قصة المزحة #الجزء 37 : كان قريب منها بزااف و جودي هزات فيه راسها و عينيها مدمعين من البرة لي تهرسات ليه جودي: ديني عندها عافاك بغيت نشوفها باتريك و هو دايب فيها و في عينيها لي زادو حمقوه بشفراتها لي فازكين بدموعها و هاد المرة هضر بشوية: و لكن خاصك ترتاحي ا جودي راك سخفتي بالعيا و ماكليتي والو جودي: عافاك ا باتريك ديني عند ختي باتريك لي صافي وصلات ليه لعضم بقربها ليه و طريقة باش كتهضر و عاد دموعها بزز باش تمالك راسو و هنا لا المكان المناسب لا الزمان داكشي علاش جمع راسو: واخا صافي و لكن غير تحسي براسك عيانة ترجعي ترتاحي صافي ؟ جودي هزات راسها بالايجاب هي اصلا مافيها لي يهضر داتها كلها مدكدكة و مافيها لي يهضر و لكن ماتسوقات في ديك اللحظة بغات تشوف غير صاحبتها و ختي و عمودها في هاد البلاد عاوناها باتريك حتى حيد ليها البرة لي مهرسة ليها و هي بقات معكزة عليه حتى داها لغرفة ديالها لي كانت دخلات ليها ايلاف و قادوها الممرضات في بلاصتها. جودي: اييلاف مشات جودي تلاحت حتى ايلاف وبدات تبكي ايلاف: اي بشوية الهبيلة راه كلي مقصحة ههه جودي: خلعتيني عليك ا ختي, فين كان عقلك و نتي قاطعة ؟ واش ماعندك سوق في حياتك , كن طرات ليك شي حاجة لمن كنتي اتخليني انا و ماماك و بابك و خوتك ؟ ها مسيفطينك تقراي و تخدمي حتى ترجعي ليهم ميتة, اخر مرة ديري بحال هاكا مرة جايا قبل ماتقطعي الشانطي فكري في عائلتك هي لولة واخا ماعرت شنو يكون طاري ايلاف لي حقدات على راسها في هاد اللحظة و تعصبات ملي جبدات ليها الهضرة على اشنو مخليها تقطع الشانطي بلا هواها و زادت حقدات على ارثر كثر ايلاف: اه عندك الحق ا صاحبتي و دابا صافي سكتي باركة من البكا ها انا دابا باقي قدامك و كنواعدك ا لالة عمري نعاود نديرها جودي كضحك تحت خيننها و بكاها (هاجر سموحات 2) : المرة جايا تعاوديها انقتل انا قبل هههه بقاو لبنات على هاد الحالة ديال الهضرة من بعد ما خرج باتريك و خلاهم بوحدهم, حتى بدات تعطي لرجلها صداع و مابقاتش قادرة على حريق عيطات جودي لممرضات و دكو ليها برا و خلاوها ترتاح. هبطات جودي و باتريك لكافيتيريا باش تأكل شي حاجة, كانت هازا واحد صندويش كتاكل فيه و حادرة راسها غافلة على العينين لي حاضيينها بحال اول مرة يشوفوها, باتريك لي ماضيع حتى فرصة و هو كيشوف فيها و كيحفظ ملامحها حتى هزات جودي راسها و لقاتو حضيها داير فيها شوفات كيذوبو و قبل ماتنطق بشي حاجة سبقها باتريك: توحشتك جودي لي وحلات ليها و بدات تحكب حتى مد ليها كاس ديال الما و تبسمات ماجاوبات بوالو باتريك: ماغادي تقولي والو ؟ جودي: بحالاش ؟ باتريك: ماتوحشتينيش؟ جودي لي بقات كضور في راسها ماعرفات ماتقول ليه و حضرات راسها باتريك: جودي حاولت شحال من مرة نفهمك و لكن نتي كل مرة كتسدي عليا الباب, فينما نجبد معاك الهضرة تقلبي الموضوع, و فاش بعدتي عليا ماقدرتش نزيد نبزز راسي عليك و خليتك على خاطرك و قلت مع الوقت نساك ساعة طلعت غالط ماقدرتش نساك ا جودي ماعرفتش اشنو درتي ليا, شنو لي خلاني نبقى نفكر فيك ليل و نهار جودي حناكها مابقى ليهم والو و يطرطقو كن جاها في وقت اخر كن عطاتو خو جوابو غير هي دابا ماقادرا لا على صداع لا على هضرة اكتافت باش تقول ليه غير: باتريك ماشي وقت هاد الهضرة و ماشي حتى بلاصتها باتريك: اه عندك الصح سمحي ليا, انا لي قلت طول هاد المدة غادي تحني فيا ساعة بينتي ليا العكس, صافي انا ساكت كاع و الا مابغيتيش نتي تهضري فحتى انا مانبقى كاع نهضر في هاد الموضوع و كنكرر اعتذاري. ماعاوداتش جاوباتو كملات ماكلاتها و طلعو لاستقبال باش يقادو ليهم غرفة فيها زوج ناموسيات وحدة لايلاف و وحدة لجودي. من بعد ما كلشي وجد جودي: صافي ليل هاذا و نتا من صباح و نتا معانا, سير ترتاح ليك باتريك: ماتقدرش نخليكم هنا و نمشي جودي: كن هاني ماتخافش علينا, ها حنا دابا شوية غادي نعسو غير سير ترتاح ليك حسن باتريك: اوكي و لكن اي حاجة احتاجيتوها عيطي ليا صافي؟ جودي: واخا صافي كن هاني تم باتريك غادي حتى عيطات ليه جودي و رجع ضار عندها جودي: باتريك باتريك: نعام جودي: شكرا بزاف..... على كلشي باتريك: و لو ... العفو جودي: تصبح على خير باتريك: تصبحين على خير........ #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM