الأسود 🖤 الجزء 24 🔥🔥🔥🔥🔥🥰 ( التتمة من بعد 360 لايك طاكيو صحابكم يقراو القصة ❤️ الحماس عاد غادي يبدا 💪🏻) _ شفت فيه وسكت ولكن فرحت من لداخل حيث على الأقل ماحبيتش شي خايبة ومادرتهاش بيا خايبة ههه احم احم كنصبر في راسي مهدي : قول ليا دابا شنو غادي تعمل مع هاذ الساطة اتنساها ولا اتبقا تفكر فيها طول الوقت ، راك كضر راسك غادي تبقا معلق مانتا مع سناء مانتا مع ياسمين غادي تبقا ترطا حتا ياخد شي حد ياسمين من بين إيديك النعمة جات تال عندك ومابغيهاش ناري كون كنت بلاصتك عصبتيني _شوف أمهدي أنا نسيتها غير بغيت نحيد صورتها من بيتي مابقيتش كنفكر في سناء نهائيا مهدي : الله يجعلني نتيق _شرگت تصويرتها قدامو لحتها في سلة وخرجت لصالون لقيت الواليدة في الكوزينة و الواليد مشا يجيب شي تقدية دامي : أمين بغينا حوايجنا من الطومبيل _ خرجنا أنا ومهدي برا تاجهنا لطومبيل هبطنا البالز ديال البنات ديناهم لبيت مهدي وعيطت لبنات ... البنات هاذا بيت خويا مهدي فيه غير كاتري واحد ديال 2 الأشخاص ، قادكم تنعسو فيه بجوج بيكم ولا نجيب ليكم الكاتري ديالي ياسمين : ماعليش قاد بلا ماتكتر على راسك ونعدبوك دامي : أمين قرب نقول ليك شيحاجة في ودينك _ مع قربت ضرباتني بيديها على سنطيحتي وبدات كضحك ، وا برهوشة مع راسك اعشيرتي دامي : مزال ماشفتي والو يله دور وصفر خلينا نبدلو حوايجنا مهدي : بغيتي شي مساعدة أبوگوصة أنا موجود عندي خبرة في تبدال الحوايج نعاونكم ٱكسبيريونس ديال 3 سنين دامي : دخل مرحبا بيك غير هو غادي تولي تقلب شكون يبدل ليك حوايجك حيث ماغديش يبقاو عندك ليدين لي تحرك والعينين باش تشوف هههههه مهدي : العفو منك نتي كنتخلع منك كتر من خويا _ دخلو بدلو حوايجهم في البيت وأنا توجهت لباب بغيت نخرج الواليدة : فين غادي أولدي _ بغيت نمشي لسيدي بوزيد توحشت ديك البلاصة بزاف الواليدة : توحشتي البلاصة ولا صحابك لي كنتي كتتريح معاهم _ توحشت كلشي أميميتي ديك البلاصة بداث ماكينش بحالها الواليدة : سناء مزال كتفكر فيها وكتبغيها ياك _ باش عرفتي هاذ الهدرة ومنين جبتيها الواليدة : دزت قبيلة من حدا البيت وسمعتك كدوي مع خوك عليها وقلتي ليه بيلا مابقيتيش كتبغيها وبيلا نسيتها ، لكن قلتيها بطريقة كتبت العكس كلامك كان حزين _ الواليدة ماتبقايش تسنطي علينا وزايدون قلت الحق ديك البنت نسيتها مابقيتش كنفكر فيها الواليدة : نضرات عينيك كيبينو العكس أنا لي ولداك وكنعرفك مزيان فاش كتكون كتذكب ، علاش لدابا مزال مانسيتيها واخا طلعات ماتسوى ماتصلاح علاش معذب راسك على قبلها _ سمعيني اميمتي أنا ماشي لخاطري ، بغيتها لدرجة الجنون روحي تعلقات بيها وحباتها كنت كنشوفها هي الكل في الكل واخا طلعات مكتسواش ماقدرتش نحقد عليها بالعكس فراقها كيزيد يخليني نبغيها و ماعمري نحقد عليها كنتمنا ليها السعادة في حياتها الزوجية حتا هي كنضن لقات الحب مع شخص آخر فرحتها هي اكتر حاجة كتهمني سوا معايا أو غيري الواليدة : ياربي تسهل عليك وتلقا ماحسن تنسيك في الجروح ديالك _أمين اميمتي ، بست ليها راسها وخرجت ركبت طومبيلتي قصدت حدا لافاك مشيت فين كنا كريحو ستحضرت ذكريات ديولنا وبلا مانشعر بديت كنبتاسم ودموعي نزلو ، توحشت دوك ليام ودوك الأشخاص لي كنتمنا يكونو بيخير باش نعاود نشوفهم مرة أخرى ، واخا سناء حقداتني ودمراتني مانكرش أني عشت معاهم أسعد أيام حياتي ( وهنا ستحضرت المقولة ديال وإن عادت الأماكن فمن يعيد لنا الرفاق💔 ماغدي يحس بيها غير لي مدوزينا ) . مشيت القهوة لي كنت كنريح فيها طلبت قهوة جابتها ليا سرباية ستغربت حيث موالف كيكون حمد سولت الناس لي خدامين تما عليه قالو ليا نتاقل لمدينة الدار البيضاء لقا شي خدمة في شركة فرحت ليه حيث مسكين على الأقل ايكون لقا ماحسن من هاذ الخدمة حيث كان كيعاود ليا بيلا حالتو المادية صعيبة . بقيت في القهوة لمدة 4 سوايع حتا جاني الملل رجعت بحالي لدار لقيتهم يله كيحطو في العشا وقبل مانتعشاو عطاتني الواليدة واحد تيليفون، بدات كتحيد ليه في البوشيط الواليدة : عقلتي على هذا _ قفزت من بلاصتي ويييييييي تيليفوني لي عطاتو ليا سناء كادو وخدام الله على فرحة بقيت كنبوس فيه بحال شي دري صغير جبتي ليه لعبة ... كيشوفو فيا و مصدومين من ردة الفعل ديالي ومافهمين والو مهدي : واش غير حيث كادو من سناء فرحتي هكذا _ فيه ذكرياتي كاملين اخويا الحمد لله ملي خدام ، بديت كنتعشا وانا فرحان كليت بزربة ومشيت سديت عليا في البيت بديت كنشوف في الفيدوات ديال العرس المزيف ديالي أنا وسناء وأنا كنبتاسم بان ليا فيديو لي صورنا ديال تلباس الخواتم وجبدت الخاتم لي عطاتو ليا سناء من عنقي كنت دايرو مع واحد سنسلة مقدرتش داك نهار لوحو غير خرجات دامي هزيتو من سلة الزبل خبيتو ... دخلت لي كونتاكت جبدت نمرة سناء من الأرشيف بغيت نصوني ليها وواحد الراس كيقول ليا لا بلاش ولكن غلبات عليا العاطفة صونيت وشداتني البوات فوكال مهدي : خويا كتبان ليا مزال غير ماكتزيد تبغي ديك ختنا ومناسيهاش راك غادي في الخسران احمادي خاصك تنساها وبدا حياتك مع ياسمين ربي جاب ليك ماحسن ونتا كتفكر في سناء لي عايشة حياتها الزوجية المثالية ، فيق أعشيري من الأوهام ماشي هاذا أمين لي كنعرف واش غادي ديرها بيك بنت دنيا عامرة تيتيز وحدة تنسيك في لاخرة علاش غادي تحصر راسك مع وحدة _ الحب أعشيري صعيب ماشي غير اجي وحب مهدي : أشمن حب الله يهديك عرفتي شنو هو الحب اخويا هو تبغي البنات كاملين ، ما كينة معنا تبقا مع بنت وحدة حياتك كاملة ملل في ملل ، ماشي بحال إلى نوعتي كل مرة تشوف بنت جديدة و كل مرة تشوف طاي في شكل ها الرقيقة ها الدبدوبة كون دماغ الساط البنات بحال الايسكريم إلى مدقتيش كلشي ماكتحسش بالذة والمداق _ دوي بشوية اصحبي الحيط على الحيط ايسمعوك البنات لي خاصك تعرف هو ماشي لخاطري باش نساها نهار تحب اتحس بيا ، موهيم دوي مع هاذ نمرة قول ليه بيلا نتا خو مهدي و بغيتي تشوفو هو ودراري صحابو كاملين تعاود ليهم شيحاجة كتخصني ، سميتو سامي مهدي : ألو سي سامي هاذا سامي : هو هاذا شكون معايا هاذي نمرة مهدي مهدي : اه نمرتو أنا خوه سامي : ولكن خوه ميت واش طالقها عليا مهدي : نتلقاو غدا مع 15:00 في قهوة البرنوصي لي في سيدي بوزيد وجيب معاك صحابك بغيت ندوي معاكم في موضوع كيخص خويا مهدي وغادي نفهمك كلشي سامي : على مولانا واخا شطنتيني ودرني راسي نعرف _ غير قطع لابيل قادينا بلايصنا أنا فرشت في الأرض وخويا خدا الكاتري طفينا ضو وبقينا كنهدرو كنتحدتو حتا دانا النعاس ونعسنا الصباح مافقت تال 12:30 غسلت وريحت كنفطر بوحدي والبقية كاينين في الصالون ياسمين : وا النعاس مالك على هاذ الوقت _ كنرتاح في هاذ البيت غير كنعس فيه كنغيب ماكنبقاش قادر نوض ، ساليت ماكلتي نضت جمعت الطبلة وغسلت ماعني وريحت كنتفرج ياسمين : شنو انيدرو ليوم ماكرهتش نخرج نتسارا نشوف اسفي _ صافي يكون غير خاطرك ليوم من بعد مانشوف شي صحابي نرجع و نديك نساريك اسفي كاملة نتي ومالين دار دامي : اشمن صحاب غادي تمشي تشوف _ الكليكة ديالي دار معاهم العشية اتمشي معايا ادامي نتي ومهدي نعرفكم عليهم ياسمين : الحگرة هاذي تخليني بوحدي في دار تا أنا نمشي معاكم مالي ماعلياش الله اهئ اهئ _ ناري على لسقة صافي غادي نديك معايا البوحاطية غير بقاي على خاطرك . بقينا كنتفرجو حتا وصل وقت الغدا تغدينا بدلنا حوايجنا وخرجنا 15:10 وصلنا سيدي بوزيد مشا مهدي هو البنات دخلو القهوة وانا بقيت كنبلاصي في الطومبيل ، لقاو كليكة كاملة مريحين من غير سناء لي كنت متوقع أنها ماغديش تجي ريحو معاهم سلام سلام مهدي : سلام عليكم نعرفكم براسي أنا مريم : شكون لي مايعرفكش نتا ضابط أمين الأصباحي مهدي :مالكي ترتارة خليني نكمل كلامي أنا ماسميتيش أمين سميتي مهدي خو دري صاحبكم حمزة : اشمن صاحبنا ملاك : ياك نتا هو داك الضابط المشهور وهو سميتو أمين منير : اجي نتي ماشي طبيبة نفسية ديال مهدي دامي : هي هاذي سامي : خويا فهما خربقتينا كيفاش نتا سميتك مهدي وصاحبنا الله يرحمو حتا هو كانت سميتو مهدي عمري شفت 2 خوت عندهم نفس السمية مهدي : أنا براسي مخربق وماعرفت كيفاش نشرح ليكم . هاهو داخل لي يشرح ليكم _ دخلت وهوما حالين فمهم فيا ماعروفنيش ولكن صدمهم الشبه لي بيني وبين مهدي ... سلام عليكم صحابي أنا صاحبكم مهدي أيمن : اشمن صاحبنا مهدي _ صاحبكم العما الگيتار إلخ.... يقدر شكلي تبدل عليكم ولكن هاذا أنا المهدي سامي : اه صوت مهدي هاذا ولكن كيفاش مهدي كان عما وكان في شكل ونتا شكل اخر كتشبه ليه غير في صوت صافي فدوى : نتوما غادي تحمقونا مافهمنا والو منك من الصباح ونتوما كدخلو وتخرجو في الهدرة _ أنا صاحبكم مهدي العمى الغليض غير ضعافيت ووجهي تفش وحيدت لحية ونقصت الشعر أنا هو عشيركم هناء : مايمكنش تكون نتا مهدي كتفلا علينا دامي : هاذا هو داك صاحبكم الكفيف بالمناسبة عمرو كان عمى وكان كيشوف _ ايه انا هو مهدي وعمري كنت عما ، بديت كنعاود ليهم داكشي لي دوزنا كامل حاجة بحاجة وجبدت ليهم صور من التيليفون ، وبديت كنقول لسامي شي حوايج عارفهم غير أنا وياه سامي عنقني بالفرحة سامي : مهدي هاذا والله حتا هو _ سامي خويا أنا ماسميتيش مهدي سميتي أمين وانا هو داك الضابط لي كانت نايضة عليه ضجة ملاك : واكيفاش رآه خربقتينا _ عاودت ليهم قصتي كاملة من بلان ديال بدلت راسي بخويا حتال نهار خديت الحرية ديالي ماخبيت عليهم والوو تأطرو بقصتي وقلت ليهم بيلا توحشتهم وناضو كاملين كيعنقو فيا واحد بواحد سامي : على سلامتك فرحتينا ملي باقي حي سارة : شكون هي هاذ البنت فنيونة ياكما خطيبتك _ لا هاذي غير صديقتي سميتها ياسمين ... ياسمين عقدات غوباشتها ماعجبهاش الحال مريم : بغيت نقول ليك واحد الحاجة أمهدي بغيت نقصد أمين كتعلق بسناء _ نتي مزال واخد منك موقف ماصدقتيش عايرتيني وجرحتيني مريم : سمح ليا عفاك ندمت بزاف _ قلبي بيض ومكنحقدش مسامح كريم غير هو عفاك ماتجبديش ديك ختنا وأنا كاين ، سمعت تزوجات الله يسهل عليها ماكين لاش نهدرو عليها . بقاو كيشوفوو فيا شوفات الحزن أيمن : أوي غير خليها على الله ملي مشيتي تخربقات الأمور هنا _مالكم شتكم بحال إلى كاعيين شنو واقع هناء : ماكين مايتخبا سناء عايشة المعنات كتعدب وماعندنا عليها حتا خبار هاذي مدة _ وأنا مالي ياك هي واراجلها هي لي بغاتو ماسوقيش أنا في هاذشي ماكيهمنيش ماكين لاش نهدروو فيه حيث ماسوقيش في مشاكلهم الزوجية غيرو الموضوع... منكرش كنسمع كلامهم وقلبي مقبوط عليا فدوى : لا كيهمك هاذ الكلام _ لا ماكيهمنيش شنو بيني وبينها ، أنا ديك السيدة محيتها من حياتي و قلبي والى كانت كتعيش المعنات فرآه تستاهل كتخلص على الأفعال ديولها ربي جزاها على فعلتها معايا أيمن : غير سمع كلامها بعدا اخويا نتا معارف والو وماتحكمش على الموضوع من وجهة النضر ديالك مريم : أمين لي خاصك تعرفي أن سناء كتبغيك نتا وبيلا تزوجات بزز منها وتحت تهديد وماشي لخاطرها _ ههههههه دابا واش كضحكي عليا ولا شنو عقلتي شنو قلتي ليا بفمك أنها كتبغيه ورجعات معاه وتصاور الخطوبة مريم : والله حتا بصح هاذشي وديك الهدرة لي قلت ليك كلها كدوب في كدوب وها سامي لي كتيق فيه يأكد عليك هاذشي ، سناء عمرها بغات شي حد قبلك وقلت ديك الهدرة من بعد ماشفناك نتا وهاذ البنت في قهوة 2 مرات فاش سولنا واحد السرباي كنعرفوه كدب علينا قال لينا بيلا هي خطيبتك القديمة ويحساب لينا رجعتي معاها والموشكيلة هي المرة الأخيرة شفتها حاطة إيديها على إيدك وتم فين زاد الشك ديالنا وملي تاصلت بيك سناء سولاتك فين كاين كدبتي وقلتي ليها في دار دامي : اه عقلت عقلت على هاذ لقطة .... أمين نهار قلت ليك خوك غادي يتعدم هي فاش حطيت عليك ٱيدي مريم : ها علاش قلت ليك هكاك حيث عند بالي كتفلا بصحبتي وكنت بغيتك حتا نتا تألم بحالها هي كانت كتموت فيك وكتحماق عليك كضل دوي بيك غير نتا في كل كلامها فدوى : أمين سناء نتا كنتي هو كل حياتها واكتر شخص كتبغي في الدنيا في مدة قصيرة وليتي نتا هو العالم ديالها _ ملي كتبغيتي علاش مشات تزوجات مريم: باباها كان مبزز عليها تزوج بواحد خونا مافيوزي وهي رفضات وكانت ناوية تقولها ليك باش تلقا ليها شي حل لدرجة كانت مستعدة تهرب معاك ولكن من بعد ماسمعات انك رجعتي لخطيبتك دمرات نفسيا ودخلات في إكتئاب وستسلمت لأمر الواقع ، وأنا لي قلت داك الكلام القاصي وخرجت فيك غدايدي حيث كنت مقلقة منك بزاف هي واخا كانت كتموت من لداخل ولكن ماكنتش باغة نعايرك سامي : عقلتي نهار جات مريم قالت ليك ديك الهدرة سناء كانت هنا مخبية في واحد الركنة وفاش شافتك ركبتي مع دامي جات لعندنا شحال بكات حيث كيحساب ليها أنك خدعتيها و فضلتي دامي عليها فدوى : من بعد كدبة موتك عنات بزاف وحزنات عليك وشحال من مرة كانت كتمشي تبقا تبكي على قبرك حتا كطيب بالبكا حتا مرضات تخيل معايا كتبقا في المقبرة حتا كيضلم الحال وهي كتبكي قدام قبرك وكدوي مع القبر ملاك : كنضن أمين ماغدي تكون قاسيتي حتا شوية من داكشي لي قاسات هي كان كيحساب لينا غادي تسطا حيث كتبغيك لدرجة الجنون واحد ليلة غبرات ماخلينا فين قلبنا عليها كلشي تخلع عليها وعرفتي فين لقيناها مهدي : فين ملاك : ناعسة حدا القبر وبوحدها في الخلا ونصاصات ليل سامي : ماتصدمش بصح هاذشي والبنات ماكيزيدوش فيه ، حنا حاضرين ليها كانت باغية تحماق وبالخصوص فاش عرفات أنها ضلامتك وبيلا هي السباب حتا خرجتي ووقعات ليك الحاذتة مريم : هي كانت رافضة زواج وفسخات الخطوبة ولكن خداها خونا بزز منها _ كيعاودو ليا شديت في راسي من قوة الصدمة مريم : هاهو كتاب الذكريات ديالها عقلتي عليه ، عطاتو ليا بأيام قليلة قبل ماتزوج باش نحتافض بيه _ خديتوو منها ومشيت لواحد الركنة تراكيت بوحدي وبديت كنقرا لقيتها كاتبة ، هاذشي كامل لي قالو الكليكة ... ولي خلاني نبكي هي في الصفحات الأخيرة بحال إلى كتخاطبني وكتقول ( مهدي عمري نسمح لراسي حيث كنت سباب موتك وغادي نبقا عايشة على ذكرياتك وعمر شي حد ياخد بلاصتك واخا يقتلني علاش احبيبي مشيتي وخليتيني لذياب يديرو فيا مابغاو علاش تخليتي عليا بهاذ السهولة فين وعدك ليا أنك غادي تبقا معايا حياتك كاملة ، واخا خليتي ومشيتي عمري انخليك احبيبي انبقا نفكر فيك في كل دقيقة وكل ثانية عمري نساك ، أحمد بغا ياخدني بزز مني حيث ماعندي لا عوين لا رحيم غادي يقدر ياخدو الجسد ولكن روحي وقلبي ماتوو معاك كنبغيك أمهدي وانبقا نبغيك تال اخر نهار في حياتي عمري نقدر نساك احياتي ياريث كون كنت قادرة نعنقك ونقول ليك هاذ الكلام ولكن فاش غادي نتلقاو في الجنة غادي نعوض كل دقيقة ضيعتها ومكانتش معاك ) بديت كنبكي بحرقة وكنغوت سناءءءءءء سناءءءءءءءءء .... رجعت لعندهم وكنقول لمريم فين هي دابا مريم : ماعرفناش فين هي وفين خداها داك المجريم هو وعائلتو حتا ماماها ماعرفهاش فين كاينة بغات تفكر _ حرام عليكم هاذشي لي درتو علاش درتو هكذا من الأول فدوى : مكناش عارفين هاذشي ايوصل لهنا _ جريت مريم من ايديها وقلت ليها يله معايا ... ناضت من بلاصتها وتمينا غاديين خارجين من القهوة مهدي : فين اتمشي اخويا _ خليك هنا حتا نرجع دامي : نمشي معاك _ خليكم هنا ، مشينا دار سناء أنا ومريم صونينا حلات لينا الخدامة طلبنا منها نشوفو أم سناء دخلاتنا ريحنا في صالون بقينا كنتسناوها تجي شوية كتبان لي جايةو حالتها حالة عينها دابلين وكحلين من لتحت حسناء ( أم سناء ) : سلام بنتي سلام ولدي مرحبا بيكم _ خالتي بغيت نسولك فين هي بنتك سناء .... بدات كتبكي حسناء ( أم سناء ) : ماعرفتش أولدي فين هي بنتي مشات غصبوها في شبابها المجرمين ولاد لحرام _ بغيت نعرف كيفاش تزوجات بزز عليها واش ماكينش مخزن في البلاد لي يعاونكم حسناء ( أم سناء ) : دقيت كاع البيبان تاحد مابغا يعاوني كلشي خايف من هاذ أحمد وعائلتو حتا من باباها لي دوز معاهم الكلمة باش يزوجها ليهم كان خايف منهم . وفاش تشد في الحبس مابقا عندنا لا عوين لا رحيم بقينا غير 2 وليات في الدار دارو فينا مابغاو ، هددها احمد ياتزوج بيه ياقتلوني أنا وضحات براسها داها معاه برا المغرب وتزوج بيها بزز منها _ المجرمين غادي ندمهم والله ماتبقا فيهم حسناء (أم سناء ) : سمح ليا نسولك شكون نتا بعدا مريم : خالتي هاذا هو الولد لي كانت كتعاود ليك عليه لي كانت معاه وكتبغيه حسناء ( أم سناء ) :متقوليش ليا هاذا هو مهدي ولكن لي شفت أنا كان عما وغليض ماشي هاذا وفايت قلتو ليا مات _ قصة طويلة اخالتي ، أنا ماشي عمى و كنشوف وانا ضابط في المخابرات كنواعدك غادي نرجع ليك بنتك واخا تكون اخر حاجة نديرها في حياتي غير هو تساعدي معايا و قولي ليا ايمتا اخر مرة شفتيها حسناء ( أم سناء ) : من نهار تزوجات شهرين ونصف دابا ماشفتها ولكن قبل اسبوع سيفطات ليا هاذي الميساج _ جبدات تيليفونها وراتنا ميساج مكتوب فيه أنا كنموت اماما نهار على نهار ديما كيضربوني وكيكرفسوني ردوني كتر من جفاف كنتمنا غير نموت ويسالي عدابي في أقرب وقت بغيتك تسمحي ليا وتعرفي اني كنبغيك بزاف اماما تهلاي في راسك هاذا أول وآخر ميساج انسيفط ليك يقدر من بعد هاذ الميساج ايقتلني احمد .... قريت هادشي طاحو ليا دموع من عيني البنت لي عند بالي عايشة السعادة مع راجلها صدقات معدبة في حياتها وانا مقلوبة عليا القفة ... قولي ليا اخالتي راجلك العمراني عارف بلاصتهم حسناء ( أم سناء ) : واقيلا عارف بلاصتهم ولكن اولدي زعما تقدر عليهم واش تقدر ترجع ليا بنتي _ اه بنتك غادي ترجع وعد مني خاص غير نعرف فين كاينة غادي ترجع ليك حسناء ( أم سناء ) : غادي نكون مدينة ليك طول حياتي الى درتيها شكرا ليك بزاف حيث نتا الوحيد لي قدرتي تجي عندنا وتقرر تساعدنا كلشي رفض _ هاذا واحب أخالتي بنتك ماشي غير مجرد إنسانة عادية عندي بنتك هي حياتي غادي ندير لي في جهدي نرجعها حسناء ( أم سناء ) : الله يسر أمرك أولدي ... مريم ديه لبيتها يوشوفو كاينة شيحاجة كتخصوو _ توجهنا البيت كيبان عامر بصور ديولي ومعلقة سنسلة لي عطيتها في القنت ديال الحيط فين كتنعس وحداها صورتي ومكتوب عليها i love u حياتي M . خديت سنسلة درتها في جيبي ودعتهم وخرجت هزيت طوموبلتي قصدت رباط بأقصى سرعة .... صونا تيليفوني كانت دامي جاوبتها قلت ليها البلان وفين غادي دابا ساليت لابيل قطعت عليها وكملت طريقي 22:12 كنت في رباط ، حركت تيليفون لسعد هو بدورو تاصل بمدير سجن وقدر يخليني ندخل نشوف العمراني خرجوه ليا لغرفة الزيارة شافني كحل بالعما العمراني : أمين يا أمين شنو بغيتي من بعد مالحتيني هنا اش مزال بغيتي _ موضوع كيخص بنتك سناء العمراني : وسيادتكم شنو بغا بنتي _ بنتك كنعرفها من قبل دابا تزوجات من احمد ومكرفس عليها ديما معدبها قول ليا فين يكون مسكنها باش نعاونها العمراني : هههههههه كتحلم اولدي شنو ناوي تعمل زعما باغي دير فيها بطل قدامهم وينو هاذ الولد شحال ضريف _ اه ناوي نعاونها من داك العذاب لي عايشة واش كنقول ليك بنتك اصحبي مكرفسين عليها ونتا كضحك ماعندكش القلب العمراني : أي زواج فيه مشاكيل خليهم يضبرو راسهم وزايدون دوك الناس متقدرش عليهم كيف ماقدرتش عليهم أنا وضطريت نتسناسب معاهم باش يعطوني القوة _ باينة هاذ القوة لي عطاوك غير في هاذ القنت لي مريح فيه العمراني : كون تسمع غادي تفتح باب جهنم على راسك أسي أمين بسباب سناء واش كيحساب ليك الذئاب هوما بوزيان غادي يدمروك وعقل على كلامي ماتلعبش مع مافيا الذئاب غادي يخلوك تندم على النهار لي تزاديتي فيه وغادي _ ماكيهمكش هاذشي عطيني غير العنوان ديالهم أنا قاد براسي تعاون معايا خليني نرجع بنتك ماتكونش قاسي على الأقل دير حاجة زوينة على ود بنتك العمراني : قيد هاذ العنوان عندك ، دير في بالك انك ماعمرك اتعيش مرتاح إلى مشيتي حتا تحديتيهم وقربتي ليهم ، سناء مقابل حياتك وحياة جميع الناس لي كتبغي أيدمروك نتا وياهم غادي يمحيو شجرة العائلة ديالك من الوجود وتفكر كلامي مستقبلا غادي تندم على فعلتك لعبتي كبير بزاف أولدي .... يتبع ( قرا وتفاعل وعطيني الرأي ديالك في كومنطير ) تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM