💜قصة_المحلل💜💫 #الجزء 21 : 💥💕 بعد اسبوع وصل نهار العقد وكيف تافقات زهور مع ختها جات هي وبناتها صباح باش يعاونوهم ويوجدو معاهم ولي تبدل هو البنات مريم ولطيفة لي جاو فرحانات لصفاء وهدشي بان عليهم يعني واخا قوة المعاني قلة التفاهم لي كان بيناتهم الا انهم فعلا بينو معزتهم لبنات خالتهم ناضو فالشقا يدهم بيد مالين الدار وحتى صفاء عجبها الحال اول مرة تفرح بمجيتهم ...لطيفة:هي قلتي لوستها جات فطرات معاكم ...اسماء:ايه الالة قادي قادي الطلميط من جهة لخرا،جات وجابت الحريرة قاتلك الالة ...لطيفة:ههه وجها قاسح بيه فيه ...اسماء:يمكن غير حيتاش النهار لول د رمضان دكشي علاش حيت معاودناش شفناها لا مها غير حميد لي جا جوج مرات وجاب شحال من حاجة لصفاء تواب وبلاغي دكشي زوين عندو الذوق ...لطيفة:باينة شاريها ...اسماء:دكشي لي بانلي تا انا بابا كل نهار كيزيد يشكرو ويعز عليه ...كلتوم:تبارك الله عليكم عاطيينها للجموع سربيو خلاص باش تنزلو تعاونونا فالكوزينة ...لطيفة:هاحنا سالينا ا ماما هنا الفوق كلو مقاد ...كلتوم:خالتك قالت محال يطلعو الناس لهنا حيت عمك غيدير بنية قدام الدار للرجال ...اسماء(جلسات كتغبن):اففف هي غير ضربنا تمارة هكاك ...كلتوم:واخا ميطلعوش ابنتي راه خاص كلشي يكون مجموع ومقاد معرفتي يجيو العيالات بزاف ومتقدهمش الدار لتحت شنو نقولولهم تسناو نجمعو الفوق وطلعو ...لطيفة:صافي معليش هاحنا نزلو فين صفاء ...كلتوم:سيفطناها دوش تا نتوما تساليو الروينة لي لتحت وطلعو دوشو يلاه سربيو...خلاتهم وهبطات لتحت لقات زهور ومريم غارقين فالكوزينة محيلتهم للفطور محيلتهم للعشا لي غيحطو للناس فليل ...مريم:والله اخالتي كون غير شديتي طيابة كون نقصات عليك هاد تمارة ...زهور:دكشي لي كنت ناوية ندير ابنتي ولكن مك مبغاتش ...كلتوم:ولاش غنشدو الطيابة مالنا حنا مشللين ...مريم:لا غير باش تنقص تمارة زعما وصافي ...زهور:صافي عليك نتي راك عييتي غير سيري ترتاحي ...مريم:لالا نسالي نيت ونوض مبقى والو انا غير قلت وصافي ...كلتوم صافي كملو دغيا راه بقات ساعة ويودن المغرب ...هيثم(دخل عليهم):السلام(باس راس كلتوم ومو):خالتي لباس ...كلتوم:الحمد لله اولدي كيدرتي مع الصيام وهاد الحرارة ...هيثم:هاحنا كنعديو الحمد لله على كل حال ...زهور:باينة فيك عيان اولدي طلع دوش ورتاح شوية باش فليل توقف مع باك ملي يجيو الناس ...هيثم(مكره):واخا........ #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM