الأسود 🖤 الجزء 23 🔥🔥🔥🔥🔥🔥🔥 ( التتمة من بعد 350 لايك ❤️ قرا وتفاعل ليوم حطيت على وجه الناس المتفاعلين الأوفياء نتوما بدات كنبغيكم بزاف ❤️💪🏻) توجهت البلاصة لي حددو ليا رجال سعد فاش مشيت كلقا رجالو كيتسناو فيا ، سلمتهم بوزيان ومشاو لمقر ديالهم وانا توجهت لعند سعد لفيلا ديالو دخلت لقيتهم مجموعين على واحد الكاس ديال اتاي شافتني دامي جات عنقاتني غير طلقاتني جا سعد شدني من وجهي و باسني من حناكي بجوج بحال شي ولد صغير وعنقني وكيبارك ليا وهو فرحان سعد : مبروك علينا واخيرا نجحنا بوزيان والخرفان طاحو بين إيدينا أول هدف تحقق ليا و نتا اتولي حر دابا _ شكرتوو وكملنا كلامنا ، دابا شنو ايديرو معايا سعد : سعد دابا بوزيان عندنا ، الخرفان لي عند بال المحكمة ميتين عندنا ، وحتا من تسجيل الكمرات لي كيتبتو أنا بوزيان بمساعدة الخرفان والعمراني هوما لي خداو الذهب من المنجم عندنا، يعني نتا رسميا غادي تاخد البرائة ديالك _ ونتا ماغديش يجبدوك زعما معاهم سعد : لا خفيت جميع دلائل لي تقدر تأديني وحتا حد مايقدر يشهد ضدي وبالأخص بوزيان حيث مرتو وولادو في ضيافة ديالي وهاذشي انقولو ليه فاش غادي نشوفو وحتا العمراني انهددو بعائلتو _ صافي مزيان ولكن ايمتا ايتحاكمو سعد: دابا راهم في تحقيق من بعد يوماين يتحاكمو في المحكمة العسكرية _ ولد العبد دماغ هاذ خونا مخطط لكلشي ولكن ماكيهمنيش دابا الأمر ديالو خليه يفرح بهاذشي لي وصل غادي يجي نهار لي نحيد ليه السطلة ونتبعو لصحابو ياكل معاهم العدس بالحجر ... دخلت دوشت وانا كنفكر في المستجدات ديولي وفرحان حيث نجحت وهاذشي ماكنتش انوصل بهاذ السرعة بلا مساعدة سعد حيث خان صحابو ، الإنسان ديما كيكون قوي حتا كاطيحو الخيانة وهاذشي لي وقع لبوزيان كون ما سعد مايطيحش بهاذ السهولة ، من بعد ماساليت دوش مشيت ريحت مع ياسمين ودامي خنزرت في دامي دامي : مالك كتخنزر فيا اشنو واقع _ كيفاش بلانك نتي قبيلة مموالفاش ليك تكوني طعم ساهل لشي حد دامي : منتابهتش غفلني ولد لحرام جاب الله خرجات ليا سليمة وماقتلنيش _ مكتب ليك الله عمر طويل الحمد لله ملي رجعتي سالمة و نجحات المهمة دامي : دابا شنو غادي دير _ ماعرفتش حتا تعلن البرائة ديالي ونشوفو الخدامة : لا ياسمين العشا موجود نحطو ياسمين : غير حطيه _ كلينا ومع العيا مشيت لبيتي تكيت كنفكر وأنا فرحان مجانيش نعاس خرجت من بيتي دقيت على دامي لقيتها مزال فايقة دامي : يله نمشيو عند ياسمين _مشينا لعندها دقينا ودخلاتنا ريحنا في البيت ديالها وكنتعاودو ياسمين : عزيتو عليا بزاف وعمرتو ليا وقتي وحيدتوني من الوحدة لي أنا فيها ، واخا أنا طبيبة وكنشوف ناس بزاف في سبيطار سواء مرضى ولا زملاء عمل ولكن ماكنديرش صحاب كنميل لوحدة وهاذشي خلا ليا فراغ كبير في حياتي حتا جيتو عندي نتوما وعمرتوه ماتخلونيش بوحدي تاني عفاكم دامي : نتي صغيرة وزوينة علاش مادرتيش شي علاقة أو علاش ماعندكش صحاب وسادة على راسك هنا ياسمين : كانو عندي 2 صحاب منى وحسن ولكن واحد نهار تعرضو لينا شي وحدين أعداء بابا خطفونا قتلوهم قدامي وانا خلاوني حيث كانو كيهددو بيا بابا ومن تما كتأبت ووليت خايفة يتأدى شي حد بسبابي ، بعدت من كلشي ولكن تعلقت بيكم نتوما فاش جيتو لعندي عافكم ماتخلونيش كنطلبكم _ كتعاود وكتبكي ودموعها قطعو ليا في قلبي تفكرت حياتي كيفاش كانت من بعد ماتعرفت على الكلكية وكيفاش ولات من بعد مافرقتهم الوحدة شعور خايب ، جريتها لعندي عنقتها وبديت كنمسح ليها دموعها ، وقلت ليها بيلا غادي تبقا معانا فرحات بزاف ياسمين : شكرا بزاف _بقات فيا بنت طيبة ماتستهلش هاذشي ... يله أياسمين خلينا ليك الراحة نعسي تال الصباح ونتشاوفو، خرجنا من بيتها حطيت ايدي على كتف صديقتي دامي دامي : اممم وليتي تعنقها أحياني عليك مابقيتيش ساهل _ بغيت نقول ليك شيحاجة دامي : قول نسمع اش عندك _ اش بان ليك من ورا ماتحل موشكيلتي نطلب ايد ياسمين ونتزوج بيها دامي : وحبك لسناء شنو غادي دير فيه ياك مزال مانسيتيها ؟ مالك سكتي، ياكما نسيتيها بهاذ السهولة ؟ وكيفاش اتزوج بياسمين ونتا ماكتبغيهاش ؟ _مانسيتهاش مزال كنفكر فيها في كل لحضة وزايدون كيبان ليا ماكين لا حب لا والو ، الزواج كيبغي المودة والرحمة و ياسمين درويشة وزوينة ووحدانية مسكينة غادي تكون ليا الزوجة المثالية ربما نقدر نبغيها مع الوقت ، اللهم ندير هاذ الخطوة ولا نبقى عايش على حب وحدة عمرها بغاتني ودابا يمكن حاملة بشي ولد من راجلها وأنا كندمر في حياتي وكنحزن على مسخة دامي : كنظن مزال وقت هاذشي خليك حتا تنسا سناء عاد فكر في زواج ، ونتا تاني تعرف لي بان ليك ديرو يله سير تنعس تال الصباح _ مشيت لبيتي ضربتها بنعسة صباح فقت معطل مع العيا وداك نهار داز عادي تال ليل عاد علمني سعد بيلا بوزيان عمراني والخرفان عتارفو بكلشي في تحقيق وغدا الصباح ايتقدمو في المحكمة فرحني كلاموو ديك ليلة دازت طويلة بزاف عليا مانتعستش ما وصل الصباح حتا غفر ليا الله الذنوب ، الصباح فطرنا و 9 تاجهنا لمحكمة كنت لابس نضاضر وداير كمامة باش مايعرفني حتا حد دخلنا لواحد الغرفة ريحنا فيها وكنتسناو في المحاكمة من بعد ساعة دخلو خويا وأعضاء الفرقة ديالي من حدانا ومن وراهم بوزيان وعشرانو والعمراني بدات المحاكمة ... بوزيان وصحابو عتارفو بكلشي وماجبدوش سعد حيث كان كايهددهم . من بعد المداولة تحكم على العمراني ب 15 عام بوزيان 20 عام والخرفان 8 سنين لواحد وخويا بغيت نقصد أنا ودراري ديولي تحكم لينا برائة ونقدرو نزاولو العمل ديالنا ، كنت غادي نطير بالفرحة وبلا مانشعر عنقت سعد ، شوية تماو مخرجين بوزيان شاف في سعد بنضرات كره وحقد وابتسامة خبيتة على وجهو بوزيان : فرحان أسي سعد ياك فرح مزيان دابا ولكن متنساش اني غير كلب صغير عندهم ثم التضحية بيا ، لعبتي كبير ودوك الناس ماغديش يخليوك ايلعبو بيك كيف بغاو رد البال لراسك جبدتي اكبر موشكيل عليك ولعائلتك وبلا ماتحاول تهرب ولا تخبا فينما مشيتي أيلقاوك مسألة وقت وصافي _ ملامح سعد لي كانت كتبان عليها الفرحة في رمشة عين تبدلات ولا ضاهر عليه الخوف سعد : دو عليا هاذ المجرم من هنا _ دراري ديولي وخويا خرجو فرحانين ، سعد عيط لخويا جا عندنا ، قلت ليه فودنو إلى جاو مالين دار مايقول ليهم والو عليا مهدي : كون هاني _ عرفتي شنو هانمرة الواليد أنتاصل بيه فرحو وقول ليهم مايجوش لرباط حتا تجي نتا لأسفي حيث باغيينك المخابرات اكي... شديت الخط فرحو بزاف حيث سمعو صوتو وأن التهم لي ضددو سقطو قال ليهم الهدرة لي قلت ليه وقطع من بعد داوهم البوليس حتا هوما لحبس باش يجمعو حوايجهم و يستالموو وراق لخروج ديالهم من مدير السجن ، تال 6 العشية عاد ا يخرجو ... رجعنا لدار تجمعنا كاملين على الغدا كنتغداو و قلت ليهم بمناسبة الحرية ديالي انعرض عليكم العشا ليوم... وافقو ، وخرجت كارفور تقديت ليا ولخويا حطيطة باش نخرجو ليوم ورجعت لدار كنغني( ليالي فاتو ) كيف دخلت مع باب الفيلا تفكرت واحد البلان مهم مشيت كنجري لبيت شديت بيسي ... متخيلوش فرحتي شحال كبرات فاش تفكرت واحد الجيمايل لي عند بالي نسيتو كيث كنت صوبتو بزربة ونسيت عليه وبهاذ جيمايل نقدر نشوف فيه تصاور ديال سناء وصحابي حيث مخبيهم فيه ، دخلت لصور بقيت كنشوف فيهم وانا مزومي على صورة سناء وكنبتاسم ، قربت نبوس الشاشة ديال بيسي هي دخل عليا دامي بلا مادق الباب ... شااااااا ماعلموكش دقي كون لقيتيني عريان دامي : نتا لي مخلي الباب محلول اممم مزومي على تصويرة سناء وشنو كنتي باغي دير باغي تبوسها حالتك صعيبة الساط محال تنساها رآه قلت ليك اضلم ياسمين _ زوميت بالغلط ادامي ، أنا نسيتها ومن ليوم انحيدها من بالي وباش تأكدي هاهو الخاتم ديالها غادي لوحو في زبل ... حيدتو من ايدي ولحتو في سلة زبل لي في بيتي ، تهنيتي دابا دامي: احسن حاجة دير هي هاذي موهيم جيت نقول ليك بيلا قرب الوقت لي غادي يخرج فيه مهدي وجد راسك باش نمشيو نتلقاو ليه _ طفيت البيسي و تمينا خارجين وهي تلسق فينا ياسمين ديناها معانا ، وصلنا حدا باب الحبس وريحنا كنتسناو دامي : ناري غير شفت هاذ البلاصة وتقبض عليا قلبي كنتفكر كيفاش قدرنا نخرجو خوك من هنا ياسمين : ماتقولوش ليا بيلا نتوما لي كنتوو هجمتو على الحبس دامي : اه حنا لي هربناه علاه شكون غيرنا يقدر يديرها ياسمين : نتوما راكم جنون كيفاش خرجتوه من هاذ الحبس _ حنا تزادينا قباح شوية هاذشي ديال الأباطرة دامي : راهو مهدي خارج مهدي مهدي _ شافنا وجا لعندنا سلمنا عليه وطلعنا الطومبيل ، ريح حدا ياسمين مهدي : احسن حاجة هي الحرية الله على راحة ياسمين : ناري شحال كتشابهو مايمكنش _ ها علاش تاحد ماعاق بينا حيث كنتشابهو بزاف ... بقيت خاضي رجالي حتا خرجوو من الحبس لي عندو شي عائلة رآه جاو لعندو دامي : على سلامتك يله نمشيو _قصدنا الفيلا كانت غير لافاطمة بوحدها ، ديت خويا لعند لا فاطمة عرفتو عليها لا فاطمة : مرحبا بولادي ... دابا باش انولي نعرفكم مهدي : باينة اخالتي شوفي غير شعر أنا شعري قصير وهو مطول شعرو وخويا قصر مني واحد شوية وانا زوين عليه هاذشي لي كاين دامي : خوك عندو التقة في النفس لا فاطمة : صافي نشوف الشعر باش نولي نميزكم على سلامتك جلس _ جلسنا جابو لينا اتاي والگاتو بقينا كناكلو مهدي : بشاخ على ساطة شكون هاذ البنت الساط _ هاذي ياسمين بنت سعد مهذي : وقنبولة كتعرف تختار زين اولد العبد زعما هاذ سناء لي فارع لينا بيها راسنا تكون بحالها أو حسن مايمكنش هاذي رآه واخا ترسم فتاة الاحلام ديالك ماتخرجش زوينة كيف ياسمين شوف العينين والفورمة والوجه ياقلبي محطوطة _ كل وحدة وزينها حتا سناء زوينة و بالمناسبة راها تزوجات مهدي : فراسي كانت قالتها ليا دامي بروجولة إلى ضيعتي هاذ القنبولة غير سير تموت اشمن سناء ولا الزفا تاشوف زين كيف داير على حقو وطريقو ، مابغيتيهاش خليها ليا أنا بغيتها والله الى نص جمال الكرة الأرضية جمعاتو هي دامي : اش كدندنو نتوما تما مهدي : غير توحشنا بعضياتنا وكنتعاودو ،ياسمين نتي مامزوجة مامخطوبة ؟ ياسمين : لا سيليباطير علاش مهدي : غريبة بحالك سيليباطير والخيبات كيتبوردو ممتيقيش أنك مغربية زينك ماشي طبيعي ياسمين : واقيلا ماما غير مربياني ياك اماما لافاطمة : يمكن هاذشي لي بان ليا مهدي : مايمكنش تكون مربياك حتا خالتي فاطمة زوينة وكتر من كاع العسل كيخرج من النحلة ، تبارك الله عليك اخالتي كنحيوك على هاذ المنتوج بحالك لي كيساهمو في تقدم المنتوج المحلي زعما برافو عليك لافاطمة : ههه ياك شكرا ولدي لي لاحضت أنك نتا زاعم شوية على خوك ، أمين حشومي شوية مهدي :غير كيبان ليك اخالتي ولا كيتصنع قدامكم هاذا كيحشم لايمكن راه واحد الجن أنا لي كنعرفو ... بدا كينغزني وأنا مابغيتش نسكت كنفرش فيه ياسمين : ياك أسي أمين عندك شخصية أخرى _ اشمن شخصية غير مهدي عزيز عليه يزيد فيه مهدي: غير كنضحك معاكم ، موهيم شوف اخويا أمين دوزتيها عليا من هنا نقول ليك ماتبقا دخلني لهاذشي ديالك بغيت نرجع لحياتي وراحة البال غير الماكلة والنعاس توشحت كريشتي وبلاصتي _ فين هي ديك عجبني راسي هكذا وغادي نبقا ديما نتريني و مابقيتش غادي نغلاض مهدي : كنت سكران اخويا ماديش عليا اللهم غليض ومترتش ولا الحبس والقرطاس _ صافي اودي غير سكت ، وصلات الوقت لي دايرين فيها نخرجو دخل سعد لدار ، مشا كل واحد فينا يبدل حوايجو ضربت واحد الحطة و عطيت لخويا واحد لبسة لي خديت ليه وتجمعنا في صالون شوية تماو خارجين البنات منعاودش ليكم شحال جاو زوينين بقيت حال فمي في ياسمين كانت لابسة سراول في الاسود ولفوق كويرة قصيرة ووسبادري بيضة وطالقة شعرها ودايرة كسكيطة بيضة ، كانت كتبان تيتيزة واخا نضل نوصفها مانوصفش ليكم زينها أما فورمتها لي مفرج في مسلسل (ديابلو ) راها منحوتة بحال ديك مانويلا البطلة ديال المسلسل . شفت في لا فاطمة وقلت ليها خالتي كتعرفي تولدي زين كنشكرك نتي وسعد والطبيب والفرمليات وكل من ساهم في هاذ الانجاز ، بداو كيضحكو وياسمين عاجبها الحال مهدي : دامي ونتي لمن انقولو رآه كتعرفي تولدي زين _ قالها ليها وهي تقلقق ودموعها نزلو دامي : نديك قبر ماما وقولها ليها مهدي : ماماك ميتة سمحي ليا مايحسابش ليا الله يرحمها غير كنت بغيتك تعرفي انك جيتي زوينة حتا نتي وكتفتني بزين لا فاطمة : أجي ابنتي دامي لعندي من ليوم نتي بنتي أنا وحسييني ماماك _ بقاو كيتعانقو تما, راكم عارفين البنات دموعهم على سبة بداو في الدراما سعد : اعزائي مشينا _ ركبنا في طومبيل وحدة سعد سايق ولا فاطمة القدام وحنا ب 4 لور ، وتابعانا من لور طومبيلة ديال الحراس ، نعت ليهم واحد ريسطو كلاص وهادئ وصلنا ودخلنا ريحنا في واحد طابلة وحنا كنتصنتو لصوت العزف على الكمان خدينا الموني ديال الأكل طلبنا العشا وريحنا كنهدرو بيناتنا سعد : عجبني هاذ الجو عائلي المثالي لا فاطمة : زوين هكذا ولاوو عندي 2 ولاد و 2 بنات عائلتنا كتاملت ، ليوم فرحانة بزاف بعائلتي الجديدة سعد : غادي نقول ليك أمين واحد هدرة قدام كلشي لي خاصك تعرف اولدي أني بصح معتابرك بحال ولدي واي حاجة بغيتيها طلبها مني واخا يكونو عينيا ومنردهاش في وجهك _ شكرا سي سعد تانتوما دخلتوو ليا لخاطري ووليتوو عائلتي التانية لا فاطمة : على ذكر العائلة ايمتا اتمشيوو تشوفو والديكم وبالأخص نتا أمين خاص تعرفهم بيلا مزال حي _ غدا غادي نمشي نسيني على شي وراق في الخدمة ونمشي لعندهم ... بدينا كناكلو وحاط ايدي ليسريا تحت الكرسي و ومع ياسمين مريحة حدايا حطات ايديها على إيدي تفركت بلان رحلة مرزوگة فاش حطات سناء ايديها على إيدي اول مرة تلفت لياسمين وقلت ليها بالغلط سناء رآه ايشوفنا باك ياسمين : سميتي ياسمين ماشي سناء كيبان ليا مزال مدوخاك هاذ ختنا ومابغيتيش تنساها _ ماعجبهاش الحال جمعات ايديها ودورات وجها حيث البنت طايحة فيا ، واخيب بلان تقدر ديرو هي تعيط لبنت بسمية بنت أخرى إلى كانت مرتك ولاخطيبتك مغيارة تقدر ديك الساعة تمشي تسلم على عزرائيل 😂 ( نرجعو القصة ) ماعندي ماندير ماقدرش نحيد سناء من بالي كنبغيها اعباد الله واخا دمراتني وخلاتني بحال شي حمق أنا مهوس بيها . كملنا عشانا ورجعنا بحالنا لفيلا ضربناها بنعسة صباح فقت بكري فطرت وخرجت لخدمة قصدت القشلة العسكرية بداو الضباط كيعطوني السلام بحكم اني ليوتنان كولونيل سلمت على شي صحابي تما دخلت عند كولونيل عطيتو السلام ومشيت عنقتو حيث صاحبي من بعد سينيت شي وراق وستالمت لباس العسكري ديالي لي كانو خداوه مني وخرجت ومن تما قصدت مقر ديال المخابرات مكان العمل الثاني ديالي وتما تلاقيت بصحابي لي كانو مع خويا في الحبس سينينا على الالتحاق ديالنا وخدينا إجازة مدة ديالها شهرين كتعويض على الضلم لي تضلمنا . خرجت من المقر تاصلت بدامي قلت ليها تجمع حوايجها و تقول لخويا يوجد راسو حيث انمشيو لأسفي قطعت لابيل وكملت طريق لفيلا كيف دخلت لقيت عرام ديال البالز في وسط الدار دامي : مالك كتشوف هاذشي كامل غير حوايج ياسمين _على ياسمين فين غادية بسلامة ياسمين : غادي نمشي معاكم نسيتي بيلا قلتي ليا غير يتحل الموشكيل ديني نشوف واليديك ومنها نسافر ندوز الكونجي لي تحرمت منو بسبابك _ ناري على بلان أنا قلتها ديك الساعة بلا مانعشر ولكن ماعندي ماندير انديها ماشي موشكيل... مهدي ديرو البالز في طومبيل سعد : بنتي امانة عندك رد ليها البال نعول عليك _ كون هاني اسعد هي في حفض الله لا فاطمة : ياسمين بنتي رزني وتبتي كوني تقيلة ونتي ادامي تهلاي في راسك وردي لبال لختك ياسمين ولدي امين بلا مانحتاج نوصيك على البنات ونتا مهدي سلم على مالين دار وتهلا في راسك _ توادعنا معاهم وشدينا طريق لأسفي وأنا كنفكر في ردة فعل الواليدة من بعد ماتشوفنا وكيفاش ولات من بعد مدة ديال الغياب ديالي ياسمين : بصارحة متوترة باش نشوف مك وباك مهدي : غير بابا وماما هاذوك ماشي بوتين وراهم ضريفين _ بقينا شادين جماعة وملاهيين الوقت حتا وصلنا لأسفي كانت ديك الساعة 18:15 هبط مهدي ودامي وياسمين دقو الباب حل عليهم الواليد بداو معانقين خرجات الواليدة كتزغرت و كتعنق فيه سلمو على البنات ، جيران شي كيطل شي على برا كيتفرج وكيباركو ليهم الجيران : وعلى سلامتك أسي أمين وحادة مبروك عليك رجوع ولدك مهدي : الله يبارك فيكم ( بديت كنقول ليهم في خاطري الله يعطيكم العما ماكنحملش هاذ الجيران غير كترة الحضية ) الواليدة: على سلامتك اولدي ماقداني فرحة حيث رجعتي لدارك الواليد : بصارحة تا فقدنا الأمل أنك تخرج ساعة ربي كبير الواليدة: ربي بغا ترجع لينا الفرحة ولكن ياريت كون كان خوك الله يرحمو معانا تاهو اهئ اهئ الواليد : ولدي ، دامي كنعروها والبت لاخرة شكون هي ؟ مهدي : هاذي بنت السيد لي عاونا سميتها ياسمين وجات دوز معانا شي أيام الواليد : مشرفين ومرحبا بيك بنتي ياسمين : ترحب بيك جنة عمي فرحانة حيث شفتكم مهدي :الواليدة جيت وماجيتش خاوي جبت معايا 2 بنات خطاري ليا وحدة لي تجي معايا أو عرفتي شنو الشرع عطا ربعة علاش مناخدهم بجوج دامي : كح كح الواليدة : نتا هو نتا ماكتبدلش مزال فيك هاذ الضحك ، ماقلتيش لينا كيفاش حتا درتي باش خرجتي من الحبس مهدي : أنا مادرتش هو لي دار الواليدة : شكون أولدي _ خرج مهدي قدام الباب وبدا كيصفر عليا تميت غادي وانا متوتر دخلت مع الباب واليديا بقاو مصدومين ودموع الواليدة كيسيلو بحال الشتا الواليدة : أمينن ولدي هاذا نتا مامتيش _ هاذا أنا أميمتي جات لعندي كتجري وكتبوس وتعنق فيا وحتا أنا كنبوس ليها في راسها ... جا عندي الواليد عنقتو وبست ليه راسو وإيديه سمح ليا أبا على اخر مرة الواليد : سامحتك اولدي غير ملي نتا معانا هاذي هي دنيا ومافيها ولكن كيفاش هاذشي واش كنتخيل ولا كيفاش الواليدة : ولكن كيفاش حتا مزال حي فين كنتي وعلاش عمرك جيتي لعندنا _ شرحت ليهم كلشي من نهار هرست بيتي تال يومنا هاذا .... سمحو ليا كنت مضطر ندير هكذا الأهم حنا تجمعنا دابا الواليدة : واخا عليك أدامي يابنتي أنا الله لي عالم بيا ديك الساعة ماقدرتيش تقولي ليا ولدي عايش دامي : اوامر ولدك اخالتي ماكان بيدي حتا حل _ الواليدة كرشك بدات تبان عندك 4 شهور دابا ياك الواليدة : 4ونص وخبر مفرح ليكم غادي تولي عندكم اخت _ مزيانة مبروك علينا ... مشيت لبيتي لقيتو مجموع ومقاد صلحو داكشي لي تهرس ، توجهت لواحد القنت كنت متأكد ماغديش يوصلوو ليه جبدت منو صورة سناء بقيت شادها وكنشوف فيها وأنا ساهي حتا قفزني مهدي بصوتو مهدي : إذا هاذي هي حبية القلب سناء ، مناويش تنساها ولكن من حقك واعرة كتفتن بزين عندك الحق في كلامك دابا عرفت علاش كدير عليها هاذ الحالة ... يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM