💫💜 قصة_المحلل 💜💫 #الجزء 83 : 💥💕 صفاء:وشنو لي ممخليكش متكونش واجد ...صهيب:يعني كنقول منمشي لتم حتى نكون مقتانع بلي راني شاد طريق الله وكندير بوصاياه كيفما هوما ومنعصيهش ...صفاء:علاش نتا دابا كتعصيه!! ...صهيب:اكيد لا الحمد لله ولكن مقارنة مع الاب ديالك الله ارحمو ...صفاء:ماشي بالضرورة تقارن راسك مع شي واحد فعلاقتك مع الله يكفي انك دير مجهودك باش تصلح علاقتك وتخليها كاملة رغبة فرضاه ماشي باش تكون بحال شي حد ...صهيب:كنتمنى وهدشي لي كندير احم بديت كنحفض القرآن وكل سورة حفضتها كنقلب على التفسير ديالها و الحكم لي مدكورين فيها ...صفاء(بإعجاب):اوا راك غادي فالطريق الصحيح ...صهيب:ونتي غتعاونيني باش نكمل فهاد الطريق ...صفاء(قبطات يدو):بطبيعة الحال انا معاك و ان شاء الله هدشي غنربيو عليه وليداتنا من صغرهم نربيو فيهم حب الدين و الصلاة و القرآن باش يولفوه فحياتهم كيف دارلنا بابا وحنا صغار ...صهيب(باس راسها):وهكشي لي باغي انا باغي ولادي تربيتهم تكون نفس تربيتك و اخلاقك ...صفاء(بابتسامة):ان شاء الله ...شيماء(دقات فالباب):صهيب ...صهيب(ناض عندها حل الباب وخدا منها ريم):اووو بنتي جات(شاف فشيماء)سمحيلنا ...شيماء(قاطعاتو):بلا متبدا راه الف مرة كنقولك انا ماشي برانية ...صهيب(بابتسامة):ههه ياك اوا هي نخليوهالك هي و البيبي لي جاي ...شيماء(بصدمة):صفاء حااااملة!!(بدات كضحك)حلف حلف هههه ناااااري والله تاااا فرحت فين هي ...صفاء(ناضت عندهم حلات الباب):هه هانا ...طارت عليها شيماء كتعنق وتبوس فيها جات فرح مفاهمة والو حتى قالت ليها شيماء شنو كاين وتا هي فرحات بزاااف باركات ليهم وهزات ريم عندها تضحك معاها ...فرح:اخيرا غيجي خوك ...صفاء:اه هي لي غتهلى فيه ...صهيب:وا سيري رجعي بلاصتك سمعتي الطبيبة وصاتك متحركيش بزاف ...صفاء:هه نتا غتحمقني الا نعست تجي تقوليا نعستي بزاف ويلا وقفت تقوليا رتاحي ...شيماء:بين وبين متجلسش تا تعيا ومتوقفش تا تعيا ...صفاء:متشغلوش بالكم والله راه عادي غير حيت الحمل فبدايتو دكشي علاش يلاه شهر يلاه قلت بسم الله ...صهيب(عنقها جنب):غدوز على خير ان شاء الله ...صفاء:ان شاء الله يا ربي ...فرح:غنعيط لخالتي ريحانة نفرحها ههه ...صفاء:سلمي ليا عليها ...مشات فرح وتبعاتها شيماء خلات صهيب جر صفاء دخلها للبيت وهو هاز بنتو حطها فوق الناموسية كتلعب حداهم وتمشي تخشى فصفاء كتلعب معاها وهي شادالها الخاطر وصهيب غير حاضيهم مبتاسم فرحان بيهم.... دازت يومين و صهيب غير مقابل صفاء جلسي نعسي رتاحي واخا كتعصب عليه ولكن شاد ليها الخاطر ...اليوم فاق بكري باش يمشي لخدمتو مبغاش يفيقها ويبرزطها خلاها ناعسة وخرج وصى عليها البنات وتوجه للشركة...اما صفاء بقات ناعسة تا فاقت على صوت ريم تضحك وتغوت على برا ناضت بز تتشوف فجنباها هزات التيلي لي جاب ليها لقات الساعة 12 قريب الظهر وهي باقة ناعسة..ناضت بشوية من بلاصتها تتحاول توكض غير حلات الباب وهي تم ريم جاية عندها بزربة تتعتر حتى تلاحت عليها عنقاتها تتبوسها وتعنكش فيها وهي تتمخشش فيها ...فرح:صباح الخير نعاسة هه ...صفاء:شفتي على حالة صباح النور ...فرح:عادي ههه رتاحي مع راسك راه مجاي غير السهير و الرضاعة ...صفاء(بابتسامة):ماشي مشكل غير يجي على خير ...فرح:ان شاء الله سيري غسلي واجي باش نفطرو راه كنتسناك عارفاك مكتبغيش تفطرري بوحدك ...صفاء:اخليك ليلي لهلا يخطيك عليا واخا خليتك بجوع هه ...فرح:ههه هانيا غير طلقي راسك لنسخف ليك هنا انا نعيط حتى لشيماء طلع عندنا كوراها باقة خامرة حتى هي(مشات خدات من عندها ريم)اجي عند عميتو اجي ...مشات صفاء دخلات للطواليط قضات حاجتها وتوضات عاد خرجات لقاتهم جالسين سلمات على شيماء وجلسو كيفطرو ...شيماء:فرح شنو قضية الخطيب ...فرح(وحلات ليها):كححح كح اشمن خطيب اححح اناري وحلتيها ليا شكون قالها ليك ...شيماء:ههه نبيل شكون غيقولها ...فرح:صافي دغيا هضرو فالموضوع ونتي ا صفاء صهيب مقالك والو ...صفاء:اه عاودليا وكيف قالك خودي وقتك وفكري ...فرح:ويلا بغيت نصيحتك ...صفاء(بابتسامة):عليك بصلاة الاستخارة ...فرح:اكيد غنديرها ولكن انا خايفة حيت مكنعرفو مكيعرفني ...صفاء:علاش انا خوك عرفتو قبل؟! ...فرح:كاين فرق ...صفاء:لي هو ...فرح:نتي خويا غير شافك عجبتيه بزاف وبغاك ...صفاء:هه على حساب علمي حتى الولد لي بغاك هكاك مناش خايفة بالضبط ا فرح ...فرح(هزات كتافها):خايفة يحبسني من قرايتي ...صفاء:هدا ماشي سبب يخليك ترفضيه حيت ممكن تناقشي معاه الموضوع وتعرفي اش تحت راسو وانا عندي احساس انه مغيحبسكش على قرايتك ...فرح(بتنهيدة):تلفت والله هدشي جا على غفلة ...صفاء:فكري على خاطرك ولي قررتيها حنا كلنا معاك ...يلاه جات فرح تجاوبها وهي تسمع السونيط مشات طلات من السرجم لقاتها ريحانة هبطات حلات ليها الباب هي وقمر طلعو معمرين يديهم وتا فرح معاوناهم ...ريحانة(مشات نيشان للكوزينة حطات دكشي وتا البنات معاها):صافي خليو هدشي هنا .. فرح:الله يا خالتي اش هدشي جايبة ومتقلة بيه راسك ...ريحانة:دايرة العراضة ههه ...قمر:غنسبقو السبوع بانليا هه ...فرح:اممم قول هكاك محتافلة بحمل صفاء ههه ...ريحانة:ايه الالة فين هي بعدا ...فرح:راهم جالسين فالبيت ...ريحانة(خرجات من الكوزينة حيدات جلابتها بقات ببيجامة طويلة ودايرة فيها تزارة ديالها فيها تليفونها وبزطامها عاد مشات للبيت):هايهاي على الغزالات عاد كتفطرو ...صفاء(وقفات عنقاتها وسلمات عليها):ههه انا لي صبحت ناعسة وخليتهم بلافطور ...ريحانة(دازت كتسلم على شيماء):بصحتكم الالة نعسو وشبعو نعاس نهار ديرو وليداتكم كاعما تبقاو تشوفوه ...صفاء:هي جاية غير تمارة ...قمر(حطات يدها على كرشها):اه احبيبتي تمااااارة نيييت ...كلهم شافو فيها مصدومين ...ريحانة:ههه باركو لقمر تا هي راه حاملة ...فرح:اواااااه ههههه(ناضت عنقاتها)مبرووووك عليك ...قمر:الله يبارك فيك والعقبى ليك ...صفاء(ناضت كضحك عنقاتها):فرحت ليك احبيبتي الله يفكك على خير يا ربي وتفرحي بيه ...قمر(بفرحة وعينيها كيلمعو):انا وياك ان شاء الله نتي ليك دور كبير والله درت بكلامك ونصيحتك الله يسمحليا حتى بغيت حاجتي عاد شديت فصلاتي و قراية القرآن ولكن كيف قلتي ربي كبير حنا كنغلطو وهو كيغفرلنا حتى كنحشمو ...صفاء(بابتسامة):ومعمرك تفرطي فيها الصلاة هي صلة الوصل بينا وبين الله متكونيش من الناس الانانيين لي وقت الحاجة كيصليو وملي يقضي ربي حاجتهم يهجرو صلاتهم ...قمر(دارت اشارة براسها):مستحيل نفرط فيها وحتى قيام الليل ولفتو بزااف مكيجينيش النعاس الا مصليتوش والله ...صفاء:برافو عليك الله يكمل عليك بالخير ...ريحانة:امييين يا ربي راه عاد كي عرفنا دابا كنا عند الطبيبة نيت ...شيماء:شحال عندك ...قمر:بحال صفاء شهر هه ...فرح:هي خالد باقي مفراسو والو ...ريحانة:لا اليوم يعرف صفاء بنتي راه عيطت لمماك باش تجي هي وختك يتغداو معانا هنا ...صفاء:مرحبا بيهم وبيكم احسن حاجة درتو والله(بغصة)من ديما كتعجبني اللمة واخا ناقصة هاد المرة ...ريحانة(بغات تبدل الموضوع):يلاه طلقو راسكم فطرو وجمعو هاد الطبلة باش تنوضو نقول لكل وحدة فيكم شنو غدير ...فرح(شافت فشيماء):مشينا فيها انا وياك ...شيماء(باستغراب):علاش!! ...فرح:حيت ببساطة هادو حاملات غتعطيهم الساهل وانا وياك غنشقاو ...ريحانة:ههه باز غتهدمي جبال........ #يتبع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM