قصة المزحة #الجزء 25 : باتريك : فيت غادي تمشي باقي ماهضرناش جودي: مرة الجاية خصني نم.. ايلاف: غير خليت انمشي بوحدي و هضري مع السيد على خاطرك , و ضارت عند باتريك فاش تكملو الهضرة نبغيك توصلها حتى لباب ديال المجمع و ياك و نلقاك درتي ليها شي حاجة و لا عرفتي شنو خليكم هنا انا انمشي دغيا و نجي. باتريك: صافي كوني هانيا مشات ايلاف تبدا في الخطة ديالها و خلات جودي غادي تاكل جنابها لي كانت على بالها غادي يمشيو بزوج صدقات وحلات مع هاد صفر الكمارة باتريك: جودي انجيك نيشان من اول مرة شفتك عجبتيني (هاد عجبتيني ماكنحملهاش و لكن تخيلوها نتوما بانجليزية كتجي مزوقة شوية بعدا ) و فاش جيت عندك انا كنت باغي غير نزيدو نتعارفو و صافي ساعة نتي مافهمتينيش, يمكن الطريقة لي هضرت بيها هي لي خلاتك تفهمي غلط, داكشي علاش سمحي ليا, و راه كاين عدة اختلافات بيناتنا اولهم ثقافتنا و مبادئنا و هادشي لي خلا يكون هاد سوء تفاهم و لكن هاد الاختلاف نقدرو نردوه حاجة ايجابية يعني مزيان يكون الاختلاف مرة مرة كيكون عندو حلاوة في شكل, انا كنكرر اعتذاري و كنتمنى تسمحي ليا و نبداو صفحة جديدة جودي: هي بصح بيناتنا اختلافات كثيرة و لكن اهمها دياناتنا , انا ديني كينص على التسامح داكشي علاش سمحت ليك و لكن باش تبغي شي حاجة كثر من هاكا ماكايناش من غي نكونو اصدقاء و هادشي كيبان ليا من سابع المستحيلات حيت نتا من نظرتك الاولى ماشفتينيش كيف صديقة و زيد عليها ماكنتفاهموش و .. باتريك: لا صافي نكونو اصدقاء, و نتفاهمو بزز, علاش باغا تصعبي الامور جودي: ايوا ملي تافقنا هاكا واخا و نتمنى نيتك تكون صافية باتريك: صافية صافية , شنو دابا نوضو نمشيو ؟ جودي: فين؟؟ يالاه قلتي نيتك صافية باتريك: هههه نتي لي نيتك عوجة دابا , نوضي تمشيو نضورو و نتي ملي جيتي و كعما خرجتي تستكشفي المدينة جودي: و لكن ايلاف قالت لينا نتسناوها هنا باتريك: انعيطو ليها و نعلموها و فاش تسالي تبعنا و نكملو الخرجة كاملين؟ عيطو لايلاف لي وافقات غير باش تقطع معاه دغيا, كانت واقفة قدام باب ديال النادي تشجعات و دخلات لاحت عينيها كتقلب عليه ساعة مابانش ليها ايلاف: زعما يكون مشا ؟ و لكن قالت جودي بلي غادي يتسناه هنا, جيت دابا جيت اللهم نكلس نتسنى شوية. تلقى ليها السرباي و داها تكلس في واحد الطابلة يالاه حيدات المونطو و عطاتو ليه باش يديه يعلقو و حطات صاكها و عطاها موني هزاتو كتقرا فيه فاش رداتو ليه بعد ما طلبات داكشي لي بغات و هي كتبسم حتى كتفاجئ بالسيد لي كتقلب عليه كالس قدامها و مقابلا معاه نيشان و كان يالاه رجع من الحمام و كلس في بلاصتو و جاو عينيهم في بعض. ارثر: نتيي !!!!! ارثر: نتييي ؟ و تم نايض غادي عندها ايلاف: نتا اش كدير هنا ؟ واش جاي تابعني و لا شنو؟ ماكفاكش صاحبك لي صلطتي علينا ؟ (وجهها قاصح بعدا) ارثر مسكين بقى ماصدوم ماعرف واش يضحك و لا يبكي سيدة ضار لقاها حداه و في لاخر و لا هو لي تابعها ارثر: شكون نتي اصلا باش نتبعك ؟ راه يمكن هاد النادي ديالي حتى هو الا ماكنتيش عارفاها, و انا ماصلطت عليكم حد, داكشي بين باتريك و جودي و انا ماعندي دخل ايلاف: و من بعد, انا عندي موعد هنا و ماعارفاش بلي ديالك اصلا كن عرفتو ماغادي نجي ليه تمت نايضة هزات صاكها و غاديا فحالها و شدها من يديها ارثر: دوك لفعايل عايق بيهم و مادوزيهاش عليا انا, ردها في كرسيها و ديك اللحظة جا السرباي حط ليها داكشي لي دوموندات عليه ارثر: غير خليك نتي هنا انا لي غادي اصلا الجو تلوث( و تم غادي فحالو و ضار رجع نص ضورة هضر مع السرباي), هادشي على حسابي ( و ضار عندها )عتابريها صدقة, تعذبتي و جيتي حتال لهنا (و غمزها و مشا فحالو ) خلا ايلاف غادي تبخ الدم فيما تجي تبغي تنتاقم منو كيصدق رابحها و كيولي عاطيها العصير, هزات داك الطبسيل لي كان فيه لكريب و كاس ديال الحليب بشوكولا و خبطاتهم مع لارض خلات كلشي ضار كيشوف فيها و منهم ارثر ايلاف لي تمات غاديا ناحيتو و في عينيها تحدي: اي حاجة تجي من عندك ماعندي ماندير بيها واخا تكون صدقة و اصلا ماخاصنيش الحمد لله, (هزات فلوس من صاكها و لاحتهم) هادو لخلاص ديال داكشي و بسلامة تخطاتو و مشات باش تاخد مونطو ديالها , يالاه لبسات ليد حتى كتحس بيد شدات يديها لوخرى و تمات جاراها, كان ارثر لي ماتصرطش ليه لبلان لي دارت ليه لا و قدام لكليان و الخدامة لي عندو و هو لي مولف ديما صارم في خدمتو جات ايلاف طيحات بقيمتو قدام كلشي و هو مادار ليها والو. من ورا الفيلم لي دارت ايلاف, ارثر شير على واحد السرباي يجي يحيد هاد الروينة لي دارت و اعتاذر من الزبناء و مشا تابعها و دخان خارج ليه من ودنيه حتى وقف عليها و تم جارها من يديها لمكتب ديالو ايلاف: طلق مني , واش تصطيتي ؟ راه يدي ضراتني ارثر ماتسوقش ليها و باقي غادي بيها بنفس الوضعية غير دخل المكتب و سد الباب عاد طلقها ايلاف: اش هادشي لي كدير ؟ اشنو يسحاب ليك راسك؟ ارثر: شحال في عمرك ؟ ايلاف مستغربة من سؤالو و الطريقة باش هضر يالاه كان جاعر و دابا مبرد : شغلك؟ واش نتا مريض شوية لا ؟ ارثر: بلاتي تكون عندك ديك 14 و لا 15 ايلاف: بزاااف عليك, مالي بنت ليك برهوشة, عندي 21 عام ارثر: بينغو, قلتيها راسك "برهوشة" و هو يبدا يغوت, واش وحدة عندها 21 عام و مازال كدير فعايل ديال دراري صغار او بمعنى اخر فعايل البراهش ايلاف: اش كتخربق نتا ؟ نتا لي جاي تحتاقرني و تقدم ليا صدقة, ماطلبتكش و مامحتاجاش , اش يغيتي ندير مثلا ؟ نضحك ليك و نسكت ؟ ارثر: نتي عارفاني علاش كنهضر, بلاما تبقاي تصتعبطي عليا ايلاف: ما عارفة والو, و نتا كتبان ليا غير مسطي باش غادي نعرفك علاياش كتهضر ارثر ضرب يديه مع الحيط حدا ايلاف : جيتني بنت و صافي انا كن وريتك شغالك و عطاها بظهر ايلاف زايدا فيه: اش عندك مادير كاع؟ هاد الجملة لي قالت ايلاف خلات ارثر يصعر و يضور عندها بجهد لصقها مع الحيط و بلا سابق انذار انقض على فمها كيبوس فيها بعنف. ارثر: ها اشنو اندير, و كيمسح في فمو, و هذا غير تنبيه، المرة الجاية انوريك اش اتدير كثر. ايلاف لي بقات مصدومة منو شحال عاد اتسوعبات اش دار ليها هزات يديها و عطاتو واحد مولاي تصرفيقة فاعلة تاركة............. #يتبـــــــــع....... تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM