا سلوى هناء : تزگلنا من الموت قلبي كان ايسكت قال لدوك 2 لي قبل ماتعرفوش في الشر اهئ اهئ اهئ هناء : عييت من هاذشي غادي نحماق تقتلو ناس قدامي تاني مهدي : سخفات لينا هناء من بعد حالة خوف هستيرية والبقية كانو في صدمة سامي : المشكلة أعلي هي رجعوه سلاح مدمر كينفد أي حاجة بغاو بلا مايتردد ويقتل أي شخص كيفما كان كبير ولا صغير بقلب بارد ياسمين: كاينة طريقة وحدة لي تقدر تخلي أمين يرجع هكذا هو غسيل دماغ سناء : شنو هو غسيل الدماغ ياسمين : كيفقدوه الذاكرة وكينسوه حياتو السابقة وكيوهموه انهو عايش حياة أخرى علي : دابا ما كيهمش كيفاش وعلاش عندنا حل واحد نفدو كلاموو إلى بغينا نبقاو عايشين مهدي : مايحسابش ليا جبان لهاذ الدرجة فين هو الكلام لي عطتينا في أول مرة فاش عرفناك فين هي شجاعتك بيلا غادي تصفيها ليهم علي : الذئاب مقدرش عليهم أمين في ياماتو بقا غير أنا لي ضدي الذئاب وأمين في نفس الوقت مهدي : خاص شي طريقة نقتلو بيها الأسود ونمرود ضروري حيث الى ماتو هاذو غادي ندمروهم الواليدة: أشنو كتقول اتقتل خوك مهدي : واش نتي مسطية اميمتي مزال كتحني فيه من بعد هاذشي كامل لي دار فينا هاذا ماشي خويا ، الشخص لي كيقتل ناس أبرياء بدون رحمة لايمكن نخليوه عايش ولدك أميمتي مشا مع الرحلة لي دوزنا دابا بقا الوجه المظلم ديالو والى ماوقفناهش غادي يزيد يقتل ناس آخرين . شوفي تعامولو معانا حنا عائلتوو لي ماتعرف على حتا شي حد فينا وكيفاش كان باغي يقتلنا عندنا الزهر باغي المساعدة علي أما كون قتلنا كاملين بلا مايتردد كيف دار مع ضحايا لي قبل منا قتلهم هوما وعائلاتهم بدون شفقة واش عرفتي بيلا كيقتل وليدات عاد تزادو حنا لي شفنا بعينينا كيفاش قتل ولاد صغار وحرقهم وحتا نتي شفتي قبيلة كيفاش كان بغا يقتل تسنيم بدون تردد كون ماوقفاتوش سلوى واش عرفتي الشر ديالو فين وصل كيقتل بطريقة وحشية القتل عندو بحال شريب الما وماكيرحمش شفت حتا عييت في المجرمين بحالو ماكينش أمين ولا حمق شتي سلوى ونمرود حنان بزاف بالمقارنة بيه قلبو كحل بحال سميتو ولاد الحرام لعبو بيه مزيان ماعرفتش شنو دارو ليه حتا رجع هكاك سامي : حنا عارفين الأسود خايب أمهدي ولكن أكتخربق حنا حاليا منقدروش على عصابة الذئاب فايتينا بمراحل في التخطيط ولا في القوة ديما سابقينا ب 2 خطوات لافاطمة: دابا ابنتي دامي دي علي يتعالج ويكون خير علي : أنا بيخير غادي تعالجني ياسمين في الدار الواليدة: بنتي سناء تقصحتي سناء : ماكنحسش بيدي ليسريا واقيلا تفدعت اهئ اهئ وحتا كرشي كضرني ولكن قلبي أكتر تدمرت الواليدة: سمحي ليا ابنتي كنتأسف على هاذشي لي وقع دامي : عندي ليكم واحد الخبر كنت مخبياه مهدي : شنو مخبية ادامي دامي : كاين حل كيفاش نتخلصو من الذئاب هوما والقادة ديالهم علي : قولي نسمعو دامي : في الرحلة لي تخطف فيها أمين كان قال ليا شي حوايج قبل من الحاذثة المشئومة بنهار مهدي : دوي خلاص شنو قال ليك دامي : قال ليا بيلا تاصل بيه عمي سعد الله يرحمو قال ليه شي أسرار ووصاه مايقولهم لحتا واحد ولكن أمين عاود ليا وكتب ليا في ورقة شي حوايج لي خليتهم سر بيني وبينو مهدي : وقولي شنو قال بركة من تطوال الهدرة دامي : قال ليا سعد كان باغي يوصل السلطة ويقضي على الرئساء ديولو وباش كان يقدر يوصل خاصو رجال مدربين والمال داكشي علاش كان أي واحد شاف فيه غادي يفيدو سواء من المخابرات أو شخص من شي عصابة كيضمو لعصابتو وكيعطيهم فلوس كثيرة وموزعهم على بلايص بزاف في المغرب وبالنسبة للفلوس والسلاح فراه مخبيهم في أماكن أمنة لي مايقدر يوصل ليهم حد من غيري حاليا وكنظن هاذا السبب علاش عصابة الذئاب خلاو أمين عايش نهار شدوه وماقتلوهش علي : باش غادي يفيدنا هاذشي واخا نوصلو ليهم ونبغوهم يعاونونا غادي يقتلهم الأسود ورجالو دامي : ماعندنا حتا خيار الأمل الوحيد باش ندمرو عصابة الذئاب علي : خاصك تعرفي الى فشلنا غادي نموتو كاملين الواليدة : غامرو ومولاها ربي موهيم منعاونوش دوك المجرمين وحتا إلى ضطاريتو تقتلو الأسود ماغديش نقول عليه أمين حيث بالنسبة ليا ولدي مات نهار شفتو آخر مرة لا فاطمة : لابد من المحاولة حيث من خلال تجربتي في الحياة هاذ النوع نهار يساليو منك ومايبقاوش باغيينك ايقتلوك وتوليو داكشي لي خايفين منو هو لي واقعين فيه علي : عندك الحق كيفاش نوصلو ليهم دامي : خلي داكشي عليا ... وصلات لومبيلونص دات هناء وسارة السبيطار وجاو شي ضباط كيحققو خليناهم في دار مع مهدي وحنا لحقنا على لومبيلونص بطومبيل خدينا سناء وعلي يتعالجو حتا هوما في حين رجالنا خداو الجتة ديال أمجد وبقية الناس لمستودع الأموات ياسمين : دخلت السبيطار لي خدامة فيه خيطت الجرح لخطيببي علي وعالجتوو في حين سناء خداوها عند واحد الدكتور ديال العضام الزميل ديالي دامي : دكتور شنو عند سناء دكتور: المريضة راها مهرسة مشقوق ليها العضم غادي نديرو ليها الجبص حسناء : الله ياخد فيهم الحق الله يكرفسهم كيف كرفسونا الواليدة: سمحي ليا اختي حسناء حشامنة منك حسناء : هاذا ماشي دنبك اختي حادة ولدك مسكين حتا هو الله لي عالم كون بقواه العقلية مستحيل يفكر يدير هكذا الله يدير لينا تاويل خير مريم : مستحيل باقي يجيني النعاس دابا فدوى : شنو انقول أنا اصحبتي لي خسرت خويا دامي : كاملين خسرنا بزاف قدام الذئاب ❌❌❌❌❌ القنيطرة _ من بعد المهمة ديالي الأخيرة لي نجحت فيها رجعت فرحان المقر كيف دخلنا بقينا كنشربو كويسات أنا ونمرود وسلوى مصطفى وفهد لي لقيناه جا من تونس نمرود : الحمد لله كاع اعدائنا تحت من سباطنا مصطفى : حاكمين لازون _ ماكينش لي يقدر علينا أنمرود حنا ملوك عصرنا وأي واحد وقف قدامنا ناحيوه من دنيا شفتي شنو درت في رئيس المخابرات الجديد لي كيحساب ليه راسو شيحاجة نمرود : هذاك امنيكة صافي مزال انقتلو بيدي سلوى : ماعليكش هكذا نبغيك عييت هاذ نهار غادي نمشي نعس _ مشات ... داري حتا أنا عييت تصبحو على خير ، تبعتها لبيتها نعسنا في بيتها صباح فيقنا واحد الحارس قال ليا بيلا الرئيس كاين هنا وباغي يشوفنا خرجنا سلمنا عليه الرئيس : كنفتاخر بيكم أوليداتي خليتو الكل خاضع لينا _ حنا تحت أمرك سيدي في أي وقت الرئيس : عندي ليكم مهمة جديدة داكشي علاش جيت بسرعة بنفسي حيث البوص كيوصي على هاذ المهمة _ سيدي شكون هو هاذ البوص الرئيس : هو لي حاكم الساحة كلشي كيتمشا بكلمة منو _ شنو هي المهمة الجديدة أسيدي نفدوها الرئيس : كاينة واحد الجماعة في تونس مسميين راسهم مافيا مزاحمينا في تجارة سلاح والمخدرات وبداو كيشدو السوق والبوص مقلقو هاذشي بغيتكم تصفوها ليهم _ عطينا غير المعلومات أسيدي أو ولا عليك غادي نقتلوهم الرئيس : إلى نفدتي هاذ المهمة أيوسف عرسك على حسابي وغادي نعرفك على البوص _ أنا تحت أمرك وماغديش نخيبك كيف ديما ... عطانا المعلومات على المافيا والصور ومعلومات ديال المخبأ ديالهم وتافقنا نفدوها من بعد 5 أيام دوزنا نهار كامل غير جماعة تاوصل ليل ومشينا تعسنا وهكذا دازت 4 ايام من حياتنا لي مكان فيها حتا جديد غير الأيام كيتعاودو وليوم هو يوم ماقبل المهمة تجمعنا في الكافيتيريا كنخططو كيف ديما على المهمة ديال غدا سلوى : هاذي مهمة صعيبة نمرود : ولكن غادي نفدوها وغدا غادي نكونو صفيناها ليهم كاملين ومتبقاوش تقولو على المهمات صعاب حتا حاجة ماصعيبة عليا _ سالينا كلامنا وهي تجرني سلوى البيت ... هي شي ماتش تاني سلوى : من بعد دابا عندي لي واحد الموضوع مهم _ قولي نسمع أحبي كلي أذان صاغية دوي سلوى : سمعني مزيان احبيبي حنا في واحد الغابة عامرة ذياب وكل واحد كيضرب على راسو ، علاش أنا وياك مناخدوش السلطة بإمكانا بجوج بينا نتحكمو في كلشي وسوا داكشي لي عند بابا ولي فوق منو البوص نسيطرو عليه أنا وياك بجوج بينا فقط ، عاوني نتخلص من خويا وبابا والبوص وغادي ناخدو السلطة ونعيشو حسن من هكذا _ سلوى شنو كتقولي كون شي حد أخر لي قال هاذ الكلام كون قتلتو سلوى : يوسف حبيبي تيق بيا حنا مجرد دمى كيتحكمو بينا ويقدرو في أي لحضة يضحو بينا ويخليونا نموتو ، مايغركش هاذشي أنا وياك عندنا القوة والتخطيط علاش حنا لي مانكونوش حاكمين واش نبقاو غير نفدو الأوامر بحال الكلب فاش كيأمرو مولاه عينيا من هاذشي انا مابقاش عاجبني هكذا بغيت نستحود على كلشي ، حنا خاصنا نكونو الحكام أيوسف ماشي نبقاو نفدو في المهمات عاوني نقتل الرئيس والبوص ونمرود وكنواعدك بالسلطة لي عمرك حلمتي بيها نتا تجي معاك البوص ماشي قائد وأنا أميرة تحت عرشك احبيبي أشنو بان اتعاوني _ غادي ندير ماسمعت والو ولكن مرة أخرى يتعاود هاذشي نقتلك بيدي يله غيريها سلوى : فكر رآه في أي لحضة يضحيو بيك مجرد نصيحة راه واخا بابا وخويا راني ماكنتيقش فيهم نتغداو بيهم قبل مايتعشاو بينا _ خرجت وأنا كاعي ماعحبنيش الحال أن سلوى تفكر تنقالب على باها وخوها والبوص الكبير هاذ البنت طموحها كبر من القياس ، سلوى : موصيبة صافي حتا الأمل الوحيد ديالي باش نوصل لسلطة رفض مانقدرش نبقا كنفد الأوامر بغيت نكون أنا لي محكمة تزاديت باش نكون في منصب اقوى من هاذا وحبيبي يوسف هو السند ديالي لي يقدر يوصلني بغيت ناخد السلطة برفقة حب قلبي وماغدي نتهنا حتا حتا نقتل خويا وبا والبوص _دوزت داك النهار مادويتش معاها بمرة الصباح جمعنا رجالنا لي كيصول العدد ديالهم 40 شخص في الفرقة الخاصة ديال الذئاب ونطلقنا لتونس ، واحد المعلومة ضيفوها عندكم هاذ 40 غير لي أنا القائد ديالهم اما كاين عدد كبير ديال الحراس ورجال نمرود ودراري لي قلت ليكم كيتكونو تحت إشراف فهد . مايقارب 2000 شخص وأكتر في عصابة ذئاب هاذشي غير لي عارف أما لي ماعرفش يعلم الله شحال موزعين في بزاف ديال البلايص سواء في المغرب وتونس وباقي الدول العربية نمرود : من ورا هاذ المهمة خاصني شي إجازة طويلة نمشي ندور ونفوج شوية على راسي عييت من مهمة لمهمة سلوى : كاين عرسي أنا ويوسف غادي تفوج فيه نمرود : ملي اتزوجو نسافرو مجموعين _ نسافرو ومنبقاوش نرجعو بمرة ياك و باز ليكم مزال حتا مانفدتو هاذ المهمة وكتفكرو في الخوا الخاوي كونو جيديين نمرود : نتا اصحبي كتفكر في المهمات والقتل غريب أمرك ماكتخرج ماكدرج غير المقر والمهمات _ كلقا راحاتي فاش كنخوي سلاحي في عباد الله حسن من الدوران .... بقينا كنهدرو بيما وصلنا تونس هبطنا في المقر ديالنا حيث عندنا مطار صغير تما ، نزلنا لقينا السيارات كيتسناونا ركبنا وتوجهنا لمكان تواجد المافيا كانو في واحد القرية وقفنا في مكان قريب وبدينا مراقبينهم و كنتسناو بيما وصل ليل باش نهجموو نمرود : القرية ماشي مستحيل ندخلوها ولكن كيبان فيها ولاد صغار وعيلات كتار شنو نديرو معاهم _ لي جا قدامكم قتلوه ياكبير ياصغير مرا ولا راجل قتلو كلشي ... نفس الكلام قلتو لبقية رجالي وصل ليل عطيت لأوامر ديالي لقناصة يشدو بلايصهم وحنا بدينا كنقربو تجاه القرية وعند الإشارة ديالي أمرت القناصة يتيريو في الحراس لي حارسين القرية وحنا بدينا الهجوم نقسمنا على 3 المجموعات أنا ونمرود وسلوى كل واحد فينا مشاو معاه شوية من الرجال وتفرقنا على القرية بدينا مبادلين إطلاق النار مع المافيا ولي جا قدامي كنسيفطو عند عزرائيل وكنلوح في قنابل وكندمر في القرية والعيلات ولولاد الصغار كيغوتو كيف كنشوفو شي حد قدامنا كنقتلوه حتا خوينا القرية من البشار وحنا فقدنا 5 من فرقة الذئاب تجمعنا على ديبوات ديالهم دمرناهم وبديت كندور على القرية أنا وسلوى كيبانو ليا ولاد صغار مقتولين حدرت راسي سلوى : بقاو فيك ولا شنو ياك نتا لي أمرتي يتقتل كلشي _ بقاو فيا ولكن ماعندنا مانديرو اللهم يموتو ولا يكبرو ويعاودو نفس الاغلاط ديالهم عائلاتهم ومزيان نيت درنا هكذا باش أعدائنا يفكرو 1000 مرة قبل مايحاولو يعاندونا .... حرقو القرية كاملة نمرود : مهمة ورا مهمة والنتيجة واحدة يله نرجعو _ ركبنا طومبيلاتنا من بعد ماتحرقات القرية ورجعنا المقر ديال تونس رتاحو تاصل بينا الرئيس كيف العادة شكرنا وكيحفزنا كيف ديما باش نقدمو احسن ماعندنا الرئيس : أنا عند وعدي أيوسف عرسك من هنا 3 أيام في مدينة سلا رجعو غدا المغرب _ كنشكرك بزاف سمعتي أسلوى شنو قال بدينا معانقين وهزيتها كندور بيها في السما سلوى : خبار زوينة اخيرا غادي نتجمعوو نمرود: على نتوما مفرقين ياك كضلو مع بعضكم بحال إلى مزوجين سلوى : ماشي شغلك دابا راك سمعتي عرسنا من بعد 3 يام حلالا طيبا _ دوزنا ديك ليلة أنا وسلوى كنخططو لعرسنا ونمرود سكران بوحدو والغد ليه رجعنا المغرب دوزنا داك النهار عادي غير كنجمعو اليوم التاني لينا وصلاتني مهمة جديدة من عند الرئيس ولي كانت بسيطة بديت في تنفيد ديالها تاصلت برئيس المخبارات علي .... سلام علي معاك الأسود قائد الذئاب علي : نعام الأسود _ غادي توصلنا واحد الشحنة ديال السلاح في ميناء طنجة ليوم مع 23:00 ستالمها و بغيتها توصل في أمان الله حتا المقر ديالنا علي : جاتك كاينة شحاجة آخرى _ قطعت عليه ومشيت ريحت كنقيس في واحد الكومبلي في الأسود خداتو ليا سلوى على ود عرسي غدا سلتو وبديت كنقيس واحد الجباضور حتا هو خديتو على ود العرس شفت في المراية ولهيلا حطني جيت فسر أما بالنسبة لسلوى فرآه مكانتش في المقر مشات سلا عند شي وحدين في عائلتها كتوجد في راسها ودارت معايا نتلاقاو حتال نهار العرس ، داك نهار دوزتو غير فراجة وكماية مع مصطفى حتال ليل تاصل بيا علي علمني بيلا الشحنة وصلات وغادي توصلنا لعنوان لي عطيتوو ومشيت جبدت عليها بنعسة بليل حلمت حلمت حلمة خايبة شوكاتني حلمت ان نمرود شادني حدا واحد الكار ومجلسني على ركابيا وكيضربني ولي غريب هو كانو معايا صحاب علي وخطيبتوو وديك البنت لي سميتها سناء كتبكي عليا ، فقت مرعوب حيث كان الحلم بحال الى واقع عايش فيه ، شربت الما ورجعت نعس الصباح فقت فطرت هدرت مع نمرود على القضية الشحنة علمني أنها وصلات بيخير وكملت الحذيت ديالي معاه نمرود : مساخيط نتوما مامزوجين حتا بقا اسبوع لرمضان _ هههههه وقتما جا الخير ينفع اعشيري وزايدون اوامر الرئيس هاذو ( الرباط ) ❌❌❌❌ الذيب : سيدي علي عصابة ذئاب في الباب القائدة ديالهم طالبة تدخل شنو نديرو علي : تفو شنو بغاو هاذو تاني دخلهم أودي سلوى : تميت داخلة وأنا لابسة كسوة حمرة معرية من جيهة صدر وطالقة شعري وغادية وكنتعوج طالقة اونوثي وهازة مناخري السما تلقا ليا علي في الباب ديال الفيلا علي : مرحبا بسلوى ، شفتها حليت فمي بياسة ولكن دوماج وجه وجسم جميل وقلب كحل لي شافها مايقولش مجرمة وسفاحة ... عطيتها الاذن تدخل سلوى : تميت داخلة لصالون أنا وواحد من رجالي دخلت لقيتهم مجموعين على الغدا علي : ماخيفاش انك تدخلي هنا غير نتي وواحد من رجالك سلوى : علاش أنخاف وأنا معايا جبل واقف جنبي كيف كتعرفو يوسف معايا ماعندي مناش نخاف ، توجهت عند...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM