الأسود 🖤 الجزء 21 🔥🔥🔥🔥🔥🔥🔥 ( التتمة من بعد 360 لايك القصة غادي يبدا فيها الأكشن طاكيو صحابكم ❤️💪🏻) _مع جبدات كلينيكس من جيبيها وقربات ليا هوما يوقفو علينا 2 دراري بالمضا وكان كيضهر من حالتهم أنهم مقربقين وسكرانين شفار1: حطو داكشي لي عندكم أو غادي نزوق ليكم وجاهكم _ سيرو بحالكم ولا ندمكم هربو بعضامكم صحاح شفار 2: شفتك باغي تبان علينا قدام هاذ الساطة _ خونا من النوع لي ماكيعطلش بنادم مع تزايدت معاه شير عليا بالمضا لوجهي كان بغا يخصرني جاب الله خويت بيه دغيا ، ماجا فين يعاود الضربة حتا شديت ليه ايديو وضربتو بواحد النص حتا تسمع مع الأرض باققق ، لاخر شيرت عليه برجل لوجه زعزعت ليه لافيشور ديال وجهو وبقيت كندخل ليه في كروشيات هاذي تنفع هاذي ضر ، لول بغا يهرب عاودتو بنص اخر وطحت عليه بقيت كنعطيه ، سلختهم مزيان خليناهم مغيبين تما وكملنا طريقنا وكنت فرحان بالنتيجة لي وصلت ليها في القتال وليت كنحس بالجسم ديالي خفيف كيف كان من قبل ياسمين : تبارك الله عليك مرمدتيهم البطل ، حبيت كيفاش سلختيهم _ بحال هاذ الاوباش سرهم غير العصا ... كانت كتشوف فيا بنضرات وأنا نتفكر نهار عبيقة وقف على سناء وتمنيت كون رجع الزمن لور وسلختو قدامها على الأقل كانت سناء اتبغيني وتعجب بيا ياسمين : قول ليا عمرك حبيتي _ كنحب الله وعائلتي ياسمين : كنقصد شي بنت _ قلت لي الجواب ديالي ... دغيا قلبت ليها الموضوع وبقينا كنتمشاو حتا وصلنا لدار دخلنا لفيلا كنتسلتو مع وصلنا لصالون تشعل الضو تلفت نشوف شكون شعلو كلقا سعد سعد : على سلامتكم ياسمين : بابا جيتي تصبحو على خير جاني النعاس _سعد مشيت معاها غير تجيب غلاص هي لي طلبات مني نخرجو سعد : سعد على أنا سولتك في كنتو أو علاش خرجتو لي بغيت نقول ليك انهو وصل الوقت باش نتحركو وجد راسك _ معلوم أنا موجود في أي لحضة وراه تعطلنا بزاف كان خاص نبداو شحال هاذا سعد : دابا عاد وصل الوقت المناسب _مدة وأنا كنتسنا هاذ لحضةولكن شنو هي الخطة ديالك سعد : خوك لي هربتي من الحبس خاص ترجعو ليه _ كضحك عليا أشمن نرجعوه الحبس واش تسطيتي غادي يعدموه مباشرة سعد : متخافش مايقدروش يديروها خاصهم وقت طويل يحققو معاه ويعرفو شكون هربو وشكون كيعاونو ماغديش يعدموه بهاذ السهولة كون هاني _ ولكن علاش غادي نعرضوه لخطر مرة أخرى سعد: هاذ الخطوة ولابد منها خاص نعطيو لأمان لبوزيان وصحابو باش يحساب ليهم بيلا أمين رجع الحبس ويرتاحو ويخرجو من الجحر ديالهم فهمتي دابا علاش ، غادي نسيفط معاك رجالي من المخابرات لي كنتيق فيهم هوما لي غادي يتكلفو _ واش متأكد ماغدي يوقع ليه والو سعد: على ضمانتي ، غدا بليل سير هدر مع مهدي وفهمو الخطة وطمنو وسلمو لرجالي هوما يديرو لازم ومتخافش غادي يكون في أمان تيق بيا _ صافي مشات يله تصبح على خير ، دخلت لبيتي وأنا كنفكر في كلام سعد حتا داني النعاس الصباح فقت فطرت ترينيت ودوزت النهار مع ياسمين ولافاطمة كيف العادة ، فاش قرب وقت المهمة عطاني سعد العنوان لي فيه خويا ودامي قصدناه أنا ورجالو وحنا لابسين لباس ديال القوات خاصة حصرنا الدار لي كاينين فيها من جميع الزوايا شافونا باغيين نقتاحمو دار بغاو يحاولو يهربو ويقاومو خرجات دامي وهي شادة في مهدي ولابسة حزام ناسف دامي : رجعو لور ولا نفجرها ونموتو كاملين _ هبطو سلاحكم ادراري ... دامي متخافيش هاذا أنا أمين دامي : عري على وجهك باش نتأكد _ ندخلو لداخل وتشوفي وجهي تيقي فيا هاذا غير أنا دامي : دير ايدك ورا راسك وتحنا الأرض _ درت بكلامها جات شداتني ودخلاتني لداخل حيدت قناع المهمات لي داير على وجهي شافوني فرحو تعانقنا بالفرحة مهدي : الحمد لله على سلامتك اخويا فين كنتي هاذ المدة كاملة تخلعنا عليك يحساب لينا متي أو وقعات ليك شيحاجة _ ريحو ونعاود ليكم كلشي ... بقيت كنعاود ليهم لافير من زيرو دامي : وتقتي فيه ماخفتيش حتا يقضي غراضو ويديرها بيك ملي ناوي يغدر صحابو كيفاش ضامن انهو مايغدركش حتا نتا _ عارف انهو غادي يبغي يغدرني حاط هاذ الاحتمال في راسي ولكن حاليا هو محتاجني قد ما أنا محتاجو ماعندناش حل آخر من غير نتعانو ، ماعلينا جينا دابا باش نرجعوك أمهدي الحبس مهدي : شنو من نيتك اترجعني تاني لحبس لا لا مستحيل نرجع تما ، ماشي بزاف باش خرجتيني وباغي ترجعني _ تيق فيا كيف تقتي بيا أول مرة ومتخافش اصحبي ماغديش تطول فيه هاذ المرة غير شي أيام وتخرج... قدرت نقنعوو حتا وافق يرجع الحبس عنقتو وخرجتو معايا سلمتو لرجال المخبرات دامي : كيبقا فيا مهدي مسكين ضريف ونية ميستاهلش هاد الحياة _حتا أنا كيبقا فيا ولكن هانتي كتشوفي الضروف حتا واحد فينا مايستاهل لي كيوقع ليه ، ركبنا طومبيل أنا ودامي تبعناهم حتا داوه لولاية سلموه لرجال الشرطة وتحركت لدار سعد دامي : فين غادي نمشيو دابا _ دابا تعرفي ... ديت معايا دامي لدار سعد دخلنا سلمنا عليهم وجلسنا حدا بعضياتنا وقدامنا سعد وياسمين سعد : مرحبا بيكم سعد : سعد من ليوم اتعيش معانا دامي ، غادي تعاونا في المهمات ديالنا حيث متمكنة و كنتيق فيها سعد: ماكينش موشكيل لي مسلكاك ديرها ... الخدامة اتوجد ليها شومبر ديالها ياسمين : مرحبا بيك عندنا _ دامي نعرفك على ياسمين صديقتي ، ياسمين هاذي دامي صديقتي وختي والمساعدة ديالي ياسمين : مشرفين حبيبتي دامي : الشرف ليا اختي ... أمين غزالة هاذ البنت جاب ليك الله شكون تنسيك سناء غير من شوفاتها ليك باينة طايحة فيك السگع _ كوني تحشمي أنا مابقاش عندي مع البنات ، على داود مزال يعاود ياسمين مجرد صديقة ، ولكن اجي باش عرفتي بيلا مانسيتش سناء دامي : عندي ذاكرة قوية ودغيا كندقق في الحاجة الخاتم لي فيديك هو لي عطاتو ليك سناء ، مزال لدابا لابسو يعني مزال كتبغيها _ واحضاية مع راسك الجنية ماكدوزش عليك دامي : أمممم ماحگلك مابغيتيش تشوف في هاذي قول مزال مانسيتي سناء ، واحد النصيحة غادي نعطيها غير لوح الخاتم وحاول تنساها سناء راها تزوجات شهر وزيادة ونص دابا _ اواه متأكدة تزوجات شكون قالها ليك دامي : اه تزوجت قالها ليا الاستاذ حيث سولتو على خبار الكليكة طمني عليها ومنو عرفت بزواجها _ قالتها وبلا مانحس قلبي تقبط عليا بحال إلى ضربني الضو في قلبي مانكرش بقا فيا الحال وشداتني البكية تدمرت في هاذ لحضة لافاطمة : مرحبا ببنتي سمحي ليا كنت كنصلي مرحبا بيك عندنا ابنتي دامي : ترحب بيك الجنة أخالتي شكرا ليك _ يله نساريك الفيلا ادامي ، ديتها وريتها فيلا وفين كنتريني من بعد قصدنا بيتي سديت البيت بالساروت بدينا كنتعاودو شنو داز في هاذ المدة وكنخوي عليها قلبي حتا سمعنا دقان مشيت حليت ياسمين : ياكما دورنجيتكم حسيت بلملل قلت نريح معاكم _ مرحبا بيك ريحي معانا تاحنا شدنا الملل اش بان ليكم نزهيوها بشي ديسك خدمت ليهم دياسك ميكس وطلعنا فوق الكاتري كنشطحو ب 3 بينا باش نحاول نسي الموضوع ديال ex ، سالينا شطيح تكيت جاو تكاو حدايا البنات داروني الوسط ياسلام الحياة السعيدة لي كيتمناو الدراري ، مخشي وسط 2 بنات قوقات والشيطان وفي بيت بوحدنا أي واحد كيتمنا هاذ لحضة من غيري انا طبعا احم احم ياسمين : أمين عاود ليا على البنت لي كنتي كتبغي _ راني قلت ماكنبغي حتا وحدة شحال من مرة ياسمين : كتكدب عليا فينما كنجبد ليك الموضوع نضراتك وملامحك كيتبدلو وكتبدا تهرب مني يعني فايت ليك دايز من تجربة خايبة _ اه عندك الحق ولكن ماكين لاش نتفكروها ماتستاهلش ندويو عليها هي تزوجات دابا الله يسهل عليها دامي : غير عاود ليها اصحبي خوي قلبك منها حتا نتا ترتاح _ بديت كنعاود وكنتفكر اول نهار لي ضربتها في المنطقة الحساسة في الكيوسك وكنبتاسم وكيفاش تعرفت على صحابي ودخلتهم بطريقة خطيرة ، شنو دوزنا حدا لافاك وكيفاش سافرنا عاودت ليهم كلشي تال اخر لحضة فاش دوات معايا مريم بكلام قاصح ، كنعاود وحابس دموعي ربي لي عالم بيا كنحس بيلا هاشي وقع غير لبارح وضراتني خاطري ، ياسمين نزلات ليها دمعة من عينيها دامي : ودابا أياسمين سناء تزوجات بواحد اخر ياسمين : قصة زوينة بحال شي فيلم تركي النهاية ديالو غير سعيدة عارفة الفراق كيكيون صعيب الله يصبرك هاذ سناء مطلعاتش بنت الأصل _ حطات ايديها على أيدي وقالت ليا تستاهل ماحسن بديت كنشوف فيها وكنتخيل وجه سناء فيها وكنتفكر فاش قالت ليا سناء نفس الكلام نهار عاودت ليها على خطيبتي هدى ، بنات العبد هاذ البنات كاملين منافقات كيبغيو غير يتبتوك بكلاهم ، فيهم غير الهدرة أما الفعايل والو كاملين بحال بحال ياسمين : امين مزال كتبغيها الخدامة : العشا موجود اجيو تعشاو _البنات يله نتعشاو جاني الجوع ياسمين : عوتاني كاتهرب من السؤال ديالي _مشينا تعشينا مكانش سعد بدينا كنديو ونجيبو في الهدرة بيناتنا ياسمين : أنا ساليت ماكلتي دامي فاش تبغي تنعسي طرگيني لبيتي نعطيك بيجامة دنعاس دامي : صافي شكرا حبيبتي _ قصدت لبيت ديالي وراسي عامر كنفكر في المستقبل وفي سناء بقا فيا الحال فاش تزوجت تخيلو من كترة حبي ليها وليت بحال شي حمق في الفطرة لي دازت كنتخيلها ناعسة حدايا وحاطة راسها على كتفي واحد لقطة حتا تيقت بغيت نشد فيها وهي تبخبر 💔 ماكين ماولكن ايحمقني الحب ، خدمت ديسك ديال (هي تزوجت ودرات عرس شباب ، وأنا قعدت وحدي في العداب) كنتمزك وأنا كندوي مع راسي وكنبكي علاش خلاتني ( لي مابكاهش الحب رآه ماكيحب ما ولو احسن الخلق سيدنا محمد وبكا على وفاة زوجته خديجة ) بقيت كنتصنت لآغاني ديال المدمرين حتا داني نعاس الصباح كنفيق على صوت المگانة فقت لبست حوايج السبور لقيت المدرب كيتسنا دخلت ترينت ، سالات الحصة ريحت في واحد القنت في ديك القاعة الرياضية وبديت كنقش AS زعما أمين وسناء ، بقيت كنقشها على واحد الدامبل مصنوع من لوح غير ساليت مشيت دوشت و وريحت كنفطر مع لا فاطمة... صباح نور خالتي الغزالة لا فاطمة : صباح الخير ولدي بصارحة نتا انسان مزيان وضريف عزيتي عليا بحال ولدي وأكتر نتمنا يجي نهار لي تولي فيه نسيبي وتاخد بنتي ياسمين باش تبقا معانا ديما ولفناك مابغيتكش تفرق علينا بمرة _ بديت كنكح وحلات ليا ... انشاء الله اخالتي غير يتحلو مشاكيلي ويكون خير ، انا عمري نخليكم انبقا جنبكم حيث تانتي بمتابة الام ديالي وكنتي حنينة فيا في هاذ الفطرة لافاطمة : ربي يخليك لينا أولدي _فاقو البنات وتماو جايين يفطرو جلسو حدانا وبديت كنشوف فيهم وكتبتاسم ... خالتي فيقي البنات يفطرو ياسمين : اشمن بنات _ دامي وياسمين دامي : كطنز علينا حنا ماعجبناكش _ اواه على نتوما بنات سمحو ليا تاهدرتو عاد عرفتكم يحساب ليا شي جنيات ... بقيت كنضحك عليهم ياسمين : مالك كتضحك شنو واقع _مالكم فايقين خاسرين خلعتوني لا فاطمة : هاذا حال البنات اولدي ضروري تشوف شعكاكتهم طالعة لسما فاش كيفيقو _ شتي أخالتي كيقولبونا على برا كيكونو في شكل فاش كتزوج بيهم كتولي تشوفهم على هاذ الحالة ديما ، وكيكملوها ويجملوها كيديرو زيف حياتي وكتولي فيهم ريحة الطياب فضيحة ياسمين : هاها بلا ماتزيد فيه غير يله فقنا شوية نأكتيڤيو زينا وبلا ماكياج ، ومتخافش أنا مهلية في راسي ونقية مكنوصلش الكوزينة بمرة دامي : حتا أنا بحالها _ بدينا كنضحكوو وخالقيناها بيناتنا .... نتوما ماشي ديال زواج بنات الفشوش ياسمين : حتا لقا الراجل ونتحول لنوع لي قلتي حتا أنا ندير زيف حياتي ونشقا دامي : أنا الحمد الله عطاني الله القوة راجاي أنولي نزيدو هو يطيب مابغاش غادي نسلخو حتا يولي يطيب ليا بزز منو _ ههههه نتوما علام لافاطمة : دابا تزوجو وتوليو تطيبو وتشقاو بزز منكم ياسمين : أنا أنجيب خدامة ماعنديش مع الشقا بزاف وزايدون بركة غير الجهد لي كنحط في السبيطار دامي : ياسمين ناس كيسافروو في كونجي ديالهم يفوجو نتي مريحة في دار ماقنتيش ياسمين : اختي ماعندي ماندير مقابلة أمين ، على وعدي وسعدي ماعندي فين نتحرك دامي : ياك ولا بيخير دابا _ مالقات ماتقول بقات غير ساكتة وكدور في عويناتها ياسمين : يله معايا نوريك باش كندوز الوقت ونحارب الملل _ داتها لشومبر ديالها لبسو لباس رياضي ديال البنات كولون وسليب قصير وقادو حالتهم و مشطو شعرهم وولاو كيفتنو بزين اصلا قبيلة كنت غير مطلعها عليهم دامي وياسمين زوينات بزاف تحلف عليهم مامغربيات ... لافاطمة مشات لبيتها والبنات تماو غاديين تجاه القاعة الرياضة بقيت مركز حاضيهم خربقو ليا الخيوطة ديالي راسي ، و على فورمة عندهم بحوج الهربة كايسطيو يتكالو خضرين ... أهياوينا راعيو لمشاعر سيليباطير كنتألمو في صمت رآه غادي نغلط فيكم أطونسيو دامي : ضصرتي سير كون تحشم ياسمين : غير غلط عادي شكون حبسك ، اجي تفرج فينا _ هوما غاديين وأنا كنقول ليهم هز البوطة حط البوطة و كيضحكو ، دخلو قاعة رياضة كيديرو الرقص ، ياسمين هاذي هي الهواية ديالها ، داز شوية الوقت لحقت عليهم مشيت كنتفرج فيهم من حدا الباب ديال القاعة زعزعو ليا المشاعر حيث كيأتيريو عندهم مع الشطيح بجوج ماكين غير الله يعطيك الصحة تبيع عليهم الأرض والورث وحتا وعائلتك كاملة 🤣 سير أجدي مسامحك دابا عرفت علاش رزقك ضاع ياسمين : أمين قرب تشوف في هاذ الشطحة كيديروها الشيخات _ خدمات ديسك ديال الشعبي شاخض و بقيت كنتفرج كيفاش كتشطح وكتشوف فيا بنضرات ساحرة وكتبتاسم ليا تحليت تاراه مايمكنش رآه بزاف هاذ ياسمين مايمكنش شي راجل يقاومها ، بدات تشعل فيا العافية وأنا نحذر راسي وقلت أعوذ بالله من الشيطان الرجيم وغيرتها مشيت شعلت تلفازة بديت كنتفرج حتا لحقو عليا البنات نضمو ليا وهكذا دازت 4 أيام زوينة بنفس هاذ روتين وكنا مكنتفارقوش أنا والبنات وكنخلقو جو زوين بيناتنا سعد : أمين عندي ليك خبار زوينة الخرفان كلاو الطعم غادي يتجمعو عند بوزيان ...يتبع ( قرا وتفاعل 🔥🔥🔥💪🏻 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM