قصة المزحة #الجزء 27 : ايلاف لي مشات عند جودي و لقاتها مسكينة بقى ليها شوية و تبدا تبكي فقصها و هي شادا معاه الخاطر مابغاتش تعيرو و لا ضارب معاه و كتقول مع راسها بلي الدنجال بالمهل كيتكال. ايلاف: هاي, ها انا جيت جودي: على سلامتك و مشات جاراها لقنت , مالكي على هاد التعطيلة خليتيني هنا اناكل جنابي مع صفر الكمارة باتريك: البنات تبغيو تمشيو تغداو ؟ جودي: لا بلاش انميشو و اصلا نتا داير مع صاحبك و لا نسيتي ايلاف لي غير سمعات "صاحبك" و هي دير ليها ترن في راسها ايلاف: نمشيو علاش لا ؟ و هاد صاحبك بلاما تخليه يتسنى عرض عليه نتغداو كاملين هي عارفة غادي يكون باقي معاه علي و دارتها بلعاني باش يكلسو كاملين و يكون باتريك مع جودي و هي و علي و يخليو ارثر كيف الشيطان وحداني باتريك: اه واخا حتى هاذي فكرة مشا باتريك يعيط على ارثر و يقول ليه بلي ماغاديش يجي و دار معاه في ريسطو اخر باش يجي يتغادا معاه و من تما يدوزو يكملو خدمتهم ارثر: اووف ا صاحبي, و زعما كنت داير معاك هنا في النادي باتريك: و صافي دابا غير اجي و نتا وليتي معشش في داك النادي كل ويكاند ماطلعش ليك في راسك ارثر: واخا صافي , و حتى علي معايا غادي يجي معايا باتريك: اوكي باي البنات كانو يسمعو اش كيقول و ايلاف كتبسم بوحدها حالفا حتى تندمو باتريك: مشينا البنات ؟ ايلاف: اه واخا و لكن نمشيو في طاكسي؟ باتريك: ههههه بحالك بحال صحبتك اصلا جينا لهاد البارك غير على رجلينا خليت طوموبيل في الكافي مع حتى هي قالت ليا نشدو طاكسي مشى باتريك يوفق طاكسي وجودي شقمات على ايلاف جودي: اش كديري ؟ واش تصطيتي ؟ خلينا نرجعو فحالنا ماعندنا مامديرو بيهم ؟ ايلاف:غير تبعيني و كوني هانيا و غير نرجو لمجمع و نعاود ليك كلشي جودي:اللهم صبرنا يا رب رجع عندهم باتريك و مشاو كاملين لطاكسي لي عطاه العنوان و انطلقو, طول طريق و كل وحدة في بنات كطل من الشرجم و كيشوفو في المدينة شحال زوينة و كلشي فيها منظم واخا جايا ل 3 سيمانات باش جاو الا انهم عمرهم خرجو ضارو فيها و لا شافوها او استكشفوها. بعد مدة من الزمن وقف بيهم طاكسي لي طبعا خلصو باتريك قدام واحد المطعم باينة فيه راقي, دخلو ب 3 و لقاو ارثر و علي كالسين كيتسناو فيهم ايلاف دايرا راسها مصدومة من مور ماشافت ارثر: اااه ارثر هو صاحبك لي داير معاه ؟ باتريك ضحك زعما راني عايق بيك: ههههه اه على مافيخباركش ؟ ايلاف: لا لا مايمكنش ليا نكلس انا و ياه في بلاصة وحدة و خلاص مع التخاصيمة ديال صباح جودي: تخاصيمة ؟ باتريك: د صباح ؟ صدماتهم مساكن ايلاف: صافي انا غادي نمشي غير سير ا باتريك باتريك : جيتو حتال لهنا , ماغاديش نخليكم تمشيو بالساهل و نيت نعرفو اش طرا الصباح هه ايلاف: بلاتي, واش هذاك علي لي كاين معاه ؟ باتريك تصدم عاوتاني : كتعرفي حتى علي ؟ ايلاف: هههه ضروري , صافي يالاه نمشيو ملي كاين علي. جودي مسكينة و لا كيف المونيكة غير غادين بيها و لكن هي سكتات حتى تشوف اش طاري فاش غادي يرجعو لمجمع. مشات ايلاف مقدمة سابقاهم حتى وقفات عليهم و لكن هاد المرة ماعبراتوش جرات كرسي حدا علي و كلسات اما ارثر ماكرهش يحيط صباطو و ينيش عليها نيشان لراس اوو و لا فينما يدور يلقاها صراحة باز ليه انا و طلعات ليا الدم كيتو هو علي: اه ايلاف رجعتي ؟ ايلاف: وييه ماسخييتش بييك و كتورك على كل حرف و تشوف في ارثر بنص شوفة لحق عليها باتريك و جودي و كلسو حدا بعضياتهم من بعد اخد في السلام و الكلام جا السرباي و عطاهم الموني و كل واحد اش طلب من مور مامشى بقات ايلاف كتكرر هي و علي بالعربية و شادا تيليفونو كتقيد نمرتها و باتريك يعيا ما يهضر في جودي و هي كتجاوب غير باه و لا لانها مصدومة من ايلاف و غير حاضياها امتى تعرفات على هاد الاخ و ضصرات عليه دغيا و كتسناها تهز فيها غير عينيها باش تنغزها تجمع ساعة ماكينش معامن, باتريك لي فقد الامل في جودي باش تشد معاع الهضرة و يتحتو فشي موضوع ضار لقى ارثر غادي يطرطق عرفو ماحملش راسو و كيفاش منخلينو و هو يجبد الهضرة مع علي باش كلشي يهضر و مايبقاش ارثر كالس بوحدو. باتريك: ايوا ا علي قول ليا فين كنتي غابر علينا ؟ و ماكنتي تسيفط لا ميساج لا برية قلنا غير متي و صافي علي: راه غير الخدمة و صافي و لكن غير رجعت جيت عندكم نتوما لولين. ارثر تحت لسانو: ههه باينة باتريك: اه و شحال من مرة كنشوف تصاور مايكل في سوشل ميديا و نتا والو تقول كعما كنتي معاه علي: و راك عارفني كلشي تقريبا حيدتو, ما قادر على صداع و غمز الدراري ارثر: احسن حاجة درتي, حتى انا من شحال هادي و انا كنفكر نساحب من سوشل ميديا كيف كتعرف مابقاش مأمن و خلاص واحد شهرين هادي و واحد الانواع مصدعيني , و دار شوفات قتالة في ايلاف. عل: ايوا بلوك, تهنيك لهيه ا صاحبي ارثر: شفتي دوك انواع دايرين كيف الفطر المسموم تحيدهم من قنت ينوضو من قنت اخر و يوضو كثر من لول, داكشي ماعلينا غير الصبر و نخالة, و اصلا داك نوع لي كيخليوك تشفق عليهم ماتقدرش تحيدهم و في لخر تلاقاواهم ماكيسواو واالو ايلاف متصرطاتش ليا و بغات تجاوبو و لكن ماعندها باش تجاوب كلامو كامل صحيح غير هو زاد احتاقرها ماكرهاتش تنوض ديك ساعة نتزل عليه بشي كرسي لراسو و فكرات و فكرات في لاخر ناضت وقفات و شافت في جودي لي حتى هي حسات بيها و فهماتها ايلاف: سمح ليا ا سيد ارثر , على كلشي من اول حاجة حتى لدابا و فرصة سعيدة لي شفناكم, تخيلت و تخيلت و لكن عنري عرفتك انكون حقير لهاد الدرجة على العموم شكرا على كلشي و اكرر س م ح ل ي ا قالتها و هي كتهجاها باش يدخلها لراسو ضارت عند باتريك , متشرفة بمعرفتك بسلامة و شافت في علي و هضرات بالعربية : انا مانقدرش نزيد كثر من هاكا, ها حنى مشينا و شكرا بزااف و كان شرف ليا انني عرفتك علي و باتريك لي ماعرفو باش تبلاو يالاه كانو صحة سلام : فين غادي تمشيو ؟ ارثر لي حس بالندم في لول و لكن في لاخر دار ابتسامة نصر: كود باي من بعد هاد الصراع هزات ايلاف شطيطها و تبعاتها جودي, تموا غادين حتى كيسمعو صوت كيعيط ليهم علي: ايلاف!! وفقي ايلاف: غير سير ا علي رجع كلس معاهم علي: لا انمشي معاكم حتى نوصلكم و نعرف اش هادشي لي طرا لداخل ايلاف:واخا غير يالاه نمشيو نخرجو من هنا مشات ايلاف و جودي و علي معاهم باش يوصلهم شدو طاكسي و مشاو لواحد الكافي قريب لمجمع و كلسو باش تعاود ليهم لبلان *عند ارثر* باتريك: اش هادشي درتي ؟ ارثر: مادرت والو و هي لي باغا دير فيها قافزة و صافي, و اصلا مقرسة غير بوحدها باتريك: ماشي بهديك الطريقة, و نتا هضرتك قصح من راسك ارثر: ماكيهمش اش قلت ليها دابا, لي كيهم هو واش غادي تعطيني تيساع و لا لا ؟ باتريك: انا مافهمتش باش ضراتك دابا ؟ ها هي قدامك عطي لراسك و ليها فرصة, لاش مقصح راسك ؟ ماعجباتكش ؟ مايمكن يكون غير على البلان ديال انسطا غادي تكون حاقد عليها بحال هاكا ارثر: صافي سكتنا نتمناو هاد الموضوع يكمل هنا, مانبقاو نجدوها و نتمنى حتى هي تفهم راسها من بعد هاد الهضرة باتريك:عييت معاك فيما نهضر معاك تقول ليا قلب عليا الموضوع, دير لي بغيتي ارثر: و شفتي كيفاش دار علي بعدا ؟ مشا و خلانا باتريك: كن خليتي فيها ما يصلاح كنا غادي نكونو كالسين دابا كاملين ارثر: اضورها ليا انا ثاني دابا ؟ صافي هنينا نوض يالاه نمشيو نخدمو شوية ناض باتريك و ارثر و مشاو لدارو يخدمو تما, مابقات فيا غير الماكلة لي دمونداو عليها و خلاوها ايلاف لي كانت عاودات لعلي على كلشي من اول نهار حتال الصباح طبعا ماقالتش ليه على البوسة لي باسها علي: هادشي عندكم في شكل ايلاف: شفتي و هو اصلا لي سيفط ليا ميساج في لول و حنى قلنا غير نضحكو شوية, مادرت فيها والو و لكن انا لي حمارة, راه تايقولو دير راسك في نخالة ينقبوك دجاج علي: صافي حتى دابا ماطرا والو ايلاف:طرا كالاه, احتقرني و عيرني و حشا ليا الهضرة و لكن و الله مازال لدرت فيه عقلي جبدات تيليفون من صاكها و بلوكاتو قدام اعين علي و جودي لي بقات مصدومة منها ماكانتش كتوقع اتكون ردة فعلها هاكا و خلاص كانت متافقة حتى تبرد غدايدها فيه و تندمو و تخليه هو لي يبلوكيها و لكن استسلمات دغيا علي: صافي استسلمتي ؟ ضعفتي قدامو ايلاف: تو تو بالعكس عاد ماقويت, ارثر كندجي صفحة و طويتها, الا جينا نضحكو و ولينا مامزيانينش و نسمعو الهضرة كاع فبناقص من هادشي كامل نجمع راسو و نكون قدها و ملي جيت نخدم صافي مابقى لا وقت تفلية لا والو صافي الضحك انسوسو من راسي و نكملو هاد 5 شهور لي اتبقي لينا هنا على خير و نرجعو فحالنا اما بلاما نشوف و نقز و نلعب في بلايص كبار و عاليين عليا. جودي شدات في يديها : انا معاك اختي في اي حاجة درتيها علي: حتى انا معاكم , واخا صاحبي و لكن ماكنش عليه يدير بحال هاكا ايلاف: شكرا ليك بزاف و لكن من الاحسن وقف مع صاحبك ماكاين لاش نجبد صداع بيناتكم علي: ماكاين لا صداع لا والو و الا كان هو صاحبي فانتي اختي في الاسلام ايلاف: ههه واخا ا خويا في الاسلام و غمزاتو حتى هي , يالاه انوضو نميشو حنى دابا و شكرا ليك و لوقفتك معانا علي: و لو, اي حاجة احتاجيتوها انا هنا, في امان الله........... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM