قصة المزحة #الجزء 26 : ايلاف هزات يديها و عطاتو واحد مولاي تصرفيقة فاعلة تاركة. ايلاف: حيوان اش كيسحاب ليك راسك, بلي غادي تجي و تمسح فيا رجليك و الله لا كانت ليك الكلب ارثر ماعرف مايدير هو في طبعو ماكيحركًرش على العيالات داكشي علاش ماقدر يدير ليها والو و اصلا كان كينتاظر ردة فعلها اتكون بحال هاكا و هو داكشي لي بغى تكرهو و تعطيه تيساع ارثر: نتي لي بغيتي لعب و انا غير كنلعب ايلاف: بزاف عليك باش نكون لعبة و خلاص ليك, انا قلت ليك كان عندي موعد داكشي علاش جيت و ندمت كاع, هزات صبعها قرباتو ليه لوجه و كتهضر بتهديد ايلاف: اخر مرة تحط عليا يديك و تعاود تقيسني خرجات و ردخات عليه الباب و هي غاديا و كتبكي مارضاتش علاش يدير ليها بحال هاكاك و خلاص هو اول واحد يقيسها بقات غاديا حتى دخلات فشي واحد , هزات راسها و عينيها فيهم دموع و قالت لشخص لدخلات فيه سمح ليا و كانت غاديا و لكن شدها من يديها. الشخص: ياك لاباس ؟ ايلاف لي كانت كتسنى هاد سؤال غير باش تزيد نتفاجر بكى عاد مازادت فيه كتنخصص و كتهضر: لا لا ماكاين والو, شافت جيهة ديال المكتب بان ليها ارثر واقف كيشوف فيها و هي ضور عند الشخص ايلاف: عافاك تقدر تعاوني نخرج من هنا ؟ الشخص: واخا, يالاه ايلاف دارت راسها بحال ماقادراش تمشي و شدات فيه في ضراعو بحال كتكالا عليه و حتى هو شادها بشوية غادي مخرجها من داك النادي حتى فاتوه عاد نطقات ايلاف: شكرا ليك بزاف حيت عاونتيني و سمح ليا دخلت فيك و زدت عذبتك معايا الشخص: لا ماشي مشكل, كنت جاي نشوف غير صاحبي هنا و صافي و اي واحد كان في بلاصتي غادي يدري نفس الشيء , بالمناسبة انا علي ايلاف هزات راسها مستغربة من اسمو مع كانت كتهضر معاه في لول بالانجلزية مع المانية ديالها باقا معكلة و هي تسولو بالعربية: واش نتا عربي ؟ علي: اه, انا عراقي الاصل و لكن حياتي كاملة هنا و انتي ماقلتيش ليا اسمك و بما انك حكيتي معي بالعربي هادشي يعني انك حتى نتي عربية ايلاف: اه سمح ليا, انا ايلاف من المغرب علي: عاشو الاسامي, متشرفين بناس الكرم و الجود, هلا حكيلي شو لي مبكيك و ليش زعلانة ؟ طبعا اذا مو كان الامر شخصي ايلاف: لا والو غير موقف صغير طرا ليا مع واحد الشخص و صافي, و فاش تخاصمت معاه تعصب و فاش كنتعصب كنبكي صافي علي: عمل ليك شي ؟ و لا شو ؟ ايلاف و هي كتهضر معاه طاح في بالها بلان و هي نتطق: يمكن ليا نطلب منك طليبة ؟ علي : اذا كان في شي ممكن اساعدك فيه, من عينيا ايلاف: انا كنت دايرا مع صاحبتي نتلاقاو هنا, و فاش جيت تلاقيت مع داك الشخص لي طاري بيناتنا سوء تفاهم من شحال هادي و فاش شافني على بالو بلي انا تابعاه و داكشي علاش تخاصمت معاه و انا دابا بغيت نبين ليه بلي انا بصح ماجاياش تابعاه و لكن صاحبتي خرج ليها بلان و مابقتاش اتجي و سكتات شوية (حدي هاد زوج كليمات في اللهجة العراقية و لا مانعرف السورية المهم انكمل معاكم دريجة ) علي: اه هادشي كامل فهمتو و انا فاش نقدر نعاونك ؟ ايلاف: ترجع معايا لنادي و نبين ليه بلي انا ماجاياش على قبلو و نرد كرامتي لي مرمدها علي: على راس و العين ايلاف: بصح غادي تعاوني ؟ علي: اه, حشومة كاع عربية و بغيتيني مانعاونكش, واخا مامولفش هادشي و لكن هانيا ايلاف بحال الا تقرصات ملي قال ليها مامولف هادشي يعني هي بصح برهوشة كيف قال ليها ارثر : اه لا صافي سمح ليا غادي نبرزطك معايا, بلاش نمشي حسن ليا علي: لا, ماشي مشكيل و الله, نعاوك مافيها باس , غير زيدي يالاه نوري هذا لي يبغي يطيح بيك نوريوه العرب علاش قادين ايلاف: و صاحبك لي جاي على قبلو ؟ عاي: ماشي مشكيل ماعارفنيش واش جاي كاع كنت ناوي نفاجأو و دابا غادي نمشيو نعطيو درس لهاذ الشخص هو اللول عاد نمشي عندو ايلاف: اوكي شكرا بزااف, عمرني نسى خيرك مسحات دموعها و خناينها و قادات شعرها و رجعات كضحك لي شافها مايقولش هادي هي لي كانت كتبكي و نتخصص قبيلة علي: هههه الله يسر, عاد قبيلة كنت تبكي ايلاف: و مالك بغيتيني نمشي عندو هاكاك باش يرجع يتشفى فيا هههه لا علي: غير كنضحك معاك, مزيان ماتبينيش ليه راكي ضعيفة ايلاف: انا ماضعيفاش كن كنت ضعيفة كن كعما درت ليه واحد الحالة و نرجع دابا عادي علي: اشنو درتي ليه؟ ايلاف: قال ليك انا تابعاه و بغى يخلص عليا مع ضربت طريق و قال ليا عتابريها صدقة و نضت هرست داكشي كامل و مشيت لحت عليه الفلوس و خرجت علي مصدوم منها هي لي كانت قبيلة كتبكي بحال درية صغيرة و لكن شخصيتها قوية ماتسمح لحد يمسح بكرامتها لارض: واو زعما تبارك الله عليك و شخصية عندك و قلبوها ضحك مشاو رجعو لنادي و تاجهو نيشان لريسطو دخلو و عاطينها لضحك و تكركير ايلاف بطبعها لواحد الا رتاحت ليه كتحل ليه قلبها واخا عاد تعرفو و هادشي كامل كان باين من لول فاش تعرفات على البنات و حتى علي و هي عندها مبدأ كتمشي بنيتها و لي دار معاها شي حاجة كتقلب عليه قلبة البنايا و داكشي لي كدير مع كلشي و دغيا طلقات معاه و خلاص عربي من الفوق و تيتيز صافي كملات و بقاو يجبدو في المواضيع و يضحكو علي: ههههه صافي سكتي, كرشي ضراتني بضحك ايلاف: ماشفتي والو , عطا الله الخير علي: و دابا قولي ليا فين هو هاد خينة لي قلتي ليا عليه ؟ ايلاف: خليه اش بغيناه , قول ليا نتا فين هو هاد صاحبك لي جاي عندو ؟ فيه مايتلبق و لا والو تيتيز و لا غير نسكت علي: لي مافهمش هادشي لاخر لي قالت ؛ شنو قلتي ؟ ايلاف: والو والو غير زعما قلت ليك فين هو هاد صاحبك يجي يكلس معانا حشومة علي: و الله ماعرفت فينو, على ماعرفت من صاحبنا بلي غادي يكون هنا و دابا مابانش ليا في هاد الاثناء صونات جودي على ايلاف و ناضت باش تجاوبها ايلاف: صاحبني انمشي نهضر معاها و انا جايا و اصلا اندوز لحمام علي: اكي , انا نتسناك هنا مشات ايلاف لحمام ايلاف: وي الحب لاباس ؟ جودي: تي فين مشيتي و خليتيني انا هنا حاصلة مع هاد صفر الكامرة و اش درتي مع الزغبي لاخر ؟ قتلتيه و لا قتلك ؟ ايلاف: ها انا حتى نرجع و نعاود ليك و لكن لي بغيت نقول ليك طحت انا على تيتيز اخر اختي اش نقول ليك الزين و التباتة و الضحك و تقشاب و من هادشي كامل عربي جودي: شوفي سلكوطة, تي تجمعي شوية و نتي عينيك طاحو , مهم ماسوقسش اجي دغيا عتقيني من هنا و نيت باش تعاودي ليا ايلاف: اكي باي انا مشيت دابا , واحد شوية و نخرج و نلحق عليهم غير سيفطي ليا الموقع ديالكم في ميساج جودي: اوكي باي خرجات ايلاف من الحمام و مشات كلسات في بلاصتها و لقات علي كيبقشش في تيلي ديالو و كيتبسم ايلاف: بسم الله عليك , عاد خليتك صحة سلام علي: هههه مالكي ايلاف: ماماليش, مالك نتي لي كالس تفرنس بوحدك مع تيليفون علي لي كان يالاه غادي يجاوبها حتى كيبان ليه صاحبو شافو و جاي قاصدهمش و مع هي عاطياه بظهر ماشافتش شكون على كيوقف عليهم ارثر كيتبسم عكس قبيلة فاش كان صاعر , شافتو ايلاف و هي تصدم و حتى هو لي كان جمع الضحكة و رجع غوبش ايلاف و ارثر دقة وحدة نتا تاني !!! نتي تاني !!! ايلاف لي مشات عند جودي و لقاتها مسكينة بقى ليها شوية و تبدا تبكي فقصها و هي شادا معاه الخاطر مابغاتش تعيرو و لا ضارب معاه و كتقول مع راسها بلي الدنجال بالمهل كيتكال. ايلاف: هاي, ها انا جيت جودي: على سلامتك و مشات جاراها لقنت , مالكي على هاد التعطيلة خليتيني هنا اناكل جنابي مع صفر الكمارة باتريك: البنات تبغيو تمشيو تغداو ؟ جودي: لا بلاش انميشو و اصلا نتا داير مع صاحبك و لا نسيتي ايلاف لي غير سمعات "صاحبك" و هي دير ليها ترن في راسها ايلاف: نمشيو علاش لا ؟ و هاد صاحبك بلاما تخليه يتسنى عرض عليه نتغداو كاملين هي عارفة غادي يكون باقي معاه علي و دارتها بلعاني باش يكلسو كاملين و يكون باتريك مع جودي و هي و علي و يخليو ارثر كيف الشيطان وحداني باتريك: اه واخا حتى هاذي فكرة مشا باتريك يعيط على ارثر و يقول ليه بلي ماغاديش يجي و دار معاه في ريسطو اخر باش يجي يتغادا معاه و من تما يدوزو يكملو خدمتهم ارثر: اووف ا صاحبي, و زعما كنت داير معاك هنا في النادي باتريك: و صافي دابا غير اجي و نتا وليتي معشش في داك النادي كل ويكاند ماطلعش ليك في راسك ارثر: واخا صافي , و حتى علي معايا غادي يجي معايا باتريك: اوكي باي البنات كانو يسمعو اش كيقول و ايلاف كتبسم بوحدها حالفا حتى تندمو باتريك: مشينا البنات ؟ ايلاف: اه واخا و لكن نمشيو في طاكسي؟ باتريك: ههههه بحالك بحال صحبتك اصلا جينا لهاد البارك غير على رجلينا خليت طوموبيل في الكافي مع حتى هي قالت ليا نشدو طاكسي مشى باتريك يوفق طاكسي وجودي شقمات على ايلاف جودي: اش كديري ؟ واش تصطيتي ؟ خلينا نرجعو فحالنا ماعندنا مامديرو بيهم ؟ ايلاف:غير تبعيني و كوني هانيا و غير نرجو لمجمع و نعاود ليك كلشي جودي:اللهم صبرنا يا رب رجع عندهم باتريك و مشاو كاملين لطاكسي لي عطاه العنوان و انطلقو, طول طريق و كل وحدة في بنات كطل من الشرجم و كيشوفو في المدينة شحال زوينة و كلشي فيها منظم واخا جايا ل 3 سيمانات باش جاو الا انهم عمرهم خرجو ضارو فيها و لا شافوها او استكشفوها. بعد مدة من الزمن وقف بيهم طاكسي لي طبعا خلصو باتريك قدام واحد المطعم باينة فيه راقي, دخلو ب 3 و لقاو ارثر و علي كالسين كيتسناو فيهم ايلاف دايرا راسها مصدومة من مور ماشافت ارثر: اااه ارثر هو صاحبك لي داير معاه ؟ باتريك ضحك زعما راني عايق بيك: ههههه اه على مافيخباركش ؟ ايلاف: لا لا مايمكنش ليا نكلس انا و ياه في بلاصة وحدة و خلاص مع التخاصيمة ديال صباح جودي: تخاصيمة ؟ باتريك: د صباح ؟ صدماتهم مساكن ايلاف: صافي انا غادي نمشي غير سير ا باتريك باتريك : جيتو حتال لهنا , ماغاديش نخليكم تمشيو بالساهل و نيت نعرفو اش طرا الصباح هه ايلاف: بلاتي, واش هذاك علي لي كاين معاه ؟ باتريك تصدم عاوتاني : كتعرفي حتى علي ؟ ايلاف: هههه ضروري , صافي يالاه نمشيو ملي كاين علي. جودي مسكينة و لا كيف المونيكة غير غادين بيها و لكن هي سكتات حتى تشوف اش طاري فاش غادي يرجعو لمجمع........... #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM