المعقد والجريئة الجزء 21 🔥🔥🔥🔥 ( التتمة من بعد 150 لايك طاكيو صحابكم يقراو القصة ❤️ ) صوفيا: ههه مالي شنو درت عوتاني؟ صلاح: لاش لابسة هاد العجب المعري صوفيا: والو قلت مع رأسي نلبسهم لا يديموداو حشومة يضيعو هكاك صلاح: ان لكيدهن عظيم صوفيا: هه تصبح على خير الغد ليه فيقني صلاح مع 7 توضينا صلينا الصبح، لبست سروال دجين و شوميز فالبلو مارين فوقو مونطو ابيض و طالون فالبيض، ركبنا فاللوطو، و انطلقنا وصلت 9 وقفنا نفطرو، و كملنا الطريق، وصلنا مع 12، استقبلونا خالتي جميلة و عمي و البنات و راجل سلمى، سلمنا عليهم دخلنا، بقينا كنهدرو، من بعد تغدينا، كانو دايرين بسطيلة و اللحم، الرجال فبلاصة و العيالات فبلاصة،خالتي جميلة: بنتي نوضي لبيتكم ترتاحي صوفيا: وخا اخالتي وراتني فدوى البيت: هدا كان بيت صلاح ماما حتى لدبا محافظة عليه كان بيت زوين غالب عليه الأخضر و الكحل، فيه ناموسية بلاكار و بيرو و خزانة ديال الكتوب، بقيت كنقلب فيه حتى بان ليا كيتار، فهاد اللحظة دخل صلاح: هداك كان شراه ليا الواليد فين نجحت فالاعدادي، فرحت بيه بزاف صوفيا: كتعرف ليه؟ صلاح: معلوم، بغيتي نسمعك شي حاجة؟ صوفيا: اه خدا من عندي الكيتار و جلس حدايا، بقا كيعزف عليه، واو عزفو زوين، بقيت كنتصنط ليه عجبني بزاف، وقف العزف و حطو فبلاصتو: علاش ما بقيتي كتعزف عليه؟ صلاح: والو غير ما بقيتش ساليت، و لكن فين كنجي لهنا كنجبدو و نبقى نعزف عليه صوفيا: زوينة القنيطرة صلاح: بغيتي ندورك فيها العشية؟ صوفيا: وخا علاش لا خرج صلاح بدلت لباسي و تكيت ننعس واحد الساعة، فقت غسلت وجهي لبست لباسي، و خرجت عندهم لقيتهم حطو الكوتي، كلينا فجو عائلي زوين لا يخلو من الضحك، عائلة صلاح ظريفين بزاف و كيعرفو يضحكو، كتحس بالدفئ العائلي معاهم، كملنا الكوتي، و خرجنا انا و صلاح ندورو شوية فالمدينة، مشينا لبارك سكينة و البحر و تسارينا المدينة فاللوطو صلاح هو guide، من بعد تعشينا فريسطو على البحر، لأول مرة فالتاريخ صلاح يدير شي حاجة زوينة، فهاد النهار تقربنا بزاف من بعضياتنا، رجعنا للدار لقيناهم نعسو، تسلتنا للبيت بشوية، بدلت لباسي و تكيت ننعس الغد ليه دوزناه فقصبة مهدية، فطرنا تماك و تغدينا، دوزت وقيت زوين مع فدوى، فالعشية رجعنا للدار دوشت و خرجت عند خالتي فالصالون بقات كتعاود ليا على حياتها و صلاح، شوية هي تعيط لفدوى: بنتي فدوى جيبي البوم تصاور نوروه لمرت خوك جابت فدوى الالبوم، بقات كتوريني تصاور العائلة و البنات محدهم صغار، شوية وراتني تصويرة مألوفة غير شفتها نضت كنضحك حيت معروف ما تبدل كاع، كان صلاح محدو صغير ويتك شحال فنيون و زعير، شوية وراتني تصويرة خريت بالضحك، كان عريان كامل كلشي باين و شاد فردي ديال الخشب و داير كسكيط: ههه بسلامتو من نهار الي حل عينيه على الدنيا و هو يحلم يكون بوليسي صوفيا: ههه هادي امتى شديتوها؟ جميلة: 1990 كانت عندو 5 سنين جيت بغيت ندوش ليه خلاني حتى حيدت لباسو كامل و هرب ليا جيت نشدو، هز فرديه و هددني بيه هه عيطت لباه يصورو هكا صوفيا: ههه صدق ما ساهلش جميلة: وييه، ايه نسيت الكميلة، تفرجي بينما نجي مشات خالتي للكوزينة و انا شديت التصويرة خبيتها فصاكي، ههه لربما نحتاجها فشي حاجة، وجد العشا تعشينا و كلها ناض لبيتو ينعس. الغد ليه غير فطرنا و هو ينقز صلاح: صوفيا يلاه وجدي راسك غدي نمشو جميلة: مالك اولدي نتوما يلاه جيتو صلاح: عندي خدمة الواليدة، العميد داير لينا اجتماع غدا جميلة: ما سخيناش بيكم صلاح: ايوا الوقت عمي: ايوا عاودوها مرة أخرى صلاح: انشاء الله جمعنا لباسنا، توادعنا معاهم و مشينا، الطريق كلها و حنا ساكتين، شعلت الراديو و بقينا كنتموسق، شوية سدو صلاح صوفيا: علاش سديتو؟ صلاح: طلعلي فراسي صوفيا: و الله يستر مريض الآخر صلاح: صوفيا جمعي راسك!! صوفيا: مالي شنو درت؟! صلاح: زدتي فيه صبرت ليك بزاف صوفيا: ايوا بلاش ما تصبر و طلقني صلاح: شنو دخل الطلاق عاود تاني؟ صوفيا: شوف نتا اصلا هاد الزواج فاشل من الأول صلاح: حيت نتي إلي باغية تفشليه صوفيا: نتا مالك كنتي مزيان غير دبا تبدلتي صلاح: انا ما تبدلت نتي إلي وليتي مبرهشة، اما انا عادي صوفيا: انا مبرهشة؟! 😠 صلاح: اه و بزاف صوفيا: وخا اسيدي معندك مشكل كملنا الطريق ساكتين، انا تقلقت منو و ما بقيتش كاع شفت فجيهتو، وصلنا لكازا، دخلنا للدار، دخلت للبيت و سديتو عليا، دوزت الباقي من النهار فيه، و حتى ما بقاش هدر، خرجت نقلب على ما ناكل لقيتو كيخدم فالبيسي، دخلت للكوزينة قليت البيض كليتو، و خرجت، مكانش صلاح فبلاصتو، مشيت للبيسي لقيتو عامر مجرمين من بينهم حسن، يمكن كيخدم على شي حاجة، جا صلاح هاز الداتاشو و جرب فيها التصاور لقاها خدامة، اهاه عاد فمهت، ههه جاتني فكرة شيطانية 😈 باش نوريك التبرهيش ديال بصح اسي صلاح فقت متعطلة و ما لقيتش صلاح حدايا، فين مشا هدا؟ غسلت وجهي و فمي،لقيت الفطور واجد و حداه وردة و رسالة: حبيبتي سمحيلي على البارح مقصدتش نغوت عليك، انا ما بغيتش نفيقك اليوم عندي اجتماع مهم دكشي علاش مشيت بكري، وجدي راسك غدي نخرجو اليوم كلو ليك بيزو 😘 صوفيا: ناري شنو درت، دبا غدي نندم بصح 😢😓 عند صلاح↔↔ لابس كوستيم ديالو باش يعجب العميد، قاد اوراقو، جا العميد سلمو عليه و بدأ الاجتماع، الي فيه يعرف بالمافيا الجديدة و افرادها، خدم الداتاشو، و حميد كيدوز التصاور و هو كيشرح ليهم و يعرفهم بالأفراد، شوية هدر واحد من الي فالاجتماع: و حتا هدا من المافيا ههه صلاح ما فهم والو تلفت يشوف علاش يضحكو لقاها تصويرتو العميد: صلاح شنو هدشي؟ واش هدا ولدك حميد شاف فالتصويرة و بقا كيضحك: ههه لا سي العميد الشاف معندوش الولاد يلاه تزوج، زيدون هاد التصويرة كتبان قديمة صلاح من تحت اسنانو: حميد دوزها دغية شكتسنى؟! 😬 حميد: سيدي تبلوكات الداتاشو صلاح ضحك ليه: ههه و ما لقات فين تبلوكا غير هنا فهاد الصورة بالضبط احميد حميد: سيدي هدشي إلي وقع ها نتا شوف العميد: زربونا صلحو هدشي راه معندناش الوقت صلاح: سير عيط لشي حد يصلحها دغية العميد: صلاح هاد الدري كيشبه ليك بزاف ياك ماشي نتا؟ صلاح: لا لا كاع مكنعرفو، غيكون غير شي خطأ سيادة العميد سمحلي عفاك جاب حميد تقني معاه صلح الداتاشو و كملو اجتماعهم، من بعد خرج صلاح معصب و معاه حميد: بغيت غير نعرف شكون دار تصويرتك تماك اسيدي صلاح: واش باينة بلي تصويرتي؟ حميد: اه اسيدي باينة للعمى، ههه كنتي فنيكيش فصغرك الشاف صلاح: حميد؟!! بلاتي عليك اصوفيا غدي ندمك بقيت غادية جاية فالدار، ناري اصوفيا حشومة عليك هدشي إلي درتي كوراه دبا حس بالاحراج، شوية تفتح الباب و دخل صلاح كالعاصفة، جا عندي نيشان شدني من ذراعي: واش باغة تحمقيني اصوفيا صوفيا: مالي شنو درت؟ صلاح: بلا ما ديري راسك ما عارفة والو مكاين حد غيرك عندو تصويرتي صوفيا: بلاتي إصلاح غير تهدن و قولي شنو واقع؟ صلاح: عرفتي الاحراج الي سببتيه ليا؟ حشمتيني مع العميد صوفيا: انا ما فهمت والو اشمن إحراج صلاح: صوفيا!! بلا ما تعصبيني بقيت كنبكي عليه بالعاني: اهئ اهئ عفاك طلقني قصحتيني صلاح طلقني و حط ايديه على راسو: شتي كنحاول نصلح كولشي ونتي كتندميني صوفيا: سمحلي نتا عصبتيني البارح و كنت باغية ننتقم منك صلاح: و كتقوليها بوجهك احمر هه ولايني مكتحشميش صوفيا: و نتا الي جبدتيني صلاح ناض كبضحك: ههه و الله إلا عمري شفت بحالك ههه خطار صافي صوفيا: ههه شفتي الأفكار الرائعة الي كطيح عليا؟ صلاح؟ صلاح بحال العجل: اممم صوفيا: انا مستعدة صلاح: لاش مستعدة؟ صوفيا: راك عارف لليلة الدخلة ههه صلاح: حتى نكون انا مستعد صوفيا ناري على شمتة، نضت غضبانة شدني من ايدي: غير ضحكت معك سبقيني ها انا جاي ابتسمت ليه . دخلت للبيت لبست غوب دو نوي و جلست كنتسناه، شوية طفى الضو: صلاح، خرجت لقيت الضو مطفي فالدار كاملة: صلاح صلاح!! فين مشيتي؟!! شوية سمعت أصوات ضحك و شي حد كيعيط بسميتي هدا ماشي صوت صلاح: شكون نتا؟! صلاح فينك اهئ اهئ، سمعت التقرقيب فالكوزينة: صلاح هادا ماشي وقت الضحك عفاك خرج! اهئ اهئ زادت الأصوات و التقرقيب اهئ انا هنا تخوا ليا الما فالركابي، تزعزعت بصح، تكمشت فقنط و بقيت كنبكي، شوية بقا الضو كيجي و يمشي و كيبانو ليا خيالات، اهئ اهئ اهئ صلاح!!!!! زادت الأصوات، سديت وذنيا بايديا و بقيت كنقرا القرآن بجهد و نبكي، شوية رجع الضو و خرج صلاح ميت بالضحك و كيعيب فيا: ههه تخافي ما تحشمي تخلطو عليا المشاعر البكية الغضب و الحكرة، وقفت تواجهت معاه: نتا واحد مكتسواش!! صلاح: مسحي غير خنونتك ديك الساعة هدري صوفيا: شنو هدشي إلي درتي!!!! صلاح: كما تدين تدان، نتي احرجتيني قدام العميد و البوليس و حتا انا خرجتها منك صوفيا: حشومة عليك 😓 صلاح: و نتي ماشي حشومة شتي كنت جاي معول نقتلك عصا و لكن تمالكت نفسي، قلت نحارب الساحر بسحره صوفيا: والله لا حلمتي تقيصني صلاح: بزز منك صبرت ليك بزاف صوفيا: غير زيد صبر حيت معمرك تحلم تقيصني خصوصا ورا هدشي إلي درتي صلاح قاسني: ها انا قستك صوفيا: بعد مني!! هربت للبيت سديتو، بقيت موجدة رأسي لأي ردة فعل، دازت ساعة و ساعتين و تلاتة كاع و صلاح ما هدر و لا دخل، فتحت الباب بشوية قلبت عليه لقيتو ناعس فالبيت الآخر، قربت ليه واو شحال زوين، فين كانوا عينيا 😍، بقيت كندوز ايدي على وجهو، صراحة ما يستاهلش مني هاد المعاملة، قربت ليه و بستو من حنكو، شوية فاق بحال الجن: حصلتك شكديري؟ صوفيا: بسم الله الرحمان الرحيم ياك كنتي ناعس صلاح: كنت ما بقيتش قرب مني، و بقا كيشوف فيا وفي فشنانفي، شوية ....يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM