حياة جديدة الجزء العاشر 🔥🔥🔥🔥🔥🔥🔥 ( التتمة من بعد 190 لايك طاكيو عشرانكم يقارو معاكم ❤️💪) حتى عصام شاف صحابو كيف تيشوف فيها ما فيقو من سهوتو غير عصام لي شاف فيهم و تبسم مخافيش عليه اعجاب صاحبو بمراتو و هذه الشي خير ليه حيت هي لي تكافح معاه و هي لي تستاحق حبو ليها عصام: وصلنا على سلامتنا نزل عصام او نزلات بسمة جاب عصام كرسي متحرك جلس منير بمساعدة ديالهم و كي تمنى الوقت امتى يدوز باش يرجع يوقف على رجليه منير:شكرا اصحبي عدبتك معيا عصام:ماتقولش هكا اصحبي راك خويا مفروض عليا نعونك بسمة:ولو شكرا عصام:عنتقلق منك بسمة(حطات يديها على فمها):سمح ليا عصام: يلاه بسلامة منين تسالي صوني عليا نجي نديكم لدار منير:وخا شكرا خويا عصام بسمة:بسلامة اخويا مشا اما بسمة و ومنير دخلو سولو على دكتور هادي نعاتت ليه المكتب ديالو توجهو ليه دقات بسمة ادن ليهم بدخول دخلو دكتور شافهم تبسم و ناض عندهم دكتور: مرحبا باستاد منير منير: شكرا جيت نبدا التحاليل على قبل الترويض دكتور: كيما قلت ليك غادي نديرو شي فحوصات او من بعد نقول ليك امتا نبداو حصص ترويض منير:وخا دكتور جات ممرضة دات منير باش دير فحوصات بعد ساعة رجعو عند طبيب لي خداهم قراهم و تبسم دكتور :سي منير كاع فحوصات لي درنا خرجو مزيانين ابتداء من غدا انشاء الله تقدر تبدا علاج ترويض ديالك وعندك أمل كبير ترجع توقف على رجلك منير(ببتسامة):شكرا بزاف قالها و شاف فبسمة هذه تاني ضحكة ماليا وجها شدات ليه فيديه بلا متحس منير بقا كيشوف فيدها لي شدين فيه عفويتها هما لي نقدرو نقولو تعلق بيهم كثر و كثر بقاو كيشوفو في بعضياتعم بنضرات حب مافيقهم من سهوتهم غي طبيب لي تكلم طبعا مخافيش عليه علاقة بسمة و منير لي متحدداتش لدابا من أنهم ازواج صافي دكتور:مهم اسي منير كما قلت ليك غدا انشاء الله أول حصة عند مع 10:00 صباح جا ينطق سبقااتو بسمة و نطقات بالزربة مخلية منير غير كيشوف بسمة: صافي كون هاني غدا إنشاء الله اكون عندك بتاسم دكتور ليها : تيبان ليا مراتك متحمسا أكتر منك ا استاد منير(هز راسو فيها): اه بسبب ديالها انا هنا بسمة حشمات او حنات راسها مهم دكتور:المهم غدا نشوفكم منير :وخا شكرا ليك ودعو دكتور على أمل غدا تلقاو بيه باش منير ابدا علاج خرجو مبتاسمين بجوج قررو ياخدو طاكسي بلاما يعدبو عصام معهم او رجعو لدار بسمة عونات منير كلس فوق سداري بسمة:انا نمشي نوجد لغدا نتا رتاح منير:أجي بلاش تنتي عيتي أجي نطلبو شي حاجة نكلوها بسمة:لا انا نوجد لغدا بزربة ماكينش لاش نطلبوه من برا مشات بسمة وجدات الغدا طاجين الدجاج بالخضرة مع الزيتون تسناتو حتى يطاب مع شلاضة و حطات المناضة و جبدات الخبز سخناتو او رجعات عند منير كلسات حداه هو كي قرا فكاتب او هي تتفرج و تبسم منير(هز راسو فيها):مالك بسمة:متحمسة منير(سد الكتاب و شاف فيها):علاش بسمة:انك عتولي تمشا على رجليك عرفتي امنير شنو عندير نهار لي توقف بيخير و على خير منير:شنو بسمة:عنخرج صدقة الجامع ان شاء الله منير(صدماتو):عليا انا بسمة:اه الحمد لله على لطف الله انك باقي عايش و ان شاء الله هذا دين عليا عنخرج گعصة ديال كسكسو الجامع و نخرجو حتى النادي لي حدانا الدراري الصغار ياكلوه ان شاااااء الله باذن الله تبسم كل مرة كتزيد تخليه يتعلق بيها كثر و كثر قلب كبير و طيب و حنينة حنا راسو يكمل القراية حتى طاب لغدا مشات وجداتو تغداو او عطات منير شرب دوا ديالو خلاتو ينعس او مشات هي توجد كسكروط وجدات وصلات 18:00فاق منير كلا معها تداول تهضرو غير على غدا بسمة متحمسا تشوف منير تيمشي على رجليه مرا اخرا ناضت دارت عشا تعشاو كل واحد مشا انعس بلاصتو . اصبح ملك لله يوم جديد مليئ بفرح عند بسمة لأنو أول يوم عند منير فعلاج ترويض ديالو فاق منير دارت معاه روتين لي تعودت درو ليه وجداتو او فطرو امشاو عند طبيب لي كيتسنهم هاد مرة خداو طاكسي مبغاوش اعدبو عصام معاهم هاد اخير منين عرف منير غادي ابدا علاج ترويض فرح بزاف عيا فيه باش اعود اديهم او جيبهم مي هما مقبلوش بحكم شيماء تقلات مع حمل اوهي محتاجة ليه كتر منهم دخلو عند دكتور لي كي تسناهم رحب بيهم او مشاو معاه بلاصة فين غايدير منير ترويض تتيدرو معاه ترويض دكتور:سي منير واش كتحس بشي حاجة منير(كان مجبد فوق السرير الطبي و كي حرك ليه رجليه):لا دكتور:و دابا منير(حس بيه ورك ليه على رجليه كثر): وصلني شوية دكتور:شي مزيان راه دغيا عتعالج بسمة:واش دغيا ينوض على رجليه يام دكتور:كيف قلت ليك خاصو شوية الوقت بسمة:و غيتمشى دكتور:على حساب هو امتى باغي يتمشى بسمة:اكيد راه باغي قالتها و منير مي شوف فيها و بسمة حداه كتسنى امتا اسلي سلاو او رجعو لدار كيف ديما منير كلس ارتاح او بسمة وجدات لغدا بقاو على هاد لحال كل يوم دائما بسمة مع منير عند طبيب معمرها فاقتو دائما وقفا بجنبو او منير حتى هو ماشي اقل منها منين تهز راسو او شوفها كات تسنهاه تيبغي يتقاتل على قبلها وخا العلاج كان تيكون مؤلم بالنسبة ليه ولكن ماتستسلمش غير على قبل بسمة كلشي يهون منير لقا الحب او الحنان من عند بسمة لي كان عطاه وحدة متستاهلوش في البيت بقات كدور من حيه الجيه و هو حاضيها بنص عين و هي تنطق بسمة:منير منير:شنو ابسمة بسمة:بغيت نشري قوام ديال شباكية و السفوف و البريوات منير:واخا اري بزطامي بسمة:لا مشي هكداك رمضان بقات ليه سيمانة يالله معايا انت انا مكنعرفش بلايص هنا في فاس منير(حنا راسو) بسمة(قربات عندو و جلسات في الارض): عافاك دير ليا خاطري يالله معايا منير(تنهد):واخا يالله فرحات بزااف ناضت لبسات جلالتها و دارت شالها و صباطها و هزات صاكها هو كان لابس سروال سورفيت و تيشورت اسود خرجو بجوج بيهم كي تمشاو بختيارها هو معاها اول مرة يخرج من بعد الحادث لي داز عليه 6 شهور دابا و هي بلعاني بغاتو يخرج باش يتعود يشوف الناس و ميسدش على راسو شراو لي بغاو و عاونها حطات داكشي عندو و دابا و ساعة يسولها واش عييتي و جوابها دائما هو لا رجعو بحالهم و بدأت في تخلاط الشباكية و السلو دارت البريوات لرمضان جو ديالو حس بيه منير و وصلو حتى ولا كي بغي يجلس حداها في الكوزينة باش يشوفها خدامة و ينقب ليها و هي كتخنزر ولكن عاجبها الحال حيث بدات تحس بحب منير والحياة الزوجية السعيدة لي مكانتش عيشاها في الوقت لي كان منير بصحيحتو . صباح جديد يوم من ايام رمضان و عندو حصة ترويض ناضت معاه و مشاو داز الحصة عندو مزيانة ولو انه ضرو ولكن صبر و كي كافح باش ما عندو منين سلاو خداو موعد و رجعو بحالهم في طريق صونا تيلي ديال بسمة جبداتو لقات ...يتبع تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM