💫💜 قصة_المحلل 💜💫 #الجزء 80 : 💥💕 هيثم(شاف فيها وشاف ففدوى لي موراها تتشوف فبشرى):سلام!! ...فتيحة:احم كاينة زهرة ...هيثم:وي كاينة(تنحى للباب شوية)دخلو ...دخلات فتيحة ابتاسمات لبشرى ودخلات فدوى شافت فيها عاقدة غوباشتها وحتى بشرى خنزرات فيها غير فاتها وهي تشوف فهيثم لي سد الباب وضار غيدخل ...بشرى:مبقاتش عندك الخدمة ...هيثم:خاصني نشوف شنو بغاو ...بشرى:اش غيبغيو راها سولات على خالتي ماشي جاية دابز ...هيثم:بشوية مالك كتغوتي دابا ...بشرى:شوف نتا ...هيثم:يا ربي السلامة هاوا غادي الا تناتفات اسماء هي وياهم متعيطيليش ...بشرى:مغنعيطش غير سير ...هيثم(باسها وتم خارج):مغيارة هه ...تبعاتو سدات الباب ومشات دخلات عندهم سلمو عليهم وجلسات فتيحة حدا زهور تتسولها على احوالها وكل وحدة كتصبر لخرا اما فدوى غير كطلع وتهبط فيها ...صهيب:احم المهم نمشيو حنا صفاء ...صفاء:اه واخا ...فتيحة:بلاتي ابنتي بغيت نهضر معاك ...صهيب:ياك لباس!! ...صفاء:صهيب ...جلس حداها كيسوط مكيحملش شي حد من جهة حميد يبان قدامها واخا مكانتش بيناتهم شي علاقة كبيرة ولكن كأي رجل غيرتو كتحرك وكيبغي يتماسى بمرة بلي راه كانت ملك رجل آخر قبل منو ...فتيحة:اول حاجة سمحوليا على هاد المجية وتاني حاجة انا جاية نطلب منكم السماحة واحد واحد واخا منستاهلش ودكشي لي درت فيكم لا انا لا ولادي نستاهلو عليه السماحة ...زهور:لي فات مات ا فتيحة ...فتيحة:ولو انا جيت نتسامح معاكم وخصوصا نتي ا صفاء عشتي معايا فترة قصيرة فالدار عدبتك فيها وكرهتك فحياتك لا نتي لا ولدي(عمرو عينيها دموع)حرمت عليه العيشة وفرقت بيناتكم وهو كان كيبغيك ...صهيب(بعصبية):السيدة لي كتهضري معاهاااا دابا راها مزوجة ا الشريفة ...فتيحة:عارفة اولدي ولكن هدشي لي كاين انا اليوم جيت عندكم نتسامح معاكم ونتوادع معاكم ...زهور:على مالكم فين غاديين ...فتيحة:غنرحلو من هنا ...زهور(شاف ففدوى لي كتشوف غير فبشرى):خير ديري ا فتيحة الا بقيتي هنا غير غتبقاي تفكري فموت ولدك ونيت تا فدوى خاصها دير شي حاجة لي توقف بيها على رجليها جتى يجيبليها الله ولد الناس ...فتيحة:دكشي لي كاين(شافت فصفاء)سمحتي ليا ابنتي ...صفاء:خالتي فتيحة متي عارفة بلي انا مكنهزش فقلبي وديك النهار قتليك بلي مسامحاك ومسامحة حتى حميد الله ارحمو حنا غير بشر كنغلطو والانسان ديال بصح هو لي كيعترف بالخطأ ديالو ويعتادر ...ناضت فتيحة عنقاتها وهي تتبكي وعنقات زهور ...اسماء:ونتي مكتعتادريش ...فدوى(ميقات فيها):الصمت ...اسماء:باز ...بشرى(بهمس):سكتي واش باغا تجبدي الصداع ...اسماء:اش درت ...صفاء:اسماء براكة ...سلمات عليهم فتيحة وودعاتهم جرات بنتها وخرجات ...زهور:واش نتي مكتحشميش ...اسماء:راه مدرنا والو مشفتيهاش كي كتخنزر فيا ...صفاء:صهيب نمشيو ...صهيب:يلاه ...مشا سبقها تا تبعاتو ركبات حداه والطريق كاملة وهو ساكت حتى وصلو حلات الباب باش تنزل وشافت فيه ...صفاء:مغطلعش؟ ...صهيب:لا ...صفاء:مالك كتهضر هاكا ...صهيب(ضار عندها سد الباب وشاف فيها):واش باقة تتفكري فيه ...صفاء:شكون؟! ...صهيب:بفففف صافي نزلي ...صفاء:لااا قول شكون(سكتات وخرجات فيه عينيها)لااا واش من نيتك ا صهيب تتفكر فيا هاكا ؟؟ ...صهيب:ما قلت والو ...صفاء:لااا غير قووووول نيييت ميسحابليش بلي نتا ممكن تفكر بحال هاد التفكير وخصوصا معايااا نتا اكتر واحد عااارف شنو داز عليا وانا مزوجة بداك السيد ...صهيب(بالغوات):وحييييت عاااارف كنستغرب كيفااااااش ممكن تسااااامحييييه وتهضرررري عليييه بدييييك الطريييقة ....صفاء:وااااش تسطيتي نتا ولا شنووو راك تتهضر على واااحد ميت ميت ا عبااااد الله احححح(شدات كرشها)افففف يا ربي ...صهيب(بخوف):مالك شنو كيضررك ...صفاء(حلات الباب):بعد مني عافاك........ #يتيع.......♥️🔥 تابعوا باقي القصة واكتشفوا قصصًا أخرى عبر : الفايسبوك : www.facebook.com/9isasRM